ᐅᖃᓚᐅᑎᓯᐅᑏᑦ

You are here

ᐅᑭᐅᖅᑕᖅᑐᒥ ᓯᕗᓕᖅᑎᓂᑦ ᐃᓱᒫᓘᑕᐅᔪᖅ ᐅᑭᐅᖅᑕᖅᑐᒥᐅᑦ ᓯᕗᓕᖅᑎᖏᓐᓂ ᐅᖃᐅᓯᐅᔪᖅ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ

ᒪᐃ 09, 2022

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᐅᑭᐅᖅᑕᖅᑐᒥ ᓯᕗᓕᖅᑎᓂᑦ ᐃᓱᒫᓘᑕᐅᔪᖅ ᐅᑭᐅᖅᑕᖅᑐᒥᐅᑦ ᓯᕗᓕᖅᑎᖏᓐᓂ ᐅᖃᐅᓯᐅᔪᖅ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ

ᐅᐊᐃᑦᕼᐅᐊᔅ, ᔫᑳᓐ (ᒪᐃ 9, 2022) − ᐅᓪᓗᒥ ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᔫᑳᒻᒥ ᓯᕗᓕᖅᑎᖓᓗ ᓵᓐᑎ ᓯᐅᓪᕗ ᐊᒻᒪᓗ ᓄᓇᑦᓯᐊᒥ ᓯᕗᓕᖅᑎᖓ ᑭᐅᕈᓕᓐ ᑳᑯᕇᓐ ᓴᖅᑭᑎᑦᑎᖅᑲᐅᕗᑦ ᓯᕗᓪᓕᖅᐹᑦᑎᐊᒥᒃ ᐅᑭᐅᖅᑕᖅᑐᒥᐅᑦ ᓯᕗᓕᖅᑎᖏᑦ' ᓯᓚᐅᑉ ᐊᓯᔾᔨᖅᐸᓪᓕᐊᓂᖓᑕ ᒥᒃᓵᓄᑦ ᑎᑎᕋᖅᓯᒪᔪᒥᒃ, ᓄᓇᖃᖅᑳᖅᓯᒪᔪᓂᒃ ᐱᓕᕆᖃᑎᖃᖅᖢᑎᒃ ᓇᑭᑐᐃᓐᓇᖅ ᐅᑭᐅᖅᑕᖅᑐᒥ.

ᑖᓐᓇ ᐅᖃᐅᓯᐅᔪᖅ ᐊᖏᕈᑕᐅᓚᐅᖅᐳᖅ ᔫᓂ 2019−ᖑᑎᓪᓗᒍ ᓯᕗᒻᒧᐊᒃᑎᑦᑎᔪᒪᓪᓗᑎᒃ ᐅᑭᐅᖅᑕᖅᑐᒥᐅᑦ ᐃᓱᒫᓘᑎᖏᓐᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐱᔾᔪᑎᒋᓪᓗᒍ ᑕᒪᕐᒥᒃ ᓂᐱᖃᕐᓗᑎᒃ. ᑲᓇᑕᒥ ᐅᑭᐅᖅᑕᖅᑐᖓᓂ ᐅᖅᑰᓯᕙᓪᓕᐊᕗᖅ ᐱᖓᓱᐃᖅᖢᓂ ᑎᓴᒪᐃᖅᖢᓂᓗ ᓱᒃᑲᓂᖅᓴᒥᒃ ᓄᓇᕐᔪᐊᓕᒫᒥ ᐊᑐᖃᑦᑕᖅᑕᖓᓂ ᐊᒻᒪᓗ ᐅᑭᐅᖅᑕᖅᑐᒥ ᓄᓇᓕᖕᓂ ᑖᒃᑯᓂᖓ ᐊᒃᑐᖅᑕᐅᔪᓂᒃ ᑕᑯᔭᐅᓪᓚᑦᑖᓕᖅᖢᓂ.

ᐅᖃᐅᓯᐅᔪᒥᑦ ᒐᕙᒪᑐᖃᒃᑯᓐᓂ ᐅᔾᔨᕈᓱᖁᔨᓕᖅᐳᑦ, ᐃᑲᔪᖅᑐᐃᖁᔨᓪᓗᑎᒃ, ᐊᒻᒪᓗ ᑮᓇᐅᔭᓕᐅᕋᓱᒡᓗᑎᒃ 7−ᓂᒃ ᐱᔾᔪᑕᐅᓪᓗᐊᖅᑐᓂᑦ ᐅᑯᓂᖓᓗ ᓯᓚᐅᑉ−ᐊᓯᔾᔨᑲᐅᑦᑐᕈᓐᓇᕐᓂᖓᓂ ᒪᑭᒪᔾᔪᑎᑦ, ᑭᖑᕝᕕᕈᓐᓇᖅᑐᑦ ᐊᒻᒪᓗ ᐊᓯᐊᒍᑦ ᐊᑦᑕᕐᓇᙱᑦᑐᑦ ᐆᒻᒪᖅᑯᑎᓕᕆᔾᔪᑎᑦ, ᐅᑭᐅᖅᑕᖅᑐᒥ ᖃᐅᔨᓴᖅᑎᑦ, ᐊᓯᖏᓪᓗ ᑮᓇᐅᔭᓕᐅᕈᑕᐅᔪᓐᓇᖅᑐᑦ.

"ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᓈᒻᒪᙱᑦᑐᒥᒃ ᐊᒃᑐᐃᕗᖅ ᐅᑭᐅᖅᑕᖅᑐᒥ ᓄᓇᓕᖏᓐᓂ, ᑮᓇᐅᔭᓕᐅᕋᓱᒋᐊᖃᓪᓚᕆᓕᖅᖢᑕ ᑲᔪᓯᑎᑕᐅᔪᓐᓇᖅᑐᓂᑦ ᓯᕕᑐᔪᒥᑦ ᐋᖅᑭᒋᐊᕈᑎᒃᓴᓄᑦ," ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐅᖃᖅᑐᖅ. "ᐃᖅᑲᓇᐃᔭᖃᑎᒋᓪᓗᒋᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂᑦ ᐱᓕᕆᖃᑎᒋᔭᕗᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖏᑦ, ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᑐᐃᖁᔪᓐᓇᖅᐸᕗᑦ ᐊᑐᒃᑲᓐᓂᕈᓐᓇᖅᑐᓂᑦ ᐆᒻᒪᖅᑯᑎᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᓪᓗ ᐊᒃᑐᐃᓗᐊᖅᑕᐃᓕᒪᑎᑦᑎᓗᑕ ᓄᓇᕗᒻᒥ ᑲᒪᔨᑦᑎᐊᕙᐅᔪᓐᓇᐃᓐᓇᕐᓂᐊᕋᑦᑕ ᓄᓇᑦᑎᓐᓂ, ᐃᒪᑦᑎᓐᓂ ᐊᒻᒪᓗ ᐆᒪᔪᓂᑦ."

###

ᑐᓴᒐᒃᓴᓕᕆᔨᓄᑦ ᖃᐅᔨᒋᐊᕐᕕᒃᓴᖅ:

ᓰᒪ ᓴHᐊᐅ ᔨᕆHᐃ,
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᐊᕿᐊᕈᕐᒧᑦ
867-222-5344
867-975-5059
szerehi6@gov.nu.ca