ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19−ᒧᑦ ᓄᓇᕗᑦ ᒐᕙᒪᖓᑕ ᑐᓴᒐᒃᓴᖏᑦ - ᒫᑦᓯ 27, 2020

ᒫᑦᓯ 27, 2020

ᓯᕗᓕᖅᑎᒥ ᑐᓴᒐᒃᓴᖅ:

ᐅᓪᓗᒥᒧᑦ ᑎᑭᓪᓗᒍ, ᓄᕙᒡᔪᐊᕐᓇᖅ-19ᒧᑦ ᓄᓇᕗᒻᒥ ᐱᑕᖃᙱᑦᑐᖅ ᓱᓕ.

ᑲᑎᓪᓗᒋᑦ 207 ᖃᐅᔨᓴᖅᑕᐅᖅᓯᒪᓕᖅᑐᑦ ᐅᓪᓗᒥᒧᑦ. 150 ᐃᓄᐃᑦ ᖃᐅᔨᓴᖅᑕᐅᕙᓪᓕᐊᔪᑦ; 57 ᐃᓄᐃᑦ ᖃᐅᔨᓴᖅᑕᐅᓯᒪᓚᐅᖅᑐᑦ ᖃᐅᔨᓴᖅᑕᐅᔪᓐᓃᖅᑐᑦ.

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᓐᓂᑦ, ᖁᕕᐊᑉᐳᒍᑦ ᑖᒃᑯᐊ ᐊᐃᑦᑑᑎᖃᕐᓂᐊᕐᒪᑕ ᐊᑕᐅᓯᐊᕐᓗᑎᑦ $5,000ᓂᑦ ᓇᒻᒥᓂᓕᓐᓄᑦ ᒥᑭᓐᓂᖅᓴᓂᑦ ᐊᑐᖅᑕᐅᓗᑎᑦ ᑖᒃᑯᐊ ᒥᑭᓐᓂᖅᓴᓂᑦ ᓇᒻᒥᓂᓕᓐᓄᑦ ᐃᑲᔪᑏᑦ ᐱᓕᕆᐊᔅᓴᖓᑎᒍᑦ.

ᓄᓇᕗᒻᒥ ᓯᓚᑦᑐᓴᕐᕕᒃᑯᑦ ᑖᒃᑯᐊ ᐅᖓᕙᕆᐊᖅᑎᑦᑎᔪᑦ ᓄᖅᑲᖓᑎᑦᑎᓂᕆᔭᖏᓐᓂᑦ ᒪᐃ 4ᒧᑦ. ᑖᒃᑯᐊ ᓯᓚᑦᑐᓴᕐᕕᒃᑯᑦ ᐅᐱᕐᖓᔅᓵᒥᑦ ᐃᓕᓐᓂᐊᕐᓂᕐᒥᑦ ᑲᔪᓯᑎᑦᑎᒍᒪᔫᒐᓗᐊᑦ ᑭᓯᐊᓂ ᐊᓯᐊᒍᖔᖅ ᐃᓕᓐᓂᐊᖅᑎᑦᑎᑐᐃᓐᓇᕆᐊᓖᑦ ᐃᒻᒪᖄ ᐃᓕᓐᓂᐊᕈᑎᖏᑦ ᓇᔅᓯᐅᑎᔭᐅᓗᑎᑦ ᐃᓕᓐᓂᐊᖅᑎᓄᑦ, ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᓗᑎᓪᓗᓐᓃᑦ ᓄᓇᓕᖏᓐᓃᑦᑐᓂᑦ ᐱᖁᑎᓂᑦ ᐊᑐᕐᓗᑎᑦ.

ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑏᑦ ᐱᔭᕇᕐᓂᐊᖅᑐᑦ ᓯᑎᐱᕆᒧᑦ ᐊᐅᓪᓛᖅᑕᐅᔪᖅ ᐱᔭᕇᕐᓂᖃᕐᓂᔅᓴᖏᑦ.

ᓇᓗᓇᐃᕆᐊᒃᑲᓐᓂᕐᓗᒍᓗ ᓇᓗᓕᕈᑕᐅᓯᒪᔪᖅ ᑖᒃᑯᐊ ᐃᖅᑲᓇᐃᔭᕆᐊᖃᓪᓚᕆᑦᑐᑦ ᐃᖅᑲᓇᐃᔭᖅᑏᑦ ᓄᓇᕗᒻᒧᑦ ᑎᑭᑉᐸᓪᓕᐊᔪ: ᑭᓇᑐᐃᓐᓇᖅ ᐃᖅᑲᓇᐃᔭᖅᑎᐅᔪᖅ ᐃᖅᑲᓇᐃᔭᕆᐊᖃᓪᓚᕆᑦᑐᓂᑦ ᐃᓯᖅᑎᑕᐅᔪᓐᓇᖅᑐᖅ ᓄᓇᕗᒻᒧᑦ ᑖᒃᑯᐊ ᐊᖏᖅᑕᐅᓯᒪᓂᖏᓐᓄᑦ ᐊᓪᓚᕝᕕᖓ ᐋᓐᓂᐊᕐᕕᐊᓗᒻᒥ ᐊᖓᔪᖅᑳᒻᒪᕆᖓᓐᓄᑦ. ᑖᒃᑯᐊ ᑕᒪᕐᒥᒃ ᐃᖅᑲᓇᐃᔭᖅᑏᑦ ᐱᔭᕆᐊᖃᓪᓚᕆᑦᑐᓂᑦ ᐃᖅᑲᓇᐃᔭᖅᑎᖃᕆᐊᖃᓪᓚᕆᑦᑐᓄᑦ ᖃᐅᔨᓴᖅᑕᐅᓂᖅᓴᐅᖃᑦᑕᖅᑐᑦ ᓄᕙᒡᔪᐊᕐᓇᖅ-19ᒧᑦ ᐊᒻᒪ ᓄᓇᕗᒻᒦᓕᖅᑎᓪᓗᒋᑦ ᒪᓕᑦᑕᐅᔭᕆᐊᓖᑦ ᐱᑐᐃᓐᓇᖏᓐᓂᖅᓴᐅᓪᓗᑎᑦ.

ᐃᖅᑲᓇᐃᔭᖅᑏᑦ ᐱᑕᖃᕆᐊᖃᓪᓚᕆᑦᑐᑦ ᐊᐅᓪᓚᖅᓯᒪᓐᓂᖅᐸᑕ ᑲᓇᑕᐅᑉ ᓯᓚᑖᓄᑦ ᐅᕙᓗ ᐊᐅᓪᓚᕐᕕᒋᔭᖏᑦ ᓄᕙᒡᔪᐊᕐᓇᖅ-19ᒧᑦ ᐊᒥᓲᑉᐸᑕ ᓄᓇᖓᓐᓂ ᓄᓇᕗᒻᒧᑦ ᐃᓯᕆᐊᖃᖅᑎᑕᐅᔾᔮᖏᑦᑐᑦ.

ᑖᔅᓱᒥᖓ ᖃᐅᔨᓴᒪᔪᐃᓐᓇᐅᒐᑦᑕ, ᑭᓇᑐᐃᓐᓇᖅ ᓄᓇᕗᒻᒧᑦ ᑎᑭᑉᐸᑦ ᐅᓪᓗᖓᓐᓂ ᒫᑦᓯ 15ᒥᑦ ᐊᓂᑦᑕᐃᓕᔭᕆᐊᓕᒃ ᐅᓪᓗᓄᑦ 14ᓄᑦ. ᐃᓚᖏᓐᓄᑦ ᐃᓄᓐᓄᑦ ᑖᓐᓇ ᐊᑐᖅᑕᐅᒻᒪᑦ ᐊᒻᒪ ᐊᓂᒍᐃᕙᓪᓕᐊᓕᖅᑐᑦ ᐊᓂᑦᑕᐃᓕᒪᓂᕆᓯᒪᔭᖏᓐᓂᑦ ᐊᒻᒪ ᐊᓂᑦᑕᐃᓕᔭᕆᐊᖃᕈᓐᓃᕐᓂᐊᓕᖅᑐᑦ.

ᑭᓇᑐᐃᓐᓇᖅ ᒫᓐᓇ ᐊᓂᑦᑕᐃᓕᒪᓂᕐᒦᑉᐸᑦ, ᐆᒥᖓ ᓇᓗᓇᐃᖅᓯᔪᖓ ᑐᑭᓯᔭᐅᑦᑎᐊᖁᓪᓗᒍ, ᑐᑭᓯᓇᑦᑎᐊᕐᓗᓂ: ᐊᓂᒍᐃᑉᐸᑦ ᐊᓂᑦᑕᐃᓕᒪᔭᕆᐊᖃᕐᓂᕐᒥᓂᒃ ᑖᓐᓇ ᐃᒪᐃᓕᖓᖏᒻᒪᑦ ᑐᑭᖓ ᐊᓂᔪᓐᓇᖅᓯᑉᐸᑦ ᐃᓄᓐᓂᑦ ᖃᓂᔅᓴᓗᐊᖅᑕᐃᓕᒪᓂᕐᒥᑦ ᐊᑐᕆᐊᖃᕈᓐᓃᕐᓗᓂ ᐊᒻᒪ ᐊᖏᕐᕋᖅᓯᒪᐃᓐᓇᖃᑦᑕᕆᐊᖃᕈᓐᓃᕐᓗᓂᐅᖏᑦᑐᖅ.

ᓂᕆᐅᒋᔭᐅᔪᖅ ᐅᓇ ᑭᓇᒃᑯᓕᒫᓄᑦ ᑖᓐᓇ ᐊᑐᖅᑕᐅᔭᕆᐊᓕᒃ, ᖃᖓᑐᐃᓐᓇᓕᒫᖅ ᓯᕗᓂᕐᒥᓪᓗ ᓇᓗᓇᖏᑦᑐᒥᑦ ᑕᐃᒪᐃᓕᖓᓂᐊᖅᑐᖅ. ᑕᒪᒃᑯᐊ ᐊᑐᖅᑕᐅᖁᔭᐅᓯᒪᔪᑦ ᐊᑑᑎᖃᕈᓐᓇᕐᒪᑕ ᑭᓯᐊᓂ ᐅᕙᒍᑦ ᑕᒪᑦᑕ ᒪᓕᑦᑕᐃᓐᓇᕈᓗᑎᒍᑦ.

ᑕᒪᑦᑕᑦᑎᐊᖅ ᐅᕙᒍᑦ ᐊᑐᕋᑦᑎᒍ, ᐊᒻᒪ ᐊᑐᓂᑦ ᐱᓇᓱᐊᕐᓗᑎᒍᑦ ᐱᔭᕆᐊᖃᕋᑦᑕ.

 

ᓄᓇᕗᑦ ᒐᕙᒪᖓᒃᑯᑦ ᓴᐳᔾᔨᓯᒪᓇᓱᑦᑎᓪᓗᒋᑦ ᐃᓚᒋᔭᖓ ᐱᓕᕆᐊᖓᑕ ᓄᕙᒡᔪᐊᕐᓇᖅ-19 ᐋᓐᓂᐊᓕᖅᑐᖃᖁᓇᒍ, ᓄᓇᕗᑦ ᒐᕙᒪᒃᑯᑦ ᐅᑯᓂᖓ ᐱᒋᐊᖅᑎᑦᑎᔪᑦ:

ᐋᓐᓂᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓᓂ ᐱᔨᑦᑎᕈᖏᑦ

ᐋᓐᓂᐊᕐᕕᐊᓗᖕᒥ ᐊᖓᔪᖅᑳᒻᒪᕆᖕᒧᑦ ᐊᐅᓪᓚᕆᐊᓕᓐᓄᑦ/ᐃᖅᑲᓇᔭᐃᖅᑏᑦ ᐱᔭᕆᐊᖃᓪᓚᕆᑦᑐᑦ ᐱᓕᕆᔾᔪᓯᐅᓂᐊᖅᑐᑦ ᓴᖅᑭᑎᑕᐅᔪᑦ ᐅᕙᓂ: https://www.gov.nu.ca/health/information/covid-19-novel-coronavirus

ᐊᐅᓪᓚᑲᑕᒃᑐᓕᒫᑦ ᐃᓄᑑᔭᕆᐊᖃᖃᑦᑕᕐᓂᐊᓕᖅᐳᑦ ᓇᓗᓇᐃᖅᑕᐅᓯᒪᔪᒥᑦ ᑐᔪᕐᒥᕕᖕᒥᑦ ᓄᓇᕗᑦ ᓯᓚᑖᓂ ᐅᓪᓗᓄᑦ 14-ᓄᑦ, ᑭᓯᐊᓂ ᐱᒻᒪᕆᐅᔪᑦ ᐃᖅᑲᓇᐃᔭᖅᑏᑦ ᖃᓂᒪᖅᑰᔨᙱᑦᑐᑦ.

ᑕᐃᒃᑯᐊ ᓄᓇᕗᒻᒧᑦ ᐅᑎᖅᐸᓪᓕᐊᔪᑦ ᐊᖏᖅᑕᐅᓯᒪᔭᕆᐊᖃᖅᐳᑦ ᐋᓐᓂᐊᕕᐊᓗᖕᒥ ᐊᖓᔪᖅᑳᒻᒪᕆᐅᑉ ᐊᒡᓚᕝᕕᖓᓂ ᐃᕐᖐᓈᖅᑕᐅᒃᑯᓪᓗ ᑎᑎᕋᖁᔭᐅᓪᓗᑎᒃ ᐅᕗᖓ CPHOTravelRequests@gov.nu.ca.

ᓄᓇᕗᒻᒥᐅᑦ ᐅᑎᖅᐸᓪᓕᐊᔪᑦ ᓄᓇᕗᒻᒧ ᓄᓇᒃᑯᑦ ᐃᖏᕐᕋᔪᑦ ᓴᓂᑭᓗᐊᕐᒧᑦ, ᐊᕐᕕᐊᓄᑦ, ᐊᒻᒪ ᕿᑎᕐᒥᐅᓂᑦ, ᑖᒃᑯᐊ ᐊᓂᑦᑕᐃᒪᔭᕆᐊᖃᕐᓂᐊᖅᑐᑦ ᐊᖏᕐᕋᖅᓯᒪᓗᑎᑦ ᐅᓪᓗᓄ 14ᓄᑦ ᑎᑭᐅᑎᑉᐸᑕ ᓄᓇᕗᒻᒧᑦ.

ᐊᑭᖃᙱᑦᑐᖅ ᐅᖄᓚᕝᕕᐅᔪᓐᓇᖅᑐᖅ ᑭᓇᑐᐃᓐᓇᕐᒧᑦ ᐊᐅᓪᓚᖅᓯᒪᓵᓚᐅᖅᑐᓄᑦ ᐅᕝᕙᓘᓐᓃᑦ ᐋᓐᓂᐊᑲᑕᓕᖅᐸᑦ ᓄᕙᒡᔪᐊᕐᓇᖅ−19-ᒧᑦ ᖃᓂᒪᒍᑕᐅᔪᓂᑦ:
1-888-975-8601 ᑭᐅᔭᐅᖃᑦᑕᕐᓂᐊᖅᑐᖅ 7:30-ᒥ ᐅᓪᓛᒃᑯᑦ ᐱᒋᐊᕐᓗᓂ 7:30-ᒧᑦ ᐅᓐᓄᒃᑯᑦ ᑎᑭᓪᓗᒍ.

ᐃᓄᐃᑦ ᐊᓂᑦᑕᐃᓕᒪᔪᑦ ᐊᖏᕐᕋᖅᓯᒪᔭᕆᐊᓖᑦ, ᐃᓄᓐᓂᑦ ᖃᓂᖃᑕᐃᓕᒪᓗᑎᑦ, ᐊᒻᒪ ᖃᐅᔨᓴᕐᓗᑎᑦ ᓇᒻᒥᓂᖅ ᐋᓐᓂᐊᓕᖅᐸᓪᓕᐊᖏᒃᑲᓗᐊᕐᒪᖔᑕ ᓄᕙᒡᔪᐊᕐᓇᖅ-19ᒧᑦ ᐅᓪᓗᓄ 14ᓄᑦ ᐅᑎᓚᐅᖅᑎᓪᓗᒋᑦ.

 

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᐱᔨᑦᑎᕈᑎᖏᑦ

ᐱᓕᕆᕝᕕᒃ ᐃᑲᔪᕐᓂᐊᖅᑐᑦ ᑮᓇᐅᔭᖅᑎᒍᑦ ᓄᓇᕗᒻᒥ ᓇᒻᒥᓂᖁᑎᓕᓐᓄᑦ ᒥᑭᓐᓂᖅᓴᓂᑦ ᐊᖅᑯᑎᒋᔭᐅᓗᓂ ᑖᓐᓇ ᓇᒻᒥᓂᖁᑎᓪᓗᓐᓄ ᒥᑭᓐᓂᖅᓴᑦ ᐃᑲᔫᑏᓄᑦ ᐱᓕᕆᐊᖅ.

ᓇᒻᒥᓂᖃᖅᑎᐅᔪᑦ ᐱᖃᑕᐅᔪᓐᓇᖅᑐᑦ ᑐᔅᓯᕋᕈᓐᓇᖅᑐᑦ ᑭᓪᓕᖃᕐᓗᒍ $5,000ᓂᑦ ᐃᑲᔫᑏᓂᑦ ᑖᒃᑯᐊ ᐅᑎᖅᑎᑦᑕᕆᐊᖃᖏᓪᓗᑎᑦ ᐊᐃᑦᑑᑕᐅᔪᑦ.

ᐆᑦᑐᕈᒪᔪᑦ ᒥᑭᓐᓂᖅᓴᓂᑦ ᓇᒻᒥᓂᖁᑎᓖᑦ ᑐᑭᓯᒋᐊᒃᑲᓐᓂᕈᓐᓇᖅᑐᑦ ᐅᕙᓂ:  https://gov.nu.ca/edt/programs-services/small-business-support-program

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᖃᑎᖃᕐᓂᒃᑯᑦ ᓇᖕᒥᓂᓕᖕᓄᑦ ᐊᔾᔨᒌᙱᑦᑐᓄᑦ, ᐅᔭᕋᓐᓂᐊᖅᑎᒃᑯᑦ ᐊᒻᒪ ᐊᓯᖏᓪᓗ ᓴᓇᔪᓕᕆᔩ ᑲᑐᔾᔨᖃᑎᒌᑯᖏᓪᓗ ᑕᒪᒃᑯᓂᖓ ᑐᓴᕐᕕᖃᕈᒪᔪᑦ ᐊᒻᒪ ᑐᑭᓯᒋᐊᕐᕕᖃᕈᒪᓪᓗᑎᑦ ᐃᓚᒋᔭᐅᔪᓄᑦ.

ᑐᓴᖅᑕᐅᔪᑦ ᑲᑎᖅᓱᖅᑕᐅᓂᐊᖅᑐᑦ ᐊᒻᒪ ᕿᒥᕐᕈᔭᐅᓗᑎᑦ ᑖᒃᑯᐊ ᓄᓇᕗᑦ ᒐᕙᒪᒃᑯᖏᑦ ᐱᓕᕆᖃᑎᒋᔭᖏᓪᓗ ᑐᑭᓯᓯᒪᑦᑎᐊᕈᓐᓇᖅᓯᓂᐊᕐᒪᑕ ᒫᓐᓇ ᖃᓄᐃᓐᓂᐅᔪᖅ ᐊᑦᑐᐃᓯᒪᓂᖃᕐᓂᐊᕐᒪᖔᖅ ᓄᕙᒡᔪᐊᕐᓇᖅ-19 ᓄᓇᕗᒻᒥ ᑮᓇᐅᔭᓕᐅᕋᓱᐊᕐᓂᕐᒧᑦ ᒪᑭᒪᔾᔪᑎᔅᓴᖏᑦ.

 

ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐃᖅᑲᓇᐃᔭᕐᕕᖕᒧᑦ ᐊᔾᔨᒌᒃᑎᑦᑎᓂᕐᒧᑦ ᑎᑎᕋᕐᕕᖓ ᐊᑐᐃᓐᓇᐅᖏᓐᓇᕐᓂᐊᖅᑐᑦ ᓱᓕ ᒫᓐᓇ. ᒐᕙᒪᒃᑯᑦ ᑎᑎᕋᕐᕕᖏᑦ ᒪᑐᓯᒪᐅᖅᑎᓪᓗᒋᑦ ᐃᓄᓐᓄᑦ ᒫᓐᓇᐅᑎᓪᓗᒍ, ᐃᖅᑲᓇᐃᔭᕐᕕᖕᒧᑦ ᐊᔾᔨᒌᒃᑎᑦᑎᓂᕐᒧᑦ ᑎᑎᕋᕐᕕᖓ ᐅᖄᓚᕕᐅᔪᓐᓇᖅᑐᑦ ᐅᑯᓄᖓ:

  • ᐅᖄᓚᐅᑎᖓ:1-867-975-6322, ᐊᑭᖃᙱᑦᑐᖅ: 1-877-806-8402, ᓱᒃᑲᔪᒃᑯᑦ: 1-867-975-6367

ᑖᒃᑯᓇᓂ ᑎᑎᕋᕐᕕᒻᒥᑦ ᓱᓕ ᐊᑐᐃᓐᓇᐅᔪᑦ ᐊᐱᖅᑯᑎᓂᑦ ᑭᐅᔪᓐᓇᖅᑐᑦ ᓄᓇᕗᒻᒥᐅᓄᑦ ᐊᐱᖅᑯᑎᔅᓴᖃᖅᐸᑕ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᖁᔭᕐᒥᑦ ᐊᒻᒪ ᒪᓕᒐᖏᑦ.

ᑮᓇᐅᔭᓕᐊᖑᖃᑦᑕᖅᑐᑦ ᐊᒥᓱᕈᕆᐊᖅᑕᐅᓂᐊᖅᓯᒪᒻᒪᑕ ᖃᑦᑏᓐᓇᐅᑎᓛᖏᑦ ᑮᓇᐅᔭᓕᐊᖑᕙᑦᑐᑦ ᐱᒋᐊᕐᓗᒍ ᐄᐳᓗ 1, 2020ᒥᑦ, ᑖᒃᑯᐊ ᐃᖅᑲᓇᐃᔭᕐᕕᖕᒧᑦ ᐊᔾᔨᒌᒃᑎᑦᑎᓂᕐᒧᑦ ᑎᑎᕋᕐᕕᖓ ᐊᑐᐃᓐᓇᐅᔪᑦ ᐊᐱᖅᑯᑎᔅᓴᓕᓐᓄᑦ ᓇᒻᒥᓂᖁᑎᖃᖅᑎᐅᔪᓄᑦ ᑖᓐᓇ ᐱᓪᓗᒍ ᒪᓕᑦᑕᐅᔭᕆᐊᖃᖅᑐᖅ.

 

ᐊᕙᑎᓕᕆᔨᒃᑯᑦ ᐱᔨᑦᑎᕋᕐᓂᕆᔭᖏᑦ

ᓄᓇᓕᓐᓄᑦ ᐊᖑᓇᓱᑦᑎᓐᓄᑦ ᐃᑲᔫᓯᐊᖅᑎᑦᑎᓂᕐᒧᑦ ᐊᖏᕈᑎ ᐱᓕᕆᐊᖑᓯᒪᓕᖅᑐᑦ ᐊᒻᒪ ᐊᑭᓕᐅᖅᑕᐅᓂᐊᖅᑐᑦ ᒫᓐᓇ ᐱᒋᐊᖅᑎᑕᐅᕙᓪᓕᐊᓕᖅᑐᑦ. 

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᓄᓇᕗᒻᒥᑦ ᒥᕐᖑᐃᖅᓯᕐᕕᓕᒫᑦ ᑕᒪᕐᒥᒃ ᒪᑐᓯᒪᔪᑦ: ᐃᓚᒋᔭᐅᓪᓗᓂ ᐃᖃᓗᐃᑦ ᑰᖓ ᒥᕐᖑᐃᖅᓯᕐᕕᒃ, ᐊᒻᒪ ᑲᑕᓐᓂᓕᒃ ᓄᓇᕗᒻᒥ ᒥᕐᖑᐃᖅᓯᕐᕕᒃ ᑭᒻᒥᕈᓪᓗ ᐃᖃᓗᐃᓪᓗ ᐊᑯᕐᖓᓐᓃᑦᑐᖅ.
  • ᓄᓇᕗᑦ ᓯᓚᑖᓃᖔᖓᔪᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᕆᐊᖅᑎᑕᐅᖃᑦᑕᖅᑐᑦ ᓄᖅᑲᖅᑎᑕᐅᓯᒪᔪᑦ, ᐃᓚᒋᓪᓗᒋᑦ ᑖᒃᑯᐊ ᑎᑭᑎᑕᐅᓂᐊᖅᓯᒪᔫᒐᓗᐊᑦ ᐃᑲᔪᕆᐊᕐᓗᑎᑦ  ᓄᓇᕗᒻᒥ ᐊᑦᑐᐃᓂᐊᕐᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᑦ ᓄᓗᔮᓂᑦ ᐅᔭᕋᓐᓂᐊᕐᕕᒻᒥᑦ ᐱᓕᕆᐊᔅᓴᖓᑕ ᐊᐃᑉᐸᖓ ᑐᔅᓯᕋᐅᑕᐅᓯᒪᔪᒧᑦ ᑲᑎᒪᓂᔅᓴᐅᔪᖅ (ᐃᖃᓗᓐᓂ), ᖁᕐᓗᖅᑐᕐᒥᓗ ᐊᓂᕐᓂᖃᕐᓇᐅᑉ ᖃᓄᐃᓐᓂᖓᓂᑦ ᖃᐅᔨᓴᕈᑎᖏᑕ ᐋᖅᑭᒋᐊᖅᑕᐅᓂᖏᑦ.

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

ᐱᓕᕆᕝᕕᐅᔪᒥᑦ ᐱᓕᕆᐊᔅᓴᓪᓚᑦᑖᕆᔭᖏᑦ ᐱᔨᑦᑎᕈᑎᖏᑦ ᓱᓕ ᑲᔪᓯᔪᑦ ᐃᓚᒋᔭᐅᓪᓗᓂ ᐃᓪᓗᖁᑎᖏᑦ ᐊᐅᓚᑦᑎᔩᑦ ᓴᓇᔨᖏᓪᓗ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐱᓕᕆᕝᕕᖓᑕ ᐊᕕᑦᑐᓯᒪᓂᖓ ᓱᓕ ᐱᑕᖃᐃᓐᓇᕆᐊᓖᑦ ᐱᔨᑦᑎᕈᑎᖏᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ (ᓄᓇᕗ ᖃᑦᑎᕆᔨᒃᑯᑦ ᐊᖏᔪᖅᑳᒻᒪᕆᖓᑕ ᑎᑎᕋᕐᕕᖓ, ᐊᖏᔪᖅᑳᖅ ᐃᒡᓗᕐᔪᐊᑦ ᐊᐅᓚᑦᑎᔨᖏᓐᓄᑦ, ᐅᐊᔭᕆᓕᔨᒻᒪᕆ ᖃᐅᔨᓴᖅᑎ, ᐃᒥᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑯᓴᐅᑎᓂᒃ ᖃᐅᔨᓴᖅᑎ ᐊᒻᒪ ᒪᔫᑎᓂᑦ ᖃᐅᔨᓴᖅᑎᒻᒪᕆᖓ) ᑖᒃᑯᐊ ᐃᖅᑲᓇᐃᔭᖅᑏᑦ ᐊᑐᐃᓐᓇᐅᔪᑦ ᐅᖄᓚᐅᑎᖏᑦ ᐅᑯᐊᖑᕗᑦ:

  • ᖃᑦᑎᕆᔨᒃᑯᑦ ᐊᖓᔪᖅᑳᒻᒪᕆᖓ: ᖃᑦᑎᕆᔨᒃᑯᑦ ᐊᖏᔪᖅᑳᒻᒪᕆᖓ ᑕᑦ ᑯᓘᑎᐊᐃ - 867-222-0132 − tClouter@GOV.NU.CA
  • ᑎᑎᕋᕕᖓ ᐊᖏᔪᖅᑳᖅ ᐃᒡᓗᕐᔪᐊᑦ ᐊᐅᓚᑦᑎᔨᖏᓐᓄᑦ: ᐊᖏᔪᖅᑳᖅ ᐃᒡᓗᕐᔪᐊᑦ ᐊᐅᓚᑦᑎᔨᖏᓐᓄᑦ ᕗᕋᐃᔭᓐ ᐅᑦ - 867-222-3230 − bwood@gov.nu.ca
  • ᐊᖓᔪᖅᑳᖅ ᐅᐊᔭᓕᕆᓂᕐᒧᑦ ᖃᐅᔨᓴᖅᑎ: ᐊᓯᔾᔨᑐᐃᓐᓇᕆᐊᓕᒃ
  • ᐊᖓᔪᖅᑳᖅ ᐅᐊᔭᓕᕆᓂᕐᒧᑦ ᖃᐅᔨᓴᖅᑎ ᔮᓇᑕᓐ ᐱᑦᔅ – 867-222-2889 - JPotts@GOV.NU.CA
  • ᐃᒥᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑯᓴᐅᑎᓂᒃ ᖃᐅᔨᓴᖅᑎ: ᖃᐅᔨᒃᑲᕐᓗᒍ ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑐᑭᒧᐊᒃᑎᑦᑎᔨ ᒪᐃᒃ ᓕᑐᒃ ᐅᕗᖓ 867-222-1214 (MLeduc@GOV.NU.CA) ᖃᓄᑐᐃᓐᓇᖅ ᐃᑲᔪᖅᑕᐅᔭᕆᐊᓕᓐᓄᑦ ᑕᕙᙵᑦ ᐱᓕᕆᕝᕕᐅᔪᒥᑦ ᐊᒻᒪ ᑖᓐᓇ ᐊᑐᖅᑕᐅᖏᓐᓇᕐᓂᐊᖅᑐᖅ ᓇᓗᓇᐃᖅᑕᐅᖏᓐᓂᖓᓂᑦ ᖃᖓᒨᖓᒻᒪᖔᖅ.
  • ᐊᖓᔪᖅᑳᖅ ᒪᔫᑎᓂᑦ ᖃᐅᔨᓴᖅᑎᒻᒪᕆᒃ: ᒪᔫᑎᓂᑦ ᖃᐅᔨᓴᖅᑎᒻᒪᕆᒃ ᑎᒻ ᐃᓄᐊᓗᒃ – 867-222-0210 - TInnualuk@GOV.NU.CA
  • ᐅᔾᔨᕆᔭᐅᓕ ᐅᓇ: ᑖᒃᑯᐊ ᐅᖃᕐᕕᒋᓇᓱᑦᑕᑎᑦ ᑭᐅᔪᖃᕈᓐᓇᓂᖏᑳᓪᓚᑉᐸᑕ ᖁᓛᓃᑦᑐᑦ ᑕᐃᔭᐅᔪᑦ,
  • ᑐᑭᒧᐊᖅᑎᑦᑎᔨ ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᓐᓂ ᒪᐃᒃ ᓕᑐᒃ ᐅᖄᓚᕕᐅᔪᓐᓇᖅᑐᖅ ᐅᕗᖓ 867-222-1214 ᐅᕙᓗ MLeduc@GOV.NU.CA.

 

ᓄᓇᕗᒻᒥ ᓯᓚᑦᑐᖅᓴᕐᕕᒃ

ᓄᓇᕗᒻᒥ ᓯᓚᑦᑐᓴᕐᕕᒃᑯᑦ ᑖᒃᑯᐊ ᐅᖓᕙᕆᐊᖅᑎᑦᑎᔪᑦ ᓄᖅᑲᖓᑎᑦᑎᓂᕆᔭᖏᓐᓂᑦ ᒪᐃ 4ᒧᑦ.

ᑖᒃᑯᐊ ᓯᓚᑦᑐᓴᕐᕕᒃᑯᑦ ᐅᐱᕐᖓᔅᓵᒥᑦ ᐃᓕᓐᓂᐊᕐᓂᕐᒥᑦ ᑲᔪᓯᑎᑦᑎᒍᒪᔫᒐᓗᐊᑦ ᑭᓯᐊᓂ ᐊᓯᐊᒍᖔᖅ ᐃᓕᓐᓂᐊᖅᑎᑦᑎᑐᐃᓐᓇᕆᐊᓖᑦ ᐃᒻᒪᖄ ᐃᓕᓐᓂᐊᕈᑎᖏᑦ ᓇᔅᓯᐅᑎᔭᐅᓗᑎᑦ ᐃᓕᓐᓂᐊᖅᑎᓄᑦ, ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᓗᑎᓪᓗᓐᓃᑦ ᓄᓇᓕᖏᓐᓃᑦᑐᓂᑦ ᐱᖁᑎᓂᑦ ᐊᑐᕐᓗᑎᑦ.

ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑏᑦ ᐱᔭᕇᕐᓂᐊᖅᑐᑦ ᓯᑎᐱᕆᒧᑦ ᐊᐅᓪᓛᖅᑕᐅᔪᖅ ᐱᔭᕇᕐᓂᖃᕐᓂᔅᓴᖏᑦ.

 

ᓄᓇᕗᒻᒥᐅᑦ ᖃᓄᐃᙱᑦᑎᐊᕈᓐᓇᕐᓂᖏᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐅᐊᓴᖅᐊᒡᓗᒋᑦ ᖃᕆᔭᐅᒧᓪᓗ, ᐊᑐᖅᐸᒡᓗᑎᒃ ᑭᒃᑯᑐᐃᓐᓇᓂᒃ ᖃᓂᒃᓴᓗᐊᖅᑕᐃᓕᒪᓂᕐᒥᒃ, ᓇᓚᒃᐸᒡᓗᑎᓪᓗ ᐅᖃᐅᔾᔪᐃᔾᔪᑕᐅᔪᓄᑦ ᐊᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᓂᑦ, ᐊᖏᕐᕋᖅᓯᒪᕙᒡᓗᑎᒡᓗ ᖃᓂᒪᔭᕌᖓᕕᑦ.