ᐅᖃᓚᐅᑎᓯᐅᑏᑦ

You are here

ᒫᓐᓇᐅᔪᖅ: ᐸᖕᓂᖅᑑᕐᒥᑦ ᑐᐊᕕᓇᖅᑐᖅᑕᖃᕐᓂᖓᓂᒃ ᑐᓴᖅᑎᑦᑎᔾᔪᑎ - ᐊᐃᕆᓕ 3, 2015 – ᒫᓐᓇᐅᔪᖅ: 11:30 ᐅᑉᓛᒃᑯᑦ

ᐄᐳᕈ 03, 2015

ᒫᓐᓇᐅᔪᖅ: ᐸᖕᓂᖅᑑᕐᒥᑦ ᑐᐊᕕᓇᖅᑐᖅᑕᖃᕐᓂᖓᓂᒃ ᑐᓴᖅᑎᑦᑎᔾᔪᑎ 

ᐊᐃᕆᓕ 3, 2015 – ᒫᓐᓇᐅᔪᖅ: 11:30 ᐅᑉᓛᒃᑯᑦ 

ᐃᖃᓗᐃᑦ, ᓄᓇᕗᑦ 

ᐸᖕᓂᖅᑑᑉ ᕼᐋᒻᓚᒃᑯᖏᑦ ᓇᓗᓇᐃᕐᓯᓚᐅᖅᑐᑦ ᑐᐊᕕᖕᓇᖅᑐᒦᓕᖕᓂᖏᓐᓂᑦ ᐅᓪᓛᖑᔪᒃ ᐊᐃᕆᓕ 2, 2015−ᒥᑦ ᐃᑭᒋᐊᓯᓐᓂᖕᒪᑦ ᐆᒻᒪᖁᑕᐅᓯᕝᕕᒃ, ᓄᓇᓕᓗᒃᑖᖅ ᐆᒻᒪᖁᑎᖃᕈᖕᓃᖅᖢᓂ. 

ᓄᓇᕗᒻᒥ ᒐᕙᒪᒃᑯᑦ (GN) ᐊᒪᓗ ᖁᓪᓕᒃᑯᑦ (QEC), ᐊᓯᖏᓪᓗ ᓄᓇᕗᒻᒥ ᑲᓇᑕᒥᓗ ᐱᓕᕆᖃᑎᒋᔭᖏᑦ, ᐱᒋᐊᕐᓂᖃᑲᐅᑎᒋᓚᐅᖅᑐᑦ ᐊᑦᑕᓇᖅᑐᒦᖁᓇᒋᑦ ᐸᖕᓂᕐᑑᕐᒥᐅᑕᐃᑦ ᐊᒪᓗ ᐅᑎᖅᑎᓪᓗᒍ ᐆᖅᒪᖅᑯᑎᖃᕐᓂᖅ ᓄᓇᓕᖕᒧᑦ. 

ᖁᓪᓕᒃᑯᑦ ᓇᓗᓇᐃᖅᑐᑦ ᐃᓚᖓᒍᑦ ᐆᒻᒪᖁᑎᖃᓕᓚᐅᕐᓂᖓ ᓄᓇᓕᖕᒥᑦ ᐅᓐᓄᒃᓴᖓᓂᑦ ᓯᑕᒻᒥᖅ ᐊᐃᕆᓕ 2-ᒥᑦ. ᐊᒥᖅᑳᖅᑎᑕᐅᔪᑦ ᓯᑕᒪᑦ ᐃᑲᕐᕋᐃᑦ ᐱᐊᓂᖕᓂᑕᒫᑦ ᑕᐃᒪᓐᓇᐃᓕᓗᓂ ᐋᕿᒃᐸᑦ ᑭᓯᐊᓂ ᓄᓇᓕᓗᒃᑖᖅ ᐆᒻᒪᖅᑯᑎᖃᓕᕐᓗᓂ. ᓄᓇᓕᖕᒥᐅᑦ ᐆᒻᒪᖅᑯᑎᒥᒃ ᐊᑐᓗᐊᖁᔭᐅᖏᓯᒪᔪᑦ ᒫᓐᓇᐅᔪᖅ. 

ᐆᒻᒪᖅᑯᑎᒃᑲᓐᓃᑦ ᖃᖓᑕᓲᒃᑯᑦ ᑎᑭᑎᑕᐅᓂᐊᖅᑐᑦ ᓄᓇᑦᑎᐊᕐᒥᙶᕐᓗᑎᒃ ᐃᑲᔪᐃᓂᐊᖅᑐᓂᒃ ᖁᓪᓕᒃᑯᑦ ᑐᐊᕕᓇᖅᑐᖁᑐᖓᓐᓂᒃ, ᐊᒪᓗ ᐃᑲᔪᐃᔪᓂᒃ ᐊᑐᖅᑕᐅᖃᑦᑕᖅᑐᓂᒃ, ᓲᕐᓗ ᐋᓐᓂᐊᕐᕕᒃ ᐊᒪᓗ ᒥᑦᑕᕐᕕᒃ. 

ᐅᖃᓘᓯᕆᔨᒃᑯᑦ ᐊᐅᓚᖅᑎᑦᑎᓚᐅᖅᑐᑦ ᔭᓄᕇᑐᒥᒃ ᐊᒪᓗ ᐱᓕᕆᔨᖏᓐᓂᒃ ᓄᓇᓕᖕᒧᑦ ᐊᐃᕆᓕ 2-ᒥᑦ ᐊᐅᓛᖅᑎᓐᓂᕐᒧᑦ ᐱᖁᑎᑎᒃ, ᓄᓇᓕᖕᒥᑦ ᐅᖃᓘᑎᖃᖅᑎᑦᑎᔪᖅ. ᐱᔨᑦᑎᕋᐃᓂᖃᕐᓂᐊᖅᑐᑦ ᐃᓄᖕᓂᒃ ᒪᓂᒪᓕᕌᖓᑕ. 

ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᑦ ᐊᐅᓚᖅᑎᑦᑎᓚᐅᖅᑐᑦ ᐊᐃᕆᓕ 2ᒥᑦ 14-ᓂᒃ ᐋᓐᓂᐊᕐᕕᖕᒧᙵᐅᓯᒪᔪᓂᒃ ᐃᖃᓗᖕᓄᑦ ᑕᐃᑲᓂ ᐱᓕᕆᐊᖑᒃᑲᓐᓂᕐᓂᐊᕐᒪᑕ. 

ᐃᑯᐊᓪᓚᒃᑐᓕᕆᔨᒃᑯᓐᓄᑦ ᐃᓱᒪᑕᖅ ᕿᒥᕐᕈᓂᖃᕐᓂᐊᖅᑐᖅ ᐆᒻᒪᖅᑯᑎᒥᒃ ᐅᑉᓗᕐᓂᑦ ᖃᐃᔪᓂᒃ ᖃᐅᔨᓴᐃᓂᕐᒧᑦ ᓱᕋᒃᑐᓂᒃ ᐊᒪᓗ ᖃᐅᔨᒋᐊᕐᓗᓂᐅᒃ ᓱᓇᒥᒃ ᐃᑭᔾᔪᑎᖃᕐᓂᕐᒪᖔᑦ. 

ᐅᖅᑰᓯᑦᑎᕐᕖᑦ ᑕᐃᒪᐅᔪᑦ ᐃᓕᓐᓂᐊᕐᕕᖕᓂᑦ ᐊᒪᓗ ᓄᓇᓕᖕᒥᑦ ᐃᑲᔪᖅᑕᐅᔭᕆᐊᖃᖅᑐᑦ ᑕᐃᑯᙵᐅᖁᔭᐅᔪᑦ. 795 ᐃᖃᓗᖕᓂᑦ ᐅᓇᑕᖅᑐᒃᓴᕋᓛᑦ Squadron of the Royal Canadian Air Cadets ᑐᓂᓯᓚᐅᖅᑐᑦ ᐃᒡᓕᕐᓂᑦ, ᐋᓪᓕᐊᓂᒃ ᐊᒪᓗ ᕿᐱᖕᓂᑦ ᐅᖅᑰᓯᑦᑎᕐᕕᖕᒧᑦ. 

ᐊᐃᕆᓕ 2-ᒥᑦ, ᓄᓇᓕᖕᒥᑦ ᐅᓇᓕᒃᓴᔭᐃᑦ ᐊᖏᕐᕋᕆᔭᐅᔪᓄᙵᐅᑲᑕᓚᐅᖅᑐᑦ ᐃᒃᐸᒃᓴᖅ ᐃᑲᔪᖅᑕᐅᔪᖃᖅᑐᒃᓴᓂᒃ ᕿᓂᖅᖢᑎᒃ, ᐅᖃᐅᔾᔨᓗᑎᒡᓗ ᐊᑦᑕᓇᖅᑐᒦᑎᑦᑎᑕᐃᓕᒪᓂᕐᒧᑦ ᐊᖏᕐᕋᖏᓐᓂᑦ. ᐅᓇᓕᒃᓴᔭᐃᑦ ᐃᑲᔪᑲᑕᖕᒥᔪᑦ ᐅᖅᑰᓯᑦᑎᕐᕕᖕᓂᑦ. 

ᓄᓇᓕᖕᒥᐅᑕᐃᑦ ᐃᒪᖅᑐᓗᐊᖅᑕᐃᓕᖁᔭᐅᔪᑦ ᐊᒡᒐᖏᓐᓂᒡᓗ ᐃᕐᒥᖃᑦᑕᖁᔭᐅᑉᓗᑎᒃ ᐊᒪᓗ ᐊᒃᑕᑯᖏᓐᓂᒃ ᐅᔾᔨᖅᑐᖁᔭᐅᑉᓗᑎᒃ ᐱᔨᑦᑎᕋᐃᓃᑦ ᐊᑐᐃᓐᓇᐅᓕᖅᓴᓂᖏᓐᓄᑦ. 

ᓄᓇᕗᒻᒥ ᒐᕙᒪᒃᑯᑦ ᖁᔭᓕᔪᒪᔪᑦ ᐃᑲᔪᖃᑕᐅᔪᓗᒃᑖᓂᒃ, ᐱᔾᔪᔾᔨᔨᓂᒃ ᐊᒪᓗ ᓄᓇᓕᖕᒥᑦ ᑲᑐᔾᔨᖃᑎᒌᓂᒃ ᐃᑲᔪᖃᑕᐅᓂᖏᓐᓄᑦ ᐅᐸᓗᐊᓂᕐᒥᒃ ᑖᑉᓱᒧᙵ ᑐᐊᕕᓇᖅᑐᒧᑦ. 

### 

ᑐᓴᒐᒃᓴᓕᕆᔨᒃᑯᑦ ᖃᐅᔨᒋᐊᕐᕕᐅᕕᖓᑦ: 

Hilary Casy
ᕼᐃᓗᕆ ᑲᐃᓯ
ᑐᑭᓯᐅᒪᔾᔪᑎᓕᕆᔨ 
ᓄᓇᕗᒻᒥ ᑐᐊᕕᓇᖅᑐᓂᒃ ᐊᐅᓚᑦᑎᔩᑦ
867-975-5342
hcasey@gov.nu.ca