ᐅᖃᓚᐅᑎᓯᐅᑏᑦ

You are here

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᓯᔾᔩᖁᔨᕗᑦ ᐆᒻᒪᖅᑯᑎᑦ ᐊᑭᖏᓐᓂᒃ

ᒪᐃ 11, 2022

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᓯᔾᔩᖁᔨᕗᑦ ᐆᒻᒪᖅᑯᑎᑦ ᐊᑭᖏᓐᓂᒃ

ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᑐᒃᓯᕋᐅᑎᒥᒃ ᐱᓚᐅᖅᐳᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᒫᔾᔨ 24−ᒥ, 2022. ᑐᒃᓯᕋᐅᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᑐᓂᔭᐅᓚᐅᖅᐳᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ ᕿᒥᕐᕈᔭᐅᓂᐊᖅᑐᒥᒃ ᐊᑐᓕᖁᔭᐅᓗᓂᓗ.

ᑐᒃᓯᕋᐅᑎᖓᓂ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑭᖏᓐᓂ ᐊᓯᔾᔩᖁᔨᕗᑦ ᖃᐅᔨᓴᖅᑕᐅᑎᓪᓗᒍ ᐊᕐᕌᒍᒥ 2022/2023 5.1−ᐳᓴᒥᒃ ᐅᓄᖅᓯᒋᐊᕋᔭᖅᑐᒥᒃ. ᑖᓐᓇ ᐋᖅᑭᒋᐊᕈᑕᐅᒃᑲᓐᓂᖅᑐᒥᑦ ᐱᒋᐊᕈᑕᐅᓂᐊᖅᐳᖅ ᓄᓇᓕᖕᓃᑦᑐᑦ ᐊᑭᖏᓐᓂᒃ ᓴᖅᑭᑕᐅᕙᓪᓕᐊᓕᕐᓂᐊᖅᖢᓂ ᓄᓇᕘᓕᒫᒥ ᐊᑭᓕᐅᑕᐅᕙᒃᑐᓂᑦ. ᓇᐃᓈᖅᓯᒪᓪᓗᓂ ᐊᑭᖓ ᐊᓯᔾᔨᖅᑕᐅᔪᒪᔪᑦ ᐊᑐᓂ ᓄᓇᓕᖕᓂ ᐅᕙᓂ ᐊᑐᐃᓐᓇᐅᕗᑦ https://www.qec.nu.ca/ ᐅᕝᕙᓘᓐᓃᑦ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ ᑐᒃᓯᕋᕐᓗᑎᑦ.

ᑐᓴᖅᑎᑕᐅᓂᐊᖅᑐᑦ ᐊᑭᖏᑦ ᐊᓯᔾᔨᖁᔭᐅᔪᑦ ᒥᒃᓵᓄᑦ ᒪᐃ 30 ᐊᒻᒪ ᔫᓂ 3 ᐊᑯᓐᓂᖓᓂ 2022, ᖃᕆᓴᐅᔭᒃᑯᑦ. ᐃᓂᒃᓴᓕᐅᕆᐊᖃᕐᓂᐊᖅᑐᑦ. ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ ᑎᑎᕋᕐᓂᐊᖅᐳᑎᑦ ᐃᕐᙲᓐᓈᖅᑕᐅᒃᑯᑦ ᐅᕗᖓ URRC@gov.nu.ca ᐃᓚᐅᓂᐊᕐᓂᕐᓂ ᓇᓗᓇᐃᖅᓯᓗᑎᑦ ᒪᐃ 20, ᑐᖔᓂ 2022. ᑐᓵᔨᑕᖃᕐᓂᐊᖅᑐᖅ.

ᑎᑎᕋᖅᓯᒪᔪᒥᒃ ᑐᓂᓯᔪᓐᓇᖅᐳᑦ ᐅᖃᐅᓯᒃᓴᖃᖅᑐᓪᓘᓐᓃᑦ ᑭᒃᑯᑐᐃᓐᓇᐃᑦ ᐃᒻᒥᒃᑰᖅᑐᓪᓘᓐᓃᑦ ᐊᓯᔾᔨᖁᔭᐅᔪᑦ ᒥᒃᓵᓄᑦ ᐅᕗᖓ ᓇᒃᓯᐅᔾᔭᐅᔪᓐᓇᖅᑐᑦ URRC@gov.nu.ca ᐅᕝᕙᓘᓐᓃᑦ:

ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑕ ᓯᕗᓕᖅᑎᖓᓄᑦ
Box 1000, Stn 200
Iqaluit, NU, X0A 0H0.

ᑐᓂᓯᔪᒪᔪᑦ ᐃᓱᓕᕝᕕᒃᓴᖃᖅᑐᖅ 5−ᒧᐊᖅᐸᑦ ᐅᓐᓄᒃᓴᒃᑯᑦ ᔫᓂ 17−ᒥ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑎᖓ ᓇᓂᔭᐅᔪᓐᓇᖅᑐᖅ https://www.qec.nu.ca−ᒥᑦ ᑐᒃᓯᕋᖅᑕᐅᓗᓂᓗ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ ᐱᔭᐅᔪᓐᓇᕆᓪᓗᓂ ᐅᕝᕙᓘᓐᓃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ.