ᐅᖃᓚᐅᑎᓯᐅᑏᑦ
LogoHome

You are here

ᐃᓕᓐᓂᐊᖅᑎᑦᑎᔨᒻᒪᕆᒃ, ᐊᒥᓕᕆᓂᕐᒧᑦ ᐊᓐᓄᕋᔾᔨᐅᕐᓂᕐᒧᓪᓗ - ᓴᖅᑭᔮᖅᑎᑕᐅᒃᑲᓐᓂᖅᑐᖅ

Community: 
ᐃᖃᓗᖕᓂ
Reference number: 
051-062819-SRFUR-12154
Type of Employment 2: 
ᓂᕈᐊᖅᑕᐅᔪᖃᙱᑉᐸᑦ ᓄᓇᕗᒻᒥ ᓄᓇᑖᖃᑕᐅᓯᒪᔪᒥᑦ ᐃᖅᑲᓇᐃᔮᒃᓴᖅ ᐊᕐᕌᒍᓄᑦ ᐱᖓᓱᓄᑦ ᐃᖅᑲᓇᐃᔮᖑᑲᐃᓐᓇᓂᐊᖅᑐᖅ.
Salary: 
$95,882 to $108,810
Northern Allowance: 
$15,016

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐱᓇᔪᒃᑐᑦ ᑐᓂᓯᔭᕆᐊᖃᕐᓂᐊᖅᑐᑦ ᐱᔭᕆᐊᑭᑦᑐᓂᒃ ᑲᒪᔪᓐᓇᕐᓂᕐᒧᑦ ᖃᐅᔨᓴᕈᑎᓂᒃ ᐱᔭᕆᐊᖃᖅᑎᑕᐅᓂᖓᓄᑦ ᓄᓇᓖᑦ ᐃᓄᖁᑎᖏᑦᑕ ᖃᓄᐃᓕᕙᓪᓕᐊᓂᖏᑎᒍᑦ ᐃᓕᓐᓂᐊᖅᑎᐅᑉ ᐃᓚᐅᖃᑕᐅᔪᓄᑦ ᐃᓕᓐᓂᐊᒐᒃᓴᒥ.

ᐅᖃᖅᐸᒡᓗᓂ ᐃᒃᓯᕙᐅᑕᕆᔭᐅᔪᒧᑦ, ᐃᓄᖕᓂᒃ ᐅᖃᐅᓯᓕᕆᔨᒃᑯᓐᓂ ᐃᓕᖅᑯᓯᓕᕆᔨᒃᑯᓐᓂᓪᓗ ᐱᓕᕆᔨᓄᑦ, ᐃᓕᓐᓂᐊᖅᑎᑦᑎᔨᒻᒪᕆᒃ, ᐊᒥᓕᕆᓂᕐᒧᑦ ᐊᓐᓄᕋᔾᔨᐅᕐᓂᕐᒧᓪᓗ ᓯᕗᓕᖅᑎᙳᕆᐅᖅᓴᓂᕐᒥᒃ ᐃᓕᓐᓂᐊᖅᑎᑦᑎᖃᑦᑕᓛᖅᑐᖅ ᑲᒪᒋᔭᖃᖅᐸᒡᓗᓂᓗ ᐊᒥᓕᕆᓂᕐᒥᒃ ᐊᓐᓄᕋᔾᔨᐅᕐᓂᕐᒥᒡᓗ ᐃᓕᓐᓂᐊᖅᑕᐅᔪᒃᓴᓂᒃ ᓯᓚᑦᑐᖅᓴᕐᕕᖕᒥ.

ᐅᑯᓂᖓ ᑲᒪᒋᔭᒃᓴᖃᕐᓂᐊᖅᑐᖅ ᐃᓕᓐᓂᐊᖅᑕᐅᔪᒃᓴᓂᒃ ᐊᐅᓚᑦᑎᔨᒋᔭᐅᓗᓂ, ᑲᒪᒋᕙᒡᓗᓂᒋᑦ ᑮᓇᐅᔭᑦ ᐊᑐᖅᑐᒃᓴᑦ ᐊᒻᒪ ᑮᓇᐅᔭᓕᕆᔾᔪᑎᑦ, ᐊᑐᐃᓐᓇᐅᑎᓪᓗᓂᒋᓪᓗ ᐃᓕᓐᓂᐊᖅᑕᐅᔪᒃᓴᓂᒃ ᓵᑕᐅᔪᓐᓇᕐᓂᖅ. ᐃᖅᑲᓇᐃᔮᒃᓴᖅ ᐊᐅᓚᑦᑎᔾᔪᑕᐅᓂᐊᖅᐳᖅ ᐃᓕᓐᓂᐊᖅᑎᑦᑎᔨᒧᑦ, ᐊᒥᓕᕆᓂᕐᒥᒃ ᐊᓐᓄᕋᔾᔨᐅᕐᓂᕐᒥᒡᓗ, ᐃᓕᓐᓂᐊᕐᕕᐊᕈᓯᕐᒥᒃ ᐊᒻᒪ ᐱᖁᑎᑦ ᓈᓴᖅᑕᐅᔾᔪᓯᕐᓂᒃ, ᓴᓇᕐᕈᑎᓂᒃ ᐊᒻᒪ ᐃᓚᒃᓴᖏᓐᓂᒃ.  ᐃᓕᓐᓂᐊᖅᑎᑦᑎᔨᒻᒪᕆᒃ, ᐊᒥᓕᕆᓂᕐᒧᑦ ᐊᓐᓄᕋᔾᔨᐅᕐᓂᕐᒧᓪᓗ ᐱᕙᓪᓕᐊᑎᑕᐅᓂᐊᕐᒥᔪᖅ, ᐃᓕᓐᓂᐊᕐᕕᐊᕈᓯᕐᓂᒡᓗ ᐃᓕᓐᓂᐊᖅᑎᑦᑎᔾᔪᑕᐅᔪᓐᓇᕐᓗᓂ ᖃᐅᔨᒪᓕᕐᓗᒋᑦ ᐊᒃᑐᐊᓂᕆᔭᖏᑦ ᐃᓕᓐᓂᐊᖅᑕᐅᔪᒃᓴᓂᒃ ᐃᓗᓕᖅᑕᖏᓐᓂᒡᓗ.

ᐃᖅᑲᓇᐃᔭᓕᕐᓂᐊᖅᑐᖅ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑕᒥᓄᑦ ᐃᓕᑕᕆᔭᐅᔾᔪᑎᑖᖅᓯᒪᔭᕆᐊᖃᕐᓂᐊᖅᑐᖅ ᐊᔾᔨᐸᓗᖏᓐᓂᒃ ᐃᓕᓐᓂᐊᖅᓯᒪᔭᖏᓐᓂᒃ, ᐊᒻᒪᓗ ᐊᓐᓄᕋᔾᔨᐅᖃᑦᑕᕐᓂᑰᓗᓂ, ᐊᒃᑐᐊᔪᓂᒡᓗ ᐱᓕᕆᔾᔪᑎᓄᑦ ᐱᓕᕆᐊᓂᒃ ᓲᕐᓗ ᐊᓐᓄᕋᔾᔨᐅᕈᓐᓇᕐᓗᓂ, ᐆᒃᑑᑎᒃᓴᓕᐅᕈᓐᓇᕐᓗᓂ, ᐋᖅᑭᑦᑎᐊᖅᓯᔪᓐᓇᕐᓗᓂ, ᑭᔾᔭᖅᑐᐃᔪᓐᓇᕐᓗᓂ, ᐊᐅᓪᓚᖅᑎᑦᑎᔪᓐᓇᕐᓗᓂ ᐊᒻᒪ ᓂᐅᕐᕈᑎᖃᕈᓐᓇᕐᓗᓂ. ᐃᖅᑲᓇᐃᔭᓕᕐᓂᐊᖅᑐᖅ ᐅᑭᐅᓄᑦ ᐱᖓᓱᓄᑦ ᐱᓕᕆᓂᑰᔭᕆᐊᖃᕐᓂᐊᖅᑐᖅ ᑭᓱᓕᕆᕝᕕᐅᔪᓐᓇᖅᓯᑎᓪᓗᓂᒋᑦ ᐊᒥᓕᕆᕝᕖᑦ, ᐊᖓᔪᖅᑳᖑᓂᕐᒥᒃ, ᐊᔾᔨᐸᓗᖏᓐᓂᒡᓗ ᐃᓕᓴᐃᖃᑦᑕᕐᓂᕐᒥᒃ ᐃᓐᓇᕐᓂᒃ ᐃᓕᓐᓂᐊᖅᑐᓂᒃ.

ᐃᓕᓐᓂᐊᖅᓯᒪᓂᖓ, ᖃᐅᔨᒪᓂᖓ, ᐱᓕᕆᔪᓐᓇᕐᓂᖓ ᐊᒻᒪ ᐊᔪᖏᓐᓂᖓ ᑲᑎᓪᓗᒋᑦ ᐃᓕᓐᓂᐊᓪᓚᕆᒃᓯᒪᔪᑦ ᐊᒻᒪ ᐃᖅᑲᓇᐃᔭᓚᐅᖅᓯᒪᓂᖓ ᐃᓱᒪᒋᔭᐅᑐᐃᓐᓇᕆᐊᓕᒃ.

ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖏᓐᓂᒃ, ᐃᓕᖅᑯᓯᖓᓂᒃ, ᓄᓇᖓᓂᒃ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖃᐅᔨᒪᒍᓂ ᐃᑲᔪᕐᓂᖃᕋᔭᖅᐳᖅ.

 

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ