ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19−ᒧᑦ ᓄᓇᕗᑦ ᒐᕙᒪᖓᑕ ᓄᑖᙳᕆᐊᖅᑎᑕᖏᑦ - ᒪᐃ 1, 2020

ᒪᐃ 01, 2020

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓐᓄᒃᓴᒃᑯᑦ. ᓱᓕ ᐊᑕᐅᓯᐅᕗᖅ ᓇᓗᓇᐃᖅᑕᐅᓯᒪᓪᓚᑦᑖᖅᑐᖅ ᐱᖃᕐᓂᖓᓂᒃ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ.

ᐅᓪᓗᒥ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᔪᑦ 602-ᖑᓕᖅᑐᑦ. 196 ᒫᓐᓇ ᖃᐅᔨᓴᖅᑕᐅᔪᑦ, 406−ᓗ ᐃᓄᐃᑦ ᖃᐅᔨᓴᖅᑕᐅᔪᓐᓃᖅᖢᑎᒃ.

ᑐᐊᕕᕐᓇᖅᑐᒧᑦ ᐱᓕᕆᓯᑲᐅᑎᒋᕝᕕᖃᕐᓂᕐᒧᑦ ᐱᓕᕆᖃᑎᒌᑦ ᒥᑦᑎᒪᑕᓕᖕᒦᓯᒪᓕᖅᐳᑦ ᐃᑉᐸᒃᓴᐅᓚᐅᕐᓂᖓᓂᑦ, ᐱᓕᕇᓐᓇᖅᖢᑎᒡᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔭᖅᑎᓂᒃ ᓄᓇᓕᖕᓃᑦᑐᓂᒃ ᐱᓕᕆᖃᑎᖃᖅᖢᑎᒃ, ᑕᒪᓐᓇ ᑐᔾᔭᕈᒪᓪᓗᒍ, ᐱᓕᕆᓗᑎᒃ ᐊᐅᓚᑦᑎᕝᕕᒋᑦᑎᐊᕐᓗᒍ, ᑕᐃᖕᓇᓗ ᐃᓄᒃ ᑲᒪᒋᑦᑎᐊᕐᓗᒍ, ᓄᖅᑲᖅᑎᑦᑐᒪᒧᓪᓗ/ᓱᒃᑲᐃᓕᒋᐊᖅᑎᑦᑎᓯᒪᔪᒪᓂᕐᒧᑦ ᓯᐊᒻᒪᒃᐸᓪᓕᐊᓇᔭᕐᓂᖓᓂᒃ ᓄᕙᒡᔪᐊᕐᓇᖅ-19−ᖑᓂᕋᖅᑕᐅᔫᑉ.

ᑐᓴᖅᑲᐅᔪᒃᓴᐅᑎᓪᓗᓯ, ᐅᓪᓗᒥᒃᑲᓐᓂᖅ, ᐅᖃᖅᑎᑦᑎᔨ ᒪᓕᒐᓕᐅᕐᕕᖕᒥᐅᓄᑦ ᓄᖅᑲᖅᑎᑦᑎᖅᑲᐅᕗᖅ ᐅᐱᕐᙶᒃᑯᑦ ᒪᓕᒐᓕᐅᕐᕕᖕᒥᐅᑦ ᑲᑎᒪᓂᕆᓂᐊᖅᑕᖓᓂᒃ. ᑐᓴᖅᑕᐅᔪᒃᓴᒃᑲᓐᓂᕐᓂᒃ ᖃᓄᖅ ᑕᒪᒃᑯᐊ ᐋᖅᑭᒃᓱᖅᑕᐅᓯᒪᕙᒌᖅᑐᑦ ᑕᐃᑲᓂ ᑲᑎᒪᕝᕕᖕᒥ ᐱᓕᕆᐊᒃᓴᐃᑦ ᑲᔪᓯᓂᐊᕐᒪᖔᑕ ᒪᓂᒪᑎᑕᐅᓕᐊᖅᑐᑦ ᒪᓕᒐᓕᐅᕐᕕᖕᒥᐅᓂᑦ.

ᐱᒋᐊᕐᓗᓂ ᒪᐃ 7-ᒥ, ᑭᓇᑐᐃᓐᓇᑦᑎᐊᖅ ᓄᓇᕗᒻᒥᐅᑕᖅ ᐃᓱᒪᖅᓱᕐᓗᓂ ᑕᒡᒪᓃᑦᑐᓃᖅᑐᕕᓂᖅ ᐊᕕᒃᓯᒪᓂᕆᔭᐅᔪᒥ, ᐅᑎᕈᒪᓕᕐᓗᓂᓗ, ᐊᑭᓖᔭᕆᐊᖃᕐᓂᐊᖅᑐᑦ 14-ᓄᑦ ᐅᓪᓗᓄᑦ ᐅᐸᒃᑕᐅᑦᑕᐅᓕᒪᓂᓕᒫᒥᓂ. ᐋᓐᓂᐊᕕᓕᐊᖅᓯᒪᓗᑎᒃ ᐊᐅᓪᓚᖅᓯᒪᔪᑦ ᐃᓗᐊᖅᓴᖅᑕᐅᔭᖅᑐᖅᓯᒪᔪᑦ ᓱᓕ ᐊᑭᓕᒐᒃᓴᖏᑦ ᐊᑭᓕᖅᓱᖅᑕᐅᖏᓐᓇᕐᓂᐊᖅᐳᑦ, ᓂᕆᐅᒋᔭᖃᕐᕕᐅᙱᖦᖢᑎᒡᓗ ᐊᑭᓖᓇᔭᕐᓂᖏᓐᓂᒃ.

ᐳᐃᒍᖅᑕᐃᓕᒋᔅᓯ ᐅᖃᐅᔾᔭᐅᓯᒪᕗᒍᑦ ᐱᔭᕆᐊᖃᓪᓚᕆᙱᑦᑐᒥᒃ ᐊᐅᓪᓚᖃᑦᑕᖁᔭᐅᙱᖦᖢᑕ ᐊᕕᒃᓯᒪᓂᑦᑕ ᓯᓚᑖᓄᑦ ᒫᑦᓯ ᕿᑎᐊᖑᓚᐅᕐᓂᖓᓂᑦ. ᐱᒋᐊᓛᖅᖢᓂ ᐱᓇᓱᕈᓯᐅᓂᐊᖅᑐᒥ, ᐊᑭᖓ ᐅᐸᒃᑕᐅᑦᑕᐅᓕᒪᑎᑕᐅᓂᕐᒦᑎᑕᐅᓂᖅ ᑲᒪᒋᔭᒃᓴᕆᔭᐅᓂᐊᖅᐳᖅ ᑕᐃᒃᑯᓄᖓ ᐊᐅᓪᓚᕈᒪᓯᒪᔪᓄᑦ ᓄᓇᕗᑦ ᓯᓚᑖᓄᑦ ᑕᒪᒃᑯᐊ ᐱᑕᖃᕋᓗᐊᖅᑎᓪᓗᒋᑦ ᖃᓄᐃᓕᐅᖁᔭᐅᓯᒪᔪᑦ CPHO−ᑯᓐᓂᑦ.

ᐊᑭᖓ ᐃᓄᖕᒧᑦ ᐊᑕᐅᓯᕐᒧᑦ ᐃᒡᓗᕈᓯᕐᒥ $2,100−ᖑᕗᖅ, 14-ᓄᑦ ᐅᓪᓗᓄᑦ ᐊᑐᖅᑕᐅᔪᓄᑦ,  ᐊᑐᓂᓪᓗ ᐃᓚᒋᔭᐅᔪᖅ ᐃᓗᕈᓯᕐᒥᐅᑕᐅᖃᑎᒋᔭᐅᒃᑲᓐᓂᖅᑐᖅ ᐊᑭᓖᓂᐊᖅᖢᓂ $1,050−ᓂᒃ. ᑕᒪᒃᑯᐊ ᐊᑭᓕᒐᒃᓴᐃᑦ ᐊᑭᓕᐅᑕᐅᓯᒪᑲᐅᑎᒋᔭᕆᐊᖃᕐᓂᐊᖅᐳᑦ ᑎᑭᓐᓂᐊᕐᓗᓂ ᑕᐃᑯᖓ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᔭᐅᑎᑕᐅᔪᒧᑦ.

ᖃᐅᔨᒪᙱᓚᒍᑦ ᓄᓇᕗᒻᒥᐅᑦ ᓄᒃᑕᕐᓂᕐᒧᑦ ᐊᔪᖅᓯᓯᒪᔾᔪᑎᒋᔭᐅᓂᖏᑦ ᐊᔪᕈᓐᓃᖅᑎᑕᐅᒃᑲᓐᓂᓛᕐᒪᖔᑕ, ᐅᖃᕈᓐᓇᙱᓚᒍᓪᓗ ᖃᑯᒍ ᑕᒪᓐᓇ ᐅᐸᒃᑕᐅᑦᑕᐃᓕᒪᑎᑕᐅᕙᖕᓂᖅ ᑕᐃᒪᐃᑦᑕᕆᐊᖃᓪᓚᑦᑖᕈᓐᓃᓛᕐᒪᖔᑦ. ᑭᓇᑐᐃᓐᓇᑦᑎᐊᖅ ᓄᓇᕗᒻᒦᑦᑐᒪᔪᓐᓃᖅᑐᖅ ᑕᒪᑐᒥᖓ ᐃᖅᑲᐅᒪᑦᑎᐊᕆᐊᖃᖅᐳᖅ.

ᑐᓴᒐᒃᓴᒃᑲᓐᓂᕐᓂᒃ ᑕᒪᑐᒧᖓ ᐊᓯᔾᔨᕐᓂᕆᔭᐅᔪᒧᑦ ᐱᔭᐅᓛᖅᐳᑦ, ᓇᓗᓇᐃᔭᐃᓯᒪᑦᑎᐊᕐᓗᑎᒡᓗ ᓄᒃᑕᖅᑎᓄᑦ ᐱᓇᔪᓕᖅᐸᑕ ᐅᑎᕈᒪᓗᑎᒃ ᑕᒪᐅᖓ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒧᑦ.

ᐅᓪᓗᒥ ᑭᖑᓪᓕᕐᓂᒃ ᐅᖃᐅᓯᖃᓕᖅᑎᓪᓗᖓ, ᐊᐱᕆᕙᒃᑲ ᓄᓇᕗᒻᒥᐅᑦ, ᖃᓅᓇᓱᒋᓐᓈᑦᑕᐃᓕᒋᔅᓯ ᐃᓄᖕᒧᒃ(ᓄᑦ) ᓄᕙᒡᔪᐊᕐᓇᖅ-19−ᖃᖅᑐᒧᑦ(ᓄᑦ), ᐅᕝᕙᓘᓐᓃᑦ ᖃᓄᐃᓐᓂᕆᔭᐅᓯᒪᔪᓄᑦ ᖃᓄᖅ ᑕᒪᓐᓇ ᖃᓂᒪᓐᓇᖅ ᓄᓇᓕᖕᓄᐊᕐᓂᕐᒪᖔᑦ. ᑕᑯᑲᑕᒃᑲᒪ ᑐᓴᕐᓂᕐᓗᒃᑎᒃᑎᒐᓚᒃᑐᒻᒪᕆᐊᓗᖕᓂᒃ, ᓱᓕᙱᑦᑐᓂᒃ, ᐱᐅᒃᓴᙱᑦᑐᓂᓗ ᑕᒪᒃᑯᓇᓂ ᑭᒃᑯᑐᐃᓐᓇᓄᑦ ᐅᖃᓕᒫᖅᑕᐅᔪᓐᓇᖅᐸᒃᑐᓂ ᑕᒪᑐᒥᖓ ᐱᔾᔪᑎᖃᖅᖢᑎᒃ. ᑕᒪᕐᒥᑲᓴᒃ ᓴᖅᑭᑎᑕᐅᔪᑦ ᓱᓕᙱᒻᒪᑕ. ᓱᓕᔪᑦ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ ᓄᓇᕗᒻᒥ ᑕᕝᕙᓂ ᐅᖃᐅᓯᐅᖃᑕᖅᐳᑦ, ᓄᑖᙳᕆᐊᖅᑎᒐᔪᒃᑕᑦᑎᓐᓂ, ᐅᖃᐅᓯᐅᕙᒃᖢᑎᒃ ᓘᒃᑖᒧᑦ ᐹᑐᓴᓐ−ᒧᑦ, ᐃᑭᐊᖅᑭᕕᖕᒦᖦᖢᑎᒡᓗ ᑭᐊᖅᑭᕕᒋᔭᐅᕝᕕᒋᔪᓐᓇᖅᑕᑦᑎᓐᓂ.

ᐃᓕᓯᖃᑦᑕᕈᕕᑦ ᑕᒪᑐᒧᖓ ᑐᓴᕐᓂᕐᓗᒃᑎᑦᑎᓂᕆᔭᐅᕙᒃᑐᒧᑦ, ᐸᓯᒃᖠᓇᓱᖃᑦᑕᕈᕕᓪᓘᓐᓃᑦ, ᑕᐃᒪᐃᓕᐅᕈᓐᓃᑲᐅᑎᒋᒋᑦ. ᑕᒪᒃᑯᓄᖓ ᐊᐱᕆᔪᓄᑦ ᐊᔭᐅᕆᔪᓄᓪᓗ ᐱᐅᔪᒥᒃ ᐃᓄᑦᑎᐊᕙᐅᓂᕐᒥᒡᓗ, ᑯᔭᓐᓇᒦᖑᔪᓯ.

ᑕᒪᑦᑕ ᓄᓇᑦᑎᓐᓄᑦ ᑲᒪᒋᔭᒃᓴᖃᑐᐃᓐᓇᙱᓚᒍᑦ, ᑕᒪᑦᑕ ᐊᑐᓂᑦ ᖁᐊᖅᓵᕐᓇᖅᑐᒦᑯᓇᑕ ᑎᒥᒃᑯᑦ ᐅᖓᓯᒌᒃᐸᒡᓗᑕ, ᐅᐊᓴᖅᐸᒡᓗᒋᑦ ᐊᒡᒐᕗᑦ, ᐊᖏᕐᕋᖅᓯᒪᕙᒡᓗᑕᓗ, ᐊᒻᒪᓗᑦᑕᐅᖅ ᑭᓯᐊᓂ ᐱᔭᒃᓴᖃᖅᑐᐃᓐᓇᐅᕗᒍᑦ ᑕᒪᑦᑕ ᐊᑐᓂᑦ ᖁᐊᖅᓵᕐᓇᖅᑐᒦᑎᖃᑦᑕᐅᑎᓗᑕ, ᓲᖑᓴᖕᓂᕆᔭᐅᕙᒃᑐᓂᑦ, ᐅᖃᕈᓘᔭᕈᑕᐅᕙᒃᑐᓂᑦ, ᐊᓐᒪᓗ ᓴᓂᐊᒍᑦ ᐋᓐᓂᖅᓯᕆᓂᖅ.  

ᓄᓇᕗᒻᒥᐅᑦ, ᐊᑏ ᓯᐊᒻᒪᑦᑎᕆᓚᐅᖅᑕ ᓱᓕᔪᓂᒃ, ᑐᓴᒐᒃᓴᑦᑎᐊᕙᖕᓂᒃ ᑐᓴᖅᑕᐅᔪᒃᓴᓂᒃ, ᓱᓕᔪᓂᒡᓗ ᑕᒪᒃᑯᓇᙵᑦ ᑕᒪᑐᒧᖓ ᖃᐅᔨᒪᔭᖃᒻᒪᕆᒃᑐᓂᑦ. ᑕᒪᒃᑯᐊ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᕙᒃᑐᑦ ᐅᕙᑦᑎᓐᓂᒃ ᖁᐊᖅᓵᕐᓇᖅᑐᒦᑎᑦᑎᙱᓯᒪᔪᑦ, ᐱᓕᕆᓯᒪᓪᓗᑎᒡᓗ ᑕᖃᔪᐃᑦᑐᒻᒪᕆᐅᓪᓗᑎᒃ ᐱᕆᕝᕕᖃᕈᒪᓪᓗᑎᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ ᓄᓇᕗᒻᒥ, ᐅᐱᒋᔭᕆᐊᖃᒻᒪᕆᒃᐸᕗᑦ ᖁᔭᒋᓗᑎᒍᓪᓗ. ᐃᓱᒪᒋᔭᐅᔪᑐᐃᓐᓇᓂᒃ ᐅᖃᐅᓯᖃᕐᓂᐊᕐᓗᓂ ᑐᓴᕐᓂᕐᓗᒃᑎᑦᑎᓂᐊᕐᓗᓂᓗ ᑐᓴᖅᑕᐅᔪᒃᓴᓂᒃ ᐃᒃᐱᒋᔭᖃᙱᓐᓂᐅᕗᖅ ᖃᐅᑕᒫᑦ ᐱᓕᕆᐊᕆᕙᒃᑕᖏᓐᓄᑦ, ᖃᐅᑕᒫᑦᑎᐊᕐᓗ ᐱᓕᕆᓂᕆᕙᒃᑕᖏᓐᓄᑦ.

ᐊᑏ ᖃᓄᐃᙱᑦᑎᐊᖏᓐᓇᖅᑕ, ᓇᐅᖅᑎᖅᓱᐃᓐᓇᕐᓗᑕ, ᖃᓄᐃᙱᑦᑎᐊᖏᓐᓇᕐᓗᑕᓗ. ᐊᖏᕐᕋᖅᓯᒪᓗᑕᓗ, ᐃᓅᓯᖃᖅᑎᑦᑎᔪᒪᓂᕐᒧᑦ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᓄᑖᙳᕆᐊᖅᑎᑕᖏᑦ

ᓄᑖᙳᕆᐊᖅᓯᒪᔪᓂᒃ ᒥᑦᑎᒪᑕᓕᖕᒥ ᒫᓐᓇ ᖃᓄᐃᖓᖓᖕᒪᖔᑕ ᑐᓴᖅᑎᑦᔪᒪᕗᖓ.

  • ᑕᐃᓐᓇ ᐃᓗᐊᖅᓴᖅᑕᐅᔭᕆᐊᓕᒃ ᐅᐸᒃᑕᐅᑦᑕᐃᓕᒪᔪᒦᑉᐳᖅ, ᐊᒻᒪᓗ ᓱᓕ ᖃᓄᐃᙱᖦᖢᓂ.
  • ᑕᐃᒃᑯᐊ ᑐᐊᕕᕐᓇᖅᑐᒧᑦ ᑭᐅᓯᓂᕐᒧᑦ ᐱᓕᕆᖃᑎᒌᑦ ᓄᓇᓕᖕᓃᑉᐳᑦ, ᐊᑐᓕᖅᑎᑦᑎᓯᒪᓕᖅᖢᑎᒡᓗ ᓇᒧᙵᕈᓘᔭᖅᑎᑦᑎᑦᑕᐃᓕᒪᓂᕐᒥᒃ, ᐊᐴᑎᓯᒪᖃᑎᖃᓚᐅᖅᑐᓂᒡᓗ ᑐᔾᔭᖅᓯᕙᓪᓕᐊᓂᕐᒥᒃ.
  • ᑖᒃᑯᐊ ᐱᓕᕆᖃᑎᒌᑦ ᐱᔭᕇᖅᓯᒃᐸᑕ ᖃᐅᔨᓴᖅᓯᒃᑲᓐᓂᕐᓂᕐᓂᒃ, ᐃᒪᓐᓇᐅᑐᐃᓐᓇᕆᐊᓕᒃ, ᐱᑕᖃᒃᑲᓐᓂᓕᕐᓗᓂ ᑕᐃᒪᐃᑦᑐᓕᖕᓂᒃ ᓄᓇᓕᖕᓂ ᓇᓗᓇᐃᖅᑕᐅᔪᖃᓪᕆᒡᓗᓂᓗ.  ᑕᒪᓐᓇ ᐃᒪᓐᓇ ᑐᑭᖃᙱᓚᖅ, ᓄᓇᓕᖕᓂ ᓇᒧᙵᖅᑎᑦᑎᕙᓪᓕᐊᓂᕐᒥᒃ, ᐃᓱᒪᒋᔭᐅᓪᓗᐊᙱᖦᖢᓂᓗ ᑕᒪᓐᓇᓗ ᖁᒃᓴᓪᓚᒃᑎᑦᑎᔾᔪᑕᐅᓪᓗᐊᙱᖦᖢᓂ. ᑕᒪᓇᓕ ᐃᒪᓐᓇ ᑐᑭᖃᖅᐳᖅ, ᑕᐃᒃᑯᐊ ᑐᐊᕕᕐᓇᖅᑐᒃᑯ ᑭᐅᓯᓂᕐᒧᑦ ᐱᓕᕆᖃᑎᒌᑦ ᐱᓕᕆᐊᒃᓴᒥᓂᒃ ᐱᓕᕆᑦᑎᐊᕐᓂᖏᓐᓂᒃ, ᐅᓇᐅᓪᓗᓂᓗ, ᓇᓂᓯᓂᖅ ᑕᒪᑐᒥᖓ ᖃᓂᒪᔾᔪᑕᐅᔪᒥᒃ, ᓄᖅᑲᖅᑎᓪᓗᒍᓗ ᓇᒧᙵᕈᓘᔭᖅᑎᙱᓪᓗᒍ.
  • ᐊᑕᐅᓰᓐᓇᕐᒦᑎᑦᑎᓂᖅ ᐱᓪᓗᐊᑕᐅᓂᐅᕗᖅ, ᒫᓐᓇᒻᒪᕆᒡᓗ ᑕᒪᓐᓇ ᓯᕗᓪᓕᖅᐸᐅᑦᑎᐅᑎᓯᒪᓪᓗᑎᒍ.
  • ᑕᒪᓐᓇ ᑕᐃᒪᓐᓇ ᐱᓕᕆᐊᖑᕙᓪᓕᐊᓂᖓᓂ, ᓄᓇᕗᑦ ᒐᕙᒪᖓ ᒥᑦᑎᒪᑕᓕᖕᒥᐅᓂᒃ ᐃᑲᔪᖅᑐᐃᖏᓐᓇᕐᓂᐊᖅᐳᖅ.

ᐱᕕᒃᓴᖃᕈᒪᒋᕗᖓ ᖁᔭᓕᔪᒪᓪᓗᒋᑦ ᕼᐋᒻᒪᓚᒃᑯᑦ ᒥᑦᑎᒪᑕᓕᒻᒥ, ᓄᓇᓖᓪᓗ ᑕᐃᑲᓂ ᐱᕕᒃᓴᖃᖅᑎᑕᐅᓚᐅᕐᓂᓐᓄᑦ ᐅᓪᓗᒥᒃᑲᓐᓂᖅ, ᐊᐱᖅᑯᑎᒃᓴᖏᓐᓂᒃ ᑭᐅᓯᔪᓐᓇᖅᑎᑕᐅᓪᓗᖓ ᓄᓇᓕᖏᑕ ᓈᓚᒡᕕᖓᑎᒍᑦ.

ᓯᕗᒻᒧᐊᖅᐸᓪᓕᐊᓗᑕ, ᓄᓇᕗᒻᒥᐅᓕᒫᑦ ᐃᖅᑲᐃᑎᑦᑐᒪᕙᒃᑲ, ᐊᑐᕐᓗᖓ ᓴᙱᓛᖑᔪᓐᓇᖅᑐᓂᒃ ᐅᖃᐅᓯᕐᓂᒃ, ᑕᒪᕐᒥᑦᑎᐊᖅ ᐊᑐᓂᑦ ᐃᓅᖃᑎᒥᓂᒃ ᐊᐳᖃᑦᑕᐅᑎᓂᖅ ᖁᐊᖅᓴᕐᓇᖅᑐᖅᑕᖃᐃᓐᓇᖃᑦᑕᖅᐳᖅ. ᓄᓇᕗᑦ ᒐᕙᒪᒃᑯᖏᑦ ᐱᑕᖃᖅᑎᑦᑎᑦᑕᓕᒪᓂᕐᒧᑦ ᐱᑕᖃᖅᑎᑦᑎᒐᓗᐊᖅᑎᓪᓗᒋᑦ, ᓄᑖᓂᒡᓗ ᓇᒧᙵᕈᓘᔭᖅᑎᑦᑎᑦᑕᐃᓕᒪᓂᕐᒧᑦ ᐱᑕᖃᓕᕋᓗᐊᖅᑎᓪᓗᒍ ᒥᑦᑎᒪᑕᓕᖕᒥ, ᐊᔪᕐᓇᑦᑎᐊᖅᐳᖅ ᐅᖃᕈᓐᓇᕐᓂᐊᕐᓗᓂ ᓇᓂ ᖃᑯᒍᓗ ᑕᒪᓐᓇ ᓄᕙᒡᔪᐊᕐᓇᖅ-19 ᖃᐅᔨᔭᐅᓂᖃᒃᑲᓐᓂᕐᓂᐊᕐᒪᖔᑦ.

ᑎᓕᐅᓪᓚᕆᒃᐸᒃᑲ ᓄᓇᕗᒻᒥᐅᓕᒫᑦ ᐊᑐᖁᓪᓗᒋᑦ ᐅᔾᔨᖅᓱᓪᓚᕆᖕᓂᕐᒥᒃ, ᐃᓱᒪᒃᓴᖅᓯᐅᕈᑎᖃᓪᓚᕆᒃᐸᓗᑎᒡᓗ ᑕᒪᒃᑯᓂᖓ ᖁᐊᓵᕐᓇᖅᑐᓂᒃ ᐃᓚᐅᓚᐅᙱᓐᓂᕐᒥᓂ ᖃᓄᑐᐃᓐᓇᑦᑎᐊᖅ ᑲᑎᓐᓂᕆᔭᐅᔪᒥ. ᐃᓱᒪᒋᒍᕕᐅᒃ ᐃᓚᐅᓪᓚᕆᒋᐊᖃᕐᓂᕐᓂᒃ ᑲᑎᓐᓂᕆᔭᐅᔪᓂ, ᖃᐅᔨᒪᓂᐊᖅᐳᑎᑦ ᑭᒃᑯᓐᓂᒃ ᐃᓄᖕᓂᒃ ᐊᐴᑎᓯᒪᖕᒪᖔᖅᐱᑦ, ᑕᒪᓐᓇ ᑐᓴᖅᑕᐅᔪᒃᓴᖅ ᐊᑐᖅᑕᐅᓕᑐᐃᓐᓇᕆᐊᖃᕐᒪᑦ ᐊᑐᖅᑐᖃᕆᐊᖃᓕᕐᓂᖅᐸᑦ ᐃᓅᑲᑎᒋᔭᐅᓚᐅᖅᑐᓂᒃ ᑐᔾᔭᖅᓯᔭᕆᐊᖃᖅᑐᖃᓕᖅᐸᑦ ᓄᓇᔅᓯᓐᓂ.

ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔩᑦ ᐅᕙᑦᑎᓐᓂᒃ ᑕᒪᑐᒥᖓ ᐃᓄᑑᓗᑎᒃ ᐊᓂᒍᐃᑎᑦᑎᔪᓐᓇᙱᓚᑦ. ᖃᓄᖅ ᐱᓕᕆᑦᑎᐊᖅᑎᒋᖕᒪᖔᑦᑕ, ᓇᒧᙵᖅᐸᓪᓕᐊᓂᐊᕐᒪᖔᑦᑕᓗ ᑕᒫᙵᑦ, ᐱᔾᔪᑎᖃᖅᐳᖅ ᖃᓄᐃᓕᐅᕐᓂᕆᔭᖏᓐᓂᑦ ᑕᒪᕐᒥᑦᑎᐊᖅ ᐊᑐᓂᑦ ᓄᓇᕗᒻᒥᐅᑦ. ᒫᓐᓇᓕ ᑕᕝᕙ ᐱᐅᓛᖅ ᓱᒃᑲᐃᒡᓕᑎᑦᑎᓂᐊᕐᓗᓂ ᓯᐊᒪᒃᐸᓪᓕᐊᓂᖓᓂᒃ ᑕᒪᑐᒪ ᓄᕙᒡᔪᐊᕐᓇᖅ-19 ᐅᑯᐊᖑᐃᓐᓇᖅᐳᑦ, ᐃᓅᖃᑎᒥᒃ ᐅᖓᓯᒃᓴᖅᐸᖕᓂᖅ ᓴᓗᒪᑦᑎᐊᖅᐸᖕᓂᕐᓗ.

ᑕᒪᑦᑕᑦᑎᐊᖅ ᑕᒪᒃᑯᓂᖓ ᒪᓕᒋᐊᓕᖕᓂᒃ ᒪᓕᒃᑯᒃᑕ, ᐊᑕᐅᑦᑎᒃᑯᑦ, ᐅᕙᑦᑎᓐᓂᒃ ᐱᐅᓛᒦᑎᑦᑐᓐᓇᖅᐳᒍᑦ ᐊᓂᒍᐃᓂᐊᕐᓂᕐᒥᒃ ᑕᒪᑐᒥᖓ ᓇᓗᓈᕿᓐᓇᖅᑐᒥᒃ.  ᐱᒻᒪᕆᐅᓂᖅᓴᖅᒪᕆᐅᓕᖅᐳᖅ ᖃᖓᐅᓚᐅᕐᓂᖓᓂᑦ ᐅᔾᔨᖅᓱᑦᑎᐊᕈᑦᑕ, ᑲᒪᒋᔭᖃᑦᑎᐊᕈᑦᑕ, ᐃᓄᑦᑎᐊᕙᐅᒍᑦᑕ, ᐃᑲᔪᖅᑐᐃᑦᑎᐊᖃᑦᑕᕈᑦᑕᓗ.

ᖁᔭᓕᔪᒪᕙᒃᑲ ᓄᓇᕗᒻᒥᐅᑦ ᑲᔪᓰᓐᓇᖅᑐᒥᒃ ᐱᕆᖃᑕᐅᑦᑎᐊᖃᑦᑕᖅᓯᓴᓂᖏᓐᓄᑦ ᑐᑭᓯᐅᒪᓂᖏᓐᓄᓪᓗ.

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᖕᓂᕆᔭᖓᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᖁᐊᖅᓵᕐᓇᖅᑐᒧᑦ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑦᑎᓯᒪᕗᑦ:

ᓄᒃᑕᕐᓂᖅ ᐊᕕᒃᓯᒪᓂᐅᒃ ᐅᑭᐅᖅᑕᖅᑐᒥ ᓯᓚᑖᓄᑦ ᒪᐃ 7, 2020−ᖑᖅᐸᑦ

  • ᐱᒋᐊᕐᓗᓂ ᒪᐃ 7, 2020-ᒥ, ᓄᓇᕗᒻᒥᐅᑦ ᓄᓇᕗᑦ ᓯᓚᑖᓄᑦ ᐊᐅᓪᓚᕈᒪᔪᑦ ᑕᒪᓐᓇ CPHO-ᒋᔭᐅᔪᖅ ᓄᒃᑕᕐᓂᕐᒧᑦ ᓄᖅᑲᖅᑎᑦᑎᓯᒪᓂᖅ ᐊᑐᕐᓂᖓᓂ, ᐊᑭᓖᔭᕆᐊᖃᕐᓂᐊᖅᑐᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᓂᕆᔭᒥᓄᑦ ᐊᑐᕆᖃᖅᑕᒥᓂᒃ ᓇᓕᐊᖕᓂᑐᐃᓐᓇᖅ ᓄᓇᕗᑦ ᒐᕙᒪᖓᑕ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᑎᑕᖏᓐᓂ. 
  • ᐊᑭᖓ ᐃᓄᖕᒧᑦ ᐊᑕᐅᓯᕐᒧᑦ ᐃᒡᓗᕈᓯᕐᒥ $2,100−ᖑᕗᖅ, 14-ᓄᑦ ᐅᓪᓗᓄᑦ ᐊᑐᖅᑕᐅᔪᓄᑦ,  ᐊᑐᓂᓪᓗ ᐃᓚᒋᔭᐅᔪᖅ ᐃᓗᕈᓯᕐᒥᐅᑕᐅᖃᑎᒋᔭᐅᒃᑲᓐᓂᖅᑐᖅ ᐊᑭᓖᓂᐊᖅᖢᓂ $1,050−ᓂᒃ.
  • ᓄᑖᙳᕆᐊᖅᓯᒪᔪᓂᒃ ᑐᓴᖅᑎᑦᑎᔪᖃᖃᑦᑕᕐᓂᐊᖅᐳᖅ ᑕᒪᒃᑯᐊ ᒪᓕᒪᓕᕌᖓᑕ.
     

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ, ᓇᖕᒥᓂᕐᓗ ᖃᐅᔨᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ

ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᖅᑐᖅ ᐊᐴᑎᓯᒪᓯᒪᓂᕐᒥᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ ᐅᖃᐅᔾᔭᐅᕗᑦ ᐅᖄᓚᖁᔭᐅᓪᓗᑎᒃ ᓄᕙᒡᔪᐊᕐᓇᕐᒧᑦ−ᐅᖄᕝᕕᐅᔪᓐᓇᖅᑐᒥᒃ ᐅᕗᖓ, 1-888-975-8601−ᒧᑦ  10−ᓗ ᐅᓪᓛᒥᑦ  6−ᓗ ᐅᓐᓄᒃᓴᒧᑦ ᐊᑯᓐᓂᖏᓐᓂ, ᖃᐅᔨᑎᓪᓗᒋᓪᓗ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᖕᒥᓂᒃ ᖃᐅᔨᑎᑲᐅᑎᒋᓗᒋᓪᓗ,  ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᓂᓗ ᐊᖏᕐᕋᖅᓯᒪᓗᓂᓗ 14−ᓄᑦ ᐅᓪᓗᓄᑦ.

ᑭᓇᑐᐃᓐᓇᑦᑎᐊᖅ ᐊᑐᕈᓐᓇᖅᑐᖅ ᖃᕆᑕᐅᔭᒃᑰᕈᓐᓇᐅᑎᒥᒃ ᐱᓕᕆᐊᖃᕈᓐᓇᕆᕗᖅᑕᐅᖅ ᓇᖕᒥᓂᖅ ᐃᑭᐊᖅᑭᕕᒃᑯᑦ ᓇᖕᒥᓂᖅ−ᖃᐅᔨᓴᕈᓐᓇᕐᓂᕐᒥᒃ ᐅᕙᓂ, nu.thrive.health

ᓄᒃᑕᖅᑏᑦ

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐊᓂᑦᑕᐃᓕᔭᕆᐊᖃᖅᑐᓄᑦ ᐃᓂᖏᑦ)

ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᒪᐃ 1-ᒥᑦ ᐱᒋᐊᖅᖢᓂ

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᓯᒪᔪᓄᑦ

187

ᑭᒃᑯᑐᐃᓐᓇᑦ

125

ᑲᑎᖦᖢᒋᑦ

312

 

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᖃᔅᓯᐅᓂᖏᑦ ᓄᑕᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᕐᓗᑎᒃ

ᒪᐃ 1

19

ᒪᐃ 2

7

ᒪᐃ 3

14

ᒪᐃ 4

56

ᒪᐃ 5

14

 

ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ

ᐱᒋᐊᕐᖢᓂ ᐊᐃᐳᕈ 30−ᒥ, 821−ᓂᒃ ᑐᒃᓯᕋᖅᓯᒪᔪᖃᖅᐳᖅ, 626−ᖑᓂᖏᑦ ᐱᔭᕆᐊᖃᒻᒪᕆᒃᑐᓂᒃ ᐃᖅᑲᓇᐃᔭᖅᑎᒃ ᑐᒃᓯᕋᕈᑕᐅᓪᓗᑎᒃ.

ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ

#

%

ᐊᖏᖅᑕᐅᓯᒪᔪᑦ (ᐃᓚᖃᖅᐳᖅ ᐱᒻᒪᕆᐊᓗᖕᓂᑦ ᐱᒻᒪᕆᐅᓗᐊᙱᑦᑐᓂᒡᓗ)

675

82.1%

ᐊᖏᕐᑕᐅᙱᑦᑐᑦ

100

12.2%

ᐅᑕᖅᑭᔪᑦ

47

5.7%

ᑲᑎᖦᖢᒋᑦ

821

100%

 

ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

ᐋᓐᓂᐊᖃᕐᓇᙱᑦᑐᓕᔨᓄᑦ ᐱᔨᑦᑎᕋᕐᓂᕆᔭᐅᕙᒃᑐᓄᑦ ᐃᑲᔪᖅᑕᐅᓂᐅᖃᑦᑕᖅᑐᑦ ᓱᓕ ᐊᑐᐃᓐᓇᐅᔪᑦ ᑕᒪᐃᓐᓄᑦ ᓄᓇᓕᖕᓂ 7-ᓄᑦ ᐅᓪᓗᓄᑦ ᐱᓇᓱᐊᕈᓯᕐᒥ. ᑐᐊᕕᕐᓇᙱᑦᑐᓕᒫᑦ ᑲᒪᒋᔭᕆᐊᓖᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᖃᐅᑕᒫᑦ ᑐᐊᕕᕐᓇᓂᖏᑦ ᒪᓕᓪᓗᒋᑦ. ᑐᐊᕕᕐᓇᖅᑐᓕᕆᔨᓄᑦ ᐋᓐᓂᐊᕕᖕᒥᑦ ᐱᔨᑎᕋᐅᑎᖏᑦ ᓱᓕ ᐊᑐᐃᓐᓇᖏᓐᓇᕐᓂᐊᖅᑐᑦ 24−ᓄᑦ ᐃᑲᕐᕋᓄᑦ, ᐱᓇᓱᐊᕈᓯᓕᒫᑦᑎᐊᖅ. ᐃᓗᐊᖅᓴᖅᑕᐅᔭᕆᐊᖃᖅᑐᓕᒫᑦ ᐅᖄᓚᖃᑦᑕᖁᔭᐅᕗᑦ ᓴᖅᑭᓚᐅᙱᓐᓂᕐᒥᓂ ᐋᓐᓂᐊᕐᕕᖕᒧᑦ.

  • ᐃᖃᓗᖕᓂ, ᐅᖁᒪᐃᓐᓂᕐᓂᐊᕐᕕᒃ, ᑐᐊᕕᕐᓇᖅᑐᓕᕆᕝᕕᒃ ᐃᒡᓗᕈᓯᖅ ᐅᓂᒃᓯᒪᕝᕕᐅᕙᒃᑐᕐᓗ ᒪᑐᐃᖓᐃᓐᓇᕐᓂᐊᖅᑐᑦ.
  • ᖃᓄᐃᙱᑦᑎᐊᖅᑐᓄᑦ ᓄᑕᕋᓛᕐᓄᑦ ᐱᓕᕆᐊᖑᕙᒃᑐᑦ, ᓯᖓᐃᔪᓄᑦ ᑕᑯᔭᐅᕙᒃᑐᑦ ᑲᐱᔭᐅᕙᒃᑐᓪᓗ ᑲᔪᓰᓐᓇᖅᐳᑦ ᓄᓇᕘᓕᒫᒥ.
  • ᓘᒃᑖᑦ ᑲᔪᓰᓐᓇᕐᓂᐊᖅᑐᑦ ᓄᓇᓕᖕᓄᑦ ᐳᓚᕋᖃᑦᑕᕐᓂᖏᑦ. ᑕᒪᓐᓇ ᐊᔪᕐᓇᕐᓂᖅᐸᑦ, ᑕᑯᔭᐅᖃᑦᑕᕐᓂᐊᖅᑐᑦ ᑕᓚᕖᓴᒃᑯᑦ ᐃᓗᐊᖅᓴᖅᑕᐅᓗᑎᒃ ᐅᖄᓚᐅᑎᒃᑯᓪᓘᓐᓃᑦ.
     

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐳᓛᕆᐊᖅᑐᖃᕆᐊᖃᙱᑦᑐᖅ ᕿᑭᖅᑕᓂ ᐋᓐᓂᐊᕕᖕᒧᑦ, ᑕᐃᒃᑯᓄᖓ ᑭᓯᐊᓂ, ᐊᑕᐅᓯᕐᒥᒃ ᐳᓛᖅᑐᖃᕈᓐᓇᖅᐳᑦ ᓯᖓᐃᔪᓄᑦ/ᓇᔾᔨᔪᓄᑦ, ᐅᕝᕙᓘᓐᓃᑦ ᑕᐃᑲᓃᖏᓐᓇᕆᐊᓕᖕᓄᑦ ᐃᓗᐊᖅᓴᖅᑕᐅᕙᒃᑐᓄᑦ, ᐃᓗᐊᖅᓴᐃᔨᓕᐊᕈᔾᔨᓯᒪᔪᓄᓪᓗ ᑕᒪᒃᑯᓄᖓ ᐅᑭᐊᑭᓗᐊᖅᑐᓄᑦ.

ᐃᓂᒃᓴᓕᐅᖅᑐᑦ ᐋᓐᓂᐊᕕᖕᒧᑦ ᑐᐊᕕᕐᓇᕐᓂᕆᔭᖏᑦ ᒪᓕᒃᑕᐅᖃᑦᑕᕐᓂᐊᖅᐳᑦ; ᑕᐃᒪᐃᒻᒪᑦ ᐅᖃᓘᑎᒃᑯᑦ ᐃᓂᒃᓴᓕᐅᖃᑦᑕᕐᓂᐊᖅᐳᑦ ᐅᕝᕙᓘᓐᓃᑦ ᐅᐸᒡᓗᑎᒃ.

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᑦ ᐅᓄᕈᓐᓃᕆᐊᖅᑕᐅᔪᑦ ᑭᓯᐊᓂ ᑐᐊᕕᕐᓇᓐᑐᓄᑦ ᐋᓐᓂᐊᕕᓕᐊᕆᐊᓕᖕᓄᑐᐊᖅ ᐊᐅᓚᖅᑎᑕᐅᖃᑦᑕᕐᓂᐊᖅᑐᑦ. ᑲᒪᒋᔭᐅᕙᒃᑐᑦ ᐅᖃᐅᔾᔪᖅᑕᐅᓂᐊᖅᐳᑦ ᐊᓯᔾᔨᖅᑕᐅᔪᓂᑦ ᐅᖃᖃᑎᒌᖃᑕᐅᓗᑎᒡᓗ ᑐᓴᕆᐊᓕᖏᓐᓂᑦ.

ᐃᖃᓗᖕᓂ, ᐋᓂᐊᕐᕕᓕᐊᖃᑦᑕᖅᑐᓄᑦ ᐊᒻᒪ ᑎᒥᒃᑯᑦ ᐃᖃᐃᓕᓴᕆᐊᓖᑦ ᑕᑯᔭᐅᖃᑦᑕᖅᑐᑦ ᑐᐊᕕᕐᓇᕐᓂᖏᑦ ᒪᓕᓪᓗᒋᑦ ᑕᑯᔭᐅᖃᑦᑕᖅᑐᑦ ᐊᒻᒪ ᑕᑯᔭᒃᓴᓕᐊᖑᓯᒪᔪᓂ ᓱᓕ ᑕᑯᖃᑦᑕᖅᑐᑦ. ᐊᐅᖏᖅᑕᐅᓯᒪᔪᓂᑦ ᖃᐅᔨᓴᕐᕕᖓ ᐊᒻᒪ ᑕᕐᕋᖅᑐᖅᑕᐅᕕᖓ ᕿᑭᖅᑕᓂ ᐋᓐᓂᐊᕕᖕᒥ ᐃᓚᐃᓐᓇᖏᓐᓂᑦ ᑲᒪᖃᑦᑕᕐᓂᐊᖅᑐᑦ. ᑕᒪᕐᒥᑦᑎᐊᖅ ᑕᑯᔭᐅᕝᕕᒃᓴᓖᑦ ᐃᓂᒃᓴᓕᐅᖅᑕᐅᓯᒪᔪᑦ ᑐᐊᕕᕐᓇᓂᖏᑦᑎᒍᑦ ᒪᓕᓪᓗᒋᑦ ᐋᖅᑭᒃᒋᐊᖅᑕᐅᒃᑲᓐᓂᖅᐸᓪᓕᐊᕗᑦ.

ᐃᓱᒪᓕᕆᔨ ᐅᐃᕆᓯᒪᔪᓕᕆᔨᓗ ᓅᓯᒪᓕᖅᐳᑦ ᐅᖄᓚᐅᑎᒃᑯᑦ ᖃᐅᔨᒋᐊᕐᕕᐅᔪᓐᓇᖅᖢᑎᒃ ᐃᑲᔪᖅᑐᐃᓂᕐᒧᓪᓗ ᐃᓚᖏᓐᓄᑦ ᑲᒪᒋᔭᐅᔪᓄᑦ. ᑕᑯᔭᒃᓴᓕᐊᖑᓯᒪᔪᑦ ᐄᔭᒐᖏᓐᓂᑦ ᐊᐃᒃᓯᕆᐊᓖᑦ ᐊᒻᒪ ᑎᑎᖅᑲᓕᕆᔭᕆᐊᓖᑦ ᓱᓕ ᐊᓯᔾᔨᖏᑦᑐᑦ. ᑐᐅᕕᕐᓇᖅᑐᒦᓪᓚᕆᒃᑯᕕᑦ, ᐋᓐᓂᐊᕐᕕᖕᒧᐊᕐᓗᑎᑦ. ᐊᖏᕐᕋᕆᔭᐅᔪᓂ ᐅᐸᒃᓯᕙᖕᓃᑦ ᐃᓗᐊᖅᓴᐃᔭᖅᑐᕐᓗᓂ ᐱᓕᕆᐊᖑᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ ᑕᐃᒪᐃᓕᐅᕆᐊᖃᖅᐸᑕ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᑐᐊᕕᕐᓇᖅᑐᑐᐊᑦ ᑭᒍᑎᓕᕆᔨᒧᑦ ᐱᓕᕆᐊᖑᖃᑦᑕᕐᓂᐊᖅᐳᑦ ᓄᓇᕗᒻᒥ ᓄᓇᓕᓕᒫᓂᑦ ᐊᓯᐊᓂᒃ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.

ᐱᑐᐃᓐᓇᐅᙱᑦᑐᔨᕆᕝᕖᑦ ᐃᓗᐊᖅᓴᖅᑕᐅᓃᑦ ᓄᖅᑲᖅᑎᑕᐅᓯᒪᓕᖅᐳᑦ. ᐱᓕᕆᔪᖃᖅᐸᓪᓕᐊᕗᖅ ᖃᐅᔨᒪᓕᕈᒪᓂᕐᒧᑦ ᓇᓕᐊᒃ ᐃᓗᐊᖅᓴᖅᑕᐅᔭᕆᐊᓖᑦ ᑲᒪᒋᔭᐅᔪᓐᓇᕐᒪᖔᑕ ᐅᖄᓚᐅᑎᒃᑯᑦ/ᖃᕆᓴᐅᔭᒃᑯᑦ ᑲᒪᒋᔭᐅᓗᑎᒃ.

ᐊᐅᓪᓚᕆᐊᓖᑦ ᐱᔭᕆᐊᖃᓪᓚᕆᖏᑦᑐᑦ ᐃᓱᒪᓕᕆᔨᒃᑯᑎᒍᑦ ᐱᓕᕆᕝᕕᐅᕙᒃᑐᓄᑦ ᐃᓚᒌᓐᓄᓪᓗ ᓄᖅᑲᖅᑎᑕᐅᕗᑦ. ᐊᐅᓪᓚᕆᐊᖃᖅᑐᓕᒫᑦ ᖃᑕᙳᑎᒥᓂᒃ ᐋᓐᓂᐊᕐᕕᖕᒦᑦᑐᒥᒃ ᑕᑯᔭᖅᑐᖅᐸᒃᑐᑦ ᓄᖅᑲᖅᑎᑕᐅᔪᑦ.

ᐳᓛᕆᐊᖅᑐᖃᖃᑦᑕᕈᓐᓇᔾᔮᙱᑦᑐᖅ ᐊᕗᖓᑲᓪᓚ ᑲᒪᒋᔭᖃᖅᐸᖕᓂᕐᒧᑦ ᐃᓂᒋᔭᐅᔪᐅᓂ ᓄᓇᕗᒻᒥ − ᑎᒥᒥᒍᑦ ᐃᓕᖅᑯᓯᖅᓱᙱᑦᑐᓄᑦ ᐃᓂᒋᔭᐅᔪᓂ ᐃᓐᓇᐃᓪᓗ ᐊᖏᕐᕋᕆᔭᖏᓐᓂ.

ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ

ᓄᓇᓕᖕᓂ ᒪᓕᒐᓕᕆᔨᑦ

ᑲᔪᓯᑎᑦᑎᕙᖕᓂᕆᔭᕗᑦ ᐱᓕᕆᖃᑎᖃᕐᓂᕐᒥᒃ ᐱᓕᕆᖃᑎᒋᔭᕆᐊᖃᖅᑕᑦᑎᓐᓂᒃ ᐊᑕᐅᓰᓐᓇᓕᓯᒪᐃᓐᓇᖅᐳᖅ ᐊᑐᖅᖢᓂ ᐋᖅᑭᒃᑕᐅᒃᑲᓐᓂᕆᐊᓚᐅᖅᓯᒪᔪᒥᒃ ᑲᔪᓯᑎᑦᑎᕙᖕᓂᕐᒧᑦ ᑲᔪᓯᔾᔪᑕᐅᑲᑦᑕᖅᑐᒥᑦ. ᐊᐴᑎᓯᒪᓗᑎᒃ ᑲᑎᒪᓃᑦ ᑕᒪᒃᑯᓄᖓ ᑭᓯᐊᓂ ᑐᐊᕕᕐᓇᖅᑐᓄᑦ ᐊᔪᕐᓇᙱᑎᑕᐅᕗᑦ, ᑕᐃᓐᓇ ᐱᓕᕆᖃᑎᒋᔭᐅᔪᖅ ᐅᖄᓚᐅᑎᖃᕈᓐᓇᙱᑉᐸᑦ ᑯᐊᖅᓵᕐᓇᙱᑦᑐᒥᓘᓐᓃᑦ ᐃᓂᒥᒃ ᐊᑐᕈᓐᓇᙱᓪᓗᓂ ᐱᓕᕆᔨᑦᑎᓐᓄᑦ ᖃᐅᔨᒋᐊᕆᐊᒃᓴᖅ ᐅᖄᓚᐅᑎᒃᑯᑦ. ᐃᓄᐃᑦ ᐊᐱᕆᔭᐅᕗᑦ ᖃᐅᔨᒋᐊᕐᕕᖃᖁᔭᐅᓪᓗᑎᒃ ᐃᓚᒌᓂ ᐋᓐᓂᖅᓯᔪᖃᖅᐸᖕᓂᖓᓄᑦ ᐱᓕᕆᕝᕕᖃᖔᓕᕐᓂᕐᒧᑦ ᐱᖁᔭᕐᒧᑦ (FAIA) ᐅᖄᓚᕝᕕᐅᔪᓐᓇᖅᑐᒧᑦ ᐊᐱᖅᑯᑎᒃᓴᖃᕐᓂᕈᑎᒃ ᐃᑲᔪᖅᑕᐅᔭᕆᐊᖃᕈᑎᒡᓘᓐᓃᑦᐆᒥᖓ ᓈᓴᐅᒻᒥᒃ ᐊᑐᕐᓗᑎᒃ, 1-844-534-1038. ᑕᒪᓐᓇ ᐅᖄᓚᓂᖅ ᖃᐅᔨᓴᖅᑕᐅᓂᐊᖅᐳᖅ ᖃᐅᔨᒪᓕᕈᒪᓂᕐᒧᑦ ᐃᑲᔪᖅᑕᐅᔭᕆᐊᖃᕐᓂᕐᒧᑦ ᐱᔭᐅᔭᕆᐊᓕᖕᒧᑦ ᑐᕌᖅᑎᑕᐅᓗᓂ ᓄᓇᓕᖕᓂ ᐱᑐᐃᓐᓇᐅᙱᑦᑐᓕᕆᓂᕐᒧᑦ ᑖᓐᓇᓗ ᐃᑲᔪᕈᓐᓇᖅᖢᓂ ᐱᓇᔫᑎᒋᔭᐅᔪᓄᑦ ᐊᑐᖅᑕᐅᔪᓐᓇᖅᑐᓂᒡᓗ ᓇᓗᓇᐃᖅᓯᔪᓐᓇᖅᖢᓂ. 

ᓄᓇᓕᖕᓂ ᐃᑲᔪᖅᑕᐅᕕᑦ

ᓄᓇᓕᖕᓂ ᑎᒍᔭᐅᓯᒪᔪᓕᕆᔨᑦ ᐊᒡᓚᕝᕕᖏᑦ ᑭᒃᑯᑐᐃᓐᓇᓄᑦ ᒪᑐᓯᒪᔪᑦ ᑭᓯᐊᓂ ᑐᓴᖅᑎᑦᑎᔾᔪᑕᐅᒃᑲᓐᓂᖅᐸᑦ. ᓄᓇᓕᖕᓂ ᑎᒍᔭᐅᓯᒪᔪᓕᕆᔨᒧᑦ ᑕᑯᔭᐅᖃᑦᑕᖅᑐᑦ ᐅᖃᓘᑎᒃᑯᑦ ᑐᓴᖅᑎᑦᑎᔭᕆᐊᖃᖅᐳᑦ ᐊᕕᒃᑐᖅᓯᒪᔪᓂ ᐊᐅᓚᑦᑎᔨᖓᓄᑦ.

ᖃᐅᔨᒋᐊᕐᕕᐅᔪᓐᓇᖅᑐᑦ ᑎᑎᕋᖅᓯᒪᔪᑦ ᐅᕙᓂ ᓇᓂᔭᐅᔪᓐᓇᖅᐳᑦ: https://www.gov.nu.ca/justice

 

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᐱᔨᑦᑎᕈᑎᖏᑦ

1,285 −ᓂᒃ ᐃᓗᐊᖅᓴᐃᔨᓯᐅᑕᐅᙱᑦᑐᓂᒃ ᒪᑐᐊᖅᓯᒪᔾᔪᑎᓂᒃ ᓇᒃᓯᐅᔾᔨᔪᖃᖅᓯᒪᕗᖅ ᒥᑦᑎᒪᑕᓕᖕᒥᐅᓄᑦ, ᐃᑲᔪᕈᒪᓂᕐᒧᑦ  ᓄᓇᕗᑦ ᒐᕙᒪᖓᑕ ᑐᐊᕕᕐᓇᖅᑐᒧᑦ ᑭᐅᓯᓂᕆᔭᖓᓄᑦ ᓇᓗᓇᐃᖅᑕᐅᓯᒪᓪᓚᑦᑖᖅᑐᒧᑦ ᓄᕙᒡᔪᐊᕐᓇᖅ-19−ᑕᖃᕐᓂᖓᓂᒃ ᑕᐃᑲᓂ ᓄᓇᓕᖕᓂ.

ᑕᒪᓐᓇ ᓇᒃᓯᐅᔾᔨᓂᖅ ᐃᓚᖃᖅᑎᑕᐅᓚᐅᖅᐳᖅ ᒪᓕᒃᑕᐅᕙᓪᓕᐊᔭᕆᐊᓕᖕᓂᒃ ᐊᑐᕐᓂᐊᕐᓗᓂ ᒪᑐᐊᖅᓯᓯᒪᔾᔪᑎᓂᒃ − ᓄᓇᕗᑦ ᐅᖃᐅᓯᖏᑎᒍᑦ ᐃᓕᓴᕆᔭᐅᓯᒪᔪᑎᒎᖓᓪᓗᑎᒃ.

ᒪᑐᐊᖅᓯᓯᒪᔾᔪᑎᓂᒃ ᑐᓂᐅᖅᑲᐃᓂᖅ ᑕᒪᒃᑯᓄᖓ ᐊᑐᖅᑕᐅᓪᓚᕆᒋᐊᖃᖅᐸᒃᑐᓄᑦ ᐱᔨᑦᑎᕋᖅᑎᓄᑦ ᐃᖅᑲᓇᐃᔭᖅᑎᓄᑦ, ᓯᕗᓪᓕᐹᒥᒃ, ᐃᓐᓇᕐᓄᑦ, ᐃᓄᖕᓄᑦ ᐋᓐᓂᐊᖃᕐᓂᕐᒧᑦ ᐱᔾᔪᑎᖃᖅᑐᓄᑦ,  ᑭᒃᑯᑐᐃᓐᓇᓄᓪᓗ, ᐊᐅᓇᑕᐅᓂᐊᖅᐳᖅ ᕼᐋᒻᒪᓚᒃᑯᓐᓄᑦ ᒥᑦᑎᒪᑕᓕᖕᒥᐅᓄᑦ.

ᑕᒫᓂ ᐊᕕᒃᓯᒪᓂᕐᒥ ᒪᑐᐊᓯᓯᒪᔾᔪᓯᐅᕐᓂᖅ ᑐᓂᐅᖅᑲᐃᓂᕐᒧᓪᓗ ᐊᔪᙱᓐᓂᕆᔭᐅᔪᖅ ᐊᔪᙱᕝᕕᐅᓯᒪᓕᖅᐳᖅ ᒪᑐᐊᓯᓯᒪᔾᔪᓯᐅᓂᕐᒥᒃ 2000-ᓗ 3000−ᓗ ᐊᑯᓐᓂᖏᓐᓂ ᐅᓄᖅᑎᒋᔪᓂᒃ ᐃᓗᐊᖅᓴᐃᔨᓯᐅᑕᐅᙱᑦᑐᓂᒃ ᒪᑐᐊᓯᓯᒪᔾᔪᑎᓂᒃ ᐱᓇᓱᐊᕈᓯᑕᒡᒫᑦ.

ᑲᑎᖦᖢᒋᑦ 20−ᓂᒃ ᒥᖅᓱᖅᑎᓂᒃ ᐃᓚᐅᔪᖃᖅᓯᒪᓕᖅᐳᖅ ᑕᒪᑐᒧᖓ ᐱᓕᕆᓂᕆᔭᐅᔪᒧᑦ, ᒥᖅᓱᖅᑎᒃᑲᓐᓂᕐᓂᒃ ᐊᖏᖃᑎᒡᒋᒍᑎᖃᖅᑐᖃᖅᖢᓂ ᑕᒪᑐᒪᓂ ᐱᓇᓱᐊᕈᓯᕐᒥ, ᑕᒪᓐᓇ ᑕᐃᒪᐃᑦᑐᓕᐅᕐᓂᑦ ᐅᑯᓄᙵᖅᑎᑕᐅᒃᑲᓐᓂᖅᑎᓪᓗᒍ ᓄᓇᓕᖕᓄᑦ, ᑲᖏᖅᖠᓂᖅ, ᑕᓗᕐᔪᐊᖅ, ᐸᓐᓂᖅᒡᑐᕐᓗ, (ᐅᑯᑎᒎᓇᖅ, ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᑦ ᐱᓕᕆᕝᕕᒋᑲᓐᓂᖅᑕᖏᑎᒍᑦ).

ᓄᓇᕗᑦ ᒐᕙᒪᖓ ᐋᖅᑭᒃᓯᓯᒪᓕᖅᐳᑦ ᐃᒪᐃᑦᑐᓂᒃ, "ᖃᓄᖅ ᐊᑐᖅᑐᖃᕋᔭᕐᒪᖔᑦ ᒪᑐᐊᖅᓯᓯᒪᔾᔪᑎᒥᒃ ᒪᓕᒃᐸᓪᓕᐅᔭᕆᐊᓕᖕᒥᒃ, ᐊᒻᒪᓗᑦᑕᐅᖅ, "ᖃᓄᖅ ᒪᑐᐊᖅᓯᓯᒪᔾᔪᑎᒥᒃ ᐊᑐᖅᑐᖃᕋᔭᕐᒪᖔᑦ ᒪᓕᒃᑕᐅᕙᓪᓕᐊᔭᕆᐊᓕᖕᒥᒃ". ᑕᒪᕐᒥᒃ ᑖᒃᑯᐊᒃ ᒪᓂᒪᕗᒃ ᓄᓇᕗᑦ ᒐᕙᒪᖓᑕ ᐃᑭᐊᖅᑭᕕᖓᓂ ᑕᒪᐃᑎᒍᑦ ᐅᖃᐅᓯᖅᑎᒍᑦ ᐃᓕᓴᕆᔭᐅᓯᒪᔪᑎᒎᖓᓪᓗᑎᒃ ᐅᕙᓂ https://gov.nu.ca/health/information/covid-19-novel-coronavirus

 

ᓄᓇᕗᒻᒥᐅᑦ ᖃᓄᐃᙱᑦᑎᐊᕈᓐᓇᕐᓂᖏᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐅᐊᓴᖅᐸᒡᓗᒋᑦ ᖄᕆᔭᐅᔪᓪᓗ, ᐊᑐᖅᐸᒡᓗᑎᒃ ᑭᒃᑯᑐᐃᓐᓇᓂᒃ ᖃᓂᒃᓴᓗᐊᖅᑕᐃᓕᒪᓂᕐᒥᒃ, ᓈᓚᒃᐸᒡᓗᑎᓪᓗ ᐅᖃᐅᔾᔪᐃᔾᔪᑕᐅᔪᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᓂᑦ, ᐊᖏᕐᕋᖅᓯᒪᕙᒡᓗᑎᒡᓗ ᖃᓂᒪᔭᕌᖓᕕᑦ.