ᐅᑭᐅᖅᑕᖅᑐᒥ ᓯᕗᓕᖅᑏᑦ ᖁᕝᕙᖅᓯᒋᐊᖅᑐᑦ ᐊᐅᓚᔪᓐᓇᐅᑎᓄᑦ ᒪᑐᐃᖅᓯᔨᐅᓗᓂ ᐅᑭᐅᖅᑕᖅᑐᒥ ᑮᓇᐅᔭᖅᑑᑎᓂᑦ

Communiqué

ᐅᑭᐅᖅᑕᖅᑐᒥ ᓯᕗᓕᖅᑏᑦ ᖁᕝᕙᖅᓯᒋᐊᖅᑐᑦ ᐊᐅᓚᔪᓐᓇᐅᑎᓄᑦ ᒪᑐᐃᖅᓯᔨᐅᓗᓂ ᐅᑭᐅᖅᑕᖅᑐᒥ ᑮᓇᐅᔭᖅᑑᑎᓂᑦ

ᔫᓂ 16, 2015—ᐅᑭᐅᖅᑕᖅᑐᒥ ᓯᕗᓕᖅᑏᑦ ᐅᖃᓪᓚᖃᑎᒌᒃᑎᓪᓗᒋᑦ

ᓯᕗᓕᖅᑎ ᐲᑕ ᑕᑉᑑᓇ, ᓯᕗᓕᖅᑎ ᕌᐳᑦ ᒪᒃᓚᐅᑦ ᐊᒻᒪᓗ ᓯᕗᓕᖅᑎ ᑎᐅᕈ ᐹᔅᓛᔅᑭ ᑲᑎᖦᖢᑎᒃ ᐅᓪᓗᒥ ᖁᕐᓗᖅᑑᒥ, ᓄᓇᕗᑦ ᐅᖃᖃᑎᒌᒃᖢᑎᒃ ᐊᒥᖅᑳᕈᑎᓂᑦ ᓯᕗᓪᓕᐅᔾᔭᐅᔭᕆᐊᓕᖕᓂᑦ ᑲᔪᓯᔪᒥᒃᓗ ᐃᑲᔪᖅᑎᒌᖕᓂᕐᒥᑦ ᐊᑲᐅᓂᖅᓴᒥᑦ ᐅᑭᐅᖅᑕᖅᑐᓕᐅᕐᓂᕐᒥᑦ. ᖁᓛᓃᑦᑐᖅ ᑲᑎᒪᔾᔪᑎᒃᓴᓂᑦ ᓄᓇᕗᒻᒥ ᐊᕕᒃᑐᖅᓯᒪᔪᓂᑦ ᐊᐅᓚᔪᓐᓇᐅᑎᓕᕆᓂᖅ, ᒪᑐᐃᖅᓯᔾᔪᑕᐅᓪᓗᓂ ᓯᕗᓕᖅᑎᐅᑉ ᑲᑐᔾᔨᖃᑎᒌᒃᖢᑎᒃ ᑎᑎᖅᑲᖁᑎᖏᑦ, ᐅᑭᐅᖅᑕᖅᑐᒧᑦ ᑕᐅᑐᙳᐊᖅᑕᐅᔪᖅ, ᐃᓕᓴᕆᔭᐅᓪᓗᓂᓗ ᐱᖓᓱᓄᑦ ᓄᓇᓕᖕᓄᑦ ᐊᕕᒃᑐᖅᓯᒪᓂᐅᔪᓄᑦ ᑐᙵᕕᒋᔭᐅᓪᓗᓂ ᓴᙱᔫᓪᓗᑎᒃ ᓄᓇᓕᐅᔪᓂᑦ ᐊᓯᔾᔨᖅᓴᕋᐃᑦᑐᒧᓪᓗ ᒪᑭᒪᓇᓱᐊᕈᑎᒃᓴᓄᑦ.

ᐊᐅᓚᑦᑎᕕᓕᒫᑦ ᓵᙵᑎᓪᓗᒋᑦ ᐊᑭᓄᑦ ᓄᑕᐅᔪᓐᓃᖅᐸᓪᓕᐊᔪᓄᑦ ᐊᐅᓚᔪᓐᓇᐅᑎᓄᑦ, ᒐᕙᒪᐅᔪᑦ ᐅᑭᐅᖅᑕᖅᑐᒥ ᐱᓕᕆᔪᑦ ᓴᖅᑮᓂᕐᒥᑦ ᐊᐅᓚᔪᓐᓇᐅᑎᓂᑦ ᓲᕐᓗ ᐅᒥᐊᒃᑯᕕᖕᓂᑦ, ᒥᕝᕕᖕᓂᑦ, ᐊᖅᑯᑎᑯᑖᓂᑦ, ᐃᒡᓗᓂᑦ ᖃᐅᒻᒪᖅᑯᑎᓂᒃᓗ ᐃᑲᔪᖅᓱᕐᓗᒋᑦ ᒪᑭᒪᓇᓱᐊᕈᑎᒃᓴᓄᑦ ᐊᖁᑏᑦ ᐃᓚᐅᓪᓗᑎᒃ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᑦᑎᓂᖅ, ᐱᑕᖃᐅᓕᖅᑎᑦᑎᓂᖅ ᐱᓕᕆᕝᕕᐅᔪᓂᑦ, ᐱᓕᒻᒪᒃᓴᐃᓂᖅ, ᑭᒡᓕᓯᓂᐊᕐᓂᕐᒥᑦ ᖃᕋᓴᐅᔭᓕᕆᓂᕐᒥᓪᓗ. ᓯᕗᓕᖅᑏᑦ ᐊᖏᖃᑎᒌᒃᖢᑎᒃ ᐱᔭᕆᐊᖃᕐᓂᖓᓂᒃ ᑮᓇᐅᔭᖅᑑᑎᓕᐅᕋᓱᐃᓐᓇᕐᓂᕐᒥᑦ ᒪᑐᐃᕈᑎᓄᑦ ᐊᐅᓚᔪᓐᓇᐅᑎᓄᑦ ᓄᓇᓕᖕᓂ ᓄᓇᓕᖁᑎᖏᓐᓂ ᐃᑲᔪᕐᓗᒋᑦ ᒪᑭᒪᓇᓱᐊᕈᑎᒃᓴᓄᑦ ᐱᕙᓪᓕᐊᑎᑦᑎᓂᕐᒥᑦ ᐱᖁᔨᓪᓗᑎᒃᓗ ᓄᓇᓕᖕᒥ ᐱᕝᕕᐅᔪᓐᓇᖅᑐᓂᑦ ᓂᐅᕕᐊᒃᓴᖃᖅᑎᓄᑦ ᒐᕙᒪᒃᑯᓐᓄᓪᓗ ᐱᔨᑦᑎᕋᕐᓂᕐᒥᑦ.

ᐃᓚᒋᐊᕐᓗᒍ, ᓯᕗᓕᖅᑏᑦ ᐅᖃᖃᑎᒌᒃᖢᑎᒃ ᐊᖏᒃᓕᕙᓪᓕᐊᔪᓂᑦ ᓯᕗᓪᓕᐅᔾᔭᐅᔭᕆᐊᓕᖕᓂᑦ ᐱᔾᔪᑎᓕᖕᓂᒃᓗ ᐱᓕᕆᖃᑎᖃᕐᓂᕐᓄᑦ ᐊᑖᓃᑦᑐᓄᑦ ᐱᓕᕆᐊᖑᓂᐊᖅᑐᓄᑦ:

•  ᓯᓚᐅᑉᐊᓯᔾᔨᖅᐸᓪᓕᐊᓂᖓ—ᓯᕗᓕᖅᑏᑦᑐᓴᖅᑎᑦᑎᓪᓗᑎᒃᐊᖏᔪᒥᑦᑮᓇᐅᔭᖅᑑᑎᒃᓴᓂᑦᑕᒪᐃᓐᓂᒃᐱᖓᓱᓂᑦᓄᓇᓕᖕᓂᐊᕕᒃᑐᖅᓯᒪᓂᐅᔪᓂᑦᑲᔪᓯᓗᑎᒃᓯᓚᐅᑉᐊᓯᔾᔨᖅᐸᓪᓕᐊᓂᖓᓄᑦᓱᖏᐅᑎᔾᔪᑎᒃᓴᓂᑦᐊᓂᐊᔪᓂᒃᓗᐳᔪᕐᓗᖕᓂᑦᒥᒃᖠᒋᐊᖅᑎᑦᑎᓇᓱᖕᓂᕐᒥᑦ, ᐃᓚᐅᓪᓗᓂᓴᓗᒪᓂᖅᓴᖅᐊᓂᖅᓵᕐᕕᒋᕙᒃᑕᑦᑎᓐᓄᑦᓴᖅᑭᑎᕆᓂᖅ, ᐊᒻᒪᓗᖃᕋᓴᐅᔭᓕᕆᓂᖅᐃᓱᒪᒃᓴᖅᓯᐅᑦᑎᐊᕐᓂᕐᒥᒃᓗ.
•  ᐆᒻᒪᖅᑯᑎᑦ—ᓯᕗᓕᖅᑏᑦᐱᖁᔨᓪᓗᑎᒃᓴᙱᔪᒥᑦᒪᑭᒪᓇᓱᐊᕈᑎᓄᑦᐱᑕᖃᑐᐃᓐᓇᕆᐊᓕᖕᓂᑦᐆᒻᒪᖅᑯᑎᓄᑦᐱᑕᖃᐅᖅᑐᓂᑦᐱᖁᑎᓄᑦᓄᓇᓕᖕᓂᓄᓇᖁᑎᒋᔭᐅᔪᓂᑦᓂᕆᐅᒃᖢᑎᒃᓗᐅᖃᖃᑎᒌᖕᓂᐊᕐᓂᕐᒥᑦᑲᓇᑕᒥᐅᓄᑦᐆᒻᒪᖅᑯᑎᓄᑦᑐᑭᒧᐊᕈᑎᒃᓴᓂᑦᑲᑎᒪᓕᖅᐸᑕᑲᓇᑕᐅᑉᓯᕗᓕᖅᑎᖏᑦᔪᓚᐃᒥᓴᐃᓐᑦᔮᓐ, ᓂᐅᕙᐅᓐᓛᓐᐊᒻᒪᓛᐸᑐᐊᒥ.
•  ᐅᑭᐅᖅᑕᖅᑐᒥᑭᒃᓕᓯᓂᐊᕐᓂᖅ—ᓯᕗᓕᖅᑏᑦᐃᓕᓴᖅᓯᓪᓗᑎᒃᐱᒻᒪᕆᐅᓂᖓᓂᒃᑭᒃᓕᓯᓂᐊᕐᓂᖅᐱᓕᕆᐊᖑᖃᑦᑕᖅᓯᒪᔪᓂᑦᐅᑭᐅᖅᑕᖅᑐᒥᐱᓕᕆᐊᕆᓯᒪᔪᒪᔭᖏᓐᓂᑦᑐᓂᓯᒪᑦᑎᐊᕐᖢᑎᒃᓗᓴᖅᑮᓂᕐᒥᑦᐅᑭᐅᖅᑕᖅᑐᒥᐅᓕᒫᑦᐊᕕᒃᑐᖅᓯᒪᓂᖏᓐᓂᐊᑐᕆᐊᕐᓂᕐᒥᑦᑭᒃᓕᓯᓂᐊᕐᓂᕐᒧᑦ.

ᐊᒻᒪᓗᑦᑕᐅᖅ ᑲᑎᒪᑎᓪᓗᒋᑦ, ᓯᕗᓕᖅᑏᑦ ᐅᖃᒃᑲᓐᓂᕆᓪᓗᑎᒃ ᐱᒻᒪᕆᐅᓂᖓᓂᒃ ᐱᓕᕆᓂᕐᒥᑦ ᑲᓇᑕᒥ ᐊᕕᒃᑐᖅᓯᒪᓂᐅᔪᓂᑦ ᐅᑭᐅᖅᑕᖅᑐᒥᒃᓗ ᐊᕕᒃᑐᖅᓯᒪᓂᐅᔪᓂᑦ ᖃᐅᔨᒪᒋᐊᕐᓗᑎᒃ ᐅᓄᙱᓐᓂᖅᓴᑦ ᓄᓇᖃᖅᑳᖅᓯᒪᔪᑦ ᓄᑕᖅᑲᑦ ᐃᓚᒋᔭᐅᖃᑕᐅᓕᕐᓗᑎᒃ ᓄᑕᕋᓕᕆᓂᕐᒧᑦ ᐊᑐᖃᑦᑕᖅᑐᓄᑦ. ᓯᕗᓕᖅᑏᑦ ᐅᖃᐅᓯᖃᕆᓪᓗᑎᒃ ᐱᓕᕆᐊᖃᕐᓂᕐᒥᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂᑦ ᑲᓇᑕᓕᒫᒥᒃᓗ ᖁᑦᑎᖕᓂᖏᓐᓂ ᐃᓱᓕᑎᓪᓗᒍ ᐱᑦᑎᐊᙱᖃᑦᑕᕐᓂᖅ ᐱᓪᓗᒋᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓵᓪᓗ. 2

ᖁᕕᐊᓱᖃᑎᒋᔭᐅᓂᖅ ᒥᓂᔅᑕ ᐊᒡᓘᒃᑲᖅ ᐱᔭᕇᖅᓯᓂᖓᓄᑦ ᑲᓇᑕᒥᐅᓄᑦ ᐃᒃᓯᕙᐅᑕᐅᓂᕐᒧᑦ ᐅᑭᐅᖅᑕᖅᑐᒥ ᑲᑎᒪᔨᓄᑦ, ᓯᕗᓕᖅᑏᑦ ᑐᓂᓯᒪᑦᑎᐊᖅᑐᑦ ᐃᖅᑲᓇᐃᔭᖃᑎᒌᖕᓂᕐᒧᑦ ᐱᖁᔨᓪᓗᑎᒃ ᐅᑭᐅᖅᑕᖅᑐᒥᑦ ᓄᓇᖃᖅᑐᑦ ᐱᔪᒪᔭᖏᑦ ᐊᔾᔨᖃᕐᓗᑎᒃ ᐅᑭᐅᖅᑕᖅᑐᒥ ᑲᑎᒪᔩᑦ ᐃᖅᑲᓇᐃᔮᖓᓂ ᑕᐃᑰᓇ ᐊᒥᐊᓕᒐᐃᑦ ᐃᒃᓯᕙᐅᑕᕆᓕᕐᑕᖓᓄᑦ, ᑲᔪᓯᓂᖃᕐᓂᕐᓗ ᕿᒥᕐᕈᓂᕐᒥᑦ ᐱᕕᒃᓴᐅᔪᓂᑦ ᐱᓕᕆᓂᕐᒧᑦ ᑲᓇᑕᒧᑦ, ᐃᓚᐅᖃᑕᐅᖏᓐᓇᕐᓂᐊᓕᖅᑐᓄᑦ ᐅᑭᐅᖅᑕᖅᑐᒥᐅᓄᓪᓗ ᓯᓚᖅᑲᑎᖏᓐᓄᑦ.

ᖃᐅᔨᒋᐊᖅᑎᑦᑎᔾᔪᑎ

ᔫᓂ 16, 2015—ᐅᑭᐅᖅᑕᖅᑐᒥ ᓯᕗᓕᖅᑏᑦ ᐅᖃᓪᓚᖃᑎᒌᒃᑎᓪᓗᒋᑦ

ᐊᐅᓚᔪᓐᓇᐅᑎᑦ ᐊᒻᒪᓗ ᑲᓇᑕᒥᐅᑦ ᐃᖏᕐᕋᔪᓕᕆᔨᖏᑦ ᐱᖁᔭᖓᓂᒃ ᕿᒥᕐᕈᓂᖅ

ᓯᕗᓕᖅᑏᑦ ᐃᓕᓴᖅᓯᓪᓗᑎᒃ ᐱᒻᒪᕆᐅᓂᖓᓂᒃ ᑲᒪᒋᔭᖃᕐᓂᕐᒥᑦ ᐊᖏᔪᒥᑦ ᐊᔾᔨᐅᙱᑦᑐᒥᒃᓗ ᐊᐅᓚᔪᓐᓇᐅᑏᑦ ᕐᑳᖏᐅᑎᔾᔪᑎᖏᓐᓂᑦ ᐊᑐᖅᑕᐅᓂᐊᖅᑐᓂᑦ ᓄᓇᓕᖕᓂᑦ ᐅᑭᐅᖅᑕᖅᑑᑉ ᓄᓇᖁᑎᖏᓐᓂ ᖃᓄᕐᓗ ᑖᓐᓇ ᕐᑳᖏᐅᑎᔾᔪᑎ ᐊᒃᑑᑎᖃᕐᓂᐊᕐᒪᖔᑦ ᑖᒃᑯᓂᖓ ᓄᓇᓖᑦ ᐱᔪᓐᓇᕐᑕᖓᓂᒃ ᓂᐅᕕᐊᒃᓴᖃᕐᑎᐅᔪᓄᑦ ᒐᕙᒪᒃᑯᓪᓗ ᐱᓕᕆᐊᒃᓴᖏᓐᓄᑦ ᐱᔨᑦᑎᕋᐅᑎᖏᓐᓄᓪᓗ. ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑕᐅᔾᔪᑎ ᐱᑎᑕᐅᔪᖅ ᐱᕈᖅᑎᑉᐸᓪᓕᐊᓂᖅ ᑲᓇᑕ ᐸᕐᓇᐅᑎᖓᓂᑦ ᐊᓯᖏᓐᓂᒃᓗ ᐱᕕᒃᓴᐅᔪᓂᑦ ᐱᑎᑦᑎᖕᒪᑦ ᐊᖏᔪᒥᑦ ᐱᕚᓪᓕᕐᓂᕐᒥᑦ ᓄᑖᖑᕆᐊᕈᑎᓂᒃᓗ ᐱᐅᓯᒋᐊᕈᑎᓂᒃᓗ ᓄᓇᓕᖕᒧᑦ ᐃᖏᕐᕋᔪᓕᕆᓂᕐᒧᓪᓗ ᐊᐅᓚᔪᓐᓇᐅᑎᓄᑦ ᐅᑭᐅᖅᑕᖅᑐᒥ.

ᓯᕗᓕᖅᑏᑦ ᑲᔪᓯᔪᑦ ᐃᑲᔪᖅᓱᐃᓂᕐᒥᑦ ᐊᔾᔨᒌᒃᑎᑦᑎᓂᕐᒥᑦ ᐊᑐᕐᖢᒍ ‘ᓇᓃᓐᓂᖓ−ᐃᓚᓗᒍ ᐊᑕᐅᓯᕐᒧᑦ ᐊᖏᔪᒧᑦ’ ᐊᑭᖓ ᑮᓇᐅᔭᖃᖅᑎᑕᐅᓂᕐᒧᑦ ᐋᖅᑭᒃᓯᒪᓂᖓ.

ᓯᕗᓕᖅᑏᑦ ᖃᐅᔨᑎᑦᑎᒋᐊᕆᓪᓗᑎᒃ ᑲᓇᑕᒥᐅᑦ ᐃᖏᕐᕋᔪᓕᕆᔨᖏᑦ ᐱᖁᔭᖓᓂᒃ ᕿᒥᕐᕈᓂᕐᒥ ᑲᑎᒪᔾᔪᑕᐅᑎᓪᓗᒍ ᖃᖓᑦᑎᐊᓵᖅ ᐳᓛᖅᖢᑎᒃ ᐱᖓᓲᔪᓂᑦ ᐅᑭᐅᖅᑕᖅᑐᒥ ᐊᕕᒃᓯᒪᔪᖁᑎᖏᑕ ᓄᓇᓕᖏᓐᓂ. ᑎᓕᐅᕆᔭᐅᓪᓗᑎᒃ ᑲᑎᒪᓂᐅᑉ ᐱᔪᒪᓂᖓᓄᑦ ᑲᒪᓂᕐᒥᑦ ᐊᓯᔾᔨᖅᐸᓪᓕᐊᓵᓚᔪᓂᑦ ᐅᑭᐅᖅᑕᖅᑐᒥ ᐊᒃᑐᐊᓂᖃᖅᑐᓄᓪᓗ ᐊᒃᓱᕈᕐᓇᖅᑐᓄᑦ ᐊᑦᑕᕐᓇᕐᑕᐃᓕᒪᐃᓐᓇᕐᓂᕐᒧᑦ, ᓴᐳᑎᓯᒪᓂᕐᒧᑦ ᐊᐅᓚᐃᓐᓇᖅᑎᑦᑎᓂᕐᒧᓪᓗ ᐅᑭᐅᖅᑕᖅᑐᒥ ᐃᖏᕐᕋᔪᓕᕆᓂᕐᒧᑦ ᐊᑐᖃᑦᑕᖅᑕᖏᓐᓂᑦ. ᐱᓗᐊᖅᑐᒥᑦ, ᓯᕗᓕᖅᑏᑦ ᖃᐅᔨᑎᑦᑎᒋᐊᕐᖢᑎᒃ ᒐᕙᒪᑐᖃᒃᑯᑦ ᐃᖅᑲᓇᐃᔮᖓ ᐃᑲᔪᖅᓱᐃᓂᕐᒥᑦ ᐅᑭᐅᖅᑕᖅᑐᒥ ᐃᖏᕐᕋᔪᓕᕆᓂᕐᒧᑦ ᐊᑐᖃᑦᑕᖅᑕᖓᓂᑦ.

ᐆᒻᒪᖅᑯᑎ

ᑕᑎᒋᔭᒃᓴᖅ ᐊᑭᑐᓗᐊᙱᑦᑐᕐᓗ ᐆᒻᒪᖅᑯᑎ ᐱᔭᕆᐊᖃᒻᒪᕆᖕᒪᑦ ᒪᑭᒪᐅᑎᒃᓴᓄᑦ ᐱᕙᓪᓕᐊᓂᕐᒥᑦ. ᖁᑦᑎᓗᐊᖅᑐᑦ ᐆᒻᒪᖅᑯᑎᓄᑦ ᐊᑭᖏᑦ ᐅᑭᐅᖅᑕᖅᑐᒥ ᖁᕝᕙᕆᐊᖅᑎᑦᑎᖕᒪᑦ ᐊᑭᓂᑦ ᑕᒪᐃᓐᓄᑦ ᐊᑐᖅᑎᐅᔪᓄᑦ ᐱᓯᓂᓯᓄᓪᓗ ᐊᔪᕐᓇᕐᓂᕐᓴᐅᑎᖦᖢᒍ ᐅᑭᐅᖅᑕᖅᑐᒥ ᐱᓯᓂᓰᑦ ᐱᓂᖅᓴᐅᖔᕋᓱᒋᐊᒃᓴᖅ. ᖁᑦᑎᓗᐊᖅᑎᓪᓗᒍ ᐊᑭᖓ ᐆᒻᒪᖅᑯᑎᐅᑉ ᐱᑕᖃᑦᑎᐊᙱᓐᓂᖓᓗ ᑐᑭᒧᐊᕈᑎᒃᓴᒧᑦ ᐆᒻᒪᖅᑯᑎᓄᑦ ᐊᐅᓚᔪᓐᓇᐅᑎᖓᓄᑦ ᐱᔪᓐᓇᖅᑎᑦᑎᙱᒻᒥᖕᒪᑦ ᑮᓇᐅᔭᖅᑑᑎᓂᒃ ᒪᑭᒪᐅᑎᒃᓴᓄᑦ ᐱᕈᖅᑎᑦᑎᙱᓐᓂᖅᓴᐅᓕᖅᖢᓂ.

ᓯᕗᓕᖅᑏᑦ ᐱᕚᓪᓕᖁᔨᓪᓗᑎᒃ ᓴᙱᔪᓂᑦ ᒪᑭᒪᐅᑎᒃᓴᖃᕈᓐᓇᕐᓂᖓᓂᒃ ᐆᒻᒪᖅᑯᑎᓄᑦ ᐱᑕᖃᐅᖅᑐᓄᑦ ᐱᓕᕆᕝᕕᐅᔪᒥ ᐅᑭᐅᖅᑕᖅᑐᒥ ᐅᕕᒃᑐᖅᓯᒪᔪᖁᑎᖏᓐᓂᑦ. ᓯᕗᓕᖅᑏᑦ ᐅᖃᖃᑎᒌᒃᑭᓪᓗᑎᒃ ᐱᒻᒪᕆᐅᓂᖓᓂᒃ ᓴᓗᒪᔪᒥᑦ, ᑕᑎᒋᔭᒃᓴᐅᔪᒥᑦ ᑐᑭᖃᑦᑎᐊᖅᑐᓂᒃᓗ−ᐊᑭᓕᖕᓂᑦ ᐆᒻᒪᖅᑯᑎᓂᑦ ᐅᑭᐅᖅᑕᖅᑐᒥᐅᑕᕐᓄᑦ ᒪᑭᒪᐅᑎᒃᓴᖏᓐᓄᓪᓗ.

ᓯᕗᓕᖅᑏᑦ ᑐᓂᓯᒪᑦᑎᐊᖅᑐᑦ ᑲᔪᓰᓐᓇᕐᓂᕐᒥᑦ ᐃᖅᑲᓇᐃᔭᖃᑎᒌᖕᓂᕐᒥᑦ ᐅᑭᐅᖅᑕᖅᑐᖅ ᐊᐅᓚᔪᓐᓇᐅᑎᖃᕐᓗᓂ ᐱᔭᕆᐊᖃᖅᑕᖓᓂᑦ ᐱᖁᔨᓪᓗᑎᒃ ᓄᓇᖃᖅᑐᑦ ᐱᔪᓐᓇᕐᓗᑎᒃ ᑕᑎᒋᔭᒃᓴᐅᔪᓄᑦ ᐊᑭᓕᒐᒃᓴᐅᔪᓄᓪᓗ ᐆᒻᒪᖅᑯᑎᓄᑦ ᐊᑐᖃᑦᑕᖅᑕᖏᓐᓂᑦ.

ᓯᕗᓕᖅᑏᑦ ᖃᐅᔨᑎᑦᑎᒋᐊᖅᑐᑦ ᓂᕆᐅᒋᔭᖃᓚᐅᕐᑐᑦ ᐅᖃᐅᓯᖃᕐᓂᕐᒥᑦ ᑲᓇᑕᒥᐅᑦ ᐆᒻᒪᖅᑯᑎᓄᑦ ᑐᑭᒧᐊᕈᑎᒃᓴᖏᓐᓂᑦ ᑲᑎᒪᑎᓪᓗᒋᑦ ᑲᓇᑕᐅᑉ ᓯᕗᓕᖅᑎᖏᑦ ᔪᓚᐃᒥ ᓴᐃᓐᑦ ᔮᓐ, ᓂᐅᕙᐅᓐᓛᓐ ᓛᐸᑐᐊᒥᓗ. ᑐᑭᒧᐊᕈᑎᒃᓴᖏᑦ ᐱᔪᓐᓇᖅᑎᑦᑎᓂᐊᖅᑐᑦ ᑲᓇᑕᐅᑉ ᐊᕕᒃᑐᖅᓯᒪᔪᖁᑎᖏᓐᓂᑦ ᐅᑭᐅᖅᑕᖅᑑᓪᓗ ᐊᕕᒃᑐᖅᓯᒪᔪᖁᑎᖏᓐᓂᑦ ᐃᖅᑲᓇᐃᔭᖃᑎᒌᒃᓗᑎᒃ ᐆᒻᒪᖅᑯᑎᓄᑦ ᓯᕗᓪᓕᐅᔾᔭᐅᔭᕆᐊᖃᖅᑐᖁᑎᖏᓐᓂᑦ ᐊᒥᖅᑳᖃᑎᖏᓐᓂᒃᓗ ᑐᕌᒐᕆᔭᖏᓐᓄᑦ ᐱᑎᑦᑎᒋᐊᕐᓗᑎᒃ ᑲᓇᑕ ᐃᓕᓴᕆᔭᐅᓯᒪᔪᖅ ᓯᕗᓕᕆᓂᖓᓂᑦ ᐊᐅᓚᐃᓐᓇᕈᓐᓇᖅᑐᓄᑦ ᓴᐳᒻᒥᔭᐅᓯᒪᔪᒧᓪᓗ ᐆᒻᒪᖅᑯᑎᓄᑦ ᓴᖅᑭᑦᑎᕙᓪᓕᐊᓂᕐᒥᑦ, ᐱᑕᖃᖅᑎᑦᑎᓂᕐᒥᑦ ᐃᖏᕐᕋᔪᓕᕆᓂᕐᒥᓪᓗ.

ᐃᒪᖅ

ᐱᑕᖃᑦᑎᐊᖅᑐᖅ, ᓴᓗᒪᔪᖅ ᐃᒪᖅ ᐱᔭᕆᐊᖃᕐᒪᑦ ᐅᑭᐅᖅᑕᖅᑐᒥᐅᓄᑦ ᒪᒃᐱᕈᑎᐅᓪᓗᓂᓗ ᑲᔪᓯᒋᐊᕐᓂᕐᒧᑦ ᐱᖅᑯᓯᑐᖃᐃᑦ ᐃᓕᖅᑯᓯᖏᓐᓄᑦ. ᓯᕗᓕᖅᑏᑦ ᐊᖏᖃᑎᒌᒃᖢᑎᒃ ᑲᔪᓰᓐᓇᕐᓗᑎᒃ ᐱᓕᕆᖃᑎᒌᑦᑎᐊᕐᓂᕐᒥᑦ ᐱᖁᔨᓂᒃᑯᑦ ᐃᒪᖃᖃᑎᒋᔭᖓᓄᑦ ᐱᑕᖃᐅᖅᑐᓂᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᖁᑎᖏᓐᓂᑦ ᖃᓄᐃᙱᑦᑎᐊᖏᓐᓇᕐᓗᑎᒃ ᐊᐅᓚᐃᓐᓇᕈᓐᓇᕐᓗᑎᒃᓗ.

ᐅᔭᕋᖕᓂᐊᕐᓂᕐᒧᑦ ᐱᓕᒻᒪᒃᓴᐃᓂᖅ

ᓯᕗᓕᖅᑏᑦ ᐃᑲᔪᖅᓱᐃᖏᓐᓇᖅᑐᑦ ᐊᖏᖃᑦᑕᕐᓗᒋᓪᓗ ᑲᑐᔾᔨᖃᑎᒌᒍᑎᖓᑦ ᑐᒃᓯᕋᐅᑎ ᑲᓇᑕᒥᐅᓄᑦ ᐅᑭᐅᖅᑕᖅᑐᒥ ᒪᑭᒪᐅᑎᒃᓴᓄᑦ ᐱᕙᓪᓕᐊᓂᕐᒥᑦ ᐱᓕᕆᕝᕕᖓ ᓄᑖᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᐃᑲᔪᕈᒪᓪᓗᒍ ᐅᑭᐅᖅᑕᖅᑐᒥᐅᓕᒫᓄᑦ ᐋᖅᑭᒃᓯᒪᔭᖓᓂᑦ ᐱᓕᕆᕝᕕᐅᔪᒧᑦ ᐱᓕᒻᒪᒃᓴᓂᕐᒧᑦ, ᑐᓐᓂᖅᑯᑕᐅᔪᖅ ᔫᑳᓐ ᓯᓚᑦᑐᖅᓴᕐᕕᖓᓂᑦ, ᐊᕉᕋ ᓯᓚᑦᑐᖅᓴᕐᕕᒃ ᓄᓇᕗᒻᒥᓗ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖕᒥ ᐅᑭᐊᒃᓵᖑᓚᐅᖅᑐᒥ.

ᐊᖏᒃᓕᕙᓪᓕᐊᓂᖓ ᓴᓇᔪᓕᕆᓂᕐᒧᑦ ᐱᔭᕆᐊᖃᖅᑐᓂᑦ ᐊᒥᒐᕈᑎᓂᒃᓗ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᖁᑎᖏᓐᓂᑦ, ᐱᓗᐊᕐᑐᒥᑦ ᐱᑕᖃᐅᕐᑐᓂᑦ ᐱᓕᕆᕝᕕᐅᔪᑦ ᐃᖅᑲᓇᐃᔭᕐᕕᖏᓐᓂᑦ, ᓯᕗᓕᖅᑏᑦ ᐱᒃᑯᓕᓪᓗᑎᒃ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᖁᑎᖏᑕ ᓯᓚᑦᑐᖅᓴᕐᕕᖏᑦ ᐃᖅᑲᓇᐃᔭᖃᑎᒌᖕᒪᑕ, ᐊᓯᖏᓐᓂᒃᓗ ᐱᓕᕆᖃᑎᖃᖅᖢᑎᒃ, ᐱᓕᒻᒪᒃᓴᐃᓂᕐᒧᑦ ᐅᑭᐅᖅᑕᖅᑐᒥᐅᑕᓄᑦ. ᓴᖅᑭᑎᑦᑎᓪᓗᑎᒃ ᐅᒃᐱᕈᓱᖕᓂᕐᒥᑦ ᓄᑖᖅ ᑮᓇᐅᔭᖃᖅᑎᑕᐅᔾᔪᑎ ᐃᑲᔪᖅᓱᕐᓗᒍ ᑖᓐᓇ ᐊᑐᓕᖅᑎᑕᐅᔪᖅ ᐃᑲᔪᕐᓂᐊᖅᑐᖅ ᐊᑲᐅᓂᖅᓴᒃᑯᑦ ᐃᓂᖃᖅᑎᓪᓗᒍ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᖁᑎᖏᑦ ᐱᕈᖅᐸᓪᓕᐊᓂᕐᒧᑦ ᐊᔪᖅᓴᙱᓐᓂᕐᒧᓪᓗ, ᑕᒡᕙᓂᑦᑕᐃᓐᓇᕐᓗ ᐃᑲᔪᕐᓗᒋᑦ ᐅᑭᐅᖅᑕᖅᑐᒥᐅᑕᑦ ᑐᓂᓯᒪᓗᑎᒃ ᖃᓄᐃᙱᑦᑎᐊᕐᓂᕐᒧᑦ ᓄᓇᓕᖕᓄᑦ ᐊᔪᖅᓴᙱᓪᓗᑎᒃᓗ ᓯᕗᓂᒃᓴᒧᑦ ᑲᓇᑕᒥᐅᓕᒫᓄᑦ.

ᐅᑭᐅᖅᑕᖅᑐᒥ ᑭᒃᓕᓯᓂᐊᕐᓂᖅ

ᑭᒃᓕᓯᓂᐊᕐᓂᖅ ᖃᕋᓴᐅᔭᓕᕆᓂᕐᓗ ᐃᑲᔪᖃᑦᑕᖅᑐᑦ ᐊᐅᓚᓪᓗᒋᑦ ᐅᑭᐅᖅᑕᖅᑐᒥ ᐊᒃᓱᕈᕐᓇᖅᑐᑦ ᐱᕕᒃᓴᐅᔪᓪᓗ ᐃᓚᐅᑎᑦᑎᓪᓗᓂ ᐊᖏᒃᓕᕙᓪᓕᐊᔪᒥᑦ ᐱᔭᕆᐊᖃᖅᑐᒥᑦ ᐃᖏᕐᕋᔪᓕᕆᓂᕐᒧᑦ ᑐᓴᐅᒪᔪᓕᕆᓂᕐᒧᓪᓗ ᐊᐅᓚᔪᓐᓇᐅᑎᓂᑦ ᐊᖏᒃᓕᕙᓪᓕᐊᓂᖓ ᐱᔭᕆᐊᖃᖅᑐᖅ ᐃᓕᓐᓂᐊᕐᓂᕐᒧᑦ ᐱᓕᒻᒪᒃᓴᐃᓂᕐᒧᓪᓗ, ᐊᖏᒃᓕᕙᓪᓕᐊᔪᑦ ᐊᒃᓱᕉᑎᑦ ᖃᓄᐃᙱᑦᑎᐊᕐᓂᕐᒧᑦ ᐃᓅᖃᑎᒌᓄᓪᓗ ᐱᔨᑦᑎᕋᐅᑎᓂᑦ, ᐊᖏᒃᓕᕙᓪᓕᐊᔪᓄᓪᓗ ᐊᒃᓱᕉᑎᑦ ᓄᓇᒧᑦ ᐱᑕᖃᐅᖅᑐᓄᓪᓗ ᐊᐅᓚᑦᑎᓂᕐᒥᑦ ᐊᑐᖃᑦᑕᖅᑐᓂᑦ ᐃᒡᓗᓕᕆᓂᕐᒧᓪᓗ ᓄᓇᒧᓪᓗ ᐊᑐᐃᓐᓇᐅᔪᓄᑦ.

ᐃᓱᒪᒃᓴᖅᓯᐅᑦᑎᐊᖅᓯᒪᓂᖅ ᐱᑎᑦᑎᔪᓐᓇᖅᑐᖅ ᓄᑖᓂᑦ ᐱᕕᒃᓴᐅᔪᓂᑦ ᐋᖅᑭᒍᑎᒃᓴᓂᒃᓗ, ᐱᔭᕆᐊᖃᖅᖢᓂᓗ ᐱᕈᖅᐸᓪᓕᐊᖏᓐᓇᕐᓂᕐᒧᑦ, ᐊᔪᖅᓴᙱᓐᓂᕐᒧᑦ ᐱᒡᒍᔫᓇᓱᖕᓂᕐᒧᓪᓗ. ᐃᓕᓴᖅᓯᓂᖅ ᐱᒻᒪᕆᐅᓂᖓᓂᒃ ᑭᒃᓕᓯᓂᐊᕐᓂᕐᒧᑦ ᐃᓕᑕᕆᔭᐅᔾᔪᑎᓄᑦ ᐅᑭᐅᖅᑕᖅᑐᒥ ᐱᓕᕆᐊᕆᔭᐅᔪᒪᔪᓄᑦ, ᓯᕗᓕᖅᑏᑦ ᑐᑭᒧᐊᖅᑎᑦᑎᓪᓗᑎᒃ ᐱᓕᕆᔨᐅᔪᓂᑦ ᐱᕙᓪᓕᐊᑎᑦᑎᓂᕐᒥᑦ ᐅᑭᐅᖅᑕᖅᑐᓕᒫᒥᑦ ᐊᑐᕆᐊᕐᓂᕐᒥᑦ ᑭᒃᓕᓯᓂᐊᕐᓂᕐᒧᑦ ᐃᒪᐃᓐᓂᐊᖅᑐᒥᑦ:

• ᖃᐅᔨᓗᒋᑦ ᖁᑦᑎᓛᖑᔪᑦ ᓯᕗᓕᕐᓂᕐᒧᑦ ᐃᓗᓕᖏᑦ ᑭᒃᓕᓯᓂᐊᕐᓂᕐᒧᑦ ᐱᖓᓲᔪᓂᑦ ᓄᓇᓕᐅᔪᓂᑦ;
• ᑲᒪᒋᔭᖃᕐᓗᑎᑦ ᐱᓕᕆᖃᑎᒌᑦᑎᐊᕐᓂᕐᒥᑦ ᑲᑐᔾᔨᖃᑎᒌᒃᓗᑎᒃᓗ ᐅᑭᐅᖅᑕᖅᑐᓕᒫᒥᑦ;
• ᖃᐅᔨᓗᒋᑦᑭᒃᓕᓯᓂᐊᕐᓂᕐᒧᑦᐱᔭᕆᐊᖃᖅᑐᑦᑕᐃᑰᓇᐊᑕᐅᓯᐅᑦᑕᕐᓗᒋᑦᑎᓴᒪᑦᒪᑭᑕᔾᔪᑎᐅᔪᓂᑦᐅᑭᐅᖅᑕᖅᑐᒥᑕᐅᑐᙳᐊᖅᑕᐅᔪᑦ, ᐊᒻᒪᓗ ᖃᐅᔨᓗᒋᑦ ᑭᒃᓕᓯᓂᐊᕐᓂᕐᒧᑦ ᐱᔭᕆᐊᖃᖅᑐᑦ ᑕᐃᑰᓇ ᐊᑕᐅᓯᐅᑦᑕᕐᓗᒋᑦ ᑎᓴᒪᑦ ᒪᑭᑕᔾᔪᑎᐅᔪᓂᑦ ᐅᑭᐅᖅᑕᖅᑐᒥ ᑕᐅᑐᙳᐊᖅᑕᐅᔪᑦ, ᐊᒻᒪᓗᑦᑕᐅᖅ ᐱᔭᕆᐊᖃᖅᑐᑦ ᐊᒃᑐᐊᓂᖃᖅᑐᓂᑦ ᐊᑐᓕᖅᑎᑦᑎᓂᕐᓂᑦ ᐅᑭᐅᖅᑕᖅᑐᓕᒫᒥᑦ ᓱᖏᐅᑎᔾᔪᑎᒃᓴᓄᑦ ᑐᑭᒧᐊᕈᑎᒃᓴᒥᑦ ᐊᒻᒪᓗ ᐅᑭᐅᖅᑕᖅᑐᓕᒫᒥᑦ ᐊᑐᑦᑎᐊᕈᓐᓇᖅᑐᓂᑦ ᐆᒻᒪᖅᑯᑎᓄᑦ ᖃᐅᔨᓴᕐᓂᕐᒥᑦ; ᐊᒻᒪᓗ
• ᐃᓕᓴᕆᓗᒋᑦ ᐱᒻᒪᕆᐅᓂᖓ ᑐᓂᓯᒪᓂᕐᓗ ᐱᖅᑯᓯᑐᖃᕐᓄᑦ ᖃᐅᔨᒪᓂᕐᒥᑦ ᐱᐅᓯᒋᐊᖅᑎᑦᑎᓂᕐᒧᑦ ᐅᑭᐅᖅᑕᖅᑐᒥ ᖃᐅᔨᒪᓂᕐᒨᖓᔪᓄᑦ ᐱᒻᓚᕆᒋᔭᖓᓄᓪᓗ ᖃᓄᖅᑑᕐᓂᕐᒥᑦ.

ᓯᓚᐅᑉ ᐊᓯᔾᔨᖅᐸᓪᓕᐊᓂᖓ 5

ᐅᑭᐅᖅᑕᖅᑐᒥ ᓯᕗᓕᖅᑏᑦ ᐊᖏᖃᑎᒌᒃᖢᑎᒃ ᐃᑲᔪᖅᓱᕐᓗᒍ ᑲᑐᔾᔨᖃᑎᒌᖏᓐᓇᕈᑎ ᐅᑭᐅᖅᑕᖅᑐᓕᒫᓄᑦ, ᐊᒻᒪᓗ ᐱᖃᑎᒋᓗᒋᑦ ᑲᓇᑕᒥ ᐊᕕᒃᑐᖅᓯᒪᔪᖁᑎᖏᑦ ᒐᕙᒪᑐᖃᒃᑯᓐᓂᒃᓗ, ᐱᕙᓪᓕᐊᑎᑦᑎᓂᕐᒥᑦ ᑲᓇᑕᐅᑉ ᐅᐸᒃᑕᖓᓄᑦ ᑲᒪᓂᕐᒧᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᓯᕗᓂᖓᒍᑦ ᐸᐃᕆᔅᒥ ᑲᑐᔾᔨᖃᑎᒌᒃᑐᑦ ᓄᓇᓕᐅᔪᑦ ᓯᓚᐅᑉ ᐊᓯᔾᔨᕐᐸᓪᓕᐊᓂᖓᓄᑦ ᑲᑎᒪᕕᒃᔪᐊᕐᓂᕐᒥ (COP21), ᓄᕕᐱᕆ 30 – ᑎᓯᐱᕆ 11, 2015.

ᑲᓇᑕᐅᑉ ᐅᑭᐅᖅᑕᖅᑐᕐᒥᐅᑕᓕᒫᖁᑎᖏᑦ ᒥᑭᑦᑐᒥᑦ ᐊᒃᑐᖅᑕᐅᓯᒪᔪᑦ ᑕᒪᐃᓐᓅᖅᑐᓄᑦ ᐳᔪᕐᓗᓕᐅᙱᓐᓂᖅᓴᐅᓗᑎᒃ ᐊᓂᐊᔪᑦ ᐳᔪᕐᓗᓄᑦ ᑭᓯᐊᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐊᒃᑑᑎᓂᖃᕐᔪᐊᖅᓯᒪᔪᖅ ᐅᑭᐅᖅᑕᖅᑐᒥ ᓄᓇᓕᖕᓂᑦ. ᐊᒃᑑᑎᓃᑦ ᐅᑭᐅᖅᑕᖅᑐᒥ ᐱᔪᓐᓇᖅᓯᕚᓪᓕᕐᓗᒍ ᑲᓇᑕᐅᑉ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑐᕌᒐᕆᔭᖏᑦ ᐱᓕᕆᐊᖑᔭᕆᐊᖃᖅᑐᑦ ᐊᒃᑑᑎᓗᐊᔾᔮᖏᑦᑐᓄᑦ ᐅᑭᐅᖅᑕᖅᑐᒥ ᐊᑭᖏᓐᓄᑦ ᐃᓅᓇᓱᖕᓂᕐᒧᑦ, ᐊᑲᐅᙱᑦᑐᒦᑎᑦᑎᓕᕈᓐᓇᖅᑐᓂᑦ ᓂᕿᖃᐃᓐᓇᖅᑎᑦᑎᓇᓱᖕᓂᕐᒥᑦ ᑲᑉᐱᐊᓵᕈᑎᒧᓪᓘᓐᓃᑦ ᓴᖅᑭᑉᐸᓪᓕᐊᔪᓄᑦ ᒪᑭᒪᐅᑎᒃᓴᓄᑦ. ᑖᓐᓇ ᐱᓪᓗᒍ, ᐱᖓᓱᑦ ᐅᑭᐅᖅᑕᖅᑐᒥ ᐊᕕᒃᓯᒪᔪᖁᑎᖏᑦ ᐊᔾᔨᒌᒃᖢᑎᒃ ᑕᐅᑐᒃᑐᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᑦ ᓱᖏᐅᑎᕙᓪᓕᐊᔾᔪᑎᓂᑦ ᐸᓚᕐᔫᒥᑎᑦᑎᓂᕐᓗ ᓇᓗᓇᐃᖅᓯᒪᔪᕐᒧᑦ ᐅᑭᐅᖅᑕᖅᑐᓕᒫᓂᑦ ᓱᖏᐅᑎᔪᓐᓇᕐᓂᕐᒧᑦ ᑐᑭᒧᐊᕈᑎᒃᓴᒥᑦ.

ᓄᓇᖃᖅᑳᖅᓯᒪᔪᑦ ᓄᑕᖅᑲᑦ ᑲᒪᒋᔭᐅᔪᑦ

ᓯᕗᓕᖅᑏᑦ ᐅᖃᖃᑎᒌᒃᖢᑎᒃ ᐃᖅᑲᓇᐃᔮᒥᑦ ᑲᓇᑕᐅᑉ ᐊᕕᒃᑐᖅᓯᒪᔪᖁᑎᖏᑎᒍᑦ ᐅᑭᐅᖅᑕᖅᑑᑉ ᐊᕕᒃᓯᒪᔪᖁᑎᖏᑎᒍᓪᓗ ᐱᖁᔨᓪᓗᑎᒃ ᐅᓄᙱᓐᓂᖅᓴᑦ ᓄᓇᖃᖅᑳᖅᓯᒪᔪᑦ ᓄᑕᖅᑲᑦ ᓄᑕᖅᑲᓄᑦ ᑲᒪᒋᔭᐅᔪᓄᑦ ᐊᑐᖃᑦᑕᖅᑐᓃᓪᓗᑎᒃ ᐱᐅᓯᒋᐊᕐᓗᒋᓪᓗ ᐊᑐᖅᑕᐅᔪᑦ ᓄᓇᖃᖅᑳᖅᓯᒪᔪᓄᑦ ᓄᑕᖅᑲᓄᑦ ᑲᒪᒋᔭᐅᔪᓄᑦ. ᓯᕗᓕᖅᑏᑦ ᓂᕆᐅᒋᔭᖃᖅᑐᑦ ᑕᑯᓂᐊᕐᓂᕐᒥᑦ ᐊᑐᐊᓂᒃᑎᓪᓗᒋᑦ ᑖᒃᑯᐊ ᐃᖅᑲᓇᐃᔮᑦ ᐊᐅᔭᖅ ᑲᑎᒪᓕᖅᐸᑕ ᑲᓇᑕᐅᑉ ᓯᕗᓕᖅᑎᖏᑦ.

ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓵᓪᓗ

ᓯᕗᓕᖅᑏᑦ ᐅᖃᖃᑎᒌᒃᖢᑎᒃ ᐱᔭᕆᐊᖃᕐᓂᖓᓂᒃ ᐋᖅᑭᒃᓱᖅᑕᐅᓯᒪᔪᒧᑦ ᖃᓄᐃᓕᐅᕆᐊᕐᓂᕐᒧᑦ ᐱᑦᑕᐃᓕᑎᓪᓗᒍ ᐃᓱᓕᑎᓪᓗᒍᓗ ᐱᑦᑎᐊᙱᕐᔪᐊᖃᑦᑕᕐᓂᖅ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᓂᕕᐊᖅᓵᓄᓪᓗ ᓇᓗᓇᐃᖅᓯᓪᓗᑎᒃᓗ ᑐᓂᓯᒪᑦᑎᐊᕐᓂᕐᒥᓂᒃ ᑭᖑᓪᓕᕐᒧᑦ ᑲᓇᑕᒥᐅᑦ ᑲᑎᒪᓂᕆᓂᐊᖅᑕᖓᓄᑦ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓵᓪᓗ ᐊᑐᖅᑕᐅᓂᐊᖅᑐᒥᑦ 2016-ᒥ.

ᓯᕗᓕᖅᑏᑦ ᓂᓪᓕᐊᖕᒥᔪᑦ ᐃᑲᔪᖅᓱᐃᓂᕐᒥᖕᓂᑦ ᑲᑎᒪᓂᕐᒥ ᒫᓂᑑᐸᒥ ᒪᓕᒐᓕᐅᕐᐸᓪᓕᐊᓂᕐᒧᑦ, ᒪᓕᒐᓕᕆᔨᓂᑦ ᐸᒃᕕᓴᒃᑕᐅᔪᓄᓪᓗ ᐱᔨᑦᑎᕋᖅᑏᑦ ᖃᐅᔨᓴᕐᓂᐊᖅᑐᑦ ᐱᐅᓛᒃᑯᑦ ᐊᑐᕐᓂᕐᓂᑦ ᐊᑲᐅᓂᖅᓴᒃᑯᑦ ᐊᐅᓚᑕᐅᓂᕐᒧᑦ ᓇᓗᓇᐃᔭᕈᑎᓄᓪᓗ−ᐊᒥᖅᑳᕐᓂᖅ ᐊᑐᐊᒐᓕᐅᕐᓂᒃᑯᑦ ᐃᖅᑲᖅᑐᐃᔨᓄᓪᓗ ᑭᐅᒋᐊᕈᑎᒃᓴᓄᑦ ᐊᓯᐊᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓵᓪᓗ ᐱᓪᓗᒋᑦ.

ᓯᕗᓕᖅᑏᑦ ᑲᔪᓯᔪᑦ ᐃᑲᔪᖅᓱᐃᓂᕐᒥᑦ ᑲᓇᑕᒥ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖏᓐᓂ ᐱᔪᒪᑎᓪᓗᒋᑦ ᖃᐅᔨᓴᕐᓂᕐᒥᑦ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓵᓪᓗ.

ᓱᓕᑦᑎᐊᕐᓂᕐᒧᑦ ᐋᖅᑭᐅᒪᓂᕐᒧᓪᓗ ᑲᑎᒪᔨᖏᑦ

ᓯᕗᓕᖅᑏᑦ ᖃᐅᔨᑎᑦᑎᒋᐊᕐᖢᑎᒃ ᓴᖅᑭᑕᐅᓂᖓᓂᑦ ᑭᖑᓪᓕᖅᐹᒥ ᐅᓂᒃᑳᖅ ᓱᓕᑦᑎᐊᕐᓂᕐᒧᑦ ᐋᖅᑭᐅᒪᓂᕐᒧᓪᓗ ᑲᑎᒪᔨᖏᓐᓄᑦ ᑲᓇᑕᒥ ᔫᓂ 2, 2015−ᒥ ᓂᕆᐅᒃᖢᑎᒃ ᑲᒥᓴᓇᐅᑉ ᐱᖁᔭᖏᑦ ᐊᑐᖅᑕᐅᒋᐊᕐᓂᐊᕐᓗᑎᒃ ᑲᓇᑕᒥᐅᑕᓕᒫᓄᑦ ᐃᓕᓯᓂᐊᖅᑐᖅ ᐅᕙᑦᑎᓐᓂᓕᒫᖅ ᐱᕙᓪᓕᐊᓂᕐᒧᑦ ᐋᖅᑭᐅᒪᓇᓱᖕᓂᕐᒧᑦ. ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᖁᑎᖏᓐᓂᑦ ᒐᕙᒪᐃᑦ ᕿᒥᕐᕈᔪᑦ ᑲᒥᓴᓇᐅᑉ ᐱᖁᔭᖏᓐᓂᑦ ᐃᓱᒪᒋᓂᐊᕐᓗᒋᑦ ᓄᑖᑦ, ᓇᐅᒃᑰᕈᑏᓪᓗ ᓴᓇᓂᕐᒧᑦ ᐱᑕᕐᑳᓂᒃᑐᓄᑦ, ᐱᓇᔪᒍᑎᓄᑦ ᑐᕌᖅᑐᓄᑦ ᐋᖅᑭᐅᒪᓇᓱᖕᓂᕐᒧᑦ.

ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖅ

ᖃᐅᔨᒋᐊᒃᑲᓐᓂᕈᑕᐅᓪᓗᓂ 2014 ᐅᑭᐅᖅᑕᖅᑐᒥ ᓯᕗᓕᖅᑏᑦ ᑲᑎᒪᓂᖓᓂ, ᓯᕗᓕᖅᑏᑦ ᐱᑎᑦᑎᓪᓗᑎᒃ ᓄᑖᖑᕆᐊᖅᓯᒪᔪᓂᑦ ᐃᖅᑲᓇᐃᔮᖑᐊᓂᒃᑐᓄᑦ ᐃᒃᐱᒋᑦᑎᐊᕐᑕᖏᓐᓄᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᖁᑏᑦ ᐱᐅᓯᒋᐊᕐᓗᒍ ᖃᕋᓴᐅᔭᒃᑯᑦ−ᐃᓱᒪᓕᕆᓂᖅ ᐊᓯᖏᓪᓗ ᐊᑐᕆᐊᖃᖅᑐᑦ ᐊᑐᖅᑎᑦᑎᓂᕐᒧᑦ ᐃᓱᒪᓕᕆᓂᕐᒧᑦ ᐱᔨᑦᑎᕋᐅᑎᓂᑦ ᐅᖓᓯᒃᑐᓂᑦ ᓄᓇᓕᐅᔪᓂᑦ.

2016 ᐅᑭᐅᖅᑕᖅᑐᒥᓯ ᕗᓕᖅᑏᑦ ᑲᑎᒪᓂᖓᑦ

ᓯᕗᓕᖅᑎ ᑎᐅᕈ ᐹᔅᓛᔅᑭ ᓇᓗᓇᐃᖅᓯᔪᖅ ᔫᑳᓐ ᐊᐅᓚᑦᑎᓂᐊᖅᑐᖅ ᐊᕐᕌᒎᓂᐊᖅᑐᒧᑦ ᐅᑭᐅᖅᑕᖅᑐᒥ ᓯᕗᓕᖅᑏᑦ ᑲᑎᒪᓂᖓᓂᑦ.

###

ᑐᓴᕆᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᓗᒍ:

ᔮᔅᒦᓇᐲᐸ
ᐃᓱᒪᑕᖅ, ᒐᕙᒪᓕᕆᓂᕐᒧᑦ
ᓯᕗᓕᖅᑎ ᑕᑉᑑᓇᐅᑉ ᑎᑎᕋᕐᕕᖓ
ᓄᓇᕗᒻᒥ ᒐᕙᒪᒃᑯᑦ
(867) 975-5059
YPepa@gov.nu.ca

ᕉᔭ ᒍᕆᓐᑕᑦ
ᑐᓴᒐᒃᓴᓕᕆᔾᔪᑎᓄᑦ
ᓄᓇᑦᓯᐊᑉ ᒐᕙᒪᖓ
867-669-2308
roya_grinsted@gov.nt.ca

ᐃᓚᐃᓐᓰᒪᓐ
ᒪᓕᒐᓕᐅᕐᕕᖕᒥᑐᓴᐅᒪᔪᓕᕆᔨ
ᔫᑳᓐᒐᕙᒪᖓ
(867) 633-7961
elaine.schiman@gov.yk.ca