ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᒻᒥ ᒐᕙᒪᒃᑯᑦ ᓄᑖᙳᕆᐊᖅᑎᑕᖏᑦ - ᒪᐃ 25, 2020

ᒪᐃ 25, 2020

 

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓪᓛᒃᑯᑦ. ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ. 

ᐅᓪᓗᒥᒧᑦ ᑎᑭᖦᖢᒍ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᕝᕕᐅᓯᒪᔪᑦ 1010−ᖑᕗᑦ. 122 ᐃᓄᐃᑦ ᒫᓐᓇ ᖃᐅᔨᓴᖅᑕᐅᕙᓪᓕᐊᖏᓐᓇᖅᐳᑦ.

ᓗᑖᖅ  ᐹᑐᓴᓐ ᐅᐊᑦᑎᐊᕈᑦᑎᐊᑯᓗᒃ ᐅᖃᓪᓚᖕᓂᐊᕐᒥᔪᖅ ᖃᓄᐃᓕᐅᕆᐊᖃᕐᓂᐊᓕᕐᓂᑦᑎᓐᓂᒃ ᖃᓄᐃᓕᐅᖅᐸᓪᓕᐊᑎᓪᓗᑕ ᓄᑖᒥᒃ ᐊᑐᖃᑦᑕᓕᖅᑕᑦᑎᓐᓂᒃ ᓄᕙᒡᔪᐊᕐᓇᖅ-19−ᑕᖃᕐᓂᖓᓂ. ᑕᒪᓐᓇ ᖃᓂᒪᓐᓇᖅ ᓴᖅᑭᓚᐅᙱᒃᑲᓗᐊᖅᑎᓪᓗᒍ ᓄᓇᕗᒻᒥ ᐅᓪᓗᒥᒧᑦ ᑎᑭᖦᖢᒍ, ᖃᐅᔨᒪᕗᒍᑦ ᐱᕙᒌᔭᖅᓯᒪᔭᕆᐊᖃᕐᓂᑦᑎᓐᓂᒃᐅᔾᔨᖅᓱᑦᑎᐊᕆᐊᖃᕐᓂᑦᑎᓐᓂᒡ, ᑕᐃᒪᐃᓕᐅᙱᓐᓇᕐᓗᑕᓗ ᑲᐴᒻᒥᒃ ᑲᒪᒋᔭᐅᔾᔪᑎᓂᒡᓘᓐᓃᑦ ᐋᖅᑭᒃᓯᒪᓕᖅᑎᑦᑎᔪᖃᓚᐅᙱᓐᓂᖓᓂ.  ᓗᑖᖅ  ᐹᑐᓴᓐ ᐱᓕᕆᖃᑎᒋᔭᖏᓪᓗ ᐋᖅᑭᒃᓯᓯᒪᕗᑦ, ᐃᓱᒪᒋᓪᓗᒍᓗ ᐱᐅᓛᖑᓇᓱᒋᓪᓗᒍ ᐊᑐᖅᑕᐅᔪᓐᓇᕐᓗᓂ ᓄᓇᕗᒻᒥᐅᓄᑦ, ᑕᒪᓐᓇᓗ ᑐᙵᕕᖃᖅᑎᑕᐅᓪᓗᓂ ᑭᒃᑯᑐᐃᓐᓇᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᔭᐅᓯᒪᔪᓂᑦ ᐱᐅᔪᓂᓪᓗ ᐊᑐᖅᑕᐅᕙᒃᑐᓂᑦ. ᑕᒪᓐᓇ ᐋᖅᑭᒃᓯᓯᒪᔾᔪᑕᐅᕗᖅ ᖃᓄᖅ ᖃᑯᒍᓗ ᓯᕗᒻᒧᐊᖅᐸᓪᓕᐊᔪᓐᓇᕐᓂᕐᒥᒃ, ᖃᖓᒃᑯᑦ ᓄᖅᑲᖓᓚᐅᑲᖕᓂᐊᕐᓂᕐᒥᒃ ᖃᐅᔨᓴᖅᓯᒃᑲᓐᓂᕐᓂᐊᕐᓂᕐᒥᒡᓗ, ᐊᒻᒪᓗ, ᑕᐃᒪᐃᑦᑕᕆᐊᖃᕋᔭᖅᐸᑦ/ᖃᖓᒃᑯᑦ ᐊᑐᓕᖅᑎᑦᑎᒃᑲᓐᓂᕆᐊᖃᕋᔭᕈᑦᑕ ᐊᔪᓕᖅᑎᑦᑎᓯᒪᔾᔪᑎᓂᒃ.

ᑭᒃᑯᓕᒫᑦᑎᐊᑦ ᖁᔭᓐᓇᒦᒃ ᐊᒃᓱᕈᖅᖢᑎᒃ ᐱᓕᕆᖃᑦᑕᖅᓯᒪᓂᖏᓐᓄᑦ ᐋᖅᑭᒃᓯᒪᓕᖅᑎᑦᑎᔪᒪᓪᓗᑎᒃ ᑕᒪᑐᒥᖓ ᐊᑐᖅᑕᐅᔪᒪᔪᒥᒃ, ᑭᒃᑯᑐᐃᓐᓇᓄᑦ ᐃᓚᐅᖃᑦᑕᖅᓯᒪᔪᓄᑦ ᓄᓇᕗᒻᒥᐅᑦ ᑭᐅᓂᕆᔭᖓᓄᑦ ᓄᕙᒡᔪᐊᕐᓇᖅ-19−ᒧᑦ ᐱᓇᓱᐊᕈᓯᐅᓵᖅᑐᓂ 10−ᓂ, ᑭᒃᑯᓕᒫᑦᑎᐊᓄᓪᓗ ᐱᓕᕆᔭᕆᐊᖃᖅᑕᒥᓂᒃ ᐱᓕᕆᖃᑦᑕᖅᓯᒪᔪᓄᑦ ᑕᒪᓐᓇ ᐊᕕᒃᓯᒪᓂᖅ ᐅᑭᐅᖅᑕᖅᑐᒥ ᖁᐊᖅᓵᕐᓇᖅᑐᒦᖁᓇᒍ ᖃᓄᐃᙱᑦᑎᐊᖁᓪᓗᒍᓗ. ᓱᓕ ᐱᔭᒃᓴᓕᕐᔪᐊᕌᓘᕗᒍᑦ, ᑕᒪᓐᓇᓗ ᐊᑐᕐᓂᐊᖅᑕᕗᑦ ᑲᑐᑎᓗᑎᒍ ᐊᑐᕐᓂᐊᖅᖢᑎᒍ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᓄᑖᙳᕆᐊᖅᑎᑕᖏᑦ

ᐅᓪᓛᒃᑯᑦ. ᑖᒃᑯᐊᒃ ᒪᕐᕉᒃ ᑕᑮᒃ ᐊᑐᓵᖅᑕᕗᑦ ᐊᔪᕐᓇᙱᑦᑐᑯᓘᓯᒪᙱᓚᒃ, ᑕᒪᕐᒥᑦᑎᐊᕐᓗ ᓄᓇᕗᒻᒥᐅᑦ ᐊᑐᙱᑕᖃᕆᐊᖃᖃᑦᑕᖅᓯᒪᓪᓗᑎᒃ ᐊᑐᕈᒪᔭᕋᓗᐊᒥᓂᒃ.

ᑭᓯᐊᓂᓗᑦᑕᐅᖅ, ᑲᑐᔾᔨᓪᓗᑕ ᐱᓇᔪᖃᑦᑕᖅᓯᒪᓂᑦᑎᓐᓄᑦ, ᓴᐳᔾᔨᓯᒪᕗᒍᑦ ᐃᓚᑦᑎᓐᓂᒃ, ᓄᓇᓕᑦᑎᓐᓂᒃ, ᐅᑭᐅᖅᑕᖅᑐᒥᓗ ᐊᕕᒃᓯᒪᓂᑦᑎᓐᓂᒃ ᑕᒪᑐᒪᙵᑦ ᓇᒧᙵᕈᓘᔭᖅᑐᒥᑦ ᓄᓇᕐᔪᐊᕐᒥ ᖃᓂᒪᓐᓇᒥᑦ, ᑕᐃᒪᓗᑐᖅ ᐃᓱᒪᕗᖓ ᑕᒪᕐᒥᑦᑎᐊᖅ ᓄᓇᕗᒻᒥᐅᑦ ᐃᒃᐱᒋᔭᖃᕈᓐᓴᓇᕐᓂᐊᖅᐳᑦ ᐱᒃᑯᒍᓱᖕᓂᕐᒥᓂᒃ, ᖃᐅᔨᒪᓗᑎᒃ ᐱᓕᕆᐊᕆᖃᑦᑕᖅᑕᖏᑦ ᐊᖏᔪᒻᒪᕆᖕᒥᒃ ᐆᒃᑐᕋᒐᒃᓴᐅᔪᒥᒡᓗ ᐊᒃᑐᕐᓯᓯᒪᓂᖏᓐᓂᒃ, ᓄᓇᕗᒻᒥᐅᓂᒃ ᖃᓄᐃᙱᑦᑎᐊᖅᑎᑦᑎᓇᓱᒃᖢᑎᒃᖁᐊᖅᓵᕐᓇᖅᑐᒦᑎᑦᑎᑦᑕᐃᓕᒪᓪᓗᑎᒡᓗ.

ᑕᐃᒪᓕ ᒫᓐᓇ ᐱᕕᒃᓴᐅᓕᕆᕗᖅ ᓯᕗᒻᒧᐊᖅᐸᓪᓕᐊᔭᕆᐊᖃᓕᖅᖢᑕ. ᑕᒪᓐᓇ ᐃᒪᓐᓇ ᑐᑭᖃᙱᓚᖅ, ᑕᒪᓐᓇ ᓇᒧᙵᕈᓘᔭᖅᓯᒪᔪᖅ ᓄᓇᕐᔪᐊᕐᒥ ᖃᓂᒪᓐᓇᖅ ᑕᐃᒪᐃᔮᕈᓐᓃᕐᓂᖓᓂᒃ. ᐃᒪᓐᓇ ᑐᑭᖃᙱᓚᖅ, ᑕᒪᓐᓇ ᖁᐊᖅᓵᕐᓇᖅᑐᖅ ᐊᓂᒍᕐᓂᖓᓂᒃ. ᐃᒪᓐᓇ ᑐᑭᖃᖅᐳᖅ, ᐅᔾᔨᖅᓱᑦᑎᐊᕐᓗᑕ ᐅᑎᖅᐸᓪᓕᐊᔪᓐᓇᓕᕐᓂᑦᑎᓐᓂᒃᐱᓕᕆᐊᒃᓴᓄᑦ ᖁᕕᐊᒋᔭᑦᑎᓐᓄᑦ, ᖃᐅᔨᒪᓗᑕᓗ ᖃᖓᑐᐃᓐᓇᑦᑎᐊᒃᑯᑦ ᐃᓕᖅᑯᓯᑦᑎᓐᓂᒃ ᐊᓯᔾᔨᖅᓯᔭᕆᐊᖃᑐᐃᓐᓇᕆᐊᖃᕐᓂᑦᑎᓐᓂᒃ ᐅᕙᑦᑎᓐᓂᒃ ᓴᐳᑎᓯᒪᔪᒪᓗᑕ ᓴᖅᑭᑉᐸᓪᓕᐊᔪᓂᑦ ᖁᐊᖅᓵᕐᓇᖅᑐᓂᑦ.

ᐊᒡᒋᖅᐸᓪᓕᐊᔪᓂ ᐱᔪᓱᐊᕈᓯᕐᓂ, ᐱᓕᕆᖃᑎᖃᕐᓂᐊᖅᑐᒍᑦ ᐱᖃᑦᑎᖁᑎᑦᑎᓐᓂᒃ ᐅᑎᖅᑎᑦᑎᒃᑲᓐᓂᕈᒪᓪᓗᑕ ᓇᖕᒥᓂᕆᔭᑦᑎᓐᓂᒃ, ᐱᓕᕆᐊᕆᕙᒃᑕᑦᑎᓐᓂᒃ, ᐱᓕᕆᐊᒃᓴᖁᑎᑦᑎᓐᓂᓗ ᖁᐊᖅᓵᕐᓇᙱᑦᑐᑎᒍᑦ, ᑲᔪᓰᓐᓇᕈᓐᓇᖅᑐᑎᒍᑦ, ᖁᐊᖅᓵᕐᓇᙱᓛᒃᑰᖅᑎᑦᑎᓗᓂᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ ᓄᓇᕗᒻᒥᐅᓄᑦ.  ᖃᐅᔨᒪᑦᑎᐊᖅᑐᖃᕐᓕ, ᖃᓱᑎᑦᑎᕙᓪᓕᐊᓕᖅᑎᓪᓗᑕ ᐊᔪᓕᖅᑎᑦᑎᓯᒪᔾᔪᑕᐅᓯᒪᔪᓂᒃ ᑕᒫᓂ, ᐱᒻᒪᕆᐅᕗᖅ ᓲᖑᔪᖅ ᑭᒡᓕᒋᔭᑦᑎᓐᓄᑦ ᐊᑐᕆᐊᖃᖅᑎᑕᕗᑦ ᓱᓕ ᐊᑐᖅᐳᑦ, ᒥᑭᒡᓕᒋᐊᖅᑎᑦᑎᔪᒪᓂᕐᒧᑦ ᓴᖅᑭᑐᐃᓐᓇᕆᐊᖃᕐᓂᖓᑕ ᓄᕙᒡᔪᐊᕐᓇᖅ-19 ᑕᒪᐅᖓ ᐅᑭᐅᖅᑕᖅᑐᒧᑦ ᐊᕕᒃᓯᒪᓂᕐᒧᑦ.

ᑕᐃᒪᓐᓇ ᐅᖄᓪᓚᓚᐅᕐᓗᖓ, ᐱᒃᑯᓕᕗᖓ ᐃᒪᓐᓇ ᐅᖃᕈᓐᓇᓕᕐᒥᒐᒪ, ᔫᓂ 1−ᒥᑦ ᐱᒋᐊᕐᓗᓂ:

  • ᐸᐃᕆᕝᕖᑦ ᐱᔪᓐᓇᖅᑎᑕᐅᓂᐊᓕᖅᐳᑦ ᒪᑐᐃᕈᓐᓇᖅᑎᑕᐅᓕᕐᓗᑎᒃ ᖃᐅᑕᒫᑦ ᐱᓕᕆᓂᕆᕙᒃᑕᒥᓄᑦ.
  • ᖃᔅᓯᐅᔪᓐᓇᕐᓂᕆᔭᖏᑦ ᓯᓚᒥ ᑲᑎᓐᓂᕆᔭᐅᕙᒃᑐᑦ ᐅᓄᖅᓯᒋᐊᖅᑕᐅᔪᓐᓇᓕᖅᐳᑦ 25−ᓄᑦ ᐃᓄᖕᓄᑦ.
  • ᐊᕕᒃᓯᒪᓂᕐᒥ ᐅᑭᐅᖅᑕᖅᑐᒥ ᒥᕐᙳᐃᖅᓯᕐᕖᑦ ᒪᑐᐃᖅᑎᑕᐅᒃᑲᓐᓂᕈᓐᓇᕐᓂᐊᓕᖅᐳᑦ ᑭᓯᐊᓂ ᓯᓚᒥᑐᐊᖅ ᐱᓕᕆᐊᖑᔪᓐᓇᖅᑐᓄᑦ, ᓄᓇᓕᖕᒥᐅᑦ ᖃᓄᐃᓕᓯᒪᓂᖏᑦ ᐊᔪᖅᑎᑦᑎᙱᑉᐸᑕ. ᑕᒪᕐᒥᑦᑎᐊᖅ ᒥᕐᙳᐃᖅᓯᕐᕕᖕᓂ ᐃᒡᓗᕐᔪᐊᑦ ᒪᑐᓯᒪᓂᐊᖅᑐᑦ.
  • ᓄᓇᓕᖕᓂ ᓯᓚᒥ ᐱᙳᐊᕆᐊᖅᑐᕐᕖᑦ ᒪᑐᐃᖅᑕᐅᒃᑲᓐᓂᕈᓐᓇᕐᓂᐊᓕᖅᑐᑦ, ᐊᒻᒪᑦᑕᐅᑦ ᓱᓕ ᐃᒪᓐᓇ, ᓄᓇᓕᖕᒥᐅᑦ ᖃᓄᐃᓕᓯᒪᓂᖏᑦ ᐊᔪᖅᑎᑦᑎᙱᑉᐸᑕ.

ᑕᒪᒃᑯᐊᓪᓗᐊᑕᖅ ᖃᓄᐃᓕᖓᓂᕆᔭᐅᔪᑦ ᓂᕈᐊᖅᑕᐅᕗᑦ ᐃᓱᒪᒋᔭᐅᓂᖏᓐᓄᑦ ᐊᑦᑎᒃᑐᒥᒃ ᖁᐊᖅᓵᕐᓇᖅᑐᒦᑎᑦᑎᓂᖏᓐᓂᒃ. ᓯᕗᒻᒧᐊᖅᐸᓪᓕᐊᓗᑕ, ᐱᕙᒌᔭᖅᓯᒪᔭᕗᑦ ᖃᐅᔨᓴᖅᓯᒃᑲᓐᓂᖃᑦᑕᕈᒪᓂᐅᕗᖅ ᖃᓄᐃᓕᖓᓕᕐᓂᑦᑎᓐᓂᒃ ᐱᓇᓱᐊᕈᓰᒃ ᒪᕐᕉᒃ ᐊᓂᒍᑐᐊᕌᖓᑎᒃ. ᖃᓄᐃᓂᖓᓂᖓ ᓄᕙᒡᔪᐊᕐᓇᖅ ᓄᓇᕗᒻᒥ ᖃᓄᐃᙱᑉᐸᑦ, ᑲᔪᓯᕙᓪᓕᐊᖏᓐᓇᕐᓂᐊᖅᐳᒍᑦ ᐲᖅᓯᕙᓪᓕᐊᓗᑕ ᑭᒃᑯᑐᐃᓐᓇᓂᒃ ᖃᓄᐃᙱᑎᑦᑎᔪᒪᓂᕐᒧᑦ ᐊᑐᕆᐊᖃᖅᓯᒪᔭᖅᑎᓐᓂᒃ, ᐱᒋᐊᕐᕕᖃᕐᓗᑕ ᐊᑦᑎᒃᑐᒥᒃ ᖁᐊᖅᓵᕐᓇᕐᓂᓕᖕᓄᑦ ᐱᓕᕆᐊᒃᓴᓄᑦ ᐱᓕᕆᐊᖑᕙᒃᑐᓄᓪᓗ.  ᖃᓄᐃᓕᖓᓂᕆᔭᕗᑦ ᖃᓄᐃᓕᕙᓪᓕᐊᙱᑉᐸᑦ, ᑐᖅᑕᑦᑎᓐᓂᒃ ᐊᑐᐃᓐᓇᑐᐃᓐᓇᕆᐊᖃᖅᐳᒍᑦ ᑭᓯᐊᓂ ᓇᓗᔪᓐᓃᑦᑎᐊᕈᑦᑕ ᐲᖅᓯᓂᖅ ᐊᔪᖅᑎᑦᑎᔾᔪᑎᒃᑲᓐᓂᕐᓂᒃ ᖁᐊᖅᓵᕐᓇᖅᑐᒧᐊᖅᑎᑦᑎᔾᔮᙱᒃᑲᓗᐊᕐᒪᖔᑦ ᓄᓇᕗᒻᒥᐅᓂᒃ. ᑭᖑᓪᓕᕐᒥᒃ, ᖁᐊᖅᓵᕐᓇᕐᓂᖓ ᓄᕙᒡᔪᐊᕐᓇᖅ-19 ᐊᖏᒡᓕᒋᐊᖅᐸᑦ, ᑕᒪᒃᑯᐊᓘᓐᓃᑦ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑐᖅᑕᐅᔪᑦ ᖃᓱᒋᐊᖅᑎᑕᓯᒪᔪᑦ ᓴᖅᑭᑎᑦᑎᓕᖅᐸᑕ ᑭᒃᑯᑐᐃᓐᓇᓂᒃ ᖁᐊᖅᓵᕐᓇᖅᑎᑦᑎᓂᕐᒥᒃ ᑕᒫᓂ ᐊᕕᒃᓯᒪᓂᕐᒥ ᐅᑭᐅᖅᑕᖅᑐᒥ, ᓴᖅᑭᑎᑦᑎᑐᐃᓐᓇᕆᐊᖃᖅᐳᒍᑦ ᓴᖅᑭᑎᑦᑎᒃᑲᓐᓂᓕᕐᓗᑕᓘᓐᓃᑦ ᐊᑐᖅᑕᐅᒃᑲᓐᓂᐊᕆᐊᖃᓕᕋᔭᖅᑐᓂᒃ.

ᐃᓚᐅᕗᖓ ᑕᒪᐃᓐᓄᑦ ᐅᑎᕈᒪᓂᕐᒥᒃ ᐊᑐᖅᐸᒃᑕᑐᖃᕕᓂᑦᑎᓐᓄᑦ. ᑕᒪᑕᑦᑎᐊᖅ ᖃᐅᔨᔪᒪᔪᒍᑦ ᖃᑯᒍ ᖁᓱᒋᑦᑎᐊᕐᓗᑕ ᖁᐊᖅᓵᕐᓇᖅᑐᒦᙱᑦᑎᐊᕐᓗᑕᓗᓄᒃᑕᕈᓐᓇᓛᕆᐊᒃᓴᑦᑎᓐᓂᒃ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ, ᐅᕝᕙᓘᓐᓂᒃ ᖃᓂᒋᔭᒃᑎᓐᓄᑦ ᐃᓂᒋᔭᐅᔪᓄᑦ.  ᑭᓯᐊᓂᓗᑦᑕᐅᖅ, ᐅᖃᐅᓯᖃᕋᓱᖕᓂᖅ ᐅᓪᓗᓂᒃ ᖃᖓᒃᑰᕋᔭᕐᓂᕐᓂᒃ, ᓇᒧᙵᖅᐸᓪᓗ ᐲᖅᓯᔪᓐᓇᕋᔭᕐᓂᑦᑎᓐᓂᒃ ᑕᒪᐃᓐᓂ ᑭᒃᑯᑐᐃᓐᓇᓂᒃ ᖃᓄᐃᙱᑎᑦᑎᔪᒪᓂᕐᒧᑦ ᐊᑐᖅᑎᑕᑦᑎᓐᓂᒃ ᑕᒻᒪᑦᑕᖅᓯᒪᓇᔭᖅᐳᖅ, ᐃᒪᐃᒻᒪᕆᒡᓗᓂᓗ, ᐊᓯᒥᒃ ᐃᓱᒪᒋᔭᖃᙱᑦᑎᐊᕐᓗᓂ.

ᑕᒪᓐᓇ ᓄᕙᒡᔪᐊᕐᓇᖅ-19 ᓇᒧᙵᕈᓘᔭᖅᓯᒪᔪᖅ ᓄᓇᕐᔪᐊᕐᒥ ᓱᒃᑲᓕᔪᒥᒃ ᐊᓯᔾᔨᖅᐸᓪᓕᐊᕗᖅ, ᐱᓇᓱᐊᕈᓯᑕᒫᓪᓗ ᓴᖅᑭᑎᑦᑎᔪᖃᖅᐸᒃᖢᓂ ᓄᑖᓂᒃ ᑐᓴᖅᑕᐅᔪᒃᓴᓂᒃ, ᑕᒪᒃᑯᐊᓗ ᖃᓄᐃᓕᐅᕐᓂᐊᕐᓂᑦᑎᓐᓄᑦ ᐋᖅᑭᒃᓯᒪᓕᖅᑎᑦᑎᔾᔪᑕᐅᕙᒃᖢᑎᒃ ᑭᒃᑯᑐᐃᓐᓄᓪᓗ ᖃᓄᐃᙱᑎᑦᑎᓂᕐᒧᑦ ᐊᑐᖅᑎᑕᑦᑎᓐᓄᑦ.  ᖃᓄᐃᓕᖓᓂᐊᕋᓱᒋᔭᐅᔪᑦ ᐋᖅᑭᒃᓯᒪᓕᖅᑎᑕᐅᔪᓪᓗ ᐋᖅᑭᒃᑕᐃᔪᑦ ᐅᓪᓗᒥ ᑐᑭᓯᐊᔭᐅᔪᓂᒃ ᑐᙵᕕᖃᖅᑎᑕᐅᓪᑎᒃ ᑕᒪᑐᒧᖓ ᖃᓂᒪᓐᓇᓄᑦ, ᕿᓚᒥᒻᒪᕆᑯᓗᒃ ᐊᑐᖅᑕᐅᔪᓐᓇᐃᓪᓕᖃᑦᑕᑐᐃᓐᓇᕆᐊᖃᖅᐳᑦ. ᑕᐃᒪᐃᓐᓂᖓᓄᑦ, ᐊᑐᕈᒪᖔᖅᓯᒪᓕᖅᐳᒍᑦ ᐊᑐᖅᑕᐅᕙᒃᑐᒥᒃ ᐊᓯᔾᔨᖅᓴᕋᐃᓪᓗᓂ, ᐅᔾᔨᖅᓱᑦᑎᐊᕐᓗᓂ, ᐊᑐᕈᓐᓇᖅᓗᓂᓗ ᖃᓄᐃᓕᕙᓪᓕᐊᔪᓄᑦ ᖃᓄᐃᓕᓯᒪᓂᕆᔭᐅᔪᒧᑦ ᐊᕙᑎᑦᑎᓐᓃᑦᑐᒧᑦ.

ᐊᒻᒪᐃᓛᒃ, ᓄᓇᕗᒻᒥᐅᓕᒫᑦ ᖁᔭᓕᔪᒪᕙᒃᑲ ᑲᔪᓰᓐᓇᖅᑐᒥᒃ ᐅᑕᖅᑭᑦᑎᐊᕈᓇᖃᑦᑕᖅᓯᒪᖕᒪᑕ ᑐᑭᓯᐅᒪᑦᑎᐊᖃᑦᑕᖅᓯᒪᖕᒪᑕᓗ.   ᑭᓇᑐᐃᓐᓇᑦᑎᐊᖅ ᐊᒃᑐᖅᑕᐅᕗᖅ ᑕᒪᑐᒧᖓ ᓇᒧᙵᕈᓘᔭᖅᑐᒧᑦ ᓄᓇᕐᔪᐊᕐᒥ ᖃᓂᒪᓐᓇᒧᑦ, ᑭᓯᐊᓂᓗᑦᑕᐅᖅ ᑲᑐᔾᔨᓪᓗᑕ ᐱᓕᕆᐊᕆᓂᕆᖃᑦᑕᖅᓯᒪᔭᕗᑦ ᐅᓪᓗᒥᒧᑦ ᑎᑭᖦᖢᒍ ᓄᓇᕗᒻᒥᒃ ᖁᐊᖅᓵᕐᓇᖅᑐᒦᑎᑦᑎᓯᒪᙱᓚᖅ. ᑕᒪᓐᓇ ᐱᓕᕆᐊᖃᑦᑎᐊᕋᓱᖕᓂᖅ ᑲᒪᒋᔭᖃᑦᑎᐊᕐᓂᕐᓗ ᑲᔪᓰᓐᓇᕆᐊᖃᖅᐳᖅ, ᐊᒻᒪᓗ, ᖃᔪᑎᑦᑎᕙᓪᓕᐊᓂᑦᑎᓐᓂ ᐊᔪᓕᖅᑎᑦᑎᓯᒪᔾᔪᑎᓂᒃ, ᐊᑐᐃᓐᓇᕆᐊᖃᖅᐳᒍᑦ ᐃᓅᖃᑎᑦᑎᓐᓂᒃ ᐅᖓᓯᒃᓴᕆᐊᖃᕐᓂᕐᒥᒃ, ᖃᓂᒪᒑᖓᑦᑕ ᐊᓯᑦᑎᓃᑉᐸᙱᓪᓗᑕ, ᐊᒡᒐᕗᓪᓗ ᐅᐊᓴᕋᔪᒃᐸᒡᓗᒋᑦ.

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ, ᓇᖕᒥᓂᕐᓗ ᖃᐅᔨᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ

ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᖅᑐᖅ ᐊᐴᑎᓯᒪᓯᒪᓂᕐᒥᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ ᐅᖃᐅᔾᔭᐅᕗᑦ ᐅᖄᓚᖁᔭᐅᓪᓗᑎᒃ ᓄᕙᒡᔪᐊᕐᓇᕐᒧᑦ−ᐅᖄᕝᕕᐅᔪᓐᓇᖅᑐᒥᒃ ᐅᕗᖓ, 1-888-975-8601−ᒧᑦ  10−ᓗ ᐅᓪᓛᒥᑦ  6−ᓗ ᐅᓐᓄᒃᓴᒧᑦ ᐊᑯᓐᓂᖏᓐᓂ, ᖃᐅᔨᑎᓪᓗᒋᓪᓗ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᖕᒥᓂᒃ ᖃᐅᔨᑎᑲᐅᑎᒋᓗᒋᓪᓗ,  ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᓂᓗ ᐊᖏᕐᕋᖅᓯᒪᓗᓂᓗ 14−ᓄᑦ ᐅᓪᓗᓄᑦ.

ᑭᓇᑐᐃᓐᓇᑦᑎᐊᖅ ᐊᑐᕈᓐᓇᖅᑐᖅ ᖃᕆᑕᐅᔭᒃᑰᕈᓐᓇᐅᑎᒥᒃ ᐱᓕᕆᐊᖃᕈᓐᓇᕆᕗᖅᑕᐅᖅ ᓇᖕᒥᓂᖅ ᐃᑭᐊᖅᑭᕕᒃᑯᑦ ᓇᖕᒥᓂᖅ−ᖃᐅᔨᓴᕈᓐᓇᕐᓂᕐᒥᒃ ᐅᕙᓂ, nu.thrive.health

 

ᐅᓄᕐᓂᖏᑦ

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐊᓂᑦᑕᐃᓕᔭᕆᐊᖃᖅᑐᓄᑦ ᐃᓃᑦ)

ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᒪᐃ 24-ᒥᑦ ᐱᒋᐊᖅᖢᓂ

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᓯᒪᔪᑦ

141

ᐃᓄᓕᒫᑦ

89

ᐃᓕᓐᓂᐊᖅᑏᑦ

0

ᑲᑎᖦᖢᒋᑦ

230

 

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᖅᑐᑦ

ᒪᐃ 23

14

ᒪᐃ 24

6

ᒪᐃ 25

31

ᒪᐃ 26

19

ᒪᐃ 27

15

 

ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ

ᒪᐃ 24−ᒥ ᐱᒋᐊᖅᖢᓂ, 1131−ᓂᒃ ᑐᒃᓯᕋᖅᓯᒪᔪᖃᖅᐳᖅ, 878−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃᑐᒃᓯᕋᕈᑕᐅᔪᑦ.

ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ

#

%

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᒻᒪᕆᐊᓗᖕᓂᑦ ᐱᒻᒪᕆᐅᓗᐊᙱᑦᑐᓂᒡᓗ)

963

84.6%

ᐊᖏᕐᑕᐅᙱᑦᑐᑦ

127

11.2%

ᐅᑕᖅᑭᔪᑦ

41

4.3%

ᑲᑎᖦᖢᒋᑦ

1131

100%

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐃᓕᓐᓂᐊᕐᓂᓕᕆᔨᒃᑯᑦ ᐋᖅᑭᒃᓯᓯᒪᕗᑦ ᐊᑐᖅᑕᐅᔪᓐᓇᖅᑐᓂᒃ ᐸᐃᕆᕝᕕᑦ ᒪᑐᐃᖅᑕᐅᒃᑲᓐᓂᕋᔭᕐᓂᖏᓐᓄᑦ,ᐃᓚᖃᐊᖃᖅᖢᓂ ᑕᒪᓐᓇ ᑐᓴᖅᑕᐅᔪᒃᓴᓂᒃ ᐱᐅᓯᒋᐊᖅᓯᒪᔪᓂᒃ ᓴᓗᒻᒪᖅᓴᐃᓇᔭᕐᓂᕐᒥᒃ ᓴᓗᒪᓇᔭᕐᓂᕐᒥᒡᓗ, ᑎᒥᒃᑯᓪᓗ ᐅᖓᓯᒌᒋᐊᖃᖅᐸᖕᓂᕐᒥᒃ ᐊᔾᔭᖅᓯᔪᖃᕌᖓᑦ ᐊᐃᒃᖠᖅᑐᖃᕌᖓᓪᓘᓐᓃᑦ.

ᐃᓕᓐᓂᐊᕐᓂᓕᕆᔨᒃᑯᑦ ᖃᐅᔨᒋᐊᕐᕕᖃᕐᓂᐊᖅᐳᑦ ᑕᒪᐃᓐᓄᑦ ᓚᐃᓴᓕᖕᓄᑦ ᐸᐃᕆᕝᕕᖕᓄᑦ ᐅᓪᓗᓂ ᐊᒡᒋᖅᐸᓪᓕᐊᔪᓂ.

 

ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐅᐊᓴᖅᐸᒡᓗᒋᑦ ᐊᓪᓕᕋᐃᓪᓗ, ᐃᓅᖃᑎᑦᑎᓐᓂ ᖃᓂᒃᓴᓗᐊᖅᑕᐃᓕᒪᕙᒡᓗᑕ, ᓈᓚᒃᐸᒡᓗᑕᓗ ᐋᓐᓂᐊᕐᕕᖕᒥ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔾᔪᑕᐅᔪᓂᑦ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.