ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᖁᐊᓴ ᓇᓗᓇᐃᖅᓯᕗᖅ ᒥᓂᔅᑕᐅᓂᐊᓕᖅᑐᓂᒃ

ᓄᕕᐱᕆ 21, 2017

 

ᐃᖃᓗᐃᑦ, ᓄᓇᕗᑦ (ᓄᕕᐱᕆ, 21, 2017) –ᓯᕗᓕᖅᑎ ᐹᓪ ᖁᐊᓴ ᐅᓪᓗᒥ ᓇᓗᓇᐃᖅᓯᕗᖅ ᒥᓂᔅᑕᐅᓂᐊᓕᖅᑐᓂᒃ. ᑕᓪᓕᒪᒋᓕᖅᑕᖓᓂ ᓄᓇᕗᒻᒥ ᒥᓂᔅᑕᐅᖃᑎᒌᖕᓂᐊᓕᖅᑐᑦ ᒪᓕᒐᓕᐅᖅᑎᑦ ᐃᓚᖏᑦ ᓄᑖᖑᓪᓗᑎᒃ ᐃᓚᖏᓪᓗ ᓂᕈᐊᖅᑕᐅᒃᑲᓐᓂᖅᓯᒪᓪᓗᑎᒃ, ᓯᕗᓪᓕᖅᐹᕐᒥᓗ ᐱᖓᓱᓂᒃ ᐊᕐᓇᓂᒃ ᒥᓂᔅᑕᖃᕐᓂᐊᓕᖅᖢᓂ. ᑖᒃᑯᐊ ᖁᐊᓴᐅᑉ ᓂᕈᐊᒐᒃᓴᐅᓪᓗᓂ ᐱᓕᕆᐊᕆᓂᐊᕐᓂᕋᖅᓯᒪᔭᖏᑦ, ᑐᑭᓯᐅᒪᑦᑎᐊᕐᓂᖅ ᐃᒃᐱᒍᓱᑦᑎᐊᕐᓂᕐᓗ, ᐊᒻᒪ ᐃᓄᐃᑦ ᓯᕗᓪᓕᐅᑎᓯᒪᓗᒋᑦ.


“ᖁᔭᒋᔪᒪᕙᒃᑲ ᒪᓕᒐᓕᐅᖅᑏᑦ ᐱᔪᒪᓂᖃᑦᑎᐊᕐᒪᑕ ᓄᓇᕗᒻᒥᐅᓂᒡᓗ ᐱᔨᑦᑎᑦᑎᐊᕈᒪᖕᒪᑕ,” ᐅᖃᓚᐅᖅᑐᖅ ᓯᕗᓕᖅᑎ ᖁᐊᓴ. “ᐱᓕᕆᐊᒃᓴᓕᒻᒪᕆᐊᓘᓂᐊᖅᑐᒍᑦ ᖃᐅᔨᒪᑦᑎᐊᖅᑐᒍᑦ, ᐱᓕᕆᐊᒃᓴᕆᓂᐊᖅᑕᑦᑎᓐᓂᒡᓗ ᑲᔪᓯᑦᑎᐊᕈᒪᓪᓗᑕ. ᐱᐅᕚᓪᓕᖅᑎᑦᑎᔪᒪᕗᒍᑦ ᓴᓇᖃᑎᒋᖃᑦᑕᖅᑕᑦᑎᓐᓂᒃ ᓯᕗᒻᒧᐊᒃᐸᓪᓕᐊᑦᑎᐊᕐᓗᑕᓗ ᐃᓅᓯᖃᑦᑎᐊᕋᓱᐊᕐᓂᕐᒧᑦ. ᑖᒃᑯᐊ ᒥᓂᔅᑕᐅᓂᐊᓕᖅᑐᑦ ᑲᒪᒋᔭᖃᑦᑎᐊᕐᓂᐊᕋᓱᒋᕙᒃᑲ ᐱᓕᕆᕝᕕᐅᔪᓂᓪᓗ ᓯᕗᓪᓕᐅᑎᔭᕆᐊᓖᑦ ᐋᖅᑭᑦᑎᐊᖅᑕᐅᓯᒪᓂᐊᕐᓂᖏᓐᓂᒃ.”


ᓯᕗᓕᖅᑎ ᖁᐊᓴ ᒥᓂᔅᑕᕆᔭᐅᒻᒥᔪᖅ ᒐᕙᒪᓕᕆᔨᒃᑯᓐᓄᑦ ᔫ ᓴᕕᑲᑖᖅ ᓯᕗᓕᖅᑎᐅᑉ ᑐᒡᓕᕆᒃᑲᓐᓂᕐᓂᐊᖅᑕᖓ ᐅᑎᕐᓗᓂᓗ ᐃᓄᓕᕆᔨᒃᑯᓐᓄᑦ. ᓄᑖᑦ ᒥᓂᔅᑕᙳᖅᑐᑦ ᐅᑯᓄᖓ ᒥᓂᔅᑕᙳᖅᑎᑕᐅᔪᑦ:

  • ᐃᓕᓴᐱ ᓯᐅᑎᐊᐱᒃ ᒐᕙᒪᒃᑯᑦ ᑲᑎᒪᕝᕕᖓᓂ ᓯᕗᓕᖅᑎ, ᐊᒻᒪ ᒥᓂᔅᑕᕆᔭᐅᔪᖅᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ ᐊᒻᒪᓗ ᒥᓂᔅᑕᕆᔭᐅᔪᖅᐊᕙᑎᓕᕆᔨᒃᑯᓐᓄᑦ,
  • ᑕᐃᕕᑎ ᐊᕿᐊᕈᖅ ᒥᓂᔅᑕᕆᔭᐅᔪᖅ ᑮᓇᐅᔭᓕᕆᔨᒃᑯᓐᓄᑦ,
  • ᐸᑎᑯᓗᒃ ᐊᕐᓇᒃᑲᖅ ᒥᓂᔅᑕᕆᔭᐅᔪᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᒻᒪᓗᒥᓂᔅᑕᕆᔭᐅᔪᖅ ᐃᓅᓯᕐᒥᑦ ᑭᐱᓯᑦᑕᐃᓕᑎᑦᑎᓂᕐᒧᑦ,
  • ᔩᓂ ᐃᖅᓴᕐᓗᐊᖅ ᒥᓂᔅᑕᕆᔭᐅᔪᖅ ᒪᓕᒐᓕᕆᔨᒃᑯᓐᓄᑦ, ᒥᓂᔅᑕᕆᔭᐅᔪᖅ ᖁᓪᓕᖅᐆᒻᒪᖅᑯᑎᓕᕆᔨᒃᑯᓐᓄᑦ, ᐊᒻᒪᓗ ᒥᓂᔅᑕᕆᔭᐅᔪᖅ ᓄᓇᕗᒻᒥ ᖁᓪᓖᑦ ᐊᕐᓇᓄᑦᑲᑐᔾᔨᖃᑎᒌᓐᓄᑦ,
  • ᑕᐃᕕᑎ ᔪᐊᓇᓯ ᒥᓂᔅᑕᕆᔭᐅᔪᖅ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᓄᓇᕗᒻᒥᓯᓚᑦᑐᖅᓴᕐᕕᒃᑯᓐᓄᓪᓗ ᐊᒻᒪᓗ ᐃᓕᖅᑯᓯᓕᕆᔨᒃᑯᓐᓄᑦ,
  • ᓗᐊᓐ ᑯᓱᒐᖅ ᒥᓂᔅᑕᕆᔭᐅᔪᖅ ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᓐᓄᑦ ᐊᒻᒪᓗᐃᒡᓗᓕᕆᔨᕐᔪᐊᒃᑯᓐᓄᓪᓗ.


“ᓄᓇᕗᒻᒥᐅᑦ ᖃᐅᔨᒪᖁᕙᒃᑲ ᐃᓱᒫᓘᑎᒋᓚᐅᖅᑕᖏᑦ ᐅᖃᖃᑦᑕᖅᓯᒪᔭᖏᑦ ᑐᓴᖅᓯᒪᒐᑦᑎᒍᑦ. ᑐᑭᓯᐅᒪᔪᒍᑦ ᐊᒃᓱᕈᐊᕆᔭᔅᓯᓐᓂᒃ ᓂᕆᐅᒋᔭᔅᓯᓐᓂᒡᓗ, ᑕᑯᔪᒪᔭᔅᓯᓐᓂᒡᓗ ᓴᖅᑭᑦᑎᓇᓱᐊᕐᓂᐊᖅᐳᒍᑦ. ᓄᓇᕗᒻᒥᐅᓄᑦ ᐱᓕᕆᐊᖃᕋᑦᑕ, ᓄᓇᑦᑎᓐᓄᑦ, ᐃᓄᑦᑎᓐᓄᑦ ᓯᕗᓂᒃᓴᑦᑎᓐᓄᓪᓗ ᐱᐅᓛᓂᒃ ᓴᖅᑭᑦᑎᓇᓱᒡᓗᑕ,” ᐅᖃᓚᐅᖅᑐᖅ ᓯᕗᓕᖅᑎ ᖁᐊᓴ.


###


ᐃᓚᓕᐅᔾᔭᐅᓯᒪᔪᑦ: ᒥᓂᔅᑕᐃᑦ ᐱᓕᕆᐊᒃᓴᖏᓐᓂᒃ


ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑲᑐᕆᐅᓇ ᒪᒡᓚᐅᑦ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᒐᕙᒪᓕᕆᔨᒃᑯᑦ
867-975-6049
cmacleod@gov.nu.ca