ᐅᖃᓚᐅᑎᓯᐅᑏᑦ

You are here

ᐸᐃᕆᕝᕕᖕᒥ ᑎᑎᕋᖅᑎᐅᓂᕐᒧᑦ ᐱᓕᒻᒪᒃᓴᕐᓃᑦ 2019−ᒥ

ᐸᐃᕆᕝᕕᐅᑉ ᐊᕙᑎᖓ ᓂᕈᒥᒃᑑᖁᓪᓗᒍ, ᐃᓕᓐᓂᐊᓕᒻᒪᒃᓴᔪᓕᕆᓂᖅ ᐊᒻᒪ ᐸᐃᕆᕖᑦ ᐱᓕᕆᕝᕕᖓᑦ ᐃᓕᓴᖅᓯᓯᒪᖕᒪᑕ ᐱᔪᓐᓇᕐᓂᓕᖕᓂᒃ ᐊᔪᕈᓐᓃᖅᑎᑦᑎᓗᓂ ᐸᐃᕆᕝᕕᖕᓂ ᐊᐅᓚᑦᑎᓗᓂᓗ ᐊᑲᐅᓛᒃᑯᑦ ᐱᓇᔪᒋᐊᖃᕐᓂᖓᓂᒃ ᑲᔪᓯᓂᖃᖁᓗᒍ. ᐸᐃᕆᕝᕕᖕᓂᒃ ᑎᑎᕋᖅᑎᐅᓂᖅ ᖁᕝᕙᕆᐊᕆᐊᖃᓚᐅᖅᓯᒪᓪᓗᓂ ᐊᑕᐅᓯᕐᒥᒃ ᐱᓕᕆᔾᔪᓯᖃᕆᐊᖃᕐᓂᖏᓐᓄᑦ ᐸᐃᕆᕝᕕᖕᓂ ᐊᐅᓚᑦᑎᔨᐅᔪᑦ ᐱᓕᒻᒪᒃᓴᕆᐊᖃᖅᓯᒪᔪᑦ ᓄᓇᕗᒻᒥᐅᑦ ᑎᑎᕋᖅᑎᐅᓂᕐᒧᑦ.

ᐃᖅᑲᓇᐃᔭᖅᑏᑦ ᐅᓄᕐᓂᖏᑦ ᓈᒻᒪᒃᑲᓗᐊᕐᒪᖔᑕ ᐸᐃᕆᔭᐅᔪᑦ ᐅᓄᕐᓂᖏᓐᓄᑦ, ᓴᓗᒪᓗᓂ ᐃᐱᕈᔫᙱᓪᓗᓂᓗ, ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᐊᒐᐃᑦ ᒪᓕᒃᑕᐃᓐᓇᕆᓗᒋᑦ, ᖃᐅᑕᒫᑦᑎᐊᖅ ᑲᒪᒋᔭᕆᐊᓖᑦᑕᐅᖅ ᐱᐊᓂᒃᓯᒪᔭᕆᐊᖃᖃᑦᑕᖅᑐᑦ ᐃᖏᕐᕋᓂᖃᑦᑎᐊᖅᑐᒥᒃ ᐸᐃᕆᕝᕕᖕᒥ ᐊᐅᓚᑦᑎᓗᓂ.

ᓱᓕᒃᑲᓐᓂᖅ, ᐱᓕᒻᒪᒃᓴᐃᓂᖅ ᐃᖅᑲᓇᐃᔭᖅᑎᓂᒃ ᐊᑯᓂᒐᓚᐅᖅᑲᐅᕗᖅ ᑮᓇᐅᔭᓂᒃ ᑎᑎᖅᑲᓕᕆᓂᖅ ᐊᐅᓚᑦᑎᓂᕐᓗ. ᐊᑭᓕᖅᑕᐅᖁᔨᔾᔪᑏᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐊᑭᓕᖅᓲᑎᑦ, ᑲᑎᒪᓂᐅᔪᓂᒃ ᐃᖏᕐᕋᑎᑦᑎᖃᑦᑕᕐᓂᖅ, ᐃᖅᑲᓇᐃᔭᖅᑎᓂᒃ ᖃᖓᒃᑯᑦ ᐱᓕᕆᓂᐊᕐᒪᖔᑕ ᐋᖅᑭᒃᓱᐃᓂᖅ, ᒪᓕᒐᑎᒍᑦ ᐊᑭᓕᖅᓱᕆᐊᓕᖕᓂᒃ ᐊᖑᒻᒪᑎᓂᖅ, ᑕᑕᑎᕆᖃᑦᑕᕐᓂᖅ ᑮᓇᐅᔭᖅᑑᑎᒃᓴᓄᑦ ᐊᕐᕌᒍᑕᒫᖅ ᑐᒃᓯᕋᐅᑎᓕᐅᕐᓂᖅ; ᑮᓇᐅᔭᓕᕆᓂᒃᑯᑦ ᐃᓕᖅᑯᓯᑦᑎᐊᕙᖕᓂᒃ ᐊᑐᖃᑦᑕᕐᓂᖅ ᐸᐃᕆᕝᕕᐅᔪᖅ ᐃᖏᕐᕋᓂᖃᑦᑎᐊᕈᓐᓇᖁᓪᓗᒍ ᐊᕐᕌᒍᒥᑦ ᐊᕐᕌᒍᒧᑦ ᐊᔪᕐᓇᖅᑐᖅᓯᐅᙱᓪᓗᓂ.

ᐱᓕᒻᒪᒃᓴᕐᓂᐅᖃᑦᑕᖅᑐᑦ ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᐊᖓᑕ ᐃᓚᒋᔭᖓ ᐅᑭᐅᓄᑦ−ᐱᖓᓱᓄᑦ ᐱᓕᕆᐊᒃᓴᕆᔭᖓ ᐱᕈᖅᑎᑕᐅᓂᑰᓪᓗᓂ ᐋᔩᖃᑎᖃᕐᓂᒃᑯᑦ ᑲᓇᑕᐅᑉ ᒐᕙᒪᒃᑯᖏᓐᓂ ᑕᕝᕘᓇᓗ ᑮᓇᐅᔭᖅᑑᑎᒃᓴᑦ ᐊᑐᐃᓐᓇᕈᖅᐹᓪᓕᖅᓯᒪᓪᓗᑎᒃ ᐃᓕᓐᓂᐊᓕᒻᒪᒃᓴᔪᓕᕆᕕᖕᓄᑦ ᐸᐃᕆᕝᕕᖕᓄᓪᓗ.

ᓄᓇᕗᒻᒥᐅᑦ ᕿᑐᕐᖏᐅᕐᓂᒃᑯᑦ ᐃᓄᒋᐊᒃᓯᕙᓪᓕᐊᓂᖓᑦ ᓱᒃᑲᓴᓛᑦᑎᐊᖑᕗᖅ. ᖃᑕᙳᑎᒌᑦ ᐸᐃᕆᕝᕕᖃᕆᐊᖃᕐᒪᑕ ᓇᒡᓕᖕᓂᖃᖅᑐᓂᒃ, ᐊᔪᙱᓐᓂᕐᒥᓂᒃ ᐅᒃᐱᕈᓱᖕᓂᖃᑦᑎᐊᕐᓗᑎᒃ ᐊᒻᒪ ᐱᓯᑎᐅᓗᑎᒃ ᐊᔪᙱᒻᒥᓗᑎᒃ.

 

ᖃᓄᐃᓕᖓᓂᖏᑦ ᐃᓕᓐᓂᐊᓕᒻᒪᒃᓴᔪᓕᕆᕕᒃ ᑮᓇᐅᔭᑎᒍᑦ ᓄᓇᕗᒻᒥ ᐸᐃᕆᕖᑦ

  • ᓱᕈᓯᓛᓄᑦ ᐃᑲᔪᕈᑎᒃᓴᐃᑦ
  • ᒪᒃᑯᑦᑐᑦ ᐊᖓᔪᖅᑳᑦ ᐃᓕᓐᓂᐊᖏᓐᓇᖅᑐᑦ
  • ᐊᐅᓚᔾᔪᑏᑦ ᐊᒻᒪᓗ ᐋᖅᑭᐅᒪᐃᓐᓇᕈᑏᑦ ᑮᓇᐅᔭᖅᑖᕈᓯᐊᑦ ᐊᒻᒪ ᐱᓕᕆᐊᒃᓴᓄᑦ ᐃᑲᔫᑏᑦ
  • ᑕᖅᑭᑕᒫᖅᓯᐅᑦ ᐊᖓᔪᖅᑳᒧᓪᓗ ᐊᑭᓕᒐᒃᓴᐅᑉ ᐅᓂᒃᑳᖓᑕ ᑎᑎᕋᕐᕕᒃᓴᖓ
  • ᐃᓕᖅᑯᓯᓕᕆᓂᕐᒧᑦ ᐅᖃᐅᓯᓕᕆᓂᕐᒧᓪᓗ ᑮᓇᐅᔭᒃᓴᑦ (ᐃᓕᓐᐊᓂᖅᑐᓕᕆᔨᒃᑯᑦ)
  •  

ᓴᐊᒥᐊᓂᑦ ᑕᓕᖅᐱᖕᒧᑦ (ᓵᓕ ᑯᐊᒥᐊᐃ, ᓕᐅᓂ ᓕ ᑕᒃ ᐊᐃᓴᐅᐃ, ᓲᐱ ᐳᐊᒐᐅᑦ, ᕕᓵᑲ ᕕᔭᓲᕆᔭ, ᓴᕇᓐ ᒋᓯᖕ, ᒥᓯᐊᓪ ᒪᑮ, ᑎᕙᓂ ᕼᐋᓐᓴᓐ, ᕆᓈᑕ ᓖ, ᑲᐃᓚ ᑭᖕ. ᓯᕗᓂᐊᓃᑦᑐᑦ ᓴᐊᒥᐊᓂᑦ ᑕᓕᖅᐱᖕᒧᑦ: ᕇ ᒪᒃᐸ−ᒑᕕᓐ, ᐸᕗᓕ ᔭᐅᕋᒥᓗ, ᓯᓕᓇ ᑲᓪᓗᒃ)

ᐱᓕᒻᒪᒃᓴᕐᓂᖅ #3 ᕿᑭᖅᑕᓂ

ᐊᔾᔨᙳᐊᖅ: ᐃᓕᓐᓂᐊᕐᓂᓕᕆᔨᒃᑯᑦ