ᐅᖃᓚᐅᑎᓯᐅᑏᑦ

You are here

ᓄᑖᖑᔪᖅ ᕼᐋᒻᒪᓚᒃᑯᑦ ᐊᓪᓚᕝᕕᑖᓵᖓ ᐃᓂᒃᓴᖃᖅᑎᑦᑎᒃᑲᓐᓂᖅᑐᖅ ᐅᓪᓗᒥᒨᖓᔪᒥᓪᓗ ᐃᓂᒃᓴᐅᓪᓗᓂ ᑲᖏᖅᑐᒑᐱᖕᒥᐅᑕᓄᑦ

ᒫᑦᓯ 20, 2015

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ 

ᓄᑖᖑᔪᖅ ᕼᐋᒻᒪᓚᒃᑯᑦ ᐊᓪᓚᕝᕕᑖᓵᖓ ᐃᓂᒃᓴᖃᖅᑎᑦᑎᒃᑲᓐᓂᖅᑐᖅ ᐅᓪᓗᒥᒨᖓᔪᒥᓪᓗ ᐃᓂᒃᓴᐅᓪᓗᓂ ᑲᖏᖅᑐᒑᐱᖕᒥᐅᑕᓄᑦ 

ᒫᔾᔨ 19, 2015 ᑲᖏᖅᑐᒑᐱᒃ, ᓄᓇᕗᑦ 

ᐅᓪᓗᒥ ᑭᒡᒐᖅᑐᐃᔨᐅᔪᑦ ᐱᖓᓲᓕᖅᑲᖓᔪᓂᒃ ᖁᑦᑎᓐᓂᓕᖕᓂ ᒐᕙᒪᓂ ᑲᑎᖃᑎᖃᖅᑐᑦ ᓄᓇᓕᒻᒥᐅᑕᓂᒃ ᖁᕕᐊᓲᑎᖃᕐᓂᕐᒧᑦ ᒪᑐᐃᖅᑕᐅᓂᖓᓄᑦ ᓄᑖᖑᔪᖅ ᑲᖏᖅᑐᒑᐱᐅᑉ ᕼᐋᒻᒪᓚᖓᑕ ᐊᓪᓚᕝᕕᑖᓵᖓᓂ. 

ᐊᓪᓚᕝᕕᑖᓵᖑᔪᖅ, ᓇᔪᕐᕕᐅᓪᓗᓂ ᕼᐋᒻᒪᓚᒃᑯᑦ ᑲᑎᒪᕕᖓᓂ ᑐᑭᓕᐅᕆᔨᒧᓪᓗ ᐃᓂᒃᓴᖃᖅᑐᓂ, ᐊᖏᔪᒥ ᑲᑎᕝᕕᖃᖅᑐᖅ ᑰᖃᕐᕕᕋᓛᖃᖅᑐᓂᓗ ᐊᑐᖅᑕᐅᔪᓐᓇᖅᑐᖅ ᓄᓇᓕᒻᒥ ᑲᑎᑦᑐᕋᓕᕋᐃᑉᐸᑦ. ᑖᓐᓇ ᐅᓪᓗᒥᒨᖓᔪᖅ ᐊᓪᓚᕝᕕᒃ ᐃᓂᒃᓴᖃᑦᑎᐊᖅᑐᖅ ᑕᒪᐃᓐᓂ ᕼᐋᒻᒪᓚᒃᑯᓐᓄᑦ ᐃᖅᑲᓇᐃᔭᖅᑎᐅᔪᓄᑦ ᑕᐃᑲᓃᑦᑐᐃᓐᓇᐅᔪᓐᓇᖅᓯᔪᑦ, ᑕᒪᒃᑯᐊ ᐱᔨᑦᑎᕋᖅᑎᐅᔪᑦ ᐊᑐᐃᓐᓇᐅᓂᖅᓴᐅᓂᐊᕐᒪᑕ ᑲᖏᖅᑐᒑᐱᒻᒥᐅᓄᑦ ᐊᐅᓚᓂᖃᑦᑎᐊᕐᓂᖅᓴᐅᓂᐊᓕᖅᑐᑎ ᐊᑭᑭᓐᓂᖅᓴᐅᓕᕐᓗᓂᓗ. ᐃᓪᓗᐊᓗᖅᑖᓵᖑᔪᖅ ᐊᓪᓚᕝᕕᖃᖅᑎᑦᑎᖕᒥᔪᖅ ᓄᓇᓕᐅᑉ ᑲᑐᔾᔨᖃᑎᒌᒃᑯᖏᓐᓄᑦ ᓲᕐᓗ ᐱᕙᓪᓕᐊᔪᓕᕆᔨᓄᑦ ᕿᓂᖅᑎᓄᓪᓗ ᐸᖅᓴᐃᔨᐅᔪᓄᓪᓗ, ᓄᓇᓕᖓᑕᓗ ᓈᓚᐅᑎᖃᕐᕕᖓ ᑕᐃᑲᓃᖃᑕᐅᒋᓪᓗᓂ. ᐃᓪᓗᐊᓗᒃ ᐊᐅᓚᐅᑎᖃᕐᒥᔪᖅ ᐆᒻᒪᖅᑯᑏᑦ ᖃᒥᑳᓪᓚᓐᓂᖅᐸᑕ ᖃᒥᖃᑦᑕᕐᓂᐊᖏᒻᒪᑕ. 

ᑐᑭᓯᒋᐊᕈᑎᑦ 

  • ᒐᕙᒪᒃᑯᑦ ᑲᓇᑕᒥ ᓄᓇᕘᒥᓪᓗ ᑲᑐᔾᔨᖃᑎᒌᓂᒃᑯᑦ ᐊᑭᓖᔪᐃᓐᓇᐅᔫᒃ $7 ᒥᓕᔭᓐᓂᒃ ᑕᐃᑰᓇ ᑲᓇᑕᒥ ᐊᕕᑦᑐᖅᓯᒪᔪᓂ−ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᓂ ᑮᓇᐅᔭᖃᕐᕕᐅᔪᒃᑯᑦ ᑖᔅᓱᒧᖓ ᐱᓕᕆᐊᖑᔪᒧᑦ. 
  • ᑲᓇᑕᒥ ᐊᕕᑦᑐᖅᓯᒪᔪᓂ−ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᓂ ᑮᓇᐅᔭᖃᕐᕕᐅᔪᖅ ᐃᓚᒋᔭᐅᔪᖅ ᑖᔅᓱᒧᖓ 2007 ᑲᓇᑕᓕᐅᕐᓂᕐᒧᑦ ᐸᕐᓇᐅᑎᒥ ᑐᕌᖓᓪᓗᓂᓗ ᐃᓪᓗᕐᔪᐊᕈᔪᓐᓂ ᓯᕗᓪᓕᐅᔾᔭᐅᔭᕆᐊᓕᓐᓂ. 
  • ᓄᓇᕗᑦ ᒐᕙᒪᒃᑯᑦ ᐊᖏᖅᓯᒪᓪᓚᕆᑦᑐᑦ ᓴᓂᕐᕙᐃᓂᕐᒥᑦ $182.68 ᒥᓕᔭᓐᓂᒃ ᑕᕝᕘᓇ ᐊᔾᔨᒌᙱᑦᑐᓄᑦ ᓴᖅᑭᑕᐅᓂᐊᖅᑐᓄᑦ ᓄᓇᕘᓕᒫᒥ. 

 

ᐅᖃᐅᓯᒃᓴᑦ 

“ᒐᕙᒪᑦᑕ ᐃᑲᔪᖅᓱᕐᓂᖓ ᒐᕙᒪᓕᕆᓂᕐᒧᑦ ᐃᓪᓗᕐᔪᐊᓂ ᓴᙱᓂᖅᓴᐅᓚᐅᖅᓯᒪᙱᓚᖅ. ᑲᔪᓯᓂᐊᖅᑐᒍᑦ ᐱᓕᕆᖃᑎᖃᕐᓂᕐᒥᑦ ᓄᓇᕗᑦ ᒐᕙᒪᒃᑯᖏᓐᓂ ᐃᑲᔪᖅᓱᓂᕐᒧᑦ ᐱᓕᕆᐊᖑᔪᓂᒃ ᐃᑲᔫᑎᖃᕐᓂᐊᖅᑐᓂ ᖃᓄᐃᙱᑦᓯᐊᖅᑎᑦᑎᓂᕐᒧᑦ ᐊᑦᑕᕐᓇᖅᑐᒦᑎᑦᓯᑦᑕᐃᓕᒪᓂᕐᒧᓪᓗ ᓄᓇᓕᑦᑎᓐᓂ. ᑖᓐᓇ ᐱᓕᕆᐊᖅ ᐱᒻᒪᕆᐊᓘᕗᖅ ᑲᖏᖅᑐᒑᐱᐅᑉ ᓄᓇᓕᖓᓄᑦ ᓴᖅᑭᑦᑎᕆᒻᒪᓗ ᐃᖅᑲᓇᐃᔮᒃᓴᓂᒃ, ᐱᕙᓪᓕᐊᑎᑦᑎᖕᒪᑦ, ᓴᙱᔪᓂᓪᓗ ᐆᒻᒪᕆᒃᑐᓂᓪᓗ ᓄᓇᓕᓐᓂ ᐅᑭᐅᖅᑕᖅᑐᒥ..” 

ᓕᐅᓇ ᐊᒡᓘᑲᖅ 
ᒥᓂᔅᑕ ᐊᕙᑎᓕᕆᓂᕐᒧᑦ, 
ᒥᓂᔅᑕ ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᔨᒃᑯᓐᓄᑦ, 
ᒥᓂᔅᑕ ᐅᑭᐅᖅᑕᖅᑐᒥ ᑲᑎᒪᔨᓄᑦ, ᒥᓂᔅᑕ ᐅᑭᐅᖅᑕᖅᑐᒧ ᐊᒻᒪ 
ᐃᓚᒋᔭᐅᔪᖅ ᒪᓕᒐᓕᐅᕐᕕᔾᔪᐊᒥ ᑭᒡᒐᖅᑐᐃᓪᓗᓂ ᓄᓇᕘᒥ 

“ᑮᓇᐅᔭᖃᖅᑎᑦᑎᓂᖅ ᐱᐅᔫᑎᓂᒃ ᓴᓇᓂᕐᒧᑦ ᓄᓇᕘᒥ ᐱᒻᓚᕆᐅᕗᖅ ᓄᓇᓕᕗᑦ ᓴᙱᒃᑎᒋᐊᕐᓂᐊᕐᒪᑕ ᑮᓇᐅᔭᒃᑯᑦ, ᖃᓄᐃᙱᑦᓯᐊᕐᓂᒃᑯᑦ ᓇᒻᒥᓂᖅᓱᕈᓐᓇᕐᓂᒃᑯᓪᓗ. ᓄᓇᕗᑦ ᒐᕙᒪᒃᑯᑦ ᐃᑲᔪᕈᒪᔪᑦ ᓄᓇᓕᓕᒫᓂ ᐆᒻᒪᕆᒃᓯᖁᓕᒋᑦ ᑲᔪᓯᓂᖃᑦᓯᐊᖁᓪᓗᒋᓪᓗ. ᐃᓪᓗᕐᔪᐊᖑᔪᑦ ᓲᕐᓗ ᑖᔅᓱᒪᑎᑐ ᑐᙵᕕᐅᓕᖃᑦᑕᖅᑐᑦ ᓄᓇᓕᒻᒥ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᓂᑦ ᖃᓄᐃᓕᐅᕈᑎᓂᓪᓗ ᓄᓇᓕᖁᑎᑦᑎᓐᓂ.” 

ᐲᑕ ᑕᑉᑑᓇ 
ᓯᕗᓕᖅᑎ ᓄᓇᕘᒥ 

“ᓄᑖᖑᔪᖅ ᕼᐋᒻᒪᓚᒃᑯᑦ ᐊᓪᓚᕝᕕᑖᓵᖓ ᑐᙵᕕᐅᓂᐊᖅᑐᖅ ᖃᓄᐃᓕᐅᕐᕕᐅᓗᓂ ᓄᓇᓕᓕᒫᒧᑦ; ᓄᓇᓕᒻᒥᐅᑦ ᐃᓚᐅᔪᓐᓇᕐᓗᑎ ᒐᕙᒪᓕᕆᓂᕐᒥᑦ, ᓄᑖᓂ ᓴᖅᑭᑦᑎᕆᓗᑎ ᑮᓇᐅᔭᓕᐅᕈᑎᓂ ᐱᕙᓪᓕᐊᓂᒃᑯᑦ ᐃᓚᐅᓂᖃᕐᓗᑎᓗ ᓄᓇᓕᒻᒥ ᖃᓄᐃᓕᐅᕈᑕᐅᔪᓂ. ᑖᓐᓇ ᐱᓕᕆᐊᖑᔪᖅ ᐆᑦᑑᑦᑎᒃᑲᓐᓂᐅᔪᖅ ᓄᓇᕗᑦ ᒐᕙᒪᒃᑯᑦ ᖃᓄᖅ ᐃᑲᔪᖅᓱᓲᖑᒻᒪᖔᑦ ᓴᙱᔪᓂ ᓴᓇᓂᕐᒥᑦ, ᓇᒻᒥᓂᖅᓱᕈᓐᓇᖅᑐᓂ ᓄᓇᓕᓐᓂ ᓄᓇᕘᓕᒫᒥ.” 2 

 

ᑖᒻ ᓴᒻᒧᖅᑐᖅ 

ᒥᓂᔅᑕ ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ 

ᓄᓇᕗᑦ ᒐᕙᒪᖓ 

ᖃᕋᓴᐅᔭᒃᑯᑦ ᑕᑯᒋᐊᖅᑕᐅᔪᓐᓇᖅᑐᑦ 

ᐃᓕᓐᓂᐊᒃᑲᓂᕆᑦ ᑖᒃᑯᐊ ᒥᒃᓵᓄᑦ Provincial-Territorial Base Fund. 

ᑐᑭᓯᒋᐊᕈᑎᒃᓴᒃᑲᓐᓂᕐᓄᑦ ᓄᑖᒥ ᑲᓇᑕᓕᐅᕐᓂᕐᒧᑦ ᐸᕐᓇᐅᑎᒥᑦ, ᑕᑯᒋᐊᕐᓗᒍ www.infrastructure.gc.ca/plan/nbcp-npcc-eng.html

ᑐᓴᖅᑕᖃᒃᑲᓐᓂᕈᒪᒍᕕᑦ ᑲᓇᑕᐅᑉ ᒐᕙᒪᖓᑕ ᑕᐅᑐᒐᕆᓪᓗᐊᑕᖅᑕᖏᓐᓄᑦ ᐃᖅᑲᓇᐃᔮᓄᑦ ᑮᓇᐅᔭᓕᐅᕋᓱᒃᐸᖕᓂᕐᒧᓪᓗ www.eap.gc.ca

– 30 – 

ᖃᐅᔨᒋᐊᕐᕕᒃᓴᑦ 

ᕕᓐᓯᓐᑦ ᕋᕗᓪᑦ 
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ 
ᑎᑎᕋᕐᕕᐊᓂᑦ ᒥᓂᔅᑕᐅᑉ ᐋᖅᑭᐅᒪᔪᓕᕆᔨᒃᑯᑦ, ᓄᓇᓕᖕᓂᑦ ᒐᕙᒪᓕᕆᔨᒃᑯᓪᓗ ᐊᒻᒪ 
ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᑲᓇᑕᒥ ᑯᐃᐸᒃ ᐊᕕᒃᑐᖅᓯᒪᔭᖏᓐᓄᑦ 
613-943-1838 

ᕼᐃᓗᕆ ᑲᐃᓯ
ᑐᓴᒐᒃᓴᓕᕆᔨ ᓄᓇᓕᓐᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ
ᓄᓇᕗᑦ ᒐᕙᒪᖓ
867-975-5342
hcasey@gov.nu.ca 

ᔭᓰᒪ ᐱᐸ 
ᐃᓱᒪᑕᖅ, ᑐᓴᐅᒪᖃᑦᑕᐅᑎᓕᕆᔨ 
ᓯᕗᓕᖅᑎ ᐲᑕ ᑕᑉᑑᓇ ᐊᓪᓚᕝᕕᐊᓂ 
867-975-5059 
ypepa@gov.nu.ca 

ᐋᖅᑭᒪᔾᔪᑏᑦ ᑲᓇᑕᒥ
613-960-9251 
ᐊᑭᖃᙱᑦᑐᖅ: 1-877-250-7154 
media@infc.gc.ca 

ᑐᐃᑐᒃᑯᑦ ᒪᓕᒃᑕᐅᔪᓐᓇᖅᑐᒍᑦ @INFC_eng