ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᖁᐊᓴ ᑐᓴᖅᑎᑦᑎᕗᖅ ᐊᐅᓚᑦᑎᔨᒻᒪᕇᑦ ᐊᓯᔾᔨᖅᑕᐅᓂᖏᓐᓂᒃ

ᑎᓯᐱᕆ 01, 2017

 

ᐃᖃᓗᐃᑦ, ᓄᓇᕗᑦ (ᑎᓯᐱᕆ 01, 2017) – ᓯᕗᓕᖅᑎ ᖁᐊᓴ ᑐᓴᖅᑎᑦᑎᖅᑲᐅᕗᖅ ᓄᓇᕗᑦ ᒐᕙᒪᖓᓂ ᐊᐅᓚᑦᑎᔨᒻᒪᕇᑦ ᐊᓯᔾᔨᖅᑕᐅᓂᖏᓐᓂᒃ.

"ᓄᑖᒥᒃ ᒪᓕᒐᓕᐅᕐᕕᖕᒥ ᓯᕗᓕᖅᑎᖃᓕᕋᑦᑕ ᐱᒋᐊᒃᑲᓐᓂᕆᐊᖃᓕᖅᐳᒍᑦ ᓄᓇᕘᒧᑦ, ᐊᒻᒪ ᓄᑖᙳᕆᐊᖅᑎᑦᑎᓗᑕ ᑎᓕᐅᕈᑎᒋᔭᑦᑎᓐᓂᑦ ᐊᒻᒪ ᐊᑐᕐᓂᐊᕐᓂᕋᖅᓯᒪᔭᑦᑎᓐᓂᑦ ᐃᓄᖁᑎᑦᑎᓐᓄᑦ ᐊᒻᒪ ᐱᓕᕆᖃᑎᒋᔭᑦᑎᓐᓄᑦ," ᓯᕗᓕᖅᑎ ᖁᐊᓴ ᐅᖃᖅᑐᖅ. "ᖃᐅᔨᓴᒃᑲᓐᓂᕆᐊᖃᓕᕆᕗᒍᑦ ᐊᓯᔾᔩᓗᑕᓗ ᐊᐅᓚᑦᑎᔨᒻᒪᕆᑦᑎᓐᓂ ᐱᓕᕆᐊᒃᓴᖏᓐᓂᒃ ᑲᔪᓯᔪᓐᓇᑦᑎᐊᖁᓪᓗᒋᑦ ᓄᑖᙳᕆᐊᖅᑎᑦᑎᓗᑎᒃ ᓯᕗᓕᖅᑎᖏᓐᓂᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᑦ."

ᒫᓐᓇᑲᐅᑎᒋ ᐊᑐᓕᖅᑐᑦ:

  • ᓯᐅᕆ ᕉ, ᐅᓖᐱᑲ ᐅᐃᓕᐊᒻᔅ ᐊᒻᒪ ᑯᕆᔅ ᑖᓯ ᓄᓇᕗᑦ ᒐᕙᒪᒃᑯᓐᓃᑦᑐᓐᓃᖅᑐᑦ.
  • ᑳᑎ ᐅᒃᐱᒃ ᒥᓂᔅᑕᒧᑦ ᑐᖏᓕᕆᔭᐅᓚᐅᖅᑐᖅ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᒥᓂᔅᑕᒧᑦ ᑐᖏᓕᕆᔭᐅᖔᓕᖅᑐᖅ ᒐᕙᒪᓕᕆᔨᒃᑯᓐᓄᑦ.
  •  ᐴᕐᓂ ᒪᒃᐊᐃᓴᒃ ᒥᓂᔅᑕᒧᑦ ᑐᖏᓕᕆᔭᐅᓚᐅᑲᒃᑐᖅ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ.
  •  ᔮᓐ ᒥᒃᑖᓄᓪ ᒥᓂᔅᑕᒧᑦ ᑐᖏᓕᕆᔭᐅᓚᐅᑲᒃᑐᖅ ᐃᓕᓐᓂᐊᖅᑐᓕᕆᔨᒃᑯᓐᓄᑦ.
  • ᐃᓚᐃᓐ ᐅᑉᐸᕼᐅᐊᒃ-ᐳᕈᔅᑭ ᐊᖓᔪᖅᑳᕆᔭᐅᓚᐅᑲᒃᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ.

ᑎᓯᐱᕆ 4, 2017−ᒥ ᐱᒋᐊᕐᓗᓂ:

  • ᐃᕚᓐ ᓃᐊᒍ ᒥᓂᔅᑕᒧᑦ ᑐᖓᓕᕆᔭᐅᓚᐅᖅᑐᖅ ᒪᓕᒐᓕᕆᔨᒃᑯᓐᓄᑦ ᒥᓂᔅᑕᒧᑦ ᑐᖓᓕᕆᔭᐅᓂᐊᓕᖅᑐᖅ ᐃᓄᓕᕆᔨᒃᑯᓐᓄᑦ.

ᔮᓄᐊᕆ 8, 2018−ᒥ ᐱᒋᐊᕐᓗᓂ:

  • ᐸᐅᓗᓯ ᓱᕕᒐᖅ ᒥᓂᔅᑕᒧᑦ ᑐᖓᓕᕆᔭᐅᓚᐅᖅᑐᖅ ᐃᓕᖅᑯᓯᓕᕆᔨᒃᑯᓐᓄᑦ ᒥᓂᔅᑕᒧᑦ ᑐᖓᓕᕆᔭᐅᓂᐊᓕᖅᑐᖅ ᐊᕙᑎᓕᕆᔨᒃᑯᓐᓄᑦ.
  • ᓗᐃᔅ ᕙᓚᕼᐅᕐᑎ ᒥᓂᔅᑕᒧᑦ ᑐᖓᓕᕆᔭᐅᓂᐊᓕᖅᑐᖅ ᐃᓕᖅᑯᓯᓕᕆᔨᒃᑯᓐᓄᑦ.

ᓯᕗᓕᖅᑎ ᖁᐊᓴ ᔫ ᐊᑦᓚ ᑯᓄᖕᒥᑦ ᑎᓕᓯᓚᐅᕐᒥᔪᖅ ᑎᑎᕋᖅᑎᓪᓗᐊᑕᕆᔭᐅᓂᐊᓕᖅᖢᓂ ᐊᒻᒪ ᕼᐃᓗᕆ ᑲᐃᓯ ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎᐅᓕᕐᓗᓂ ᑎᑎᕋᕐᕕᖓᓂ.

"ᖁᔭᓐᓇᒦᕈᒪᕙᒃᑲ ᓄᖅᑲᕐᓂᐊᓕᖅᑐᑦ ᐊᐅᓚᑦᑎᔨᒻᒪᕇᑦ ᐱᓕᕆᔪᒪᓪᓚᑦᑖᓚᐅᕐᒪᑕ ᐊᖏᖅᓯᒪᑦᑎᐊᖅᖢᑎᒡᓗ ᓄᓇᕗᑦ ᒐᕙᒪᖓᓄᑦ. ᐱᓇᔪᖕᓂᖏᑦ, ᐊᔪᙱᓐᓂᖏᑦ ᐊᒻᒪ ᑲᔪᓯᔪᓐᓇᕐᓂᖏᑦ ᐅᐱᒋᔭᐅᑦᑎᐊᖅᐳᑦ. ᐋᖅᑭᒃᓱᐃᓕᖅᑎᓪᓗᑕ ᒐᕙᒪᒋᓂᐊᓕᖅᑕᑦᑕ ᐱᓕᕆᐊᒃᓴᖏᓐᓂᒃ ᐊᒻᒪ ᓯᕗᓪᓕᐅᑎᔭᕆᐊᓕᖕᓂᒃ ᐋᖅᑭᒃᓱᐃᓗᑕ ᐊᕐᕌᒍᓂᑦ ᑎᓴᒪᓂᒃ ᐊᑐᕐᓂᐊᖅᑐᓂᒃ, ᓱᓕ ᐱᐅᓯᒋᐊᖅᑎᑦᑎᓇᓱᐃᓐᓇᕈᒪᕗᖓ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ ᐊᒻᒪ ᑲᒪᔨᐅᓂᕐᒥᒃ ᓄᓇᕗᒻᒥᐅᓕᒫᑦ ᐃᑲᔪᖅᑕᐅᖁᓪᓗᒋᑦ," ᓯᕗᓕᖅᑎ ᖁᐊᓴᖅ ᐅᖃᖅᑐᖅ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕼᐃᓗᕆ ᑲᐃᓯ
ᐊᖓᔪᖅᑳᖅ, ᑐᓴᐅᒪᑎᑦᑎᓄᑦ
ᓯᕗᓕᖅᑎ ᖁᐊᓴᐅᑉ ᐊᒡᓚᕝᕕᖓᓂ
(867) 975-5059
hcasey@gov.nu.ca