ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 6, 2020

ᓄᕕᐱᕆ 06, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ

ᓯᕗᓕᖅᑎᐅᑉ ᑐᓴᒐᒃᓴᖏᑦ ᓄᑖᑦ

ᐅᓐᓄᒃᓴᒃᑯᑦ. ᓯᕗᓪᓕᕐᒥᒃ ᑕᒪᓐᓇ ᐊᑐᖅᑕᐅᒐᔪᒃᑐᑎᒍᑦ ᓄᑖᙳᕆᐊᖅᑎᑦᑎᓂᐊᓚᐅᕋᓗᐊᖅᐳᖅ, ᑭᓯᐊᓂ ᖃᐅᔨᒪᓕᖅᑎᓪᓗᓯ, ᓇᓗᓇᐃᖅᓯᒪᓪᓚᕆᒃᑐᒥᒃ ᐱᑕᓕᖕᒥᑦ ᓄᕙᒡᔪᐊᕐᓇᖅ-19-ᒥᒃ ᓇᓗᓇᐃᖅᑕᐅᓯᒪᔪᖃᓕᐳᖅ ᓴᓂᑭᓗᐊᒥ. ᑖᓐᓇ ᓄᓇᕗᒻᒥᐅᓂᑦ ᓯᕗᓪᓕᖅᐸᐅᑦᑎᐊᖅᖢᓂ ᓇᓗᓇᐃᖅᑕᐅᓪᓚᕆᒃᐳᖅ ᑕᐃᒪᐃᑦᑑᓂᖓᓂᒃ.

ᑭᒡᒐᖅᑐᖅᖢᒋᑦ ᓄᓇᕗᑦ ᒐᕙᒪᒃᑯᖏᑦ, ᓇᒃᓯᐅᔾᔨᕗᖓ ᖃᓄᐃᙱᖁᓪᓗᒍ ᑕᐃᓐᓇ ᑕᐃᒪᐃᑦᑐᓕᒃ, ᐃᓚᖏᑦ, ᓄᓇᓕᖕᒥᐅᓕᒫᓪᓗ. ᐃᓱᒪᒥᐅᑕᕆᕙᑦᑎᒋᑦ ᑕᒫᓃᑉᐳᒍᓪᓗ ᐃᑲᔪᕈᒪᓪᓗᑕ.

ᓄᓇᕗᑦ ᒫᓐᓇ ᓇᓗᓇᐃᖅᑕᐅᓯᒪᓪᓚᕆᒃᑐᒥᒃ ᐱᑕᖃᓕᖅᐳᖅ ᓄᕙᒡᔪᐊᕐᓇᖅ-19−ᒥᒃ. ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 3803−ᖑᓕᖅᑐᑦ. 583 ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ.

ᓘᒃᑖᖅ ᐹᑐᓴᓐ ᐅᐊᑦᑎᐊᕈᑦᑎᐊᖅ ᐅᖃᓪᓚᖕᓂᐊᖅᐳᖅ ᑭᓱᓂᒃ ᖃᐅᔨᒪᔭᖃᕐᒪᖔᑦᑕ ᒫᓐᓇᒧᑦ ᑎᑭᖦᖢᒍ ᖃᓄᐃᓕᐅᖅᑕᐅᔭᕆᐊᖃᕐᓂᐊᓕᖅᑐᓄᓪᓗ ᑐᔾᔭᖅᓯᓂᐊᕐᓗᓂ ᓯᐊᒻᒪᒃᑎᕆᑦᑕᐃᓕᓂᐊᕐᓗᓂᓗ ᑕᒪᑐᒥᖓ ᖃᓂᒪᓐᓇᒥᒃ.

ᓄᓇᕗᒻᒥᐅᑦ, ᐃᖅᑲᐅᒪᓂᐊᕐᐳᓯ, ᓇᓗᓇᐃᕐᑕᐅᓯᒪᔪᖃᖅᐸᑦ ᓄᓇᓕᖕᓂᑦ ᐅᐃᒻᒪᒋᐊᖃᙱᓚᑦ. ᐃᓅᖃᑎᓐᓂᑦ ᐅᖓᓯᒋᔭᖃᐃᓐᓇᕆᑦᑎ, ᐊᒡᒐᓯᓗ ᐅᐊᓴᑦᑎᐊᕐᓗᒋᑦ, ᐊᒻᒪ ᐊᖏᕐᕋᖅᓯᒪᓗᑎᑦ ᖃᓂᒪᒍᕕᑦ. ᐃᓱᓕᑦᑕᖅᑎᓪᓗᒍ ᐊᐴᑎᓂᕆᕙᒃᑕᐃᑦ ᐃᓄᖕᓄᑦ ᐊᓯᖕᓄᑦ.

ᒫᓐᓇᓕ ᑕᕝᕙ ᑭᓇᑐᐃᓐᓇᒥᒃ ᐸᓯᔭᕆᐊᖃᙱᓚᒍᑦ, ᑲᙳᓵᕆᔭᕆᐊᖃᙱᓚᒍᓪᓗ. ᓯᐊᒻᒪᒃᑎᕆᑦᑕᐃᓕᒋᑦ ᓱᓕᙱᑦᑐᓂᒃ ᑐᓴᕐᓂᑦᓗᒃᑕᐅᔪᓐᓇᖅᑐᓂᒡᓘᓐᓃᑦ. ᑕᒪᒃᑯᐊ ᐱᔾᔪᑎᖃᙱᓚᑦ ᑭᓇᑐᐃᓐᓇᑦᑎᐊᕐᒥᒡᓗ ᐃᑲᔪᖅᑐᐃᙱᖦᖢᑎᒃ.

ᖁᔭᓐᓇᒦᖑᓕᒫᖑᔪᓯ ᐱᓕᕆᐊᖃᓪᓚᕆᒍᒪᐃᓐᓇᖃᑦᑕᕋᔅᓯ ᒪᓕᖕᓂᕐᒥᒃ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑐᖅᑎᑕᑦᑎᓐᓂᒃ. ᑭᒃᑯᑐᐃᓐᓇᓄᑦ ᐱᓕᕆᐊᒃᓴᒥᓂᒃ ᐱᓕᕆᔪᓄᑦ, ᑕᐃᒪᐃᓕᐅᙱᓐᓴᕆᔅᓯ!

ᑖᖅᑐᒧᐊᖅᐸᓪᓕᐊᓕᖅᑎᓪᓗᑕ ᐃᓯᖅᓯᒪᒐᔪᖕᓂᖅᓴᐅᓂᐊᓕᕐᒥᑎᓪᓗᑕᓗ, ᑕᐅᑐᒐᖃᑦᑎᐊᕆᐊᖃᖅᐳᒍᑦ ᐅᔾᔨᖅᓱᐃᓐᓇᕐᓗᑕᓗ ᑕᒪᓐᓇ ᐱᒋᐊᖅᑎᒃᑲᓐᓂᕐᓗᒍ.

ᖃᓄᐃᙱᑦᑎᐊᕆᑦ. ᖃᓄᐃᙱᑦᑎᐊᖏᓐᓇᕆᑦ. ᐊᑦᑕᕐᓇᖅᑐᒦᑦᑕᐃᓕᒋᑦ. ᐳᐃᒍᖅᑕᐃᓕᒋᑦ − ᖃᓄᐃᓕᐅᕐᓂᕆᔭᕐᓂᒃ. ᑭᒃᑯᓕᒫᑦ ᖃᓄᐃᙱᑦᑎᐊᕈᓯᖏᑦ.

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᓄᑖᙳᕆᐊᖅᑎᑕᖏᑦ

ᐅᓐᓄᓴᒃᑯᑦ,

ᐅᓪᓗᒥ ᐱᖅᑲᐅᕗᒍᑦ ᑕᐃᒪᐃᓪᓚᕆᖕᓂᕋᐃᔪᓂᒃ ᖃᐅᔨᒪᔭᐅᓕᖅᑐᓂᒃ ᐱᑕᖃᓪᓚᕆᖕᓂᖓᓂᒃ ᓄᕙᒡᔪᐊᕐᓇᖅ-19−ᒥᒃ ᓴᓂᑭᓗᐊᒥ.

ᑕᐃᓐᓇ ᐃᓄᒃ ᐃᓚᖏᓪᓗ ᐅᐸᒃᑕᐅᑦᑕᐃᓕᒪᔪᒦᑉᐳᑦ. ᐱᒋᐊᖅᑎᑦᑎᓯᒪᕗᒍᑦ ᐊᒃᑐᖅᑕᐅᔪᓂᒃ ᑐᔾᔭᖅᓯᓂᕐᒥᒃ ᓄᓇᓕᖕᓂ ᑐᐊᕕᕐᓇᖅᑐᒧᓪᓗ ᑭᐅᓯᓂᕐᒧᑦ ᐱᓕᕆᔨᕗᑦ ᐅᑕᖅᑭᕗᑦ ᐃᑲᔪᕈᒪᓪᓗᑎᒃ ᐊᐅᓚᑦᑎᓂᕐᒥᒃ ᑕᒪᑐᒥᖓ ᖃᓄᐃᓕᖓᓂᕆᔭᐅᔪᒥᒃ ᑕᐃᒪᐃᑦᑕᕆᐊᖃᓕᕐᓂᕈᑎᒃ

ᐅᓪᓗᒥ ᐅᓐᓄᒃᓴᒥ ᐱᒋᐊᖅᖢᓂ, ᑕᒪᕐᒥᑦᑎᐊᖅ ᓄᒃᑕᕐᓂᕆᔭᐅᔪᑦ ᑕᖓᓄᖓ ᑕᐃᑲᙵᓪᓗ Belcher Islands−ᓂᑦ, ᐃᓚᒋᔭᐅᓪᓗᓂ ᕼᐋᒻᓚᒋᔭᐅᔪᖅ ᓴᓂᑭᓗᐊᒥᐅᓄᑦ ᖃᓄᑐᐃᓐᓇᑦᑎᐊᖅ ᐊᔪᓕᖅᑎᑕᐅᕗᖅ.
ᑭᑭᑕᐅᔪᖃᕈᓐᓇᖅᐳᖅ ᑐᐊᕕᕐᓇᖅᑐᒧᑦ ᐋᓐᓂᐊᕕᓕᐊᕐᓗᓂ ᓄᒃᑕᕐᓂᕐᒧᑦ, ᐃᓯᕐᕕᒋᓪᓚᕆᖕᓂᐊᕐᓗᒍ ᐅᓗᐃᖅᓴᐃᔭᖅᑐᕐᕕᒋᓗᒍ, ᖃᖓᑕᓲᓂᒃ ᑐᐅᕕᕐᓇᖅᑐᓂᒃ, ᑎᑭᑎᑕᐅᔭᕆᐊᓕᖕᓄᓪᓗ. ᐊᖑᓇᓱᒃᑎᑦ ᓄᓇᓕᖕᓂᑦ ᐊᐅᓪᓚᕈᓐᓇᖃᑦᑕᖅᐳᑦ ᑭᓯᐊᓂᓗ ᓄᒃᑕᕆᐊᖃᙱᓚᑦ ᐊᓯᖏᓐᓄᑦ ᓄᓇᓕᖕᓄᑦ ᐃᓄᖃᖅᑐᒧᓪᓘᓐᓃᑦ ᐃᓂᒧᑦ Belcher Islands ᓯᓚᑖᓃᑦᑐᒧᑦ.

ᐃᒪᐃᖁᔨᔪᖃᕋᔭᕆᕗᖅᑕᐅᖅ, ᑕᒪᒃᑯᐊ ᐊᖑᓇᓱᒃᑏᑦ ᓄᓇᓕᖕᓂᑦ ᐊᐅᓪᓚᖅᑐᑦ ᓇᐅᑦᑎᖅᓱᖅᓯᑦᑎᐊᕐᓗᑎᒃ ᖃᓄᑐᐃᓐᓇᖅ ᖃᐅᔨᔾᔪᑕᐅᔪᓐᓇᖅᑐᓄᑦ ᐅᑎᕐᓗᑎᒡᓗ ᐊᖏᕐᕋᒥᓄᑦ ᐋᓐᓂᐊᓂᖅᑕᖃᓕᕈᑎᒃ.

ᐊᒻᒪᓗᒃᑲᓐᓂᖅᑕᐅᖅ, ᑕᒪᕐᒥᑦᑎᐊᖅ ᑮᓇᐅᔭᓕᐅᕋᓱᒃᑏᑦ ᑮᖕᓇᐅᔭᓕᐅᕋᓱᒃᑎᐅᙱᑦᑐᓪᓗ ᓇᖕᒥᓂᕆᔭᐅᔪᑦ ᓴᓂᑭᓗᐊᒥ ᒪᑐᔭᕆᐊᖃᖅᐳᑦ, ᑭᑭᑕᐅᓗᑎᒃ ᓂᕿᑖᕐᕖᑦ ᓂᐅᕕᕐᕖᑦ; ᐅᖅᓱᐊᓗᖕᒧᑦ ᓄᓇᓯᐅᑎᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐃᓂᓄᑦ, ᑲᓇᑕᒥ ᑎᑎᖃᕐᓂᐊᕐᕕᒃ; ᑮᓇᐅᔭᓄᑦ ᐃᓂᒋᔭᐅᕙᒃᑐᑦ. ᓂᕆᔭᖅᑐᕐᕖᑦ ᒪᑐᐃᙶᖅᑐᑦ ᐊᓂᑦᑎᕝᕕᒋᓂᐊᕐᓗᒋᑦ ᒪᑐᐃᙶᕈᓐᓇᖅᐳᑦ ᓲᖑᔪᓂᒃ ᒪᓕᒐᖃᕐᓗᑎᒃ, ᐅᑯᐊ ᐃᓚᒋᔭᐅᓗᑎᒃ, ᑕᒪᕐᒥᑦᑎᐊᖅ ᓂᐅᕕᕆᐊᖅᓯᒪᔪᑦ 2 ᒦᑕᓂᒃ ᐅᖓᓯᒌᒃᑎᒋᖃᑦᑕᕆᐊᖃᖅᐳᑦ ᖃᖓᓕᒫᑦᑎᐊᒃᑯᑦ 10 −ᓗ ᐅᖓᑖᓃᑦᑐᑦ ᐃᓄᐃᑦ ᐱᔪᓐᓴᖅᑎᑕᐅᕗᑦ ᑐᑭᓕᕇᓕᕐᓂᕐᒥᒃ ᖃᖓᓕᒫᑦᑎᐊᒃᑯᒃ.

ᐊᒻᒪᓗᒃᑲᓐᓂᖅᑕᐅᖅ, ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ, ᐃᓚᒋᔭᐅᓪᓗᓂ ᓄᓇᕗᒻᒥ ᓯᓚᑦᑐᖅᓴᕐᕕᒃ, ᒐᕙᒪᑐᖃᒃᑯᑦ, ᐊᕕᒃᓯᒪᓂᕐᒥᒃ ᒐᕙᒪᒃᑯᑦ, ᓄᓇᓕᖕᓂᓗ ᒐᕙᒪᐃᑦ ᑎᑎᖃᕐᕕᖏᑦ ᒪᑐᔭᕆᐊᖃᖅᐳᑦ ᑭᓯᐊᓂ ᑕᒪᒃᑯᓄᖓ ᐱᓕᕆᐊᖑᓪᓚᕆᒋᐊᓕᖕᓄᑦ ᐱᓕᕆᐊᒃᓴᓄᑦ.

ᑕᒪᕐᒥᑦᑎᐊᖅ ᑲᑎᓐᓂᕆᔭᐅᔪᑦ ᐃᓱᓕᑦᑕᖅᑎᑕᐅᕗᑦ ᑕᓪᓕᒪᓄᑦ ᐃᓄᖕᓄᑦ ᑲᑎᑦᑐᖃᖃᑦᑕᔾᔮᙱᓚᕐᓗ ᐊᖏᕐᕋᕆᔭᐅᔪᓂ.

ᒫᓐᓇᐅᔪᒃᑯᑦ, ᑭᒃᑯᑐᐃᓐᓇᓄᑦ ᓄᒃᑕᕐᕕᐅᕙᒃᑐᑦ ᐃᓃᑦ ᓄᓇᑦᑎᐊᒥᑦ, ᑰᒡᔪᐊᕌᓗᖕᒥᑦ, ᒪᓂᑑᐸᒥᒃ ᓱᓕ ᒪᑐᐃᙶᖅᐳᑦ ᓄᒃᑕᕐᓂᕐᒧᑦ ᐊᓯᖏᓐᓂᑦ ᓄᓇᓕᖕᓂᑦ.

ᖃᐅᔨᑎᒃᑲᓐᓂᕈᒪᕙᒃᑲ ᓄᓇᕗᒻᒥᐅᑦ ᑭᐅᓯᓂᑦᑎᓐᓂᑦ ᑐᐅᕕᖅᖢᑕ ᑕᒪᑐᒧᖓ ᑕᐃᒪᐃᓐᓂᕆᔭᐅᔪᒧᑦ, ᐃᖅᑲᐃᑎᖦᖢᑎᒍᓪᓗ ᒫᓐᓇ ᑕᕝᕙ ᐃᑲᔪᖅᑐᐃᔭᕆᐊᖃᕐᓂᐅᕗᖅ, ᐃᓄᑦᑎᐊᕙᐅᓗᓂ ᑐᑭᓯᐅᒪᓗᓂᓗ.

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑎᖏᑦ

ᑭᓯᐊᓂ ᑐᐊᕕᕐᓇᖅᐸᑦ, ᐊᐱᕆᕙᕗᑦ ᐃᓄᖏᑦ ᓴᓂᑭᓗᐊᒥᐅᑦ ᐅᖄᓚᖃᑦᑕᖁᓗᒋᑦ ᓯᕗᓪᓕᕐᒥᒃ ᐋᓐᓂᐊᕕᓕᐊᕐᕕᖕᒧᑦ ᖃᓄᐃᓕᐅᕆᐊᖃᕐᓂᕐᒥᒡᓗ ᐅᖃᐅᔾᔪᖅᑕᐅᓗᑎᒃ. ᑭᓇᑐᐃᓐᓇᑦᑎᐊᖅ ᐊᐱᖅᑯᑎᒃᓴᓕᒃ ᓄᕙᒡᔪᐊᕐᓇᖅ-19-ᒧᑦ ᐊᐱᕆᔭᐅᕗᑦ ᐅᖄᓚᖁᔭᐅᓪᓗᑎᒃ ᐅᕗᖓ ᐅᖄᓚᒡᕕᐅᔪᓐᓇᖅᑐᒧᑦ, 1-888-975-8601.

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐃᓄᑐᐊᒃᑯᕕᖕᒦᑦᑐᑦ)  
ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᓄᕕᐱᕆ 5−ᒥ ᐱᒋᐊᖅᖢᓂ
ᐋᓐᓂᐊᕐᕕᓕᐊᖅᑐᑦ 431
ᑭᒃᑯᑐᐃᓐᓇᑦ 243
ᑲᑎᖦᖢᒋᑦ 674


ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐃᓄᑐᐊᒃᑯᕕᖕᒦᑦᑐᑦ
ᓄᕕᐱᕆ 6 46
ᓄᕕᐱᕆ 7 0
ᓄᕕᐱᕆ 9 32
ᓄᕕᐱᕆ 10 80
ᓄᕕᐱᕆ 11 41
ᑲᑎᖦᖢᒋᑦ 199

 

ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ

ᓄᕕᐱᕆ 5−ᒥ ᐱᒋᐊᖅᖢᒍ, 7943−ᓂᒃ ᑐᒃᓯᕋᖅᑐᖃᓚᐅᖅᐳᖅ, 3933−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.
 

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ # %
ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ) 5595 66.9%
ᐊᖏᖅᑕᐅᙱᑦᑐᑦ 279 3.3%
ᐅᑕᖅᑭᔪᑦ 208 2.5%
ᐊᐅᓪᓚᕐᕕᐅᔪᓐᓇᕐᑐᑦ ᐊᑐᖅᑕᐅᒐᔪᒃᑐᓄᑦ ᐊᖏᖅᑕᑦ 2283 27.3%
ᑲᑎᖦᖢᒋᑦ 7943 100%

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐃᓕᓐᓂᐊᕐᕕᓕᒫᑦ

ᒪᓕᒃᖢᒍ ᓄᓇᕗᒻᒥᐅᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖓᑦ, ᐃᓕᓐᓂᐊᕐᕕᒃᐳᑦ ᒫᓐᓇ ᖃᓄᐃᓕᖓᓂᖓ 4−ᒦᑉᐳᖅ: ᓄᓇᓕᖕᓂ ᓯᐊᒻᒪᒃᐸᓪᓕᐊᑎᑕᐅᔪᖅ ᓄᕙᒡᔪᐊᕐᓇᖅ-19 ᑐᓴᖅᑎᑕᐅᒃᑲᓐᓂᒪᐅᙱᓐᓂᕐᒥᓂ.

ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓴᓂᑭᓗᐊᒥ ᒪᑐᕗᑦ ᐃᓕᓐᓂᐊᖅᑎᓄᑦ, ᐃᖅᑲᓴᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᑐᓴᖅᑎᑦᑦᑎᔪᖃᒃᑲᓐᓂᓚᐅᙱᓐᓂᖓᓂ ᑕᐃᑲᙵᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ. ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ ᓴᓂᑭᓗᐊᒥ ᐅᐸᒃᓯᒪᙱᓪᓗᒋᑦ.

ᐃᓕᓴᐃᔩᑦ/ᐃᓕᓐᓂᐊᕐᕕᖕᒥ ᐃᖅᑲᓇᓴᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.

ᑕᑯᔪᒪᒍᕕᑦ ᖃᓄᖅ ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᖅᑎᓂᒃ ᓴᐳᔾᔨᓯᒪᖃᑦᑕᕐᒪᖔᑕ, ᐅᕗᙵᕈᓐᓇᖅᐳᓯ: gov.nu.ca/education.

ᐃᓕᓐᓂᐊᕐᕕᐅᑉ ᒪᑐᔭᐅᓂᖓ ᓴᓂᑭᓗᐊᒥ ᐊᒃᑐᖅᓯᔾᔮᙱᑦᑐᖅ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᕙᖕᓂᖏᓐᓂᒃ.

ᐱᓕᕆᕝᕕᒋᔭᐅᔪᖅ ᐃᒪᐃᖁᔨᓇᔭᖅᐳᖅ ᓴᓂᑭᓗᐊᒥ ᐃᓕᓐᓂᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐅᐸᖃᑦᑕᙱᓪᓗᑎᒃ ᐃᖅᑲᓇᐃᔭᕕᖕᒥᓄᑦ.

ᑮᓇᐅᔭᖃᖅᑎᑕᐅᓂᖏᑦ ᓴᓂᑭᓗᐊᒥ ᐃᓕᓐᓂᐊᖅᑐᓕᕆᔨᒃᑯᑦ ᐊᒃᑐᖅᑕᐅᔾᔮᙱᓚᑦ, ᓴᓂᑭᓗᐊᒥᓗ ᐃᓕᓐᓂᐊᖅᑐᓕᕆᔨᒃᑯᑦ ᑎᓕᐅᖅᑕᐅᕗᑦ ᑲᔪᓯᐊᖏᓐᓇᖁᔭᐅᓪᓗᑎᒃ ᐊᑭᓕᖅᓱᐃᓂᕐᒥᒃ ᐃᖅᑲᓇᐃᔭᖅᑎᒥᓂᒃ ᐊᑐᖅᐸᒃᑕᒥᑎᑐᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐱᑕᖃᓪᓚᕆᓕᕐᓂᖓᓄᑦ ᓄᕙᒡᔪᐊᕐᓇᖅ-19-ᒥᒃ, ᐸᐃᕆᕝᕖᑦ ᓴᓂᑭᓗᐊᒥ ᒪᑐᖁᔭᐅᓯᒪᕗᑦ ᑕᐃᔅᓱᒪᙵᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒥᑦ.

ᓄᓇᕗᑦ ᒐᕙᒪᖓᑕ ᑮᓇᔭᖃᖅᑎᑕᖓ ᓚᐃᓴᓕᖕᓄ ᐸᐃᕆᕝᕕᖕᓄᑦ ᐃᓂᓄᑦᓴᓂᑭᓗᐊᒥ ᑲᔪᓰᓐᓴᕐᓂᐊᖅᐳᖅ ᐊᑐᖅᑕᐅᕙᒃᑐᑎᑐᑦ.

 

ᐃᓄᓕᕆᔨᒃᑯᑦ

ᓄᑕᖅᑲᑦ ᑲᒪᒋᔭᐅᑦᑎᐊᕐᓂᖏᓐᓄᑦ ᓴᐳᒻᒥᔭᐅᓂᖏᑦ

ᐃᓱᒫᓘᑎᖃᕌᖓᔅᓯ ᓄᑕᖅᑲᑦ ᐊᒻᒪ/ᐅᕝᕙᓘᓐᓃᑦ ᒪᒃᑯᒃᑐᑦ ᖃᓄᐃᓕᖓᓂᖏᓐᓂᒃ, ᐅᖃᓗᖃᑦᑕᕆᔅᓯ ᓄᓇᔅᓯᓐᓂ ᐃᓄᓕᕆᔨᓄᑦ.

• ᖃᑕᙳᑎᒌᓄᑦ ᐃᓅᓯᕆᒃᑐᓕᕆᔨ (867) 266-8738
• ᐊᖏᔪᖅᑳᖅ ᐃᓚᒌᓄᑦ ᖃᓄᐃᙱᑦᑎᐊᖅᑐᓕᕆᔨᑦ (867) 857 3201 ᐅᕝᕙᓘᓐᓃᑦ (867) 857 6786
• ᓄᓇᕗᓕᒫᒥ ᐅᖄᓚᕝᕕᒃᓴᑦ: 1-844-FW-CHILD (1-844-392-4453)

ᐃᓱᒫᓘᑎᖃᕈᕕᓪᓘᓐᓃᑦ ᓄᑕᖅᑲᓄᑦ ᐅᕝᕙᓘᓐᓃᑦ ᒪᒃᑯᒃᑐᓄᑦ ᐱᔨᑦᑎᕋᕈᑕᐅᔪᓂᒃ ᐅᖃᐅᓯᒃᓴᖃᕈᕕᓪᓘᓐᓃᑦ ᐅᐱᒋᔭᖃᕈᕕᓪᓘᓐᓃᖅ, ᐅᕙᑦᑎᓐᓄᑦ ᖃᐅᔨᒋᐊᖃᑦᑕᕆᑦ ᐅᕗᖓ ᐅᖃᓗᒡᓗᓯ 1 855 522-5201 ᐅᕝᕙᓘᓐᓃᑦ ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᓯ ᐅᕗᖓ PublicRelationsFS@gov.nu.ca ᐃᓄᓕᕆᔨᒃᑯᑦ ᓄᓇᓕᖕᓂᓗ ᐸᓖᓯᒃᑯᑦ

ᖃᐅᔨᒋᐊᕐᕕᖃᕐᓂᕐᒧᑦ ᑐᓴᖅᑕᐅᔪᒃᓴᐃᑦ ᑕᒪᐃᓐᓄᑦ ᐊᑐᓂᑦ ᓄᓇᓕᖕᓄᑦ ᓇᓂᔭᐅᔪᓐᓴᖅᐳᑦ ᐅᕙᓂ, ᐃᓚᒌᓂᒃ ᖃᓄᐃᙱᑦᑎᐊᖅᑎᑦᑎᓂᕐᒧᑦ ᐱᓕᕆᕝᕕᖕᒥ ᐃᑭᐊᖅᑭᕕᑦᑎᓐᓂ ᐅᕙᓂ, https://www.gov.nu.ca/family-services/information/child-protection.

ᐸᓖᓯᒃᑯᑦ − (867) 266-1111
ᓴᓂᑭᓗᐊᒥ ᓂᖃᐃᓱᖅᑐᓕᕆᔩᑦ ᐊᕕᒃᓯᒪᓂᕐᒥ ᖃᐅᔨᒋᐊᕐᕕᖃᕐᓂᕐᒧᑦ ᑐᓴᖅᑕᐅᔪᒃᓴᑦ
ᑭᕙᓪᓕᖅ: ᐊᑭᖃᙱᑦᑐᖅ ᐅᖃᓘᑎ: (1-800-953-8516) ᓇᕿᒃᑲᓐᓂᕐᓗᒋᑦ ᐅᑯᐊ 1602
ᑭᕙᓪᓕᕐᒥ ᐊᕕᑦᑐᖅᓯᒪᓂᐅᔪᒧᑦ ᑎᑎᕋᕐᕕᖓ: 867-645-5040 ᓇᕿᒃᑲᓐᓂᕐᓗᒋᑦ 1602 ᐅᓇᓘᓐᓃᑦ 1602
ᓴᓂᑭᓗᐊᒥ ᓂᖃᐃᓱᖅᑐᓕᕆᓂᕐᒧᑦ ᐃᑲᔪᖅᑕᐅᓂᕐᒧᑦ ᑎᑎᕋᕐᕕᒃ: 867-266-8393 ᐅᕝᕙᓘᓐᓃᑦ 867-266-8739
ᓴᓂᑭᓗᐊᒥ ᐃᖅᑲᓇᐃᔭᖅᑎᐅᓂᕐᒧᑦ ᐱᕙᓪᓕᐊᓂᕐᒧᑦ ᑐᓴᖅᑕᐅᔪᒃᓴᐃᑦ
ᑭᕙᓪᓕᖅ − 1-800-953-8516

ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᑦ

ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᑦ ᐃᑲᔫᓯᐊᑦ ᐃᓕᓐᓂᐊᖅᑏᑦ ᒫᓐᓇ ᐃᓚᐅᔪᑦ ᑎᑎᖃᕐᕕᖕᒥ ᐊᐅᓚᑦᑎᕝᕕᖃᕐᓂᕐᓯᒃ ᓇᓗᓇᐃᒃᑯᑕᖃᓕᕐᓂᕐᒧᑦ ᐱᓕᕆᐊᖑᔪᖅ ᓴᓂᑭᓗᐊᒥ ᑲᔪᓰᓐᓴᕐᓂᐊᖅᐳᖅ ᑐᓂᓯᕙᒡᓗᑎᒃ ᐊᔪᕈᓐᓃᖅᓴᕐᓂᕐᒧᑦ ᐱᔭᐅᕙᒃᑐᓂᒃ ᐊᕐᕌᒍᒧᑦ ᑮᓇᐅᔭᓄᑦ ᐃᓱᒋᔭᐅᔪᒧᑦ.
ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ

 

ᓄᓇᓕᖕᓂ ᒪᓕᒐᓕᕆᔨᑦ

ᐊᐴᑎᓯᒪᓗᑎᒃ ᑲᑎᒪᓃᑦ ᑕᒪᒃᑯᓄᖓ ᑭᓯᐊᓂ ᑐᐊᕕᕐᓇᖅᑐᓄᑦ ᐊᔪᕐᓇᙱᑎᑕᐅᕗᑦ, ᑕᐃᓐᓇ ᐱᓕᕆᖃᑎᒋᔭᐅᔪᖅ ᐅᖄᓚᐅᑎᖃᕈᓐᓇᙱᑉᐸᑦ ᑯᐊᖅᓵᕐᓇᙱᑦᑐᒥᓘᓐᓃᑦ ᐃᓂᒥᒃ ᐊᑐᕈᓐᓇᙱᓪᓗᓂ ᐱᓕᕆᔨᑦᑎᓐᓄᑦ ᖃᐅᔨᒋᐊᕆᐊᒃᓴᖅ ᐅᖄᓚᐅᑎᒃᑯᑦ. ᐃᓄᐃᑦ ᐊᐱᕆᔭᐅᕗᑦ ᖃᐅᔨᒋᐊᕐᕕᖃᖁᔭᐅᓪᓗᑎᒃ ᐃᓚᒌᓂ ᐋᓐᓂᖅᓯᔪᖃᖅᐸᖕᓂᖓᓄᑦ ᐱᓕᕆᕝᕕᖃᖔᓕᕐᓂᕐᒧᑦ ᐱᖁᔭᕐᒧᑦ (FAIA) ᐅᖄᓚᕝᕕᐅᔪᓐᓇᖅᑐᒧᑦ ᐊᐱᖅᑯᑎᒃᓴᖃᕐᓂᕈᑎᒃ ᐃᑲᔪᖅᑕᐅᔭᕆᐊᖃᕈᑎᒡᓘᓐᓃᑦᐆᒥᖓ ᓈᓴᐅᒻᒥᒃ ᐊᑐᕐᓗᑎᒃ, 1-844-534-1038. ᑕᒪᓐᓇ ᐅᖄᓚᓂᖅ ᖃᐅᔨᓴᖅᑕᐅᓂᐊᖅᐳᖅ ᖃᐅᔨᒪᓕᕈᒪᓂᕐᒧᑦ ᐃᑲᔪᖅᑕᐅᔭᕆᐊᖃᕐᓂᕐᒧᑦ ᐱᔭᐅᔭᕆᐊᓕᖕᒧᑦ ᑐᕌᖅᑎᑕᐅᓗᓂ ᓄᓇᓕᖕᓂ ᐱᑐᐃᓐᓇᐅᙱᑦᑐᓕᕆᓂᕐᒧᑦ ᑖᓐᓇᓗ ᐃᑲᔪᕈᓐᓇᖅᖢᓂ ᐱᓇᔫᑎᒋᔭᐅᔪᓄᑦ ᐊᑐᖅᑕᐅᔪᓐᓇᖅᑐᓂᒡᓗ ᓇᓗᓇᐃᖅᓯᔪᓐᓇᖅᖢᓂ.

ᓄᓇᓕᖕᓂ ᐃᑲᔪᖅᑕᐅᕕᑦ
ᓴᓂᑭᓗᖓᒥ ᑎᒍᔭᐅᓯᒪᔪᓕᕆᔨᑦ ᐊᒡᓚᕝᕕᖏᑦ ᑭᒃᑯᑐᐃᓐᓇᓄᑦ ᒪᑐᓯᒪᔪᑦ ᑭᓯᐊᓂ ᑐᓴᖅᑎᑦᑎᔾᔪᑕᐅᒃᑲᓐᓂᖅᐸᑦ. ᑕᒪᕐᒥᑦᑎᐊᖅ ᓴᓂᑭᓗᐊᒥ ᓄᓇᓕᖕᓂ ᑎᒍᔭᐅᓯᒪᔪᓕᕆᓂᕐᒧᑦ ᐱᓕᕆᕝᕕᐅᕙᒃᑐᑦ ᐅᖃᖃᑦᑕᕆᐊᖃᖅᐳᑦ ᐅᖄᓚᐅᑎᒃᑯᑦ ᓄᓇᓕᖕᓂ ᑎᒍᔭᐅᓯᒪᔪᓕᕆᓂᕐᒧᑦ ᐱᓕᕆᔨᒧᑦ ᐊᑐᕐᓗᑎᒃ ᐆᒥᖓ ᓈᓴᐅᒻᒥᒃ: 1-888-770-7696

 

ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐱᔨᑦᑎᕋᕐᓂᕆᔭᐅᕙᒃᑐᑦ

ᓄᓇᕗᑦ ᒐᕙᒪᒃᑯᖏᑦᑕ ᑎᑎᕋᕐᕕᖏᑦ ᓴᓂᑭᓗᐊᒥ ᒪᑐᓯᒪᔪᑦ ᑭᒃᑯᑐᐃᓐᓇᖕᓄᑦ.

ᐱᔭᕆᐊᖃᓪᓚᕆᙱᑦᑐᓕᒫᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᓴᓂᑭᓗᐊᒥ ᐊᖏᕐᕋᒥᓂ ᐃᖅᑲᓇᐃᔭᕆᐊᖃᖅᑐᑦ. ᐊᖏᔪᖅᑳᕕᑦ ᐱᓕᕆᖃᑎᒋᓂᐊᖅᐹᑎᑦ ᐱᖁᑎᑖᕆᔭᕆᐊᓕᖕᓂ ᐱᑎᑕᐅᓗᑎᑦ ᐊᑐᒐᒃᓴᓂᒡᓘᓐᓃᑦ ᐊᖏᕐᕋᕐᓂ ᐃᖅᑲᓇᐃᔭᕐᓂᐊᖅᑎᓪᓗᑎᑦ. ᐊᖏᕐᕋᒥᓂ ᐃᖅᑲᓇᐃᔭᕐᓂᐊᖅᑐᓄᑦ ᐊᑐᖁᔭᐅᔪᑦ ᐃᑲᔫᑎᒃᓴᐃᓪᓗ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓂ ᓇᓂᔭᐅᔪᓐᓇᖅᐳᑦ ᐅᕙᓂ: http://intranet/covid19/ ᐃᕐᙲᓐᓈᖅᑕᐅᒃᑯᓪᓗ ᓇᒃᓯᐅᔾᔭᐅᓂᐊᖅᖢᑎᒃ. ᐃᖅᑲᓇᐃᔭᕐᕕᖕᓂ ᐃᕐᙲᓐᓈᖅᑕᐅᒃᑯᑦ ᑎᑎᖅᑲᐅᓯᐊᕆᕙᒃᑕᑎᑦ ᐱᔪᓐᓇᖅᑕᑎᑦ Microsoft Office 365-ᒧᐊᕐᓗᑎᑦ ᖃᕆᓴᐅᔭᕐᓂ ᐅᕙᓂ https://www.office.com/ ᐅᕝᕙᓘᓐᓃᑦ Microsoft Outlook ᐅᖃᓘᑎᕋᓛᕐᓄᐊᕐᓗᒍ.

ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᕆᐊᖃᓪᓚᕆᒃᑐᓕᒫᑦ ᓴᓂᑭᓗᐊᕐᒥ ᐃᖅᑲᓇᐃᔭᕐᕕᖕᒥᓂ ᐱᓕᕆᖃᑦᑕᕐᓂᐊᖅᐳᑦ ᒪᓕᖕᓂᐊᖅᖢᑎᒡᓗ ᐋᓐᓂᐊᖅᑕᐃᓕᒪᓂᕐᒧᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᖃᐅᔨᓴᕈᑎᓂᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓄᑦ ᐊᒻᒪ ᐃᖅᑲᓇᐃᔭᕐᕕᖕᒧᑦ ᐅᑎᕐᓂᐊᖅᑐᓄᑦ ᖃᐅᔨᓴᕈᑎᒥᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᐅᖃᓕᒫᕐᓗᒍ ᓄᕙᒡᔪᐊᕐᓇᖅ-19−ᒧᑦ ᐊᐱᖅᑯᑏᑦ ᑭᒡᒍᓰᓪᓗ ᐊᒻᒪ ᒪᓕᒡᓗᒋᑦ ᓴᖅᑭᑎᑕᐅᓯᒪᔪᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓇᓗᓇᐃᒃᑯᑕᐃᑦ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᑦᑕᐃᓕᒪᖁᓪᓗᒋᑦ. ᖃᐅᔨᓴᕈᑎᑦ, ᐊᐱᖅᑯᑎᑦ ᑭᐅᔾᔪᑎᓪᓗ ᐊᒻᒪ ᐊᑭᓐᓇᕐᒥᐅᑕᐃᑦ ᓇᓂᔪᓐᓇᖅᑕᑎᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑖᓂ: http/intranet/covid19/.

ᖃᐅᔨᒋᐊᕐᓗᑎᑦ ᐅᕗᖓ HRcommunications@gov.nu.ca ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑖᓂ ᐱᖃᙱᒃᑯᕕᑦ ᐊᒻᒪ ᓇᓕᐊᖕᓂᑐᐃᓐᓇᖅ ᐃᑲᔫᑎᒃᓴᑦ ᐊᔾᔨᖓᓂ ᓴᖅᑭᔮᖅᑎᑕᐅᔪᓂᑦ ᐱᔭᕆᐊᖃᕈᕕᑦ.

ᒫᓐᓇᐅᔪᖅ, ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐊᓯᓕᒫᖏᓐᓂ ᓄᓇᓕᖕᓂ ᐃᖅᑲᓇᐃᔭᕆᐊᖃᑦᑕᕆᐊᖃᖅᐳᑦ.

ᐃᑲᔪᖅᑕᐅᔪᓐᓇᖅᐳᑎᑦ

ᓄᓇᕗᑦ ᒐᕙᒪᒃᑯᑦ ᑎᓕᐅᕆᕗᑦ ᐃᖅᑲᓇᐃᔭᖅᑎᓂᒃ ᐃᓚᖏᓐᓂᒡᓗ ᖃᐅᔨᓇᓱᖃᑦᑕᖁᓪᓗᒋᑦ ᖃᓄᖅ ᐃᖅᑲᓇᐃᔭᖅᑎᑦ ᐃᓚᖏᓪᓗ ᐃᑲᔪᖅᑕᐅᔪᓐᓇᕐᒪᖔᑕ ᒫᓐᓇᐅᔪᖅ. ᐃᖅᑲᓇᐃᔭᖅᑎᑦ ᐃᓚᖏᓐᓄᓪᓗ ᐃᑲᔫᑎᑦ ᐱᖃᓯᐅᔾᔨᕗᑦ ᐊᑭᖃᙱᑦᑐᒥᒃ ᐅᖄᓚᕝᕕᐅᔪᓐᓇᖅᑐᒥᒃ ᐅᖃᐅᓯᐅᔭᕆᐊᖃᙱᖦᖢᓂ ᓈᓴᐅᑦ, 1-800-663-1142, ᐃᖅᑲᓇᐃᔭᖅᑎᓄᑦ ᐊᒻᒪ/ᐅᕝᕙᓘᓐᓃᑦ ᐃᓚᖏᓐᓄᑦ ᖃᖓᑐᐃᓐᓇᑦᑎᐊᖅ ᐅᖄᓚᕝᕕᐅᔪᓐᓇᖅᖢᓂ ᐃᓅᓯᓕᕆᔨᓪᓚᕆᖕᒧᑦ ᐅᖃᓪᓚᖃᑎᖃᕈᒪᔪᓄᑦ ᓇᓕᐊᖕᓂᑐᐃᓐᓇᖅ ᐅᖃᐅᓯᕐᒥ ᐃᓕᓴᕆᔭᐅᓯᒪᔪᒥᑦ ᐊᑐᕐᓗᓂ, ᐊᓯᖏᓐᓂᓪᓗ ᖃᕆᓴᐅᔭᒃᑯᑦ ᐃᑲᔫᑎᒃᓴᓂᒃ ᐱᖃᓯᐅᔾᔨᓪᓗᓂᓗ ᐊᑐᕈᓐᓇᖅᑐᓂᒃ ᐅᕙᓂ www.homewoodhealth.com.

 

ᐊᕙᑎᓕᕆᔨᒃᑯᑦ ᐱᔨᑦᑎᕋᕐᓂᖏᑦ

ᐊᕙᑎᓕᕆᔨᒃᑯᑦ ᑲᔪᓰᓐᓇᖅᐳᑦ ᐱᑎᑦᑎᕙᒃᖢᑎᒃ ᐱᔨᑦᑎᕋᕐᓂᕆᔭᐅᔪᓂᒃ ᓄᓇᕘᓕᒫᒥ ᑕᐃᒪᐃᑉᐸᒃᑕᒥᑎᑐᑦ, ᒪᓕᒃᖢᑎᒃ ᐊᑐᖁᔭᐅᓯᒪᔪᓂ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑐᖅᑕᐅᕙᒃᑐᓂᒃ. ᐱᓕᕆᕝᕕᒋᔭᐅᔪᖅ ᑭᐅᓯᖃᑦᑕᐃᓐᓇᕐᓂᐊᖅᐳᖅ ᐊᑲᐅᙱᓕᐅᕈᑎᒋᐅᔪᓄᑦ ᓂᕐᔪᑎᓄᑦ ᑯᕕᔪᓄᓪᓗ.

• ᓂᕐᔪᑎᓄᑦ ᑭᐅᓯᔪᒪᓂᕐᒧᑦ ᓴᓂᑭᓗᐊᒥ, ᐅᕗᖓ ᐅᖄᓚᔪᖃᕐᓗᓂ, 867-222-0167-ᒧᑦ ᖃᖓᓕᒫᑦᑎᐊᒃᑯᑦ.
• ᑕᒪᕐᒥᑦᑎᐊᖅ ᑯᕕᔪᑦ ᐅᖃᐅᓯᐅᔭᕿᐊᖃᖅᐳᑦ ᓄᓇᕗᒻᒥ ᑯᕕᔪᓄ ᐅᖄᓚᕝᕕᐅᕙᒃᑐᒧᑦ ᐅᕗᖓ, 867-920-8130, 24−ᓄᑦ ᐃᑲᕐᕋᓄᑦ ᐅᓪᓗᒥ: https://www.gov.nu.ca/environment/documents/spill-response

 

ᓄᓇᕗᒻᒥᐅᓂ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᖃᖅᐳᒍᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.