ᐊᑲᐅᓯᓴᖅᑕᐅᓂᖅ

ᐃᖃᐃᓕᓴᕐᓂᖅ ᐱᕕᔾᔪᐊᖑᖃᑕᐅᒻᒪᑦ ᖃᓄᐃᓐᖏᑦᑎᐊᕐᓂᕐᒧᑦ ᓄᓇᕗᒻᒥ. ᐃᖅᑲᐃᓕᓴᕐᓂᐅᔪᖅ ᐃᑲᔪᕐᓂᖃᕈᓐᓇᖅᑐᖅ ᐃᓄᓐᓂᒃ ᐊᑐᕈᓐᓇᓯᒃᑲᓂᕐᓂᕐᒧᑦ ᐅᕝᕙᓗ ᐱᐅᓯᕚᓪᓕᑎᑦᑎᓂᕐᒧᑦ ᐃᓅᓇᓱᐊᕐᓂᕐᒧᑦ, ᐃᖅᑲᓇᐃᔭᕈᓐᓇᓂᕐᒧᑦ ᐊᒻᒪ ᐊᐅᓚᔪᓐᓇᓂᕐᒧᑦ ᐃᒻᒥᓂᒃ ᑕᕝᕙᓂ ᓄᓇᒥᓐᓂ. ᐃᑲᔪᖅᐸᑦᑐᖅ ᐃᓄᓐᓂᒃ ᐃᓅᓯᖃᑦᑎᐊᓂᕐᒧᑦ ᖃᓄᐃᓐᖏᑦᑎᐊᖅᑐᓂᒃ ᐃᓅᓯᕐᓂᒃ.

ᐃᖅᑲᐃᓕᓴᕐᕕᐅᔪᓐᓇᖅᑐᑦ ᐃᖃᓗᓐᓃᑦᑐᑦ ᐊᒻᒪ ᑲᖏᖅᖠᓂᕐᒥ ᐊᒻᒪ ᕿᑎᕐᒥᐅᑦ ᐅᐸᒃᑕᐅᕙᒻᒥᔪᑦ ᐃᖅᑲᐃᓕᓴᐃᔨᐅᔪᓂᒃ ᔭᓗᓇᐃᕝᒥᑦ. ᓄᓇᓕᓐᓂ ᐃᖅᑲᐃᓕᓴᐃᓂᕐᒧᑦ ᐃᑲᔪᖅᑎᐅᔪᑦ ᓇᓗᓇᐃᖅᑕᐅᓯᒪᔪᓂᒃ ᐃᖃᐃᓕᓴᖅᐸᒻᒥᔪᑦ ᓄᓇᕗᒻᒥᐅᓂ ᑭᓐᖓᕐᓂ, ᐃᒡᓗᓕᒻᒥ, ᐸᓐᓂᖅᑑᒥ ᐊᒻᒪ ᑲᖏᖅᖠᓂᕐᒥ.

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᕙᒃᑯᑎᖃᖅᑐᑦ ᐃᖅᑲᐃᓕᓴᕐᓂᐅᔪᓂᒃ ᐊᑭᖃᓐᖏᑦᑐᓂᒃ ᓄᓇᕗᒻᒥᐅᓕᒫᓄᑦ ᓄᓇᕗᒻᒥ ᐋᓐᓂᐊᕐᕕᓕᐊᖅᑐᖅᓯᐅᑎᖃᖅᑐᓄᑦ:

ᐃᖃᐃᓕᓴᕐᓂᖅ

ᐃᖃᐃᓕᓴᕐᓂᖅ ᐃᑲᔪᕐᓂᖃᖅᑐᖅ ᐱᕙᓪᓕᐊᓂᕐᒧᑦ ᐅᕝᕙᓗ ᐊᐅᓚᔪᓐᓇᖅᓯᒃᑲᓂᕐᓂᕐᒧᑦ ᐃᖅᑲᐃᓕᓴᕐᓂᒃᑯᑦ. ᐃᖃᐃᓕᓴᐃᔨᐅᔪᑦ ᑲᒪᖃᑦᑕᖅᑐᑦ ᖃᓄᑐᐃᓐᓇᖅ ᐅᑭᐅᖃᖅᑐᓂᒃ ᐊᔾᔨᒌᓐᖏᑦᑐᓂᒃ ᑎᒥᖓᒍᑦ ᖃᓄᐃᒍᑎᖃᖅᑐᓂᒃ. ᑕᒪᒃᑯᐊ ᖃᓄᐃᒍᑎᖏᑦ ᐱᖃᓯᐅᔾᔨᔪᑦ: ᓴᐅᓂᖏᓐᓄᑦ ᐋᓐᓂᖅᓯᒪᔪᑦ, ᓇᒡᒍᐊᖏᓐᓄᑦ ᓄᑭᖏᓐᓄᑦ, ᐊᑲᐅᓐᖏᓕᐅᕈᑎᖃᖅᑐᖅ ᓇᖏᕐᓂᕐᒧᑦ ᐅᕝᕙᓗ ᐊᐅᓚᓂᕐᒧᑦ, ᐊᑯᓂᒃ ᐋᓐᓂᐊᖃᖅᑐᓄᑦ ᐊᒻᒪ ᐱᕙᓪᓕᐊᓂᖓᒍᑦ ᓱᒃᑲᐃᑦᑐᓂᒃ.

ᐱᓕᒻᒪᒃᓴᑲᓐᓂᕐᓂᕐᒧᑦ ᐃᖃᐃᓕᓴᕐᓂᖅ

ᐱᓕᒻᒪᒃᓴᑲᓐᓂᕐᓂᕐᒧᑦ ᐃᖃᐃᓕᓴᕐᓂᖅ ᐃᑲᔪᖅᐸᑦᑐᖅ ᐃᓄᓐᓂᒃ ᖃᐅᑕᒫᖅᓯᐅᑎᓂᒃ ᖃᓄᐃᓕᐅᕈᓐᓇᕐᓂᕐᒧᑦ. ᐱᓕᒻᒪᒃᓴᑲᓂᕐᓂᕐᒧᑦ ᐃᖃᐃᓕᓴᕐᓂᖅ ᐃᑲᔪᖅᐸᑦᑐᑦ ᐃᓄᓐᓂᒃ ᐊᑲᐅᓐᓕᐅᕈᑎᖃᖅᑐᓂᒃ ᖃᓄᐃᓕᐅᕈᓐᓇᖏᑦᑐᓂᒃ ᐱᔾᔪᑎᖃᖅᑐᓂᒃ ᐋᓐᓂᖅᓯᒪᓂᕐᒧᑦ, ᐋᓐᓂᐊᒧᑦ, ᐊᑯᓂᒧᑦ ᐋᓐᓂᐊᖓᓄᑦ, ᐃᓐᓇᐅᓗᐊᓕᕐᓂᖓᓄᑦ, ᐃᓱᒪᖓᒍᑦ ᐊᑲᐅᓐᖏᓐᓂᖓᒍᑦ ᐅᕝᕙᓗ ᐱᕙᓪᓕᐊᓂᖓᓄᑦ ᖃᓄᐃᓐᓂᖓᓄᑦ.;

ᐅᖃᕆᐅᖅᓴᑎᑦᑎᓂᖅ

ᐅᖃᕆᐅᖅᓴᑎᑦᑎᔨᐅᔪᑦ ᐃᑲᔪᕈᓐᓇᖅᑐᑦ ᑐᓴᐅᒪᖃᑎᒌᓐᓂᕐᒧᑦ ᐊᔪᕈᑕᐅᕙᒃᑐᓂᒃ. ᑐᓴᐅᒪᖃᑦᑕᐅᑎᓂᐅᔪᖅ ᐱᖃᓯᐅᔾᔨᔪᖅ ᐅᖃᓕᒫᕐᓂ, ᑎᑎᕋᕐᓂᖅ, ᐃᓐᖏᕐᓂᖅ, ᐅᖃᕐᓂᖅ, ᐅᒃᑐᕋᕐᓗᓂ ᐅᖃᕐᓂᖅ ᐊᒻᒪ ᐊᑐᓂᖅ ᖃᕋᓴᐅᔭᓂᒃ ᑐᑭᓯᓇᓱᐊᕐᓗᓂ ᐅᕝᕙᓗ ᐅᖃᕋᓱᐊᕐᓗᓂ ᐊᓯᒥᓄᑦ. ᐃᑲᔪᖅᐸᒻᒥᔪᑦ ᓂᕆᒡᒐᖅᑐᓂ ᐄᓯᒡᒐᖅᑐᓂᓪᓘᓐᓃᑦ.

ᓯᐅᑎᓕᕆᓂᖅ

ᓯᐅᑎᓕᕆᔨᐅᔪᑦ ᖃᐅᔨᓴᖅᐸᑦᑐᑦ, ᑲᒪᓪᓗᑎᒃ ᐊᒻᒪ ᑕᐃᒪᐃᑦᑕᐃᓕᒪᑎᑦᑎᓪᓗᑎᒃ ᑐᓵᒍᓐᓃᓂᕐᒥᒃ ᐅᕝᕙᓗ ᐊᑲᐅᓐᖏᓕᐅᕈᑕᐅᔪᓂᒃ. ᓯᐅᑎᓕᕆᔨᐅᔪᑦ ᐱᓕᕆᖃᑎᖃᖅᐸᑦᑐᑦ ᐃᓄᓐᓂᒃ ᐃᓅᓯᕐᒥᓂᑦ ᑐᓯᓚᑦᑐᓂᒃ, ᐋᓐᓂᐊᓂᒃᑯᑦ, ᐅᕝᕙᓗ ᓂᐱᒃᑭᐅᓗᐊᖅᑐᓃᖃᑦᑕᓂᕐᒧᑦ ᐊᑯᓂᒃ, ᐅᕝᕙᓗ ᐊᒥᓱᐊᖅᑎᑦᑐᑎᒃ ᓯᐅᓯᕆᖃᑦᑕᓂᕐᒧᑦ.

ᓄᓇᓕᓐᓂ ᐃᖃᐃᓕᓴᕐᓂᕐᒧᑦ ᐃᑲᔪᖅᑏᑦ

ᓄᓇᓕᓐᓂ ᐃᖃᐃᓕᓴᕐᓂᕐᒧᑦ ᐃᑲᔪᖅᑎᐅᔪᑦ ᐱᒻᒪᕆᐅᖃᑕᐅᔪᑦ ᐃᖃᐃᓕᓴᐃᔨᐅᔪᓄᑦ ᓄᓇᕗᒻᒥ ᐃᑲᔪᖅᐸᑦᑐᑦ ᑲᒪᔾᔪᑕᐅᔪᓂᒃ ᐸᕐᓇᑕᐅᓯᒪᔪᓂᒃ ᐃᖃᐃᓕᓴᐃᔨᒻᒪᕆᐅᔪᓄᑦ. ᑕᐃᒃᑯᐊ ᐃᖅᑲᓇᐃᔭᖅᐸᑦᑐᑦ ᓄᓇᓕᓐᓂ ᐋᓐᓂᐊᕕᐅᔪᓂ.

ᐃᖃᐃᓕᓴᖅᑎᑕᐅᖃᑦᑕᕐᓂᖅ

ᑕᑯᔭᐅᔭᕆᐊᖃᕐᓂᕐᓂᒃ ᐅᖃᐅᔾᔭᐅᖄᕆᐊᖃᓐᖏᑦᑐᖅ ᓘᒃᑖᒧᑦ ᐋᓐᓂᐊᓯᐅᖅᑎᒧᓪᓘᓐᓃᑦ. ᐅᖄᓚᔪᓐᓇᖅᑐᑎᑦ ᐃᖃᐃᓕᓴᐃᔨᐅᔪᑦ ᐊᓪᓚᕝᕕᖓᓐᓂ ᐃᓂᒃᓴᓕᐅᕐᓗᑎᑦ.

ᕿᑭᖅᑖᓗᒻᒥ ᓄᓇᖃᕈᕕᑦ, ᐅᖄᓚᔪᓐᓇᖅᑐᑎᑦ ᑎᒥᒧᑦ ᐃᑲᔪᖅᓯᕕᒃ ᐅᕙᓂ (867) 975-5970.

ᑭᕙᓪᓕᕐᒥ ᓄᓇᖃᕈᕕᑦ, ᐅᖄᓚᔪᓐᓇᖅᑐᑎᑦ ᖃᓄᐃᓐᖏᑦᑎᐊᕐᓂᕐᒧᑦ ᐃᓪᓗᒧᑦ ᐅᕙᓂ (867) 645-8077.

ᕿᑎᕐᒥᐅᓂ ᓄᓇᖃᕈᕕᑦ, ᐅᖄᓚᔪᓐᓇᖅᑐᑎᑦ ᕿᑎᕐᒥᐅᓂ ᐋᓐᓂᐊᕕᒻᒧᑦ ᐅᕙᓂ (867) 983-4500.