You are here

ᓄᓇᕐᔪᐊᕐᒥᑦ ᐊᕐᓇᐃᑦ ᐅᓪᓗᖓ 2023

ᒫᑦᓯ 03, 2023

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓄᓇᕐᔪᐊᕐᒥᑦ ᐊᕐᓇᐃᑦ ᐅᓪᓗᖓ 2023

ᒫᑦᓯ 8 ᓄᓇᕐᔪᐊᕐᒥ ᐊᕐᓇᐃᑦ ᐅᓪᓗᖓ, ᐅᓪᓗᖅ ᑐᕌᖓᑎᑕᐅᔪᖅ ᖁᕕᐊᓲᑎᖃᕐᓂᕐᒧᑦ ᐊᕐᓇᓂᒃ ᐊᕐᓇᓂᓪᓗ ᓇᓗᓇᐃᖅᓯᓂᕐᒥᒃ ᐱᕚᓪᓕᕈᑎᑦᓴᖏᓐᓂᒃ. ᐃᓕᑕᕆᐅᒪᓪᓗᒋᑦ ᐊᕐᓇᐃᑦ ᐱᓕᕆᐊᒃᓴᖃᕐᔪᐊᕐᓂᖏᑦ ᐊᒻᒪ ᐊᔾᔨᒌᒃᑎᑕᐅᖏᓐᓇᕆᐊᖃᕐᓂᖏᑦ, ᑕᒪᑐᒪᓂ ᐊᕐᕌᒍᒥ ᐱᔾᔪᑕᐅᓂᐊᖅᑐᖅ #EmbraceEquity.

ᒫᔾᔨ 8-ᒥ, ᖁᕕᐊᓲᑎᒋᓗᒍ ᓴᐱᓕᖅᓴᕋᐃᙱᓐᓂᖅ, ᐱᔪᓐᓇᕐᓂᕆᔭᐅᔪᖅ, ᐊᒻᒪ ᑲᔪᓯᑦᑎᐊᖅᑐᑦ ᐊᕐᓇᐃᑦ ᐃᓚᔅᓯᓐᓂ ᐊᒻᒪ ᓄᓇᔅᓯᓐᓂ. ᐅᖃᖃᑎᒋᓚᐅᑲᒡᓗᒋᑦ ᐱᓕᕆᐊᖏᑕ ᒥᒃᓵᓄᑦ ᐊᔾᔨᒌᒃᑎᑦᑎᓂᕐᒧᑦ, ᖁᔭᓐᓇᒦᕐᓗᒋᑦ ᓈᓚᒡᓗᒋᓪᓗ ᖃᓄᖅ #EmbraceEquity.

ᐃᖃᓗᖕᓂ, ᖁᓪᓖᑦ ᓄᓇᕗᒻᒥ ᐊᕐᓇᐃᑦ ᑲᑎᒪᔨᖏᑦ, ᓄᓇᕗᑦ ᒐᕙᒪᒃᑯᑦ ᐊᒻᒪ YWCA−ᑯᑦ ᐊᕐᓇᓂᒃ ᐊᒻᒪ ᐊᕐᓇᐃᑦ/ᐊᖑᑎᑦ ᐊᔾᔨᒌᙱᕈᓘᔭᖅᑐᓂᒃ ᓂᐅᕕᐊᒃᓴᖃᖃᑦᑕᖅᐳᑦ ᑐᑭᓯᒋᐊᕐᕕᖕᒥ ᒫᔾᔨ 8-ᒥ 1-ᒥᑦ 7-ᒧᑦ ᐅᓐᓄᒃᑯᑦ. ᐃᖃᓗᖕᒥᐅᑦ ᐃᓚᐅᔪᓐᓇᖅᐳᑦ ᐅᓪᓗᓕᒫᖅ ᓴᓇᕈᓘᔭᕐᓂᒃᑯᑦ, ᑐᓴᕐᓈᕐᓂᒃᑯᑦ ᐃᓕᑦᑎᕙᓪᓕᐊᓂᒃᑯᓪᓗ. ᓄᑕᖅᑲᓄᑦ ᑐᕌᖓᔪᓂᒃ ᑭᒡᒐᖅᑐᐃᔨᑕᖃᕐᓂᐊᖅᑐᖅ ᐃᖅᑲᓇᐃᔮᓂᒃ ᐱᕚᓪᓕᖅᑎᑦᑎᓂᕐᒥᒃ, ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᖕᒥ ᐊᒻᒪ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐊᑐᐃᓐᓇᐅᓗᑎᒃ ᐊᐱᖅᑯᑎᒃᓴᓂᒃ ᑭᐅᔪᓐᓇᕐᓗᑎᒃ. ᑐᓐᓂᖅᑯᓯᐊᖅᓯᔪᒪᔪᑦ ᑎᓕᐅᖅᑕᐅᑦᑎᐊᖅᐳᑦ ᐃᖃᓗᖕᓂ ᐊᕐᓇᐃᑦ ᕿᒫᕝᕕᖓᓄᑦ ᑐᙵᓱᒃᑎᑕᐅᑦᑎᐊᖅᖢᑎᒡᓗ! #EmbraceEquity. ᑕᐃᒪᑐᖅ ᑕᐃᑲᓂ ᑕᑯᓛᖅᐸᑦᑎᒋᑦ!

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑮᑦ ᒪᒃᓚᐅᑦ
ᑐᑭᒧᐊᒃᑎᑦᑎᔨᒻᒪᕆᒃ
ᖁᓪᓖᑦ ᓄᓇᕗᒻᒥ ᐊᕐᓇᐃᑦ ᑲᑎᒪᔨᖏᓐᓄᑦ
867.979.6690
cmacleod@qulliit.ca