ᐅᖃᓚᐅᑎᓯᐅᑏᑦ

You are here

ᕿᒥᕐᕈᓂᖅ ᐃᒥᐊᓗᓕᕆᓂᕐᒧᑦ ᐱᔪᓐᓇᐅᑎᓂᒃ

 

ᐱᔪᓐᓇᐅᑎᓕᒫᑦ ᐱᔭᐅᔪᑦ ᐃᒥᐊᓗᓕᕆᓂᕐᒧᑦ ᐱᖁᔭᕐᓂᑦ ᐊᑐᕈᓐᓃᕐᓂᖃᓲᑦ ᒫᔾᔨ 31−ᖑᓕᕌᖓᑦ ᐊᕐᕌᒍᑕᒫᑦ, ᐊᔾᔨᒋᙱᑕᖓᓂ ᐅᓪᓗᖃᕌᖓᑕ ᓇᓗᓇᐃᖅᓯᒪᒃᐸᑦ ᐱᔪᓐᓇᐅᑎᒥᒃ.

ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᐱᔪᓐᓇᐅᑎᑖᖅᑎᑦᑎᓂᕐᒧᑦ ᑲᑎᒪᔩᑦ ᐊᑐᓕᖅᑎᑦᑎᓯᒪᔪᑦ ᐱᖓᓱᓂᒃ−ᒪᓕᒋᐊᓕᖕᓂᒃ ᐱᔪᓐᓇᐅᒥᒃ ᓄᑖᙳᕆᐊᖅᑎᑦᑎᓂᕐᒧᑦ ᐱᕙᓪᓕᐊᓂᖏᓐᓂᒃ ᐋᖅᑭᑦᑎᐊᖅᓯᓂᕐᒧᑦ ᑐᒃᓯᕋᐅᑎᓂᒃ ᐊᖏᖅᑕᐅᔭᕆᐊᓕᖕᓂᓪᓗ.

ᐊᑐᖅᑕᐅᔪᒃᓴᖅ 1: ᐱᔪᓐᓇᐅᑎᖃᖅᑐᓕᒫᑦ ᓴᖅᑭᑦᑕᕆᐊᓖᑦ ᑲᑎᒪᔨᓄᑦ ᔮᓄᐊᕆᒥ ᑲᑎᒪᓂᖃᓚᐅᙱᓐᓂᖏᓐᓂᒃ. ᑲᑎᒪᑎᓪᓗᒋᑦ, ᓄᑖᙳᕆᐊᕆᐊᖃᕐᓃᑦ ᑐᒃᓯᕋᐅᑎᑦ ᑐᑭᓯᓇᖅᓯᑎᑕᐅᓇᔭᖅᑐᑦ ᐊᒻᒪ ᓄᑖᙳᕆᐊᖅᑕᐅᓗᑎᒃ ᑐᒃᓯᕋᕐᓂᕐᒧᑦ ᑲᑎᖅᓱᖅᓯᒪᔪᑦ, ᐃᓚᖃᖅᑐᑦ ᑎᑎᖅᑲᖁᑎᖏᑦᑕ ᓇᓗᓇᐃᒃᑯᑕᖏᑦ, ᑐᓂᐅᖅᑲᖅᑕᐅᔪᑦ.

ᐱᔪᓐᓇᐅᑎᓖᑦ ᐃᖃᓗᖕᓂ ᑲᑎᒪᔭᖅᑐᕆᐊᓖᑦ ᐅᐸᒍᑎᓗᑎᒃ; ᑕᐃᒃᑯᐊ ᐃᖃᓗᐃᑦ ᓯᓚᑖᓃᑦᑐᑦ ᐅᖃᓗᒍᓐᓇᖅᑐᑦ ᑲᑎᒪᔪᓄᑦ.

ᐊᑐᖅᑕᐅᔪᒃᓴᖅ 2: ᐱᔪᓐᓇᐅᑎᓖᑦ ᐱᐊᓂᒃᓯᔭᕆᐊᓖᑦ ᓄᑖᙳᕆᐊᖅᑎᑦᑎᓂᕐᒥᒃ ᑐᒃᓯᕋᐅᒻᒥᒃ ᑐᓐᓂᖅᑯᑎᖃᕐᓗᑎᒡᓗ ᐱᔭᐅᔭᕆᐊᖃᖅᑐᓕᒫᓂᒃ ᑎᑎᖅᑲᓂᒃ (ᓇᓗᓇᐃᖅᓯᒪᔪᑦ ᑎᑎᕋᖅᓯᒪᔪᓂ) ᑲᑎᒪᔨᓄᑦ ᕖᕝᕗᐊᕆ 15-ᖑᓚᐅᙱᓐᓂᖓᓂ.

ᐊᑐᖅᑕᐅᔪᒃᓴᖅ 3: ᐱᔪᓐᓇᐅᑎᓖᑦ ᑐᓐᓂᖅᑯᑎᖄᓂᓚᐅᖅᑐᑦ ᓄᑖᙳᕆᐊᖅᓯᒪᔭᕆᐊᓕᖕᓂ ᑎᑎᖅᑲᖁᑎᓂᒃ ᕖᕝᕗᐊᕆ 15-ᖑᓚᐅᙱᓐᓂᖓᓂ ᐱᓯᒪᔭᕆᐊᓖᑦ ᓄᑖᙳᕆᐊᖅᓯᒪᔪᒥ ᐱᔪᓐᓇᐅᑎᒥᒃ ᒫᔾᔨᒥᑦ ᑲᑎᒪᔩᑦ ᑲᑎᒪᓂᖄᓂᒃᑯᑎᒃ.

ᐱᔪᓐᓇᐅᑎᓖᑦ ᑐᓐᓂᖅᑯᑎᖃᓚᐅᙱᑦᑐᑦ ᓄᑖᙳᕆᐊᖅᓯᒪᔭᕆᐊᓕᖕᓂᒃ ᑎᑎᖅᑲᖁᑎᓂᒃ ᕖᕝᕗᐊᕆ 15-ᖑᓚᐅᙱᓐᓂᖓᓂ ᐅᐸᒍᑎᔭᕆᐊᓖᑦ ᑲᑎᒪᔨᓄᑦ ᒫᔾᔨᒥᑦ ᓇᓗᓇᐃᖅᓯᓗᑎᒃ ᖃᓄᐃᒻᒪ ᑐᒃᓯᕋᐅᑎᖏᑦ ᐱᐊᓂᒃᓯᒪᙱᒻᒪᖔᑦ ᐅᖓᕙᕆᐊᕈᑎᒥᒡᓗ ᐱᔭᕆᐊᖃᖅᑐᑦ ᒫᓐᓇᐅᔪᖅ ᐱᔪᓐᓇᐅᑎᖏᓐᓄᑦ.

ᑲᑎᒪᔩᑦ ᐱᔪᓐᓇᐅᑎᓂᒃ ᐅᖓᕙᕆᐊᖅᓯᕙᒃᐳᑦ ᐱᔪᓐᓇᐅᑎᖃᖅᑐᖅ ᒪᓂᒪᑎᑦᑎᒍᓂ ᐱᓗᐊᖅᓯᒪᙱᑦᑐᓂᒃ ᓇᓗᓇᐃᔭᐅᑎᖃᕈᓂ ᐱᐊᓂᒃᓯᙱᓐᓂᕐᒧᑦ ᓄᑖᙳᕆᐊᖅᑕᐅᑎᑦᑎᓂᕐᒥᒃ ᑐᒃᓯᕋᐅᒻᒥᒃ ᓇᓗᓇᐃᖅᑕᐅᓯᒪᔪᒃᑯᑦ ᐱᕕᒃᓴᒃᑯᑦ. ᐱᔪᓐᓇᐅᑏᑦ ᐅᖓᕙᕆᐊᖅᑕᐅᙱᑦᑐᑦ ᐃᓱᓕᕝᕕᒃᓴᖃᖅᑐᑦ ᒫᔾᔨ 31-ᒥ ᐊᒻᒪ ᐱᔪᓐᓇᐅᑎᓕᒃ ᓄᑖᙳᕆᐊᖅᑎᑦᑎᔭᕆᐊᓕᒃ ᑐᒃᓯᕋᐅᒻᒥᒃ ᐱᔪᓐᓇᐅᑎᒧᑦ.

ᐊᐱᖁᑎᒃᓴᓄᑦ ᐃᒥᐊᓗᓕᕆᓂᕐᒧᑦ ᐱᔪᓐᓇᐅᑎᖏᑦᑕ ᐱᕙᓪᓕᐊᓂᖏᓐᓄᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᓗᑎᑦ nllb@gov.nu.ca.

ᓄᑖᙳᕆᐊᖅᑎᑦᑎᓂᕐᒧᑦ ᐊᑮᑦ

ᐊᑭᓕᕆᐊᓖᑦ ᐊᒃᑐᐊᓂᓖᑦ ᐱᔪᓐᓇᐅᑎᐅᑉ ᓄᑖᙳᕆᐊᕆᐊᖃᕐᓂᖓᓂ ᑐᓐᓂᖅᑯᑕᐅᔭᕆᐊᓖᑦ ᑐᒃᓯᕋᐅᑎᓄᑦ.

  • ᐊᑭᓕᕆᐊᓖᑦ ᓇᔪᖅᑕᐅᔪᒦᙱᑦᑐᑦ ᐱᔪᓐᓇᐅᑎᓖᑦ − $500; 5%−ᒥᑦ ᓂᐅᕕᐊᒃᓴᐅᔪᑦ ᐊᑮᑦᑐᖅᑖᕆᔭᐅᓇᔭᖅᑐᖅ ᐱᔪᓐᓇᖅᑎᐅᔪᖅ ᓂᐅᕕᖅᐸᑦ ᐃᒥᐊᓗᖕᒥᑦ.
  • ᐊᑭᓕᕆᐊᓖᑦ ᐊᓯᓕᒫᖏᓐᓄᑦ ᐱᔪᓐᓇᖅᑎᐅᔪᑦ − $200; 5%−ᒥᑦ ᓂᐅᕕᐊᒃᓴᐅᔪᑦ ᐊᑮᑦᑐᖅᑖᕆᔭᐅᓇᔭᖅᑐᖅ ᐱᔪᓐᓇᖅᑎᐅᔪᖅ ᓂᐅᕕᖅᐸᑦ ᐃᒥᐊᓗᖕᒥᑦ.

ᑮᓇᐅᔭᒃᓴᑦ ᐋᑮᑦᑐᐃᔭᐅᑎᒧᑦ ᑎᑎᕋᖅᑕᐅᔭᕆᐊᓖᑦ ᐅᕗᖓ Nunavut Liquor Licensing Board−ᒧᑦ.

ᑎᑎᖃᒃᑯᕕᒃᑯᑦ ᐅᕝᕙᓘᓐᓃᑦ ᐊᔾᔭᕐᓗᒍ ᑕᑕᑎᖅᓯᒪᓗᑎᒃ ᑎᑎᕋᕆᐊᓖᑦ, ᐃᓚᒋᐊᖅᑕᐅᔪᖅ ᑎᑎᕋᖅᓯᒪᔪᑦ (ᐱᑕᖃᖅᐸᑦ) ᐊᒻᒪ ᑮᓇᐅᔭᒃᓴᑦ ᐊᑭᓕᐅᑎᖏᑦ ᐅᕗᖓ ᑲᑎᒪᔩᑦ ᐊᖏᔪᖅᑳᑉ ᑎᑎᕋᖅᑎᖓᓄᑦ.

ᑎᑎᖅᑲᒃᑯᕕᐊᑕ ᑐᕌᕈᑖ
ᑎᑎᖅᑲᒃᑯᕕᒃ 1000, ᐃᓂᖓ 330
ᐃᖃᓗᐃᑦ, ᓄᓇᕗᑦ
X0A 0H0

ᐊᖅᑯᑖᑕ ᑐᕌᕈᑖ
ᐸᕐᓇᐃᕕᒃ, ᓇᑎᖅ 2 (ᖁᓛᓂ)
ᐊᐅᓚᑦᑎᕕᒃ
ᐃᒡᓗᕐᔪᐊᖅ #924
ᐃᖃᓗᐃᑦ, ᓄᓇᕗᑦ