ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 2, 2020

ᓄᕕᐱᕆ 02, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ

ᓱᓕ ᓇᓗᓇᐃᖅᑕᐅᔪᖃᖅᓯᒪᙱᑦᑐᖅ ᐱᖃᕋᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ.

ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 3681−ᖑᓕᖅᑐᑦ. 550 ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ.

ᐱᑕᖃᕐᓂᖓ ᓄᕙᒡᔪᐊᕐᓇᖅ-19−ᒥᒃ ᖃᓪᓗᓈᓂ ᐊᒥᓱᕈᖅᐸᓪᓕᐊᓂᖏᓐᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᑎᑦᑎᒋᐊᕈᒪᕗᑦ ᓄᓇᕗᒻᒥᐅᓂᒃ ᖃᔅᓯᑲᓪᓚᖕᓂᒃ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᒃ ᐊᑐᖅᑕᐅᔪᖃᖃᑦᑕᖅᐳᖅ ᐊᑐᖅᑕᐅᓪᓗᑎᒃ ᒥᑭᒡᓕᒋᐊᖅᑎᑦᑎᔪᒪᓯᒪᓂᕐᒧᑦ ᖁᐊᖅᓵᕐᓇᖅᑐᒥᒃ ᓄᕙᒡᔪᐊᕐᓇᖅ-19−ᒥᒃ ᐊᐃᑦᑐᕐᓘᑕᐅᓇᔭᕐᓂᖓᓂᒃ ᓄᓇᕗᒻᒥ.

ᐅᐸᒃᑕᐅᑦᑕᐃᓕᒪᓂᖅ ᐊᑐᖅᑕᐅᔭᕆᐊᓕᒃ ᐊᑐᕐᓂᖅᐹᖑᕗᖅ ᐊᑐᖅᑎᑦᑎᔾᔮᙱᓪᓗᓂ ᐊᐃᑦᑐᕐᓗᐃᓂᕐᒥᒃ. ᑕᒪᕐᒥᑦᑎᐊᖅ ᓄᒃᑕᖅᑐᑦ ᓄᓇᕗᒻᒧᙵᐅᔪᑦ ᑭᑭᑕᐅᔪᖃᖅᓯᒪᓪᓗᓂ ᐊᑐᕆᐊᖃᖅᑎᑕᐅᕙᒃᐳᑦ ᐅᐸᒃᑕᐅᑦᑕᐃᓕᒪᓂᕐᒥᒃ, ᑕᒪᒃᑯᓄᖓ ᐊᑐᖅᑕᐅᔭᕆᐊᖃᓪᓚᕆᒃᑐᓄᑦ ᐃᖅᑲᓇᐃᔭᖅᑎᓄᑦ, ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᐃᓄᒋᐊᒃᑐᓄᐊᖃᑦᑕᙱᓪᓗᑎᒃ ᐃᖅᑲᓇᐃᔭᕈᓐᓃᕌᖓᒥᒃ ᓯᕗᓪᓕᕐᓄᑦ 14−ᓄᑦ ᐅᓪᓗᓄᑦ ᖃᑯᑎᒃᒡᑯᙱᑦᑐᖅ ᑭᑭᑕᐅᔪᖃᓚᐅᖅᐸᒃᖢᓂ ᐊᑐᖅᑕᐅᓪᓚᕆᒋᐊᓕᖕᓄᑦ ᖃᓄᐃᓕᐅᕆᐊᖃᕐᓂᕆᔭᐅᔪᓄᑦ. ᑭᑭᑕᐅᓯᒪᔪᑦ ᓄᒃᑕᖅᑏᑦ ᐊᒻᒪᑦᑕᐅᖅ ᐊᑐᕆᐊᖃᕆᕗᑦ ᒪᑐᐊᒥᒃ ᓯᕗᓪᓕᕐᓄᑦ 14−ᓄᑦ ᐅᓪᓗᓄᑦ ᓄᓇᕗᒻᒧᑦ ᑎᑭᐊᓪᓚᓚᐅᕐᓗᑎᒃ.

ᑭᒃᑯᑐᐃᓐᓇᓄᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᑐᖅᑕᐅᕙᒃᑐᑦ ᓲᕐᓗ ᑎᒥᒃᑯᑦ ᐅᖓᓯᒡᒋᒋᐊᖃᕐᓂᑦ, ᑕᒻᒪᖅᑕᙱᓪᓗᓂ ᓴᓗᒪᑦᑎᐊᕐᓂᖅ ᐃᓱᓕᑦᑕᕐᕕᓕᖕᓂᒡᓗ ᑲᑎᑉᐸᖕᓂᕐᒧᑦ ᖃᔅᓯᐅᓂᕆᔭᖏᑦ ᐊᖏᔪᑲᓪᓚᒃᑯᑦ ᐃᑲᔪᖅᐸᒃᐳᑦ ᖁᐊᖅᓵᕐᓇᖅᑐᒥᒃ ᒥᑭᒡᓕᒋᐊᖅᑎᑦᑎᓯᒪᓪᓗᑎᒃ ᐊᐃᑦᑐᕐᓗᐃᓇᔭᕐᓂᕐᒥᒃ ᑕᒪᑐᒥᖓ ᖃᓂᒪᓐᓇᖅᑐᒥᒃ.

ᐱᓇᓱᐊᕈᓯᐅᓵᖅᑐᒥ, ᐊᕕᒃᓯᒪᓂᕆᔭᐅᔪᖅ ᒪᓂᑑᐸᒥᐅᓄᑦ ᐅᖃᓚᐅᖅᐳᖅ ᓄᓇᓕᐸᐅᔭᖅ ᐅᐃᓂᐹᒡ ᑎᑭᐅᑎᓯᒪᓕᕐᓂᖓᓄᑦ ᐊᕕᒃᓯᒪᓂᕆᔭᐅᔫᑉ ᓇᓗᓇᐃᒃᑯᑦᑎᖅᑕᐅᓯᒪᓕᕐᓂᖓᓂᒃ−ᐊᐅᐸᖅᑐᒥᒃ ᓄᕙᒡᔪᐊᕐᓇᖅ-19−ᒧᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓇᐅᑦᑎᖅᓱᖅᓯᕗᑦ ᑕᒪᑐᒥᖓ ᖃᓄᐃᓕᖓᓂᕆᔭᐅᔪᒥᒃ ᓇᐅᑦᑎᖅᓱᑦᑎᐊᖅᖢᒍᓗ. ᐊᓯᔾᔨᕐᓂᕆᔭᖓ ᖃᓄᐃᓕᖓᓂᕆᔭᖓᑕ ᐊᒃᑐᖅᓯᑐᐃᓐᓇᕆᐊᓕᒃ ᐃᓚᖏᓐᓂᒃ ᐃᓗᐊᖅᓴᐃᕙᖕᓂᕐᒧᑦ ᐱᔨᑦᑎᕋᕈᑕᐅᕙᒃᑐᓂᒃ ᒪᓂᑑᐸᒥ ᑕᒪᒃᑯᐊᓗ ᐋᓐᓂᐊᕕᓕᐊᖅᖢᑎᒃ ᐊᐅᓪᓚᖅᐸᒃᑐᑦ ᖃᐅᔨᑎᑕᐅᖃᑦᑕᖅᐳᑦ ᖃᓄᑐᐃᓐᓇᖅ ᐊᓯᔾᔨᖅᑕᐅᔪᓂᒃ ᐅᐸᒋᐊᖃᖅᐸᒃᑕᒥᓄᑦ.

ᒫᓐᓇᒃᑯ, ᐊᓯᔾᔨᖅᑕᐅᓯᒪᔪᖃᙱᓚᖅ ᐊᑐᖅᑕᐅᒐᔪᒃᑐᒧᑦ ᓄᒃᑕᕐᕕᐅᒐᔪᒃᑐᒧᑦ ᑰᒡᔪᐊᕌᓗᖕᒧᑦ, ᒪᓂᑑᐸᒧᑦ. ᑭᓯᐊᓂᓗᑦᑕᐅᖅ, ᓄᓇᕗᒻᒥᐅᑦ ᐃᖅᑲᐃᑎᑕᐅᒋᐊᖅᐳᑦ ᑕᒪᓐᓇ ᓄᒃᑕᖅᐸᖕᓂᖅ ᒪᓐᓇ ᐊᑐᖃᑦᑕᖁᔭᐅᙱᓚᖅ, ᑕᒪᒃᑯᐊᓗ ᓄᒃᑕᕐᕕᐅᒐᔪᒃᐸᒃᑐᑦ ᐃᓃᑦ ᐊᔪᓕᖅᑎᑕᐅᑐᐃᓐᓇᕆᐊᖃᖅᐳᑦ ᐅᖃᐅᔾᔭᐅᔪᖃᙱᑦᑎᐊᕐᓗᓂ ᑭᖑᕙᕆᐊᖅᑎᑦᑎᓯᒪᑐᐃᓐᓇᕆᐊᖃᖅᖢᑎᒡᓗ ᓄᒃᑕᕐᓂᕐᒥᒃ ᐅᐸᒃᑕᐅᑦᑕᐃᓕᒪᔭᕆᐊᖃᕐᓂᕐᒥᒡᓗ ᐅᓪᓗᓄᑦ 14 −ᓄᑦ ᓄᓇᕗᒻᒧᑦ ᐅᑎᓚᐅᖅᑳᕋᑎᒃ.

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᖕᓂᕆᔭᖓᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᐅᓗᕆᐊᓇᖅᑐᒧᑦ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑎᖏᑦ

 

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐃᓄᑐᐊᒃᑯᕕᖕᒦᑦᑐᑦ)  
ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᓄᕕᐱᕆ 2−ᒥ ᐱᒋᐊᖅᖢᓂ
ᐋᓐᓂᐊᕐᕕᓕᐊᖅᑐᑦ 378
ᑭᒃᑯᑐᐃᓐᓇᑦ 238
ᑲᑎᖦᖢᒋᑦ 661


ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐃᓄᑐᐊᒃᑯᕕᖕᒦᑦᑐᑦ
ᐅᑐᐱᕆ 31 0
ᓄᕕᐱᕆ 1 22
ᓄᕕᐱᕆ 2 102
ᓄᕕᐱᕆ 3 59
ᓄᕕᐱᕆ 4 57
ᑲᑎᖦᖢᒋᑦ 240

 

ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ

ᐅᑐᐱᕆ 27−ᒥ ᐱᒋᐊᖅᖢᒍ, 7728−ᓂᒃ ᑐᒃᓯᕋᖅᑐᖃᓚᐅᖅᐳᖅ, 3838−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ # %
ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ) 5473 67.2%
ᐊᖏᖅᑕᐅᙱᑦᑐᑦ 278 3.4%
ᐅᑕᖅᑭᔪᑦ 202 2.6%
ᐊᐅᓪᓚᕐᕕᐅᔪᓐᓇᕐᑐᑦ ᐊᑐᖅᑕᐅᒐᔪᒃᑐᓄᑦ ᐊᖏᖅᑕᑦ 2189 26.9%
ᑲᑎᖦᖢᒋᑦ 7728 100%

 


ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᑐᒃᓯᕋᐅᑎᑦ ᐅᑭᐅᖅᑕᖅᑐᒧᐊᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᓄᓇᕗᒻᒧᑦ ᐊᐅᓪᓚᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ, ᐃᕐᙲᓐᓈᖅᑕᐅᒃᑯᑦ ᓇᓂᔭᐅᔪᓐᓇᖅᐳᖅ ᐅᕙᙵᑦ, CPHOconstructionrequests@gov.nu.ca

ᐃᒡᓗᓕᐅᖅᑏᑦ ᐊᓂᒍᐃᔪᑦ ᐃᓄᑐᐊᒃᑯᕕᖕᒥ ᒫᓐᓇᒧᑦ ᑎᑭᖦᖢᒍ: 2000

 

ᓄᓇᕗᒻᒥᐅᓂ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᖃᖅᐳᒍᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.