ᐅᖃᓚᐅᑎᓯᐅᑏᑦ

You are here

ᐱᔪᓐᓇᐅᑎᓖᑦ ᐸᐃᕆᕝᕖᑦ

ᓄᓇᕗᒻᒦᑦᑐᓕᒫᑦ ᑮᓇᐅᔭᓕᐅᖅᑎᐅᓇᓱᐊᙱᑦᑐᑦ ᑎᒥᐅᔪᑦ ᒪᓕᒐᑎᒍᑦ ᒪᑭᑕᑦᑎᐊᖅᑐᑦ ᓄᓇᕗᑦ ᒪᓕᒐᑎᒍᑦ ᑎᑎᕋᖅᑕᐅᓯᒪᕝᕕᖕᒥ ᑮᓇᐅᔭᖅᑖᕋᓱᐊᕈᓐᓇᖅᑐᑦ ᐱᒋᐊᕈᑎᒥᑦ ᑲᔪᓯᑎᑦᑎᓂᕐᒧᓪᓘᓐᓃ ᐱᔪᓐᓇᐅᑎᓕᖕᒥ ᐸᐃᕆᕝᕕᖕᒥ.

ᐃᓕᓐᓂᐊᕐᓂᓕᕆᔨᒃᑯᑦ ᐱᔪᓐᓇᐅᑎᑖᖅᑎᑦᑎᕙᒃᐳᑦ ᓄᓇᓕᖕᓂ ᐃᓕᓐᓂᐊᕆᐅᖅᓴᓕᓵᖅᑐᓄ ᐃᒡᓗᓂ ᐸᐃᕆᕝᕖᑦ ᐱᖁᔭᖓᑦᑎᒍᑦ, ᐱᒋᐊᕈᑎᓄᑦ ᐊᕐᕌᒍᑕᒫᖅᓯᐅᓪᓗ ᐃᖏᕐᕋᓂᕐᒧᑦ ᑮᓇᐅᔭᓂᒃ ᑮᓇᐅᔭᓕᐅᖅᑎᐅᓇᓱᐊᙱᑦᑐᑦ ᐱᔪᓐᓇᐅᑎᓖᑦ ᐸᐃᕆᕝᕕᖕᓄᑦ ᐃᓚᒌᓄᓪᓗ ᐅᓪᓗᒃᑯᑦ ᐊᖏᕐᕋᕆᔭᐅᔪᓄ.

ᐊᒡᒍᖅᓯᒪᔪᒃᑯᑦ ᐊᒡᓚᒡᕖᑦ ᐊᐅᓚᑦᑎᓲᑦ ᐱᓇᔫᑕᐅᔪᓂ ᑐᓴᐅᒪᑎᑦᑎᔨᐅᓪᓗᑎᒡᓗ ᑮᓇᐅᔾᔭᒃᓴᓇᓱᐊᙱᑦᑐᑦ ᑎᒥᐅᔪᓄ ᐃᓕᓐᓂᐊᕆᐅᖅᓴᓕᓵᖅᑐᓕᕆᔨᒃᑯᓐᓄᓪᓗ.

ᐊᔪᙱᑦᑐᒪᓗᓂ, ᑎᒥᐅᔪᖅ ᑎᑎᕋᖅᑕᐅᓯᒪᔭᕆᐊᓕᒃ ᑮᓇᐅᔭᓕᐅᖅᑎᐅᓇᓱᐊᙱᑦᑐᑐᑦ, ᒪᑭᑕᑦᑎᐊᕐᓗᓂᓗ ᓄᓇᕗᑦ ᒪᓕᒐᑎᒍᑦ ᑎᑎᕋᖅᑕᐅᓯᒪᕝᕕᖕᒥ.

 

 

ᐃᓚᐅᔪᓐᓇᐅᑏᑦ ᐱᔪᓐᓇᐅᑎᓕᕆᓂᕐᓗ ᐸᐃᕆᕝᕕᖕᓄᑦ

ᑭᓇᑐᐃᓐᓇᖅ ᐱᓇᓱᒍᓐᓇᖅᑐᖅ ᐸᐃᕆᕕᒻᒧᑦ ᐱᔪᓐᓇᐅᑎᒥᒃ.

ᑮᓇᐅᔭᖅᑖᕋᓲᑏᑦ ᐱᒋᐊᕈᑎᓄᑦ ᐃᖏᕐᕋᑎᑦᑎᓂᕐᒧᓘᓐᓃ ᐸᐃᕆᕝᕕᖕᓂ ᐱᓕᕆᐊᓂᑦ ᐱᔭᐅᔪᓐᓇᖅᑐᑦ ᑮᓇᐅᔭᓕᐅᖅᑎᐅᓇᓱᐊᙱᑦᑐᑦ ᑎᒥᐅᔪᓕᒫᓂ ᒪᑭᑕᑦᑎᐊᖅᑐᑦ ᓄᓇᕗᑦ ᒪᓕᒐᑎᒍᑦ ᑎᑎᕋᖅᑕᐅᓯᒪᕝᕕᖕᒥ, ᐱᖃᓯᐅᑎᓪᓗᓂ ᑎᒥᐅᔪᑦ ᓲᕐᓗ ᓄᓇᓕᖕᓂ ᐃᓕᓐᓂᐊᖅᑐᓕᕆᔩᑦ, ᕼᐋᒻᒪᓚᐃᑦ, ᐃᓚᒌᓄᓪᓗ ᐅᓗᒃᑯᑦ ᑲᒪᒋᔭᖃᕐᕕᖕᓄᑦ (ᑕᐅᑐᒃᑕᐅᔪᑦ ᑮᓇᐅᔾᔭᒃᓴᓇᓱᐊᖅᑎᐅᙱᑦᑐᑐᑦ ᑭᓯᐊᓂ ᓇᓗᓇᐃᔭᖅᓯᒪᔭᕆᐊᖃᙱᓚᖅ ᒪᑭᑕᑦᑎᐊᕐᓂᕐᒥᓂᑦ).

ᐊᑎᓕᐅᖅᓯᓂᐊᕐᓗᓂ ᑮᓇᐅᔾᔭᒃᓴᓇᓱᐊᖅᑎᐅᙱᑦᑐᒥᑦ ᑎᒥᒥᑦ, ᖃᐅᔨᒋᐊᕐᕕᒋᓗᒍ:

 

ᓄᓇᕗᑦ ᒪᓕᒐᑎᒍᑦ ᑎᑎᕋᖅᑕᐅᓯᒪᕝᕕᒃ

ᒪᓕᒐᓕᕆᔨᒃᑯᑦ - ᓄᓇᕗᑦ ᒐᕙᒪᖓ
P.O. Box 1000 Station 570
Iqaluit, NU X0A 0H0
ᐅᖃᓘᑖ: (867) 975-6190
ᓱᒃᑲᔪᒃᑰᕈᑖ: (867) 975-6194

 

ᐱᔪᓐᓇᐅᑎᓕᕆᓂᖅ

ᑎᒥᐅᔪᓕᒫᑦ ᒫᓐᓇᐅᔪᖅ ᐸᐃᕆᕝᕕᐅᔪᑦ ᐸᐃᕆᕝᕕᙳᕈᒪᔪᓪᓘᓐᓃ ᐱᔪᓐᓇᐅᑎᑖᕆᐊᓖᑦ. ᑐᑭᓯᒋᐊᕈᒪᒍᕕᑦ ᐱᔪᓐᓇᐅᑎᑖᕋᓱᖕᓂᕐᒧᑦ ᐱᒋᐊᖅᑎᑦᑎᓂᕐᒧᓪᓗ ᐸᐃᕆᕝᕕᖕᒥ, ᐊᑏ ᐅᓇ ᓇᕿᓪᓗᒍ.

ᐱᔪᓐᓇᐅᑎᖃᖅᑐᓕᒫᑦ ᐸᐃᕆᕝᕖᑦ ᓄᓇᕗᒻᒥ ᒪᓕᒋᐊᖃᖅᑐᑦ ᓄᓇᕗᑦ ᐸᐃᕆᕝᕕᖕᓄ ᒪᓕᒐᕐᒥᑦ, ᐊᒻᒪᓗ ᐊᑐᐊᒐᖏᓐᓂᒡᓗ.

ᐱᔪᓐᓇᐅᑎᑖᕋᓲᑎᒧᑦ, ᐅᓇ ᓇᕿᓪᓗᒍ.

ᑮᓇᐅᔭᖃᖅᑎᑦᑎᓂᖅ

ᑮᓇᐅᔾᔭᒃᓴᙱᑦᑐᑦ ᑲᑐᔾᔨᖃᑎᒌᑦ ᑮᓇᐅᔭᖅᑖᖅᑎᑕᐅᔪᓐᓇᖅᑐᑦ ᐃᑲᔫᑕᐅᓂᐊᕐᑐᒥᑦ ᓄᑖᒥ ᐸᐃᕆᕕᖕᒥᑦ ᐸᐃᕆᕕᓪᓗ ᐱᓕᕆᐊᒃᓴᖏᓐᓄᑦ ᐃᒡᓗᖁᑎᖏᓐᓄᓪᓗ.

ᓄᓇᓕᓐᓂ ᓱᕈᓯᓛᓄᑦ ᐃᓕᓴᐃᕖᑦ ᐱᔪᓐᓇᐅᑎᑖᖅᑎᑕᐅᓯᒪᔪᑦ ᐃᓕᓐᓂᐊᕐᓂᓕᕆᔨᒃᑯᓐᓂᑦ. ᐊᕕᒃᑐᖅᓯᒪᔪᓄᑦ ᐊᓪᓚᕖᑦ ᑲᒪᒋᔭᖃᕆᐊᖃᕐᑐᑦ ᑐᓂᓯᒋᐊᖅ ᐃᑲᔪᕈᑎᓂᒃ ᑮᓇᐅᔭᓂᒃ, ᐊᑐᐃᓐᓇᐅᓗᑎᒃ ᑐᓂᕐᕈᓯᐊᕆᐊᖅ ᐱᓕᕆᐊᒃᓴᓄᑦ, ᕿᒥᕐᕈᓂᒃᑯᓪᓗ ᐱᓕᕆᕕᐅᔪᓂᒃ ᐊᕐᕌᒍᑕᒫᑦ, ᐊᒻᒪ ᐱᔪᓐᓇᐅᑎᖃᕐᑎᑦᓯᓗᑎᒃ ᐊᒻᒪ ᐃᑲᔪᕐᓯᓂᖃᓗᑎᒃ.

 

ᐸᐃᕆᕕᖕᓄᑦ ᐊᐃᑦᑑᑎᑦ ᑐᓂᕐᕈᓯᐊᓄᓪᓗ, ᐱᖓᓱᑦ ᑮᓇᐅᔭᖃᐅᑎᐅᓲᑦ ᐅᑯᐊᖑᕗᑦ:

ᐊᐅᓚᔾᔪᑏᑦ ᐊᒻᒪᓗ ᐋᖅᑭᐅᒪᐃᓐᓇᕈᑏᑦ

ᐱᓕᕆᐊᓄᑦ ᐃᑲᔫᓯᐊᑦ ᑮᓇᐅᔭᑦ ᐊᑐᕐᑕᐅᓲᑦ ᐋᖅᑭᐅᒪᓂᕐᒧᑦ, ᐱᔪᓐᓇᐅᑎᓕᓐᓄᑦ ᐸᐃᕆᕕᓐᓄᑦ ᐱᓕᕆᐊᒃᓴᓄᑦ. ᐱᕙᓪᓕᐊᔾᔪᑕᐅᕙᒃᑐᖅᑕᐅᖅ ᐊᔪᙱᑦᑐᓄᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᓄᓪᓗ, ᐱᕕᖃᖅᑎᑕᐅᓪᓗᑎᒡᓗ ᓄᑕᕋᓛᓄᑦ ᐊᔪᕈᑎᓕᓐᓄᑦ ᐱᕕᖃᕆᐊᓕᖕᓄᑦ. ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑎᓄᓪᓗ ᐃᑲᔫᓯᐊᑦ ᑮᓇᐅᔭᑦ ᐊᕐᕌᒍᑕᒫᑦ ᑮᓇᐅᔭᖃᖅᑎᑕᐅᕙᒃᐳᑦ ᐊᑐᕐᑕᐅᓂᐊᕐᓗᑎᒡᓗ ᐊᐅᓚᑦᑎᓂᖕᒧᑦ ᐊᑭᓕᒐᒃᓴᓄᑦ.

 

ᐋᓐᓂᐊᖃᕐᓇᖏᓐᓂᖅ ᐊᑦᑕᖕᓇᖅᑕᐃᓕᒪᓂᕐᓗ

ᐋᓐᓂᐊᖃᕐᓇᖏᓐᓂᖅ ᐊᑦᑕᖕᓇᖅᑕᐃᓕᒪᓂᕐᒧᓪᓗ ᑮᓇᐅᔭᑦ (ᐃᓱᖃᖅᑐᖅ $5,000.00) ᐋᖅᑭᒋᐊᕈᑕᐅᓪᓗᓂ ᐱᐅᓯᒋᐊᕈᑕᐅᓪᓗᓂᓘᓐᓃᑦ ᐃᒡᓗᕐᔪᐊᒧᑦ ᐋᖅᑭᒃᓱᐃᓂᒃᑯᑦ, ᓄᑖᙳᖅᑎᕆᓂᒃᑯᑦ ᐃᓚᒃᓴᓂᓪᓘᓐᓃᑦ ᒪᓕᑦᑎᐊᖁᓪᓗᒋᑦ ᐃᑯᒪᒧᑦ ᐋᓐᓂᐊᖃᕐᓇᙱᓐᓂᕐᒧᓪᓗ  ᒪᓕᒐᒃᓴᖏᓐᓂᑦ. ᐃᒡᓗᕐᔪᐊᑦ ᐊᐅᓚᑕᐅᔪᑦ ᓄᓇᕗᑦ ᒐᕙᒪᒃᑯᖏᓐᓄ ᑮᓇᐅᔭᖅᑖᕈᓐᓇᙱᑦᑐᑦ ᐃᓚᖓᓐᓂᑦ ᐃᓕᓐᓂᐊᕆᐅᓕᓵᖅᑐᓄᑦ ᐱᓕᕆᐊᓄᑦ.

 

ᐱᒋᐊᕈᑎᑦ ᐃᑲᔫᓯᐊᑦ

ᑮᓇᐅᔭᐃᑦ ᑮᓇᐅᔾᔭᒃᓴᙱᑦᑐᓄᑦ ᑲᑐᔾᔨᖃᑎᒌᓄᑦ ᑐᓂᔭᐅᓵᖅ ᐱᕙᓪᓕᐊᔪᓐᓇᖁᓪᓗᒋᑦ ᐱᔪᓐᓇᐅᑎᓖᑦ ᑮᓇᐅᔾᔭᒃᓴᖏᑦᑐᓄᑦ ᐸᐃᕆᕕᖕᓄᑦ ᐱᓕᕆᐊᓄᑦ.
ᑖᓐᓇ ᑮᓇᐅᔭᖅ ᐊᑕᐅᓯᐊᖅ ᑐᓂᔭᐅᓲᖅ ᐸᐃᕆᕕᖕᓄᑦ ᓂᐅᕕᕈᓐᓇᖁᓪᓗᒋᑦ ᐱᙳᐊᕆᔭᐅᒐᔭᖅᑐᓂᑦ, ᐱᖁᑎᓄᑦ ᐱᓕᕆᐊᒃᓴᓄᓪᓗ ᐊᑐᕆᐊᓖᓂᑦ ᐅᒃᑯᐃᕐᓯᓂᐊᕐᓗᓂ.   ᐅᓇ ᑮᓇᐅᔭᖅ ᐊᑐᕐᑕᐅᔪᓐᓇᙱᑦᑐᖅ ᓂᐅᕕᕈᑕᐅᓗᓂ, ᓴᓇᔾᔪᑕᐅᓗᓂ ᐊᖏᔪᓂᒡᓗ ᓄᑖᙳᖅᑎᕆᓂᖕᓄᑦ ᐃᒡᓗᒧᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᐃᑦᑐᓂᑦ ᐊᐃᑦᑑᑎᓂᒃ ᐊᑐᐃᓐᓇᖅᑕᖃᖕᒪᖔᑦ, ᐱᓇᔪᖕᓂᐊᕐᓗᓂᓗ ᐊᑐᕆᐊᓖᑦ, ᐅᓇ ᓇᕿᓪᓗᒍ.

ᑮᓇᐅᔭᖃᖅᑎᑕᐅᓃᑦ ᐱᔪᓐᓇᐅᑎᓕᖕᓄᑦ ᐸᐃᕆᕕᖕᓄᑦ