ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᒻᒥ ᒐᕙᒪᒃᑯᑦ ᓄᑖᙳᕆᐊᖅᑎᑕᖏᑦ - ᔪᓚᐃ 6, 2020

ᔪᓚᐃ 06, 2020

ᒥᓂᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᖅᖢᒍ ᓯᕗᓕᖅᑎ ᓄᑖᙳᕆᐊᖅᑎᑕᐅᔪᑦ:

ᐅᓪᓛᒃᑯᑦ. ᓱᓕ ᐊᑕᐅᓯᖕᒥᑦ ᐸᓴᒋᔭᐅᓯᒪᔪᒥᑦ ᓄᕙᒡᔪᐊᕐᓇᖅ-19−ᑕᓕᒃ ᓄᓇᕗᒻᒥᑦ, ᓄᓘᔮᓂᑦ ᐅᔭᕋᖕᓂᐊᕐᕕᖕᒥᑦ. ᓱᓕᒃᑲᓐᓂᖅ, ᐅᖃᒃᑲᓐᓂᕈᒪᕗᖓ ᖃᓄᑎᒋ ᐅᖓᓯᒃᑐᒦᓐᓂᖓᓂᑦ ᑖᓐᓇ, ᓄᓇᕗᒻᒥᐅᓪᓗ ᐃᓱᒫᓗᒋᐊᖃᕋᑎᒃ ᐊᐃᑦᑐᐃᓇᔭᖕᒪᖔᑦ ᑖᒡᕙᖓᑦ.

ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᓯᒪᓕᖅᑐᑦ ᒫᓐᓇᒧᑦ ᑎᑭᖦᖢᒍ 1,467−ᖑᓕᖅᐳᑦ. 157 ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ.

ᓄᓇᕗᑦ ᐅᓪᓗᖓ ᕿᑎᖅᑰᑎᒥᐅᓂᐊᕐᒪᑦ, ᓄᓇᓕᓕᒫᓂᓪᓗ ᖁᕕᐊᓲᑎᖃᔾᔮᓇᑎᒃ ᐊᑐᖅᐸᒃᑕᑎᑐ, ᖁᕕᐊᓱᐃᓐᓇᖕᓂᐊᐳᓯᑐᖅ ᓄᓇᕗᑦᑎᐊᕚᓗᖕᒥᑦ ᐊᑦᑕᖕᓇᙱᓪᓗᓂ ᐱᖃᓐᓇᕆᔭᖕᓂᑦ ᐃᓚᖕᓂᓪᓗ.

ᐊᕙᙶᓘᖅᐳᒍᑦ ᐊᕐᕌᒍᑦ 21 ᐊᓂᒍᓕᕐᑐᑦ, ᖁᕕᐊᓲᑎᒋᓚᕗᑦ ᐅᓪᓗᖓ ᐊᒃᓱᕈᕐᓗᑕᓗ ᐱᓕᕆᓗᑎ ᐊᓯᑦᑎᓐᓄᑦ, ᓄᓇᓕᖁᑎᑦᑎᓐᓄᑦ ᓯᕗᓂᒃᓴᑦᑎᓐᓄᓪᓗ ᓄᓇᕗᒻᒥᑦ. ᖁᕕᐊᓱᒋᑦᑎ ᓄᓇᕗᑦ ᐅᓪᓗᖓᓂᑦ!

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᓄᑖᙳᕆᐊᖅᑎᑕᖏᑦ

ᐅᓪᓛᒃᑯᑦ. ᓱᓕ ᐅᑕᖅᑭᒐᑦᑕ ᓇᓗᓇᐃᕐᑕᐅᓂᐊᕐᑐᒥᑦ ᖃᐅᔨᓴᕈᑎᒥᑦ ᐸᓴᒋᔭᐅᓯᒪᔪᒥᑦ ᖃᐅᔨᔭᖅ ᓄᓘᔮᓂᑦ, ᓂᕆᐅᒃᖢᑎᒃ ᐊᑐᐃᓐᓇᐅᓂᐊᕋᓱᒋᔭᐅᓪᓗᑎᒃ ᑕᒪᑐᒪᓂ ᐱᓇᓱᐊᕈᓯᖕᒥᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᐅᔨᓴᐃᓐᓇᕐᑐᑦ ᑕᒪᑐᒥᖓ ᓄᓘᔮᓂᑦ, ᐃᑲᔪᕐᓂᐊᖅᖢᑕᓗ ᐱᔭᕆᐊᖃᕈᑦᑕ.

ᐱᕕᖃᕈᒪᕗᖓ ᐃᖅᑲᐃᓯᓗᖏᓪᓗ ᓄᓇᕗᒻᒥᐅᑦ:

ᖃᐅᔨᓴᖕᓂᖅ ᐃᓚᒋᔭᐅᕗᖅ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᓕᕆᐊᖓ ᓄᕙᒡᔪᐊᕐᓇᖅ-19−ᑕᖃᓕᕐᐸᑦ. ᖃᐅᔨᓴᖕᓂᖅ ᐱᒻᒪᕆᐅᔪ, ᑭᓯᐊᓂᓕ ᐃᓇᖐᙱᓚᖅ ᐃᓅᖃᑎᒥᑦ ᐅᖓᓯᖕᓂᖕᒥᑦ ᐊᒡᒐᓂᒡᓘᓐᓃᑦ ᐅᐊᓴᖕᓂᖕᓂᑦ.

ᖃᐅᔨᓴᖕᓂᖅ ᐱᒻᒪᕆᐅᔪ, ᑭᓯᐊᓂᓕ ᐃᓇᖐᙱᓚᖅ ᐅᓪᓗᓄᑦ 14 ᐃᓄᑐᐊᖑᔭᕆᐊᖃᖕᓂᖕᒥᑦ.

ᓄᓇᓄᑦ ᒐᕙᒪᒃᑯᖏᑦ ᐊᑐᖃᑦᑕᕐᕗᑦ ᖃᐅᔨᓴᖕᓂᖕᒧᑦ ᐊᑐᕐᑕᐅᔭᕆᐊᓕᖕᓂᑦ ᐱᐅᓛᒃᑯᑦ ᐊᑐᕐᑕᐅᓲᓂᑦ ᓴᖅᑭᑕᐅᓯᒪᔪᑦ ᓄᓇᕐᔪᐊᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᓐᓂᑦ ᑲᓇᑕᒥ ᐋᓐᓂᐊᖃᕐᓇᙱᑐᓕᕆᔨᒃᑯᓐᓂᓪᓗ. ᐊᑐᕐᐸᒃᐳᒍ ᖃᐅᔨᓴᕈᑎᓂᑦ ᐊᓂᒍᐃᑎᑕᐅᓯᒪᔪᑦ ᐊᑐᕈᓐᓇᕐᓗᑎᒃ ᐃᓕᓴᕆᔭᐅᓯᒪᓪᓗᓂᓗ ᓈᒻᒪᒃᑐᓂᑦ ᖃᐅᔨᓴᕈᑎᖃᖁᓪᓗᒋᑦ ᓄᓇᕗᒻᒥᐅᑦ.

ᑕᐃᒪᐃᒍᒥᓇᕋᓗᐊᕐᑎᓪᓗᒍ, ᓈᒻᒪᒋᔭᐅᓯᒪᔪᓂᒡᓗ ᐱᖁᑎᖃᕐᓗᑎᒃ, ᖃᐅᔨᓴᖕᓂᖕᖅ ᓈᒻᒪᐃᓐᓇᐅᔮᓗᙱᒻᒪ ᓇᓗᓇᐃᕆᓂᖕᓂᑦ ᓄᕙᒡᔪᐊᕐᓇᖅ-19 ᓄᖅᑲᖅᑎᑦᑎᓂᖕᒥᓪᓗ ᐊᐃᑦᑐᐃᓂᖕᓂᑦ. ᑕᑯᔭᐅᓯᒪᓕᕐᑐᒻᒪᕆᑦ ᓱᓕᙱᑦᑑᔪᓐᓇᕐᒪᑕ ᐃᕙᔭᐅᓂᖓᓂᑦ.

ᑕᒪᑐᒪᓂ ᓄᕙᒡᔪᐊᕐᓇᖅ-19 ᓄᓇᕐᔪᐊᒥ ᖃᓂᒪᓐᓇᒥᑦ, ᑐᕌᕋᓱᐊᕐᑕᕗᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᓇᓗᓇᐃᕐᓯᓗᑕ, ᓄᖅᑲᕐᑎᓪᓗᒋᑦ ᐊᐃᑦᑐᐃᔪᓐᓃᕐᑎᓪᓗᒋᓪᓗ.

ᓄᓇᕗᑦ ᒐᕙᒪᒃᑯᖏᑦ ᕿᒥᕐᕈᐃᓐᓇᖕᓂᐊᕐᑐᑦ ᓴᖅᑭᑉᐸᓪᓕᐊᔪᓂᑦ ᐱᐅᓛᒃᑯᑦ ᐊᑐᕐᓗᑎᒃᓗ ᐋᖅᑭᒃᑕᐅᓯᒪᔪᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᔪᓐᓇᖕᓂᓕᖕᓂᑦ, ᑕᒪᐃᓐᓂ ᑲᓇᑕᒥᑦ ᓄᓇᕐᔪᐊᒥᓪᓗ, ᐋᖅᑭᒋᐊᕐᓗᑎᒍᑦ ᖃᓄᐃᓕᐅᕐᓂᒃᓴᕗᑦ ᓄᕙᒡᔪᐊᕐᓇᖅ-19−ᒧᑦ, ᐊᓯᔾᔨᕐᓗᒋᓪᓗ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᑐᒐᒃᓴᕗᑦ ᓈᒻᒪᒃᐸᑦ.

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ, ᓇᖕᒥᓂᕐᓗ ᖃᐅᔨᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ

ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᖅᑐᖅ ᐊᐴᑎᓯᒪᓯᒪᓂᕐᒥᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ ᐅᖃᐅᔾᔭᐅᕗᑦ ᐅᖄᓚᖁᔭᐅᓪᓗᑎᒃ ᓄᕙᒡᔪᐊᕐᓇᕐᒧᑦ−ᐅᖄᕝᕕᐅᔪᓐᓇᖅᑐᒥᒃ ᐅᕗᖓ, 1-888-975-8601−ᒧᑦ  10−ᓗ ᐅᓪᓛᒥᑦ  6−ᓗ ᐅᓐᓄᒃᓴᒧᑦ ᐊᑯᓐᓂᖏᓐᓂ, ᖃᐅᔨᑎᓪᓗᒋᓪᓗ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᖕᒥᓂᒃ ᖃᐅᔨᑎᑲᐅᑎᒋᓗᒋᓪᓗ,  ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᓂᓗ ᐊᖏᕐᕋᖅᓯᒪᓗᓂᓗ 14−ᓄᑦ ᐅᓪᓗᓄᑦ.

ᑭᓇᐃᓐᓇᖅ ᖃᕆᑕᐅᔭᖃᕈᓂ ᖃᕆᑕᐅᔭᒃᑯᑦ ᐃᒻᒥᒥ ᖃᐅᔨᓴᕈᓐᓇᖅᑐᑦ nu.thrive.health

ᐅᐸᒃᑕᐅᑦᑕᐃᓕᒪᕝᕕᐅᔪᓂ ᐃᓱᒫᓘᑎᖃᕈᕕᑦ ᐴᖅᓯᕕᒃ

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᓯᒪᔪᖃᓕᖅᐳᖅ ᐱᐅᓂᖅᓴᒃᑯᑦ ᑭᐅᓯᖃᑦᑕᕈᒪᓂᕐᒧᑦ ᐃᓱᒫᓘᑕᐅᔪᓂᒃ ᐅᖃᐅᓯᐅᓯᒪᔪᓂᒡᓗ ᐱᓕᕆᕝᕕᒋᔭᐅᓯᒪᔪᓂᑦ ᐱᔭᕇᖅᓯᔪᓂᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᕖᖕᓃᑦᑐᓂᒃ ᖃᓪᓗᓈᓂ ᑲᓇᑕᒥ. ᑖᓐᓇ ᓄᑖᖅ ᖃᕆᑕᐅᔭᒃᑯᑦ ᑎᑎᕋᕐᕕᒃ ᐲᖅᓯᓂᐊᖅᐳᖅ ᐊᒃᓱᕈᓐᓇᖅᑎᑦᑎᔪᒥᒃ ᓄᕙᒡᔪᐊᕐᓇᒧᑦ ᐊᑭᖃᙱᑦᑐᒧᑦ ᐅᖄᓚᕝᕕᒃᓴᐅᕙᒃᑐᒧᑦ, ᐃᓗᐊᖅᓴᖅᑕᐅᔭᖅᑐᖅᓯᒪᔪᓂᒃ ᐃᓅᖃᑎᖃᖅᐸᖕᓂᕐᒥᒃ ᐊᒻᒪᓗ CPHOTravelRequests ᐃᓕᐅᖅᑲᐃᕝᕕᒋᑎᑉᐸᒃᑕᖓᓄᑦ. ᐅᕝᕙ ᓄᑖᖅ ᑐᕌᕈᑖ isolationrelations@gov.nu.ca.

ᐅᓄᕐᓂᖏᑦ

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐊᓂᑦᑕᐃᓕᔭᕆᐊᖃᖅᑐᓄᑦ ᐃᓃᑦ)

ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᔪᓚᐃ 3-ᒥᑦ ᐱᒋᐊᖅᖢᓂ

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᓯᒪᔪᑦ

224

ᑭᒃᑯᑐᐃᓇᑦ

229

ᐃᓕᓐᓂᐊᖅᑏᑦ

0

ᑲᑎᖦᖢᒋᑦ

453

 

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᖅᑐᑦ

ᔪᓚᐃ 4

3

ᔪᓚᐃ 5

15

ᔪᓚᐃ 6

76

ᔪᓚᐃ 7

29

ᔪᓚᐃ 8

30


ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ

ᔪᓚᐃ 4−ᒥ ᐱᒋᐊᖅᖢᓂ, 2215−ᓂᒃ ᑐᒃᓯᕋᖅᑐᖃᓚᐅᖅᐳᖅ, 1508−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᕈᑕᐅᔪᑦ.

ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ

#

%

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᒻᒪᕆᐊᓗᐃᑦ ᐱᒻᒪᕆᐅᓗᐊᙱᑦᑐᓪᓗ)

1874

84.6%

ᐊᖏᕐᑕᐅᙱᑦᑐᑦ

197

8.9%

ᐅᑕᖅᑭᔪᑦ

37

1.7%

ᐊᖏᖅᑕᐅᓯᒪᔪᑦ

107

4,8%

ᑲᑎᖦᖢᒋᑦ

1291

100%


ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

ᐋᓐᓂᐊᖃᕐᓇᙱᑦᑐᓕᔨᓄᑦ ᐱᔨᑦᑎᕋᐅᑕᐅᕙᒃᑐᓄᑦ ᐃᑲᔪᖅᑕᐅᖃᑦᑕᖅᑐᑦ ᓱᓕ ᐊᑐᐃᓐᓇᐅᔪᑦ ᑕᒪᐃᓐᓄᑦ ᓄᓇᓕᖕᓂ ᐱᓇᓱᐊᕈᓯᓕᒫᖅ ᐅᓪᓗᓄᑦ 7-ᓄᑦ. ᑐᐊᕕᕐᓇᙱᑦᑐᓕᒫᑦ ᑲᒪᒋᔭᕆᐊᓖᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᖃᐅᑕᒫᑦ ᑐᐊᕕᕐᓇᓂᖏᑎᒍᑦ ᒪᓕᓪᓗᒋᑦ. ᑐᐊᕕᕐᓇᖅᑐᓕᕆᔨᓄᑦ ᐋᓐᓂᐊᕕᖕᒥᑦ ᐱᔨᑎᕋᐅᑎᖏᑦ ᓱᓕ ᐊᑐᐃᓐᓇᖏᓐᓇᕐᓂᐊᖅᑐᑦ 24−ᓄᑦ ᐃᑲᕐᕋᓄᑦ, ᐱᓇᓱᐊᕈᓯᓕᒫᑦᑎᐊᖅ. ᐃᓗᐊᖅᓴᖅᑕᐅᔭᕆᐊᖃᖅᑐᓕᒫᑦ ᐅᖄᓚᖃᑦᑕᖁᔭᐅᕗᑦ ᓴᖅᑭᓚᐅᙱᓐᓂᕐᒥᓂ ᐋᓐᓂᐊᕐᕕᖕᒧᑦ.

ᐱᒋᐊᕐᖢᓂ ᔫᓂ 8−ᒥᑦ, ᐊᒥᓲᓂᕐᓴᓂ ᒪᓂᒪᓂᖅᑕᖃᖃᑦᑕᕐᓂᐊᓕᖅᐳᖅ ᐅᐸᒃᓯᓗᓂ ᖃᓄᐃᙱᓐᓂᕐᒧᑦ ᖃᐅᔨᓴᖅᑕᐅᓂᕐᓂᒃ ᐋᓐᓂᐊᕕᓕᐊᕐᕕᖕᓂ ᑕᒫᓂᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ.

ᐃᖃᓗᖕᓂ, ᐅᖁᒪᐃᓐᓂᕐᓂᐊᕐᕕᒃ, ᑐᐊᕕᕐᓇᖅᑐᓕᕆᕝᕕᒃ ᐃᒡᓗᕈᓯᖅ ᐅᓂᒃᓯᒪᕝᕕᐅᕙᒃᑐᕐᓗ ᒪᑐᐃᖓᐃᓐᓇᕐᓂᐊᖅᑐᑦ.

ᖃᓄᐃᙱᑦᑎᐊᖅᑐᓄᑦ ᓄᑕᕋᓛᕐᓄᑦ ᐱᓕᕆᐊᖑᕙᒃᑐᑦ, ᓯᖓᐃᔪᓄᑦ ᑕᑯᔭᐅᕙᒃᑐᑦ ᑲᐱᔭᐅᕙᒃᑐᓪᓗ ᑲᔪᓰᓐᓇᖅᐳᑦ ᓄᓇᕘᓕᒫᒥ.

ᓘᒃᑖᑦ ᑲᔪᓰᓐᓇᕐᓂᐊᖅᑐᑦ ᓄᓇᓕᖕᓄᑦ ᐳᓚᕋᖃᑦᑕᕐᓂᖏᑦ. ᑕᒪᓐᓇ ᐊᔪᕐᓇᕐᓂᖅᐸᑦ, ᑕᑯᔭᐅᖃᑦᑕᕐᓂᐊᖅᑐᑦ ᑕᓚᕖᓴᒃᑯᑦ ᐃᓗᐊᖅᓴᖅᑕᐅᓗᑎᒃ ᐅᖄᓚᐅᑎᒃᑯᓪᓘᓐᓃᑦ.

ᐊᐅᖏᖅᑕᐅᓯᒪᔪᓂᑦ ᖃᐅᔨᓴᕐᕕᖓ ᐊᒻᒪ ᑕᕐᕋᖅᑐᖅᑕᐅᕕᖓ ᕿᑭᖅᑕᓂ ᐋᓐᓂᐊᕕᖕᒥ ᐃᓚᐃᓐᓇᖏᓐᓂᑦ ᑲᒪᖃᑦᑕᕐᓂᐊᖅᑐᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐃᓂᒃᓴᓕᐅᖅᑐᑦ ᐋᓐᓂᐊᕕᖕᒧᑦ ᑐᐊᕕᕐᓇᕐᓂᕆᔭᖏᑦ ᒪᓕᒃᑕᐅᖃᑦᑕᕐᓂᐊᖅᐳᑦ; ᑕᐃᒪᐃᒻᒪᑦ ᐅᖃᓘᑎᒃᑯᑦ ᐃᓂᒃᓴᓕᐅᖃᑦᑕᕐᓂᐊᖅᐳᑦ ᐅᕝᕙᓘᓐᓃᑦ ᐅᐸᒡᓗᑎᒃ.

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᑦ ᐅᓄᕈᓐᓃᕆᐊᖅᑕᐅᔪᑦ ᑭᓯᐊᓂ ᑐᐊᕕᕐᓇᓐᑐᓄᑦ ᐋᓐᓂᐊᕕᓕᐊᕆᐊᓕᖕᓄᑐᐊᖅ ᐊᐅᓚᖅᑎᑕᐅᖃᑦᑕᕐᓂᐊᖅᑐᑦ. ᑲᒪᒋᔭᐅᕙᒃᑐᑦ ᐅᖃᐅᔾᔪᖅᑕᐅᓂᐊᖅᐳᑦ ᐊᓯᔾᔨᖅᑕᐅᔪᓂᑦ ᐅᖃᖃᑎᒌᖃᑕᐅᓗᑎᒡᓗ ᑐᓴᕆᐊᓕᖏᓐᓂᑦ.

ᐃᖃᓗᖕᓂ, ᐋᓂᐊᕐᕕᓕᐊᖃᑦᑕᖅᑐᓄᑦ ᐊᒻᒪ ᑎᒥᒃᑯᑦ ᐃᖃᐃᓕᓴᕆᐊᓖᑦ ᑕᑯᔭᐅᖃᑦᑕᖅᑐᑦ ᑐᐊᕕᕐᓇᕐᓂᖏᑦ ᒪᓕᓪᓗᒋᑦ ᑕᑯᔭᐅᖃᑦᑕᖅᑐᑦ ᐊᒻᒪ ᑕᑯᔭᒃᓴᓕᐊᖑᓯᒪᔪᓂ ᓱᓕ ᑕᑯᖃᑦᑕᖅᑐᑦ. ᑕᒪᕐᒥᑦᑎᐊᖅ ᑕᑯᔭᔅᓴᓕᐊᖑᓯᒪᔪᑦ ᐃᓂᔅᓴᓕᐅᖅᑕᐅᓯᒪᔪᑦ ᑐᐊᕕᕐᓇᓂᖏᑦᑎᒍᑦ ᒪᓕᓪᓗᒋᑦ ᐋᖅᑭᒃᒋᐊᖅᑕᐅᒃᑲᓐᓂᖅᐸᓪᓕᐊᕗᑦ.

ᐋᓐᐊᓂᕕᖕᒧᑦ ᐅᓂᒃᑐᑦ ᕿᑭᖅᑕᓂ ᐋᓐᓂᐊᕕᖕᒥ ᖃᔅᓰᓐᓇᕐᓂᒃ ᐳᓛᖅᑕᐅᑎᑦᑎᑲᑕᒃᑐᑦ ᐊᐱᖅᓱᖅᑕᐅᑲᑖᓪᓚᓚᐅᖅᖢᑎᒃ.

MHA−ᑯᑦ ᐅᖄᓚᐅᑎᒃᑯᖔᖅ ᖃᐅᔨᓴᖅᑕᐅᖃᑦᑕᕐᓂᐊᓕᖅᑐᑦ ᐃᑲᔪᖅᑕᐅᖃᕐᓗᑎᓪᓗ ᐃᓚᖏᓐᓄᑦ ᐃᓄᓕᕆᔭᐅᖃᑦᑕᖅᑐᓄᑦ. ᑕᑯᔭᔅᓴᓕᐊᖑᓯᒪᔪᑦ ᐃᔭᒐᖏᓐᓂᑦ ᐊᐃᔅᓯᕆᐊᓖᑦ ᐊᒻᒪ ᐱᓕᕆᖃᖅᑕᕐᓂᕆᕙᑦᑕᖏᑦ ᓱᓕ ᐊᓯᔾᔨᖏᑦᑐᑦ. ᑐᐅᕕᕐᓇᖅᑐᒦᓪᓚᕆᒃᑯᕕᑦ, ᐋᓐᓂᐊᕐᕕᖕᒧᐊᕐᓗᑎᑦ. ᐊᖏᕐᕋᕆᔭᐅᔪᓂ ᐅᐸᒃᓯᕙᖕᓃᑦ ᐃᓗᐊᖅᓴᐃᔭᖅᑐᕐᓗᓂ ᐱᓕᕆᐊᖑᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ ᑕᐃᒪᐃᓕᐅᕆᐊᖃᖅᐸᑕ.

ᐱᒋᐊᕐᓗᓂ ᔫᓂ 15, ᑭᒍᑎᓕᕆᔨᒃᑯᑦ ᐅᒃᑯᐃᕈᓐᓇᕐᓯᓂᐊᓕᕐᑐᑦ, ᑕᒪᓐᓇ ᐱᔨᑦᑎᕋᐅᑎ ᐊᑐᐃᓐᓇᐅᙱᑐᐃᓐᓇᕆᐊᓖᑦ ᓄᓇᓕᓕᒫᓂ ᒫᓐᓇᑲᐅᑎᒋ. ᓄᓇᓕᖕᓄᑦ ᐱᔨᑦᑎᕋᐅᑎᑦ ᑭᖑᕙᓯᖕᓂᐊᕐᑐᓄᑦ ᐱᔨᑦᑎᕋᕐᓂᕆᔭᐅᔪᓄᑦ, ᑐᐊᕕᖕᓇᖅᑐᒃᑯᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᓱᓕ ᒪᓂᒪᕗᑦ.

ᔫᓂ 29−ᒥ ᐱᒋᐊᕐᓗᓂ, ᓄᓇᕗᒻᒥ ᑲᒪᒋᔭᐅᖏᓐᓇᖅᑐᒃᑯᕖᑦ (CCC−ᖑᓂᕋᖅᑕᐅᒋᓪᓗᑎᒃ) ᐃᓐᓇᐃᓪᓗ ᐊᖏᕐᕋᖏᑦ ᐊᖏᖅᓯᖃᑦᑕᕐᓂᐊᖅᐳᑦ ᐳᓛᕆᐊᖅᑐᓂᒃ ᑕᒪᓐᓇᓗ ᐃᓱᓕᑦᑕᖅᑎᑕᐅᓗᓂ. ᐊᑐᓂᑦ ᑕᒪᐃᑕ ᑕᐃᑲᓂᕐᒥᐅᑦ ᐅᓂᒃᓯᒪᔪᓪᓘᓐᓃᑦ ᒪᕐᕉᒃ ᐅᖓᑖᓂ ᐳᓛᖅᑎᖃᕆᐊᖃᙱᓚᑦ ᐊᑕᐅᑦᑎᒃᑯᑦ ᑕᒪᒃᑯᐊᓗ ᐳᓛᕆᐊᖅᑐᑦ ᐃᓱᓕᑦᑕᖅᑎᑕᐅᓂᐊᖅᐳᑦ ᐃᓚᒋᔭᐅᔪᓄᑐᐊᖅ, (ᑕᒪᓐᓇ ᐃᓚᖃᖅᖢᓂ ᐃᕐᙳᑕᕐᓂᒃ ᐊᔭᐅᑉᐱᐊᓂᒡᓗ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᐊᔾᔨᒌᙱᑦᑐᓄᑦ ᐋᓐᓂᐊᕕᖕᒥ ᑕᑯᔭᐅᖃᑦᑕᖅᑐᑦ ᓄᖅᑲᖅᑎᑕᐅᔪᑦ. ᐱᓕᕆᔪᖃᖅᐸᓪᓕᐊᕗᖅ ᖃᐅᔨᒪᓕᕈᒪᓂᕐᒧᑦ ᓇᓕᐊᒃ ᐃᓗᐊᖅᓴᖅᑕᐅᔭᕆᐊᓖᑦ ᑲᒪᒋᔭᐅᔪᓐᓇᕐᒪᖔᑕ ᐅᖄᓚᐅᑎᒃᑯᑦ/ᖃᕆᓴᐅᔭᒃᑯᑦ ᑲᒪᒋᔭᐅᓗᑎᒃ.

ᐊᐅᓪᓚᕆᐊᓖᑦ ᐱᔭᕆᐊᖃᓪᓚᕆᖏᑦᑐᑦ ᐃᓱᒪᓕᕆᔨᒃᑯᑎᒍᑦ ᐱᓕᕆᕝᕕᐅᕙᒃᑐᓄᑦ ᐃᓚᒌᓐᓄᓪᓗ ᓄᖅᑲᖅᑎᑕᐅᕗᑦ. ᐊᐅᓪᓚᕆᐊᖃᖅᑐᓕᒫᑦ ᖃᑕᙳᑎᒥᓂᒃ ᐋᓐᓂᐊᕐᕕᖕᒦᑦᑐᒥᒃ ᑕᑯᔭᖅᑐᖅᐸᒃᑐᑦ ᓄᖅᑲᖅᑎᑕᐅᔪᑦ.

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᐱᔪᒪᔾᔪᑕᐅᔪᑦ ᐃᓯᕈᒪᓗᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒧᑦ ᐃᒡᓗᓕᐅᕐᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ, ᓄᒃᑕᕈᒪᓗᓂᓘᓐᓃᑦ ᐊᕕᒃᓯᓂᐅᑉ ᐃᓗᐊᓂ ᐃᒡᓗᓕᐅᕐᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ, ᓇᒃᓯᐅᔾᔭᐅᔪᓐᓇᖅᐳᑦ ᐅᕗᖓ,  CPHOconstructionrequests@gov.nu.ca

ᐃᒡᓗᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᓂᕐᒥᒃ ᐅᓪᓗᒥᒧᑦ ᑎᑭᖦᖢᒍ: 495

ᐃᒡᓗᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᓂᕐᒥᒃ ᔫᓂ 29−ᔪᓚᐃ 5, 2020−ᒥ

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᓈᓴᐅᑎᖓ

ᓇᒧᙵᐅᓂᐊᖅᐸᑦ

29/ᔫᓂ/20

9

ᐃᖃᓗᐃᑦ

29/ᔫᓂ/20

7

ᑭᙵᐃᑦ

29/ᔫᓂ/20

10

ᒥᑦᑎᒪᑕᓕᒃ

29/ᔫᓂ/20

2

ᑲᖏᖅᖠᓂᖅ

29/ᔫᓂ/20

1

ᐃᖃᓗᒃᑑᑦᑎᐊᖅ

29/ᔫᓂ/20

3

ᓴᓂᕋᔭᒃ

29/ᔫᓂ/20

6

ᐃᖃᓗᐃᑦ

29/ᔫᓂ/20

10

ᐃᒡᓗᓕᒃ

29/ᔫᓂ/20

5

ᖃᐅᓱᐃᑦᑐᖅ

30/ᔫᓂ/20

6

ᐅᖅᓱᖅᑑᖅ

30/ᔫᓂ/20

4

ᐃᖃᓗᒃᑑᑦᑎᐊᖅ

ᔪᓚᐃ

5

ᐃᖃᓗᐃᑦ

ᔪᓚᐃ

1

ᖃᒪᓂ’ᑐᐊᖅ

ᔪᓚᐃ

1

ᖃᐅᓱᐃᑦᑐᖅ

ᔪᓚᐃ

4

ᑭᙵᐃᑦ

2/ᔪᓚᐃ/20

1

ᐃᖃᓗᐃᑦ

2/ᔪᓚᐃ/20

3

ᑭᙵᐃᑦ

2/ᔪᓚᐃ/20

1

ᐃᖃᓗᐃᑦ

5/ᔪᓚᐃ/20

6

ᐃᖃᓗᐃᑦ

5/ᔪᓚᐃ/20

1

ᖃᐅᓱᐃᑦᑐᖅ


ᓄᓇᕗᑦ ᒐᕙᒪᖓᑕ ᑎᑎᕋᕐᕕᖏᑦ ᑕᒪᐃᓐᓂ ᓄᓇᓕᖕᓂ ᓱᓕ ᒫᓐᓇ ᒪᑐᓯᒪᕗᑦ ᑭᒃᑯᑐᐃᓐᓇᓄᑦ ᐅᐸᒃᑕᐅᔪᓐᓇᙱᖦᖢᑎᒃ ᒫᓐᓇᐅᔪᒃᑯᑦ. ᑭᓇᑐᐃᓐᓇᒥᒃ ᑕᖅᑳᙵᑐᐃᓐᓇᖅ ᑲᑎᖃᑎᖃᕆᐊᖃᖅᑐᖃᖅᐸᑦ ᓄᓇᕗᑦ ᒐᕙᒪᖓᑕ ᐊᑐᕆᐊᖃᓪᓚᕆᒃᑐᓂᒃ ᐱᔨᑦᑎᕋᕐᕕᖃᕐᓂᕐᒧᑦ ᐃᖅᑲᓇᐃᔭᖅᑎᒥᒃ, ᐊᓯᐊᒍᖔᖅ ᐋᖅᑭᒃᓱᖅᑕᐅᔪᓂᒃ ᐋᖅᑭᒃᓱᖅᑕᐅᔪᖃᕆᐊᖃᖅᐳᖅ.  ᐅᖄᓚᖅᑳᕐᓂᐊᖅᐳᑎᑦ ᓯᕗᓂᑲᓪᓚᖓᒍᑦ ᐃᓂᒃᓴᓕᐅᕐᓗᑎᓪᓗ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᒫᑦᓯ 17−ᒥᓂᓂᑦ, ᐃᓕᓐᓂᐊᕐᕖᑦ ᒪᑐᓚᐅᕐᐳᑦ ᐃᓕᓐᓂᐊᕐᑎᓄᑦ, ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᖃᑎᖃᑦᑎᐊᕐᓯᒪᐃᓐᓇᕐᑐᑦ ᐱᕙᒌᔭᐅᓪᓗᑎᒃ ᐊᒡᒋᖅᑐᒧᑦ 2020-21 ᐃᓕᓐᓂᐊᕐᓇᐅᑉ ᐊᕐᕌᒍᐊᓄᑦ, ᐱᓕᕆᐊᖃᓗᐊᕐᓗᑎᒃ ᓄᕙᒡᔪᐊᕐᓇᖅ-19 ᓄᓇᕐᔪᐊᒥᑦ ᖃᓂᒪᓐᓇᖅ.

ᑐᓴᒐᒃᓴᒃᑲᓐᓃᑦ ᐸᖕᓇᐅᑎᓄᑦ ᐊᑐᕐᑕᐅᔭᕆᐊᓕᖕᓄᓪᓗ ᐅᒃᑯᐃᕐᓂᐊᓕᕐᓗᓂ ᐃᓕᓐᓂᐊᕐᕖᑦ ᐊᑐᐃᓐᓇᐅᓛᖅᑐᑦ ᐃᓄᓕᒫᓄᑦ ᐱᐊᓂᒃᑕᐅᒃᐸᑕ. ᐃᓚᖃᕐᓂᐊᖅᑐᖅ ᓇᓗᓇᐃᔭᑦᑎᐊᕐᓯᒪᔪᓂᑦ ᐊᑐᕐᑕᐅᔭᕆᐊᓕᖕᓂᑦ ᐋᓐᓂᐊᖅᑕᐃᓕᒪᑎᑦᑎᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ, ᐃᓕᓐᓂᐊᕐᓂᖕᓗ ᖃᐅᔨᓴᖕᓂᕐᓗ, ᐃᓕᓐᓂᐊᕐᑎᑦ ᐃᖅᑲᓇᐃᔭᖅᑎᓪᓗ ᖃᓄᐃᙱᑦᑎᐊᖕᓂᖏᑦ.

ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑦᑎᓂᐊᕐᑐᑦ ᓯᕗᓪᓕᖅᐹᒥᑦ ᑎᑎᖅᑲᒥᑦ ᐃᓕᓐᓂᐊᕐᕕᑦ ᐅᒃᑯᐃᓛᖕᓂᖓᑕ ᐸᖕᓇᐅᑖᓂ ᑕᖅᑭᐅᑉ ᓄᙳᐊᓂᑦ, ᕿᒥᕐᕈᔭᐅᓚᐅᕐᓗᓂ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ ᐱᓕᕆᕝᕕᐅᔪᓪᓗ ᑐᓴᖅᓯᒪᓕᕐᓗᑎᒃ ᐃᓕᓐᓂᐊᕐᓂᖕᒧᑦ ᐱᖃᖃᑕᐅᔪᓂᑦ.

ᐃᖅᑲᓇᐃᔭᖅᑎᕗᑦ ᐃᓕᓐᓂᐊᕐᑎᕗᓪᓗ ᐊᑦᑕᖕᓇᖅᑕᐃᓕᒪᓂᖏᑦ ᐃᓕᓐᓂᐊᕐᓂᓕᕆᔨᒃᑯᑦ ᓯᕗᓪᓕᐅᔾᔭᕆᕙᔾᔪᒃ. ᐱᓕᕆᖃᑎᒋᑦᑎᐊᖕᓂᒃᑯᑦ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᒃ, ᑐᑭᓯᓇᑦᑎᐊᕐᑐᓂᒡᓗ ᐊᑐᕐᑕᐅᔭᕆᐊᖃᕐᓗᓂ ᐋᓐᓂᐊᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ, ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᕐᑎᖁᑎᑦᑎᓐᓂ ᐃᓕᓐᓂᐊᖁᔨᕗᑦ ᐊᑦᑕᖕᓇᙱᑦᑐᒥᑦ, ᐃᑲᔪᖅᑐᐃᔪᒥᓪᓗ.

 

ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦᓱᓕᑦᑕᕐᓃᑦ  ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔾᔪᑕᐅᔪᓂᑦ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.