ᑲᑎᒪᔨᒥ ᐃᓐᓄᑦᓯᒪᖏᑦᑐᖅ - ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ

ᑲᑎᒪᔨᒥ ᐃᓐᓄᑦᓯᒪᖏᑦᑐᖅ - ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ

ᐃᖃᓗᐃᑦ, ᓄᓇᕗᑦ (ᕕᕝᕗᐊᕆ 2, 2023) - ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᕿᒥᕐᕈᖃᑦᑕᖅᑐᑦ ᑐᑦᓯᕋᐅᑎᓂᑦ ᑭᒃᑯᑐᐃᓐᓇᕐᓄᑦ ᐆᒻᒪᖅᑯᑏᑦ ᐊᐅᓚᓂᖏᓐᓄᑦ ᓄᓇᕗᒻᒥ ᐱᔾᔪᑎᓕᓐᓂᑦ ᐊᑭᖏᓐᓂᑦ ᐊᑭᖏᓪᓗ ᐋᖅᑭᑦᓯᒪᓂᖏᓐᓄᑦ. ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᐱᓕᕆᐊᑦᓴᖃᖃᑦᑕᖅᑐᑦ ᐅᑯᓂᖓ ᐊᑯᓂᐊᓗᒃ ᐊᑭᓕᑦᓴᕆᔭᐅᔪᓂᑦ, ᐊᑭᑐᔫᑎᓄᑦ ᐊᑭᓕᖅᑕᐅᔪᕕᓂᕐᓄᑦ, ᐊᑭᓕᖅᑐᕆᐊᓕᓐᓄᓪᓗ.

ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᕿᓂᖅᑐᑦ ᓂᕈᐊᕋᑦᓴᕐᓂᑦ ᑲᑎᒪᔨᓄᑦ ᐃᓚᒋᔭᐅᔪᑦᓴᒥᑦ, ᑲᑎᒪᔨᑦᓴᖅᓯᐅᖅᑐᒍᑦ:

ᓇᒻᒥᓂᖃᕐᓂᖅ ᒪᓕᒐᓕᕆᓂᕐᒧᑦ ᐱᓕᕆᐊᖃᖅᓯᒪᓗᓂ ᐃᑲᔫᑎᖃᕋᔭᖅᑐᖅ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦᑕ ᐊᐅᓚᓂᖏᓐᓄᑦ.
ᐱᕕᖃᕈᓐᓇᕐᓗᓂ ᐅᐸᑐᐃᓐᓇᕐᐸᙱᓪᓗᓂ ᓈᓚᒋᐊᕐᓗᓂ ᐱᓕᕆᒻᒪᕆᒃᓗᓂ ᖃᐅᔨᓴᕆᐊᓕᖕᓄᑦ ᖃᐅᔨᓴᖕᓂᖕᓄᓪᓗ ᓴᖅᑭᑕᐅᔪᑦ ᑲᑎᒪᔨᓄᑦ.
ᑐᑭᓯᒋᐊᒃᑲᓐᓂᕐᕕᒃᓴᖅᑕᓕ ᐆᒻᒪᖅᑯᑎᓄᑦ ᐊᑭᓕᐅᑕᐅᕙᒃᑐᓄᑦ ᕿᒥᕐᕈᓂᕐᒧᑦ ᑲᑎᒪᔩᑦ ᐃᑭᐊᖅᑭᕕᐊᓂ, ᐃᓚᐅᓪᓗᓂ ᓴᖅᑭᔮᖅᑎᑕᐅᓂᒃᑯᑦ ᐊᒻᒪᓗ ᑭᓲᓂᖏᑦ ᐱᓕᕆᐊᖏᑦ ᑲᑎᒪᔨᑦ ᐅᕙᓂ http://www.urrc.gov.nu.ca.

ᑖᓐᓇ ᐅᖓᕙᕆᐊᕈᑎᐅᔪᖅ ᑭᖑᓂᑦᑎᓐᓂ ᒪᓂᓴᐅᑎᓄᑦ ᐃᓚᒋᔭᐅᔪᓄᑦ ᐊᐅᓚᓂᖃᓚᐅᖅᑐᓄᑦ ᐅᑐᐱᕆ 1−ᒥ ᑎᓯᐱᕆ 1, 2023−ᒧᑦ. ᑕᒪᓐᓇ ᑲᑎᒪᔨᒃᓴᓂ ᐊᐅᓚᑕᐅᓂᐊᖅᐳᖅ ᑭᓯᐊᓂ ᓈᒻᒪᑦᑐᒥᒃ ᓇᓂᓯᔪᖃᕋᓱᐊᕐᓂᖓᓂ. ᐃᓱᓕᕝᕕᒃᓴᖃᙱᑦᑐᖅ.

ᓇᒃᓯᐅᑎᓗᒋᑦ ᐃᖅᑲᓇᐃᔮᕆᓯᒪᔭᖏᑦ ᑎᑎᕋᖅᓯᒪᔪᑦ ᑐᑭᒧᐊᒃᑎᑦᑎᔨᒻᒪᕆᖕᒧᑦ ᐆᒻᒪᖅᑯᑎᓄᑦ ᐊᑭᓕᐅᑕᐅᕙᒃᑐᓄᑦ ᕿᒥᕐᕈᓂᕐᒧᑦ ᑲᑎᒪᔨᖏᓐᓄᑦ URRC@gov.nu.ca ᐅᕝᕙᓘᓐᓃᑦ ᑐᑭᒧᐊᒃᑎᑦᑎᔨᒻᒪᕆᒃ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ
ᑎᑎᖅᑲᒃᑯᕕᒃ 1000, ᐃᓂᖓ 200
ᐃᖃᓗᐃᑦ, X0A 0H0

ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑐᑭᒧᐊᒃᑎᑦᑎᔨᒻᒪᕆᒃ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ
ᓄᓇᕗᑦ ᒐᕙᒪᖓ
urrc@gov.nu.ca