ᐅᖃᓚᐅᑎᓯᐅᑏᑦ

You are here

ᑲᓇᑕᒥ ᓄᑕᖅᑲᑦ ᐅᓪᓗᖓ 2021

ᓄᕕᐱᕆ 19, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᑲᓇᑕᒥ ᓄᑕᖅᑲᑦ ᐅᓪᓗᖓ 2021

ᓄᕕᐱᕆ 20−ᒥ, ᐃᓕᓐᓂᐊᕐᓂᓕᕆᔨᒃᑯᑦ ᓄᓇᕗᒥᐅᓂᒃ ᐃᓚᐅᖁᔨᕗᑦ ᐃᓄᒐᓴᒡᔪᐊᓂ ᓄᓇᕐᔪᐊᕐᒥ ᐃᓕᑕᕆᔭᐅᑎᓪᓗᒍ ᑲᓇᑕᒥ ᓄᑕᖅᑲᓄᑦ ᐅᓪᓗᕆᔭᐅᓂᖓ.

ᑲᓇᑕᒥ ᓄᑕᖅᑲᑦ ᐅᓪᓗᖓ ᖁᕕᐊᓲᑎᒋᔭᐅᓲᖅ ᑲᓇᑕᓕᒫᒥ ᐊᖏᖅᓯᒪᓂᖓ ᓴᐳᑎᓗᒋᑦ ᓄᑕᖅᑲᑦ ᐱᔪᓐᓇᐅᑎᖏᑦ ᒪᕐᕉᖕᓂᒃ ᐊᑐᖅᑕᐅᔪᕕᓂᕐᓂᒃ: 1959−ᒥ ᐊᑎᓕᐅᖅᑕᐅᓂᖓ ᑲᑐᔾᔨᖃᑎᒌᒡᔪᐊᑦ ᓄᓇᕐᔪᐊᒥ ᐱᖁᔨᔾᔪᑎ ᐱᔪᓐᓇᐅᑎᖏᓐᓂ ᓄᑕᖅᑲᓄᑦ ᐊᒻᒪᓗ ᑎᒍᐊᖅᓯᓂᕐᒧᑦ ᑲᑐᔾᔨᖃᑎᒌᒡᔪᐊᑦ ᓄᓇᕐᔪᐊᒥ ᑲᑎᒪᕕᒡᔪᐊᕐᓂᖅ ᐱᔪᓐᓇᐅᑎᖏᓐᓄᑦ ᓄᑕᖅᑲᑦ 1989−ᒥ.

ᐊᖏᖅᑕᐅᓗᑎᒃ ᓄᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ 1991−ᒥ, ᑲᓇᑕᒥ ᐊᖏᓚᐅᖅᓯᒪᕗᑦ ᖃᐅᔨᒪᔪᒪᓪᓗᑎᒃ ᓄᑕᕋᓕᒫᑦ ᐃᒃᐱᒋᔭᐅᑦᑎᐊᕐᓗᑎᒃ. ᐅᓇ ᐊᖏᕈᑕᐅᔪᖅ ᐃᓚᓕᐅᔾᔨᓯᒪᔪᖅ ᓄᑕᖅᑲᓄᑦ ᐱᕕᒃᓴᕆᔭᐅᔪᓐᓇᕐᒪᑦ ᓂᓪᓕᕈᓐᓇᖅᖢᑎᒃ, ᓴᐳᔾᔭᐅᓗᑎᒃ ᐋᓐᓂᖅᑕᐅᑦᑕᐃᓕᓂᕐᒧᑦ ᐊᑐᐃᓐᓇᕈᕐᕕᐅᕙᒡᓗᑎᒡᓗ ᖃᐅᑕᒫᑦ ᐊᑐᕆᐊᖃᖅᑕᖏᓐᓄᑦ ᑕᒪᕐᒥᑦᑎᐊᕐᓗ ᐱᕕᒃᓴᕆᔭᐅᔪᓐᓇᖅᑐᑦ ᐊᔪᙱᔾᔪᑎᒋᑦᑎᐊᖁᓪᓗᒋᑦ.

ᑲᓇᑕᒥ ᓄᑕᖅᑲᑦ ᐅᓪᓗᖓ ᖁᕕᐊᓲᑎᒋᓗᒋᑦ ᓄᑕᖅᑲᑦ ᐱᓕᕆᖃᑕᐅᑦᑎᐊᓲᖑᓂᖏᓐᓄᑦ ᐃᓱᒪᓕᐅᕆᖃᑕᐅᔪᓐᓇᑦᑎᐊᕐᒪᑕ. ᐅᓪᓗᒥ ᖁᕕᐊᓲᑕᐅᕗᑦ ᓄᑕᖅᑲᑦ ᐱᓕᕆᖃᑕᐅᑦᑎᐊᖃᑦᑕᕐᓂᖏᓐᓄᑦ ᐃᓅᓯᖏᓐᓂᒃ ᐊᒻᒪ ᓄᓇᓕᖏᓐᓂᒃ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑐᕈᐊᐃ ᕉᑦᔅ
ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨᐅᓚᐅᑲᒃᑐᖅ
ᐃᓕᓐᓂᐊᕐᓂᓕᕆᔨᒃᑯᑦ
867-975-5680
info.edu@gov.nu.ca