ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᐊᑐᕆᐊᖃᖅᑐᓂ ᒥᓂᔅᑕᐃᓐᓇᐃᑦ ᑲᑎᒪᔨᐅᕝᕕᖓᓂ ᐊᓯᔾᔩᔪᖅ

ᓄᕕᐱᕆ 06, 2020

ᐱᕙᓪᓕᐊᔪᑦ ᓴᖅᑭᑕᑦ

ᓯᕗᓕᖅᑎ ᐊᑐᕆᐊᖃᖅᑐᓂ ᒥᓂᔅᑕᐃᓐᓇᐃᑦ ᑲᑎᒪᔨᐅᕝᕕᖓᓂ ᐊᓯᔾᔩᔪᖅ


ᐃᖃᓗᐃᑦ, ᓄᓇᕗᑦ (ᓄᕕᐱᕆ 6, 2020) − ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᑐᓴᖅᑎᑦᑎᔪᖅ ᐊᓯᔾᔨᖅᑐᓂᒃ ᓄᓇᕘᑉ ᓯᕗᓕᖅᑏᑦ ᑲᑎᒪᔨᖏᓐᓂ, ᓱᓕᓂᐊᕐᓂᕋᖅᑎᑕᐅᓚᐅᖅᑎᓪᓗᒍ ᓄᑖᖑᓛᖅ ᒪᓕᒐᓕᐅᖅᑎ ᒥᓂᔅᑕᐃᑦ ᑲᑎᒪᔨᖏᓐᓂ, ᒥᓂᔅᑕ ᒫᒍᓛ ᓇᑲᓱᒃ, ᐱᓇᓱᐊᕈᓯᐅᓚᐅᖅᑐᒥ.

ᐊᑐᓯᒋᐊᕐᓗᓂ ᓇᒡᒐᔾᔭᐅ, ᓅᕖᕝᕙ 9:

  • ᒥᓂᔅᑕ ᑕᐃᕕᑦ ᐊᕿᐊᕈᖅ ᐃᓂᖃᐃᓐᓇᖅᑐᖅ ᓯᕗᓕᖅᑎᐅᑉ ᑐᒡᓕᐊ ᐊᒻᒪ ᒥᓂᔅᑕ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ, ᒥᓂᔅᑕᐅᓕᕐᖢᓂᓗ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ
  • ᒥᓂᔅᑕ ᓗᐊᓐ ᑯᓱᒐᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕᐅᓪᓗᓂᓗ ᑲᒪᒋᔭᓕᒃ ᐃᓐᓇᑐᖃᕐᓂᑦ;
  • ᒥᓂᔅᑕ ᔪᐊᔾ Hᐃᒃᔅ ᒥᓂᔅᑕᐅᙱᓐᓇᖅᑐᖅ ᑮᓇᐅᔭᓕᕆᔨᒃᑯᓐᓄᑦ ᒥᓂᔅᑕᐅᓕᕐᖢᓂᓗ ᒪᓕᒐᓕᕆᔨᒃᑯᓐᓄᑦ;
  • ᒥᓂᔅᑕ ᔩᓂ ᐃHᐊᓗᐊᖅ ᒥᓂᔅᑕᙳᖅᑐᖅ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᓐᓄᑦ, ᒥᓂᔅᑕᐅᙱᓐᓇᕐᖢᓂᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ;
  • ᒥᓂᔅᑕ ᑕᐃᕕᑎ ᔪᐊᓇᓯ ᒥᓂᔅᑕᐅᖏᓐᓇᖅᑐᖅ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᒥᓂᔅᑕᙳᕐᖢᓂᓗ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᒃᑯᓐᓄᑦ; ᐊᒻᒪᓗ
  • ᒥᓂᔅᑕ ᒫᒍᓛ ᓇᑲᓱᒃ ᒥᓂᔅᑕᙳᖅᑐᖅ ᐃᓕᖅᑯᓯᓕᕆᔨᒃᑯᓐᓄᑦ ᐊᒻᒪ ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ.

ᒥᓂᔅᑕ ᐃᓕᓴᐱ ᓯᐅᑎᐊᐱᒃ ᒥᓂᔅᓴᐅᙱᓐᓇᖅᑐᖅ ᐃᓄᓕᕆᔨᒃᑯᓐᓄᑦ ᐊᒻᒪ ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᑦ ᐊᕐᓇᓄᑦ ᑲᑎᒪᔩᑦ, ᓯᕗᓕᖅᑎ ᓴᕕᑲᑖᖅ ᒥᓂᔅᑕᐅᙱᓐᓇᖅᑎᓪᓗᒍ ᒐᕙᒪᓕᕆᔨᒃᑯᓐᓄᑦ ᐊᒻᒪ ᒥᓂᔅᑕ ᐊᕙᑎᓕᕆᔨᒃᑯᓐᓄᑦ.

“ᐊᕐᕌᒍᓕᒫᖑᔪᒥᒃ ᑖᓐᓇ ᒪᓕᒐᓕᐅᕐᕕᒃ ᐱᔪᒥᓇᕐᖢᓂ ᐱᕕᐅᔪᖅ ᑕᐅᑐᒃᑲᓐᓂᕆᐊᕐᓗᓂ ᐱᓇᓱᒃᑕᓂᑦ ᓇᓕᒧᒌᒃᑎᑦᑎᓂᕐᓂᒃᓗ ᐱᔭᕆᐊᖃᑲᐅᑎᒋᔪᒥᒃ ᐅᓇᑕᕐᓗᒍ ᓯᐊᒻᒪᒍᓐᓇᕐᓂᖓ ᓄᕙᒃᔪᐊᕐᓇᖅ−19 ᓄᓇᕗᒻᒥ ᐱᑎᓐᓄᑦ ᑐᕌᖅᑕᕗᑦ ᐱᓕᕆᐊᒃᓴᓄᑦ ᑐᕌᕆᔭᑦᑎᓐᓄᑦ,” ᐅᖃᖅᑐᖅ ᓯᕗᓕᖅᑎ ᓴᕕᑲᑖᖅ. “ᑖᒃᑯᐊ ᐊᓯᔾᔨᕐᔪᐊᕈᑎᐅᔪᑦ ᐃᓗᐊᓂ ᓯᕗᓕᖅᑏᑦ ᑲᑎᒪᔨᖏᓐᓂ, ᑭᓯᐊᓂ ᖁᓱᙱᑦᑐᖓ ᑖᔅᓱᒥᖓ ᓄᑖᖑᕆᐊᖅᑕᒥᒃ ᑐᑭᒧᐊᕈᑎᒃᓴᓂᑦ ᐱᔪᒃᓰᓐᓇᕐᖢᖓᓗ ᑐᓂᓯᒪᐃᓐᓇᕐᖢᖓᓗ ᓯᕗᓪᓕᐅᑎᔭᕆᐊᖃᖅᑕᑦᑎᓐᓄᑦ. ᓄᓇᕗᒻᒥ ᒐᕙᒪᒃᑯᑦ ᐱᓕᕆᕐᔪᐊᙱᓐᓇᖅᑐᖅ ᐱᓕᕆᖃᑎᒌᒃᑎᕗᓪᓗ ᖁᕕᐊᑦᑕᒃᑐᑦ ᑲᑎᒍᑎᓂᕐᒧᑦ, ᐱᔪᒪᓂᖃᑦᑎᐊᕐᓂᖅᓴᐅᓪᓗᑎᒃ, ᐃᑲᔪᕐᓗᒋᑦ ᓄᓇᕗᒻᒥᐅᑦ.”

ᓯᕗᓕᖅᑎ ᓴᕕᑲᑖᖅ ᐱᕕᖃᕐᒥᔪᖅ ᑐᙵᓱᒃᑎᓪᓗᒍ ᔨᒥ ᐅᓈᓕᒃ ᐃᖅᑲᓇᐃᔮᖅᑖᕆᓵᖅᑕᖓᓂᒃ ᒥᓂ[ᑕᐅᑉ ᑐᒡᓕᐊ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ, ᐱᒋᐊᕐᓗᓂ ᓇᒡᒐᔾᔭᐅ, ᓄᕕᐱᕆ 9, ᐅᐱᒋᓗᒍᓗ ᐴᓂ ᒪᒃᐊᐃᓴᒃ ᐃᖅᑲᓇᐃᔮᖓᓄᑦ ᓄᖅᑲᕐᓂᕐᒧᑦ ᖁᔭᓕᓪᓗᒍᓗ ᐊᕐᕌᒍᒐᓴᖕᓄᑦ ᐱᔨᑦᑎᕋᕐᓂᕐᒧᑦ ᐃᖅᑲᓇᐃᔮᖓᓂ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ
ᓯᕗᓕᖅᑎ ᔫ ᓴᕕᑲᑖᖅ ᑎᑎᕋᕐᕕᐊᓂ
867-975-5059
cmacleod@gov.nu.ca