ᓄᓇᕗᑦ ᐊᑐᕐᓂᐊᖅᑕᖓ

ᑎᑎᕋᖅᓯᒪᔪᑦ ᐃᓗᓕᖏᑦ

• ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ ᐃᓅᓯᖃᕐᓂᖅ
• ᒪᑐᐊᑦ
• ᑲᐱᔭᐅᓂᖅ
• ᐃᓅᓕᓴᕐᓂᖅ
• ᖃᐅᔨᓴᑲᐅᕐᑐᕐᓂᖅ
• ᐊᐅᓪᓚᖃᑦᑕᕐᓂᖕᒧᑦ 
• ᖃᓄᖅ ᐱᔪᓐᓇᕐᒪᖔᑦ ᓇᓗᓇᐃᒃᑯᑕᒥ ᑲᐱᔭᐅᓯᒪᓂᖕᒧᑦ

 

---

 ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ ᐃᓅᓯᖃᕐᓂᖅ

ᓄᓇᕗᒻᒥ ᐊᖅᑯᑎᖓ ᓴᓇᔭᐅᓚᐅᖅᑐᖅ ᖃᓄᐃᓕᐅᕆᐊᓪᓚᒡᕕᖃᕈᓐᓇᖁᓪᓗᑕ ᐱᔭᕆᑐᔪᓂᒃ ᐊᒥᓱᓄᑦ ᖃᓂᒻᒪᓐᓇᐅᔪᖅ ᐱᓕᕆᐊᖑᑎᓪᓗᒍ ᐃᓱᒪᒋᔭᐅᓪᓗᑎᑦ ᐊᒻᒪᓗ ᐅᔾᔨᖅᓱᖅᑎᐊᖅᓯᒪᓂᒃᑯᑦ ᐊᐅᓚᔾᔭᒋᐊᕈᑕᐅᓗᑎᒃ. ᒫᓐᓇᐅᔪᖅ, ᓄᓇᕗᑦ ᒐᕙᒪᒃᑯᖏᑦ, ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᖅᑐᖃᙱᑦᑐᑦ. ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑦ, ᓇᓗᓇᐃᖅᓯᓯᒪᓕᖅᑐᑦ ᓄᓇᕗᒻᒥ ᐊᐅᓚᑦᑎᔪᓐᓇᕐᓂᖏᓐᓂᒃ ᓄᕙᒡᔪᐊᕐᓇᖅ-19−ᒥ ᐱᔪᓐᓇᐅᑎᖃᖅᑐᒥᒃ ᑎᓕᐅᖅᑕᐅᖏᓐᓈᓗᙱᒃᑲᓗᐊᕐᓗᑕ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑐᐊᕕᖕᓇᖅᑐᒃᑯᑦ.

ᒫᓐᓇ, 90% ᓄᓇᕗᒥᐅᑦ ᑲᐱᔭᐅᖃᑕᐅᔪᓐᓇᑦᑎᐊᖅᐳᑦ ᐊᑦᑕᕐᓇᙱᑦᑐᓂᒃ ᐊᑑᑎᖃᑦᑎᐊᖅᑐᓂᒡᓗ ᑲᐴᑎᓂᒃ ᐊᑐᐃᓐᓇᐅᑎᑦᑎᓲᓂᒃ ᖃᐅᔨᔾᔪᑕᐅᓯᒪᔪᓂᒃ ᓴᐳᔾᔨᔾᔪᑎᓕᖕᓂᒃ ᓄᕙᒡᔪᐊᕐᓇᖅ-19−ᒧᑦ.

ᐊᑐᐃᓐᓇᐅᑎᑕᐅᓂᖏᑦ ᐃᒻᒥᒧᑦ ᖃᐅᔨᓴᕈᑎᑦ ᐊᑐᖅᑕᐅᖔᕈᓐᓇᖅᑐᑦ ᓄᓇᕗᒻᒥ ᐊᒻᒪ ᐅᑭᐅᖕᓄᑦ ᒪᕐᕉᖕᓄᑦ ᐃᓕᓐᓂᐊᖅᑕᐅᒋᐊᓕᖕᓄᑦ ᖃᓄᖅ ᓄᓇᕗᒥᐅᑦ ᐃᒻᒥᓂᒃ ᓴᐳᑎᔪᓐᓇᕐᒪᖔᑕ ᓄᕙᒡᔪᐊᕐᓇᖅ-19−ᒧᑦ.

ᐅᑯᐊ ᐱᔾᔪᑕᐅᓲᑦ ᑲᑎᖅᓱᖅᓯᒪᓪᓗᑎᒃ ᐊᑐᐃᓐᓇᐅᑎᑕᐅᕗᑦ ᓄᓇᕗᒥᐅᓄᑦ ᐱᔪᓐᓇᕐᓂᖃᖅᑐᓄᑦ ᐊᐅᓚᑦᑎᔪᓐᓇᕐᓗᑎᒃ ᐊᑦᑕᕐᓇᕐᓂᖓᓂᒃ ᓄᕙᒡᔪᐊᕐᓇᖅ-19 ᐃᓚᐅᑎᑕᐅᙱᒃᑲᓗᐊᕐᓗᑎᒃ ᓄᓇᕗᑦ ᒐᕙᒪᒃᑯᑦ ᐊᑐᐃᓐᓇᐅᑎᑦᑎᖃᑦᑕᖅᑎᓪᓗᒋᑦ ᒪᓕᒃᑕᐅᒋᐊᖃᖅᑐᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐱᔨᑦᑎᕋᕈᑕᐅᓲᓄᑦ. ᓯᕗᒻᒧᑦ, ᓄᓇᕗᒻᒥᐅᑦ ᐅᔾᔨᖅᓱᑦᑎᐊᖁᔭᐅᕗᑦ ᐊᑦᑕᕐᓇᓗᐊᖁᓇᒍ ᐳᕙᒃᑯᑦ. ᐊᑏ ᐅᖃᓕᒫᕈᒃ ᓄᓇᕗᑦ ᐊᑐᕐᓂᐊᕐᑕᖓ: ᓯᕗᒧᐊᒃᐸᓪᓕᐊᓂᖅ ᓄᕙᒡᔪᐊᕐᓇᖅ-19−ᑕᖃᕐᑎᓪᓗᒍ ᑐᑭᓯᒋᐊᒃᑲᓐᓂᕐᓗᑎ ᖃᓄᖅ ᓄᓇᕗᑦ ᓯᕗᒧᐊᖕᓂᐊᕐᒪᖔᑦ ᐃᓅᓯᖃᑐᐃᓐᓇᓕᕐᓗᑎᒃ ᓄᕙᒡᔪᐊᕐᓇᖅ-19−ᑕᖃᕐᑎᓪᓗᒍ.

ᐊᓯᔾᔨᕐᑐᖅ ᑐᓴᕐᑕᐅᔪᒃᓴᓪᓗ:

ᐱᑕᖃᑐᐃᓐᓇᕆᐊᖃᕐᑐᖅ ᓄᓇᓕᖕᓂᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑐᐊᕕᖕᓇᕐᓂᕋᕐᑕᐅᕙᒃᓗᑎᒃ ᓯᐊᒻᒪᒃᑐᑦ ᐊᒃᓱᕈᕐᓇᓗᐊᓕᕈᑎᒃ ᐋᓐᓂᐊᕕᖕᓄᑦ. ᓄᑖᑦ ᓄᕙᒡᔪᐊᕐᓇᐃᑦ ᐋᓐᓂᐊᓕᕇᒃᑯᑎᓂᑦ ᐊᑑᑎᖃᙱᑦᑐᑦ ᓴᙱᓂᕐᓴᓂ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒐᒃᓴᖃᓕᑐᐃᓐᓇᕆᐊᖃᕐᑐᑦ. ᑕᐃᒪᐃᑉᐸᑦ, ᓄᓇᕗᒻᒥᐅᑦ ᑐᓴᖅᑎᑕᐅᖃᑦᑕᓛᕐᑐᑦ ᓄᑖᓂ ᓄᓇᕗᑦ ᒐᕙᒪᒃᑯᖏᑦᑕ ᐃᑭᐊᖅᑭᕕᖓᒍᑦ, ᓄᓇᕗᑦ ᒐᕙᒪᒃᑯᑦ ᐃᓄᖕᓄᑦ ᑐᓴᒐᒃᓴᑦ, ᐱᕙᓪᓕᐊᔪᓕᕆᔨᒃᑯᑦ ᑐᓴᕐᑎᑦᑎᓗᑎᒃ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐅᖃᐅᔾᔪᐃᓂᒃᑯᑦ

ᐊᐱᖅᑯᑕᐅᒐᔪᒃᑐᑦ 

ᖃᓄᐃᒻᒪᑦ ᐅᓗᕆᐊᓇᕈᓐᓃᖅᐸ ᐲᕐᓗᒋᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑐᐊᕕᖕᓇᖅᑐᖅ ᐊᒻᒪᓗ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᑦ? 
ᐋᓐᓂᐊᓕᕇᒃᑯᑎᑦ ᐊᑐᐃᓐᓇᐅᖕᒪᑕ ᓄᓇᕗᒻᒥᐅᓄᑦ ᐊᕐᕌᒍᓕᖕᓄᑦ ᑕᓪᓕᒪᑦ ᐅᖓᑖᓄᑦ ᖃᐅᔨᓴᕐᑕᐅᔪᓐᓇᕐᖢᑎᒃᓗ ᓇᓕᐊᒃᑯᑦ ᓄᓇᓕᓕᒫᓂᑦ. ᖃᐅᔨᒪᓂᕐᓴᐅᓕᕐᒥᔪᒍᑦ ᖃᓄᖅ ᖃᐅᔨᓴᕆᐊᒃᓴᖅ ᐊᐅᓚᓪᓗᑎᒍᓪᓗ ᓇᖕᒥᓂ ᐅᓗᕆᐊᓇᖅᑐᒦᓐᓂᕗᑦ ᐅᕝᕙᓘᓐᓃᑦ ᓄᕙᒡᔪᐊᕐᓇᖅ-19−ᑖᕐᓗᑕ ᐊᐃᑦᑐᐃᓗᑕᓗ. ᑖᒃᑯᓄᖓ ᖃᐅᔨᓴᕈᑎᓄ ᐊᐅᓚᑦᑐᓐᓇᓕᕋᑦᑎᒍᑦ ᖁᐱᕐᕈᐊᕐᔪᒃ ᑕᐃᒫᑐᐃᓐᓇᖅ ᐊᐃᑦᑑᑕᐅᕙᒃᑐᓄᑦ ᖃᓂᒻᒪᓯᕐᓄᑦ, ᓲᕐᓗ ᓄᕙᒡᔪᐊᖕᓂᖅ. 

ᖃᓄᐃᒻᒪᑦ ᓄᓇᕗᑦ ᒐᕙᒪᒃᑯᖏᑦ ᐅᓂᒃᑳᓕᐅᖃᑦᑕᕈᓐᓃᕐᐸᑦ ᐋᓐᓂᐊᓕᕇᒃᑯᑎᑕᐅᓯᒪᔪᓂ ᖃᔅᓯᐅᓂᖏᓐᓂᓪᓗ ᐱᖃᕐᑐᑦ? ᑖᒃᑯᐊ ᓱᓕ ᐊᑐᐃᓐᓇᐅᓂᐊᕆᕙᑦ ᑭᒃᑯᑐᐃᓇᕐᓄᑦ? 
ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑐᐊᕕᖕᓇᖕᓂᖓ ᐅᓂᒃᑳᓕᐅᕈᓐᓇᕈᑎᒋᓚᐅᕐᑕᕗᑦ ᓄᕙᒡᔪᐊᕐᓇᖅ-19−ᖃᕐᑐᓂ ᓴᐳᑎᓂᐊᕐᖢᒋᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ. ᓅᑉᐸᓪᓕᐊᓪᓗᑕ ᐊᐅᓚᑦᑎᓂᖕᒥᑦ ᓄᕙᒡᔪᐊᕐᓇᖅ-19−ᒥᑦ ᐊᓯᖓᒍ ᐋᓐᓂᐊᖅᑕᐃᓕᒪᓂᒃᑯᑦ, ᐅᓂᒃᑳᓕᐅᕆᓂᖅ ᑭᒡᓕᖃᕐᓂᐊᕐᑐᖅ ᑭᓱ ᐅᓂᒃᑲᐅᓯᐅᔪᓐᓇᕐᒪᖔᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᖁᔭᒃᑯᑦ. ᐆᒃᑑᑎᒋᓗᒍ, ᓇᓗᓇᐃᕐᓯᔭᕆᐊᖃᓕᕐᐸᑕ ᓯᐊᒻᒪᒃᑐᓂᑦ, ᑭᒃᑯᓕᒫᑦ ᑐᓴᖅᑎᑕᐅᓇᔭᕐᑐᑦ. ᐅᓂᒃᑳᓕᐅᖏᓐᓇᖃᑦᑕᕐᓂᐊᕐᑐᒍᑦ ᐱᑕᓕᖕᓄᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ. 

ᖃᓄᕐᓕ ᑭᒃᑯᑐᐃᓇᐃᑦ ᖃᐅᔨᒪᓂᐊᕐᒪᑕ ᐅᓗᕆᐊᓇᖅᑐᒦᓕᕐᐸᑕ ᓄᕙᒡᔪᐊᕐᓇᖅ-19−ᒧᑦ ᓄᓇᕗᑦ ᒐᕙᒪᒃᑯᖏᑦ ᐅᓂᒃᑳᓕᐅᕐᐸᒍᓐᓃᕐᐸᑕ ᐅᓄᕐᓂᖏᓐᓂᑦ? 
ᐊᔾᔨᐸᓗᖓᑎᑐᑦ ᐊᐃᑦᑑᑕᐅᕙᒃᑐᑐᑦ (ᓲᕐᓗ ᓄᕙᒡᔪᐊᕐᓂᖅ), ᐊᑦᑕᕐᓇᕐᓂᖃᐃᓐᓇᐅᔭᕐᑐᖅ. ᐱᒻᒪᕆᐅᕗᖅ ᓄᓇᕗᒻᒥᐅᑦ ᐅᔾᔨᖅᓱᑦᑎᐊᖏᓐᓇᕐᓗᑎᒃ ᐊᑦᑕᕐᓇᕐᑐᒧᐊᖁᓇᒋᑦ ᓄᕙᒡᔪᐊᕐᓇᖅ-19−ᒧᑦ. ᑕᐃᒪᓕ ᑲᐱᔭᐅᓗᑎᑦ, ᒪᑐᐊᕐᓯᒪᓗᑎᑦ, ᓴᓗᒻᒪᕐᓴᕐᐸᒃᓗᑎᑦ, ᐊᐃᓯᒪᓗᑎᓪᓗ ᖃᓂᒪᒍᕕᑦ. 

ᑖᒃᑯᐊᒃ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᕐᑐᖅ ᐊᒻᒪᓗ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᑦ ᐊᑐᓕᕐᑎᑕᐅᒃᑲᓐᓂᕋᔭᕐᐸᑦ? 
ᐃᓛᓐᓂᒃᑯᑦ ᓇᓗᓇᐃᕐᓯᔭᕆᐊᖃᖃᑦᑕᑐᐃᓐᓇᕆᐊᖃᕐᓂᐊᕐᑐᒍ ᓄᓇᓕᖕᓂᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑐᐊᕕᖕᓇᕐᑐᒧᑦ ᓯᐊᒻᒪᒃᐸᓪᓕᐊᔪᖅ ᐊᒃᓱᕈᕐᓇᓗᐊᓕᕐᐸᑦ ᐋᓐᓂᐊᕐᑕᐃᓕᒪᔪᓕᕆᓂᖕᒧᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᖃᓕᕐᓗᑎᒃ. ᖃᐅᔨᓴᖃᑦᑕᕐᒥᔪᒍᑦᑕᐅᖅ ᒪᓕᒃᑕᐅᔭᕆᐊᖃᕐᒪᖔᑦ ᒪᓕᒃᖢᑎᒃ ᓴᖅᑭᑦᑐᓂ ᓲᕐᓗ ᓄᑖ ᓄᕙᒡᔪᐊᑦ ᐋᓐᓂᐊᓕᕇᒃᑯᑎᓄ ᐊᑑᑎᖃᙱᑦᑐᓂᑦ. 

ᐅᓗᕆᐊᓇᙱᓚᖅ ᕿᑐᕐᖓᒃᑲ ᐃᓕᓐᓂᐊᕆᐊᖅᑎᒃᑯᒃᑭ? 
ᐄ. ᐅᓗᕆᐊᓇᙱᑦᑐᖅ ᓄᑕᖅᑲᑦ ᐃᓕᓐᓂᐊᕆᐊᕐᑎᓪᓗᒋᑦ. ᓄᓇᕗᒻᒥᐅᓕᒫᓄᑦ, ᐱᒻᒪᕆᐅᕗᖅ ᐊᐅᓚᓐᓂᐊᕐᓗᒍ ᐅᓗᕆᐊᓇᕐᓂᖓ. ᑲᐱᔭᐅᒋᑦ, ᐊᐃᓯᒪᓗᑎᑦ ᖃᓂᒪᒍᕕᑦ. 

ᖃᓄᐃᒻᒪᑦ ᐃᓄᐃᑦ ᓄᕙᒡᔪᐊᕐᓇᖅ-19−ᓕᑦ ᐊᓂᑦᑕᐃᓕᔭᕆᐊᖃᕈᓐᓃᕐᐸᑦ? 
ᓄᓇᕗᒻᒥᐅᑦ ᖃᓄᐃᓕᐅᕈᑎᒃᓴᖃᓕᕐᑐᑦ, ᓲᕐᓗ ᐋᓐᓂᐊᓕᕇᒃᑯᑎᑦ ᐊᕐᕌᒍᓄᓪᓗ ᒪᕐᕉᖕᓄᑦ ᑭᒃᑯᑐᐃᓇᑦ ᐃᓕᓐᓂᐊᕐᑎᑕᐅᓯᒪᓕᕐᓗᑎᒃ ᐊᐅᓚᑦᑎᓂᖕᒥᑦ ᐊᑦᑕᕐᓇᕐᓂᖓ ᓄᕙᒡᔪᐊᕐᓇᖅ-19. ᑭᓇᑐᐃᓐᓇᖅ ᖃᓂᒪᒃᐸᑦ ᐊᑐᕐᓗᑎᒃ ᐊᑐᕆᐊᓕᖕᒥᓂ ᓴᐳᑎᓗᓂᔾᔪᒃᓗ ᓄᓇᓕᑎᒃ ᐊᐃᓯᒪᓂᒃᑯᑦ. 

ᐅᔭᕋᖕᓂᐊᕐᕕᖕᒥᑦ ᐃᖅᑲᓇᐃᔭᕋᒪ, ᓄᓇᕗᑦ ᓄᓇᓕᖓᓄᐊᕈᓐᓇᕐᐳᖓ? 

ᒫᓐᓇ ᑭᒡᓕᖃᑎᑕᐅᔪᓐᓃᕐᑐᑦ ᑭᒃᑯᑐᐃᓇᑦ ᐊᐅᓪᓚᖃᑦᑕᕐᓗᑎᒃ ᓄᓇᕗᑦ ᐃᓗᐊᓂ, ᐃᓚᐅᓪᓗᑎᒃ ᐅᔭᕋᖕᓂᐊᕐᕕᖕᓂᑦ ᓄᓇᓕᖕᓄᓪᓗ. ᐃᓄᐃᑦ ᖃᐅᔨᒋᐊᓪᓗᐊᕐᑐᑦ ᐃᖅᑲᓇᐃᔭᕐᕕᖕᒥᓄᓪᓚᕆᒃ ᐊᐱᖅᑯᑎᒃᓴᖃᕈᑎᑦ ᓄᕙᒡᔪᐊᕐᓇᖅ-19 ᒥᒃᓵᓄᑦ ᐊᑐᐊᒐᓂᑦ ᐊᒃᑐᐃᓂᖃᑐᐃᓐᓇᕆᐊᓕᑦ ᐅᔭᕋᖕᓂᐊᕐᕕᖕᓂᑦ ᓄᓇᕗᒻᒥᑦ, ᐃᓚᐅᓪᓗᑎᒃ ᒪᑐᐊᕐᓯᒪᔭᕆᐊᖃᕐᓂᖅ ᐊᒻᒪᓗ ᑲᐱᔭᐅᓯᒪᔭᕆᐊᖃᕐᓂᖅ.  

ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ ᖃᓄᐃᓕᖕᒪᓪᓕ?
ᓄᓇᕗᒻᒥ ᓄᕙᒡᔪᐊᕐᓇᖅ-19 ᒥᒃᓵᓄᑦ ᐅᖃᓗᒡᕕᒃᓴᖅ ᐃᓚᒋᔭᐅᓚᐅᕐᒪᑦ ᖃᔅᓯᑲᓪᓚᖕᓄᑦ ᒪᓕᒃᑕᐅᔭᕆᐊᓕᖕᓄᑦ ᐃᑲᔪᖅᑐᐃᓪᓗᑎᒃ ᓄᓇᕗᒻᒥ ᓄᕙᒡᔪᐊᕐᓇᖅ-19 ᖃᓂᒪᓐᓇᖅ ᖃᓄᐃᓕᐅᕈᑕᐅᑎᓪᓗᒍ. ᐅᖄᓚᔪᑦ ᐅᓄᕈᓐᓃᖅᐸᓪᓕᐊᓂᖏᓐᓄᑦ, ᑖᓐᓇ ᒪᑐᔭᐅᓂᐊᓕᖅᐳᖅ ᔭᓄᐊᕆ 31, 2023-ᒥ. ᓄᓇᕗᒻᒥᐅᑦ ᐊᐱᖅᑯᑎᒃᓴᓖᑦ ᓄᕙᒡᔪᐊᕐᓇᖅ-19 ᒥᒃᓵᓄᑦ ᐃᓅᓕᓴᖅᑕᐅᔪᓐᓇᕐᒪᖔᑕᓗ ᓄᕙᒡᔪᐊᕐᓇᖅ-19−ᒧᑦ, ᐅᕗᖓ ᑕᑯᒋᐊᖃᑦᑕᖁᔭᐅᔪᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑎᖓᓄᑦ ᖃᐅᔨᒋᐊᕐᓗᑎᓪᓘᓐᓃᑦ ᐋᓐᓂᐊᕕᖏᓐᓄᑦ ᐅᖁᒪᐃᓐᓂᕐᓂᐊᕐᕕᖕᒧᓪᓘᓐᓃᑦ.

- ᖁᓛᓄᑦ ᐅᑎᒧᑦ -

 

---

 ᒪᑐᐊᑦ 

ᒪᑐᐊᖅᓯᒪᙱᒃᑲᓗᐊᕐᓗᓂ ᓄᓇᕗᒻᒥ ᐊᔪᕐᓇᕈᓐᓃᖅᑐᖅ ᑭᒃᑯᑐᐃᓐᓇᕐᓄᑦ, ᑭᓯᐊᓂᑦᑕᐅᖅ ᓇᖕᒥᓂᖅᓱᖅᑐᑦ ᐱᓇᓱᐊᕐᕖᑦ ᐃᖅᑲᓇᐃᔭᖅᑎᖁᑎᒥᓂᒃ ᐅᐸᖃᑦᑕᖅᑐᖁᑎᒥᓂᒡᓗ ᐊᑐᖁᔩᓐᓇᕈᓐᓇᖅᑐᐃᑦ ᒪᑐᐊᓂᒃ.
ᓇᓗᓇᐃᖅᑕᐅᒃᑲᓐᓂᓚᐅᙱᓐᓂᖓᓂ ᓱᓕ, ᓄᓇᕗᑦ ᒐᕙᒪᒃᑯᖏᑦ ᓱᓕ ᒪᑐᐊᖅᓯᒪᖃᑦᑕᖁᔨᔪᑦ ᐋᓐᓂᐊᕖᑦ ᐃᒡᓗᕐᔪᐊᖁᑎᖏᓐᓂ, ᐃᓐᓇᒃᑯᕖᑦ ᐃᓄᑐᖃᒃᑯᕖᓪᓗ ᐃᒡᓗᕐᔪᐊᖁᑎᖏᓐᓂ, ᐊᒻᒪᓗ ᐊᑲᐅᓯᓴᖅᕕᖕᒥ.
ᐊᑐᖅᑕᐅᙱᑦᑐᓐᓇᖅᑐᑦ ᒪᑐᐊᒐᐃᑦ ᐃᓕᓐᓂᐊᕐᕕᖕᓂ ᒐᕙᒪᒃᑯᓪᓗ ᐃᒡᓗᕐᔪᐊᖁᑎᖏᓐᓂ.

ᒪᑐᐊᕐᓯᒪᔭᕆᐊᖃᕈᓐᓃᖅᑎᓪᓗᒋᑦ ᑭᒃᑯᑐᐃᓇᓂ ᐅᐸᒃᑕᐅᕙᒃᑐᓂ, ᓱᓕ ᐊᑐᖁᔭᐅᕗᑦ ᐋᓐᓂᐊᖅᑐᓄᑦ ᐊᖏᕐᕋᖅᓯᒪᔪᓐᓇᙱᑦᑐᓄᓪᓗ.

ᐊᐱᖅᑯᑕᐅᒐᔪᒃᑐᑦ 

ᓱᓕ ᒪᑐᐊᕐᓯᒪᔭᕆᐊᖃᕐᐳᖓ? 
ᒪᑐᐊᕐᓯᒪᔭᕆᐊᖃᕈᓐᓃᕐᑐᑦ ᐃᓄᒋᐊᒃᑐᒃᑯᕕᖕᓂᑦ, ᑭᓯᐊᓂᓕ, ᖃᓄᐃᒃᑯᕕᑦ ᐊᐃᓯᒪᔪᓐᓇᙱᓪᓗᑎᓪᓗ ᒪᑐᐊᕐᓯᒪᔭᕆᐊᖃᕐᐳᑎᑦ. ᒪᑐᐊᑦ ᓯᐊᒻᒪᓗᐊᕐᑕᐃᓕᒪᔾᔪᑕᐅᔪᑦ ᓄᕙᒡᔪᐊᕐᓇᖅ-19−ᒥᑦ. 
ᖃᓄᖅ ᒪᑐᐊᕈᓐᓇᕐᒪᖔᑦ ᐅᕙᓂ ᑕᑯᔪᓐᓇᕐᑕᐃᑦ: ᖃᓄᖅ ᒪᑐᐊᕐᓯᒪᔭᕆᐊᖃᕐᒪᖔᑦ 

ᐃᖅᑲᓇᐃᔭᕐᕕᕐᓂᑦ ᓱᓕ ᒪᑐᐊᕐᓯᒪᔭᕆᐊᖃᕐᓇᕐᒪᑦ − ᖃᖓᓕᑭᐊᖓᐃ ᐲᕐᑕᐅᓛᕐᐸ? 
ᒪᑐᐊᓄ ᐊᑐᐊᒐᐃᑦ ᐃᓱᒪᖅᓲᑕᐅᔪᑦ ᐃᖅᑲᓇᐃᔭᕐᕕᖕᓂᑦ.  

- ᖁᓛᓄᑦ ᐅᑎᒧᑦ -

 

---

  ᑲᐱᔭᐅᓂᖅ  

ᓄᓇᕗᒻᒥᐅᓕᒫᑦ ᑕᕿᓂᑦ ᐊᕐᕕᓕᓂᖕᓂᑦ ᐊᒻᒪᓗ ᐅᖓᑖᓂᑦ ᐅᑭᐅᓖᑦ ᓄᕙᒡᔪᐊᕐᓇᖅ-19ᒧᑦ ᑲᐱᔭᐅᔪᓐᓇᖅᓯᔪᑦ. ᒫᓐᓇ, ᓄᓇᕗᒻᒥ ᐅᑯᓂᖓ ᐊᑐᐃᓐᓇᐅᑎᑦᑎᔪᑦ:

• Moderna SPIKEVAX® ᓄᓇᕗᒻᒥᐅᓄᑦ ᑕᖅᑭᓕᖕᓄᑦ ᐊᕐᕕᓂᓕᖕᓄᑦ ᐅᖓᑖᓄᓪᓗ.
• Pfizer-BioNTech Comirnaty mRNA ᐋᓐᓂᐊᓕᕇᒃᑯᑎᑦ ᐅᑭᐅᓕᖕᓄᑦ ᑕᓪᓕᒪᓂᒃ ᐅᖓᑖᓄᓪᓗ. 

ᐅᕗᙵᕐᓗᑎᑦ ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎᑦ ᒪᒃᐱᖅᑐᒐᕐᒧᑦ ᖃᐅᔨᒃᑲᓐᓂᕐᓂᐊᕋᕕᑦ ᑕᒪᐃᓐᓂ.  

 

- ᖁᓛᓄᑦ ᐅᑎᒧᑦ -

 

---

 ᐃᓅᓕᓴᕐᓂᖅ 

ᐃᓅᓕᓴᕐᑕᐅᓂᖅ ᐊᑐᐃᓐᓇᖅ ᓄᕙᕐᔪᐊᕐᓇᖅ-19-ᒧ. Paxlovid™ ᐄᔭᐅᒍᓐᓇᖅᑐᖅ ᐃᓅᓕᓴᐅᑎ ᒥᑭᓪᓕᕚᓪᓕᑎᑦᓯᓂᕐᒧᑦ ᐋᓐᓂᐊᕕᒻᒥᒋᐊᖃᕐᓂᕐᒧᑦ ᐱᔾᔪᑎᒋᑦᓱᒍ ᓄᕙᕐᔪᐊᕐᓇᖅ-19. 

ᖃᐅᔨᒪᔭᕆᐊᖃᖅᑕᑎᑦ: 

•  ᐊᑐᐃᓐᓇᐅᔪᑦ ᓄᓇᕗᒻᒥᑦ ᓄᓇᓕᓕᒫᓂᑦ.
• ᐃᓐᓇᕐᓄᑦ ᐊᕐᕌᒍᓕᖕᓄᑦ 18 ᐅᖓᑖᓄᓪᓗ ᐃᓱᒪᒋᔭᐅᔪᓄᑦ ᐅᓗᕆᐊᓇᖅᑐᒦᑦᑐᓄ ᖃᓄᐃᓕᖓᓕᕐᓂᖏᑦ.  ᐊᑦᑕᕐᓚᕈᑎᑦ ᐱᔾᔪᑕᐅᓲᑦ ᐅᑯᐊ:
  • ᑎᒥᒃᑯᑦ ᓱᑲᖃᓗᐊᖅᑐᖅ
  • ᐆᒻᒪᑎᕐᓗᒃᑐᖅ
  • ᐳᕙᒃᑯᑦ ᐋᓐᓂᐊᓕᑦ
  • ᖁᐃᓂᓗᐊᕐᓂᖅ
  • ᓯᖓᐃᓂᖅ
  • ᓴᙲᑦᑐᓂᒃ ᐆᒻᒪᔾᔪᑎᓕᑦ ᑎᒥᒥᒍᑦ 
  • 55 ᐅᖓᑖᓂᑦᑐᑦ
• ᐃᓅᓕᓴᕐᑕᐅᓂᖅ ᐱᒋᐊᕆᐊᓕᒃ ᐅᓪᓗᐃᑦ ᑕᓪᓕᒪᑦ ᐃᓗᐊᓂ ᐋᓐᓂᐊᕈᓯᖃᕐᓂᕐᒧᑦ.

ᓄᕙᒡᔪᐊᕐᓇᖅ-19−ᖃᕈᕕᑦ ᐅᕝᕙᓘᓐᓃᑦ ᐅᐸᒃᓯᒪᔭᖃᕐᓂᕈᕕᑦ ᖃᓄᐃᑦᑐᒥ ᐅᖄᓚᒋᑦ ᓄᕙᒡᔪᐊᕐᓇᖅ-19−ᒧᑦ ᐅᖄᓚᕕᖓᓄ ᖃᐅᔨᓇᓱᒃᓗᑎᒃ ᐃᓅᓕᓴᖅᑕᐅᔪᓐᓇᕐᒪᖔᕐᐱᑦ Paxlovid−ᒧᑦ.

ᐊᐱᖅᑯᑕᐅᒐᔪᒃᑐᑦ

ᖃᓄᕐᓕ ᐃᓅᓕᓴᐅᑎ ᓄᕙᒡᔪᐊᕐᓇᖅ-19−ᒧᑦ ᐊᑐᖃᑦᑕᕐᒪᑦ? 
Paxlovid™ ᖃᓂᒃᑯᑦ ᐄᔭᒐᒃ ᐃᓅᓕᓴᐅᑎᐅᓪᓗᓂ ᐸᓚᕐᔫᒥᔪᒧ ᓄᕙᒡᔪᐊᕐᓇᖅ-19 ᐃᓐᓇᕐᓂ (18 ᐊᕐᕋᒍᓕᑦ ᐅᖓᑖᓄᓪᓗ) ᐊᑦᑕᕐᓇᑐᒦᑦᑐᑦ ᖃᓐᓂᒻᒪᓯᕐᒧᑦ. ᐱᒋᐊᓕᕐᑎᓪᓗᒍ ᐅᓪᓗᑦ ᑕᓪᓕᒪᑦ ᖃᓄᐃᑉᐸᓪᓕᐊᓕᓚᐅᕐᑎᓪᓗᑎ, Paxlovid ᐊᑑᑎᖃᕐᑐᖅ ᖃᓄᐃᓗᐊᙱᓐᓂᕐᓴᐅᓂᖕᒧᑦ ᐋᓐᓂᐊᕕᖕᒧᐊᙱᓪᓗᑎᑦ ᑐᐊᕕᖕᓇᖅᑐᒃᑰᙱᓪᓗᑎᓪᓗ ᓄᕙᒡᔪᐊᕐᓇᖅ-19−ᒧᑦ. ᐊᑕᖏᖅᖢᓂ ᐹᒃᓗᕝᒥ™ ᑲᒪᒋᔭᐅᓲᖑᕗᖅ ᐅᓪᓗᓄᑦ ᑕᓪᓕᒪᓄᑦ.

ᓄᑕᖅᑲᓄᑦ ᐃᓅᓕᓴᐅᑎᖃᕐᐸ?  
ᒫᓐᓇ, ᑲᓇᑕᒥ ᐋᓐᓂᐊᖃᕐᓇᙱᑐᓕᕆᔨᒃᑯᑦ ᐊᖏᕐᓯᒪᔭᖏᑦ ᖁᐱᕐᕈᐊᕐᔪᒃᑖᖅᑕᐃᓕᒪᔾᔪᑎ ᐃᓅᓕᓴᐅᑎᐅᓪᓗᓂ ᓄᕙᒡᔪᐊᕐᓇᖅ-19−ᒧᑦ ᐃᓐᓇᕐᓄᑦ.  

- ᖁᓛᓄᑦ ᐅᑎᒧᑦ -

 

---

 ᖃᐅᔨᓴᑲᐅᕐᑐᕐᓂᖅ         

ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᑲᐅᕐᑐᕈᑎᑦ ᐃᑲᔫᑎᐅᕗᑦ ᖃᐅᔨᓇᓱᒃᖢᓂ ᓄᕙᒡᔪᐊᕐᓇᖅ-19 ᓄᓇᓕᑦᑎᓐᓂᑦ. ᐊᔪᕐᓇᙱᒃᑲᓗᐊᕐᖢᑎᒃ ᐊᑐᕆᐊᒃᓴᖅ ᖃᐅᔨᑲᐅᕐᑐᕐᓇᕐᖢᓂᓗ, ᐱᐅᓗᐊᕌᓗᙱᑦᑐᐃᑦ. 

ᐅᑯᐊ ᓇᖕᒥᓂᖕᒧᑦ−ᖃᐅᔨᓴᕈᑎᑦ ᓈᒻᒪᓗᐊᕌᓗᙱᑦᑐᑦ ᐊᓯᖏᓐᓂᑦ ᖃᐅᔨᓴᕈᑎᓂᑦ. ᐱᖃᙱᓐᓂᕋᐃᔪᖅ ᖃᐅᔨᓴᕈᑎ ᑐᑭᖃᙱᓚᖅ ᓄᕙᒡᔪᐊᕐᓇᖅ-19−ᖃᖏᓐᓇᕕᑦ, ᐱᓗᐊᕐᑐᒥᓪᓕ ᓄᕙᒡᔪᐊᕐᓇᖅ-19−ᒧ ᖃᓄᐃᒃᑯᕕᑦ ᖃᓂᒋᔭᖃᕐᓂᕈᕕᑦ, ᐅᐸᒃᓯᓯᒪᓐᓂᕈᕕᓪᓘᓐᓃᑦ ᐱᖃᕐᑐᒥ ᓄᕙᒡᔪᐊᕐᓇᖅ-19−ᒥᑦ. ᑕᐃᒪᐃᒻᒪ ᓄᓇᕗᒻᒥ ᐱᖃᙱᓐᓂᕋᐃᔪᖅ ᓇᖕᒥᓂᕐᒧᑦ−ᖃᐅᔨᓴᕈᑎ ᐊᓯᔾᔩᔮᙱᓚᖅ ᒪᓕᒃᑕᐅᔭᕆᐊᓕᖕᓂᑦ ᐊᓂᑦᑕᐃᓕᒪᓂᖕᒧᑦ. 

ᖃᐅᔨᓴᑲᐅᕐᑐᕈᑎᑦ ᐊᑐᖁᔭᐅᙱᓚᑦ ᖃᓄᐃᙱᒃᑯᕕᑦ. ᐊᑐᒃᑲᓐᓂᕐᑕᐃᓕᓗᒋᑦ ᑖᒃᑯᐊ ᖃᐅᔨᓴᕈᑎᑦ. ᐃᒋᑉᐸᒡᓗᒋᑦ ᐊᑐᐊᓂᒃᑳᖓᕕᒋᑦ. ᖃᐅᔨᒪᓂᐊᕐᐳᓯ ᐃᒪᖓ ᐊᑐᕐᑕᐅᔪᖅ ᐃᒻᒥᒧ ᖃᐅᔨᓴᕈᑎᓂ ᐅᓗᕆᐊᓇᕐᒪᑦ ᐅᕕᓂᖕᒧᑦ ᐊᑦᑐᕐᑕᐃᓕᓗᓂᓗ.

 

ᐊᒥᓱᓂ ᓇᖕᒥᓂᖕᒧᑦ−ᖃᐅᔨᓴᕈᑎᖃᐅᕐᒪᑦ ᐊᔪᕐᓇᙱᖦᖢᑎᒃᓗ ᐊᑐᕆᐊᒃᓴᖅ ᐃᑲᔪᖅᑕᐅᔭᕆᐊᖃᕐᓇᙱᖦᖢᓂᓗ ᐋᓐᓂᐊᓯᐅᑎᒥ, ᐱᒻᒪᕆᐅᕗᖅ ᒪᓕᒃᓗᒋᑦ ᑎᑎᖅᑲᖏᑦ ᐃᓚᐅᔪᑦ ᖃᐅᔨᓴᕈᑎᒥᑦ ᐊᑐᕐᓂᐊᕐᑕᖕᓂᑦ ᓱᓕᔪᓂ ᖃᐅᔨᓴᖁᓪᓗᑎᑦ. ᐅᔾᔨᕐᓱᑦᑎᐊᕐᓗᑎᑦ ᖃᓄᖅ ᖃᐅᔨᓴᕈᓐᓇᕐᒪᖔᑦ ᐊᒻᒪᓗ ᖃᓄᖅ ᐊᑯᓂᐅᑎᒋᔪᖅ ᐅᑕᖅᑭᔭᕆᐊᖃᖕᒪᖓᕐᐱᑦ.  

ᒪᓕᑦᑎᐊᙱᓪᓗᒋᑦ, ᐅᑕᖅᑭᑦᑎᐊᙱᓪᓗᓂᓗ ᐊᑯᓂᐅᓗᐊᕐᑐᕐᓘᓐᓃᑦ, ᑕᒻᒪᕐᓯᒪᔪᓂ ᖃᐅᔨᓴᕈᑎᖃᕈᓐᓇᕋᔭᕐᑐᖅ. ᖃᐅᔨᒪᔭᒃᓴᖅ:  ᑕᕐᓴᐅᕌᕐᔪᑐᐃᓐᓇᕐᑐᖅ ᓱᓕ ᐱᑕᖃᕐᓂᕋᐃᕗᖅ. 

ᓄᓇᕗᒻᒥᐅᑦ ᐊᐱᖅᑯᑎᒃᓴᓖᑦ ᓄᕙᒡᔪᐊᕐᓇᖅ-19 ᒥᒃᓵᓄᑦ ᐃᓅᓕᓴᖅᑕᐅᔪᓐᓇᕐᒪᖔᑕᓗ ᓄᕙᒡᔪᐊᕐᓇᖅ-19−ᒧᑦ, ᐅᕗᖓ ᑕᑯᒋᐊᖃᑦᑕᖁᔭᐅᔪᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑎᖓᓄᑦ ᖃᐅᔨᒋᐊᕐᓗᑎᓪᓘᓐᓃᑦ ᐋᓐᓂᐊᕕᖏᓐᓄᑦ ᐅᖁᒪᐃᓐᓂᕐᓂᐊᕐᕕᖕᒧᓪᓘᓐᓃᑦ.

- ᖁᓛᓄᑦ ᐅᑎᒧᑦ -

ᖃᐅᔨᓴᕈᑎᑦ ᐱᐅᙱᑉᐸᑦ, ᖃᐅᔨᒋᐊᕐᓗᑎᑦ ᒪᓕᑦᑎᐊᕋᓗᐊᕆᐊᒃᓴᖕᓂᑦ ᐊᑐᕆᐊᓕᖕᓂᑦ ᖃᐅᔨᓴᒃᑲᓐᓂᕐᓗᑎᓪᓗ. 

ᐊᓯᔾᔨᕐᑐᖅ ᑐᓴᕐᑕᐅᔪᒃᓴᓪᓗ:  

ᖃᐅᔨᒪᓂᐊᕐᐳᓯ ᐊᓯᔾᔨᕐᑐᑦ ᑐᓴᒐᒃᓴᓪᓘᓐᓃᑦ ᐋᓐᓂᐊᓕᕇᒃᑯᑎᑦ ᒥᒃᓵᓄ ᓄᓇᕗᒻᒥᑦ ᐅᖃᐅᓯᐅᖃᑦᑕᕐᓂᐊᕐᒪᑕ ᐅᕘᓇ ᐃᑭᐊᖅᑭᕕᒃᑯᑦ, ᓄᓇᕗᑦ ᒐᕙᒪᒃᑯᖏᑦᑕ ᐃᓄᖕᓄᑦ ᑐᓴᖅᑎᑦᑎᔾᔪᑎᖏᑎᒍᑦ, ᐊᒻᒪᓗ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐅᖃᐅᔾᔪᐃᔾᔪᑎᒃᑯᑦ ᐅᕝᕙᓘᓐᓃᑦ ᐱᕙᓪᓕᐊᔪᑎᒍᑦ ᓴᖅᑭᑕᐅᓗᑎ

ᐊᓯᔾᔨᕐᑐᖅ ᑐᓴᕐᑕᐅᔪᒃᓴᓪᓗ: 

ᖃᐅᔨᒪᓂᐊᕐᐳᓯ ᐊᓯᔾᔨᕐᑐᑦ ᑐᓴᒐᒃᓴᓪᓘᓐᓃᑦ ᐋᓐᓂᐊᓕᕇᒃᑯᑎᑦ ᒥᒃᓵᓄ ᓄᓇᕗᒻᒥᑦ ᐅᖃᐅᓯᐅᖃᑦᑕᕐᓂᐊᕐᒪᑕ ᐅᕘᓇ ᐃᑭᐊᖅᑭᕕᒃᑯᑦ, ᓄᓇᕗᑦ ᒐᕙᒪᒃᑯᖏᑦᑕ ᐃᓄᖕᓄᑦ ᑐᓴᖅᑎᑦᑎᔾᔪᑎᖏᑎᒍᑦ, ᐊᒻᒪᓗ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐅᖃᐅᔾᔪᐃᔾᔪᑎᒃᑯᑦ ᐅᕝᕙᓘᓐᓃᑦ ᐱᕙᓪᓕᐊᔪᑎᒍᑦ ᓴᖅᑭᑕᐅᓗᑎᒃ.

ᐊᐱᖅᑯᑕᐅᒐᔪᒃᑐᑦ

ᓇᑭᓪᓕ ᐃᒻᒥᓄ ᖃᐅᔨᓴᕈᑎᑖᕈᓐᓇᕋᒪ? 
ᐊᒥᓲᓗᐊᙱᒻᒪᑕ ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᑲᐅᕐᑐᕈᑎᑦ ᐊᑐᐃᓐᓇᐅᔪᑦ ᓄᓇᕗᒻᒥᐅᓄ ᓂᐅᕕᕐᕕᒃᑯᑦ ᑯᐊᐸᒃᑯᓪᓗ. ᒫᓐᓇᐅᔪᖅ, ᓇᖕᒥᓂᖕᒧᑦ−ᖃᐅᔨᓴᕈᑎᑦ ᐊᑐᐃᓐᓇᐅᙱᒻᒪᑕ ᐋᓐᓂᐊᕕᖕᓂᑦ, ᐅᖁᒪᐃᓐᓂᖕᓂᐊᕐᕕᖕᒥᑦ, ᐋᓐᓂᐊᕕᐊᓗᖕᒥᓪᓗ ᐊᓯᖏᓐᓂᓪᓘᓐᓃᑦ ᓄᓇᕗᑦ ᒐᕙᒪᒃᑯᖏᑦᑕ ᑎᑎᕋᕐᕕᖏᓐᓂᑦ. ᓂᐅᕕᕐᕕᑦ ᑐᓴᕐᑎᑦᑎᓛᕐᑐᑦ ᐊᑐᐃᓐᓇᐅᓕᕐᓂᖏᓐᓂᑦ ᑐᓂᐅᖅᑲᐃᓂᖏᓐᓂᓪᓗ ᖃᐅᔨᓴᕈᑎᓂᑦ. 

ᑕᑯᒋᐊᕐᓗᒍ ᐅᓇ ᓱᓕᔪᑦ ᐊᓕᓚᔪᑦ ᑐᑭᓯᒋᐊᒃᑲᓐᓂᕐᓂᐊᕋᕕᑦ ᖃᖓ ᖃᐅᔨᓴᕆᐊᖃᕋᔭᖕᒪᖔᑦ: ᖃᐅᔨᓴᑲᐅᕐᑐᕈᑦ−ᐃᒥᒻᒧᑦ ᓄᕙᒡᔪᐊᕐᓇᖅ-19−ᒧᑦ 

 

- ᖁᓛᓄᑦ ᐅᑎᒧᑦ -

 

---

  ᐊᐅᓪᓚᖃᑦᑕᕐᓂᖕᒧᑦ 

 

ᖃᖓᑕᓲᒃᑯᑦ 

ᐱᒋᐊᕐᓗᒍ ᔫᓂ 20, 2022 ᑲᐱᔭᐅᓯᒪᔪᑦ ᖃᐅᔨᔭᐅᓇᓱᖃᑦᑕᓛᕈᓐᓃᖅᑐᑦ ᖃᖓᑕᓲᕐᒧᑦ ᐃᑭᓂᐊᖅᑎᓪᓗᒋᑦ ᖃᖓᑕᓂᐊᖅᑎᓪᓗᒋᓪᓗ ᑲᓇᑕᒧᑦ. ᓄᓇᕐᔪᐊᕐᒥ ᓄᒃᑕᖅᑎᓪᓗᒋᑦ ᑲᓇᑕᒥᓪᓗ ᐊᐅᓪᓚᖅᑎᓪᓗᒋᑦ ᑲᐱᔭᐅᓯᒪᒐᓗᐊᕐᒪᖔᑕ ᖃᐅᔨᓇᓱᒡᕕᐅᖃᑦᑕᔾᔮᔪᓐᓃᖅᑐᑦ, ᑭᓯᐊᓂ ᑲᐱᔭᐅᓯᒪᔪᑦ ᖃᓄᐃᓕᖓᓂᖓ ᐅᕝᕙᓘᓐᓃᑦ ᐃᓯᕐᓂᐊᓵᖅᑎᓪᓗᒋᑦ ᖃᐅᔨᓴᖅᑕᐅᖏᓐᓇᕆᐊᖃᕐᓂᐊᖅᑐᑦ ᓱᓕ ᑲᓇᑕᒧᐊᕐᓂᐊᓵᖅᑎᓪᓗᒋᑦ. 

ᑲᐱᔭᐅᓯᒪᙱᑦᑐᑦ ᓄᒃᑕᖅᑎᑦ ᓄᓇᕗᒻᒥ ᓄᓇᓕᖕᓄᑦ ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᖅᑕᐅᖃᑦᑕᕆᐊᖃᔾᔮᔪᓐᓃᖅᑐᑦ.

ᒪᑐᐊᖅᓯᒪᐃᓐᓇᑲᑕᖕᓂᐊᖅᑐᒍᑦ ᓱᓕ.

ᓄᕙᒡᔪᐊᕐᓇᖅ-19−ᓕᕆᔪᖅ ᐃᑭᐊᖅᑭᕕᖕᒧᐊᖅᐸᒡᓗᓯ ᑲᓇᑕᓕᐊᖅᑎᓪᓗᓯ ᖃᖓᑕᓲᒃᑯᑦ ᓄᓇᒃᑰᕈᑎᑯᑖᒃᑯᓪᓗ.

 

ᐅᒥᐊᖅᑐᖅᑐᑦ ᖃᒧᑕᐅᔭᖅᑐᓪᓗ  

ᒫᓐᓇ ᑭᒡᓕᖃᑎᑕᐅᔪᓐᓃᖅᑐᑦ ᑭᒃᑯᑐᐃᓇᑦ ᐊᐅᓪᓚᖃᑦᑕᕐᓗᑎᒃ ᓄᓇᕗᒻᒥ, ᐃᓚᐅᓪᓗᑎᒃ ᐅᔭᕋᖕᓂᐊᕐᕕᖕᒥᐅᑕᑦ ᓄᓇᓖᓪᓗ. ᐃᓄᐃᑦ ᓇᖕᒥᓂ ᑲᒪᔭᕆᐊᓕᑦ ᓇᒧᙵᐅᓂᐊᕈᑎᒃ ᐊᐅᓪᓚᕐᓗᑎᒃ ᓄᓇᕗᑦ ᓯᓚᑖᓄᑦ (ᓲᕐᓗ ᑯᐸᐃᖕᒧᑦ).  

 

ᐊᓯᔾᔨᖅᑐᖅ ᑐᓴᒐᒃᓴᓪᓗ  

ᖃᐅᔨᒪᓂᐊᖅᐳᓯ ᐊᓯᔾᔨᖅᑐᑦ ᑐᓴᒐᒃᓴᓪᓘᓐᓃᑦ ᐊᐅᓪᓚᖃᑦᑕᕐᓂᐅᑉ ᒥᒃᓵᓄᑦ ᓄᓇᕗᒻᒥ ᐅᖃᐅᓯᐅᖃᑦᑕᕐᓂᐊᕐᒪᑕ ᐅᕘᓇ ᐃᑭᐊᖅᑭᕕᒃᑯᑦ, ᐊᒻᒪ ᐋᓐᓂᐊᕕᖕᒥ ᐅᖃᐅᔾᔪᐃᔾᔪᑎᒃᑯᑦ ᐅᕝᕙᓘᓐᓃᑦ ᐱᕙᓪᓕᐊᔪᒃᑯᑦ ᓴᖅᑭᑕᐅᔭᕆᐊᖃᕆᔭᐅᑐᐊᖅᐸᑕ.  
 

ᐅᒥᐊᖅᑐᕐᑐᑦ ᖃᒧᑕᐅᔭᕐᑐᓪᓗ    

ᖃᐅᔨᓴᖃᑦᑕᕆᐊᖃᖅᐸᑦ ᓱᓕ ᓄᓇᕗᒻᒥ ᓄᓇᓖᑦ?
ᓄᖅᑲᖅᑎᑕᐅᑎᓪᓗᒍ ᑲᐱᔭᐅᒋᐊᖃᕐᓂᕐᒧᑦ ᒪᓕᒃᑕᐅᔭᕆᐊᖃᓚᐅᖅᑐᑦ ᑲᓇᑕᒧᑦ ᐊᒻᒪ ᑲᓇᑕᐅᑉ ᓯᓚᑖᓄᑦ, ᖃᐅᔨᓴᖃᑦᑕᕆᐊᖃᕐᓂᖅ ᐅᖓᓯᒋᔭᐅᔪᓃᑦᑐᓄᑦ ᓄᓇᓕᖕᓄᑦ ᐊᑐᖅᑕᐅᔭᕆᐊᖃᔾᔮᔪᓐᓃᖅᑐᖅ.  ᑲᓇᑕᒥ ᒐᕙᒪᒃᑯᑦ ᐱᓕᕆᖃᑎᖃᐃᓐᓇᕐᓂᐊᖅᑐᑦ ᓄᓇᓕᖕᓂ, ᓄᓇᖃᖅᑳᖅᓯᒪᔪᓂᒃ ᐱᓕᕆᔨᓂᒃ, ᑲᓇᑕᒥ ᓄᓇᕗᒻᒥᓗ ᐊᕕᒃᑐᖅᓯᒪᔪᓂᒃ, ᐊᒻᒪ ᐊᐅᓚᑦᑎᔨᓂᒃ ᐃᑲᔪᖅᑐᕐᓗᒋᑦ ᓄᓇᓖᑦ ᐅᖓᓯᒋᔭᐅᔪᑦ ᖃᓂᒪᓐᓇᖅ ᓴᖅᑭᒃᑲᓐᓂᕋᔭᕐᓂᖅᐸᑦ.

ᖃᖓᑕᓲᑉ ᐃᓗᐊᓂ ᒪᑐᐊᖅᓯᒪᒋᐊᖃᖅᐳᖓ?
ᐄ, ᒫᓐᓇᐅᓂᖓᓂ ᐊᐅᓪᓚᖅᑏᑦ ᑲᓇᑕᒥ ᖃᖓᑕᓲᒃᑯᑦ ᒪᑐᐊᖅᓯᒪᐃᓐᓇᕆᐊᖃᕐᓂᐊᖅᑐᑦ ᓱᓕ ᓄᒃᑕᖃᑕᐅᓂᓕᒫᖏᓐᓂᒃ ᕿᓚᒥᕈᓗᒃ ᐲᖅᓯᒪᓚᐅᑲᒍᓐᓇᕐᓗᓂᒋᑦ (ᓲᕐᓗ ᓂᕆᑎᓪᓗᒋᑦ ᐅᕝᕙᓘᓐᓃᑦ ᐃᒥᖅᑎᓪᓗᒋᑦ).

ᑲᐱᔭᐅᓯᒪᙱᒃᑯᒪ, ᑐᐊᕕᕐᓇᖅᑐᖅᓯᐅᑎᒃᑯᑦ ᖃᖓᑕᓲᒃᑰᖃᑕᐅᔪᓐᓇᖅᐳᖓ? 
ᐄ. 

ᓄᓇᕗᒻᒧᑦ ᓄᓇᓕᖕᓄᑦ ᐳᓛᕆᐊᖅᓯᒪᔪᑦ ᐅᒥᐊᖅᔪᐊᒃᑯᑦ ᑲᐱᔭᐅᓯᒪᕙᑦ?
ᐄ, ᐅᒥᐊᕐᔪᐊᑦ ᑲᔾᔭᐅᓴᒡᕕᐅᓪᓗᑎᒃ ᓄᒃᑕᐅᑕᐅᓲᑦ, ᐃᓚᓕᐅᑎᓗᒍ ᐃᑭᒪᔪᑦ ᖃᓂᒌᒋᐊᖃᖃᑦᑕᕐᓂᖏᓐᓄᑦ ᐊᑯᓂᐊᕐᔪᕈᓗᒃ, ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᓯᒪᐃᓐᓇᕆᐊᖃᖅᐳᑦ ᐃᑭᒪᓂᐊᖅᑐᑦ ᐅᒥᐊᕐᔪᐊᒃᑯᓪᓗ ᐃᖅᑲᓇᐃᔭᖅᑎᑦ.

ᖃᐅᔨᒃᑲᓐᓂᕈᓐᓇᖅᐳᓯ ᒪᓕᒃᑕᐅᔭᕆᐊᓕᖕᓂᒃ ᐊᒃᑐᐊᓂᓕᖕᓂᒃ ᐅᒥᐊᕐᔪᐊᓄᑦ ᑲᔾᔭᐅᓴᒡᕕᐅᓲᓄᑦ ᑲᓇᑕᒥ ᒐᕙᒪᒃᑯᑦ ᐃᑭᐊᖅᑭᕕᖓᓐᓂᒃ ᐅᕗᙵᕐᓗᓯ: https://travel.gc.ca/travel-covid/travel-restrictions/cruise 

ᑲᓇᑕᒥᐅᑦ ᖃᖓᑕᓲᒃᑯᑦ ᐊᐅᓪᓚᕐᓂᐊᖅᑐᓂᒃ ᑲᐱᔭᐅᓯᒪᓂᖏᑦ ᖃᓄᐃᓕᖓᖕᒪᖔᑕ ᖃᐅᔨᓇᓱᒋᐊᖃᕈᓐᓃᖅᑐᑦ, ᐃᒪᓐᓇᖃᐃ ᑐᑭᖃᖅᐳᖅ, ᑲᓇᑕᒧᐊᕈᓐᓇᖅᓯᕗᖓ ᑲᐱᔭᐅᔾᔪᑎᖃᙱᒃᑲᓗᐊᕈᒪ?
ᐅᓇ ᐊᓯᔾᔨᖅᑐᖅ ᐊᒃᑐᐃᔾᔪᑕᐅᙱᑦᑐᖅ ᑭᒡᓕᒋᑎᑕᐅᔪᓄᑦ ᑐᒃᓯᕋᐅᑎᓄᑦ ᐱᔭᕆᐊᖃᖅᑐᓄᑦ ᓄᒃᑕᖅᑎᓕᒫᑦ ᑲᓇᑕᒧᑦ ᐃᓯᖅᐸᓪᓕᐊᔪᑦ ᒪᓖᓐᓇᖁᔭᐅᕗᑦ ᐅᑯᓄᖓ ᒪᓕᒃᑕᐅᖁᔭᓄᑦ, ᑲᐱᔭᐅᓯᒪᓗᑎᒃ ᐅᕝᕙᓘᓐᓃᑦ ᐃᓯᕐᓂᐊᓵᖅᑎᓪᓗᒋᑦ ᖃᐅᔨᓴᖅᑳᖅᐸᒡᓗᑎᒃ, ᒪᓕᒃᑕᐅᖏᓐᓇᕐᓂᐊᖅᑐᖅ ᐅᓪᓗᕐᒥ ᓯᕗᓪᓕᕐᒥ ᐊᒻᒪ ᐅᓪᓗᕐᒥ 8-ᖓᓂ ᑭᓱᐊᕐᔪᑯᓗᖕᓂᒃ ᖃᐅᔨᓴᖅᐸᒡᓗᑎᒃ, ᐊᓂᑦᑕᐃᓕᕙᒡᓗᑎᒡᓗ ᐅᓪᓗᓄᑦ 14-ᓄᑦ. ᑲᓇᑕᒥ ᒐᕙᒪᒃᑯᑦ ᐃᑭᐊᖅᑭᕕᖏᓐᓄᐊᖃᑦᑕᖁᔭᐅᕗᓯ ᑐᑭᓯᒋᐊᖃᒃᑲᓐᓂᕈᔅᓯ: https://travel.gc.ca/travel-covid/travel-restrictions/

ᐃᕝᕕᑦ ᑲᒪᒋᔭᒃᓴᕆᕙᑦ ᖃᐅᔨᒋᐊᖅᐸᒡᓗᑎᑦ ᐊᓯᖏᓐᓄᑦ ᓄᓇᓕᒡᔪᐊᓄᑦ ᐃᓯᕐᓂᐊᖅᑎᓪᓗᑎᑦ. 

- ᖁᓛᓄᑦ ᐅᑎᒧᑦ -

 

---

 ᖃᓄᖅ ᐱᔪᓐᓇᕐᒪᖔᑦ ᓇᓗᓇᐃᒃᑯᑕᒥ ᑲᐱᔭᐅᓯᒪᓂᖕᒧᑦ

ᐃᑭᐊᖅᑭᕕᖃᙱᒃᑯᕕᑦ, ᓇᓗᓇᐃᒃᑯᑕᐃᑦ ᐱᔪᓐᓇᕐᑕᐃᑦ ᐊᐃᓗᒍ ᐋᓐᓂᐊᕕᔅᓯᓐᓄᑦ, ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᐊᓂ ᐅᕝᕙᓘᓐᓃᑦ ᕿᑭᖅᑕᓂ ᐋᓐᓂᐊᕕᖕᒥᑦ.

ᑲᐱᔭᐅᓯᒪᙱᑦᑐᑦ, ᓇᓗᓇᐃᒃᑯᑕᖃᙱᑦᑐᓪᓘᓐᓃᑦ, ᖃᐅᔨᓴᖅᑕᐅᔭᕆᐊᖃᕐᐳᑦ ᓄᕙᒡᔪᐊᕐᓇᖅ-19−ᒧᑦ ᒥᑦᑕᕐᕕᖕᒥᑦ ᐃᑭᓚᐅᖅᑳᕋᑎᒃ. ᐃᑭᒪᔪᑦ ᓇᓕᐊᖕᓂᑦ ᓄᓇᕗᒻᒥᑦ ᓄᓇᓕᖕᓂᑦ ᐃᖃᓗᐃᑦ ᓯᓚᑖᓂ ᖃᐅᔨᓴᕆᐊᖃᙱᑦᑐᑦ.

ᑲᓇᑕᓕᒫᒥᑦ ᐊᑐᕆᐊᓕᑦ ᒪᓕᒋᐊᓕᓪᓗ ᐊᓯᔾᔨᕐᑕᕈᓐᓇᕐᑐᑦ. ᓄᓇᕗᒻᒥᐅᑦ ᐃᖅᑲᐃᑎᑕᐅᒋᕗᑦ ᖃᐅᔨᓴᖁᔭᐅᓪᓗᑎᒃ ᒐᕙᒪᑐᖃᒃᑯᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑭᒡᓕᖏᓐᓂᑦ ᓇᓗᓇᐃᒃᑯᑕᓪᓗ ᑲᐱᔭᐅᓯᒪᓂᖕᒧᑦ ᐊᐅᓪᓚᓚᐅᖅᑳᕋᑎᒃ.

- ᖁᓛᓄᑦ ᐅᑎᒧᑦ -