ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᑐᓴᖅᑎᑦᑎᕗᖅ ᐊᓯᔾᔨᖅᑐᓂᑦ ᒥᓂᔅᑕᓂᑦ ᐊᖓᔪᖃᐅᑏᓪᓗ ᐊᓯᔾᔨᕐᓂᖏᓐᓂᑦ

ᑎᓯᐱᕆ 14, 2018

ᐱᕙᓪᓕᐊᔪᑦ ᓴᖅᑭᑕᑦ

ᓯᕗᓕᖅᑎ ᑐᓴᖅᑎᑦᑎᕗᖅ ᐊᓯᔾᔨᖅᑐᓂᑦ ᒥᓂᔅᑕᓂᑦ ᐊᖓᔪᖃᐅᑏᓪᓗ ᐊᓯᔾᔨᕐᓂᖏᓐᓂᑦ

ᐃᖃᓗᐃᑦ, ᓄᓇᕗᑦ (ᑎᓯᐱᕆ 14, 2018) − ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᐱᔭᒃᓴᖅᑖᖅᑎᑦᑎᔪᖅ ᓗᐊᓐ ᖁᐊᓴ ᑯᓱᒐᕐᒥᑦ ᒥᓂᔅᑕᐅᓂᐊᓕᕐᓗᓂ ᐃᖅᑲᓇᐃᔭᖅᑐᓕᕆᔨᒃᑯᓄᑦ, ᐅᔾᔨᕆᕈᓱᑦᑎᐊᖁᓗᒍ ᐊᐅᓚᓂᖃᑦᑎᐊᖅᑐᒥᒃ ᐋᖅᑭᑦᑎᐊᖅᓯᒪᔪᒥᒃ ᐊᐅᓚᓂᖃᖁᓪᓗᒍ ᐱᔨᑦᑎᕋᖅᑕᐅᔪᖅ ᑖᓐᓇ ᓄᑖᖅ ᐱᓕᕆᕝᕕᒃ ᐊᐅᓚᓂᖃᓕᕐᓂᐊᖅᑐᖅ ᐃᐳᕈ 1, 2019-ᒥᑦ. ᐃᓚᒋᓗᒍ, ᓰᓚ ᑯᓗᓛᖅ ᒥᓂᔅᑕᐅᑉ ᑐᖏᓕᕆᓂᐊᖅᓕᖅᑕᖓ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᒋᐊᕐᓗᓂ ᑎᓯᐱᕆ 17, 2018ᒥ.

“ᐱᓕᕆᔪᒪᓪᓚᑦᑖᖅᓯᒪᓂᕋᓚᐅᕋᒪ ᐱᓕᕆᓂᓕᒫᓐᓂᑦ ᓴᕿᑎᓪᓗᒋᑦ ᐃᖅᑲᓇᐃᔭᖅᑐᓕᕆᔨᒃᑯᑦ, ᐊᒻᒪ ᖁᕕᐊᑦᑐᖓ ᓴᖅᑭᑎᑦᑕᕆᐊᑦᓴᖅ ᐊᐅᓚᓂᖃᕐᓂᐊᓕᕐᒪᑦ ᑕᖅᑮᑦ ᐊᒥᓲᖏᑦᑐᑦ ᓈᑉᐸᑕ.” ᐅᖃᖅᑐᖅ ᓯᕗᓕᖅᑎᑲ ᓴᕕᑲᑖᖅ. “ᒥᓂᔅᑕ ᑯᓱᒑᖅ ᐊᔪᙱᑎᐊᖅᑐᖅ ᐱᔪᓐᓇᕐᓂᖃᑦᑎᐊᖅᖢᓂᓗ ᐅᔾᔨᕆᑦᑎᐊᕐᓗᓂᐅᒃ ᐱᓪᓗᕆᓪᓗᓂ ᑲᔪᓯᓂᖃᑦᑎᐊᕐᓗᓂᓗ ᑖᓐᓇ ᐱᒻᓚᕆᐅᒻᒪᑦ ᐱᓕᕆᐊᖅ, ᐊᒻᒪ ᓰᓚ ᑯᓗᓛᖅ ᐱᓕᕆᖃᑦᑕᖅᓯᒪᒻᒪᕆᒪᑦ ᑲᔪᓯᓂᖃᑦᑎᐊᖅᓯᒪᓪᓗᓂᓗ ᑲᒧᓯᑎᑦᑎᓯᒪᑦᑎᐊᕐᒪᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ, ᐱᓕᒻᒪᒃᓴᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ.”

ᐃᓛᒃᑯᕐᓗᓂ ᐱᓕᕆᐊᖃᕐᓂᐊᖅᑐᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ ᑐᕌᒐᖃᕐᓂᐊᖅᑐᖅ ᐋᖅᑭᑦᑎᐊᖅᓯᒪᓕᓗᓂ ᐱᔨᑦᑎᕋᖅᑎᐅᓂᐊᑐᑦ ᐅᔾᔨᕈᓱᑦᑎᐊᕐᓗᑎᒃ ᓴᙱᓂᖃᑦᑎᐊᕐᓗᓂ ᐱᓕᕆᔪᒪᒻᒪᑕ ᐃᓄᐃᑦ ᐃᖅᖅᑲᓇᐃᔮᖃᑦᑎᐊᖁᓪᓗᒋᑦ ᐱᓕᒻᒪᒃᓴᓂᒃᑯᑦ ᐃᖅᑲᓇᐃᔮᓄᓪᓗ ᓯᕗᒧᐊᑦᑎᐊᖁᓪᓗᒋᑦ, ᐃᓚᒋᓪᓗᒍ ᓄᑖᖑᕆᐊᑎᑕᐅᔪᖅᐱᓕᕆᓪᓗᐊᑕᕐᓂᐊᖅᑐᖅ ᐃᖅᑲᓇᐃᔭᖅᑏᑦ ᖃᓄᐃᖏᑦᑎᐊᖁᓪᓗᒋᑦ
ᓯᕗᓕᖅᑎ ᓴᕕᑲᑖᖅ ᐊᓯᔾᔩᒃᑲᓐᓂᕐᒥᔪᖅ ᓄᓇᕗᑦ ᒐᕙᒪᖓᑕ ᐊᐅᓚᑦᑎᔨᒻᒪᕆᖏᓐᓂᑦ. ᐱᒋᐊᕐᓂᐊᖅᑐᖅ ᑎᓯᐱᕆ 17, 2018ᒥ.

  • ᓗᐃᔅ ᕝᓚᕼᐅᕐᑎ ᒥᓂᔅᑕᐅᑉ ᑐᒡᓕᐊ ᐃᓕᖅᑯᓯᓕᕆᔨᒃᑯᓄᑦ ᓅᓐᓂᐊᖅᑐᖅ ᒥᓂᔅᑕᐅᑉ ᑐᒡᓕᐊᓄᑦ ᐃᓕᓐᓂᐊᕐᓂᓕᕆᔨᒃᑯᓄᑦ.
  • ᐳᔾᔫᑦ ᑯᓱᒐᖅ ᒥᓂᔅᑕᐅᑉ ᑐᒡᓕᐊ ᐃᓕᓐᓂᐊᕐᓂᓕᕆᔨᒃᑯᑦ ᓅᓐᓂᐊᖅᑐᖅ ᒥᓂᔅᑕᐅᑉ ᑐᒡᓕᐊᓄᑦ ᐃᓕᖅᑯᓯᓕᕆᔨᒃᑯᓄᑦ;
  • ᐸᐅᓗᓯ ᓱᕕᒐᖅ ᒥᓂᒡᑕᐅᑉ ᑐᖏᓕᖓ ᐊᕙᑎᓕᕆᔨᒃᑯᑦ ᓅᓐᓂᐊᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᒻᒧᑦ; ᐊᒻᒪ
  • ᓯᑎᕝ ᐱᓐᒃᓴᓐ − ᒥᓂᔅᑕᐅᑉ ᑐᒡᓕᒃᑲᓐᓂᖓᓄᑦ ᐃᓕᓯᒪᑲᐃᓐᓇᕐᓂᐊᖅᑐᖅ ᐊᕙᑎᓕᕆᔨᒃᑯᓐᓄᑦ.

“ᓄᓇᕗᑦ ᒐᕙᒪᖓ ᐊᔪᖏᑦᑎᐊᖅᑐᓂᒃ ᓴᙱᔪᓂᒃ ᓯᕗᓕᖅᑎᐅᔪᓐᓇᑦᑎᐊᖅᑐᓂᒡᓗ ᓯᕗᓕᖅᑎᖃᕐᒪᑕ, ᐊᒻᒪ ᖃᐅᔨᒪᔪᖓ ᑖᑯᐊ ᐊᓯᔾᔨᕈᑎᔪᑦ ᐱᐅᓂᖅᓴᒃᑰᖅᑎᑦᑎᓂᐊᕐᒪᑕ ᐱᓕᕆᕝᕕᓕᒫᓂᑦ ᐊᒻᒪᓗ ᐱᔨᑦᑎᕋᐅᑕᐅᕙᒃᑐᓄᑦ ᓄᓇᕗᒻᒥᐅᓄᑦ.” ᐅᖃᖅᑐᖅ ᓯᕗᓕᖅᑎ ᓴᕕᑲᑖᖅ. “ᓂᕆᐅᓂᖃᑦᑎᐊᖅᑐᖓ ᐱᓕᕆᔪᒻᒪᕆᐊᓘᓂᐊᕋᑦᑕ ᐊᕐᕌᒍᒥᑦ ᓄᑖᒥᑦ ᐊᒻᒪ ᐱᓕᕆᑎᐊᕐᓗᑕ ᓴᙱᑦᑎᒋᐊᒃᑲᓐᓂᕐᓗᒍ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓄᑦ ᐱᓕᕆᐊᒃᓴᓄᓪᓗ ᐃᑲᔫᑎᖃᑦᑎᐊᕐᓂᐊᖅᑐᑦ ᓄᓇᕗᒻᒥᐅᓕᒫᓄᑦ.”

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ
ᓯᕗᓕᖅᑎ ᓴᕕᑲᑖᖅ ᐊᓪᓚᕝᕕᖓᓂ
867-975-5059
cmacleod@gov.nu.ca