ᐅᖃᓚᐅᑎᓯᐅᑏᑦ

You are here

ᐅᑭᐅᖅᑕᖅᑐᒥ ᓯᕗᓕᖅᑏᑦ ᑲᑎᒪᔪᑎᑦ ᖃᕆᓴᐅᔭᒃᑯᑦ ᐃᑭᐊᖅᑭᕕᖓᑎᒍᑦ ᐅᖃᖃᑎᒌᒍᑎᖃᕐᓗᑎᑦ ᓯᕗᓪᓕᖅᐸᐅᔾᔭᐅᔭᕆᐊᓕᓐᓂᑦ, ᐃᓚᒋᔭᐅᓪᓗᓂ ᐋᓐᓂᐊᖃᕐᓇᖏᑦᑐᓕᕆᓂᖅ, ᒪᑭᒪᔾᔪᑏᑦ, ᐃᓕᓐᓂᐊᕐᓂᓕᕆᓂᖅ, ᐊᒻᒪᓗ ᓯᓚᐅᑉ ᐊᓯᔾᔨᐸᓪᓕᐊᓂᖓ

ᔫᓂ 14, 2021

ᐅᑭᐅᖅᑕᖅᑐᒥ ᓯᕗᓕᖅᑏᑦ ᑲᑎᒪᔪᑎᑦ ᖃᕆᓴᐅᔭᒃᑯᑦ ᐃᑭᐊᖅᑭᕕᖓᑎᒍᑦ ᐅᖃᖃᑎᒌᒍᑎᖃᕐᓗᑎᑦ ᓯᕗᓪᓕᖅᐸᐅᔾᔭᐅᔭᕆᐊᓕᓐᓂᑦ, ᐃᓚᒋᔭᐅᓪᓗᓂ ᐋᓐᓂᐊᖃᕐᓇᖏᑦᑐᓕᕆᓂᖅ, ᒪᑭᒪᔾᔪᑏᑦ, ᐃᓕᓐᓂᐊᕐᓂᓕᕆᓂᖅ, ᐊᒻᒪᓗ ᓯᓚᐅᑉ ᐊᓯᔾᔨᐸᓪᓕᐊᓂᖓ

ᓱᓕᔪᒥᒃ ᐋᖅᑭᒋᐊᕈᑎᖃᕐᓂᕐᒥᓪᓗ

ᑖᓐᓇ ᐅᖃᐅᓯᖅ ᐃᖅᑲᐃᑎᑦᓯᓂᖃᕈᓐᓇᖅᑐᖅ. ᐊᕕᑦᑐᖅᓯᒪᔪᓕᒫᓂ ᐊᑦᑐᖅᑕᐅᓯᒪᓂᖃᖅᑐᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ ᐅᕝᕙᓘᓐᓃᑦ ᑭᖑᕚᕇᓐᓄᑦ ᖁᐊᖅᓵᖅᓯᒪᓂᕐᒧᑦ. ᓯᕗᓕᖅᑏᑦ ᑲᑎᑉᐳᑦ ᐅᖃᖃᑎᒌᒋᐊᖃᕐᓂᕐᒧᑦ ᑕᒪᓐᓇ ᐱᓪᓚᕆᑦᓯᒪᓂᖓᓐᓄᑦ. ᓇᓗᓇᐃᖅᓯᓂᕐᒧᑦ ᓇᓗᓇᐃᖅᑕᐅᓯᒪᖏᑦᑐᓂᑦ ᑎᒥᕕᓂᕐᓂᑦ ᓄᓇᖃᖅᑳᖅᓯᒪᔪᓂ ᓄᑕᕋᕐᓂᒃ ᑳᒻᓘᑉᔅᒥ ᐊᓪᓚᓄᑦ ᐃᓕᓐᓂᐊᕆᐊᖅᑎᑕᐅᓯᒪᔪᓂᑦ. ᑖᓐᓇ ᐊᑦᑐᐃᓂᖃᖏᓐᓇᕐᒪᑦ ᐃᓄᖏᓐᓂᒃ ᔫᑳᓐ, ᓄᓇᑦᓯᐊᖅ, ᓄᓇᕗᒻᒥᓪᓗ. ᐃᑲᔪᖅᑐᐃᓂᖃᖏᓐᓇᕆᐊᓕᒃ ᓄᓇᖃᖅᑳᖅᓯᒪᔪᑦ ᐃᓄᖏᓐᓂᒃ ᒐᕙᒪᓕᕆᔪᓕᒫᓂᑦ ᐋᖅᑭᒋᐊᕈᑎᖃᖅᐸᓪᓕᐊᓂᕐᒧᑦ. ᓯᕗᓕᖅᑏᑦ ᐊᖏᖃᑎᒌᑦᑐᐃᓐᓇᐃᑦ ᐱᓕᕆᐊᑦᓴᖃᓪᓚᕆᒻᒪᑕ ᐅᖃᐅᓯᖃᕐᓂᕐᒧᑦ ᐋᖅᑭᒋᐊᕈᑎᖃᕐᓂᕐᒧᑦ, ᑐᙵᕕᖃᕆᐊᖃᕐᒪᑕ ᓱᓕᔪᒥᒃ, ᒪᓕᒐᖅᑎᒍᑦ ᖃᓄᐃᓕᐅᖅᐸᓐᓂᐊᖁᔨᓂᕐᒧᓪᓗ, ᒪᓕᒐᓕᕆᔨᒃᑯᓪᓗ ᖃᓄᐃᓕᐅᖁᔭᐅᕗᑦ ᖃᐅᔨᒃᑲᖅᑕᐅᓯᒪᔪᑦ ᑲᓇᑕᒥ ᑐᑭᓯᓂᐊᕐᓂᒃᑯᑦ.

ᐅᑭᐅᖅᑕᖅᑐᖅ ᒪᑐᐃᑲᓐᓂᖅᑐᖅ

ᓯᕗᓕᖅᑏᑦ ᐅᖃᖃᑎᒌᒍᑎᖃᓚᐅᖅᑐᑦ ᒪᑐᐃᑲᓐᓂᕐᓂᕐᒧᑦ ᐸᕐᓇᐅᑎᓂᑦ ᐱᓇᓱᐊᕐᓂᕐᒧᓪᓗ ᐊᑐᓂ ᐊᕕᑦᑐᖅᓯᒪᔪᓂᑦ ᒪᑐᐃᖅᐸᓪᓕᐊᕙᓪᓕᐊᓂᕐᒧᑦ ᐊᑦᑕᕐᓇᖏᑦᑐᒥᓪᓗ. ᓯᕗᓕᖅᑏᑦ ᓇᓗᓇᐃᖅᓯᓚᐅᖅᑐᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔭᕆᐊᖃᖅᑐᑦ ᐱᔭᕆᐊᑐᓯᒪᒻᒪᑕ ᐃᓘᓐᓇᖏᓐᓄᑦ ᐅᑭᐅᖅᑕᖅᑐᒥᐅᑕᕐᓄᑦ; ᑖᒃᑯᓄᖓ ᐊᑐᖅᑕᐅᔭᕆᐊᖃᖅᑐᓄᑦ ᐊᓂᒍᐃᑦᑎᐊᕈᓐᓇᕐᓂᕐᒧᓪᓗ ᐅᑭᐅᖅᑕᖅᑐᒥᐅᓄᑦ ᐊᑦᑕᕐᓇᖅᑐᒦᑎᑦᓯᓯᒪᖏᑦᑐᒍᑦ ᓇᒻᒥᓂᖅ ᓄᕙᕐᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᖅᑕᖃᖅᑎᓪᓗᒍ.

ᓯᕗᓕᖅᑏᑦ ᐅᖃᓚᐅᖅᑐᖅ ᖁᑦᓯᑦᑐᒥ ᐋᓐᓂᐊᓕᕇᒃᑯᑎᖅᑕᐅᖃᑦᑕᕐᓂᑦ, ᑕᒪᒃᑮᓐᓂᒃ ᐃᓗᐊᓂ ᓯᓚᑖᓂᓗ ᐊᕕᑦᑐᖅᓯᒪᔪᓂᑦ, ᐱᕕᖃᖅᑎᑦᓯᓂᖅᓴᐅᒐᔭᖅᑐᖅ ᐊᑐᓗᐊᕈᓐᓃᑎᑦᓯᕙᓪᓕᐊᓂᕐᒧᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔭᕆᐊᖃᖅᑐᓂᑦ ᐅᑎᖅᐸᓪᓕᐊᑎᑦᓯᓂᕐᒧᓪᓗ ᐊᐅᓪᓚᖅᓯᒪᔪᓄᑦ ᐅᑭᐅᖅᑕᖅᑐᒧᑦ. ᓯᕗᓕᖅᑏᑦ ᑎᓕᐅᕆᕗᑦ ᓄᓇᓕᒻᒥᐅᓕᒫᓂᑦ ᐋᓐᓂᐊᓕᕇᒃᑯᓯᖅᑕᐅᑦᓴᐅᑎᒋᖁᑦᓱᒋᑦ.  ᐋᓐᓂᐊᓕᕇᒃᑯᑏᑦ ᐱᒻᒪᕆᐅᔪᖅ ᒪᑐᐃᖅᓯᑲᓐᓂᕐᓂᕐᒧᑦ ᐊᑦᑕᕐᓇᖏᑦᑐᒥ ᐊᑦᑕᕐᓇᖅᑐᒦᓗᐊᖅᑕᐃᓕᒪᑎᑦᓯᓂᕐᒧᓪᓗ ᐅᑭᐅᖅᑕᖅᑐᒥᐅᓂᑦ ᓄᓇᓕᐅᔪᓂᓪᓗ.

ᓯᕗᓕᖅᑏᑦ ᐅᖃᖃᑎᒌᒍᑎᖃᓚᐅᖅᑐᑦ ᐃᑲᔪᖅᑐᐃᓂᕐᒧᑦ ᐱᖠᕆᐊᖑᕙᓪᓕᐊᔪᒪᔪᓂᓪᓗ ᒐᕙᒪᖏᓐᓂᒃ ᑲᒪᒋᔭᖃᕐᓂᕐᒧᑦ ᐃᑲᔪᕐᓂᕐᒧᑦ ᐳᓚᕋᖅᑐᓕᕆᓂᕐᒧᑦ ᓴᓇᕕᐅᔪᓂᑦ ᐅᑎᖅᑎᑦᓯᓂᕐᒧᑦ ᐊᒥᓱᓄᑦ ᖃᓂᒻᒪᓐᓇᐅᔪᒧᑦ ᐱᒻᒪᕆᐅᓂᖓᓄᑦ ᐱᓕᕆᕝᕕᐅᔪᖅ ᐅᑭᐅᖅᑕᖅᑐᒥ ᒪᑭᒪᐅᑎᖃᕐᓂᕐᒧᑦ. ᐅᖃᖃᑎᒌᒍᑎᖃᓚᐅᕐᒥᔪᑦ ᐱᓕᕆᖃᑎᖃᖏᓐᓇᕐᓂᕐᒧᑦ ᒐᕙᒪᑐᖃᒃᑯᓐᓂᑦ ᐊᒥᓱᓄᑦ ᖃᓂᒻᒪᓐᓇᖅᑕᖃᖅᑎᓪᓗᒍ ᑲᑐᔾᔨᖃᑎᒌᓐᓂᕐᒧᓪᓗ ᐱᕙᓪᓕᐊᑎᑦᓯᓂᕐᒧᑦ ᐃᑲᔪᖅᑐᐃᓂᕐᒧᑦ ᒪᑐᐃᑲᓐᓂᕐᓂᖓᓄᑦ ᐅᑭᐅᖅᑕᖅᑐᖅ.

ᐊᑯᓂᐅᔪᒃᑯᑦ, ᓂᕆᐅᓇᖅᑐᖅ ᐋᓐᓂᐊᖅᑐᓕᕆᓂᕐᒧᑦ ᑮᓇᐅᔭᖃᖅᑎᑕᐅᔭᕆᐊᖃᕐᓂᖅ

ᓯᕗᓕᖅᑏᑦ ᖁᔭᓕᓂᖃᖅᑐᑦ ᒐᕙᒪᑐᖃᒃᑯᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ, ᐃᓚᒋᓗᒍ ᐃᑲᔪᖅᑐᐃᓂᕐᒧᑦ ᐱᒻᒪᕆᐅᔪᒥᑦ ᐊᒥᓱᓄᑦ ᖃᓂᒻᒪᓐᓇᕐᔪᐊᕐᓇᖃᑦᑕᐃᓕᑎᑦᓯᓂᕐᒧᑦ.  ᓯᕗᓕᖅᑏᑦ ᓇᓗᓇᐃᖅᓯᓚᐅᖅᑐᑦ ᓄᓇᕐᔪᐊᒥ ᐊᒥᓱᓄᑦ ᖃᓂᒻᒪᓐᓇᐅᔪᖅ ᐊᑦᓱᕈᓐᓇᑎᑦᓯᓯᒪᓚᕆᑦᑐᖅ ᐋᓐᓂᐊᖅᑐᓕᕆᓂᕐᒧᑦ ᖃᑦᓯᐅᓂᖏᑦ ᑲᓇᑕᓕᒫᒥ ᐱᔪᓐᓇᕐᕕᖃᕐᕕᐅᔪᓂᑦ. 

ᐊᒥᓱᓄᑦ ᖃᓂᒻᒪᓐᓇᐅᔪᖅ ᐅᓄᖅᓯᑎᑦᓯᓯᒪᔪᖅ ᐱᔭᕆᐊᖃᓪᓚᕆᓐᓂᕐᒧᑦ ᐃᑲᔫᑎᑦᓴᑲᓐᓂᕐᓂᑦ ᐅᖃᐅᓯᖃᕐᓂᕐᒧᑦ ᐃᓱᒪᓕᕆᓂᕐᒧᑦ ᐅᐃᕆᓯᒪᓂᖃᕐᓂᕐᒧᓪᓗ ᐊᑦᓱᕈᓐᓇᖅᑐᓂᑦ ᐊᒻᒪ ᑲᒪᒋᔭᖃᕐᓂᕐᒧᑦ ᑭᙳᕙᖅᓯᒪᓕᕐᓂᖏᓐᓄᑦ ᐱᓚᑦᑕᐅᒋᐊᓖᑦ ᐊᐃᕕᑦᓴᐅᔪᐃᓪᓗ ᐱᔾᔪᑕᐅᔪᑦ ᐊᒥᓱᓄᑦ ᖃᓂᒻᒪᓐᓇᐅᔪᒧᑦ.  ᓴᙱᔪᒥ ᑲᑐᔾᔨᑎᖃᑎᒌᓐᓂᕐᒧᑦ ᐱᔭᕆᐊᖃᖅᑐᖅ ᖁᑦᓯᓕᕇᒃᑐᓕᒫᓄᑦ ᒐᕙᒪᒥᑦ ᓇᓗᓇᐃᖅᓯᓂᕐᒧᑦ ᐊᕕᑦᑐᖅᓯᒪᔪᓂᑦ ᐱᔪᓐᓇᕐᓂᖏᓐᓄᑦ ᐱᐅᓂᖅᐹᒥ ᐋᓐᓂᐊᖅᑐᓕᕆᓂᕐᒧᑦ ᐊᔾᔨᐅᖏᑦᑐᒥ ᐱᔭᕆᐊᖃᕐᓂᖏᓐᓄᑦ ᐅᑭᐅᖅᑕᖅᑐᒥ. ᓯᕗᓕᖅᑏᑦ ᐊᖏᖃᑎᒌᓚᐅᖅᑐᑦ ᐱᔭᕆᐊᖃᕐᓂᕐᒧᑦ ᐊᑯᓂᐅᔪᒃᑯᑦ, ᓂᕆᐅᓇᖅᑐᓂ ᑮᓇᐅᔭᖃᖅᑎᑕᐅᓂᕐᒧᑦ ᐊᑦᑐᐊᓂᖃᖅᑐᒥ ᐋᓐᓂᐊᖅᑐᓕᕆᓂᕐᒧᑦ ᑲᔪᓯᑎᑦᓯᓂᕐᒧᑦ ᐱᖓᓱᓄᑦ ᐊᕕᑦᑐᖅᓯᒪᔪᓄᑦ.

ᑲᓇᑕᒥ ᐋᓐᓂᐊᖃᖅᑕᐃᓕᓂᕐᒧᑦ ᓅᑕᐅᕙᒃᑐᒥᒃ ᐊᑐᐃᓐᓇᐅᑎᑦᓯᔪᖅ ᐊᑯᓂᐅᔪᒃᑯᑦ, ᓂᕆᐅᓇᖅᑐᖅ ᑮᓇᐅᔭᖃᖅᑎᑕᐅᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ. ᐊᕕᑦᑐᖅᓯᒪᔪᓂᑦ ᐱᑲᓐᓂᕆᐊᖃᖅᑐᑦ ᐋᓐᓂᐊᖅᑐᓕᕆᓂᕐᒧᑦ ᑮᓇᐅᔭᓂᒃ ᖃᓄᑐᐃᓐᓈᕈᓐᓇᕐᓗᓂ ᓈᒻᒪᑦᑐᓂᓪᓗ ᐊᑭᑐᓂᖅᓴᐅᓂᖓᓄᑦ ᑲᔪᓯᑎᑦᓯᓂᕐᒧᑦ ᐊᑦᑐᐊᓂᖃᖅᑐᓄᑦ ᒥᑭᓂᖅᓴᐅᓂᖏᓐᓄᑦ ᖃᑦᓯᐅᓂᕆᔭᖏᑦ, ᐅᖓᓯᓐᓂᖏᓐᓄᑦ ᐃᓅᓯᕆᔭᒧᓪᓗ-ᒪᑭᑉᐸᓪᓕᐊᔾᔪᑎᑦᓴᓄᑦ ᐱᑕᖃᙱᓐᓂᕆᔭᖏᓐᓂᒃ ᐅᑭᐅᖅᑕᖅᑐᒥ.

ᒪᑭᒪᔾᔪᑏᑦ ᐃᓪᓗᓕᕆᓂᕐᒧᓪᓗ ᓯᕗᓪᓕᐅᔾᔭᐅᖏᓐᓇᖅᑐᑦ ᐅᑭᐅᖅᑕᖅᑐᒥ ᓯᕗᓕᖅᑎᓄᑦ

ᓯᕗᓕᖅᑏᑦ ᐅᖃᖃᐅᙲᒍᑎᖃᓚᐅᖅᑐᑦ ᖃᓄᐃᑦᑑᓂᖓᓂᑦ ᒪᑭᒪᔾᔪᑎᖏᑦ ᐅᑭᐅᖅᑕᖅᑐᒥ ᓇᓗᓇᐃᖅᓯᑦᓱᑎᓪᓗ ᐱᒻᒪᕆᐅᓂᖓᓄᑦ ᐅᖃᐅᓯᖃᕐᓂᕐᒧᑦ ᒪᑭᒪᔾᔪᑎᓄᑦ ᑮᓇᐅᔭᐃᑦ ᖄᖏᐅᑎᓯᒪᓂᖏᓐᓄᑦ ᐅᑭᐅᖅᑕᖅᑐᒥ ᓄᓇᓕᐅᔪᓂᑦ, ᐊᑦᑐᖅᑕᐅᓯᒪᓚᕆᑦᑐᓂᑦ ᐃᓅᖃᑎᒌᓄᑦ ᑮᓇᐅᔭᓕᐅᕋᓱᐊᕐᓂᕐᒧᓪᓗ ᓄᓇᓕᒻᒥᐅᓂᑦ, ᒐᕙᒪᒃᑯᓐᓂᑦ ᒪᑭᒪᓇᓱᐊᕐᓂᕐᒧᓪᓗ ᐱᕙᓪᓕᐊᑎᑦᓯᓂᕐᒧᑦ.

ᓯᕗᓕᖅᑏᑦ ᐊᖏᖃᑎᒌᒍᑎᖃᓚᐅᕐᒥᔪᑦ ᐱᔭᕆᐊᖃᖏᓐᓇᕐᓂᕐᒧᑦ ᒐᕙᒪᑐᖃᒃᑯᓐᓂᑦ ᑮᓇᐅᔭᓕᐅᕋᓱᐊᕈᑎᓂᑦ ᐱᕙᓪᓕᐊᑎᑦᓯᓂᕐᒧᓪᓗ ᒪᑭᒪᔾᔪᑎᑕᐅᓗᐊᖅᑐᓂᑦ ᐃᑲᔪᖅᑐᐃᕐᓂᕐᒧᑦ ᒪᑭᒪᔾᔪᑎᑦᓴᓂᑦ. ᑖᓐᓇ ᐃᓚᖃᕐᒥᔪᖅ ᑭᓯᐊᓂ ᑭᓪᓕᖃᖅᑎᑕᐅᖏᑦᑐᖅ ᑮᓇᐅᔭᓕᐅᕋᓱᐊᕈᑎᓄᑦ ᑐᓚᑦᑕᕐᕕᐅᔪᓂᑦ, ᖃᖓᑕᔫᒃᑯᕕᓐᓂᑦ, ᐊᑐᕆᐊᕐᓂᑦ, ᑐᓴᐅᒪᔪᓕᕆᓂᕐᒧᑦ, ᐃᓪᓗᓕᕆᓂᕐᒧᑦ, ᑰᒃᑯᑦ ᐆᒻᒪᖅᑯᑎᑦᓴᖃᕐᓂᕐᒧᑦ ᐆᒻᒪᖅᑯᑎᓂᓪᓗ ᐊᑐᑦᓯᖃᕐᓂᕐᒧᑦ ᒪᑭᒪᔾᔪᑎᓂᑦ. ᓇᓗᓇᐃᖅᓯᓂᕐᒧᑦ ᒪᑭᒪᔾᔪᑎᑦᓴᐃᑦ ᐃᓚᒋᔭᐅᓗᑎᒃ ᐱᕈᖅᐸᓪᓕᐊᑎᑦᓯᓂᕐᒧᑦ, ᑲᒪᒋᔭᖃᖏᓐᓇᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑲᔪᓯᓂᖃᑦᓯᐊᕐᓂᕐᒧᓪᓗ, ᓯᕗᓪᓕᐅᔾᔨᑦᓯᐊᕐᓂᕐᒧᑦ ᖃᓄᐃᓕᖓᓂᖓᓄᓗ ᐅᑭᐅᖅᑕᖅᑐᖅ.

ᓯᕗᓕᖅᑏᑦ ᑐᑭᓯᓯᒪᔪᑦ ᐱᔪᓐᓇᕐᓂᕐᒥᑦ ᓈᒻᒪᑦᑐᓂᑦ, ᐊᑭᑐᓗᐊᖏᑦᑐᓂᑦ ᐃᓪᓗᖃᕐᓂᕐᒥᑦ ᐱᔭᕆᐊᑐᔪᒦᔾᔪᑕᐅᒍᓐᓇᖅᑐᖅ ᐃᓘᓐᓇᖏᓐᓂᓪᓗ ᐃᓄᑐᐊᖑᒐᓗᐊᑦ ᐃᓅᑦᓯᐊᕋᓱᐊᕐᓂᕐᒧᑦ, ᐃᓚᒋᔭᐅᓗᓂ ᖃᓄᐃᖏᓐᓂᖅ, ᐃᓕᓐᓂᐊᕐᓂᖅ ᐃᖅᑲᓇᐃᔭᕐᓂᕐᓗ. ᓯᕗᓕᖅᑏᑦ ᓇᓗᓇᐃᖅᓯᓚᐅᖅᑐᑦ ᓈᒻᒪᑦᑐᓂᒃ ᐃᓪᓗᖃᑦᓯᐊᖏᓐᓂᖓᓄᑦ ᐅᑭᐅᖅᑕᖅᑐᒥ ᐊᑦᑐᐃᓂᖃᑐᐃᓐᓇᖏᑦᑐᖅ ᐃᓄᑐᐊᓂᑦ ᑭᓯᐊᓂ ᓄᓇᓕᐅᔪᓂᓪᓗ. ᐱᐅᓯᕚᓪᓕᖅᑎᑦᓯᓂᖅ ᒐᕙᒪᑐᖃᒃᑯᓐᓂᑦ ᐃᑲᔪᖅᑐᖅᑕᐅᓂᕐᒧᑦ, ᐃᑲᔪᖅᑕᐅᓂᕐᒧᑦ, ᐱᓕᕆᖃᑎᒌᓐᓂᕐᒧᓪᓗ ᐊᑐᐃᓐᓇᐅᑎᑦᓯᓂᕐᒧᑦ ᐃᓪᓗᓕᕆᔨᒃᑯᑦ ᐃᓪᓗᖁᑎᖏᓐᓂᒃ ᐅᑭᐅᖅᑕᖅᑐᒥ ᐱᔭᕆᐊᖃᓪᓚᕆᑦᑐᖅ.

ᓯᓚᑦᑐᖅᓴᕐᕕᒻᒥ ᐃᓕᓐᓂᐊᑲᓐᓂᕐᓂᕐᒧᑦ ᐅᑭᐅᖅᑕᖅᑐᒥ

ᓯᕗᓕᖅᑏᑦ ᐅᖃᖃᐅᙲᒍᑎᖃᓚᐅᖅᑐᑦ ᐱᒻᒪᕆᐅᓂᖓᓂᑦ ᐃᓕᓐᓂᐊᕐᓂᖅ ᐅᑭᐅᖅᑕᖅᑐᕐᒥᐅᓄᑦ, ᖃᓄᕐᓗ ᑮᓇᐅᔭᓕᐅᕋᓱᐊᕈᑏᑦ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᕐᓂᕐᒧᑦ ᐊᑐᐃᓐᓇᐅᑎᑦᓯᓂᐊᕐᒪᑕ ᐱᕕᖃᕐᓂᐅᔪᓂᑦ ᐅᑭᐅᖅᑕᖅᑐᒥᐅᓄᑦ ᓯᕗᒧᐊᑦᑎᑦᓯᓂᕐᒧᑦ ᐃᓕᓐᓂᐊᕐᓂᖏᓐᓂᒃ ᐊᔪᙱᑕᖃᕐᓂᕐᒧᓪᓗ ᐊᑕᐅᑦᓯᒃᑯᓪᓗ ᐱᕙᓪᓕᐊᑎᑦᓯᓂᕐᒧᑦ ᓄᓇᓕᓐᓂᑦ ᐃᖅᑲᓇᐃᔮᖃᕈᓐᓇᖅᑐᕐᓂᕐᒧᑦ ᒪᑭᒪᐅᑎᖃᕐᓂᕐᒧᓪᓗ.

ᐃᑲᔪᖅᑐᐃᓂᕐᒧᑦ ᐊᔪᙱᑕᖃᓪᓚᕆᓐᓂᕐᒧᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᖅᑎᖃᕐᓂᕐᒧᑦ ᓴᐱᓕᖅᓴᕋᐃᖏᓐᓂᕐᒧᑦ ᐃᑲᔫᑎᖃᕈᓐᓇᖅᓱᓂᓪᓗ ᑮᓇᐅᔭᓕᐅᕈᓐᓇᖅᐸᓪᓕᐊᓂᕐᒧᑦ ᐊᕕᑦᑐᖅᓯᒪᔪᓂᑦ ᓯᕗᓪᓕᐅᔾᔭᐅᖏᓐᓇᕐᓂᐊᖅᑐᖅ ᓯᕗᓕᖅᑎᓄᑦ. ᐱᓕᕆᖃᑎᖃᖏᓐᓇᕐᓂᕐᒧᑦ ᔫᑳᓐ ᓯᓚᑦᑐᖅᓴᕐᕕᔾᔪᐊᖓᓐᓂᑦ, ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᐊᒻᒪᓗ ᐊᕈᕋ ᓯᓚᑦᑐᓴᕐᕕᒻᒥ ᐊᓯᔾᔨᖅᑎᓪᓗᒍ ᐹᓕᑕᒃᓂᒃ ᓯᓚᑦᑐᖅᓴᕐᕕᔾᔪᐊᕐᒧᑦ, ᐃᑲᔪᕐᓂᐊᖅᑐᖅ ᐊᑐᐃᓐᓇᐅᑎᑦᓯᓂᕐᒧᑦ ᓴᙱᔪᒥ ᑐᙵᕕᖃᕐᓂᕐᒧᑦ ᐊᑐᓕᖅᑎᑦᓯᓂᕐᒧᑦ ᐅᑭᐅᖅᑕᖅᑐᒥ ᑐᕌᒐᖃᕐᓂᕐᒧᑦ ᐱᓕᕆᐊᓂᑦ ᑮᓇᐅᔭᓕᐅᕋᓱᐊᑲᓐᓂᕐᓂᕐᒧᑦ ᐃᓅᖃᑎᒌᓐᓂᕐᒧᓪᓗ ᐅᑎᖅᑎᑦᓯᓂᕐᒧᑦ ᐊᖅᑯᑎᖃᕐᓗᑎᒃ ᓴᙱᔪᒥ ᐊᔾᔨᒌᙱᑦᑑᑎᐅᔪᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ.

ᓯᕗᓕᖅᑏᑦ ᐱᕕᖃᓚᐅᕐᒥᔪᑦ ᐃᓕᑕᖅᓯᓂᕐᒧᑦ ᐱᒋᐊᖅᑎᑦᓯᓂᕐᒥᒃ ᔫᑳᓐ ᓯᓚᑦᑐᖅᓴᕐᕕᔾᔪᐊᖓᓂᑦ ᒪᐃ 2020.

ᓯᕗᓕᖅᑏᑦ ᐅᖃᖃᐅᒌᑦᑐᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐅᑭᐅᖅᑕᖅᑐᓕᒫᒥᑦ

ᑲᓇᑕᐅᑉ ᐅᑭᐅᖅᑕᖅᑐᖓ ᐅᖅᑰᓇᖅᓯᕙᓪᓕᖓᔪᖅ ᐱᖓᓱᐊᖅᑎᖅᓱᓂ ᓱᑲᓐᓂᖃᖅᑐᒥ ᓄᓇᕐᔪᐊᕐᒥ ᑕᐃᒪᐃᒐᔪᓐᓂᖓᓂᑦ, ᐊᓯᔾᔨᕐᔪᐅᔪᑦ ᐊᑦᑐᐃᓂᖃᖅᑐᑦ ᐊᒥᓱᓂ ᐅᑭᐅᖅᑕᖅᑐᒥ ᐃᓅᓯᕐᒥᒃ ᓄᓇᓕᐅᔪᓂᓪᓗ. ᓯᕗᓕᖅᑏᑦ ᐱᓕᕆᖃᑎᖃᖅᑐᑦ ᓄᓇᖃᖅᑳᖅᓯᒪᔪᓂᑦ ᓯᕗᓕᖅᑎᐅᔪᓂᑦ ᓯᓚᓕᕆᓂᕐᒧᑦ ᐅᖃᖃᑎᒌᓐᓂᕐᒥᒃ ᑐᕌᒐᖃᕐᓂᕐᒧᑦ ᐅᖃᖃᑎᖃᕐᓂᕐᒧᑦ ᐊᑕᐅᓯᕐᒥ ᐅᑭᐅᖅᑕᖅᑐᒥ ᓂᐱᖃᕐᓂᕐᒧᑦ. ᓯᕗᓕᖅᑏᑦ ᐃᓕᑕᑦᓯᓯᒪᔪᑦ ᑐᐊᕕᕐᓇᖅᐸᓪᓕᐊᖏᓐᓇᕐᓂᖓᓂᑦ ᐱᓗᐊᕈᓐᓃᖅᑎᑦᓯᓂᕐᒧᑦ ᓱᖏᐅᑎᓂᕐᒧᓪᓗ ᐊᑦᑐᐃᓯᒪᓂᖓᓄᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ, ᐊᒻᒪ ᓅᓐᓂᕐᒧᑦ ᓴᓗᒪᓂᖅᓴᓂᑦ ᐊᐅᓚᔪᓐᓇᐅᑎᖃᕐᓂᕐᒧᑦ. ᐅᖃᖃᑎᒌᒍᑎᖃᓚᐅᖅᑐᑦ ᐱᔭᕆᐊᕐᓂᕐᒧᑦ ᓈᒻᒪᑦᑐᓂᒃ, ᐊᓯᔾᔨᕈᓐᓇᕐᓂᕐᒧᑦ, ᖃᑐᔾᔨᖃᑎᒌᑦᑎᐊᕐᓂᕐᒧᓪᓗ ᒐᕙᒪᑐᖃᒃᑯᑦ ᐃᑲᔪᖅᑐᐃᓂᖓᓄᑦ ᑖᑦᓱᒧᖓ ᑭᐅᔾᔪᑎᒧᑦ. ᑖᓐᓇ ᐃᓚᖃᕐᒥᔪᖅ ᑮᓇᐅᔭᖃᖅᑎᑕᐅᓂᕐᒧᑦ ᓴᖅᑭᑎᑦᓯᓂᕐᒧᑦ ᐅᑭᐅᖅᑕᖅᑐᒥ ᓯᓚᓕᕆᓂᕐᒧᑦ ᐱᔨᑦᓯᕋᐅᑎᓂᒃ ᐃᑲᔪᖅᑐᐃᓂᐊᖅᑐᓂᑦ ᐊᕕᑦᑐᖅᓯᒪᔪᓂᑦ ᖃᐅᔨᒪᔭᕆᐊᖃᖅᑕᖏᓐᓂᒃ ᓱᖏᐅᑎᓂᕐᒧᑦ ᐊᓯᔾᔨᐸᓪᓕᐊᔪᒧᑦ ᓯᓚᒧᑦ ᓴᖅᑭᑎᑦᓯᕙᓪᓕᐊᓂᕐᒧᑦ ᐱᒻᒪᕆᐅᔪᓂᑦ ᐃᖅᑲᓇᐃᔮᓂᑦ ᐅᑭᐅᖅᑕᖅᑐᒥ.

ᐅᖃᐅᓯᖃᕐᓂᕐᒧᑦ ᐅᓄᖅᓯᓯᒪᔪᓂᑦ ᖃᓄᐃᓕᐅᕐᓂᐅᔪᓂᑦ ᓯᓚᒥ ᓄᓇᒥᓪᓗ ᐱᕐᕈᓗᐊᕿᔪᓂᑦ ᒪᑭᒪᔾᔪᑎᓂᓪᓗ ᐱᐅᔪᓐᓃᖅᐸᓪᓕᐊᓂᖓ ᐱᔾᔪᑎᒋᑦᓱᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐊᑦᓱᕈᓐᓇᖏᓐᓇᖅᑐᖅ ᐅᑭᐅᖅᑕᖅᑐᒥ. ᓯᕗᓕᖅᑏᑦ ᐃᓕᑕᖅᓯᔪᑦ ᐃᓕᖅᑯᓯᖅ ᐃᓅᓯᕆᔭᒧᓪᓗ-ᒪᑭᑉᐸᓪᓕᐊᔾᔪᑎᑦᓴᓄᑦ ᓱᓇᒃᑯᑖᖏᑦ ᐊᑦᑐᐃᓂᖃᕐᒪᑕ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᓴᖅᑭᑎᑦᓯᖃᑦᑕᕐᒪᑕ ᐊᑦᓱᕈᓐᓇᓪᓚᕆᑦᑐᓂᑦ ᓄᓇᓕᐅᔪᓂᑦ. ᐅᓕᕕᔾᔪᐊᕐᓂᖅ, ᓄᓇᒥ ᐃᑭᕐᔪᐊᖅᑐᓄᑦ, ᓄᓇᐅᑉ ᖁᐊᖑᓂᖓ ᒪᙳᐸᓪᓕᐊᔪᖅ ᐊᑦᓱᕈᓐᓇᖏᓐᓇᖅᑐᖅ ᐱᓗᐊᕈᓐᓃᖅᑎᑦᓯᓇᓱᐊᖅᑎᓪᓗᑕ ᓱᖏᐅᑎᕙᓪᓕᐊᓂᕐᒧᑦ ᑖᒃᑯᓄᖓ ᐊᑦᑐᖅᑕᐅᓂᐅᔪᓄᑦ ᐊᕕᑦᑐᖅᓯᒪᔪᓂᑦ.

ᐅᑭᐅᖅᑕᖅᑐᖅ ᐅᑭᐅᖅᑕᖅᑐᓕᒫᒧᓪᓗ ᐊᑐᐊᒐᕐᓄᑦ ᑐᙵᕕᒃ ᐊᕕᑦᑐᖅᓯᒪᔪᓄᑦ

ᓯᕗᓕᖅᑏᑦ ᐱᔪᒪᓂᖃᖅᑐᑦ ᑲᔪᓯᒋᐊᕐᓂᕐᒧᑦ ᐊᑐᓕᖅᑎᑦᓯᓂᕐᒧᑦ ᐅᑭᐅᑕᖅᑐ ᐅᑭᐅᖅᑕᖅᑐᓕᒫᒧᓪᓗ ᐊᑐᐊᒐᕐᓄᑦ ᑐᙵᕕᖓᓂᑦ. ᓯᕗᓕᖅᑏᑦ ᐃᓕᑕᖅᓯᔪᑦ ᐱᒻᒪᕆᐅᓂᖓᓂᑦ ᓴᙱᓂᖃᕐᓂᕐᒧᑦ ᑮᓇᐅᔭᓕᐅᕐᓂᕐᒧᑦ ᐸᕐᓇᓂᕐᒧᑦ ᓯᕗᓪᓕᐅᔾᔭᐅᔭᕆᐊᓕᓐᓂᑦ ᐅᖃᐅᓯᖃᕐᓂᕐᒧᑦ ᐊᑐᓂᑦ ᐊᕕᑦᑐᖅᓯᒪᔪᓂᑦ ᓇᓗᓇᐃᖅᑕᐅᓯᒪᔪᓂᑦ ᐃᓅᖃᑎᒌᓄᑦ ᑮᓇᐅᔭᓕᐅᕈᑎᑦᓴᓄᓪᓗ ᐃᓱᒫᓘᑕᐅᔪᑦ ᑭᖑᓂᖓᓂ ᖃᓂᒪᓐᓇᕐᒧᑦ ᕿᓚᒥᐅᔪᒃᑯᑦ ᖃᓄᖅᑑᕈᑎᓄᓪᓗ ᓯᕗᓪᓕᐅᔾᔨᓂᕐᒧᑦ ᐊᑯᓂᐅᔪᒧᑦ.

ᐅᑭᐅᑕᖅᑐ ᐅᑭᐅᖅᑕᖅᑐᓕᒫᒧᓪᓗ ᐊᑐᐊᒐᕐᓄᑦ ᑐᙵᕕᖓᓂᑦ ᐱᒻᒪᕆᐅᔪᖅ ᐱᓕᕆᔾᔪᑎ ᓯᕗᒧᐊᑦᑎᑦᓯᓂᕐᒧᑦ ᐱᔪᒪᓂᖃᕐᓂᕐᒧᑦ ᐊᑯᓐᓂᖓᓂ ᐊᕕᑦᑐᖅᓯᒪᔪᑦ, ᓄᓇᖃᖅᑳᖅᓯᒪᔪᑦ ᒐᕙᒪᑐᖃᒃᑯᓪᓗ ᒐᕙᒪᓂᑦ. ᑖᓐᓇ ᐱᓕᕆᔾᔪᑕᐅᓂᐊᖅᑐᑦ ᑐᙵᕕᖓᓂᑦ ᐊᓯᔾᔨᕈᓐᓇᖏᓐᓇᕆᐊᓕᒃ ᐊᔾᔨᐅᖏᑦᑐᒥ ᐱᔭᕆᐊᖃᕐᓂᕐᒧᑦ ᐊᕕᑦᑐᖅᓯᒪᔪᓂᑦ ᓇᓗᓇᐃᖅᓯᓂᕐᒧᑦ ᐊᑑᑎᖃᑦᓯᐊᖅᑐᒥ ᐊᑐᓕᖅᑎᑦᓯᓂᕐᒧᑦ.

ᓯᕗᓕᖅᑏᑦ ᐊᑎᓕᐅᖅᑐᑦ ᓄᑖᙳᑎᑦᓯᓂᕐᒧᑦ ᐅᑭᐅᖅᑕᖅᑐᒥ ᐱᓕᕆᖃᑎᒌᓐᓂᕐᒧᑦ ᐊᖏᖃᑎᒌᒍᑎᒥ

ᐊᑦᑐᐊᓂᖃᖅᑐᓂᑦ ᐊᑦᓱᕈᓐᓇᓂᕐᒧᑦ ᑕᖅᑭᕐᓄᑦ 15-ᓄ, ᓯᕗᓕᖅᑏᑦ ᓇᓗᓇᐃᖅᓯᔪᑦ ᐱᐅᔪᒥᒃ ᖃᓄᐃᖓᓂᐅᔪᓂᑦ ᑲᔪᓯᓂᖃᑦᓯᐊᖅᓯᒪᔪᓂᑦ ᐊᕕᑦᑐᖅᓯᒪᔪᓂᑦ ᐱᓕᕆᖃᑎᒌᓐᓂᕐᒧᑦ. ᑖᒃᑯᑎᒎᓇᐅᑉᐸᑦ ᑭᒡᒐᖅᑐᐃᓂᖏᑎᒍᑦ ᐱᒍᔾᔨᓗᑎᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑮᓇᐅᔭᑎᒍᑦ ᐃᑲᔪᖅᑕᐅᓂᖅ ᐋᓐᓂᐊᖃᖕᓇᙱᓐᓂᖕᒧᑦ ᐃᑲᔪᖅᑕᐅᔾᔪᑎᔅᓴᓄᑦ ᓄᕙᕐᔪᐊᕐᓇᖅ-19 ᖃᓄᐃᓕᐅᕆᐊᕈᑕᐅᓂᖏᓐᓄᑦ, ᐱᓇᓱᐊᖅᑎᓪᓗᒋᑦ ᑭᖑᕙᖅᓯᒪᙱᑦᑐᒥᑦ ᐊᒻᒪᓗ ᓈᒻᒪᒃᑐᓂᑦ ᐋᓐᓂᐊᓕᕇᒃᑯᑎᖃᖅᑎᑦᑎᓂᕐᒥᑦ ᓄᓇᖃᖅᑎᐅᔪᓄᑦ, ᐅᑭᐅᖅᑕᖅᑐᕐᒥᑦ ᓯᕗᓕᖅᑏᑦ ᐊᖏᖃᑎᒌᒪᐅᖅᑐᑦ ᑲᑐᔾᔨᓂᒃᑯᑦ ᓴᙱᓂᖅᓴᐅᒐᑦᑕ.

ᓯᕗᓕᖅᑏᑦ ᐅᐱᒍᓱᓐᓂᖃᓚᐅᖅᑐᑦ ᐊᖏᖅᓯᒪᓂᖃᑦᑎᐊᕐᓂᖏᓐᓄᑦ ᒐᕙᒪᐅᔪᖅ ᑲᑐᔾᔨᖃᑎᒌᖕᓂᖏᓐᓂᑦ ᐅᓪᓗᒥ ᐊᑎᓕᐅᖅᑕᐅᓂᖓᓄᑦ ᑖᓐᓇ ᐅᑭᐅᖅᑕᖅᑐᕐᒥᑦ ᑲᑐᔾᔨᖃᑎᒌᖕᓂᕐᒧᑦ ᐱᓕᕆᖃᑎᒌᑦ. ᑖᓐᓇ ᑕᓪᓕᒪᓄᑦ−ᐊᕐᕌᒍᓄᑦ ᐊᖏᖃᑎᒌᒍᑎᓕᐊᖑᔪᖅ ᑐᙵᕕᐅᔪᖅ ᑲᑐᔾᔨᖃᑎᒌᒍᑕᐅᓗᓂ ᑖᒃᑯᓄᖓ ᐱᖓᓱᓄᑦ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᓂ ᒐᕙᒪᒃᑯᑦ, ᐱᓕᕆᖃᑎᒌᖏᓐᓇᕐᓂᐊᕐᒪᑕ ᖃᓄᐃᓕᐅᕈᑕᐅᖃᑦᑕᖅᑐᓂᑦ ᐃᓱᒫᓘᑕᐅᔪᓂᑦ ᐊᔾᔨᒌᖑᔪᓂᑦ, ᐅᖃᓕᒪᓗᑎᓪᓗ ᓂᐱᒧᑦ ᐊᔾᔨᒌᑦᑐᒥᑦ ᑲᑐᔾᔨᓗᑎᑦ ᓯᕗᓪᓕᐅᔾᔭᐅᔭᕆᐊᓕᓐᓂᑦ.

ᔫᑳᓐ ᓇᓗᓇᐃᖅᓯᓚᐅᖅᑐᖅ ᑲᑎᒪᑎᑦᓯᓛᕆᐊᖅ ᐅᑭᐅᖅᑕᖅᑐᒥ ᓯᕗᓕᖅᑏᑦ ᑲᑎᒪᓂᕆᕙᑦᑕᖓᓂᑦ 2022-ᒥ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᕋᓃ ᐳᕌᑰ
ᒥᓂᔅᑕᐃᑦ ᑐᓴᐅᒪᑎᑦᑎᔨᖓᑦ
867-334-9194
renee.francoeur@yukon.ca

ᒥᓂᔅᑕᐃᑦ ᑐᓴᐅᒪᑎᑦᑎᔨᖓᑦ
ᓄᓇᑦᓯᐊ ᒐᕙᒪᒃᑯᑦ
presssecretary@gov.nt.ca