ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 12, 2020

ᓄᕕᐱᕆ 12, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ

ᓯᕗᓕᖅᑎᐅᑉ ᑐᓴᒐᒃᓴᖏᑦ ᓄᑖᑦ

ᐅᓪᓛᒃᑯᑦ. ᑐᓴᐅᒪᔪᐃᓐᓇᐅᓕᖅᑐᓯ, ᓄᕙᕐᔪᐊᕐᓇᖅ-19−ᖃᖅᑐᖃᓕᕐᓂᖓᓂᒃ ᑲᖏᖅᖠᓂᕐᒥ. ᓴᓂᑭᓗᐊᕐᒥᐅᑦ ᐊᒻᒪ ᑲᖏᖅᖠᓂᕐᒥᐅᑦ ᓄᕙᒡᔪᐊᕐᓇᖅᖅ 19−ᒧᑦ ᖃᓂᒻᒪᒃᑐᖃᕐᓂᖏᓐᓂᒃ ᓇᓗᓴᐃᖅᓯᕗᒍᑦ.

ᓄᓇᕗᒻᒥ ᐱᖓᓱᓂᒃ ᓄᕙᒡᔪᐊᕐᓇᖅ-19−ᒧᑦ ᖃᓂᒻᒪᒃᑐᓂᒃ ᓇᓗᓇᐃᖅᑕᐅᔪᖃᖅᓯᒪᓕᖅᑐᖅ. ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 3944−ᖑᓕᖅᑐᑦ. 666 ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ.

ᑭᒃᑯᑐᐃᓐᓇᑦ ᑐᓴᕐᓇᖅᑐᖃᖅᑐᑦ ᐋᔩᖃᑎᒌᒍᑎᒋᒋᐊᖃᕋᑦᑎᒍᑦ, ᐃᒪᓐᓇ ᐅᖃᕈᓐᓇᖅᐳᖓ − ᓯᐊᒻᒪᒃᐸᓪᓕᐊᔪᖃᖅᐸᓪᓕᐊᖅᑰᔨᙱᒃᑲᓗᐊᖅᑐᖅ ᓱᓕ ᓇᓗᓇᐃᖅᑕᐅᓯᒪᔪᓂᒃ. ᖃᓂᒻᒪᒃᑐᑦ, ᐱᕐᔪᐊᓂᒃ ᐃᖅᑲᓇᐃᔭᖅᑎᐅᙱᑦᑐᑦ. ᑭᓇᑐᐃᓐᓇᖅ ᓇᓗᓇᐃᖅᓯᔪᖅ ᐊᓯᐊᒍᖔᕐᓘᓐᓃᑦ ᓇᓗᓇᐃᖅᓯᒃᐸᑦ ᑕᒻᒪᕐᓂᕋᐃᓗᓂ. ᑕᐃᒪᓐᓇ ᐸᓯᒃᖠᖅᑐᑦ ᐱᔾᔪᑎᒃᓴᖅᓯᐅᖅᑕᐅᒋᐊᖃᙱᑦᑐᑦ. ᐃᑲᔫᑎᖃᙱᑦᑎᐊᕐᒪᑦ ᐃᓄᖕᓄᑦ ᓄᕙᒡᔪᐊᕐᓇᒧᑦ ᐊᒃᑐᖅᑕᐅᔪᓄᑦ ᓄᓇᓕᖕᓄᓪᓘᓐᓃᑦ.

ᑐᑭᓯᓂᕐᓗᒃᓯᒪᓗᓯ ᐅᖃᐅᓯᖃᑲᑕᒍᓐᓃᕆᔅᓯ ᐊᒻᒪ ᐅᖃᐅᓯᖃᑲᑕᒍᓐᓃᕆᔅᓯ, ᐃᓅᖃᑎᔅᓯᓐᓂ ᓱᕙᓕᑭᐊᕐᓂᒃ ᐱᒋᐊᖅᑕᑲᑕᒍᓐᓃᕆᔅᓯ. ᐱᔪᓐᓇᕐᓂᖃᕐᕕᓯ ᐊᑐᑦᑎᐊᕈᓐᓇᕐᓂᖅᓴᐅᓂᐊᖅᐸᓯᐅᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐆᒃᑑᒪᔭᖁᔭᐅᔪᑦ ᒪᓕᑦᑎᐊᑐᐃᓐᓇᕐᓗᒋᑦ ᐊᒻᒪ ᐱᕙᓪᓕᐊᔪᓂᒃ ᑐᓴᐅᒪᖃᑕᐅᑦᑎᐊᑐᐃᓐᓇᕐᓗᓯ. ᑭᒃᑯᓕᒫᑦᑎᐊᑦ ᓄᕙᒡᔪᐊᕐᓇᖅ-19−ᒧᑦ ᖃᓂᒻᒪᒍᒪᙱᒻᒪᑕ, ᑭᒃᑯᓕᒫᑦᑎᐊᓗ ᐸᓯᔭᐅᔭᕆᐊᖃᙱᑦᑎᐊᖅᑐᑦ.

ᖃᐅᔨᒪᑦᑎᐊᖅᑐᖓ ᒫᓐᓇ ᓇᓗᓇᖅᑐᒦᑦᑐᒻᒪᕆᐊᓘᒐᑦᑕ. ᖃᐅᔨᒪᔪᖓ ᐃᓄᒐᓴᒡᔪᐊᑦ ᐅᐊᑲᓪᓚᒍᓱᖕᓂᖏᓐᓂᒃ ᐅᕝᕙᓘᓐᓃᑦ ᑲᐸᔪᖕᓂᖏᓐᓂᒃ. ᖃᐅᔨᒪᔪᖓ ᑕᖃᓇᕐᓂᖓᓂᒃ. ᖃᐅᔨᒪᖕᒥᔪᖓ ᓄᓇᕗᒥᐅᑦ ᑲᒪᖃᑦᑕᐅᑎᑦᑎᐊᕈᓐᓇᕐᓂᖏᓐᓂᒃ, ᐃᓅᖃᑎᒥᓂᒃ ᐃᓱᒪᔪᓐᓇᑦᑎᐊᕐᓂᖏᓐᓂᒃ ᐊᒻᒪ ᓄᓇᖅᑲᑎᒌᓅᖓᔪᓂᒃ ᐃᓱᒪᓕᐅᕆᔪᓐᓇᑦᑎᐊᕐᓂᖏᓐᓂᒃ.

ᑕᒪᓐᓇ ᑐᑭᖃᖅᐳᖅ ᒪᑭᑦᑕᕆᐊᖃᕋᑦᑕ ᐃᒃᐱᒍᓱᑦᑎᐊᕐᓂᖅᓴᐅᓕᕐᓗᑕᓗ ᐅᔾᔨᖅᓱᑦᑎᐊᕐᓂᖅᓴᐅᓕᕐᓗᑕᓗ ᐱᓗᐊᒃᑲᓐᓂᓕᕐᓗᑕ. ᓄᓇᕗᑦ ᐊᒃᓱᕈᖅᑐᑑᙱᑦᑐᖅ ᓄᕙᕐᔪᐊᕐᓇᖅ-19−ᑖᖅᑕᐃᓕᒪᔪᓂᒃ, ᑭᓯᐊᓂᓕ ᑕᐃᒪᐃᑦᑐᒃᑰᖃᑕᐅᒋᐅᕋᑦᑕ. ᓄᓇᕐᔪᐊᕐᒥᐅᑦ ᐱᓂᐊᕐᓂᖏᑦ ᐊᔾᔨᒋᙱᑕᕋᓗᐊᕗᑦ, ᑲᒪᒋᔭᖃᖅᐸᓪᓕᐊᓕᑕᐃᓐᓇᕋᑦᑕ ᐊᒃᑐᖅᑕᐅᖃᑕᐅᓕᖅᑎᓪᓗᑕ ᓄᕙᒡᔪᐊᕐᓇᖅᑕᖃᓕᖅᑎᓪᓗᒍ ᓄᓇᕘᒥ.

ᐱᓕᕆᔭᕆᐊᖃᕋᑦᑕ ᑲᒪᑦᑎᐊᕐᓗᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᓪᓗ ᒪᓕᖁᔭᐅᔪᑦ ᒪᓕᑦᑎᐊᕐᓗᑎᒍᑦ. ᐅᓇ ᐱᙳᐊᖑᙱᑦᑐᖅ. ᐅᓇ ᐱᕐᔪᐊᕌᓗᒃ. ᐊᒡᒐᑎᑦ ᐅᐊᓴᖃᑦᑕᐃᓐᓇᕐᓗᒋᑦ. ᐃᓅᖃᑎᑦᑎᓐᓂᒃ ᐅᖓᓯᒌᒃᑕᑲᑕᒡᓗᑕ − ᐊᓂᓯᒪᒑᖓᔅᓯ ᐃᒡᓗᔅᓯᓐᓂ; ᐃᓚᔅᓯᓐᓃᒃᑲᓗᐊᕈᔅᓰᓘᓐᓃᑦ ᐃᒡᓗᒥᐅᖃᑎᒋᙱᑕᔅᓯᓐᓂᒃ. ᖃᓂᒪᒍᕕᑦ ᐊᖏᕐᕋᖅᓯᒪᐃᓐᓇᕆᐊᖃᖅᑐᓯ.

ᐅᖃᓗᖃᑦᑕᕐᓗᓯ ᐅᖄᓚᕕᖕᒧᑦ ᓄᕙᒡᔪᐊᕐᓇᓕᕆᔪᒧᑦ ᐅᐸᒍᑎᓯᒪᓚᐅᕋᓱᒋᒍᔅᓯ ᓄᕙᒡᔪᐊᕐᓇᖅ-19−ᓕᖕᒧᑦ ᐅᕗᖓ 1-888-975-8601 10−ᒥ ᐅᓪᓛᒃᑯᑦ ᐊᒻᒪ 6−ᒧᑦ ᐅᓐᓄᒃᑯᑦ ᐊᑯᓐᓂᖓᓂ. ᑲᓇᖕᓇᒥ ᑕᒪᑦᑕᓕᒫᑦᑎᐊᖅ ᐱᒻᒪᕆᐅᔪᓂᒃ ᐱᓕᕆᐊᒃᓴᖃᖅᑐᐃᓐᓇᐅᕗᒍᑦ. ᖃᓄᐃᓕᐅᕐᓂᓯ ᑭᒃᑯᓕᒫᑦᑎᐊᑦ ᖃᓄᐃᙱᓐᓂᖏᓐᓂᒃ ᐊᒃᑐᐃᔪᓐᓇᕐᒪᑕ. ᓯᐊᒻᒪᒃᑎᕆᓂᐅᑐᐃᓐᓇᕆᐊᓕᒃ ᓄᖅᑲᖅᑎᓐᓇᓱᙳᐊᖦᖤᕐᓚᕗᑦ ᑲᒪᒌᖃᑦᑕᐅᑎᓗᑕᓗ.

 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᑐᓴᖅᑎᑦᑎᔾᔪᑎᖏᑦ ᓄᑖᑦ

ᐅᓪᓛᒃᑯᑦ. ᐃᑉᐸᒃᓴᖅ, ᑐᓴᖅᑎᑦᑎᓚᐅᕋᑦᑕ ᑲᖏᖅᖠᓂᕐᒥ ᓄᕙᕐᔪᐊᕐᓇᖅ-19−ᒧᑦ ᖃᐅᔨᓴᖅᑕᐅᔪᒥᑦ ᐱᖃᕐᓂᕋᖅᑕᐅᔪᖃᕐᓂᖓᓂ. ᑕᐃᓐᓇ ᐃᓄᒃ ᐱᓇᓱᐊᕈᓯᐅᓚᐅᖅᑐᖅ ᐋᓐᓂᐊᕐᕕᓕᐊᓚᐅᖅᐳᖅ ᐋᓐᓂᐊᑲᑕᓗᐊᙱᖦᖢᓂ. ᒫᓐᓇ ᖃᓄᐃᙱᑦᑐᖅ ᐃᓄᑑᑎᑕᐅᓪᓗᓂᓗ.

ᐋᓐᓂᐊᑲᑕᓕᕐᕕᒋᓚᐅᖅᑕᖓ ᒪᓕᒃᖢᒍ, ᓄᕕᐱᕆ 5 ᖃᓂᒋᔮᓂ ᐊᐃᑦᑐᕐᓗᒃᑕᐅᓚᐅᕋᓱᒋᔭᐅᕗᖅ. ᐊᐃᑦᑐᕐᓗᒃᑕᐅᓯᒪᑐᐃᓐᓇᕆᐊᓖᑦ ᒫᓐᓇ ᖃᐅᔨᓴᖅᑕᐅᕙᓪᓕᐊᓕᖅᐳᑦ. ᐅᓪᓗᒥ ᐱᒋᐊᖅᖢᓂ, ᖃᓂᒋᓚᐅᖅᑕᖏᑦ ᖃᔅᓰᓐᓇᐅᓗᐊᖅᐳᑦ ᐅᖃᐅᓯᕆᔭᕆᐊᒃᓴᖅ, ᑭᓯᐊᓂ ᖃᐅᔨᒪᔪᒍᑦ ᐅᓄᖅᓯᕙᓪᓕᐊᓂᐊᕐᓂᖏᓐᓂᒃ ᐅᓪᓗᓂ ᐊᒡᒋᖅᑐᓂ. ᐅᓪᓗᕆᐊᓇᖅᑐᒦᓛᖑᔪᑦ ᐊᖏᕐᕋᒥᓂ ᐃᓄᑑᔭᕆᐊᖃᖅᑎᑕᐅᓂᐊᖅᑐᑦ. ᐅᓗᕆᐊᓇᖅᑐᒦᓗᐊᙱᑦᑐᑦ ᐋᓐᓂᐊᓕᖅᐸᓪᓕᐊᖕᒪᖔᑦ ᖃᐅᔨᓴᖁᔭᐅᓂᐊᖅᐳᑦ.

ᑐᓴᖅᑎᑦᑎᓚᐅᕆᕗᒍᑦ ᖃᔅᓯᑲᓪᓚᖕᓂᑦ ᐊᕝᐋᓐᓂᐊᖅᑐᓕᕆᔨᒃᑯᑦ ᐊᑐᖁᔭᖏᓐᓂᒃ ᓄᓇᓕᖕᓂ ᐊᐃᑦᑐᕐᓗᐃᖏᓐᓂᖅᓴᐅᖁᓪᓗᒋᑦ. ᑖᒃᑯᐊ ᖃᕆᓴᐅᔭᒃᑯᑦ ᐊᑐᐃᓐᓇᐅᕗᑦ ᐅᕙᓂ www.gov.nu.ca. ᑭᒃᑯᓕᒫᑦᑎᐊᑦ ᑲᖏᖅᖠᓂᕐᒥᙶᓚᐅᖅᑐᑦ ᓄᕕᐱᕆ 5-ᒥ ᐱᒋᐊᖅᖢᓂ ᖃᐅᔨᓴᖁᔭᕗᑦ ᖃᓂᒻᒪᒃᐸᓪᓕᐊᖕᒪᖔᑕ ᐅᓪᓗᓄᑦ 14-ᓄᑦ ᑕᐃᙶᓚᐅᕐᓗᑎᒃ. ᐅᖃᐅᔾᔨᕗᒍᑦ ᒫᓐᓇᐅᔪᖅ ᐊᐅᓪᓚᕆᐊᖃᓪᓚᕆᙱᑦᑐᑦ ᓂᐅᕐᕈᑲᑕᖁᙱᖦᖢᑎᒍᑦ.

ᓴᓂᑭᓗᐊᕐᒥ, ᒪᕐᕉᒃ ᓇᓗᓇᐃᖅᑕᐅᓚᐅᖅᑑᒃ ᖃᓄᐃᙱᑉᐴᒃ ᐃᓄᑑᔭᕆᐊᖃᖅᑎᑕᐅᓪᓗᑎᒡᓗ. 11 ᖃᓂᒋᔭᐅᓚᐅᖅᑐᑦ ᓇᓗᓇᐃᖅᑕᐅᓚᐅᖅᑐᑦ ᓇᒡᒐᔾᔭᒥ ᐊᓪᓚᕐᕕᐅᓚᐅᖅᐳᑦ ᖃᐅᔨᓴᖅᑕᐅᔾᔪᑎᖏᓪᓗ ᐱᑕᖃᙱᓐᓂᕋᖅᑕᐅᓪᓗᑎᒃ.

27-ᑲᓐᓂᕐᓂᑦ ᖃᐅᔨᓴᖅᑕᐅᔪᖃᖅᓯᒪᓕᖅᐳᖅ ᑕᒪᑦᑎᐊᕐᓗ ᐱᖃᙱᓐᓂᕋᖅᑕᐅᓪᓗᑎᒃ. ᐊᐃᑦᑐᕐᓗᒃᑕᐅᓯᒪᑐᐃᓐᓇᕆᐊᓖᑦ ᖃᐅᔨᓴᖅᑕᐅᕗᑦ ᐃᓄᑑᔭᕆᐊᖃᖅᑎᑕᐅᓪᓗᑎᒡᓗ ᓄᓇᓕᖕᓂ ᐊᐃᑦᑐᕐᓗᐃᑦᑕᐃᓕᒪᑎᑦᑎᓂᕐᒥᒃ ᑐᕌᒐᖃᖅᖢᑎᒃ. ᖃᐅᔨᓴᑲᑕᐃᓐᓇᕐᓂᐊᖅᐳᑦ ᐱᔭᕆᐊᖃᕋᓱᒋᒍᑎᒃ.

ᐅᓪᓗᒥ, ᑐᓴᖅᑎᑦᑎᔪᒪᒋᕗᖓ ᓄᑖᓂᒃ ᐊᑐᖁᔭᐅᔪᓂᒃ ᓄᓇᕗᑦ ᐊᑐᕐᓂᐊᖅᑕᖓᓂ. ᐅᔾᔨᖅᓱᑦᑎᐊᕐᓗᑕ ᐃᓱᒪᓕᐅᕆᓂᐊᖅᐳᒍᑦ ᐊᒻᒪ ᑭᓯᐊᓂ ᑲᖏᖅᖠᓂᕐᒧᑦ ᐋᖅᑭᒃᓯᒪᑦᑎᐊᓕᕈᑦᑕ ᑭᕙᓪᓕᕐᒥ ᐊᕕᒃᑐᖅᓯᒪᔪᑦ ᐊᓯᖏᑦ ᐃᖃᓗᐃᑦᓗ ᐋᖅᑭᒋᐊᕐᓂᐊᕆᕙᕗᑦ ᑭᒡᓕᖃᖅᑎᑕᐅᓂᐊᖅᑐᑦ.

  • ᐃᓕᓐᓂᐊᕐᕖᑦ ᑭᕙᓪᓕᕐᒥ ᑲᖏᖅᖠᓂᐅᑉ ᓯᓚᑖᓃᑐᑦ ᐊᒻᒪ ᐃᓕᓐᓂᐊᕐᕖᑦ ᐃᖃᓗᖕᓂ ᐅᒃᑯᐃᖓᐃᓐᓇᖁᔭᐅᕗᑦ ᒪᓕᒡᓗᑎᒡᓗ ᐃᓕᓐᓂᐊᕐᓂᓕᕆᔨᒃᑯᑦ ᒪᑐᐃᖅᑕᐅᓂᐊᖅᑐᑦ ᐸᕐᓇᐅᑎᖓᓂ ᓄᓇᕗᒻᒥ ᐃᓕᓐᓂᐊᕐᕕᖏᓐᓄᑦ ᑐᕌᖓᔪᓂᑦ.
  • ᓂᕆᔭᖅᑐᕐᕕᓕᒫᑦ ᑭᕙᓪᓕᕐᒥᐅᓂᑦ ᑲᖏᖅᖠᓂᐅᑉ ᓯᓚᑖᓂ ᐊᒻᒪ ᐃᖃᓗᖕᓂ ᓱᓕ ᐅᒃᑯᐃᖓᓂᐊᖅᐳᑦ ᓂᕆᕝᕕᑦ, ᐊᒡᔭᖅᓯᕝᕕᐅᓗᑎᒃ ᐊᒻᒪ ᓂᕆᔭᒃᓴᓂᑦ ᑎᑭᓴᐃᔪᓐᓇᕐᓗᑎᒃ.
  • ᐃᒃᓯᕚᕈᓐᓇᖅᑐᑦ 50 ᐅᖓᑖᓃᑦᑕᕆᐊᖃᙱᑉᐳᑦ ᐅᕝᕙᓘᓐᓃᑦ ᐃᒃᓯᕚᕈᓐᓇᖅᑎᑕᐅᒐᔪᒃᑐᑦ 50-ᐳᓴᖏᑦ.
  • ᐅᖓᓯᒌᒋᐊᖃᕋᔭᖅᑐᑦ ᒪᕐᕈᖕᓂᑦ ᒦᑕᓂᑦ (2 ᒦᑕ) ᐅᖓᓯᒌᒡᓗᑎᒃ ᑭᐳᐃᑦ ᐊᒻᒪᓗ ᐃᓄᐃᑦ ᑐᑭᓕᕇᒃᑐᑦ ᐅᑕᖅᑭᔪᑦ ᑎᑭᓵᒥᓂᒃ ᐅᕝᕙᓘᓐᓃᑦ ᐱᔨᑦᑎᕋᖅᑕᐅᑎᓪᓗᒋᑦ ᓂᐅᕕᖅᑎᖓᓂᑦ.
  • ᐊᕐᕕᓂᓕᑦ ᐅᖓᑖᓃᑦᑕᕆᐊᖃᙱᑦᑐᑦ ᐃᒃᓯᕚᖅᑐᑦ ᐅᕝᕙᓘᓐᓃᑦ ᑲᑎᙵᑦᑕᐃᓕᒪᓗᑎᒃ ᑭᐴ ᖃᓂᒋᔮᓂ.
  • ᓂᕿᓕᕆᕙᒃᑐᓄᑦ ᐊᑐᓕᖅᑎᑕᐅᔪᑦ ᓇᖕᒥᓂᖅ ᐃᑲᕐᕋᖏᓐᓂᑦ ᐋᖅᑭᒃᓯᔪᓐᓇᖅᑐᑦ ᓂᕆᕝᕕᖓᓂ, ᑎᑭᓴᐃᕝᕕᐅᖃᑦᑕᖅᑐᑦ ᓂᕆᔭᒃᓴᐃᓪᓗ ᐊᒡᔭᖅᑕᐅᕙᒃᑐᑦ.
  • ᐱᔪᓐᓇᐅᑎᖃᖅᑎᐅᔪᑦ ᖃᒪᓂ'ᑐᐊᕐᒥ ᒪᑐᐃᖓᐃᓐᓇᕈᓐᓇᖅᑐᑦ ᐃᑲᕐᕋᕆᕙᒃᑕᒥᒍᑦ, ᐱᔭᕆᐊᖃᖅᐸᑕ ᐱᔪᓐᓇᐅᑎᖏᓐᓄᑦ ᖃᓄᐃᓕᖓᓂᖏᓐᓄᑦ. ᐃᓅᖃᑎᒌᑦ ᖃᓂᒌᓗᐊᕆᐊᖃᙱᑦᑐᑦ ᓇᐅᑦᑎᖅᓱᖅᑕᐅᔭᕆᐊᓕᑦ ᖃᖓᓕᒫᑦᑎᐊᖅ.
  • ᐋᖅᑭᒃᑕᐅᓯᒪᔪᓕᒫᑦ ᐃᓄᒋᐊᒃᑐᒃᑯᕖᑦ ᑭᒡᓕᖃᖅᑎᑕᐅᓂᐊᖅᑐᑦ ᐃᒪᓐᓇ:
    • 50 ᐃᓄᐃᑦ ᓯᓚᒥ ᑲᑎᙵᔪᑦ.
    • ᑕᓪᓕᒪᑦ ᐃᓄᐃᑦ ᐃᒡᓗᒋᔭᐅᔪᒥᑦ ᐃᒡᓗᒥᐅᖃᑎᒋᔭᐅᔪᓪᓗ.
    • ᐊᓯᖏᑦ ᐃᒡᓗᕐᔪᐊᑦ ᓄᓇᓕᖕᓂ ᖃᓄᐃᓕᐅᖅᑐᓄᑦ ᑲᑎᒪᔪᓄᓪᓗ ᐊᑐᖅᑕᐅᕙᒃᑐᑦ, ᓂᖅᑐᐃᕝᕖᓪᓗ, 50 ᐅᖓᑖᓂᐅᙱᑦᑐᖅ ᐃᓄᖃᕆᐊᖃᖅᐳᑦ ᐅᕝᕙᓘᓐᓃᑦ ᐃᓐᓄᒍᓐᓇᕐᓂᖓᑕ 50−ᐳᓴᖓᓂ ᖃᑦᑎᕆᔨᒃᑯᑦ ᐊᖓᔪᖅᑳᖓᑕ ᐋᖅᑭᒃᑕᖓᓂᒃ.
  • ᐊᐅᓪᓚᕆᐊᖃᓪᓚᕆᙱᑦᑐᑦ ᐊᐅᓪᓚᑲᑕᖁᔭᐅᙱᑉᐳᑦ.
  • ᑭᓇᑐᐃᓐᓇᖅ ᖃᓂᒪᑲᑕᓕᕈᓂ ᐋᓐᓂᐊᕐᕕᖕᒧᑦ ᐅᖃᓗᑲᐅᑎᒋᖁᔭᐅᕗᖅ ᐅᕝᕙᓘᓐᓃᑦ ᓄᕙᕐᔪᐊᕐᓇᖅ-19 ᐅᖄᓚᕝᕕᖓᓄᑦ.
  • ᒐᕙᒪᒃᑯᑦ ᑎᑎᕋᕐᕕᓕᒫᖏᑦ ᓱᓕ ᒪᑐᐃᖓᓂᐊᖅᐳᑦ.
  • ᒐᕙᒪᒃᑯᑦ ᐱᔨᑦᑎᕋᖅᑎᖏᑦ ᓱᓕ ᐊᑐᖅᐸᒃᑕᒥᓂᒃ ᑲᔪᓯᓂᐊᖅᐳᑦ.

ᓄᓇᕗᒻᒥᐅᑦ ᐊᐱᖅᑯᑎᒃᓴᓖᑦ ᖃᐅᔨᓴᖅᑕᐅᓂᐅᑉ ᒥᒃᓵᓄᑦ ᖃᓄᑐᐃᓐᓇᕐᓘᓐᓃᑦ ᐋᓐᓂᐊᖅᑐᓕᕆᔨᒃᑯᑦ ᐊᑐᖁᔭᖏᓐᓂᒃ, ᓄᕙᒡᔪᐊᕐᓇᖅ-19 ᐅᖄᓚᕝᕕᒃᓴᖓᓄᑦ ᐅᖃᓗᖃᑦᑕᕐᓂᐊᖁᕙᒃᑲ.

ᖁᔭᓐᓇᒦᒃ

 

ᒥᓂᔅᑕ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᓄᑖᙳᕆᐊᖅᑎᑕᖏᑦ

ᐅᖃᐅᓯᕆᐊᕐᔪᖕᓂᐊᖅᑕᒃᑲ ᓄᖅᑲᙱᓐᓂᑦᑎᓐᓂ. ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕᕆᔭᐅᓕᓵᖅᑎᓪᓗᖓ, ᑐᓴᖅᑎᑦᑐᒪᕙᔅᓯ ᐃᒪᓐᓇ, ᐱᓇᓱᐊᕈᓯᖅ ᓯᕗᓪᓕᖅ ᐅᐊᑲᓪᓚᐅᕗᖅ. ᑭᓯᐊᓂ ᑭᒃᑯᓕᒫᑦᑎᐊᑦ ᑐᓴᐅᒪᖁᑦᑎᐊᖅᐸᒃᑲ ᑕᒪᑐᒧᖓ ᐱᕙᒌᔭᖅᓯᒪᑦᑎᐊᕋᑦᑕ, ᐊᒻᒪ ᐊᒃᓱᕈᕐᓇᖅᑐᒻᒪᕆᐊᓘᖅᑰᔨᒐᓗᐊᖅᑎᓪᓗᒍ, ᐅᐃᒪᔮᕆᐊᖃᙱᑦᑐᒍᑦ.

ᒪᓕᒐᓕᐅᖅᑎᐅᑎᓪᓗᖓ ᓄᓇᖅᑲᑎᒌᓄᑦ ᐊᒃᑐᖅᑕᐅᔪᓄᑦ ᓄᕙᒡᔪᐊᕐᓇᖅ-19−ᒧᑦ, ᐅᖃᐅᓯᐅᑲᑕᒃᑐᒥ ᐅᖃᖃᑕᐅᑐᐃᓐᓇᕐᒥᔪᖓ, ᖃᐅᔨᒪᔪᖓᓗ ᓄᓇᖅᑲᑎᒌᒃᑎᒍᑦ ᐊᓂᒍᖅᑎᑦᑐᓐᓇᕋᑦᑎᒍᑦ ᑕᒪᓐᓇ.

ᐅᖃᒃᑲᓐᓂᕈᒪᑐᐃᓐᓇᖅᐳᖓ ᐃᓚᖏᓐᓂᒃ ᓯᕗᓕᖅᑎᐅᑉ ᐊᒻᒪ ᓘᒃᑖᖅ ᐹᑐᓴᓐ ᐅᖃᖃᑦᑕᖅᓯᒪᔭᖏᓐᓂᒃ.

ᓇᓚᐅᑦᑖᕈᓐᓃᖅᑕ ᑭᒃᑯᑦ, ᑭᓱ, ᓇᓂ, ᖃᖓ ᐊᒻᒪ ᖃᓄᖅ ᑕᒪᓐᓇ ᓴᖅᑭᓚᐅᕐᒪᖔᑦ, ᑲᒪᒋᖔᓚᐅᕐᓚᕗᑦ ᐱᓕᕆᐊᕆᒋᐊᖃᖅᑕᕗᑦ ᓯᐊᒻᒪᒃᑎᖅᑕᐃᓕᒪᓗᒍ.

ᐃᓱᒪᖃᑎᒌᑦᑎᐊᓚᐅᖅᑕ ᒪᓕᑦᑎᐊᑐᐃᓐᓇᕐᓗᑎᒍᓪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐆᒃᑑᒪᔭᖁᔭᐅᔪᑦ. ᐳᓚᕋᓗᐊᕈᓐᓃᕐᓗᑕ, ᒪᑐᐊᖅᓯᒪᕙᒡᓗᑕ, ᐊᒡᒐᕗᑦ ᐅᐊᓴᑲᑕᐃᓐᓇᕐᓗᑎᒍᑦ ᐃᑯᓯᑦᑎᓐᓄᓪᓗ ᖁᐃᖅᓱᖅᐸᒡᓗᑕ, ᐅᐃᒪᔭᙱᓪᓗᑕᓗ.

ᐃᑲᔪᖅᓱᑦᑎᐊᓚᐅᕐᓚᕗᑦ ᐋᓐᓂᐊᓯᐅᖅᑎᑦ. ᐃᑲᕐᕋᒐᓵᓗᖕᓄᑦ ᐱᓕᕆᖃᑦᑕᖅᑐᑦ ᑲᒪᒋᔭᕆᐊᖃᖅᑕᖏᑦ ᐊᒥᓲᓪᓗᑎᒃ ᐅᐸᒃᑕᐅᒋᐊᖃᙱᑦᑐᓂᒡᓗ ᐱᓕᕆᕙᒃᖢᑎᒃ ᑲᒪᒋᔭᐅᑦᑎᐊᕋᓗᐊᕐᒪᖔᑦᑕ ᐱᓕᕆᓪᓗᑎᒃ. ᐃᑲᔪᖅᓱᕆᐊᖃᖅᑕᕗᑦ ᖁᔭᓕᒋᐊᖃᖅᑕᕗᑦ, ᐱᑦᑎᐊᕐᓗᑎᒍᑦ.

ᖃᖓᑕᓲᒃᑯᑦ ᐊᐅᓪᓚᕆᐊᖃᙱᒃᑯᔅᓯ ᐊᐅᓪᓚᑲᑕᙱᐊᓪᓚᒋᔅᓯ − ᒫᓐᓇᐅᙱᑲᓚᐅᖅᑐᖅ.

ᑭᖑᓪᓕᖅᐹᒥ, ᐊᖓᔪᒋᔭᕗᑦ ᐊᖓᔪᖅᑳᕗᑦ ᐅᕝᕙᓘᓐᓃᑦ ᑎᒥᒥᒍᑦ ᓴᐳᔾᔨᔾᔪᑎᖃᑦᑎᐊᙱᑦᑐᑦ ᐱᖃᓐᓇᕆᔭᕕᑦ ᖃᓄᐃᙱᑦᑎᐊᕆᐊᖃᕐᓂᖓ ᐃᓱᒪᒋᑦᑎᐊᕐᓗᒍ. ᑭᒃᑯᓕᒫᑦᑎᐊᑦ ᐱᓕᕆᐊᖏᑦ ᓱᖁᑕᐅᖕᒪᑕ.

ᑲᒪᒋᖔᓚᐅᕐᓚᕗᑦ ᓄᓇᖅᑲᑎᕗᑦ ᐅᕙᑦᑎᓐᓂ ᑲᒪᒋᑐᐃᓐᓇᕈᓐᓃᕐᓗᑕ. ᐊᖏᕐᕋᖅᓯᒪᓗᓯ ᐊᑦᑕᕐᓇᖅᑐᒧᐊᖅᑕᐃᓕᓗᓯ, ᓴᓂᑭᓗᐊᕐᒥᐅᑦ ᐊᒻᒪ ᑲᖏᖅᖠᓂᕐᒥᐅᑦ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᖕᓂᕆᔭᖓᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᐅᓗᕆᐊᓇᖅᑐᒧᑦ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑎᖏᑦ

ᑭᓯᐊᓂ ᑐᐊᕕᕐᓇᖅᐸᑦ, ᑲᖏᖅᖠᓂᒥᐅᑦ ᐋᓐᓂᐊᕐᕕᖕᒧᑦ ᐅᖄᓚᖅᑳᖃᑦᑕᖁᔭᕗᑦ ᐊᑐᕆᐊᖃᖅᑕᒥᓂᒃ ᐅᖃᐅᔾᔭᐅᓂᐊᕐᒪᑕ. ᑭᓇᑐᐃᓐᓇᑦᑎᐊᖅ ᐊᐱᖅᑯᑎᒃᓴᓕᒃ ᓄᕙᒡᔪᐊᕐᓇᖅ-19 ᒥᒃᓵᓄᑦ ᐊᐱᕆᔭᐅᕗᑦ ᐅᖄᓚᖁᔭᐅᓪᓗᑎᒃ ᐅᕗᖓ, 1-888-975-8601.

 

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐃᓄᑐᐊᒃᑯᕕᖕᒦᑦᑐᑦ)  
ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᓄᕕᐱᕆ 12−ᒥ ᐱᒋᐊᖅᖢᓂ
ᐋᓐᓂᐊᕐᕕᓕᐊᖅᑐᑦ 520
ᑭᒃᑯᑐᐃᓐᓇᑦ 283
ᑲᑎᖦᖢᒋᑦ 803


ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐃᓄᑐᐊᒃᑯᕕᖕᒦᑦᑐᑦ
ᓄᕕᐱᕆ 12 50
ᓄᕕᐱᕆ 13 40
ᓄᕕᐱᕆ 14 0
ᓄᕕᐱᕆ 15 20
ᓄᕕᐱᕆ 16 96
ᑲᑎᖦᖢᒋᑦ 206

 

ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ

ᓄᕕᐱᕆ 11−ᒥ ᐱᒋᐊᖅᖢᒍ, 8678−ᓂᒃ ᑐᒃᓯᕋᖅᑐᖃᓚᐅᖅᐳᖅ, 4062−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ # %
ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ) 5833 67.2%
ᐊᖏᖅᑕᐅᙱᑦᑐᑦ 280 3.2%
ᐅᑕᖅᑭᔪᑦ 187 2.2%
ᐊᐅᓪᓚᕐᕕᐅᔪᓐᓇᕐᑐᑦ ᐊᑐᖅᑕᐅᒐᔪᒃᑐᓄᑦ ᐊᖏᖅᑕᑦ 2378 27.4%
ᑲᑎᖦᖢᒋᑦ 8678 100%

 


ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐃᖃᓗᖕᓂ ᐊᒻᒪ ᑭᕙᓪᓕᕐᒥᑦ ᓯᓚᑦᑐᖅᓴᕐᕖᑦ − ᑲᖏᖅᖠᓂᐅᑉ ᐊᓯᐊᓂ (ᐊᕐᕕᐊᑦ, ᖃᒪᓂᑦᑐᐊᖅ, ᐃᒡᓗᓕᒑᕐᔪᒃ, ᓴᓪᓖᑦ, ᓇᐃᔮᑦ, ᐊᒻᒪ ᑎᑭᕋᕐᔪᐊᖅ).

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᒪᓕᒃᖢᒍ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᓯᕆᔭᖓ, ᐃᓕᓐᓂᐊᕐᕖᑦ ᐊᕐᕕᐊᓂ, ᖃᒪᓂ'ᑐᐊᕐᒥ, ᐃᒡᓗᓕᒑᕐᔪᖕᒥ, ᓴᓪᓕᕐᒥ, ᓇᐅᔮᓂ, ᑎᑭᕋᔪᐊᕐᒥ, ᐊᒻᒪ ᐃᖃᓗᖕᓂ (ᐃᖃᓗᖕᓂ ᐃᓕᓐᓂᐊᖅᑐᓕᕆᔨᒃᑯᑦ, ᓂᐊᖁᙴᒥ ᐃᓕᓐᓂᐊᖅᑐᓕᕆᔨᒃᑯᑦ, ᐊᒻᒪ ᐅᐃᕖᑦ ᐃᓕᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ ᒫᓐᓇ ᐱᓕᕆᔾᔪᓯᖅ 2-ᒦᓕᖅᑐᑦ: ᐊᑦᑕᕐᓇᖅᒦᓕᖅᐸᓪᓕᐊᔪᑦ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᔪᓐᓇᖅᑐᑦ ᐊᕕᒃᑐᖅᓯᒪᔪᓂ, ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ.

ᐃᓕᓐᓂᐊᕐᕖᑦ ᑭᕙᓪᓕᕐᒥ ᐊᒻᒪ ᐃᖃᓗᖕᓂ (ᐃᖃᓗᖕᓂ ᐃᓕᓐᓂᐊᖅᑐᓕᕆᔨᒃᑯᑦ, ᓂᐊᖁᙴᒥ ᐃᓕᓐᓂᐊᖅᑐᓕᕆᔨᒃᑯᑦ, ᐊᒻᒪ ᐅᐃᕖᑦ ᐃᓕᓐᓂᐊᕐᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ) ᐊᑐᓕᖅᑎᑦᑎᓛᖅᑐᑦ ᐱᓕᕆᔾᔪᓯᖅ 2 ᐱᓕᕆᐊᖑᔪᒃᓴᑦ ᐸᕐᓇᐅᑎᓂᒃ. ᐃᓕᓐᓂᐊᒃᕖᑦ ᑲᖏᖅᖠᓂᕐᒥ ᐊᑐᕐᓂᐊᓕᖅᑐᑦ 4−ᒦᑦᑐᒥᒃ ᐱᓕᕆᐊᖃᕐᓂᕐᒧᑦ ᐸᕐᓇᐅᑎᒥᖕᓂᒃ.

ᓄᑲᖅᖡᑦ ᐃᓕᓐᓂᐊᕐᕕᖏᑦ ᐊᕐᕕᐊᓂ, ᖃᒪᓂ'ᑐᐊᕐᒥ, ᐃᒡᓗᓕᒑᕐᔪᖕᒥ, ᓴᓪᓕᕐᒥ, ᓇᐅᔮᓂ, ᑎᑭᕋᔪᐊᕐᒥ, ᐊᒻᒪ ᐃᖃᓗᖕᓂ (ᐃᖃᓗᖕᓂ ᐃᓕᓐᓂᐊᖅᑐᓕᕆᔨᒃᑯᑦ, ᓂᐊᖁᙴᒥ ᐃᓕᓐᓂᐊᖅᑐᓕᕆᔨᒃᑯᑦ, ᐊᒻᒪ ᐅᐃᕖᑦ ᐃᓕᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ) ᒪᒃᐱᖅᓯᒪᐃᓐᓇᕐᓂᐊᖅᑐᑦ, ᐅᓪᓗᑦ ᑕᓪᓕᒪᑦ ᐱᓇᓱᐊᕈᓯᕐᒥ.

ᐊᑯᓪᓕᖅ ᐃᓕᓐᓂᐊᕐᕖᑦ ᐊᒻᒪ ᐊᖓᔪᒃᖠᑦ ᐃᓕᓐᓂᐊᕐᕖᑦ ᐊᕐᕕᐊᓂ, ᖃᒪᓂ'ᑐᐊᕐᒥ, ᐃᒡᓗᓕᒑᕐᔪᖕᒥ, ᓴᓪᓕᕐᒥ, ᓇᐅᔮᓂ, ᑎᑭᕋᔪᐊᕐᒥ, ᐊᒻᒪ ᐃᖃᓗᖕᓂ (ᐃᖃᓗᖕᓂ ᐃᓕᓐᓂᐊᖅᑐᓕᕆᔨᒃᑯᑦ, ᓂᐊᖁᙴᒥ ᐃᓕᓐᓂᐊᖅᑐᓕᕆᔨᒃᑯᑦ, ᐊᒻᒪ ᐅᐃᕖᑦ ᐃᓕᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᔾᔨᒌᙱᑦᑐᓂᒃ ᐃᓕᓐᓂᐊᕐᕕᖕᒥ ᐊᒻᒪ ᖃᕆᑕᐅᔭᒃᑯᑦ ᐃᓕᓐᓂᐊᖅᑎᑕᐅᖃᑦᑕᕐᓂᐊᖅᑐᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ 2-3 ᐅᓪᓗᑦ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐱᓕᕆᔾᔪᓯᖅ 2 ᐱᓕᕆᐊᖑᔪᒃᓴᑦ ᐸᕐᓇᐅᑎᒥᒃ.

ᐃᓕᓴᐃᔩᑦ/ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.

ᓄᑖᙳᕆᐊᖅᓯᒪᔪᓂᒃ ᓄᓇᓕᖕᒥᐅᑦ ᖃᓄᐃᓕᕙᓪᓕᐊᓂᖏᓐᓄᑦ ᑕᑯᒃᓴᕈᖅᑎᑕᐅᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/education/information/2020-21-opening-plan-nunavut-sch...

ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓕᓐᓂᐊᕐᕕᖏᑦ ᐱᓕᕆᔾᔪᓯᖅ 2−ᒦᑦᑐᑦ ᒪᑐᓯᔪᓐᓇᖅᐳᑦ ᐅᓪᓗᓕᒫᕐᒧᑦ ᐅᖓᑖᓄᓪᓘᓐᓃᑦ ᐊᐅᓚᑦᑎᔭᕆᐊᖃᓕᕐᓂᖅᐸᑕ, ᐱᕙᒌᔭᕐᓗᑎᒃ ᐱᓕᕆᔾᔪᓯᖅ 2 ᐃᓕᓐᓂᐊᖅᑕᐅᔪᒃᓴᓂᒃ. ᐃᓚᒌᑦ ᖃᐅᔨᒪᓇᓱᖃᑦᑕᕆᐸᖃᕐᓂᐊᖅᑐᑦ ᐃᓕᓐᓂᐊᕐᕕᖕᒥ ᑐᓴᒐᒃᓴᖅᑕᖃᓕᕐᒪᖔᑦ.

ᐃᓕᓐᓂᐊᕐᓂᓕᕆᔨᒃᑯᑦ ᑲᑎᒪᔨᖏᑦ ᐊᕐᕕᐊᓂ, ᖃᒪᓂ'ᑐᐊᕐᒥ, ᐃᒡᓗᓕᒑᕐᔪᖕᒥ, ᓴᓪᓕᕐᒥ, ᓇᐅᔮᓂ, ᑎᑭᕋᔪᐊᕐᒥ, ᐃᖃᓗᖕᓂ, ᐊᒻᒪ ᓂᐊᖁᙴᒥ ᐃᖅᑲᓇᐃᔭᕆᐊᖃᕆᐊᖃᖃᑦᑕᕐᓂᐊᖅᐳᑦ ᐱᓕᕆᐊᕆᔭᕆᐊᓕᖕᓂᒃ ᐱᓕᕆᔭᖅᑐᕐᓗᑎᒃ ᐊᐅᓚᑦᑎᔭᖅᑐᕐᓗᑎᓪᓗ ᐃᓕᓐᓂᐊᕐᕕᖕᒥ ᓯᕗᓕᖅᑎᓂᒃ ᐱᔾᔪᑎᒋᓗᒋᑦ ᐃᓕᓐᓂᐊᕐᕕᖏᑦ ᐃᓄᖃᕆᐊᖃᕐᓂᖏᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᓯᖏᑦ, ᐸᐃᕆᕕᓕᒫᑦ ᐊᕐᕕᐊᓂ, ᖃᒪᓂᑦᑐᐊᕐᒥ, ᐃᒡᓗᓕᒑᕐᔪᖕᒥ, ᓴᓪᓕᕐᒥ, ᓇᐅᔮᓂ, ᑎᑭᕋᔪᐊᕐᒥ, ᐊᒻᒪ ᐃᖃᓗᖕᓂ ᒪᒃᐱᖅᓯᒪᐃᓐᓇᕈᓐᓇᖅᑐᑦ ᒪᓕᒡᓗᑎᒃ ᒫᓐᓇ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑐᑭᒧᐊᒍᑎᖏᓐᓂᒃ ᐊᒻᒪ ᐆᒃᑐᖅᑕᐅᖁᔭᖏᓐᓂᒃ.

 

ᓄᓇᕗᒻᒥ ᓯᓚᑦᑐᖅᓴᕐᕕᒃ

ᓇᓗᓇᐃᖅᑕᐅᓯᒪᔪᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐱᒋᐊᕈᑎᓄᑦ ᐸᕐᓇᐅᑎᑦ, ᓄᓇᕗᒻᒥ ᓯᓚᑦᑐᖅᓴᕐᕕᒃ ᐱᓕᕆᓯᒪᓕᖅᑐᑦ ᐱᓕᕆᔾᔪᓯᖅ 4 ᑲᖏᖅᖠᓂᕐᒥ, ᐱᓕᕆᔾᔪᓯᖅ 2 ᑭᕙᓪᓕᕐᒥ ᓄᓇᓕᖕᓂ ᐊᒻᒪ ᐃᖃᓗᖕᓂ.

ᑲᖏᖅᖠᓂᖅ:

  • ᓄᓇᕗᒻᒥ ᓯᓚᑦᑐᖅᓴᕐᕖᑦ ᐃᓄᖕᓄᑦ ᒪᑐᓯᒪᔪᑦ, ᐃᓕᓐᓂᐊᖅᑎᓄᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᓄᑦ ᐃᖅᑲᓇᐃᔭᖅᑎᓄᑦ. ᐃᓚᓕᐅᔾᔭᐅᔪᑦ ᓄᓇᓕᖕᓂ ᐃᓐᓇᐃᑦ ᐃᓕᓐᓂᐊᕐᕕᖓᑦ, ᑭᕙᓪᓕᕐᒥ ᐃᓕᓐᓂᐊᕐᕕᒃ ᐊᒻᒪ ᓴᓇᑐᓕᖅᓴᕐᕕᒃ.
  • ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑕᐅᔪᑦ ᓄᖅᑲᖅᑎᑕᐅᑲᓚᐅᖅᑐᑦ, ᐊᔪᕐᓇᙱᑉᐸᓪᓗ, ᖃᕆᑕᐅᔭᒃᑯᑦ ᐃᓕᓐᓂᐊᖅᑎᑕᐅᖔᓛᓕᖅᑐᑦ. ᐃᓕᓐᓂᐊᖅᑎᑦ ᑲᖏᖅᖠᓂᕐᒥ ᓇᓗᓇᐃᖅᓯᒋᐊᖃᕐᓂᐊᖅᑐᑦ ᖃᐅᔨᒋᐊᕐᕕᒃᓴᖏᓐᓂᒃ ᐃᓕᓴᐃᔨᒥᖕᓄᑦ.
  • ᓄᓇᕗᒻᒥ ᓯᓚᑦᑐᖅᓴᕐᕕᒃ ᐃᑲᔪᖅᓱᐃᖏᓐᓇᕐᓂᐊᖅᑐᑦ ᐃᓕᓐᓂᐊᖅᑎᓂᒃ ᑐᔪᕐᒥᔪᓂᒃ ᑭᕙᓪᓕᕐᒥ ᐃᓕᓐᓂᐊᖅᑎᑦ ᑐᔪᕐᒥᕕᖓᓐᓂ.
  • ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᓄᓇᓖᑦ ᐃᖅᑲᐃᓯᔭᐅᕗᑦ ᐃᑲᔪᖅᓱᐃᔾᔪᑎᑕᖃᕐᓂᖓᓂᒃ ᐃᑲᔪᖅᑕᐅᔭᕆᐊᖃᖅᑐᖃᖅᐸᑦ, ᐃᓅᓯᓕᕆᔨᑕᖃᖅᑐᕐᓗ ᑲᖏᖅᖠᓂᕐᒥ ᐊᒻᒪ ᐃᖃᓗᖕᓂ.
  • ᖃᓄᑐᐃᓐᓇᖅ ᖃᐅᔨᓴᖅᑕᐅᔪᑦ ᐊᒃᑐᐊᓂᓖᑦ ᐱᓕᕆᐊᓄᑦ ᓄᓇᓕᖕᓂ ᒪᓕᒋᐊᖃᖃᑦᑕᕐᓂᐊᖅᐳᑦ ᒫᓐᓇ ᐋᖅᑭᒃᑕᐅᓯᒪᔪᓄᑦ.

ᑭᕙᓪᓕᕐᒥ ᓄᓇᓖᑦ ᐊᒻᒪ ᐃᖃᓗᐃᑦ:

  • ᓄᓇᕗᒻᒥ ᓯᓚᑦᑐᖅᓴᕐᕖᑦ ᐃᓄᖕᓄᑦ ᒪᑐᓯᒪᔪᑦ. ᐃᓕᓐᓂᐊᖅᑐᑦ ᑲᔪᓯᓂᐊᖅᑐᑦ ᑕᐃᒫᖑᕙᒻᒪᑦ.
  • ᓄᓇᕗᒻᒥ ᓯᓚᑦᑐᖅᓴᕐᖕᒥ ᐃᓕᓐᓂᐊᖅᑎᑦ, ᐃᖅᑲᓇᐃᔭᖅᑎᑦ ᐊᒻᒪ ᓯᓚᑦᑐᖅᓴᕐᕕᖕᒥᐅᑦ ᑎᓕᐅᖅᑕᐅᕗᑦ ᐊᒡᒐᑎᒃ ᐅᐊᓴᑦᑎᐊᖃᑦᑕᖁᓪᓗᒋᑦ ᐅᐊᓴᕋᔪᒡᓗᒋᓪᓗ, ᐅᖓᓯ[ᒋᒃᑕᑲᑕᒡᓗᑎᒃ ᐊᐃᓯᒪᓗᑎᒡᓗ ᖃᓂᒪᑐᐊᖅᐸᑕ.
  • ᐃᓕᓐᓂᐊᖅᑎᑦ ᑐᔪᕐᒥᕕᖕᒦᑦᑐᑦ ᐳᓛᖅᑕᐅᖃᑦᑕᖅᑐᑦ ᐃᓄᒋᐊᑲᑕᖁᔭᐅᙱᑉᐳᑦ ᐃᓚᒌᑐᐊᑦ ᒫᓐᓇ ᖃᓄᐃᒋᔭᐅᙱᑦᑐᑦ.
  • ᖃᓄᑐᐃᓐᓇᖅ ᖃᐅᔨᓴᖅᑕᐅᓯᒪᔪᑦ ᐊᒃᑐᐊᓂᓖᑦ ᐱᓕᕆᐊᓄᑦ ᑖᒃᑯᓇᓂ ᓄᓇᓕᖕᓂ ᑎᓕᐅᖅᑕᐅᕗᑦ ᓄᓇᓕᖕᓂ ᑲᑎᙵᕈᓘᔭᖃᑦᑕᖅᑐᑦ ᐋᖅᑭᒋᐊᖅᓯᒃᑲᓐᓂᖁᔭᐅᓪᓗᑎᒃ.

 

ᑮᓇᐅᔭᓕᕆᔨᒃᑯᑦ

ᑲᖏᖅᖠᓂᕐᒥ ᑎᑎᕋᕐᕖᑦ

ᑮᓇᐅᔭᓕᕆᔨᒃᑯᑦ ᑎᑎᕋᕐᕕᖏᑦ ᑲᖏᖅᖠᓂᕐᒥ ᒪᑐᓯᒪᐃᓐᓇᕐᓂᐊᖅᑐᑦ ᐱᓇᓱᐊᕈᓯᓕᒫᖅ. ᑮᓇᐅᔭᓕᕆᔨᒃᑯᑦ ᑎᑎᕋᕐᕕᖕᒧᑦ ᐅᑎᓛᖅᑐᑦ ᓇᒡᒐᔾᔭ, ᓄᕕᐱᕆ 16−ᒥ. ᑭᓯᐊᓂ, ᑎᑎᕋᕐᕕᒃ ᒪᑐᓯᒪᓂᐊᖅᑐᖅ ᑭᒃᑯᓕᒫᓄᑦ.

ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓕᒫᑦ ᑭᕙᓪᓕᕐᒥ ᐊᑭᓕᐅᓯᐊᓛᖅᑐᑦ ᓄᕕᐱᕆ 13 ᐊᑭᓕᖅᑕᐅᓐᓇᒃᑯᑦ. ᐃᖅᑲᓇᐃᔭᖅᑏᑦ ᓯᒃᑭᑖᖃᑦᑕᖅᑐᑦ ᓯᒃᑭᑖᖏᓐᓇᖃᑦᑕᕐᓂᐊᖅᑐᑦ. ᑕᐃᒃᑯᓄᖓ ᑮᓇᐅᔭᒃᑯᕕᒻᒨᖅᑕᐅᑎᑦᓯᖃᑦᑕᖅᑐᑦ, ᑮᓇᐅᔭᑦᓵᑦ ᓇᓕᖅᑲᖏᑦ ᓴᖅᑭᖅᑕᐅᓛᖅᑐᑦ ᑭᖑᓂᐊᒍᑦ ᐅᓪᓗᖅ.  ᑐᑭᓯᒋᐊᑲᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᑐᕋᐃᓯ ᒧᐊᐃᐅᓪᔅ, ᑐᑭᒧᐊᑦᑎᑦᓯᔨ ᐊᑭᓕᖅᑕᐅᔾᔪᑎᓄᑦ ᐃᑲᔫᑎᓄᓪᓗ ᐅᕗᖓ tmoyles@gov.nu.ca.

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓄᓪᓗ ᑲᒥᓴᓐ

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓄᓪᓗ ᑲᒥᓴᓐ ᐱᔭᕆᐊᖃᓪᓚᕆᒃᖢᑎᒃ ᐃᖅᑲᓇᐃᔭᖅᑎᐅᓂᖏᓐᓄᑦ ᓂᐅᕐᕈᑎᖃᐃᓐᓇᑲᑕᖕᓂᐊᖅᑐᑦ ᐃᒥᐊᓗᖕᓂᒃ ᐱᔪᓐᓇᐅᑎᒃᑯᑦ ᑲᖏᖅᖠᓂᕐᒥ ᑎᑎᕋᕐᕕᒃᑯᑦ. ᖃᐅᔨᒪᔭᐅᖁᓪᓗᒋᑦ ᐃᖅᑲᓇᐃᔭᖅᑎᑦ ᐃᓄᐃᓪᓗ ᐊᑦᑕᕐᓇᖅᑐᒧᐊᙱᒃᑲᓗᐊᕐᒪᖔᑕ, ᑎᑎᕋᕐᕖᑦ ᒪᑐᓯᒪᓂᐊᖅᑐᑦ ᐃᓄᖕᓄᑦ. ᓂᐅᕕᕈᒪᒍᕕᑦ ᑲᓇᑕᐅᑉ ᓯᓚᑖᒍᑦ ᑎᓯᓴᐃᔪᓐᓇᐅᑎᒥᒃ ᐅᕝᕙᓘᓐᓃᑦ ᓄᓇᓕᖕᓂ ᑎᑭᓴᐃᔪᒪᒍᕕᑦ ᑲᖏᖅᖠᓂᕐᒥ, ᐅᖃᓗᖃᑦᑕᖁᔭᐅᕗᓯ 867-645-8575 ᐅᕝᕙᓘᓐᓃᑦ 855-844-5488 ᓇᒡᒐᔾᔭᒥ ᐅᓪᓗᑐᐃᓐᓇᒧᑦ 8:30-ᒥ ᐅᓪᓛᒃᑯᑦ 12:00-ᒧᑦ ᐅᓪᓗᕈᒻᒥᑕᕐᓇᒧᑦ ᐊᒻᒪ 1:00-ᒥ 5:00-ᒧᑦ ᐅᓐᓄᒃᓴᒃᑯᑦ.

 

ᓄᓇᕗᒻᒥᐅᓂ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᖃᖅᐳᒍᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.