ᐅᖃᓚᐅᑎᓯᐅᑏᑦ

You are here

ᖃᐅᔨᓴᕐᓂᕐᒧᑦ: ᐅᐃᕖᑎᑐᑦ ᐱᓕᕆᐊᒃᓴᖓᑦ ᑐᙵᓱᒃᑎᑦᑎᕗᖅ ᑐᒃᓯᕋᖅᑐᓂ

ᔭᓐᓄᐊᓕ 30, 2020

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᖃᐅᔨᓴᕐᓂᕐᒧᑦ: ᐅᐃᕖᑎᑐᑦ ᐱᓕᕆᐊᒃᓴᖓᑦ ᑐᙵᓱᒃᑎᑦᑎᕗᖅ ᑐᒃᓯᕋᖅᑐᓂ

ᐃᓕᓐᓂᐊᖅᑐᓕᕆᔨᒃᑯᑦ ᕿᓂᖅᐳᑦ ᒪᒃᑯᒃᑐᓂ ᐅᑭᐅᓕᖕᓂᑦ 13−ᒥᑦ 18−ᒧᑦ ᐊᒻᒪ ᓯᓚᑦᑐᖅᓴᕐᕕᖕᒥᑦ ᐃᓕᓐᓂᐊᖅᑐᓂ ᐱᓇᓱᐊᖁᔨᕗᑦ ᖃᐅᔨᓴᕈᓐᓇᕐᓂᕐᒧᑦ. ᖃᐅᔨᓴᕐᓂᖅ ᐱᓇᓱᐊᕈᓯᕐᓂᑦ ᐱᖓᓱᓂ ᑕᓪᓕᒪᓂᓘᓐᓃᑦ ᐅᐱᕐᖓᒥᑦ ᐊᐅᔭᐅᓂᐊᖅᑐᒥᓘᓐᓃᑦ ᐅᐃᕖᑎᑐᑦ ᐱᓕᕆᐊᖃᕐᓂᐊᖅᑐᑦ, ᐊᔾᔨᐅᙱᑦᑐᓂ ᐅᐸᒃᑕᐅᓕᒑᔪᓂ ᑲᓇᑕᒥᑦ.

ᓄᓇᕗᒻᒥᐅᑉ ᐃᓕᓐᓂᐊᕈᓐᓇᕐᓂᖅᑐᑦ ᓄᑖᒥᑦ ᐅᖃᐅᓯᕐᒥᑦ ᐃᓗᐊᓂ ᓯᓚᑖᓂ ᐃᓕᓐᓂᐊᕐᕕᐅᑉ, ᖃᐅᔨᓴᓯᓐᓈᕐᓗᑎᑦ ᓄᑖᓂ ᐱᓕᕆᐊᒃᓴᓂ ᑲᓇᑕᒥᑦ ᐱᖃᓐᓇᕆᔭᖅᑖᓯᓐᓈᕐᓗᑎᓪᓗ. ᐱᖃᑕᐅᔪᑦ ᐊᕕᒃᑐᖅᑕᐅᓂᐊᖅᑐᑦ ᒪᓕᒡᓗᒍ ᐅᖃᕈᓐᓇᕐᓂᖏᑦ ᐱᓕᕆᐅᖅᓴᓂᐊᖅᑎᓪᓗᒋᓪᓗ ᐅᐃᕖᑎᑐᑦ ᐃᑲᔪᖅᑕᐅᓗᑎᒃ ᐊᒻᒪ ᑲᑎᙵᓗᑎᑦ ᐊᓃᖅᑎᑕᐅᖃᑦᑕᕐᓗᑎᒃ. ᐊᐃᕖᑎᑑᓕᒻᒪᒃᓴᓚᐅᖅᓯᒪᒋᐊᖃᖏᑦᑐᑦ.

ᓂᕆᔭᒃᓴᑦ, ᑐᔪᕐᒥᕖᑦ, ᐃᓕᓐᓂᐊᕈᑎᒧᑦ ᐊᑭᓕᒐᒃᓴᑦ, ᐃᓕᓐᓂᐊᕈᑎᑦ, ᐃᓕᓐᓂᐊᖅᑕᐅᓂᐊᖅᑐᑦ ᐃᓚᖏᓪᓗ ᑲᑎᙵᓗᑎᒃ ᐱᓕᕆᐊᖑᓕᒑᔪᑦ ᑲᒪᒋᔭᐅᓕᒑᕗᑦ ᐊᖏᖅᑕᐅᓂᐊᖅᑎᓪᓗᒋᑦ ᐱᖃᑕᐅᓂᐊᖅᑐᓄᑦ ᖃᐅᔨᓴᕐᓂᕐᒧᑦ. ᖃᖓᑦᑕᐅᑎᑦ ᐊᑭᓕᒐᒃᓴᑦ ᐊᑭᓕᑕᐅᑲᐅᑎᒋᒋᐊᓖᑦ ᐱᖃᑕᐅᓂᐊᖅᑐᓄᑦ ᑭᓯᐊᓂ ᐅᑎᖅᑎᑕᐅᔪᓐᓇᕐᓗᑎᑦ ᐊᑭᓖᓚᐅᕐᓂᕐᒥᓄᑦ ᐃᓕᓐᓂᐊᖅᑐᓕᕆᔨᒃᑯᑦ ᐱᓕᕆᐊᒥᖕᓄᑦ ᐱᔭᕇᖅᑎᓪᓗᒋᑦ.

ᕖᕝᕗᐊᕆ 15, 2020−ᒥᑦ ᑐᒃᓯᕋᖅᓵᓕᔪᓄᑦ ᐃᓱᓕᕝᕕᖃᖅᐳᖅ. ᑐᓴᒃᑲᓐᓂᕈᒪᓐᓂᕈᕕᑦ, ᖃᐅᔨᒋᐊᕈᓐᓇᖅᐳᑦ ᓄᓇᕗᒻᒥᑦ ᐊᐅᓚᑦᑎᔨᐊᓄᑦ, ᐸᒃᑳᓪ ᐸᐃᓚᒎᖕᒧᑦ, 867-975-5677−ᒧᑦ ᐅᕝᕙᓘᓐᓃᑦ PBaillargeon@gov.nu.ca, ᖃᐅᔨᒋᐊᕐᓗᑎᒡᓘᓐᓃᑦ www.myexplore.ca−ᒧᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑐᕋᐃ ᕉᑦᔅ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5680
TRhoades@gov.nu.ca