ᖃᓂᕐᒧᑦ ᖃᓄᐃᙱᑦᓯᐊᕐᓂᖅ
ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒍᑎᓕᕆᔨᒃᑯᑦ
ᑐᙵᓱᒋᑦ ᓄᓇᕗᑦ ᒐᕙᒪᖓᑕ ᑭᒍᑎᓕᕆᔨᖏᓐᓄᑦ, ᑕᐃᑲᓂᓗ ᐊᑐᕈᓐᓇᕐᓗᑎᑦ ᑭᒍᑎᓕᕆᔭᐅᓂᕐᒥᒃ, ᐱᔨᑦᑎᕋᕐᕕᖃᕐᓂᕐᒧᑦ ᖃᖓᒃᑰᕋᔭᕐᓂᖏᓐᓂᒃ, ᑐᓴᖅᑕᐅᔪᒃᓴᓂᒃ ᐃᓗᐊᖅᓴᖅᑕᐅᕝᕕᖕᓂ ᐃᓕᓐᓂᐊᕐᕕᖕᓂ ᐋᓐᓂᐊᕕᓕᐊᕐᕕᖕᓂᓗ ᐃᓂᓂ, ᖃᓂᒃᑯᑦ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ, ᓄᑖᙳᕆᐊᖅᓯᒪᔪᓂᒡᓗ ᐃᑲᔪᕈᒪᓂᕐᒧᑦ ᐃᓚᒌᑦ ᖃᓂᒃᑯᑦ ᖃᓄᐃᙱᑦᑐᓐᓇᕐᓂᖏᓐᓄᑦ ᓴᙱᖁᓪᓗᒋᑦ.
ᑭᒍᑎᓕᕆᔨᒃᑯᑦ 25-ᓄᑦ ᓄᓇᕗᒻᒥ ᓄᓇᓕᖕᓄᑦ
ᑭᒍᑎᓕᕆᔨᒃᑯᑦ ᐊᐅᓚᑦᑎᓲᖑᕗᑦ 35−ᓂᒃ ᑭᒍᑎᓕᕆᕝᕕᖕᓂ ᐃᓕᓐᓂᐊᕐᕕᖕᓂ ᐊᒻᒪ ᐋᓐᓂᐊᕕᖕᓂ ᓄᓇᕘᓕᒫᒥ ᓄᓇᓕᖕᓂ.
ᐱᔨᑦᑎᕋᐅᑏᑦ ᐃᓚᖃᖅᑐᑦ ᑭᓱᑐᐃᓐᓇᓂᒃ, ᑐᐊᕕᕐᓇᖅᑐᓂᒃ, ᐊᒻᒪ ᑭᒍᑎᓕᕆᔨᓂᒃ, ᐊᒻᒪᓗ ᐊᑭᖃᙱᑦᑐᓂᒃ ᖃᓂᑦᑎᐊᕆᖕᓇᖅᑐᓂᒃ ᓄᑕᖅᑲᓄᑦ ᐊᑎᓕᐅᖅᑕᐅᓯᒪᔪᓄᑦ ᓄᓇᕗᒻᒥ ᓄᑕᖅᑲᓄᑦ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᒃᑯᑦ.
ᑭᒍᑎᓕᕆᔨᒃᑯᑦ ᐊᒻᒪ ᐱᔨᑦᑎᕋᐅᑎᑦ
ᑭᒍᑎᓕᕆᓂᕐᒧᑦ ᐱᔨᑦᓯᖅᕋᐅᑎᓄᑦ ᐱᓕᕆᐊᖅ
ᒪᓂᒪᑎᑦᑎᓂᖅ ᓄᓇᕗᒻᒥᐅᓂᒃ ᖃᓄᑐᐃᓐᓇᖅ ᐅᑭᐅᓕᖕᓄᑦ ᐅᑯᓂᖓ ᐱᔨᑦᑎᕋᕐᓂᕐᒥᒃ:
- ᖃᓄᑐᐃᓐᓇᖅ, ᓄᑕᖅᑲᑦ, ᐊᒻᒪ ᑐᐊᕕᕐᓇᖅᑐᒃᑯᑦ ᑭᒍᑎᓕᕆᔨᑦ
- ᐱᑐᐃᓐᓇᐅᙱᑦᑐᒃᑯᑦ ᑲᒪᒋᔭᖃᖅᐸᖕᓂᖅ, ᐃᒃᐱᖕᓂᐊᓐᓇᙱᑦᑐᓕᕆᓂᖅ, ᓄᒃᑕᕐᓂᕐᒧᓪᓗ ᑭᒍᑎᓕᕆᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓄᑦ
ᐊᕕᒃᑐᖅᓯᒪᔪᓂᑦ ᖃᐅᔨᒋᐊᕐᕕᒋᒍᒃ ᑐᑭᓯᒋᐊᒃᑲᓐᓂᕈᒪᒍᔅᓯ:
ᕿᑎᕐᒥᐅᑦ: 867-983-4080
ᑭᕙᓪᓕᕐᒥ: 867-645-4801
ᕿᑭᖅᑖᓗᒃ: 867-975-8600 ᓇᕿᒃᑲᓐᓂᕐᓗᒍ. 6206
ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐅᔾᔨᕐᓇᖅᓯᑎᑦᑎᓂᕐᒧᑦ ᐱᓕᕆᐊᒃᓴᖅ
ᑐᓴᐅᒪᑎᑦᑎᔨᐅᓲᑦ ᐊᒻᒪ ᐃᓕᓐᓂᐊᖅᑎᑦᑎᕙᒃᖢᑎᒃ ᓄᓇᕘᓕᒫᒥ. ᑐᑭᓯᒋᐊᒃᑲᓐᓂᕈᒪᒍᔅᓯ, ᐅᕗᖓ ᖃᐅᔨᒋᐊᕈᓐᓇᖅᐳᓯ: 867-975-5902.
ᓄᓇᕗᒻᒥ ᓄᑕᖅᑲᓄᑦ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᖅ
ᐅᑭᐊᒃᓵᒃᑯᑦ ᐅᑭᐅᒃᑯᓪᓗ, ᓄᑕᖅᑲᑦ 12 ᑐᖔᓂ ᐅᑭᐅᓖᑦ ᐃᑲᔪᖅᑕᐅᔪᓐᓇᖅᐳᑦ ᑭᒍᑎᓕᕆᔨᒧᑦ ᖃᐅᔨᓴᖅᑕᐅᓂᒃᑯᑦ, ᑭᒍᑎᓄᑦ ᓴᙱᓕᖅᓴᐅᑦ, ᐊᒻᒪ ᑭᒍᑕᐃᖅᑕᐅᓂᒃᑯᑦ.
ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᒃᓴᖅ ᐊᑐᐃᓐᓇᐅᑎᑦᑎᓲᑦ ᑭᒍᑎᓕᕆᓂᕐᒥᒃ ᓄᓇᕗᓕᒫᒥ ᓂᕈᐊᕈᓐᓇᖁᓪᓗᒋᑦ ᓄᓇᓕᖕᓂ ᐅᑭᐊᒃᓵᒃᑯᑦ ᐅᑭᐅᒃᑯᑦᓗ.
ᐋᓐᓂᐊᕕᓕᐊᖅᐸᒃᑐᑦ 15 ᒥᓂᑦᒧᑦ ᖃᐃᓵᓕᖃᑦᑕᖁᕙᕗᑦ ᑕᑯᔭᐅᕝᕕᒃᓴᖏᓐᓄᑦ.
ᐅᐸᒡᓗᒍ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᒪᒃᐱᖅᑐᒐᖅ ᖃᖓᙳᕌᖓᑦ ᑭᖑᓪᓕᖅᐹᓄᑦ ᓄᑖᙳᕆᐊᖅᓯᒪᔪᓄᑦ ᑕᒪᒃᑯᐊ ᐅᓪᓗᕆᔭᐅᔪᑦ ᐊᓯᔾᔨᑐᐃᓐᓇᕆᐊᖃᕐᓂᖏᓐᓄᑦ.
2025 ᐅᑭᐅᒃᑯᑦ ᑭᒍᑎᓕᕆᔨᒃᑯᑦ ᐃᑲᕐᕋᖏᑦ
ᐊᕕᑦᑐᖅᓯᒪᓂᖓ |
ᓄᓇᓕᒃ |
ᓇᓂ |
ᐅᓪᓗᖏᑦ |
| ᕿᑭᖅᑖᓘᑉ ᐅᐊᓐᓇᖓ | ᑲᖏᖅᑐᒑᐱᒃ | ᖁᓗᐊᖅ ᐃᓕᓐᓂᐊᕐᕕᒃ | ᔭᓐᓄᐊᓕ 26 - ᕕᐅᓪᓗᐊᓕ 7, 2025 |
| ᒥᑦᑎᒪᑕᓕᒃ | ᐅᓛᔪᒃ ᐃᓕᓐᓂᐊᕐᕕᒃ | ᒫᑦᓯ 10-22, 2025 | |
| ᕿᑭᖅᑖᓘᑉ ᓂᒋᐊ | ᐃᖃᓗᐃᑦ | ᔫᒥ ᐃᓕᓐᓂᐊᕐᕕᒃ | ᔭᓐᓄᐊᓕ 13-22, 2025 |
| ᐃᖃᓗᐃᑦ | ᓇᑲᓱᒃ ᐃᓕᓐᓂᐊᕐᕕᒃ | ᔭᓐᓄᐊᓕ 23 - ᕕᐅᓪᓗᐊᓕ 1, 2025 | |
| ᐸᖕᓂᖅᑑᖅ | ᐊᓘᑭ ᐃᓕᓐᓂᐊᕐᕕᒃ | ᔭᓐᓄᐊᓕ 20 - ᕕᐅᓪᓗᐊᓕ 1, 2025 | |
| ᑭᒻᒥᕈᑦ | ᖃᖅᑲᓕᒃ ᐃᓕᓐᓂᐊᕐᕕᒃ | ᕕᐅᓪᓗᐊᓕ 3-8, 2025 | |
| ᑭᕙᓪᓕᖅ | ᐊᕐᕕᐊᑦ | ᓖᕙᐃ ᐊᖕᒪᒃ ᐃᓕᓐᓂᐊᕐᕕᒻᒥ ᑭᒍᑎᓕᕆᔨᒃᑯᑦ | ᒫᑦᓯ 3-17, 2025 |
| ᓇᐅᔮᑦ | ᓇᐅᔮᓂ ᐋᓐᓂᐊᕐᕕᒻᒥ ᑭᒍᑎᓕᕆᔨᒃᑯᑦ | ᕕᐅᓪᓗᐊᓕ 17-28, 2025 | |
| ᑲᙱᖅᖠᓂᖅ | ᒫᓂ ᐅᓗᔪᒃ ᐃᓕᓐᓂᐊᕐᕕᒻᒥ ᑭᒍᑎᓕᕆᔨᒃᑯᑦ | ᒫᑦᓯ 10-14, 2025 | |
| ᑲᙱᖅᖠᓂᖅ | ᒫᓂ ᐅᓗᔪᒃ ᐃᓕᓐᓂᐊᕐᕕᒻᒥ ᑭᒍᑎᓕᕆᔨᒃᑯᑦ | ᒫᑦᓯ 19-29, 2025 | |
| ᕿᑎᕐᒥᐅᑦ | ᐃᖃᓗᒃᑑᑦᑎᐊᖅ | ᑯᓖᒃ ᐃᓕᕼᐃᒃᕕᒃ | ᒫᑦᓯ 1-14, 2025 |
| ᖁᕐᓗᖅᑐᖅ | ᔨᒥ ᕼᐃᑯᒃ ᓱᕈᓯᓄᑦ ᐃᓕᓐᓂᐊᕐᕕᒃ | ᕕᐅᓪᓗᐊᓕ 17-28, 2025 |
ᐅᓪᓗᖓ ᓇᓃᓐᓂᖓᓗ ᐊᓯᔾᔨᒐᔪᑐᐃᓐᓇᕆᐊᓖᑦ.
ᐅᓪᓗᖏᑦ ᐊᓯᔾᔨᑐᐃᓐᓇᕆᐊᓖᑦ, ᑖᓐᓇ ᒪᒃᐱᖅᑐᒐᖅ ᖃᐅᔨᒋᐊᕋᔪᒡᓗᒍ ᓄᑖᙳᕆᐊᖅᓯᒪᔪᓂᒃ ᖃᐅᔨᒋᐊᕐᓗᓯᓘᓐᓃᑦ ᐊᕕᒃᑐᖅᓯᒪᔪᓂ ᓄᓇᓕᖕᓂ ᖃᓂᓕᕆᔨᒧᑦ.
ᐃᓚᐅᖃᑕᐅᔪᒪᓗᓂ ᐊᐱᖅᑯᑎᖃᕈᒪᓗᓂᓘᓐᓃᑦ ᓄᓇᕗᒻᒥ ᓄᑕᖅᑲᑦ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᒃᓴᒥ, ᖃᐅᔨᒋᐊᕐᓗᒍ:
ᕿᑎᕐᒥᐅᑦ: 867-983-4081
ᑭᕙᓪᓕᕐᒥ: 867-645-8041
ᕿᑭᖅᑖᓗᒃ: 867-975-5990
ᓄᓇᕗᒻᒥ ᖁᖓᔮᖏᓐᓇᕐᓗᑎᑦ−ᐃᓕᓐᓂᐊᕐᕕᓕᐊᕐᓗᑎᑦ ᐋᓐᓂᐊᕕᖕᒧᓪᓘᓐᓃᑦ ᑭᒍᑎᓕᕆᕝᕕᖕᒧᑦ ᖃᓂᒋᔭᕐᓄᑦ!
ᐃᓚᐅᖃᑕᐅᓗᓂ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᒃᓴᓄᑦ
ᓄᓇᕗᒻᒥ ᓄᑕᖅᑲᑦ 13 ᑐᖔᓂ ᐅᑭᐅᓖᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᐊᑭᖃᙱᑦᑐᒥᒃ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᔨᑦᑎᕋᖅᑕᐅᔪᓐᓇᖅᓯᔪᑦ, ᐱᖁᑏᑦ ᐊᒻᒪ ᐃᑲᔫᑎᒃᓴᑦ.
ᒥᓇᕆᓗᒍ ᐱᔭᕇᕐᓗᒍᓗ ᐊᖏᕈᑎ ᖃᐅᔨᓴᖅᑕᐅᓂᕐᒧᑦ ᑕᑕᑎᕆᐊᓕᒃ. ᐅᑎᕐᓗᑎᑦ ᑭᒍᑎᓕᕆᕝᕕᖕᒧᑦ ᐃᓕᓐᓂᐊᕐᕕᖕᒥ ᐋᓐᓂᐊᕕᖕᒥᓘᓐᓃᑦ.