You are here

ᐊᑭᖃᖅᑎᒋᔪᑦ $4.5ᒥᓕᐊᓂᒃ ᓴᙱᒃᑎᒋᐊᕈᒪᓪᓗᒍ ᓄᕙᒡᔪᐊᕐᓇᖅ-19−ᒧᑦ ᐱᔾᔪᑎᖃᖅᖢᑎᒃ ᐊᓂᑦᑕᐃᓕᔪᑦ ᓂᕿᑎᒍᑦ ᐃᑲᔪᖅᑐᐃᓂᕐᒧᑦ ᐱᓕᕆᐊᑦ

ᔭᓐᓄᐊᓕ 13, 2022

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᐊᑭᖃᖅᑎᒋᔪᑦ $4.5ᒥᓕᐊᓂᒃ ᓴᙱᒃᑎᒋᐊᕈᒪᓪᓗᒍ ᓄᕙᒡᔪᐊᕐᓇᖅ-19−ᒧᑦ ᐱᔾᔪᑎᖃᖅᖢᑎᒃ ᐊᓂᑦᑕᐃᓕᔪᑦ ᓂᕿᑎᒍᑦ ᐃᑲᔪᖅᑐᐃᓂᕐᒧᑦ ᐱᓕᕆᐊᑦ

ᓄᓇᕗᑦ ᒐᕙᒪᒃᑯᑦ ᓴᓂᕐᕙᒃᓯᓯᒪᓕᖅᑐᑦ $4.5 ᒥᓕᐊᓐᑲᓴᑦᑎᐊᓂᒃ ᐃᑲᔫᑎᒃᓴᐅᓪᓗᑎᒃ ᓄᓇᕗᒥᐅᓄᑦ ᐱᔪᓐᓇᖅᑎᑕᐅᓗᑎᒃ ᓂᕆᔭᒃᓴᓂᒃ ᑲᑎᖅᓱᖅᓯᒪᔪᓂᒃ ᑐᓂᐅᖅᑲᖅᑕᐅᔪᓐᓇᕐᓗᑎᒃ ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ.

ᐅᖃᐅᔾᔭᐅᓯᒪᒍᕕᑦ ᐊᓂᑦᑕᐃᓕᒋᐊᖃᕐᓂᕋᖅᑕᐅᓗᑎᑦ ᓄᕙᒡᔪᐊᕐᓇᖅ-19 ᐱᔾᔪᑕᐅᓗᓂ ᐅᕝᕙᓘᓐᓃᑦ ᓂᕆᔭᒃᓴᑎᒍᑦ ᐃᑲᔪᖅᑕᐅᒋᐊᖃᕈᔅᓯ ᐊᑦᑕᕐᓇᖅᑐᒦᙱᓪᓗᓯ ᐊᓂᑦᑕᐃᓕᖃᑦᑕᕐᓂᐊᕋᔅᓯ, ᐃᑲᔪᖅᑕᐅᔪᓐᓇᑦᑎᐊᖅᐳᓯ.

ᐱᖃᓐᓇᕆᔭᖃᙱᒃᑯᕕᑦ, ᐃᓚᖃᙱᒃᑯᕕᑦ ᑎᓕᔭᒃᓴᖃᙱᒃᑯᕕᓪᓘᓐᓃᑦ ᓂᕆᔭᒃᓴᓂᒃ ᐊᐃᒃᖠᐅᔾᔭᐅᔪᒪᓗᑎᑦ ᓴᓗᒻᒪᖅᓴᐅᑎᓂᒡᓘᓐᓃᑦ ᐃᓕᔅᓯᓐᓄᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᖃᑦᑕᖁᔭᐅᕗᓯ ᐅᕗᙵᕐᓗᓯ IsolationSupports@gov.nu.ca ᐅᖄᓚᓗᓯᓘᓐᓃᑦ ᐅᕗᖓ 1-888-902-0872 ᐱᓕᕆᐊᖑᓂᐊᖅᑐᖅ ᐱᒋᐊᖅᑎᑕᐅᓂᐊᕐᒪᑕ.

ᖃᐅᔨᒪᖁᔭᐅᒋᕗᓯ, ᐅᓇ ᐱᓕᕆᐊᖑᓂᐊᕐᓂᖓᓂᒃ ᓄᓇᕗᒥᐅᓄᑦ ᐊᓂᑦᑕᐃᓕᒋᐊᖃᖅᑎᑕᓄᑦ ᒥᒃᖠᒋᐊᕈᑕᐅᓇᓱᒡᓗᓂ ᓄᕙᒡᔪᐊᕐᓇᖅ-19 ᓯᐊᒻᒪᒃᐸᓪᓕᐊᓂᕆᔭᖓ. ᑭᓇᑐᐃᓐᓇᕐᒧᑦ ᐃᑲᔪᖅᑕᐅᔪᒪᓗᑎᑦ ᐊᐱᕆᔪᓐᓇᑐᐊᕈᕕᑦ, ᐊᐱᕆᖅᑳᖃᑦᑕᖁᔭᐅᕗᑎᑦ, ᑖᒃᑯᓂᖓ ᐱᓕᕆᐊᓂᒃ ᐆᒃᑑᒪᔭᓚᐅᙱᓐᓂᕐᓂᒃ.

ᐱᔾᔪᑕᐅᓪᓗᑎᒃ ᐊᒥᓲᓗᐊᕐᓂᖏᓐᓄᑦ ᑐᒃᓯᕋᖅᑐᑦ, ᐅᑕᖅᑭᔭᕆᐊᖃᕋᔭᖅᑐᒃᓴᐅᕗᓯ ᓂᕿᓂᒃ ᑲᑎᖅᓱᖅᓯᒪᔪᓂᒃ ᐱᑎᑕᐅᒋᐊᒃᓴᖅ. ᕿᓄᐃᓵᖃᑦᑕᕐᓂᐊᖅᐳᓯ ᐱᓕᕆᔪᓐᓇᕐᓂᓕᒫᑦᑎᓐᓂ ᐱᓕᕆᓂᐊᖅᑐᒎᒐᓗᐊᖅ ᓂᕆᔭᒃᓴᓂᒃ ᓴᓗᒻᒪᖅᓴᐅᑎᒃᓴᓂᒡᓗ ᐱᓇᓱᒃᐸᒡᓗᑕ ᑕᐃᒃᑯᓄᖓ ᐱᔭᕆᐊᖃᓪᓚᕆᒃᑐᓄᑦ.

ᖃᓄᐃᙱᑦᑎᐊᖁᓐᓇᐅᒐᓗᐊᖅᐳᓯ ᐊᑦᑕᕐᓇᖅᑐᒧᐊᖁᓐᓇᙱᒃᑲᓗᐊᖅᐳᓯᓗ, ᒪᓕᑦᑎᐊᖏᓐᓇᖁᔭᐅᕗᓯᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑎᓕᓯᔾᔪᑕᐅᔪᓄᑦ. ᐱᓕᕆᐊᓯ; ᑭᒃᑯᓕᒫᑦ ᖃᓄᐃᙱᑦᑎᐊᕈᓯᖏᓐᓄᑦ ᐊᒃᑐᐃᓲᑦ.

###

ᑐᓴᒐᒃᓴᓕᕆᔨᓄᑦ ᖃᐅᔨᒋᐊᕐᕕᒃᓴᖅ:

ᓯᐅᓪᓯ ᕼᐊᓪᕗᕐᓴᓐ 
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
chalvorson1@gov.nu.ca