ᐅᖃᓚᐅᑎᓯᐅᑏᑦ

You are here

ᑮᓇᐅᔭᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᓇᓗᓇᐃᖅᓯᕗᑦ ᓄᑖᕐᒥ ᐅᓪᓘᑉ ᐃᓚᐃᓐᓇᖓᒍᑦ ᐃᓕᓐᓂᐊᒐᒃᓴᓄᑦ ᐊᐃᑦᑑᑎᓂᒃ

ᔪᓚᐃ 26, 2022

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᑦ

ᑮᓇᐅᔭᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᓇᓗᓇᐃᖅᓯᕗᑦ ᓄᑖᕐᒥ ᐅᓪᓘᑉ ᐃᓚᐃᓐᓇᖓᒍᑦ ᐃᓕᓐᓂᐊᒐᒃᓴᓄᑦ ᐊᐃᑦᑑᑎᓂᒃ

ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᑎᑦ ᖁᕕᐊᓱᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᓄᑖᒥᒃ ᐊᑐᖅᑐᐊᖅᑎᓄᑦ ᐃᓚᒋᐊᕈᑎᓂᒃ ᓴᖅᑭᑦᑎᖕᒪᑕ, ᐃᓚᒋᐊᕈᑎᑦ ᐊᐃᑦᑑᑎᓪᓗ ᐃᑲᔫᓯᐊᑎᒍᑦ, ᐅᑭᐅᖅ 2022−ᒥ ᐱᒋᐊᕐᓂᐊᖅᖢᓂ. ᐅᑯᐊ ᐊᐃᑦᑑᑎᑦ ᐃᑲᔫᑎᒃᓴᓕᐊᖑᓯᒪᕗᑦ ᐃᓕᓐᓂᐊᖅᑎᓄᑦ ᐊᓂᒍᐃᓇᓱᒃᑎᓪᓗᒋᑦ ᐅᓪᓘᑉ ᐃᓚᐃᓐᓇᖓᒍᑦ ᐃᓕᓐᓂᐊᖅᑎᓄᑦ.

ᐃᓚᐅᔪᓐᓇᕈᒪᒍᔅᓯ ᐅᓪᓘᑉ ᐃᓚᐃᓐᓇᖓᓄᑦ ᐃᓕᓐᓂᐊᕐᓂᐊᖅᑐᓂᒃ ᐊᐃᑦᑑᑎᓂᒃ, ᐃᓕᓐᓂᐊᖅᑎ ᐃᒪᐃᑦᑕᕆᐊᖃᖅᐳᖅ:

  • ᑲᓇᑕᒥᐅᑕᐅᓗᓂ ᐅᕝᕙᓘᓐᓃᑦ ᑲᓇᑕᒥᐅᑕᓪᓚᕆᐅᓗᓂ;
  • ᐊᖏᖅᑕᐅᓯᒪᓗᓂ ᐊᑎᓕᐅᖅᑕᐅᓂᕐᒧᑦ ᐃᓕᓐᓂᐊᖅᑕᐅᔪᒃᓴᓂᒃ ᐊᖏᖅᑕᐅᓯᒪᔪᒧᑦ ᓯᓚᑦᑐᖅᓴᕐᕕᖕᒧᑦ ᐅᓪᓘᑉ ᐃᓚᐃᓐᓇᖓᒍᑦ ᐃᓕᓐᓂᐊᖃᑕᐅᔪᒃᓴᐅᓗᓂ;
  • ᓄᓇᕗᒥᐅᑕᐅᓗᓂ ᐊᕐᕌᒍᓕᒫᖅ ᐊᑎᓕᐅᖅᑕᐅᑎᓪᓗᒍ ᐊᖏᖅᑕᐅᓚᐅᖅᓯᒪᑎᓪᓗᒍ; ᐊᒻᒪᓗ
  • ᐱᑎᑕᐅᙱᑉᐸᑦ ᓈᒻᒪᒃᑐᓂᒃ ᐊᐃᑦᑑᑎᓂᒃ ᑕᐃᑲᙵᓂ ᐱᓇᔪᒃᑎᓪᓗᒍ.

ᓄᓇᕗᒥᐅᑕᐅᙱᑦᑐᑦ ᐃᓄᐃᑦ ᐊᔪᙱᑎᑕᐅᑐᐃᓐᓇᕆᐊᓕᑦ ᐅᓪᓘᑉ ᐃᓚᐃᓐᓇᖓᒍᑦ ᐃᓕᓐᓂᐊᖅᑕᒧᑦ ᐊᐃᑦᑑᑎᓂᒃ ᐅᑯᓂᖓ ᐱᔾᔪᑎᖃᕐᓗᑎᒃ:

  • ᐃᓕᓐᓂᐊᖅᑎᑦ ᐊᔪᙱᑎᑕᐅᕗᑦ ᐅᓪᓘᑉ ᐃᓚᐃᓐᓇᖓᓄᑦ ᐃᓕᓐᓂᐊᖅᑐᓄᑦ ᐊᐃᑑᑎᑖᖅᑎᑕᓄᑦ ᐅᓄᓛᖃᕐᓗᒍ ᐅᑭᐅᓄᑦ ᑎᓴᒪᓄᑦ ᐃᓕᓐᓂᐊᕐᓇᓄᑦ, ᐱᖃᓯᐅᑎᙱᓪᓗᒋᑦ ᐃᓕᓐᓂᐊᖅᑎᓪᓗᒋᑦ ᐱᑎᑕᐅᓚᐅᕐᓂᖅᐸᑕ ᓈᒻᒪᒃᑐᓂᒃ ᐊᐃᑦᑑᑎᓂᒃ.
  • ᐃᓕᓐᓂᐊᖅᑎᑦ ᐅᑭᐅᑦ ᐊᔪᖅᑎᑕᐅᙱᑦᑐᓄᑦ ᓈᒻᒪᒃᑐᓂᒃ ᐊᐃᑦᑑᑎᓂᒃ ᐅᓄᕈᓐᓃᕆᐊᖅᑕᐅᓲᖑᕗᑦ ᖃᔅᓯᐅᓂᖏᓐᓄᑦ ᐃᓕᓐᓂᐊᖅᑕᖏᑦ ᐃᓕᓐᓂᐊᖅᑎ ᐱᑎᑕᐅᑎᓪᓗᒍ ᐅᓪᓘᑉ ᐃᓚᐃᓐᓇᖓᓄᑦ ᐃᓕᓐᓂᐊᖃᑕᐅᓂᐊᖅᑎᓪᓗᒍ ᐊᐃᑦᑑᑎᓂᒃ.
  • ᖃᐅᔨᒪᖁᔭᐅᕗᓯ ᑖᒃᑯᐊ ᐊᒃᑑᑎᔪᑦ ᐊᔪᙱᑦᑐᓄᑦ ᑭᒡᓕᒋᑎᑕᐅᔪᑦ ᐊᑑᑎᖃᙱᒻᒪᑕ ᓄᓇᕗᒥᐅᑦ ᐃᓄᖕᓄᑦ.

ᐅᓪᓘᑉ ᐃᓚᐃᓐᓇᖓᓄᑦ ᐃᓕᓐᓂᐊᕐᓂᕐᒧᑦ ᐊᐃᑦᑑᑎᑦ ᐊᑭᓕᐅᑎᒃᓴᓕᐊᕆᓯᒪᕗᑦ ᐃᓕᓐᓂᐊᕈᑎᓄᑦ ᐊᑭᓕᖅᓱᕆᐊᓕᖕᓄᑦ, ᐅᖃᓕᒫᒐᕐᓄᑦ, ᐊᒻᒪ ᐊᑭᓕᒃᑲᓐᓂᕆᐊᓕᖕᓄᑦ ᐊᑭᑐᓛᖃᕐᓗᒍ $4,943 ᐃᓕᓐᓂᐊᕐᓇᒧᑦ ᐊᕐᕌᒍᒧᑦ. ᐅᑯᐊ ᐊᐃᑦᑑᑎᑦ ᐊᑭᓕᐅᑕᐅᓲᖑᙱᑦᑐᑦ ᐃᓅᓇᓱᐊᕐᓂᕐᒧᑦ ᐊᑭᓕᖅᓱᕆᐊᓕᖕᓄᑦ ᐅᕝᕙᓘᓐᓃᑦ ᖃᖓᑦᑕᐅᑎᓄᑦ.

ᐱᓇᔪᖃᑕᐅᔪᒪᒍᔅᓯ ᐅᓪᓘᑉ ᐃᓚᐃᓐᓇᖓᓄᑦ ᐃᓕᓐᓂᐊᕐᓂᕐᒧᑦ ᐊᐃᑦᑑᑎᓂᒃ, ᐅᕗᙵᕈᓐᓇᖅᐳᓯ https://www.gov.nu.ca/iu/ilinniarnilirijikkut/information/financial-assi....

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᓵᓐᑎ ᑦᓵᓐ
ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨᐅᓚᐅᑲᒃᑐᖅ
ᐃᓕᓐᓂᐊᕐᓂᓕᕆᔨᒃᑯᑦ
867-975-5615
info.edu@gov.nu.ca