ᐅᖃᓚᐅᑎᓯᐅᑏᑦ

You are here

ᓂᕈᐊᒐᒃᓴᙳᖅᑎᑦᑎᓂᖅ ᐃᒻᒥᒃᑰᖅᑐᖅ ᐅᖃᐅᔾᔨᒋᐊᕐᑎᑦ ᑲᑎᒪᔩᑦ ᑲᓇᑕᒥ ᒪᓕᒐᓕᐊᕆᔭᓂᒃ ᖃᐅᔨᓴᖅᑎᑦ ᐃᓂᒃᓴᓕᐊᓄᑦ

ᐄᐳᕈ 07, 2020

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓂᕈᐊᒐᒃᓴᙳᖅᑎᑦᑎᓂᖅ ᐃᒻᒥᒃᑰᖅᑐᖅ ᐅᖃᐅᔾᔨᒋᐊᕐᑎᑦ ᑲᑎᒪᔩᑦ ᑲᓇᑕᒥ ᒪᓕᒐᓕᐊᕆᔭᓂᒃ ᖃᐅᔨᓴᖅᑎᑦ ᐃᓂᒃᓴᓕᐊᓄᑦ 

ᓄᓇᕗᒻᒥ ᒐᕙᒪᖓᑦ ᕿᓂᖅᑐᑦ ᓂᕈᐊᒐᒃᓴᖑᖅᑎᑕᐅᔪᒃᓴᓂᒃ ᐃᓂᑖᕐᓗᑎᒃ ᐅᓄᓛᖑᓗᒍ ᒪᕐᕉᒃ ᐃᓂᒋᔭᐅᔪᒃᓵᒃ ᐃᒻᒥᒃᑰᖅᑐᖅ ᐅᖃᐅᔾᔨᒋᐊᕐᑎᑦ ᑲᑎᒪᔩᑦ ᑲᓇᑕᒥ ᒪᓕᒐᓕᐊᕆᔭᓂᒃ ᖃᐅᔨᓴᖅᑎᑦ ᐃᓂᒃᓴᓕᐊᓄᑦ. ᐱᑕᖃᔾᔮᖏᑎᓪᓗᒍ ᑲᓇᑕᒥ ᒪᓕᒐᓕᐊᕆᔭᓂᒃ ᖃᐅᔨᓴᖅᑎᑦ ᐃᓐᓄᒃᑕᐅᔭᕆᐊᓕᖕᓂᑦ 2023-ᖑᕋᓱᖕᓂᖓᓂ, ᒐᕙᒪᑐᖃᒃᑯᑦ ᐋᖅᑭᒃᓱᐃᔪᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᓂᑦ ᓄᓇᓕᒃᔪᐊᖑᓂᖅᓴᓄᑦ ᓄᓇᓕᕋᓛᖑᓂᖅᓴᓄᓪᓗ.

ᐅᖃᐅᔾᔨᒋᐊᕐᑎᑦ ᑲᑎᒪᔩᑦ ᐃᖅᑲᓇᐃᔮᖃᓪᓗᐊᑕᖅᑐᑦ ᐃᒻᒥᒃᑰᕐᓗᑎᒃ ᐱᔭᕆᐊᓕᒃᑰᖅᑐᓄᑦ ᖃᐅᔨᓴᕐᓂᕐᓂ ᑲᓇᑕᒥ ᒪᓕᒐᓕᐊᕆᔭᓂᒃ ᖃᐅᔨᓴᖅᑎᒧᑦ ᓂᕈᐊᒐᒃᓴᐅᔪᓂᑦ ᑲᒪᒋᔭᖃᕐᓗᑎᒃᓗ ᑲᓇᑕᐅᑉ ᐊᖓᔪᖅᑳᖓᓄᑦ ᑎᑎᕋᖅᓯᒪᔪᓂᑦ ᑕᓪᓕᒪᓂᒃ ᐱᔪᓐᓇᕈᑎᖃᖅᑐᓂᑦ ᓂᕈᐊᒐᒃᓴᓂᑦ ᐊᑐᓂ ᑲᓇᑕᒥ ᒪᓕᒐᓕᐊᕆᔭᓂᒃ ᖃᐅᔨᓴᖅᑎᑦ ᐃᓄᖃᙱᑦᑐᓂ.

ᓂᕈᐊᒐᒃᓴᐅᔪᑦ ᑲᑎᒪᔨᐅᓂᕐᒧᑦ ᐃᒪᐃᑦᑕᕆᐊᓕᑦ:

  • ᑐᑭᓯᐅᒪᑦᑎᐊᕐᓗᑎᒃ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓂ ᐱᓕᕆᔾᔪᓯᖏᓐᓂ ᒪᓕᒐᓕᐊᓄᓪᓗ ᐱᕙᓪᓕᐊᔪᓄᑦ;
  • ᑐᑭᓯᐅᒪᑦᑎᐊᕐᓗᑎᒃ ᑲᓇᑕᒥ ᒪᓕᒐᓕᐊᕆᔭᓂᒃ ᖃᐅᔨᓴᖅᑎᑦ ᐱᖅᑯᓯᑐᖃᒃᑯᑦ ᐃᖅᑲᓇᐃᔮᖏᓐᓂ ᐃᒻᒥᒃᑰᕐᓗᑎᒃ ᑎᒥᐅᓗᑎᒃ ᐱᑎᑦᑎᕙᒃᑐᑦ ᐃᓗᐃᑑᓕᖓᔪᓂᒃ ᓇᓕᒧᒌᒃᑎᑦᑎᓂᕐᓂᒃᓗ ᓂᕈᐊᖅᑕᐅᓯᒪᔪᓄᑦ ᑲᑎᒪᔨᒻᒪᕆᖕᓄᑦ, ᐃᖅᑲᓇᐃᔮᖃᓪᓗᐊᑕᕐᓗᑎᒃ ᑭᒡᒐᖅᑐᐃᓂᕐᓂ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᐃᓄᑭᓐᓂᖅᓴᓂᙶᖅᑐᓂᒃᓗ;
  • ᐱᓕᕆᐊᖃᕈᓐᓇᕐᓗᑎᒃᓗ ᐃᓄᑑᓗᑎᒃ ᒐᕙᒪᒥ ᒐᕙᒪᓕᕆᔨᓂᒃᓗ; ᐊᒻᒪᓗ
  • ᐱᑎᑉᐸᒃᓗᒋᑦ ᒪᓕᒃᑕᐅᔭᕆᐊᖃᒻᒪᕆᒃᑐᓂ ᐃᓗᐊᙱᓕᐅᕈᑕᐅᔪᓂᐅᙱᑦᑐᖅ, ᐃᓚᐅᓪᓗᓂ ᐱᖃᑦᑕᙱᓐᓂᖅ ᖃᓄᑐᐃᓐᓇᖅ ᑲᑎᒪᕕᒃᔪᐊᕈᑎᓂᒃ ᖃᓄᐃᓕᐅᕈᑎᓂᑦ ᓇᐅᒃᑯᑐᐃᓐᓇᖅ ᒐᕙᒪᖓᓂ ᑲᓇᑕᐅᑉ ᐊᑯᓂᐅᑎᒋᓗᓂ ᐊᕐᕌᒍ ᐊᑕᐅᓯᖅ.


ᐱᓕᕆᐊᒃᓴᕐᔪᐊᑦ ᑲᑎᒪᔨᓄᑦ ᓇᓕᒧᒌᖏᓪᓗᑎᒃ ᑐᓂᔭᐅᕙᒃᑐᑦ ᖃᖓᙳᖅᑎᓪᓗᒍ ᐅᖁᒪᐃᓐᓂᖅᓴᒥᒃᓗ ᑐᓂᓯᒪᓂᖃᕆᐊᖃᕐᓗᑎᒃ ᐱᓇᓱᐊᕈᓯᒐᓴᖕᓂ ᐃᕐᖐᓐᓇᖅ ᒪᓕᒃᓗᓂ ᐱᒋᐊᕐᓂᖓ ᑲᓇᑕᒥ ᒪᓕᒐᓕᐊᕆᔭᓂᒃ ᖃᐅᔨᓴᖅᑎ ᐱᓇᔫᑎᖏᓐᓂ ᕿᒥᕐᕈᓂᕐᓂ.

ᐃᓱᓕᕝᕕᒃᓴᖓ ᓂᕈᐊᒐᒃᓴᓄᑦ 5 ᐅᓐᓄᓴᒃᑯᑦ ᐅᓪᓗᑐᐃᓐᓇᖅ, ᐊᐃᕆᓕ 27, 2020.

ᑐᓴᕆᐊᒃᑲᓐᓂᕈᑎᓄᑦ ᑐᓂᓯᓂᕐᓄᓪᓘᓐᓃᑦ ᐱᓇᔫᑎᓂᒃ, ᖃᐅᔨᒋᐊᕐᓗᒍ ᓖᑎᐊ ᐅᐸᑦ ᐅᕗᖓ lobed@gov.nu.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᓯ ᓚᓱᑦ
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
Clessard2@gov.nu.ca