ᐅᖃᓚᐅᑎᓯᐅᑏᑦ

You are here

Explore-ᒧᑦ ᑮᓇᐅᔭᐃᑦ ᑐᓐᓂᖅᑯᑕᐅᕙᒃᑐᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ

ᕕᕝᕗᐊᓕ 01, 2018

ᐃᓄᖕᓄᑦ ᑐᓴᒐᒃᓴᖅ

 

Explore-ᒧᑦ ᑮᓇᐅᔭᐃᑦ ᑐᓐᓂᖅᑯᑕᐅᕙᒃᑐᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ

ᐅᓪᓗᓕᒫᖃᑦᑕᕈᕕᑦ ᐊᔪᙱᓐᓂᖃᖅᖢᑎᑦ 11 12−ᓂᒃ ᐃᓕᓐᓂᐊᕐᕕᖕᒦᑉᐸᓚᐅᕐᓗᑎᓪᓗ ᐃᓕᓐᓂᐊᒃᑲᓐᓂᖅᑎᐅᒍᕕᑦ, ᐃᓕᓐᓂᐊᕐᓂᓕᕆᔨᒃᑯᑦ ᐃᓕᖕᓂᒃ ᐱᓇᔪᖁᔨᕗᑦ $2,200-ᓂᒃ ᑮᓇᐅᔭᓂᒃ ᑐᓐᓂᖅᑯᑕᐅᕙᒃᑐᓂᒃ ᐅᑯᑎᒎᓇᖅ, ᑲᓇᑕᐅᑉ ᒐᕙᒪᖓᑕ Explore−ᒧᑦ ᐱᓕᕆᐊᕆᕙᒃᑕᖓᓄᑦ!

ᖃᐅᔨᓇᓱᒐᒃᓴᒃᑯᑦ ᐱᔭᕆᑐᓪᓗᓂ ᐱᓇᓱᐊᕈᓯᕐᓄᑦ ᑕᓪᓕᒪᓄᑦ ᐅᐃᕖᑐᑦ ᐅᖃᐅᓯᕐᒧᑦ ᐃᓕᓐᓂᐊᒐᒃᓴᐅᕗᖅ ᐃᓕᓐᓂᐊᖅᑕᐅᓲᖑᓪᓗᓂ ᐅᐱᕐᖔᒃᑯᑦ ᐊᐅᔭᒃᑯᓪᓗ. ᓄᓇᕗᒻᒥ ᐃᓕᓐᓂᐊᖃᑕᐅᔪᑦ ᖃᖓᑦᑕᐅᑎᓄᑦ ᐊᑭᓕᐅᑎᖏᑦ ᐅᑎᖅᑎᑕᐅᔪᓐᓇᖅᐳᑦ ᑐᓐᓂᖅᑯᓯᐊᕈᓐᓇᖅᖢᑎᒡᓗ ᑕᓪᓕᒪᓂᒃ ᐊᖓᔪᒃᖡᑦ ᐃᓕᓐᓂᐊᕐᕕᖓᓐᓂᒃ ᐱᕚᓪᓕᕈᑎᓄᑦ ᐃᓚᐅᔾᔪᑎᖏᓐᓄᑦ ᐃᓕᓐᓂᐊᖃᑕᐅᔪᓄᑦ.

ᐃᓚᐅᔪᑦ ᑕᒪᑐᒧᖓ ᐱᑎᑕᐅᕙᒃᑭᕗᑦ ᑮᓇᐅᔭᓂᒃ ᑐᓐᓂᖅᑯᑕᐅᕙᒃᑐᓂᒃ ᐊᑭᓕᐅᑕᐅᓂᐊᖅᑐᓂᒃ ᐃᓕᓐᓂᐊᕐᓂᕐᒧᑦ ᐊᑭᓕᖅᓱᕆᐊᓕᖕᓂᒃ ᑖᔅᓱᒧᖓ ᐱᓕᕆᐊᖑᔪᒧᑦ ᐊᔪᕈᓐᓃᖅᓴᖅᑎᑕᐅᓂᕐᒧᑦ ᐊᑐᖅᑕᐅᓂᐊᖅᑐᓂᒃ, ᓂᕆᔾᔪᑕᐅᖃᑦᑕᕐᓂᐊᖅᑐᓂᒃ ᑐᔪᕐᒥᔾᔪᑎᒋᔭᐅᖃᑦᑕᕐᓂᐊᖅᑐᓂᒡᓗ. ᐱᓕᕆᖃᑎᒌᖕᓂᕐᓂᒃ ᐊᓯᖏᓐᓄᓪᓗ ᐱᓕᕆᐊᖑᔭᕆᐊᖃᓪᓚᕆᒃᐸᒃᑐᓄᑦ ᐱᓕᕆᐊᒃᓴᓄᑦ. ᐃᓕᓐᓂᐊᖅᑎᑕᐅᓂᕐᒧᑦ ᐃᓂ ᐅᐸᖃᑦᑕᕐᓂᐊᖅᑕᐃᑦ ᐱᑎᑕᐅᓯᑲᐅᑎᒋᕙᒃᐳᖅ ᑖᒃᑯᓂᖓ ᑮᓇᐅᔭᓂᒃ ᐃᓕᓐᓂᐊᕈᑕᐅᔪᓂᒃ. ᑕᒪᒃᑯᐊ ᑮᓇᐅᔭᐃᑦ ᐃᓕᓐᓂᐊᕈᑕᐅᔪᑦ ᑐᓐᓂᖅᑯᑕᐅᕙᒃᐳᑦ ᑕᒫᙵᑐᐃᓐᓇᖅ ᐊᒧᓯᔪᖃᖅᖢᓂ.

ᑐᒃᓯᕋᐅᑎᓄᑦ ᑭᖑᓪᓕᖅᐹᖅᓱᕐᓂᖅ ᕖᕝᕗᐊᕆ 15, 2018. ᑐᑭᓯᒋᐊᒃᑲᓐᓂᕈᒪᒍᕕᑦ, ᐊᔪᙱᑎᑕᐅᔪᓐᓇᖅᑐᓂᒡᓗ, ᖃᐅᔨᒋᐊᕆᑦ ᓄᓇᕘᑉ ᑐᑭᒧᐊᒃᑎᑦᑎᔨᐊᓄᑦ, ᔫᓯᐋᓐ ᐴᒫᓐᑦ, ᐅᕗᖓ 867-975-5652 ᐅᕗᖓᓘᓐᓃᑦ jbeaumont@gov.nu.ca.  

ᖃᕆᑕᐅᔭᒃᑯᑦ ᐱᓇᔪᖕᓂᐊᕈᕕᑦ, ᐅᕗᙵᐅᓗᑎᑦ www.myexplore.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᔩᓐ ᐱᓕᑉ ᓚᐳᕆᔅ
ᑐᓴᐅᒪᑎᑦᑎᓂᕐᒧᑦ ᐊᐅᓚᑦᑎᔨ
ᐃᓕᓐᓂᐊᕐᓂᓕᕆᔨᒃᑯᑦ
(867) 975-5645
jplaprise@gov.nu.ca