ᐅᖃᓚᐅᑎᓯᐅᑏᑦ

You are here

ᓴᒃᑯ ᐃᓕᓐᓂᐊᕐᕕᒃ ᓴᓪᓕᕐᓂ ᑐᑭᓯᒋᐊᕋᓱᖕᓂᖅ

ᔭᓐᓄᐊᓕ 17, 2020

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓴᒃᑯ ᐃᓕᓐᓂᐊᕐᕕᒃ ᓴᓪᓕᕐᓂ ᑐᑭᓯᒋᐊᕋᓱᖕᓂᖅ

ᓄᓇᕗᑦ ᒐᕙᒪᖓ ᑐᑭᓯᔪᒪᒐᓗᐊᕐᒪᑕ ᖃᓄᖅ ᓄᑖᙳᕆᐊᖅᑎᑦᑎᓂᖅ ᐃᓚᔭᐅᓂᖓᓗ ᓴᒃᑯ ᐃᓕᓐᓂᐊᕐᕕᖓ ᓴᓪᓕᕐᓂ ᐃᓱᒪᒋᔭᐅᖕᒪᖔᖅ.

ᓄᑖᙳᕆᐊᖅᑕᐅᓪᓗᓂ ᓂᕈᑦᑐᕆᐊᖅᑕᐅᓪᓗᓂᓗ ᐃᓕᓐᓂᐊᕐᕕᑐᖃᖅ ᑐᑭᖃᖅᑐᕐᓕ ᓄᓇᓕᖕᒥᐅᖑᖃᑎᒌᑦ ᓂᕈᑐᓂᖅᓴᒥᒃ ᐃᖃᐃᓕᓴᕐᕕᒃᑖᕐᓂᐊᕐᒪᑕ ᑕᐃᒫᒡᓗ ᐱᔨᑦᑎᕋᐅᑎᒃᓴᐃᑦ ᓄᑕᖅᑲᓄᑦ ᐃᓚᒋᐊᕈᓐᓇᕐᓂᐊᓕᖅᖢᑎᒃ, ᐊᖓᔪᖅᑳᖏᓐᓄᑦ ᐊᒻᒪᓗ ᐃᓕᓐᓂᐊᖅᑎᓄᑦ ᑎᒥᒥᒍᓪᓘᓃᑦ ᖃᕆᓴᒃᑯᓪᓘᓃᑦ ᐊᔪᕈᑎᓖᑦ ᐱᕕᖃᕈᓐᓇᕐᓂᖅᓴᐅᓂᐊᓕᖅᖢᑎᒃ. ᓄᑖᑦ ᐃᓕᓐᓂᐊᕐᕕᐊᕈᓰᑦ ᐃᑲᔪᖅᓯᕐᓂᐊᕆᕗᑦ ᓯᕗᓂᒃᓴᒥ ᐃᓄᒋᐊᒃᓯᒃᑲᓐᓂᕋᓗᐊᕐᓂᖅᐸᑦ ᐊᒻᒪᓗᑦᑕᐅᖅ ᐃᓕᖅᑯᓯᑐᖃᓕᕆᓂᕐᒥᒃ ᐃᓕᓐᓂᐊᕈᓐᓇᕐᓂᐊᓕᖅᖢᑎᒃ.

ᖃᓄᖅ ᐃᓱᒪᒋᔭᐅᖕᒪᖔᖅ ᐃᒃᐱᒋᔭᐅᖕᒪᖔᕐᓘᓃᑦ ᑐᓴᕈᒪᔫᒐᓗᐊᑦ ᓄᓇᕗᑦ ᒐᕙᒪᖓᑦ ᐃᓄᖕᓂᒃ ᑎᒥᐅᔪᓂᒡᓗ ᐃᑲᔪᕐᓂᐊᕐᓂᖓᓄᑦ ᒐᕙᒪᒃᑯᓄᑦ ᐊᑲᐅᔪᒥᒃ ᓈᒻᒪᒋᔭᐅᔪᒥᒡᓗ ᐃᓕᓐᓂᐊᕐᕕᖃᖅᑎᑦᑎᔪᒪᒧᑦ, ᓴᓪᓕᕐᒥᐅᑦ ᐱᔭᕆᐊᓕᖏᑦ ᐊᖑᔭᐅᓯᒪᒐᓗᐊᕐᒪᖔᑕ ᐃᓄᖁᑎᖏᑦ ᑐᓴᕐᕕᐅᔪᒪᔪᑦ ᐊᕐᕌᒍᒐᓴᖕᓄᑦ ᐊᒡᒋᖅᑐᓄᑦ ᐊᑲᐅᓇᔭᕋᓗᐊᕐᒪᖔᖅ.

ᐃᓄᓕᒫᓂᒃ ᑐᓴᕋᓱᐊᕐᓂᖅ ᐃᖏᕐᕋᑎᑕᐅᓂᐊᖅᑐᖅ ᐊᐃᑉᐱᕐᒥ, ᔭᓄᐊᕆ 21, 2020−ᒥ, ᐅᓐᓄᑯᑦ 6:30 ᐱᒋᐊᕐᓗᓂ 8:30−ᒧᐊᕋᓱᖕᓂᖓᓄᑦ, ᓴᒃᑯ ᐃᓕᓐᓂᐊᕐᕕᖓᑕ ᐃᖃᐃᓕᓴᕐᕕᖓᓂ.

ᑐᓴᒃᑲᓐᓂᕈᒪᒍᕕᑦ ᐊᓯᔾᔨᖅᐸᓪᓕᐊᔪᓂᒃ ᖃᓄᕐᓗ ᐃᓱᒪᒋᔭᕐᓂᒃ ᑐᓴᖅᑎᑦᑎᖁᔨᒍᕕᑦ, ᐊᑏ ᑐᓴᖅᑎᒃᑭᑦ ᓴᒃᑯ ᐃᓕᓐᓂᐊᕐᕕᖓᑕ ᐃᓕᓴᐃᔨᓄᑦ ᐊᖓᔪᖅᑳᖓᑦ ᑐᕌᕕᔅ ᑲᓛᒃ ᐃᕐᖐᓐᓈᖅᑕᐅᑎᖓ TKlak@gov.nu.ca ᐅᖄᓚᔪᓐᓇᕆᓪᓗᑎᓪᓗ 867-925-9923.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑐᕋᐃ ᕉᑦᔅ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5680
TRhoades@GOV.NU.CA