ᐅᖃᓚᐅᑎᓯᐅᑏᑦ

You are here

ᓄᑖᑦ ᓇᕿᑦᑕᐅᑏᑦ ᐃᓄᒃᑐᑦ ᐅᖄᓚᐅᑎᕋᓛᓄᑦ (iPhone) ᖃᕆᓴᐅᔭᕋᓛᓄᓪᓗ ᐱᙳᐊᕈᑎᓄᑦ (iPad)

ᔫᓂ 16, 2015

ᑐᓴᒐᒃᓴᑦ ᓴᖅᑭᑕᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

ᓄᑖᑦ ᓇᕿᑦᑕᐅᑏᑦ ᐃᓄᒃᑐᑦ ᐅᖄᓚᐅᑎᕋᓛᓄᑦ (iPhone) ᖃᕆᓴᐅᔭᕋᓛᓄᓪᓗ ᐱᙳᐊᕈᑎᓄᑦ (iPad)

ᐃᖃᓗᐃᑦ, ᓄᓇᕗᑦ (ᔫᓐ 16, 2015) – ᓄᓇᕗᑦ ᒐᕙᒪᒃᑯᖏᑦ ᐱᕈᕐᕕᒃᑯᓪᓗ ᓄᐃᑎᑦᑎᖕᒪᑕ ᓇᕿᑦᑕᐅᑎᑦ−ᒥᓐ, ᓄᑖ ᐃᓄᒃᑐᑦ ᓇᕿᑦᑕᐅᑏᑦ ᐊᔪᕐᓇᕈᓐᓃᕈᑕᐅᔪᖅ ᑭᓇᑐᐃᓐᓇᒧᑦ ᖃᓂᐅᔮᖅᐸᐃᑎᑐᑦ ᐊᑐᕐᓗᑎᒃ ᐋᐳᓪ ᐅᖄᓚᐅᑎᕋᓛᓂᑦ (Apple iPhone) ᖃᕆᓴᐅᔭᕋᓛᓂᒃᓗ ᐱᙳᐊᕈᑎᓂᑦ (iPad). ᑖᒃᑯᐊ ᓇᕿᑦᑕᐅᑏᑦ ᐊᑐᐃᓐᓇᐅᔪᑦ ᐃᓕᔭᕆᐊᒃᓴᖅ ᐋᐳᒃᑯᑦ ᐃᓕᔭᒃᓴᓂᑦ ᓂᐅᕕᕐᕕᐊᓂᑦ (Apple’s App Store).

"ᐊᓕᐊᓇᐃᒍᓱᑦᑎᐊᖅᑐᒍᑦ ᐱᓕᕆᖃᑎᖃᕆᐊᒃᓴᖅ ᐱᕈᕐᕕᖕᒥᑦ ᓴᖅᑭᑦᑎᔭᕆᐊᒃᓴᖅ ᑖᒃᑯᓂᖓ ᓇᕿᑦᑕᐅᑎᑦ − ᒥᑦ, ᓇᕿᑦᑕᐅᑏᓪᓘᓐᓃᑦ ᐃᓄᒃᑐᑦ," ᐅᖃᖅᑐᕕᓂᖅ ᔪᐊᔾ ᑯᒃᓱᒃ, ᒥᓂᔅᑕ ᐅᖃᐅᓯᖕᓄᑦ. "ᐃᑲᔫᑕᐅᓂᐊᖅᐳᑦᑐᖅ ᐱᕚᓪᓕᕈᑕᐅᓗᓂ ᐊᔪᕐᓇᙱᓐᓂᕐᓴᐅᓕᕐᓗᓂᓗ ᐊᑐᖅᑕᐅᓂᖓ ᐅᖃᐅᓯᖅᐳᑦ ᑕᒪᒃᑯᓄᖓ ᐊᑐᖅᑕᐅᒐᔪᒃᑐᓄᑦ ᐅᖄᓚᐅᑎᕋᓛᓄᑦ ᖃᕆᑕᐅᔭᕋᓛᓄᓪᓗ."

"ᐊᕐᕌᒍᒐᓴᖕᓄᑦ, ᐃᓄᒃᑑᓲᑦ ᓇᕿᑦᑕᕈᓐᓇᓚᐅᖅᓯᒪᙱᒃᑲᓗᐊᖕᒪᑕ ᖃᓂᐅᔮᖅᐸᐃᑐᑦ ᖃᕆᑕᐅᔭᕋᓛᓄᑦ, ᐅᖄᓚᐅᑎᕋᓛᓄᑦ ᐱᙳᐊᕈᑎᕋᓛᓄᓪᓗ," ᐅᖃᖅᑐᖅ ᓖᓇ ᐃᕕᒃ, ᐱᕈᕐᕕᐅᑉ ᐊᖓᔪᖅᑳᖓ. "ᓇᕿᑦᑕᐅᑎᑦ ᐃᑲᔫᑕᐅᓂᐊᖅᑐᖅ ᐃᓄᒃᑐᑦ ᖃᓂᐅᔮᖅᐸᐃᑐᓪᓗ ᓴᖅᑭᔮᖕᓂᖅᓴᐅᓂᖓ ᓇᒃᓯᐅᑎᔭᐅᓲᒃᑯᑦ, ᕙᐃᔅᐳᒃᑯᑦ ᐃᑭᐊᖅᑭᕕᒃᑯᓪᓗ."

ᐃᓚᖓᑦ ᓇᕿᑦᑕᐅᑏᑦ, ᑕᐃᔭᐅᔪᑦ ᑭᐳᑦᑎᔾᔪᑦ −ᒥᑦ, ᐊᓕᐊᓇᐃᑦᑐᒻᒪᕆᐅᕗᖅ ᓄᑖᖑᓪᓗᓂ ᐃᓄᒃᑐᑦ ᖃᕆᓴᐅᔭᒃᑯᑦ. ᐊᑐᖅᑏᑦ ᖃᓕᐅᔮᖅᐸᐃᑐᑦ ᑎᑎᕋᕈᓐᓇᕐᓗᑎᑦ ᑖᒃᑯᐊᓗ ᑎᑎᖅᐸᓪᓕᐊᔭᖏᑦ ᑭᐳᑲᐅᑎᒋᕙᓪᓕᐊᖑᔭᖅᖢᑎᒃ ᖃᓂᐅᔮᖅᐸᐃᒧᑦ ᑕᑯᓐᓇᕐᕕᐊᒍᑦ. "ᐊᒥᓱᑦ ᐃᓄᒃᑑᓲᑦ ᐃᖢᐊᕆᔭᖃᖕᒪᑕ ᓇᕿᑦᑕᖅᖢᑎᒃ ᐃᓄᒃᑐᑦ ᖃᓂᐅᔮᖅᐸᐃᑐᑦ ᑭᓯᐊᓂᓕ ᐅᖃᓕᒫᖔᕈᒪᓲᑦ ᐅᖃᐅᓯᖕᒥᓂ ᖃᓂᐅᔮᖅᐸᐃᑐᑦ," ᐅᖃᖅᑐᖅ ᖔᕕᓐ ᓇᔅᐱᑦ ᑲᒪᒋᔭᖃᓚᐅᖅᑐᖅ ᓴᓇᔭᐅᕙᓪᓕᐊᓂᖓ ᓇᕿᑦᑕᐅᑏᑦ ᐱᕈᕐᕕᖕᒥᑦ. "ᑭᐳᑦᑎᔾᔪᑦ ᓴᓇᓯᒪᔪᖅ ᑖᒃᑯᓄᖓᑐᐊᖅ. ᒫᓐᓇᓕ ᑭᓇᑐᐃᓐᓇᖅ ᓇᕿᑦᑕᑲᐅᖅᑐᕈᓐᓇᖅᓯᔪᑦ ᖃᓂᐅᔮᖅᐸᐃᑐᑦ ᐅᖄᓚᐅᑎᕋᓛᒥᖕᓄᑦ ᖃᕆᑕᐅᔭᕋᓛᖕᒥᓄᓪᓘᓐᓃᑦ, ᑕᒻᒪᖅᓯᒪᙱᑦᑐᓂᑦ ᐊᑐᑐᐊᕈᑎᒃ ᖃᓕᐅᔮᖅᐸᐃᑐᑦ," ᐅᖃᖅᑐᕕᓂᖅ.

ᒪᕐᕉᖕᓂᑦᑕᐅᖅ ᐃᓄᒃᑐᑦ ᓇᕿᑦᑕᐅᑎᑕᓕᒃ ᐃᓗᐊᓃᑦᑐᑦ ᑕᒡᕙᓂ. ᐊᑕᐅᓯᖅ ᑕᐃᒫᑐᐃᓐᓇᐅᓪᓗᓂ ᖃᓂᐅᔮᖅᐸᐃᑐᑦ ᓇᕿᖅᑕᐅᑏᑦ ᐊᔾᔨᒋᓪᓗᓂᐅᒃ ᐋᖅᑭᐅᒪᓂᖓ ᐊᑐᖅᑕᐅᓚᐅᖅᓯᒪᔪᑎᑐᑦ ᒪᐃᑯᓵᕝ ᐅᐃᓐᑐᔅᑯᑦ (Microsoft Windows) ᐊᕐᕌᒍᓄᑦ ᖁᓕᓄᑦ. ᐱᖃᑖ ᖃᓕᐅᔮᖅᐸᐃᑐᑦ ᐃᓄᒃᑐᑦ ᓇᕿᑦᑕᐅᑏᑦ ᐃᓚᖃᖅᑐᑦ ᐆᒥᖓ ł −ᒥᑦ ᕿᑭᖅᑖᓘᑉ ᐅᐊᖕᓇᖓᓂᕐᒥᐅᑑᖅᑐᓄᑦ ᑭᕙᓪᓕᖕᒥᐅᑦ ᐅᖃᐅᓯᖏᑎᒍᓪᓗ, ᑖᒃᑯᐊᒃᓗ š ř ᓇᑦᑎᓕᖕᒥᐅᑐᑦ.

ᓯᕗᒧᑦ ᐊᑉᓗᖅᑕᒃᑯᑦ, ᑕᐅᑐᙳᐊᖅᑕᑎᒍᓪᓗ ᐃᓄᐃᑦ ᐅᖃᐅᓯᖏᓐᓂᑦ ᓴᐳᒻᒥᒃᖠᓂᖕᒧᑦ ᐱᖁᔭᒥᑦ, ᑖᓐᓇ ᐆᒃᑑᑎᑐᐃᓐᓇᐅᔪᖅ ᓄᓇᕗᑦ ᒐᕙᒪᒃᑯᖏᑦ ᐱᕚᓪᓕᖅᑎᑦᑎᔪᒪᓂᖏᓐᓂᑦ ᓴᙱᒃᑎᑉᐹᓪᓕᖅᑎᓪᓗᒍᓗ ᐊᑐᖅᑕᐅᓂᖓ ᐃᓄᒃᑐᑦ ᖃᐅᑕᒫᑦ ᓄᓇᕗᓕᒫᒥᑦ.

ᑖᒃᑯᐊ ᓇᕿᑦᑕᐅᑏᑦ ᐱᕈᕐᕕᐅᑉ ᐱᐊᓂᓵᖅᓯᒪᓕᖅᑕᖏᑦ ᐃᓄᒃᑐᑦ ᖃᕆᓴᐅᔭᓕᕆᓂᖕᒧᑦ. ᑖᒃᑯᐊ ᓴᖅᑭᑦᑎᓚᐅᖅᓯᒪᖕᒥᔪᑦ ᑐᓵᓚᖓ ᐃᑭᐊᖅᑭᕕᖕᒥᑦ ᐃᓕᐅᖅᑲᒐᒃᓴᒥᓪᓗ ᐅᖃᐅᓯᖕᓄᑦ ᐃᓕᑦᑎᕙᓪᓕᐊᔪᓄᑦ, ᐃᓄᒃᑐᑦ ᑎᑎᖅᑲᓖᑦ ᓴᖅᑭᔮᓲᑦ ᒪᐃᑯᓵᕝ ᐅᐃᑦᑐᔅᒧᑦ ᐋᕕᔅᒧᓪᓗ (Microsoft Windows & Office), ᖃᓂᐅᔮᖅᐸᐃᑑᖅᑐᓂᒃᓗ ᑎᑎᕋᐅᓯᖕᒥᑦ.

###

ᑐᓴᐅᒪᔪᓕᕆᓂᖕᒧᑦ ᖃᐅᔨᒋᐊᕐᕕᒃᓴᖅ:

ᖃᔮᖅ ᐃᐅᓪᔅᕘᑦ

ᐊᐅᓚᑦᑐᔨ, ᑐᓴᐅᒪᔪᓕᕆᓂᖕᓄᑦ

ᐃᓕᖅᑯᓯᓕᕆᔨᒃᑯᑦ

867-975-5526 ᐱᕈᕐᕕᒃ

QEllsworth@gov.nu.ca

 

 

ᖔᕕᓐ ᓇᔅᐱᑦ

ᐊᐅᓚᑕᓂᑦ ᑐᑭᒧᐊᒃᑎᑦᑎᔨ ᖃᕆᓴᐅᔭᓕᕆᔨᓗ

ᐱᓕᕆᐊᓄᑦ ᐊᐅᓚᑦᑎᔨ

867-979-4722

gavin@pirirvik.ca