ᓄᓇᕗᑦ ᒐᕙᒪᒃᑯᑦ ᕿᒥᕐᕈᓕᖅᐳᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑕ ᐊᑐᓕᖁᔭᖏᓐᓂᒃ ᓄᓘᔮᓕᕆᔨᒃᑯᑦ ᑐᒃᓯᕋᐅᑎᖓᓄᑦ

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᓇᕗᑦ ᒐᕙᒪᒃᑯᑦ ᕿᒥᕐᕈᓕᖅᐳᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑕ ᐊᑐᓕᖁᔭᖏᓐᓂᒃ ᓄᓘᔮᓕᕆᔨᒃᑯᑦ ᑐᒃᓯᕋᐅᑎᖓᓄᑦ

ᐃᖃᓗᐃᑦ, ᓄᓇᕗᑦ (ᒪᐃ 14, 2022) − ᓄᓇᕗᑦ ᒐᕙᒪᒃᑯᑦ ᕿᒥᕐᕈᓕᖅᐳᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᖅᑐᒥᒃ ᐅᓂᒃᑳᓕᐊᒥᒃ ᐊᑐᓕᖁᔭᐅᔪᓂᒡᓗ ᓄᓘᔮᖕᓂ ᑐᒡᓕᐊᓂ ᐱᕙᓪᓕᐊᑎᑕᐅᔪᒪᔪᒧᑦ ᑐᒃᓯᕋᐅᑎ ᐱᔾᔪᑎᒋᓪᓗᒍ ᐅᓪᓗᒥ ᓴᖅᑭᑎᑕᐅᖅᑲᐅᔪᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ. ᒫᓐᓇᐅᔪᖅ, ᓄᓇᕗᑦ ᒐᕙᒪᖓᓂ ᕿᒥᕐᕈᔭᐅᔪᖅ ᐱᔾᔪᑎᖃᓗᐊᖅᐳᖅ ᖃᐅᔨᓴᖁᓪᓗᒋᑦ ᖃᓄᖅ ᑖᒃᑯᐊ ᐊᑐᓕᖁᔭᐅᔪᑦ ᓄᓇᕗᒻᒥᐅᓂᑦ ᐊᒻᒪᓗ ᓄᓇᕗᒻᒥ ᓄᓇᓕᖏᓐᓂ  ᐊᒃᑐᐃᓂᐊᕐᒪᖔᑕ.

"ᓄᓇᕗᑦ ᒐᕙᒪᒃᑯᑦ ᐃᑲᔪᖅᑐᐃᖃᑦᑕᖅᓯᒪᕗᑦ ᐃᑲᔪᖅᑐᐃᖏᓐᓇᕐᓂᐊᖅᖢᑎᒡᓗ ᐊᕙᑎᑦᑎᓐᓂ ᐱᕙᓪᓕᐊᔪᓂᒃ ᑲᒪᑦᑎᐊᕈᓐᓇᕐᓂᕐᒥᒃ ᓄᓇᕗᒻᒥ ᐊᕕᒃᑐᖅᓯᒪᔪᓂᑦ ᓄᓇᒥᐅᑕᑦ ᐊᑐᖅᑐᒃᓴᖏᓐᓂᒃ," ᔨᒥ ᐅᓈᓕᒃ ᐅᖃᖅᑐᖅ, ᒥᓂᔅᑕᐅᑉ ᑐᒡᓕᐊ ᒐᕙᒪᓕᕆᔨᒃᑯᓐᓄᑦ.  "ᓇᓗᓇᐃᖅᓯᕗᒍᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᐱᓕᕆᐊᒃᓴᖃᕐᒪᑕ ᓄᓇᕗᒻᒥ ᐊᕕᒃᑐᖅᓯᒪᔪᓂ ᐊᕙᑎᑦᑎᓐᓂ ᒪᓕᒐᖅᑎᒍᑦ ᐱᓕᕆᔾᔪᓯᖓᓂ ᖁᔭᓐᓇᒦᖅᐸᕗᓪᓗ ᐊᕐᕌᒍᒐᓴᖕᓄᑦ ᐱᓕᕆᑦᑎᐊᖃᑦᑕᖅᓯᒪᖕᒪᑕ ᐊᖏᕈᑕᐅᓯᒪᔪᒥᑦ ᑐᒡᓕᐊᓂ ᑐᒃᓯᕋᐅᑎᒥᒃ ᒫᓐᓇᒧᑦ ᑎᑭᓪᓗᒍ."

ᑕᒪᕐᒥᑦᑎᐊᖅ ᐅᓂᒃᑳᖅ ᕿᒥᕐᕈᔭᐅᓂᐊᖅᐳᖅ ᑐᑭᓯᓇᓱᒡᓗᑎᒃ ᖃᓄᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂ ᐃᓱᒪᓕᐊᕆᔭᐅᔪᖅ ᖃᓄᕐᓗ ᐊᖏᖃᑎᒌᒃᑎᑦᑎᓇᓱᒃᑐᓂᑦ ᐅᖃᐅᓯᐅᔪᑦ ᐱᔭᐅᓚᐅᖅᑐᑦ ᕿᒥᕐᕈᕙᓪᓕᐊᓂᓕᒫᖓᓂ ᐃᓱᒪᒃᓴᖅᓯᐅᕈᑕᐅᓚᐅᕐᒪᖔᑕ ᑭᖑᓪᓕᐹᒥ ᓇᓗᓇᐃᖅᑕᐅᔪᒥᑦ.

ᐅᖃᐅᓯᒃᓴᕆᔭᐅᒃᑲᓐᓂᓚᐅᖅᑐᑦ ᓴᖅᑭᑕᐅᓛᖅᐳᑦ ᑕᒪᕐᒥᒃ ᖃᐅᔨᓴᖅᑕᐅᕌᓂᒃᓯᒪᓕᖅᐸᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᓰᐅᕋ ᓕᑉᓛᖕ 
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨᐅᓚᐅᑲᒃᑐᖅ 
ᒐᕙᒪᓕᕆᔨᒃᑯᑦ
867-975-6004
sleblanc3@gov.nu.ca