ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᖁᐊᓴ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕ ᕿᒥᕐᕈᑎᑕᐅᔫᒃ ᐃᒻᒥᓂᒃ ᓅᑦᑕᖅᑕᐅᒍᓐᓇᖅᑐᓂ ᐳᕙᓪᓗᒃᑐᓄᑦ ᖃᐅᔨᓴᕐᕕᒻᒥᑦ, ᓄᓇᓕᓐᓂᓪᓗ ᓂᕆᕕᒃᔪᐊᖃᑕᐅᓪᓗᑎᒃ ᕿᑭᖅᑕᕐᔪᐊᕐᒥᑦ

ᕕᕝᕗᐊᓕ 09, 2018

ᐱᕙᓪᓕᐊᔪᑦ ᓴᖅᑭᑕᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

 

ᓯᕗᓕᖅᑎ ᖁᐊᓴ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕ ᕿᒥᕐᕈᑎᑕᐅᔫᒃ ᐃᒻᒥᓂᒃ ᓅᑦᑕᖅᑕᐅᒍᓐᓇᖅᑐᓂ ᐳᕙᓪᓗᒃᑐᓄᑦ ᖃᐅᔨᓴᕐᕕᒻᒥᑦ, ᓄᓇᓕᓐᓂᓪᓗ ᓂᕆᕕᒃᔪᐊᖃᑕᐅᓪᓗᑎᒃ ᕿᑭᖅᑕᕐᔪᐊᕐᒥᑦ

ᕿᑭᖅᑕᕐᔪᐊᖅ, ᓄᓇᕗᑦ (ᑕᓪᓕᕐᒥᖅ, ᕖᕗᐊᕆ 9, 2018) − ᐃᒻᒥᓂᒃ ᓅᑦᑕᖅᑕᐅᒍᓐᓇᖅᑐᑦ ᐳᕙᓪᓗᒃᑐᓄᑦ ᖃᐅᔨᓴᕕᒃ ᐊᑐᖅᑕᐅᓕᓚᐅᖅᑐᖅ ᕿᑭᖅᑕᕐᔪᐊᕐᒥᑦ ᐱᓇᓱᐊᕈᓯᖅ ᐱᒋᐊᓕᓵᖅᑎᓪᓗᒍ, ᐊᒻᒪᓗ ᐅᓪᓗᒥ, ᓯᕗᓕᖅᑎ, ᐹᓪ ᖁᐊᓴ ᐳᓛᕆᐊᖅᑎᑕᐅᖃᐅᔪᖅ ᖃᐅᔨᓴᕐᕕᒻᒥᑦ ᐊᐃᑉᐸᕆᓪᓗᓂᐅᒃ ᒥᓂᔅᑕ ᐸᑎᑯᓗᒃ ᐊᕐᓇᒃᑲᒃ ᓄᓇᕗᑦ ᒐᕙᒪᖓᒃᑯᖏᓐᓂᖔᖅᑑᒃ ᐳᕙᓪᓗᒃᑐᓂᑦ ᖃᑦᓰᓇᕈᖅᑎᑦᑎᓇᓱᐊᖅᑐᑦ.

ᓯᕗᓕᖅᑎ ᒥᓂᔅᑕᓗ ᐃᓚᖃᖅᖢᑎᒃ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖅ ᓇᑕᓐ ᐆᐱᑦᒥᑦ, ᓄᓇᕗᑦ ᑐᙵᕕᒃᑯᑦ ᑎᒥᖓᓂᖔᖅᑐᖅ ᐊᖓᔪᖅᑳᖅ ᐊᓗᑭ ᑰᑦᑎᖅ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᖏᓐᓄᒃ ᐊᖓᔪᖅᑳᖅ ᐲᔭᐃ ᐊᕿᐊᕈᖅ, ᐊᒻᒪᓗ ᕿᑭᖅᑕᕐᔪᐊᕐᒥᐅᑦ ᒪᐃᔭᖓ ᒥᐊᓕ ᕿᓕᖅᑎ.

ᐊᔾᔨᐅᖏᑦᑐᖅ ᐳᕙᓪᓗᒃᑐᓄᑦ ᖃᐅᔨᓴᖅᕕᒃ ᒪᑐᐃᓚᐅᖅᑐᖅ ᕖᕗᐊᕆ 5-ᖑᑎᓪᓗᒍ ᐳᕙᓪᓗᒃᑐᒐᓚᐅᓂᕋᖅᑕᐅᓚᐅᖅᑎᓪᓗᒋ ᐊᐃᑦᓱᕐᓘᑎᔭᐅᒍᓐᓇᖅᑐᓂᒃ ᓄᓇᓕᐅᔪᒥᑦ ᐊᒻᒪᓗ ᓄᓇᕗᒻᒥᑦ. 10 ᐳᓴᑦᑎᕈᔪᖏᑦ ᕿᑭᖅᑕᕐᔪᐊᒥ ᐳᕙᓪᓗᓐᓇᖅᑐᓖᑦ ᐊᐃᑦᑐᖅᑕᐅᒍᓐᓇᖅᑐᓂᒃ ᐅᕝᕙᓘᓐᓃᑦ ᐳᕙᓪᓗᓐᓇᖅᑐᖃᕋᓗᐊᖅᑐᑎᒃ ᐊᐃᑦᑐᐃᓇᙱᑦᑐᒥᒃ ᐳᕙᓪᓗᑦᑐᑦ. ᐱᓇᓱᐊᕈᓯᐅᑉ ᓯᕗᓪᓕᖅᐹᖓᓂᑦ, ᐳᕙᓪᓗᒃᑐᓄᑦ ᖃᐅᔨᓴᓚᐅᖅᑐᑦ 80 ᐅᖓᑖᓃᑦᑐᓂᒃ, ᐃᓚᒋᔭᐅᓪᓗᑎᒃ ᐊᐃᑦᑐᖅᑕᐅᔪᓐᓇᖅᑐᓂᒃ ᐳᕙᓪᓗᑦᑐᑦ ᐊᒻᒪᓗ ᐊᖏᕐᕋᕆᔭᐅᔪᓂᑦ ᓱᕈᓯᖏᑦ.

"ᑖᓇ ᐳᕙᓪᓗᒃᑐᓄᑦ ᖃᐅᔨᓴᕐᕕᒃ ᐊᑐᖅᑕᐅᓚᐅᖅᓯᒪᖏᑦᑐᖅ ᐊᒥᓱᓄᑦ. ᐳᕙᓪᓗᒃᑐᓄᑦ ᖃᐅᔨᓴᕐᕕᒃ ᐋᕿᑦᑕᐅᓯᒪᔪᖅ ᓄᓇᓕᓐᓂᑦ ᐃᓄᓕᒫᓄᑦ ᐳᕙᖏᑎᒍᑦ ᖃᐅᔨᓴᕈᑕᐅᓂᐊᖅᑐᖅ, ᐃᓅᓕᓂᐊᖅᑕᐅᓗᑎᒃ ᐊᒻᒪᓗ ᐅᔾᔨᖅᓴᑕᐅᓗᑎᒃ ᐳᕙᖏᑦ ᐋᓂᐊᓂᑦ ᖃᐅᔨᒪᔪᒻᒪᕆᓐᓄᑦ ᐊᒻᒪᓗ ᐱᓕᕆᔾᔪᑎᑦ ᐊᑐᐃᓐᓇᐅᑦᑎᐊᖅᑎᑕᐅᓪᓗᑎᒃ ᑲᓇᑕᓕᒫᒥᑦ, ᐅᖃᓚᐅᖅᑐᖅ ᓯᕗᓕᖅᑎ ᖁᐊᓴ.

"ᐊᑐᐃᓇᐅᑎᑦᑎᓂᖓᑦ ᐸᖅᑭᑦᑎᐊᓂᕐᒥᑦ ᓄᓇᓕᐅᔪᓂᑦ ᒥᑭᓪᓕᕚᓪᓕᖅᑎᑦᑎᓂᐊᕐᒪᑦ ᐳᕙᓪᓗᒃᑐᓂᑦ ᐊᒻᒪᓗ ᐊᑐᖅᑕᐅᕙᒃᑐᑐᖃᕕᓂᕐᓄᑦ ᖁᐊᖅᓵᕈᑎᒋᔭᐅᓯᒪᒻᒪ ᐳᕙᓪᓗᒡᓂᖅ ᐃᓄᐃᑦ ᐊᑐᖃᑦᑕᓯᒪᒻᒪᒍ ᐳᕙᓪᓗᒋᐊᖃᑦᑕᖅᑎᓪᓗᒋ ᐊᕐᕌᒍᐃᑦ 1950 ᐊᒻᒪᓗ 1960 ᐊᑐᖅᑎᓪᓗᒋᑦ. ᑲᑐᔾᔨᖃᑎᒌᒃᑐᑦ ᓄᓇᕗᒻᒥᐅᑦ,

ᒐᕙᒪᑐᖃᒃᑯᑦ, ᐃᓄᐃᑦ ᐊᒻᒪᓗ ᓄᓇᓕᐅᔪᑦ ᑲᔪᓯᓂᖃᑦᑎᐊᖅᑐᐊᓗᐃᑦ ᓇᓗᓇᖏᑦᑐᒃᑯᓪᓗ ᐱᔪᓐᓇᕐᓂᕐᒥᒍᑦ ᐱᓕᕆᔪᒻᒪᑦᕆ ᐋᕿᒋᐊᕈᑎᖃᕐᓂᕋᓱᐊᖅᑐᑦ ᐋᓐᓂᐊᖃᖅᑕᐃᓕᓂᕐᒧᑦ."

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᑎᑕᐅᓚᐅᖅᑐᑦ ᐊᑐᖅᑐᒃᓴᓂ ᐊᒻᒪᓗ ᐃᑲᔪᖅᑕᐅᓪᓗᑎᒃ ᐋᓐᓂᐊᖅᑕᐃᓕᒪᔪᓕᕆᔨᑦ ᑭᒃᑯᑐᐃᓐᓇᕐᓄᑦ ᑲᓇᑕᒥ, ᓱᕈᓰᑦ ᐋᓂᐊᕕᖓᓂᑦ ᐋᓐᑎᐅᕆᔪ ᑲᓇᓐᓇᖓᓂᑦ, ᓴᐃᑦ ᔫᓯ ᐋᓂᐊᕕᖓᓂᑦ, ᐊᒻᒪᓗ ᐊᓯᖏᓐᓂᑦ ᐋᓂᐊᕖᑦ ᐃᖅᑲᓇᐃᔭᖅᑎᖏᓐᓂᑦ ᓲᕐᓗ ᐳᕙᓐᓄᑦ ᑕᕐᕋᑐᖅᑕᐅᔪᓄᑦ ᐊᔾᔨᓕᐅᕆᔨ ᐊᒻᒪᓗ ᐳᕙᓕᕆ.ᔩᑦ. ᖃᐅᔨᓴᖅᑕᐅᕕᒃ ᐊᐅᓚᑕᐅᓂᐊᖅᑐᒋᔭᐅᔪᖅ ᐱᓇᓱᐊᕈᓯᕐᓄᑦ 7ᓂᑦ −10−ᓄᑦ ᐃᓅᓕᓴᖅᑕᐅᓂᖅ ᑲᔪᓯᓂᐊᖅᑐᖅ ᐃᑲᔪᖃᑦᑕᕐᓗᑎᒃ ᕿᑭᖅᑕᕐᔪᐊᑉ ᐋᓐᓂᐊᕕᖓᓂᑦ.

"ᐃᒻᒥᓂᒃ ᓂᒪᒍᓐᓇᖅᑐᑦ ᖃᐅᔨᓴᖅᑕᐅᕕᒃ ᐋᕿᑦᑕᐅᓇᓱᓐᓂᖓᓂᑦ ᐱᓕᕆᔪᒻᓚᕆᐅᓚᐅᖅᑐᑦ, ᐱᓕᕆᔪᒪᓪᓚᕆᒻᒪᑕ ᐳᕙᓪᓗᓐᓂᖅ ᐱᓗᐊᕈᓐᓃᖅᑎᑕᐅᓇᓱᒃᑎᓪᓗᒍ ᐃᓄᓐᓄᑦ ᓄᓇᕗᒻᒥᐅᓄᑦ," ᐅᖃᓚᐅᖅᑐᖅ ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐸᑎᑯᓗᒃ ᐊᕐᓇᒃᑲᒃ. "ᐊᒃᓱᕉᑎᒋᓗᑎᒍ ᐱᓕᕆᐊᕆᔪᒪᓪᓚᕆᑦᑕᕗᑦ ᓯᕗᓕᕆᓚᐅᖅᑕᑦᑎᓐᓂᑦ ᐱᓕᕆᑦᑎᐊᕐᓂᖅᓴᐅᔪᒪᒐᑦᑕ ᐊᒻᒪᓗ ᓈᓚᑦᑎᐊᕐᓗᑎᒍ ᓄᓇᓕᐅᔪᑦ. ᑖᓱᒧᖓ ᖃᐅᔨᓴᖅᕕᒻᒧᑦ, ᐱᓕᒻᒪᒃᓴᕋᑦᑕ ᐃᓅᖃᑎᒋᑦᑎᐊᕐᓂᕐᒥᑦ, ᐅᒃᐱᕈᓱᑦᑎᐊᕐᓂᖅ ᐃᓅᖃᑎᑦᑎᓐᓂᑦ, ᐱᖃᑎᖃᕈᓐᓇᑦᑎᐊᕐᓗᑕ ᐊᒻᒪᓗ ᐃᓅᖃᑎᒌᖑᔪᑎᒍᑦ ᐸᖅᑭᑲᑎᒌᑦᑎᐊᕐᓗᑕ."

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕌᓐ ᐅᐊᓯᖕᒃ
ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
(867) 975-5710
rwassink@gov.nu.ca