ᐅᖃᓚᐅᑎᓯᐅᑏᑦ

You are here

ᒪᒃᑯᒃᑐᑦ ᑲᑎᒪᕕᒡᔪᐊᓚᐅᖅᑐᑦ ᑲᖏᖅᖠᓂᕐᒥ

ᐊᒃᑐᐸ 18, 2018

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᒪᒃᑯᒃᑐᑦ ᑲᑎᒪᕕᒡᔪᐊᓚᐅᖅᑐᑦ ᑲᖏᖅᖠᓂᕐᒥ

ᓄᓇᕗᑦ ᒐᕙᒪᖓᓂ ᐃᓕᓐᓂᐊᕐᓂᓕᕆᔨᒃᑯᑦ, ᑲᑐᔾᔨᖃᑎᖃᖅᖢᑎᒃ ᑲᓇᑕᒥ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔪᕆᐊᖅᑎᓂᑦ, ᐱᔪᓐᓇᕐᓂᖃᕐᓂᖅ ᐱᐅᔪᒥᑦ ᒪᒃᑯᒃᑐᓂᑦ ᑲᑎᒪᕕᒡᔪᐊᑎᑦᑎᓚᐅᖅᐳᑦ ᑲᖏᖅᖠᓂᕐᒥ ᐅᑐᐱᕆ 11 ᐊᒻᒪ 12-ᒥᑦ, 2018. ᑲᑎᒪᕕᒡᔪᐊᖅᑐᑦ ᐃᑲᔪᖅᑐᐃᓚᐅᖅᐳᑦ ᐃᓕᓐᓂᐊᖅᑎᓂᒃ ᓯᕗᓕᐅᖅᑎᐅᔪᓐᓇᖅᑐᓂᑦ ᐊᒻᒪ ᐱᕚᓪᓕᖅᑎᑦᑎᓇᓱᒃᖢᑎᒃ ᐃᓕᓐᓂᐊᖅᑏᑦ ᐃᓅᓯᖃᑦᑎᐊᓕᒃᑲᓐᓂᖁᓪᓗᒋᑦ.

ᐃᓕᓐᓂᐊᖅᓯᓐᓈ ᑲᑎᒪᑎᑕᐅᔪᑦ ᐱᔾᔪᑎᖃᓗᐊᓚᐅᖅᐳᑦ ᓂᕆᐅᖕᓂᕐᒥᑦ ᐊᒻᒪ ᑲᑎᙵᖃᑎᒌᖕᓂᕐᒥᑦ, ᐊᒻᒪᓗ ᐊᑐᖅᑕᐅᕙᓪᓕᐊᓇᔭᖅᑐᓂᒃ ᐱᕙᓪᓕᐊᑎᑦᑎᓂᐊᕐᓗᑎᒃ ᐃᓅᖃᑎᖃᕈᓐᓇᑦᑎᐊᕐᓂᕐᒥᒃ. ᐃᓕᓐᓂᐊᖅᑎᓂᒃ ᐃᓕᓐᓂᐊᕈᑕᐅᓚᐅᕆᕗᖅ ᖃᓄᖅ ᐊᑲᐅᓂᖅᓴᒃᑰᕆᐊᖅᑎᑦᑎᓇᓱᒍᓐᓇᕐᓂᕐᒥᒃ ᓲᖑᓴᒃᑐᖃᖅᑎᓪᓗᒍ, ᖃᓄᖅ ᐊᓂᒍᐃᔪᓐᓇᕐᓂᕐᒥᒃ ᐋᖓᔮᕐᓇᖅᑐᒥᑦ ᐊᑐᕐᓂᕐᓗᒃᐸᒡᓗᓂ, ᐊᔪᙱᑕᒥᓂᒃ ᐊᑐᖃᑦᑕᕐᓗᑎᒃ ᐃᓅᓯᕐᒥᓂ ᐊᑲᐅᓯᕚᓪᓕᖅᑎᑦᑎᓇᓱᒡᓗᑎᒃ ᐊᒻᒪ ᐊᓯᖏᑕ ᐃᓅᓯᖏᓐᓂᒃ, ᖃᓄᖅ ᓯᕗᓕᖅᑎᐅᔪᓐᓇᕐᓂᕐᒥᒃ ᐅᔾᔨᖅᓱᕆᐊᖅᑎᑦᑎᓇᓱᒡᓗᑎᒃ, ᐊᒻᒪ ᖃᓄᖅ ᓇᖕᒥᓂᖅ ᐊᓯᒥᓂᒡᓗ ᑲᒪᒋᔪᓐᓇᕐᓂᕐᒥᒃ ᐊᔪᕐᓇᑐᖅᓯᐅᖅᑐᖃᖅᑎᓪᓗᒍ.

ᐱᔪᓐᓇᕐᓂᖃᕐᓂᖅ ᐱᐅᔪᒥᑦ ᒪᒃᑯᒃᑐᑦ ᑲᑎᒪᕕᒡᔪᐊᖅᑎᓪᓗᒋᑦ ᐱᕕᒃᓴᑦᑎᐊᕙᐅᓚᐅᕆᕗᖅ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᖏᓐᓄᑦ ᐊᒻᒪ ᐃᓕᓐᓂᐊᖅᑎᓄᑦ ᑲᑎᙵᖃᑎᒌᒃᖢᑎᒃ, ᐃᓕᓐᓂᐊᖅᖢᑎᒃ ᐊᒻᒪ ᑐᓴᖅᑎᑦᑎᓪᓗᑎᒃ ᐱᒻᒪᕆᐅᓂᖓᓂᒃ ᐱᕙᓪᓕᐊᑎᑦᑎᓗᑎᒃ ᐃᓅᖃᑎᒌᑦᑎᐊᒃᑲᓐᓂᕈᑎᒃᓴᓂᒃ ᐊᒃᓱᕈᕐᓇᖅᑐᖅᓯᐅᖅᑐᖃᖅᑎᓪᓗᒍ. ᑭᖑᓂᑦᑎᓐᓂ ᒪᒃᑯᒃᑐᑦ ᑲᑎᒪᕕᒡᔪᐊᖅᑎᑕᐅᓚᐅᖅᐳᑦ ᐃᖃᓗᒃᑑᑦᑎᐊᒥ ᐅᐱᕐᙶᒃᑯᑦ 2018-ᒥᑦ ᐊᒻᒪ ᐃᖃᓗᖕᓂ ᐅᑭᐊᒃᓵᒃᑯᑦ 2016-ᒥ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᔩᓐ ᐱᓕᑉ ᓚᐳᕆᔅ
ᐊᐅᓚᑦᑎᔨ, ᑐᓴᐅᒪᔪᓕᕆᓂᕐᒧᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5645
jplaprise@gov.nu.ca