2013 ᐃᓄᐃᑦ ᐅᖃᐅᓯᕐᓄᑦ ᐱᓇᓱᐊᕈᓯᖓᑦ

2013 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ  | 2014 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ  |2015 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ  | 2016 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ  |  2017 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ    | 2018 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ  | 2019 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2020 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2021 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | ᐃᑭᐊᖅᑭᕕᐅᑉ ᐱᒋᐊᕐᕕᖓ

ᐅᖃᐅᓯᕗᑦ ᓴᙱᔫᑎᓪᓚᕗᑦ – ᐅᖃᓪᓚᖃᑦᑕᕐᓗᑕ ᐃᓄᒃᑐᑦ  2013

ᓄᓇᕗᒻᒥᐅᑦ ᐃᓄᐃᑦ ᐅᖃᐅᓯᖏᓐᓄᑦ ᐱᓇᓱᐊᕈᓯᖅ ᐱᓕᕆᕝᕕᐅᕙᒃᐳᖅ ᑲᑐᔾᔨᓗᑕ ᐱᒻᒪᕆᐊᓘᓂᖓᓄᑦ ᐅᖃᐅᓯᖅᐳᑦ, ᖃᓄᕐᓗ ᑐᑭᖃᕐᒪᖔᑦ ᓯᕗᓂᒃᓴᑦᑎᓐᓄᑦ ᓄᓇᒋᔭᑦᑎᓐᓂ. ᑕᒪᑐᒪᓂ ᐊᕐᕌᒍᒥ ᐱᓕᕆᐊᖑᓂᐊᖅᑐᖅ ᐅᓇᐅᕗᖅ, ᐅᖃᐅᓯᖅᐳᑦ ᓴᙱᑏᓐᓇᕐᓚᕗᑦ, ᐅᖃᓪᓚᒃᐸᒡᓗᑕ ᐃᓄᒃᑐᑦ.

“ᒥᓂᔅᑕᕆᔭᐅᑎᓪᓗᖓ ᐅᖃᐅᓯᕐᓄᑦ, ᑎᓕᐅᓚᐅᖅᐸᒃᑲ ᓄᓇᕗᒻᒥᐅᓕᒫᑦ ᐅᖃᐅᓯᖅᐳᑦ ᓴᙱᑏᓐᓇᖁᓪᓗᒍ ᐅᖃᓪᓚᒍᑎᒋᕙᒡᓗᒍ ᐊᑐᖅᐸᒡᓗᒍᓗ ᖃᐅᑕᒫᑦᑎᐊᖅ, ᐱᓗᐊᙳᐊᕐᓗᓂ ᓄᑕᖅᑲᑦᑎᓐᓄᑦ ᑕᒪᒃᑯᐊᓗ ᓯᕗᒻᒧᐊᖅᑎᑦᑎᕙᓪᓕᐊᔪᒫᖅᖢᑎᒃ ᑕᒪᑐᒥᖓ ᐆᒪᑎᓪᓗᒍᓗ.” ᑕᐃᒪᓐᓇ ᒪᓕᒐᓕᐅᖅᑎ ᔭᐅᒥᓯ ᐋᕆᐊᒃ ᐅᖃᖅᖢᓂ.

ᓄᓇᕗᒻᒥᐅᑦ ᐃᓄᐃᑦ ᐅᖃᐅᓯᕐᓄᑦ ᐱᓇᓱᐊᕈᓯᖓᑦ ᐊᑐᖅᑕᐅᓂᐊᖅᐳᖅ ᕕᕗᐊᕆ 18-ᒥᑦ-22-ᒧᑦ, 2013-ᒥ. ᑕᒪᑐᒪᓂ ᐊᕐᕌᒍᒥ ᐃᓚᖏᓐᓂ ᐱᓕᕆᐊᖑᖃᑕᐅᓂᐊᖅᑐᓂ, ᐃᓕᖅᑯᓯᓕᕆᔨᒃᑯᑦ ᓴᖅᑭᑎᑦᑎᓂᐊᖅᑐᑦ ᑕᖅᓯᖅᓱᒐᒃᓴᓂᒃ ᒪᒃᐱᖅᑐᒐᓂᒃ ᓄᑕᖅᑲᓄᑦ ᓴᖅᑭᑎᑦᑎᓪᓗᑎᒡᓗ ᕿᓪᓕᖅᑐᒥᒃ ᓇᓪᓕᐅᑎᔪᓄᑦ ᐃᙱᐅᑎᑕᖃᖅᖢᓂ ᐃᓄᒃᑑᖓᔪᓂᒃ. ᐃᓕᖅᑯᓯᓕᕆᔨᒃᑯᑦᑕᐅᖅ ᐱᓕᕆᖃᑎᖃᕐᒥᔪᑦ ᑎᑎᕋᕐᕕᖓᓂᒃ ᐅᖃᐅᓯᕐᓄᑦ ᑲᒥᓯᓇᒋᔭᐅᔫᑉ ᓴᖅᑭᑎᑦᑎᔪᒪᓪᓗᑎᒃ ᐊᑭᓐᓇᒥᐅᑕᕐᒥᒃ ᐃᓛᒃᑰᖅᑐᓄᑦ.

ᐃᓄᒃᑐᑦ ᐅᖃᐅᓯᑐᖃᐅᕗᑦ ᐊᑕᐅᓯᐅᓪᓗᓂᓗ ᐅᖃᖅᑕᐅᕙᒃᖢᓂ, ᓇᓗᓇᐃᖅᓯᓪᓗᓂᓗ ᑕᒪᐃᖕᓂᒃ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᓂ ᐊᔾᔨᒌᙱᐊᕐᔪᒃᑑᖕᓂᒃ ᐃᓄᐃᓐᓇᖅᑐᓐ ᐊᑐᖅᑕᐅᕙᒃᑐᒥᒃ ᑲᓇᖕᓇᖅᐸᓯᐊᓂ ᕿᑎᕐᒥᐅᑦ, ᐃᓄᒃᑎᑐᓪᓗ ᐊᑐᖅᑕᐅᕙᒃᖢᓂ ᐊᓯᓕᒫᖓᓂ ᓄᓇᕗᒻᒥ. ᑕᒪᕐᒥᑦᑎᐊᖅ ᓄᓇᕗᒻᒥᐅᑦ ᑎᓕᐅᖅᑕᐅᕗᑦ ᖁᕕᐊᓱᒍᑎᖃᖁᔭᐅᓪᓗᑎᒃ ᐊᑐᖃᑦᑕᖁᔨᓪᓗᑎᒡᓗ ᐃᓄᒃᑑᒥᒃ ᐊᖏᕐᕋᒥᓂ, ᓄᓇᓕᖕᓂ ᐃᓕᓐᓂᐊᕐᕕᖕᒥᓗ. 

ᑐᓴᖅᑕᒃᑲᓐᓂᕈᒪᒍᕕᑦ ᐃᓄᐃᑦ ᐅᖃᐅᓯᖏᓐᓄᑦ ᐱᓇᓱᐊᕈᓯᕆᔭᐅᔪᒧᑦ, ᐅᓇ ᑕᑯᔭᖅᑐᕐᓗᒍ http://www.ch.gov.nu.ca