ᐅᖃᓚᐅᑎᓯᐅᑏᑦ

You are here

ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔫᖕᓂ ᓯᕗᓕᖅᑎᒋᔭᐅᔫᒃ ᐱᓕᕆᖃᑎᖃᓪᓚᑦᑖᕈᒪᕗᒃ ᓄᑖᓂᒃ ᒐᕙᒪᑐᖃᑦᑯᓐᓂ ᒥᓂᔅᑕᕆᔭᐅᓂᐊᓕᕐᒥᔪᓂ ᓯᕗᒻᒧᐊᖅᑎᑉᐸᓪᓕᐊᔪᒪᓪᓗᒋᑦ ᐱᔭᐅᔭᕆᐊᓖᑦ ᐅᑭᐅᖅᑕᖅᑐᒥᐅᓄᑦ

ᔪᓚᐃ 18, 2018

 

ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔫᖕᓂ ᓯᕗᓕᖅᑎᒋᔭᐅᔫᒃ ᐱᓕᕆᖃᑎᖃᓪᓚᑦᑖᕈᒪᕗᒃ ᓄᑖᓂᒃ ᒐᕙᒪᑐᖃᑦᑯᓐᓂ ᒥᓂᔅᑕᕆᔭᐅᓂᐊᓕᕐᒥᔪᓂ ᓯᕗᒻᒧᐊᖅᑎᑉᐸᓪᓕᐊᔪᒪᓪᓗᒋᑦ ᐱᔭᐅᔭᕆᐊᓖᑦ ᐅᑭᐅᖅᑕᖅᑐᒥᐅᓄᑦ.

ᔪᓚᐃ 18, 2018 - (ᒪᖕᑕᓐ, ᓂᐅᐳᕋᓐᔅᐅᐃᒃ) ᐅᑭᐅᖅᑕᖅᑐᒥ ᓯᕗᓕᖅᑎᒋᔭᐅᔫᒃ ᐅᓪᓗᒥ ᓇᓗᓇᐃᖅᓯᕗᒃ ᖁᕕᐊᓱᖃᑎᖃᕐᓂᕐᒥᒥᓂᒃ ᓄᑖᓄᑦ ᐃᓚᒋᔭᐅᓂᐊᓕᕐᒥᔪᓄᑦ ᑲᓇᑕᐅᑉ ᒐᕙᒪᖓᑕ ᒥᓂᔅᑕᕆᔭᖏᓐᓄᑦ ᓂᕆᐊᒋᔭᖃᖅᖢᑎᒡᓗ ᐱᓕᕆᖃᑎᖃᖃᑦᑕᕐᓂᐊᕐᓂᕐᒥᒃ ᑕᒪᐃᓐᓂᒃ ᒥᓂᔅᑕᕆᔭᐅᔪᓂᒃ ᑲᓇᑕᐅᓪᓗ ᓯᕗᓕᖅᑎᖓᓂᒃ ᓯᕗᒻᒧᐊᖅᑎᑉᐸᓪᓕᐊᔪᒪᓪᓗᒋᑦ ᐅᑭᐅᖅᑕᖅᑐᒥ ᓯᕗᓪᓕᖅᐸᐅᔾᔭᐅᓯᒪᔪᑦ.

ᔫᑳᓐᒥᐅᓄᑦ ᓯᕗᓕᖅᑎ ᓵᓐᑎ ᓯᐅᓪᕗ, ᓄᓇᑦᑎᐊᒥᐅᓄᑦ ᓯᕗᓕᖅᑎ ᐹᑉ ᒪᑲᐅᑦ ᐊᒻᒪᓗ ᓄᓇᕗᒻᒥᐅᓄᑦ ᓯᕗᓕᖅᑎ ᔫ ᓴᕕᑲᑖᖅ ᐱᔪᒃᓯᓂᖃᑦᑎᐊᖅᐳᑦ ᐱᓕᕆᖃᑎᖃᖃᑦᑕᕐᓂᐊᕐᓂᕐᒥᒃ ᒥᓂᔅᑕᓂᒃ ᓯᕗᒻᒧᐊᖅᑎᑉᐸᓪᓕᐊᔪᒪᓪᓗᒋᑦ ᐱᔭᐅᔭᕿᐊᓖᑦ ᐅᑭᐅᖅᑕᖅᑐᒥᐅᓄᑦ ᐃᓕᓴᖅᓯᓂᒃᑯᑦ ᐊᔾᔨᖃᙱᑦᑐᓂᒃ ᖃᓄᐃᓕᖓᓂᕆᔭᐅᕙᒃᑐᓂᒃ ᑕᒪᒃᑯᓇᓂ ᐱᔪᓐᓇᐅᑎᖃᕐᕕᒋᔭᒥᓂ ᐱᓗᐊᙳᐊᖅᖢᓂ, ᐅᑭᐅᖅᑕᖅᑐᒥ ᓯᕗᓕᖅᑏᑦ ᐅᖃᐅᓯᖃᓪᓚᑦᑖᖏᓐᓇᕐᓂᐊᖅᐳᑦ ᐱᔭᕆᐊᖃᕐᓂᕐᒥᒃ ᐊᓯᔾᔨᒐᒃᓴᐅᓂᖅᓴᐅᔪᒥᒃ ᐊᑐᖅᑕᐅᓇᔭᖅᑐᒥᒃ ᒪᑐᒧᖓ, ᒐᕙᒪᑐᖃᒃᑯᓐᓂ, ᐊᕕᒃᓯᒪᓂᕐᓂ ᐅᑭᐅᖅᑕᖅᑐᒥ ᐊᑐᖅᑕᐅᕙᒃᑐᓄᑦ ᓇᑉᐸᖅᑎᖅᓯᒪᓪᓗᑎᒃ ᑮᓇᐅᔭᖁᑎᒋᔭᐅᓇᔭᖅᑐᓄᑦ.

ᑲᑎᒪᓂᕆᔭᐅᔪᒥ ᐅᑭᐅᖅᑕᖅᑐᒧᑦ ᓯᕗᓕᖅᑎᒋᔭᐅᔪᓄᑦ ᐅᓪᓛᖑᓵᖅᑐᒥ ᒪᖕᑕᓐᒥ, ᓂᐅ ᐳᕋᓐᔅᐅᐃᒃᒥ, ᑖᒃᑯᐊ ᓯᕗᓕᖅᑏᑦ ᐅᖃᒃᑲᓐᓂᓚᐅᖅᐳᑦ ᓯᓄᓂᒃᓴᒥ ᐱᕙᓪᓕᐊᑎᑦᑎᓇᔭᕐᓂᕐᒥᒃ ᐱᓕᕆᐊᖃᕐᓂᕐᒥᒃ ᐃᓄᖏᓐᓄᓪᓗ, ᑕᒪᒃᑯᐊ ᐋᖅᑭᒃᓯᒪᓕᖅᑎᑕᐅᔪᑦ ᐋᖅᑭᒃᑕᐅᖃᑦᑕᓪᓗᐊᖅᐳᑦ ᐋᖅᑮᖃᑎᒋᓗᒋᑦ ᐅᑭᐅᖅᑕᖅᑐᒥᐅᑦ, ᑕᐃᒪᐃᓕᐅᕈᑎᖃᕐᓗᑎᒃ ᐃᓕᓴᖅᓯᓂᕐᒧᑦ ᐃᒃᐱᒋᔭᖃᑦᑎᐊᕐᓂᕐᒧᓪᓗ ᐃᓕᖅᑯᓯᑐᖃᕆᔭᖏᓐᓂᒃ ᐊᓯᔾᔨᖅᓴᕋᐃᑦᑐᓐᓇᕐᓂᖏᓐᓂᒡᓗ.

ᓯᕗᓕᖅᑏᑦ ᓇᓗᓇᐃᖅᓯᓚᐅᖅᐳᑦ ᖃᐅᔨᓂᕐᒥᓂᒃ ᑐᙵᓱᒃᑎᑦᑎᓪᓗᑎᒡᓗ ᐃᓂᑖᖅᑎᑕᐅᔪᓂᒃ ᐅᑯᓂᖓ, ᒪᓕᒐᓕᐅᖅᑎᕐᔪᐊᖅ ᑑᒥᓂᒃ ᓕᑉᓛᖕᒃ ᒥᓂᒡᑕᕆᔭᐅᓂᐊᓕᖅᖢᓂ ᒐᕙᒪᒥᐅᑕᐅᖃᑎᒌᓄᑦ ᐅᑭᐅᖅᑕᖅᑐᒥᐅᓄᓪᓗ ᐱᓕᕆᐊᖑᕙᒃᑐᓂᒃ ᑲᓇᑕᒥᓗ ᓂᐅᕐᕈᑎᖃᖃᑎᒌᒃᐸᖕᓂᕐᒧᑦ, ᐊᒻᒪᓗ ᒪᓕᒐᓕᐅᖅᑎᕐᔪᖅ ᕗᕌᓐᓯᔅ−ᐱᓕᑉ ᓵᒻᐸᐃᓐ ᒥᓂᔅᑕᕆᔭᐅᓂᐊᓕᖅᖢᓂ ᓄᓇᓕᖕᓂ ᓇᑉᐸᖅᑎᖅᑕᐅᕙᒃᑐᓄᑦ ᐊᑐᖅᑕᐅᔪᒃᓴᐅᑕᐅᓪᓗᑎᒃ ᓄᓇᓕᖕᓄᓪᓗ.

ᐱᔭᕆᐊᖃᕐᓂᖅ ᓇᑉᐸᖅᑎᑦᖅᑎᑕᐅᓯᒪᒃᑲᓐᓂᖅᑐᓂᒃ ᐊᑐᖅᑕᐅᔪᒃᓴᐅᑕᐅᓪᓗᑎᒃ ᑕᒪᐃᓐᓂ ᐱᖓᓱᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔪᓂ ᑐᐊᕕᕐᓇᓪᓚᕆᓕᖅᐳᖅ, ᐊᒻᒪᓗ ᐊᓯᔾᔨᖅᓴᕋᐃᓐᓂᖅᓴᐅᓂᖅ ᒐᕙᒪᑐᖃᑦᒃᑯᑦ ᓇᑉᐸᖅᑎᖅᑕᐅᓯᒪᔪᓄᑦ ᐊᑐᖅᑕᐅᔪᒃᓴᐅᑕᐅᓪᓗᑎᒃ ᐊᑐᐊᒐᖏᑦ ᑮᓇᐅᔭᖁᑎᒋᔭᐅᔪᓪᓗ ᐃᑲᔪᕐᓂᐊᖅᐳᑦ ᓇᓗᙱᑦᑎᐊᕐᓂᕐᒧᑦ ᐅᑭᐅᖅᑕᖅᑐᒥᐅᑦ ᖃᓄᓕᒫᖅ

ᐱᕕᒃᓴᖃᖅᐸᒃᑲᓗᐊᕐᒪᖔᑕ ᑮᓴᐅᔭᓕᐅᕋᓱᖕᓂᕐᒧᑦ ᑲᔪᓯᓂᖃᑦᑎᐊᕐᓂᕐᒥᒃ ᐱᐅᔪᓪᓚᕆᖕᒥᒡᓗ ᐃᓅᓯᖃᕈᓐᓇᕐᓂᕐᒧᑦ.

ᓯᕗᓕᖅᑎᒋᔭᐅᔪᑦ ᖁᔭᓕᔪᒪᕗᑦ ᒥᓂᔅᑕᕆᔭᐅᓚᐅᖅᑐᒥᒃ ᓇᑉᐸᖅᑎᖅᑕᐅᓯᒪᔪᓄᑦ ᐊᑐᖅᑕᐅᔪᒃᓴᐅᑕᐅᓪᓗᑎᒃ,ᐆᒥᖓ, ᒪᓕᒐᓕᐅᖅᑎᕐᔪᐊᖅ ᐊᒪᕐᔩᑦ ᓲᕼᐃ ᐊᒻᒪᓗᑦᑕᐅᖅ ᒪᓕᒐᓕᐅᖅᑎᕐᔪᐊᕐᒥᒃ ᑭᐅᕈᓕᓐ ᐱᓂᑦ ᒥᓂᔅᑕᕆᔭᐅᓚᐅᖅᑐᖅ ᐅᑭᐅᖅᑕᖅᑐᒥᐅᓄᑦ ᐱᓕᕆᐊᖑᕙᒃᑐᓄᑦ, ᐱᓕᕆᐊᖃᖃᑦᑕᖅᓯᒪᓂᖏᖕᓄᑦ ᐱᓕᕆᕝᕕᖃᓪᓚᕆᒍᒪᖃᑦᑕᖅᓯᒪᓂᖏᖕᓄᓪᓗ ᑕᒪᑯᓄᖓ ᐱᒻᒪᕆᐅᓗᖕᓄᑦ.

-30-

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ
ᓯᕗᓕᖅᑎᐅᑉ ᔫ ᓴᕕᑲᑖᖅ ᑎᑎ
ᕋᕐᕕᐊᓂᑦ ᓄᓇᕗᑦ ᒐᕙᒪᖓ
867-975-5059 (ᐅᖄᓚᐅᑎᕋᓛᖅ) 867-222-5763
cmacleod@gov.nu.ca

ᓵᓚᑦ ᑎᒡᓇᔅ
ᐱᕙᓪᓕᐊᔪᓕᕆᓂᖅ ᑐᓴᒐᒃᓴᓕᕆᔩᑦ ᑲᒪᔨᖓ
ᒥᓂᔅᑕᐅᖃᑎᒌᑦ ᑐᓴᐅᒪᖃᑦᑕᐅᑎᕙᖕᓂᖏᓐᓄᑦ ᐃᓕᖅᑯᓯᑦᑎᐊᕆᒃᐸᖕᓂᖏᓐᓄᓪᓗ
ᒐᕙᒪᖓ ᓄᓇᑦᓯᐊᕐᒥᐅᑦ
(867-767-9140) 975-8600 ᓇᕿᒃᑲᓐᓂᕐᓗᒍ. 11092
charlotte_digness@gov.nt.ca

ᓴᓂ ᐹᑦᔅ
ᑐᑭᒧᐊᒃᑎᑦᑎᔨ, ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᓯᕗᓕᖅᑎᐅᑉ ᑎᑎᕋᕐᕕᐊᓂ
ᔫᑳᓐᒥᐅᑦ ᒐᕙᒪᖓᑦ
867-332-0362
sunny.patch@gov.yk.ca