ᐅᖅᓱᐊᓗᓕᕆᓂᕐᒧᑦ ᑖᒃᓰᔭᕈᑎᑦ ᐊᑐᓕᖅᑎᑕᐅᓂᖓᓗ ᓄᓇᕗᒻᒥ

ᑐᓴᕆᐊᕐᕕᖃᓂᖅ − ᐃᑭᐊᕿᕕᒃᑯᑦ ᖃᐅᔨᒃᑲᐃᔾᔪᑎ − ᐅᖅᓱᐊᓗᖕᒧᑦ ᑖᒃᓰᔭᖅᑎᑕᐅᔪᓄᑦ ᐱᖁᔭᖅ

ᓄᓇᕗᑦ ᒐᕙᒪᖓ ᕿᓂᖅᑐᑦ ᓄᑖᙳᕆᐊᖅᑎᑦᑎᓂᕐᒧᑦ ᐱᐅᓯᕚᓪᓕᖅᑎᑦᑎᓂᕐᒧᓗ ᓄᓇᕗᒻᒥᑦ ᑑᒃᓰᔭᖅᑎᑕᐅᓂᕐᒧᑦ ᐊᐅᓚᑦᑎᔾᔪᑎᖏᓐᓂᑦ. ᐃᒪᒋᔭᐅᓪᓗᓂ ᐱᓕᕆᐊᖑᔪᒥᑦ, ᓇᓗᓇᐃᔭᐃᓚᐅᕋᑦᑕ ᐊᔾᔨᒌᖏᑦᑐᓂ ᐱᓕᕆᔾᔪᓯᐅᔪᓂ ᓄᑖᙳᕆᐊᖅᑎᑦᑎᓂᕐᒥᑦ ᐅᖅᓱᐊᓗᒃᓴᓄᑦ ᑖᒃᓰᔭᖅᑎᑕᐅᔾᔪᑎᒧᑦ. ᐱᖁᔭᒥᑦ (PPTA), ᐱᔭᕆᐊᖃᕈᑕᐅᕗᖅ ᒪᓕᒐᑎᒍᑦ ᖁᔭᓈᖅᓯᓂᕐᒧᑦ ᐊᒻᒪᓗ ᐊᓯᔾᔨᖅᑕᐅᓂᕐᒧᑦ ᐱᖁᔭᕐᒥᑦ ᓄᑖᒧᑦ ᐅᖅᓱᐊᓗᖕᒧᑦ ᑖᒃᓰᔭᖅᑎᑕᐅᓂᕐᒧᑦ ᐱᖁᔭᖅ.

ᑮᓇᐅᔭᓕᕆᔨᒃᑯᑦ ᓇᓗᓇᐃᓯᓯᒫᓂᓕᖅᑐᑦ ᐊᒥᓱᓂᒃ ᐱᒻᒪᕆᖕᓂᑦ ᐱᐅᓯᒋᐊᒐᒃᓴᓂᑦ:

• ᓇᓗᓇᐃᔭᐃᓂᖅ ᑕᐃᒎᓯᖏᓐᓂᑦ ᓇᓗᓇᐃᔭᖅᓯᒪᔭᖏᓐᓂᒡᓗ
• ᐱᔭᕆᐊᒃᖠᑎᒋᐊᕐᓂᖅ ᐊᐅᓚᑦᑎᔾᔪᑎᖏᑦ
• ᐱᐅᓯᒋᐊᖅᓯᓂᖅ ᐊᑐᖅᑎᑦᑎᔾᔪᑎᖏᓐᓂᑦ
• ᐋᖅᑮᓗᑎᒃ ᑐᑭᓯᓇᑦᑎᐊᖅᑐᓂᒃ ᐊᑮᑦᑑᓕᖃᑦᑕᖅᑐᓂᒃ

ᐃᓱᒪᒋᓪᓗᒋᑦ ᑖᒃᑯᐊ ᐊᓯᔾᔨᖅᑕᐅᕙᓪᓕᐊᔪᑦ ᐅᖅᓱᐊᓗᖕᒧᑦ ᑖᒃᓰᔭᖅᑎᑕᐅᓂᕐᒧᑦ ᐱᖁᔭᖅ, ᐱᔪᒥᓴᐃᕗᒍᑦ ᓄᓇᕗᒻᒥᐅᓂ ᑐᓴᖅᑎᑦᑎᖁᔨᓪᓗᑕ ᐊᑐᓕᖁᔭᐅᔪᓂᒡᓗ ᑐᓴᕈᒪᓪᓗᑕ ᓄᓇᕗᑦ ᒐᕙᒪᖓ ᓯᑎᐱᕆ 16, 2022ᒧᐊᕋᓱᖕᓂᖓᓂ. ᑖᓐᓇ ᐱᓕᕆᔭᐅᔪᓐᓇᖅᑐᖅ ᑎᑎᕋᕐᕕᖕᒥᑦ ᐅᕝᕙᓘᓐᓃᑦ ᐅᕙᓂ ᖃᐅᔨᒋᐊᕐᕕᐅᔪᓐᓇᖅᑐᓂ:

• ᐃᕐᖐᓐᓈᖅᑕᐅᑦ - PetroleumTax@gov.nu.ca
• ᐅᖄᓚᐅᑦ - 1-800-316-3324
• ᑎᑎᖅᑲᑦ ᑮᓇᐅᔭᓕᕆᔨᒃᑯᑦ, ᑖᒃᓯᓕᕆᔨᒃᑯᑦ ᓇᓪᓕᐅᒃᑯᒫᓕᕆᔨᒃᑯᓪᓗ  PO Box 2260, Iqaluit, NU, X0A 0H0

ᑐᑭᓯᒋᐊᒃᑲᓐᓂᕈᒪᒍᕕᑦ ᑕᑯᒋᐊᕈᓐᓇᖅᑕᑦ ᑮᓇᐅᔭᓕᕆᔨᒃᑯᑦ ᐅᖅᓱᐊᓗᖕᒧᑦ ᑖᓯᓕᕆᓂᕐᒧᑦ ᐃᑭᐊᖅᑭᕕᖓ.

ᖁᔭᓐᓇᒦᒃ ᐱᔪᒪᓂᖃᕋᕕᑦ ᐱᐅᓯᒋᐊᖅᑎᑦᑎᔪᒪᓂᕐᒥᑦ ᓄᓇᕗᒻᒥ ᐃᒥᐊᓗᖕᓄᑦ ᒪᓕᒐᖏᓐᓂᑦ.
 

ᐊᑐᖅᑕᐅᓂᖓ

ᓄᓇᕗᑦ ᐅᖅᓱᐊᓗᖕᒧᑦ ᑖᒃᓰᔭᖅᑎᑦᑎᕙᒃᐳᑦ ᐅᓄᕐᓂᖏᑦ ᒪᓕᒃᖢᒋᑦ ᑖᒃᑯᐊ ᐳᓴᙳᖅᑎᑕᐅᖃᑦᑕᖅᐳᑦ ᐋᖅᑭᒃᑕᐅᓯᒪᔪᒥᑦ ᑖᒃᓰᔭᕈᑕᐅᔪᑦ ᐊᑭᖏᓐᓄᑦ.

ᑖᒃᓰᔭᕈᑎᑦ ᐅᓄᕐᓂᖏᑦ

ᐅᕗᖓ ᑕᑯᒋᐊᕈᓐᓇᖅᐳᑎᑦ ᓄᓇᕗᒻᒥ ᑖᒃᓰᔭᕈᑕᐅᕙᒃᑐᑦ ᑎᑎᕋᖅᓯᒪᔪᓂᑦ ᑕᒪᑐᒪᓂ ᐊᕐᕌᒍᒥ ᐅᖅᓱᐊᓗᓕᕆᓂᕐᒧᑦ ᑖᒃᓰᔭᕈᑕᐅᓂᐊᖅᑐᓂᒃ.

ᑖᒃᓰᔭᕈᑎᓂᒃ ᑲᑎᖅᓱᐃᓂᖅ

ᓂᐅᕕᐊᒃᓴᑦ ᑖᒃᓯᓕᖅᑕᐅᕙᒃᐳᑦ ᓂᐅᕐᕈᑎᖃᕐᕕᐅᔪᓄᑦ ᑲᑎᑕᐅᕙᓪᓕᐊᕙᒃᖢᑎᒡᓗ ᐃᓗᐃᑦᑑᓪᓗᑎᒃ ᓂᐅᕕᖅᑕᐅᕙᓪᓕᐊᕙᒃᑐᑦ ᐊᒻᒪ ᑕᖅᑭᑕᒫᑦ ᐅᖅᓱᐊᓗᖕᒧᑦ ᑖᒃᓰᔭᕈᑎᑦ ᐊᑭᓕᐅᑎᒥᓂᒃ ᓇᒃᓯᐅᔾᔨᕙᒃᖢᑎᒃ. ᑖᒃᑯᐊ ᑲᑎᖅᓱᐃᔨᑦ ᑖᒃᓯᒧᑦ ᐊᑭᓕᐅᑎᒥᓂᒃ ᓇᒃᓯᐅᔾᔨᖃᑦᑕᕆᕗᑦ ᓇᖕᒥᓂᖅ ᐊᑐᖅᑕᒥᓂᒃ.

ᐱᔪᓐᓇᐅᑎᑖᖅᑎᑦᑎᓂᖅ

ᐅᖅᓱᐊᓗᖕᒥᒃ ᓂᐅᕐᕈᑎᖃᖅᐸᒃᑐᑦ/ᐊᓯᐊᓄᑦ ᓄᓇᓕᖕᓄᐊᖅᑎᑦᑎᕙᒃᑐᑦ ᑲᑎᖅᓱᐃᔨᑦ ᐊᖏᕈᑎᖓᓄᐊᕆᐊᖃᖅᐳᑦ ᐊᒻᒪ ᑮᓇᐅᔭᙳᖅᑎᑕᐅᔪᓐᓇᖅᑐᓂᒃ ᐱᔭᕆᐊᖃᕋᔭᖅᖢᑎᒃ.

ᑕᖅᑭᑕᒫ ᐅᓂᒃᑳᓕᐊᑦ

ᐅᖅᓱᐊᓗᖕᒧᑦ ᑖᒃᓰᔭᕈᑎᓂᒃ ᑲᑎᖅᓱᐃᔨᑦ ᐅᓂᒃᑳᓕᐅᕆᐊᖃᖃᑦᑕᖅᐳᑦ ᐊᑭᓕᐅᑎᒥᓂᒡᓗ ᓇᒃᓯᐅᔾᔨᕙᒡᓗᑎᒃ ᑕᖅᑭᑕᒫ 28-ᖑᓚᐅᙱᓐᓂᖓᓂ, ᑕᖅᑭᐅᓵᖅᑐᒥᑦ ᓂᐅᕐᕈᑕᐅᔪᑦ ᒪᓕᒡᓗᒋᑦ.

ᒪᓕᒐᕐᓂᒃ ᒪᓕᑦᑎᐊᖅᑎᑦᑎᔾᔪᑏᑦ

ᐊᑭᓕᐅᑎᒋᔭᕆᐊᓖᑦ ᐃᖅᑲᖅᑐᐃᕕᒃᑯᓪᓗ ᖃᓄᐃᓕᐅᖁᔭᐅᓂᖅ

ᐃᖅᑲᖅᑐᐃᕕᒃᑯᑦ ᖃᓄᐃᓕᐅᖁᔭᐅᓂᖅ

ᒥᓂᔅᑕ ᖃᐅᔨᓴᕈᓐᓇᖅᐳᖅ ᐃᖅᑲᖅᑐᐃᕕᒃᑯᑦ ᖃᓄᐃᓕᐅᖁᔭᐅᔪᒥᒃ 10% ᓇᓕᒧᖓᓂ ᐊᑭᓕᖅᑕᐅᔭᕆᐊᓕᖕᒥᑦ $500-ᒧᑦ ᑎᑭᓪᓗᒍ ᕿᑐᕐᙱᐅᕈᑎᖓᓂᓪᓗ ᑭᓇᑐᐃᓐᓇᕐᒧᑦ ᐊᑭᓕᐅᑎᒥᓂᒃ ᓇᒃᓯᐅᔾᔨᓯᒪᙱᑦᑐᒥᑦ ᑖᒃᓯᒥᒃ ᑲᑎᖅᓱᐃᑎᓪᓗᒋᑦ ᐱᔭᕆᐊᓕᖕᓄᑦ.

ᐊᑭᓕᕆᐊᓖᑦ

$5,000-ᒥᑦ ᐱᒋᐊᖅᖢᓂ ᐊᒻᒪ ᑖᒃᓯ ᐊᑭᓕᖅᑕᐅᔭᕆᐊᓕᒃ ᐊᒻᒪ/ᐅᕝᕙᓘᓐᓃᑦ ᑕᖅᑭᓄᑦ ᐱᖓᓱᓄᑦ ᑎᑭᓪᓗᒍ ᑎᒍᔭᐅᓯᒪᓗᓂ.

ᑕᒻᒪᖅᓯᒪᔪᖅᓯᐅᕐᓂᖅ

ᖃᐅᔨᓴᖅᑕᐅᑎᑦᑎᓚᐅᕐᓗᓂ ᒥᓂᔅᑕ ᐃᓱᒪᒃᓴᖅᓯᐅᕈᑎᖃᕆᐊᖃᙱᓚᖅ ᐊᕐᕌᒍᑦ ᐊᕐᕕᓂᓕᑦ ᐅᖓᑖᓄᑦ ᖃᐅᔨᓴᓯᒋᐊᕐᕕᒋᔭᖓᑕ ᑐᖔᓂ, ᑕᒻᒪᖅᓯᒪᔪᖅᓯᐅᖅᑐᑦ ᐅᕝᕙᓘᓐᓃᑦ ᖃᐅᔨᓴᖅᑐᖃᕐᓗᓂ ᑮᓇᐅᔭᖃᕐᕕᒋᔭᐅᔪᑦ ᐅᖃᓕᒫᒐᖏᓐᓂᒃ, ᑎᑎᕋᖅᓯᒪᔪᓂᒃ ᑎᑎᖅᑲᖁᑎᒋᔭᐅᔪᓂᒡᓘᓐᓃᑦ, ᑭᓯᐊᓂ ᖃᐅᔨᔾᔪᑎᒃᓴᖅᑕᖃᖅᐸᑦ ᐃᓄᖕᒥᒃ ᑎᒡᓕᒃᑐᖃᕐᓂᖓᓂᒃ ᐃᓱᓕᕝᕕᒃᓴᐅᑎᖃᖅᑎᑕᐅᔪᖃᙱᓪᓗᓂ.