ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᓄᕕᐱᕆ 30, 2020

ᓄᕕᐱᕆ 30, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᓄᕕᐱᕆ 30, 2020

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓪᓛᒃᑯᑦ. ᐅᓪᓗᒥ, ᓄᓇᕗᒻᒥ ᑎᓴᒪᓂᒃ ᓄᕙᒡᔪᐊᕐᓇᖅ-19−ᑖᖅᑐᖃᖅᓯᒪᓕᕐᒥᔪᖅ, ᑕᒪᕐᒥᒃ ᐊᕐᕕᐊᕐᒦᖦᖢᑎᒃ.

ᓄᓇᕗᒻᒥ ᒫᓐᓇ ᑲᑎᖦᖢᒋᑦ 108−ᖑᓕᖅᑐᑦ ᓄᕙᒡᔪᐊᕐᓇᖅ-19−ᒧᑦ ᖃᓂᒻᒪᒃᑐᑦ. ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 4896−ᖑᓕᖅᑐᑦ. 712 ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ. 73 ᓄᓇᕗᒻᒥᐅᑦ ᖃᓂᒻᒪᓚᐅᖅᑐᑦ ᖃᓄᐃᑦᑐᓐᓃᖅᑐᑦ, ᑕᒪᑐᒧᖓᓗ ᖁᔭᓕᑦᑎᐊᖅᐳᒍᑦ.

ᖃᐅᔨᒪᔪᖓ ᓘᒃᑖᖅ ᐹᑐᓴᓐ ᐱᒻᒪᕆᐅᔪᓂᑦ ᑐᓴᒐᒃᓴᖃᕐᒪᑦ ᓄᓇᕗᑦ ᐊᑐᕐᓂᐊᖅᑕᖓᓂ, ᐱᒋᐊᖅᑎᓕᖅᐸᕋ. 

ᐱᓕᕆᑦᑎᐊᖏᓐᓇᕆᑦᑎ, ᓄᓇᕗᒻᒥᐅᑦ. ᓴᙱᓂᔅᓯᓐᓂᒃ, ᐱᓇᔪᖕᓂᔅᓯᓐᓂᒃ ᐊᒻᒪ ᐊᖏᖅᓯᒪᓂᔅᓯᓐᓂᒃ ᐱᒃᑯᒋᓪᓚᕆᒃᐸᓯ. ᐊᓂᒍᐃᓂᐊᖅᑐᒍᑦ.

ᑕᒪᑦᑕ ᖃᓄᐃᙱᑦᑎᐊᕋᓱᒡᓗᑕ ᐊᑦᑕᕐᓇᖅᑕᐃᓕᒪᓗᑕᓗ ᐊᒻᒪ ᐅᔾᔨᖅᓱᑦᑎᐊᕐᓗᑕ ᑭᒃᑯᑐᐃᓐᓇᓂᑦ ᖃᓄᐃᙱᑦᑐᓂᑦ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ. ᓯᕗᓪᓕᕐᒥ, ᓄᓇᕗᒻᒥᐅᑦ ᖁᔭᓐᓇᒦᕈᒪᕙᒃᑲ ᕿᓄᐃᓵᑦᑎᐊᕈᓐᓇᕐᒪᑕ ᐱᓕᕆᖃᑎᒌᑦᑎᐊᓵᕐᒪᑕᓗ ᐱᓇᓱᐊᕈᓯᕐᓂ ᒪᕐᕉᖕᓂᒃ ᐊᓂᒍᖅᑐᓂᑦ ᓄᕙᒡᔪᐊᕐᓇᖅ-19−ᒥᑦ ᐊᐃᑦᑐᕐᓗᐃᑦᑕᐃᓕᒪᓇᓱᒃᑎᓪᓗᑕ.

ᐱᖓᔪᐊᖑᓂᐊᖅᑐᒥᑦ, ᑎᓯᐱᕆ 2, ᑭᒡᓕᖃᖅᑎᑦᑎᔪᑦ ᐋᖅᑭᓚᐅᖅᑕᕗᑦ ᓄᕙᒡᔪᐊᕐᓇᖅ ᐱᑕᖃᓕᖅᑎᓪᓗᒍ, ᕿᒥᕐᕈᔭᐅᓂᐊᓕᖅᐳᑦ. ᐊᖏᕈᑎᒋᓯᒪᔭᕗᑦ ᒪᓕᒃᖢᒍ ᓄᓇᕗᑦ ᐊᑐᕐᓂᐊᖅᑕᖓᓂ, ᑎᑎᕋᕐᕕᑦᑎᓐᓂ ᖃᐅᔨᓴᓚᐅᖅᐳᑦ ᒫᓐᓇ ᖃᓄᐃᓕᖓᓕᕐᓂᖓᓂ ᐅᑯᓂᖓᓗ ᓇᓗᓇᐃᖅᓯᓚᐅᖅᖢᑎᒃ:

ᑭᓯᐊᓂ ᓇᓗᓇᕈᓐᓃᑦᑎᐊᖅᐸᑦ ᐊᕐᕕᐊᑦ ᓄᓇᓕᖓᓂ ᓄᕙᒡᔪᐊᕐᓇᖅ-19 ᓯᐊᒻᒪᒃᐸᓪᓕᐊᔪᓐᓃᕐᓂᖓᓂ, ᒫᓐᓇ ᑭᒡᓕᒋᑎᑕᐅᔪᑦ ᐊᑐᐃᓐᓇᕐᓂᐊᖅᐳᑦ ᐊᕐᕕᐊᕐᒥᐅᓄᑦ. ᐅᑯᐊᖑᓪᓗᑎᒃ, ᓯᓚᒥ ᑲᑎᙵᔪᑦ ᑭᒡᓕᖃᖅᑎᑕᐅᕙᒡᓗᑎᒃ ᐊᒻᒪ ᐃᒡᓘᑉ ᐃᓗᐊᓂ ᑲᑎᙵᔪᑦ, ᐱᒻᒪᕆᐅᔪᑦ ᐱᔨᑦᑎᕋᖅᑎᑐᐊᑦ, ᐊᒻᒪ ᐃᓚᐃᓐᓇᖏᑦ ᐊᐅᓪᓚᖃᑦᑕᕆᐊᖃᖅᑐᑦ ᐊᕐᕕᐊᓕᐊᖅᑐᑦ ᐊᕐᕕᐊᕐᒥᙶᖅᑐᓪᓗ ᐱᓇᓱᐊᕈᓰᖕᓂᑦ ᒪᕐᕉᖕᓂᑦ.

ᑎᑭᕋᕐᔪᐊᕐᒥ ᑲᖏᖅᖠᓂᕐᒥᓗ, ᓇᓗᓇᐃᖅᑕᐅᔪᖃᙱᑉᐸᑦ ᓄᓇᓕᖕᓂ ᓯᐊᒻᒪᒃᐸᓪᓕᐊᓂᖓᓂ, ᑭᒡᓕᖃᖅᑎᑕᐅᔪᑦ ᐊᑐᕈᓐᓃᖅᐸᓪᓕᐊᓂᐊᖅᐳᑦ. ᐱᖓᔪᐊᓂ, ᑎᓯᐱᕆ 2−ᒥ ᐱᒋᐊᕐᓗᓂ, ᐅᑯᐊ ᐊᑐᖅᑕᐅᕙᓪᓕᐊᓕᕐᓂᐊᖅᑐᑦ:

  • ᐊᐅᓪᓚᖃᑦᑕᖅᑐᑦ ᑭᒡᓕᖃᖅᑎᑕᐅᔪᓐᓃᕐᓂᐊᖅᐳᑦ, ᑭᓯᐊᓂ ᒫᓐᓇᐅᔪᖅ ᐱᔭᕆᐊᖃᓪᓚᕆᙱᑦᑐᑦ ᐊᐅᓪᓚᑲᑕᖁᙱᑦᑎᐊᖅᑕᕗᑦ ᓄᓇᕗᒻᒥᐅᓪᓗ ᐃᖅᑲᐃᓯᔪᒪᔭᕗᑦ ᐊᕐᕕᐊᓕᐊᑲᑕᒋᐊᖃᙱᑲᓚᐅᕐᒪᑕ.
  • ᓯᓚᒥ ᑲᑎᙵᔪᑦ 50−ᐅᔭᕆᐊᖃᖅᐳᑦ ᐃᓄᐃᑦ ᐅᖓᓯᒌᒃᑕᕐᓗᑎᒃ.
  • ᐃᒡᓗᒋᔭᐅᔪᒥᑦ ᑲᑎᙵᖃᑦᑕᖅᑐᑦ ᐃᓪᓗᒥᐅᖃᑎᒌᑐᐊᖑᔭᕆᐊᓕᑦ ᖁᓕᒃᑲᓐᓂᕐᓂᓪᓗ ᐃᓄᖕᓂᑦ.
  • ᒪᑐᐊᑦ ᐊᑐᖅᑕᐅᖁᔭᐅᓚᕆᑦᑐᑦ.
  • ᐃᒡᓘᑉ ᐃᓗᐊᓂ ᑲᑎᙵᔪᑦ ᐱᙳᐊᕐᕕᖕᒥ, ᑲᑎᒪᕕᒡᔪᐊᕐᕕᖕᒥ ᐊᒻᒪ ᒐᕙᒪᒃᑯᑦ ᐃᓄᐃᑦ ᑲᑐᔾᔨᖃᑎᒌᒡᓗ ᐃᒡᓗᖁᑎᖏᓐᓂᒃ 50-ᓂᒃ ᐃᓄᖃᕈᓐᓇᖅᐳᑦ ᐅᕝᕙᓘᓐᓃᑦ ᐃᓐᓄᒍᓐᓇᕐᓂᖓᑕ 50-ᐳᓴᓐᖓᓂ.
  • ᐱᙳᐊᕐᕖᑦ ᐃᖃᐃᓕᓴᕐᕖᓪᓗ ᒪᑐᐃᖓᔪᓐᓇᖅᑐᑦ ᐃᓄᑑᓗᑎᒃ ᐃᖃᐃᓕᓴᖅᑐᓄᑐᐊᖅ.
  • ᐅᖃᓕᒫᒐᖃᕐᕖᑦ ᒪᑐᐃᖓᔪᓐᓇᖅᑐᑦ ᑭᓯᐊᓂ ᑕᑯᔭᖅᑐᖅᑎᑦᑎᔭᕆᐊᖃᙱᑦᑐᑦ ᑲᑎᙵᑎᑦᑎᔭᕆᐊᖃᙱᖦᖢᑎᒡᓗ.
  • ᑕᑯᔭᒐᖃᕐᕖᑦ ᒪᑐᐃᖓᔪᓐᓇᖅᑐᑦ ᑭᓯᐊᓂ ᑕᑯᔭᖅᑐᖅᑎᑦᑎᔭᕆᐊᖃᙱᑦᑐᑦ ᑲᑎᙵᑎᑦᑎᔭᕆᐊᖃᙱᖦᖢᑎᒡᓗ.
  • ᓂᖅᑐᐃᕝᕖᑦ ᒪᑐᐃᖓᔪᓐᓇᖅᑐᑦ ᐃᓐᓄᒍᓐᓇᕐᓂᖓᑕ 50-ᐳᓴᖓᓂ, ᐃᙱᑲᑕᒋᐊᖃᙱᖦᖢᑎᒡᓗ.
  • ᓯᓚᒥ ᐱᙳᐊᕐᕕᓕᒫᑦ, ᓄᓇᓕᖕᓂᑦ ᒥᕐᖑᐃᖅᓯᕖᑦ, ᓄᓇᕘᒥ ᒥᕐᖑᐃᖅᓯᕖᑦ, ᐊᒻᒪ ᓄᓇᕗᒻᒥ ᒥᕐᖑᐃᖅᓯᕕᒃᓴᐃᑦ ᒪᒃᐱᖅᑕᐅᑐᐃᓐᓇᕆᐊᓕᑦ, ᑭᓯᐊᓂ ᐃᒡᓗᖁᑎᖏᑦ ᒪᑐᓯᒪᔭᕆᐊᓖᑦ.
  • ᓯᐊᕐᕆᔮᕐᕖᑦ ᓱᓕ ᒪᑐᓯᒪᔭᕆᐊᓖᑦ.
  • ᓇᖕᒥᓂᕆᔭᐅᔪᑦ ᐊᒻᒪ ᒐᕙᒪᒃᑯᑦ ᑎᑎᕋᕐᕕᖏᑦ ᒪᑐᐃᕈᓐᓇᖅᓯᔪᑦ. ᐃᓅᖃᑎᒌᑦ ᖃᓂᒌᓗᐊᕆᐊᖃᙱᑦᑐᑦ.
  • ᐃᓄᖕᓂᑦ ᐱᔨᑦᑎᕋᖅᑏᑦ, ᓄᔭᓕᕆᔩᑦ ᑭᐱᓯᔩᓪᓗ ᐱᙱᖦᖢᒋᑦ, ᒪᒃᐱᖅᑕᐅᔪᓐᓇᖅᐳᑦ. ᐃᓅᖃᑎᒌᑦ ᖃᓂᒌᓗᐊᕆᐊᖃᙱᑦᑐᑦ ᓇᖕᒥᓂᖅ ᓴᐳᔾᔨᔾᔪᑎᒋᔪᓐᓇᖅᑕᕗᑦ ᐊᑐᖅᑕᐅᓗᑎᒃ ᐊᑐᖁᔭᐅᒃᐸᑕ.
  • ᓂᕿᓕᕆᕝᕖᑦ ᐱᔪᓐᓇᐅᑎᖃᖅᑐᓪᓗ ᐃᓂᒋᔭᐅᔪᑦ ᒪᑐᐃᖓᑐᐃᓐᓇᕆᐊᓖᑦ ᑭᓯᐊᓂ ᑎᑭᓴᐃᕝᕕᐅᓗᑎᒃ.
  • 2 ᒦᑕᒥ ᐅᖓᓯᖕᓂᖃᕆᐊᓖᑦ ᐃᓄᐃᑦ ᑐᑭᓕᕇᒃᑐᑦ ᖁᓕᑦ ᐅᖓᑖᓃᙱᓪᓗᑎᒡᓗ ᐊᑕᐅᑦᑎᒃᑯᑦ ᑐᑭᓕᕇᒃᑐᑦ.
  • ᐃᒥᕐᕕᓕᒫᑦ ᓱᓕ ᒪᑐᓯᒪᔭᕆᐊᓕᑦ.
  • ᑕᒪᐃᓐᓂᒃ ᓄᓇᓕᖕᓂ, ᐃᓕᓐᓂᐊᕐᕖᑦ ᐊᑐᕆᐊᓕᒃ 3-ᒦᓕᕐᓂᐊᖅᐳᖅ ᐃᓕᓐᓂᐊᕐᓂᓕᕆᔨᒃᑯᑦ ᐸᕐᓇᐅᑎᖓᓂ.
  • ᐸᐃᕆᕝᕖᑦ ᒪᑐᐃᕈᓐᓇᖅᓯᕗᑦ ᓴᓗᒻᒪᖅᓴᐃᔾᔪᑏᑦ ᒪᓕᒃᑕᐅᔭᕆᐊᖃᓪᓚᕆᒡᓗᑎᒃ ᐸᐃᕆᕝᕖᑦ ᐊᑐᐊᒐᖏᑦ ᒪᓕᒡᓗᒋᑦ ᐅᕙᓂ https://www.gov.nu.ca/sites/default/files/child_care_facility_re-opening....
  • ᑖᒃᓰᑦ ᐃᖏᕐᕋᔪᓐᓇᖅᓯᔪᑦ ᐊᑕᐅᓯᕐᒥᒃ ᐃᑭᒪᔪᖃᖃᑦᑕᕐᓗᓂ ᒪᑐᐊᖅᓯᒪᔭᕆᐊᖃᖅᖢᑎᒡᓗ.

ᐃᓚᖏᑦ ᑭᕙᓪᓕᕐᒥᐅᑦ ᓄᓇᓕᖏᑦ ᐊᒻᒪ ᕿᑭᖅᑖᓗᖕᒥᐅᑦ ᕿᑎᕐᒥᐅᓪᓗ, ᓄᕙᒡᔪᐊᕐᓇᖅ-19−ᖃᙱᑦᑐᑦ, ᑭᒡᓕᖃᖅᑎᑕᐅᔪᑦ ᐊᑐᕈᓐᓂᖅᐸᓪᓕᐊᓂᐊᕆᕗᑦ. ᐱᖓᔪᐊᑦ, ᑎᓯᐱᕆ 2−ᒥ ᐱᒋᐊᕐᓗᓂ:

  • ᐊᐅᓪᓚᖃᑦᑕᖅᑐᑦ ᑭᒡᓕᖃᖅᑎᑕᐅᔪᓐᓃᕐᓂᐊᖅᐳᑦ, ᑭᓯᐊᓂ ᒫᓐᓇᐅᔪᖅ ᐱᔭᕆᐊᖃᓪᓚᕆᙱᑦᑐᑦ ᐊᐅᓪᓚᑲᑕᖁᙱᑦᑎᐊᖅᑕᕗᑦ ᓄᓇᕗᒻᒥᐅᓪᓗ ᐃᖅᑲᐃᓯᔪᒪᔭᕗᑦ ᐊᕐᕕᐊᓕᐊᑲᑕᒋᐊᖃᙱᑲᓚᐅᕐᒪᑕ.
  • ᓄᑲᖅᖡᑦ ᐃᓕᓐᓂᐊᕐᕕᖏᑦ ᒪᑐᐃᕐᓂᐊᖅᑐᑦ; ᐊᖓᔪᒃᖡᑦ ᐃᓕᓐᓂᐊᕐᕕᖏᑦ ᖁᑦᑎᖕᓂᖅᓴᒥᓪᓗ ᑲᑎᙵᓗᑎᒃ ᐃᓕᓐᓂᐊᕐᕕᐊᕈᓰᑦ ᖃᕆᓴᐅᔭᒃᑯᓪᓗ ᐃᓕᓐᓂᐊᕐᓗᑎᒃ.
  • ᐸᐃᕆᕝᕖᑦ ᒪᑐᐃᕈᓐᓇᖅᓯᕗᑦ ᓴᓗᒻᒪᖅᓴᐃᔾᔪᑏᑦ ᒪᓕᒃᑕᐅᔭᕆᐊᖃᓪᓚᕆᒡᓗᑎᒃ ᐸᐃᕆᕝᕖᑦ ᐊᑐᐊᒐᖏᑦ ᒪᓕᒡᓗᒋᑦ ᐅᕙᓂ https://www.gov.nu.ca/sites/default/files/child_care_facility_re-opening....
  • ᓄᓇᕗᒻᒥ ᓯᓚᑦᑐᖅᓴᕐᕕᒃ, ᒪᑐᐃᕈᓐᓇᖅᑐᑦ ᐃᓄᒋᐊᓗᐊᙱᓪᓗᑎᒃ ᒪᑐᐊᖅᓯᒪᔭᕆᐊᖃᖅᖢᑎᒡᓗ.
  • ᓯᓚᒥ ᑲᑎᙵᔪᑦ 50−ᐅᔭᕆᐊᖃᖅᐳᑦ ᐃᓄᐃᑦ ᐅᖓᓯᒌᒃᑕᕐᓗᑎᒃ.
  • ᐃᒡᓗᒋᔭᐅᔪᒥᑦ ᑲᑎᙵᖃᑦᑕᖅᑐᑦ ᐃᓪᓗᒥᐅᖃᑎᒌᑐᐊᖑᔭᕆᐊᓕᑦ ᖁᓕᓪᓗ ᑕᓪᓕᒪᒃᑲᓐᓂᕐᓂᓪᓗ ᐃᓄᖕᓂᑦ.
  • ᒪᑐᐊᑦ ᐊᑐᖅᑕᐅᖁᔭᐅᓚᕆᑦᑐᑦ.
  • ᐃᒡᓘᑉ ᐃᓗᐊᓂ ᑲᑎᙵᔪᑦ ᐱᙳᐊᕐᕕᖕᒥ, ᑲᑎᒪᕕᒡᔪᐊᕐᕕᖕᒥ ᐊᒻᒪ ᒐᕙᒪᒃᑯᑦ ᐃᓄᐃᑦ ᑲᑐᔾᔨᖃᑎᒌᒡᓗ ᐃᒡᓗᖁᑎᖏᓐᓂᒃ 50-ᓂᒃ ᐃᓄᖃᕈᓐᓇᖅᐳᑦ ᐅᕝᕙᓘᓐᓃᑦ ᐃᓐᓄᒍᓐᓇᕐᓂᖓᑕ 50-ᐳᓴᓐᖓᓂ.
  • ᐳᐃᔾᔪᕌᕐᕖᑦ, ᐱᙳᐊᕐᕖᑦ ᐃᖃᐃᓕᓴᕐᕖᓪᓗ ᒪᑐᐃᖓᔪᓐᓇᖅᐳᑦ ᐃᓄᑑᔪᓄᑦ ᐃᖃᐃᓕᓴᖅᑐᓄᑦ ᐊᒻᒪ ᑐᑭᓕᕇᒃᑕᕐᓗᑎᒃ ᐳᐃᔾᔪᕌᖅᑐᑦ. ᐅᕕᓂᒡᓂᐊᕐᕕᒡᔪᐊᑦ ᐊᒻᒪ ᐆᓇᖅᑐᒥᑦ ᐃᒫᓃᕝᕖᑦ ᒪᑐᐃᖓᔪᓐᓇᕆᕗᑦ, ᖁᓕᒧᑦ ᑎᑭᓪᓗᑎᒃ ᑲᑎᙵᔪᑦ.
  • ᑕᕐᕆᔭᕐᕖᑦ ᒪᑐᐃᖓᔪᓐᓇᖅᐳᑦ 50-ᓂᒃ ᐃᓄᖃᕈᓐᓇᕐᓗᓂ ᐅᕝᕙᓘᓐᓃᑦ ᐃᓐᓄᒍᓐᓇᕐᓂᖓᑕ 50-ᐳᓴᖓᓂ.
  • ᐅᖃᓕᒫᒐᖃᕐᕖᑦ, ᖁᙱᐊᕐᕖᑦ ᑕᑯᔭᒐᖃᕐᕖᓪᓗ ᒪᑐᐃᕈᓐᓇᖅᐳᑦ ᑲᑎᙵᔪᑦ ᖁᓕᑦ ᐅᖓᑖᓃᙱᓪᓗᑎᒃ.
  • ᓂᖅᑐᐃᕐᕖᑦ ᒪᑐᐃᕈᓐᓇᖅᐳᑦ ᐃᓐᓄᒍᓐᓇᕐᓂᖓᑕ 50-ᐳᓴᖓᓂ ᐃᙱᑲᑕᒍᓐᓇᖅᖢᑎᒃ.
  • ᓯᓚᒥ ᐱᙳᐊᕐᕕᓕᒫᑦ, ᓄᓇᓕᖕᓂᑦ ᒥᕐᖑᐃᖅᓯᕖᑦ, ᓄᓇᕘᒥ ᒥᕐᖑᐃᖅᓯᕖᑦ, ᐊᒻᒪ ᓄᓇᕗᒻᒥ ᒥᕐᖑᐃᖅᓯᕕᒃᓴᐃᑦ ᒪᑐᐃᕈᓐᓇᖅᐳᑦ.
  • ᓯᐊᕐᕆᔮᕐᕖᑦ ᒪᑐᐃᕈᓐᓇᖅᐳᑦ ᐃᓐᓄᒍᓐᓇᕐᓂᖓᑕ 50-ᐳᓴᖓᓂ ᐅᕝᕙᓘᓐᓃᑦ 50-ᓂᒃ ᐃᓄᖃᕐᓗᓂ. ᖁᙱᐊᕆᐊᖅᓯᒪᔪᑦ 50 ᐅᖓᑖᓃᑦᑕᕆᐊᖃᙱᑦᑐᑦ.
  • ᓇᖕᒥᓂᕆᔭᐅᔪᑦ ᐊᒻᒪ ᒐᕙᒪᒃᑯᑦ ᑎᑎᕋᕐᕕᖏᑦ ᒪᑐᐃᕈᓐᓇᖅᓯᔪᑦ. ᐃᓅᖃᑎᒌᑦ ᖃᓂᒌᓗᐊᕆᐊᖃᙱᑦᑐᑦ.
  • ᐃᓄᖕᓄᑦ ᐱᔨᑦᑎᕋᕐᕕᓕᒫᑦ ᒪᑐᐃᕈᓐᓇᖅᓯᔪᑦ. ᐃᓅᖃᑎᒌᑦ ᖃᓂᒌᓗᐊᕆᐊᖃᙱᑦᑐᑦ ᐊᒻᒪ ᓇᖕᒥᓂᖅ ᓴᐳᒻᒥᔾᔪᑎᓂᒃ ᐊᑐᕐᓗᑎᒃ ᐊᑐᖁᔭᐅᒍᑎᒃ.
  • ᓂᕿᓕᕆᕝᕖᑦ ᐱᔪᓐᓇᐅᑎᖃᖅᑐᓪᓗ ᐃᓂᒋᔭᐅᔪᑦ ᒪᑐᐃᖓᑐᐃᓐᓇᕆᐊᓖᑦ ᐃᒃᓯᕚᕐᕕᐅᒐᔪᒃᑐᑦ 50-ᐳᓴᖓᓂ ᐃᓄᖃᕐᓗᓂ. 2−ᒦᑕᒥᒃ ᐅᖓᓯᒌᒃᑎᒋᔭᕆᐊᓕᑦ ᑭᐳᖏᑦ ᐊᒻᒪ ᐃᒃᓯᕚᖃᑎᒌᒃᑐᑦ ᐊᕐᕕᓂᓕᑦ ᐅᖓᑖᓃᙱᓪᓗᑎᒃ ᐊᑐᓂ ᑭᐳᖏᓐᓂ.
  • ᑖᒃᓯᒥᑦ ᐅᓄᖅᑐᑦ ᐃᑭᒪᔪᓐᓇᖅᑐᑦ ᐃᑭᖅᑳᖅᑐᖅ ᖃᓄᐃᒃᓴᙱᑉᐸᑦ ᑕᒪᕐᒥᒡᓗ ᒪᑐᐊᖅᓯᒪᓗᑎᒃ.

ᐳᐃᒍᖅᑕᐃᓕᒋᑦ, ᓄᕙᒡᔪᐊᕐᓇᖅ-19−ᖃᖅᑐᖃᓕᖅᐸᑦ ᓄᑖᒥᒃ ᐊᒃᑐᐃᔪᓐᓇᕐᒪᑦ ᓇᓕᐊᖕᓂᑐᐃᓐᓇᖅ ᑕᒪᐃᓐᓂᒡᓘᓐᓃᑦ ᑭᒡᓕᖃᖅᑎᑕᐅᔪᓂᑦ ᖃᖓᑐᐃᓐᓇᑦᑎᐊᖅ. 

ᐃᓅᖃᑎᖕᓂ ᖃᓂᒃᓴᓗᐊᖅᑕᐃᓕᒪᓗᓯ, ᐊᒡᒐᑎᑦ ᐅᐊᓴᖃᑦᑕᕐᓗᒋᑦ, ᐊᖏᕐᕋᖅᓯᒪᕙᒡᓗᑎᓪᓗ ᖃᓂᒪᒍᕕᑦ ᐊᒻᒪ ᐋᓐᓂᐊᑲᑕᓕᕈᕕᑦ ᐅᖄᓚᕝᕕᒃᓴᒧᑦ ᐅᖄᓚᓗᑎᑦ. ᑕᒪᑦᑕᑦᑎᐊᖅ ᐱᓕᕆᔭᕆᐊᖃᖅᐳᒍᑦ ᐅᓗᕆᐊᓇᖅᑐᒦᖏᓐᓂᖅᓴᐅᖁᓪᓗᑕ ᓄᕙᒡᔪᐊᕐᓇᖅ-19−ᒥᑦ. ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:


ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ:

https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: 

https://www.gov.nu.ca/health/information/nunavuts-path

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ: ᓄᕕᐱᕆ 30

ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
181 108 73 4896 712

ᓄᕙᕐᔪᐊᕐᓇᖅ-19−ᖃᖅᑐᑦ ᓄᓇᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᓄᕕᐱᕆ 30

ᓄᓇᓕᒃ ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐊᕐᕕᐊᑦ 135 139 4 53 86
ᑎᑭᕋᕐᔪᐊᖅ 21 21 0 7 14
ᑲᖏᖅᖠᓂᖅ 19 19 0 11 8
ᓴᓂᑭᓗᐊᖅ  2 2 0 2 0
ᑲᑎᖦᖢᒋᑦ  177 181 4 73 108

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᓄᕕᐱᕆ 30

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐊᕐᕕᐊᑦ  139 555
ᑎᑭᕋᕐᔪᐊᖅ  21 100
ᑲᖏᖅᖠᓂᖅ 19 208
ᓴᓂᑭᓗᐊᖅ  2 168
ᑲᑎᖦᖢᒋᑦ  181 1031

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᓄᑐᐊᒃᑯᕖᑦ)

 

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᓄᕕᐱᕆ 29−ᒥ ᐱᒋᐊᖅᖢᒍ

ᐋᓐᓂᐊᕐᕕᓕᐊᖅᑐᑦ

362

ᑭᒃᑯᑐᐃᓐᓇᑦ

223

ᑲᑎᖢᒋᑦ

585

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᓄᕕᐱᕆ 28

2

ᓄᕕᐱᕆ 29

10

ᓄᕕᐱᕆ 30

90

ᑎᓯᐱᕆ 01

30

ᑎᓯᐱᕆ 02

67

ᑲᑎᖢᒋᑦ

199

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:
ᓄᕕᐱᕆ 27−ᒥ ᐱᒋᐊᖅᖢᒍ, 9556−ᓂᒃ ᑐᒃᓯᕋᖅᑐᖃᓚᐅᖅᐳᖅ, 4481−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

6367 66.6%

ᐊᖏᖅᑕᐅᙱᑦᑐᑦ

281 2.9%
ᐅᑕᖅᑭᔪᑦ 247 2.6%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2661 27.8%
ᑲᑎᖢᒋᑦ 9556 100%

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᑐᒃᓯᕋᐅᑎᑦ ᐅᑭᐅᖅᑕᖅᑐᒧᐊᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᓄᓇᕗᒻᒧᑦ ᐊᐅᓪᓚᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ, ᐃᕐᙲᓐᓈᖅᑕᐅᒃᑯᑦ ᓇᓂᔭᐅᔪᓐᓇᖅᐳᖅ ᐅᕙᙵᑦ,  CPHOconstructionrequests@gov.nu.ca CPHOconstructionrequests@gov.nu.ca

ᐃᒡᓗᓕᐅᖅᑏᑦ ᐊᓂᒍᐃᔪᑦ ᐃᓄᑐᐊᒃᑯᕕᖕᒥ ᒫᓐᓇᒧᑦ ᑎᑭᖦᖢᒍ: 2,227.

 

ᓄᓇᕗᒻᒥᐅᑦ ᖃᓄᐃᙱᑦᑎᐊᕐᓂᖓᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.