ᐅᖃᓚᐅᑎᓯᐅᑏᑦ

You are here

ᐸᖕᓂᖅᑑᕐᒥᑦ ᑐᐊᕕᓇᖅᑐᖅᑕᖃᕐᓂᖓᓂᒃ ᑐᓴᖅᑎᑦᑎᔾᔪᑎ - ᐊᐃᕆᓕ 2, 2015 - ᒫᓐᓇᐅᔪᖅ ᐅᑉᓗᒥᒨᓕᖓᓕᖅᑐᐃᓂᖅ: 1:30−ᒧᐊᖅᑎᓪᓗᒍ ᓯᕿᙳᔭᖅ

ᐄᐳᕈ 02, 2015

ᐸᖕᓂᖅᑑᕐᒥᑦ ᑐᐊᕕᓇᖅᑐᖅᑕᖃᕐᓂᖓᓂᒃ ᑐᓴᖅᑎᑦᑎᔾᔪᑎ

ᐊᐃᕆᓕ 2, 2015 - ᒫᓐᓇᐅᔪᖅ ᐅᑉᓗᒥᒨᓕᖓᓕᖅᑐᐃᓂᖅ: 1:30−ᒧᐊᖅᑎᓪᓗᒍ ᓯᕿᙳᔭᖅ

ᐃᖃᓗᐃᑦ, ᓄᓇᕗᑦ                                                   

ᒫᓐᓇᐅᔪᖅ ᖃᓄᐃᖓᓂᕆᔭᖓ ᑐᐊᕕᓇᖅᑑᑉ ᐸᖕᓂᖅᑑᒥᑦ ᓱᖁᓯᙱᑦᑐᖅ ᓱᓕ ᐊᐅᕆᓕ 2, 2015-ᒥᑦ. 

ᐆᒻᒪᖅᑯᑕᐅᓯᕝᕕᖕᒥᑦ ᐃᑯᐊᓪᓚᒃᑐᖃᖅᑲᐅᑎᓪᓗᒍ ᓄᓇᓕᓗᒃᑖᖅ ᖃᒥᙶᓕᖅᑲᐅᖕᒪᑦ.  ᖃᑦᑎᕆᔩᑦ ᐃᑭᓕᖅᑐᕕᓂᖅ ᖃᒥᖅᑲᐅᔭᖓᑦ. 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᓴᓇᔨᖏᑦ ᐋᕿᒃᓱᐃᔪᑦ ᓄᓇᓕᐅᑉ ᐃᓚᖓᓘᓃᑦ ᐆᒻᒪᖁᑎᖃᓕᖁᑉᓗᒍ ᐊᑐᖅᖢᑎᒃ ᐃᑯᒪᓂᒃ ᑐᐊᕕᓇᖅᑐᒧᑦ ᐊᑐᖃᑦᑕᖅᑕᖓᓐᓂᒃ.  QEC-ᑯᑦ ᐃᓂᓕᐅᖅᐸᓪᓕᐊᓇᓱᒃᑐᑦ ᑎᑭᑎᑦᑎᒃᑲᓐᓂᕐᓂᕐᒧᑦ ᑐᐊᕕᓇᖅᑐᒧᑦ ᐊᑐᖅᑐᓂᒃ ᐃᑯᒪᓂᒃ ᐸᖕᓂᖅᑑᒧᑦ ᐆᒻᒪᖅᑯᑎᖃᓕᓗᒃᑖᖁᑉᓗᒍ. 

ᐅᖅᑰᓯᖅᑎᕐᕖᑦ ᐋᕿᒃᑕᐅᓯᒪᔪᑦ ᐃᓕᓐᓂᐊᕐᕕᖕᓂᑦ.  ᓄᓇᓕᖕᒥᐅᑕᐃᑦ ᐅᕐᓂᒍᑎᖁᔭᐅᔪᑦ ᐅᖅᑰᓯᖅᑎᕐᕕᖕᓄᑦ ᐃᑲᔪᖅᑕᐅᔭᕆᐊᖃᖅᐸᑕ. 

ᓄᓇᓕᖕᒥᐅᑕᐃᑦ ᐋᓐᓂᐊᖃᓴᕋᐃᓗᐊᖅᑐᑦ ᖃᐅᔨᓴᖅᑕᐅᔪᑦ ᐋᓐᓂᐊᕐᕕᖓᓐᓂᑦ ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᓐᓄᑦ ᖃᐅᔨᔪᒪᑉᓗᑎᒃ ᐃᖃᓗᖕᓄᑦ ᐊᐅᓚᖅᑎᑕᐅᔭᕆᐊᖃᕐᒪᖔᑕ ᑕᐃᑲᓂ ᐱᓕᕆᐊᖑᒃᑲᓐᓂᕐᓂᐊᕐᓗᑎᒃ.

ᓄᓇᓕᖕᒥᐅᑕᐃᑦ ᓇᖕᒥᓂᖅ ᐊᑐᖅᐸᑕ ᐆᓐᓇᖅᓯᑦᑏᔾᔪᑎᓂᒃ ᐊᖏᕐᕋᕆᔭᖏᓐᓂᑦ ᖃᐅᔨᓴᖁᔭᐅᔪᑦ ᓯᓚᒧᙵᐅᑎᐊᕈᖕᓇᕋᓗᐊᕐᒪᖔᑦ ᐱᐅᖏᑦᑐᒥᒃ ᐳᔪᕐᓗᖕᒥᑦ ᑐᖁᓐᓇᖅᑐᒥᒃ ᐱᖁᓇᒋᑦ. 

ᓇᖕᒥᓂᖃᖅᑐᑦ ᐃᕐᒥᕝᕕᖏᓐᓂᒃ ᑯᕕᑎᑦᑎᖃᑦᑕᖁᔭᐅᔪᑦ ᐳᑉᓚᒃ ᑲᑎᑉᐸᓪᓕᐊᖁᓇᒍ ᓱᑉᓗᓕᖏᓐᓂᑦ ᐅᕙᓘᓃᑦ ᓱᑉᓗᓕᖏᑦ ᖁᐊᖁᓇᒋᑦ.  ᐃᒪᕐᒥᒃ ᐊᑐᓗᐊᖅᑕᐃᓕᖁᔭᐅᔪᑦ ᑭᓯᐊᓂ ᑐᓴᖅᑎᑕᐅᒍᑎᒃ ᐊᑐᕆᐊᑲᓐᓂᕈᖕᓇᕐᓂᕐᒧᑦ.

ᑕᒪᐃᓂᒃ ᓄᓇᓕᖕᒥᑦ ᐱᓕᕆᖃᑎᒌᒃᑐᑦ ᐅᐸᓗᐊᖃᐅᔪᑦ ᐱᐊᓚᔪᒥᒃ ᐸᖕᓂᖅᑑᕐᒥᐅᑦ ᐊᑦᑕᓇᖅᑐᒦᖁᓇᒋᑦ.  ᐱᓕᕆᓂᕗᑦ ᖃᐅᔨᓴᑦᑎᐊᕐᓂᒃᑯᑦ ᑲᔪᓯᓂᐊᖅᑐᖅ ᐊᒪᓗ ᐅᐸᓗᐊᓗᑕ ᐱᔭᕆᐊᖃᕌᖓᑦ. 

###

ᖃᐅᔨᒪᖁᔭᐅᔪᑦ ᑐᓴᒐᒃᓴᓕᕆᔩᑦ: ᐅᑉᓗᒥᒨᓕᖓᔪᑦ ᑐᓂᔭᐅᓂᐊᖅᑐᑦ ᐅᑉᓛᖓᓂᑦ ᑕᓪᓕᕐᒥᕐᒥᑦ ᒪᓂᒪᔪᖃᓕᑐᐊᖅᐸᑦ ᑐᑭᓯᐅᒪᔾᔪᑎᓂᒃ.

ᑐᓴᒐᒃᓴᓕᕆᔨᒃᑯᑦ ᖃᐅᔨᒋᐊᕐᕕᐅᕕᖓᑦ: 

ᕼᐃᓗᕆ ᑲᐃᓯ
ᑐᑭᓯᐅᒪᔾᔪᑎᓕᕆᔨ
ᓄᓇᕗᒻᒥ ᑐᐊᕕᓇᖅᑐᓂᒃ ᐊᐅᓚᑦᑎᔩᑦ
867-975-5342
hcasey@gov.nu.ca