ᐸᓐᓂᖅᑑᒥ ᑐᐊᕕᕐᓇᖅᑐᓕᕆᑎᓪᓗᒋᑦ ᐃᑲᔪᓚᐅᖅᑐᑦ ᐃᓕᓴᕆᔭᐅᔪᑦ

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ

ᓴᖅᑭᑎᑕᐅᓯᑲᐅᑎᒋᔭᕆᐊᓕᒃ

ᐸᓐᓂᖅᑑᒥ ᑐᐊᕕᕐᓇᖅᑐᓕᕆᑎᓪᓗᒋᑦ ᐃᑲᔪᓚᐅᖅᑐᑦ ᐃᓕᓴᕆᔭᐅᔪᑦ

ᐸᓐᓂᖅᑑᖅ, ᓄᓇᕗᑦ (ᔫᓂ 5, 2015) – ᓯᕗᓕᖅᑎ ᐲᑕ ᑕᑉᑑᓇ, ᒥᓂᔅᑕᕆᔭᐅᔪᖅ ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᔮᓂ ᒪᐃᒃ ᐊᒻᒪᓗ ᒥᓂᔅᑕ ᑲᒪᒋᔭᓕᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᓂ ᑮᑦ ᐲᑐᓴᓐ ᐅᓪᓗᒥᐅᔪᖅ ᐃᓕᓴᖅᓯᖅᑲᐅᔪᑦ ᐸᓐᓂᖅᑑᒥᑦ ᐱᓕᕆᐊᕆᓚᐅᖅᑕᖏᓪᓗ ᑐᐊᕕᕐᓇᖅᑐᕐᔪᐊᓕᕆᑎᓪᓗᒋᑦ ᐆᒻᒪᖅᑯᑎᖃᕐᕕᐊᓗᐊ ᐃᑯᐊᓪᓚᓚᐅᖅᑎᓪᓗᒍ ᐊᐃᕐᕆᓕ 2015ᒥᑦ. ᓇᓗᓇᐃᒃᑯᑕᕐᓂᑦ ᖁᔭᓕᓂᕐᒧᑦ ᑐᓐᓂᖅᓴᐃᓚᐅᖅᑐᑦ ᓄᓇᓕᒻᒥ ᑲᑐᔾᔨᖃᑎᒌᖑᔪᓄᑦ, ᐃᒐᑎᑦᑎᓪᓗᑎᓗ ᓄᓇᓕᒻᒥᐅᑕᓄᑦ.

"ᐸᓐᓂᖅᑑᕐᒥᐅᑦ ᐱᓕᕆᖃᑎᒌᑦᑎᐊᕐᓂᕆᓚᐅᖅᑕᖏᑦ ᑐᐊᕕᕐᓇᖅᑐᓕᕆᑎᓪᓗᒋᑦ ᐅᐱᓐᓇᒻᒪᕆᑦᑐᖅ. ᓄᓇᓕᓯ ᓴᖅᑭᑎᑦᑎᕗᖅ ᓴᙱᔫᓂᕆᔭᔅᓯᓐᓂ ᐊᓂᒍᐃᑎᑦᑎᔪᓐᓇᕐᓂᕆᔭᔅᓯᓐᓂᓪᓗ," ᐅᖃᖅᑐᖅ ᓯᕗᓕᖅᑎ ᑕᑉᑑᓇ. "ᐱᓕᕆᐊᖑᓚᐅᖅᑐᖅ ᑐᐊᕕᕐᓇᖅᑐᒧᑦ ᐃᖏᕐᕋᑦᑎᐊᒃᑲᓐᓂᕈᓐᓇᕋᔭᓚᐅᙱᑦᑐᖅ. ᐱᓕᕆᑦᑎᐊᓚᐅᖅᑕᓯ ᐃᓕᓴᕆᕙᒃᑲ ᖁᔭᓕᓪᓗᖓᓗ ᐊᖏᖅᓯᒪᓂᕆᓚᐅᖅᑕᔅᓯᓐᓄᑦ ᐊᔅᓱᕈᓐᓇᕋᓗᐊᖅᑎᓪᓗᒍᓗ ᐱᓕᕆᑦᑎᐊᖏᓐᓇᓚᐅᕋᔅᓯ."

"ᐃᓄᒐᓴᐃᑦ ᑲᑐᔾᔨᖃᑎᒌᓪᓗ ᐃᑲᔪᓚᐅᕐᒪᑕ ᐸᓐᓂᖅᑑᒥᐅᓂᑦ ᑐᐊᕕᕐᓇᖅᑐᓕᕆᑎᓪᓗᒋᑦ. ᕼᐋᒻᒪᓚᒃᑯᑦ ᑐᐊᕕᕐᓇᖅᑐᓕᕆᔨᖏᑦ ᐱᓕᕆᑦᑎᐊᖅᑐᒻᒪᕆᐊᓘᓚᐅᖅᑐᑦ ᐋᖅᑭᔅᓱᐃᓂᕐᒥᑦ ᐱᓕᕆᐊᖃᕆᐊᖃᖅᑎᓪᓗᒋᑦ ᓄᓇᒥ ᓴᖅᑭᑎᑦᑎᓪᓗᑎᓗ ᐱᐅᓂᖅᐹᓂᑦ ᐊᑐᖅᑕᐅᔭᕆᐊᓕᓐᓂᑦ ᑐᐊᕕᕐᓇᖅᑐᓕᕆᓗᓂ ᓄᓇᓕᐅᔪᒥᑦ," ᐅᖃᖅᑐᖅ ᒥᓂᔅᑕ ᒪᐃᒃ. "ᑕᐃᒃᑯᐊ ᐃᑲᔪᓚᐅᖅᑐᑦ ᐃᑲᔫᑎᖃᓚᐅᖅᑐᑦ ᐊᓂᒍᐃᑎᑦᑎᔪᓐᓇᕐᓂᕐᒥᑦ ᑐᐊᕕᕐᓇᖅᑐᖅᑕᖃᖅᑎᓪᓗᒍ ᖁᔭᓐᓇᒦᖅᐸᕗᓪᓗ ᐱᓕᕆᑦᑎᐊᓂᕆᓚᐅᖅᑕᖏᓐᓄᑦ."

"ᖁᔭᓐᓇᒦᕈᒪᕙᒃᑲ ᐸᓐᓂᖅᑑᒥᐅᑦ ᐃᑲᔪᓐᓂᕆᓚᐅᖅᑕᖏᓐᓄᑦ, ᐱᓕᕆᖃᑎᒌᑦᑎᐊᓐᓂᕆᓚᐅᖅᑕᖏᓐᓄᑦ ᕿᓄᐃᓵᓚᐅᕐᓂᖏᓐᓄᓪᓗ ᑐᐊᕕᕐᓇᖅᑐᓕᕆᑎᓪᓗᒋᑦ, ᐅᐱᒋᕙᒃᑲᓗ ᐃᖅᑲᓇᐃᔭᖅᑏᑦ ᐱᓕᕆᔪᐊᓚᐅᖅᑐᑦ ᑕᖃᔪᐃᑦᑑᓗᑎ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᓄᓇᓕᐅᔪᒥᑦ ᐅᓪᓗᐃᑦ ᑎᓴᒪᑦ ᐃᓗᐊᓂ," ᐅᖃᖅᑐᖅ ᒥᓂᔅᑕ ᐲᑐᓴᓐ.

ᑲᒪᒋᔭᖃᑦᑎᐊᕐᓂᕆᓚᐅᖅᑕᖏᑦ ᑐᐊᕕᕐᓇᖅᑐᒧᑦ ᑕᐃᒪᐃᒍᓐᓇᕋᔭᓚᐅᙱᑦᑐᖅ ᐃᑲᔪᖅᑕᐅᖏᑉᐸᑕ, ᖃᐅᔨᒪᓂᕆᔭᖏᓐᓄᑦ ᐊᖏᖅᓯᒪᓂᖏᓪᓗ ᐊᒥᓲᔪᑦ ᑲᑐᔾᔨᖃᑎᒌᑦ. ᓄᓇᕗᑦ ᒐᕙᒪᒃᑯᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑐᒥᖁᑖ ᖁᔭᓕᓪᓚᕆᑦᑐᑦ ᑖᒃᑯᓄᖓ: 　

 ᖁᓪᓕᒃᑯᑦᐃᖅᑲᓇᐃᔭᖅᑎᖏᑦ

 ᓄᓇᕘᒥᑐᐊᕕᕐᓇᖅᑐᓕᕆᓂᕐᒧᑦᐊᐅᓚᑦᑎᔩᑦ−ᓄᓇᓕᓐᓂᒐᕙᒪᒃᑯᓐᓂᓪᓗᐱᔨᑦᑎᕋᖅᑎᒃᑯᑦ

 ᓂᐅᕕᕐᓂᕐᒧᑦ ᐊᖏᕈᓯᐅᕐᕕᐅᓯᒪᔪᓄᑦᐱᓕᕆᐊᖑᔪᓄᓪᓗ– ᓄᓇᓕᓐᓂᒐᕙᒪᒃᑯᓐᓂᓪᓗᐱᔨᑦᑎᕋᖅᑎᒃᑯᑦ

 ᓄᓇᕘᒥᑐᐊᕕᕐᓇᖅᑐᓕᕆᔨᒃᑯᑦᑲᑎᒪᔨᕋᓛᖏᑦ– ᐃᓕᓐᓂᐊᕐᓂᓕᕆᔨᒃᑯᑦ ᒐᕙᒪᓕᕆᔨᒃᑯᑦ ᐊᕙᑎᓕᕆᔨᒃᑯᑦ ᑮᓇᐅᔭᓕᕆᔨᒃᑯᑦ ᓄᓇᓕᓐᓂᒐᕙᒪᒃᑯᓐᓂᓪᓗᐱᔨᑦᑎᕋᖅᑎᒃᑯᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖁᓪᓕᒃᑯᑦᐆᒻᒪᖅᑯᑎᓕᕆᔨᖏᑦᑕᑎᒥᖁᑖ ᐃᖃᓗᐃᑦᓄᓇᓕᐸᐅᔭᒃᑯᑦ ᐃᓄᓕᕆᔨᑐᖃᒃᑯᑦ ᑲᓇᑕᒥᐅᑭᐅᖅᑕᖅᑐᒥᐱᕙᓪᓕᐊᔪᓕᕆᔨᒃᑯᑦ, ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦᑲᓇᑕᒥ ᐊᕙᑎᓕᕆᔨᒃᑯᑦᑲᓇᑕᒥ ᑲᓇᑕᒥᐅᓇᑕᖅᑐᔅᓴᑦ−ᑲᑐᔾᔨᖃᑎᒌᓂᒃᑯᑦᐅᑭᐅᖅᑕᖅᑐᓕᕆᔨᒃᑯᑦ.

 ᐸᓐᓂᖅᑑᒥᑐᐊᕕᕐᓇᖅᑐᓕᕆᔨᒃᑯᑦᑲᑎᒪᔨᕋᓛᖏᑦ

 ᐸᓐᓂᖅᑑᑉᕼᐋᒻᒪᓚᖓ

 ᐸᓐᓂᖅᑑᒥᐊᑭᓕᖅᓱᖅᑕᐅᒐᑎᖃᑦᑎᕆᔨᒃᑯᑦ

 ᑲᓇᑕᒥᐅᓇᑕᖅᑐᔅᓴᑦ ᐸᓐᓂᖅᑑᒥ

 ᐸᓐᓂᖅᑑᒥᐃᓄᐃᑦᑯᐊᐸᖓ

 795 ᐃᖃᓗᓐᓂᐅᓇᑕᖅᑐᔅᓴᕋᓛᖏᑦ

 ᕘᔅᐃᐊ

 ᑲᓇᐃᑎᔭᓐᓄᐊᔅ

 ᐃᐊᓄᓇᕗᑦ

 ᑭᐊᓐᐳᐊᕆᒃᐃᐊ

 ᑳᒻᐃᐊ

 ᑭᕙᓪᓕᖅᐃᐊ

 ᓴᒥᑦᐃᐊ

 ᐃᐊᕆᒃᓴᓐᖃᖓᑕᓲᖏᑦ

 ᓄᓇᑦᓯᐊᕐᒥᑦᐆᒻᒪᖅᑯᑎᓕᕆᔨᖏᑦᑕᑎᒥᖁᑖ

 ᐊᑕᒍᔪᒃᐃᓕᓴᕕᒃ

 ᐸᓐᓂᖅᑑᒥᐃᓕᓐᓂᐊᖅᑐᓕᕆᔨᒃᑯᑦ

 ᐸᓐᓂᖅᑑᑉᐋᓐᓂᐊᕕᖓ

 ᑲᓇᑕᒥᐆᒻᒪᖅᑯᑎᓕᕆᔨᒃᑯᑦᑲᑐᔾᔨᖃᑎᒌᒃᑯᖏᑦ

 ᐅᐊᐃᔮᒃᔅ

 ᑳᓇᑐᕆᐅᓪ

 ᔭᓐᓱᐆᒻᒪᖅᑯᑎᓕᕆᔨᒃᑯᑦ

 ᐸᓖᓯᒃᑯᑦ

 ᓄᓇᕗᒻᒥᐃᓪᓗᓕᐅᖅᑎᒃᑯᑦ

 ᔭᐃᐋᐸᐃᑕᓐᑲᑐᔾᔨᖃᑎᒌᑦ

 ᖃᖓᑕᓲᓕᕆᔨᒃᑯᑦ−ᖃᖓᑕᓲᓄᑦᐅᓯᕝᕕᓕᕆᔨᒃᑯᑦ

 ᔩᓰᓄᐊᔅ

 ᑐᕈᒫᓐᑦ

 ᑲᒥᓐᔅ

 ᓄᓇᕗᒻᒥᐃᓪᓗᓕᐅᖅᑎᒃᑯᑦᑎᒥᖁᑖ

 ᓂᐅᕕᖅᑎᒃᑯᑦ

 ᓄᐊᔅᐅᐊᔅᑎᐅᐅᖄᓚᐅᑎᓕᕆᔨᒃᑯᑦ

###

ᐱᕙᓪᓕᐊᔪᓄᑦᖃᐅᔨᒋᐊᕐᕕᒃ:

ᑲᐃᑦᒪᒃᓗᐃᑦ

ᑐᑭᒧᐊᒃᑎᑦᑎᔨᑐᓴᐅᒪᔪᓕᕆᓂᕐᒧᑦᒐᕙᒪᓕᕆᔨᒃᑯᓐᓂ

867-975-6049

CMacleod@gov.nu.ca