ᐅᖃᓚᐅᑎᓯᐅᑏᑦ

You are here

ᖃᓄᐃᓕᐅᖅᑐᖃᖅᑎᓪᓗᒍᑦ ᐱᔪᓐᓇᐅᑏᑦ

ᒪᓕᒃᖢᒍᑦ ᐃᓚᖓ 15 (4) ᐃᒥᐊᓗᓕᕆᓂᕐᒧᑦ ᐱᖁᔭᕐᒥᑦ ᐊᒻᒪ ᐃᓚᖓ VIII ᐃᒥᐊᓗᓕᕆᓂᕐᒧᑦ ᐊᑐᐊᒐᕐᒥᑦ, ᑭᓇᑐᐃᓐᓇᖅ ᑎᒥᐅᔪᕐᓘᓐᓃᑦ ᓂᐅᕐᕈᑎᖃᕈᒪᔪᖅ ᐃᒥᐊᓗᖃᖅᑎᑦᑎᔪᒪᔪᕐᓘᓐᓃᑦ ᐃᓅᖃᑎᒌᑦ ᑲᑎᙵᑎᓪᓗᒋᑦ ᐱᓇᓱᒋᐊᓕᒃ ᖃᓄᐃᓕᐅᕈᑎᖃᖅᑎᓪᓗᒍᑦ ᐱᔪᓐᓇᐅᖅᑎᒥᑦ.

ᑎᑎᕋᒐᒃᓴᑦ ᖃᓄᐃᓕᐅᕈᑎᖃᖅᑎᓪᓗᒋᑦ ᐱᔪᓐᓇᐅᑎᒧᑦ ᐅᕙᓂ ᓇᓂᔭᐅᔪᓐᓇᖅᑐᖅ.

ᖃᓄᐃᓕᐅᖅᑐᖃᕐᓂᐊᖅᑎᓪᓗᒍ ᐱᔪᓐᓇᐅᑏᑦ

ᑭᓲᓂᖏᑦ ᖃᓄᐃᓕᐅᕈᑎᖃᖅᑎᓪᓗᒋᑦ ᐱᔪᓐᓇᐅᑏᑦ

ᐱᔪᓐᓇᐅᑎᑐᐃᓐᓇᖅ

ᐱᔪᓐᓇᐅᑎᑐᐃᓐᓇᖅ ᖃᓄᐃᓕᐅᕈᑎᖃᖅᑎᓪᓗᒋᑦ ᐱᔪᓐᓇᐅᑎᖃᖅᑎᑦᑎᕗᖅ ᐃᒥᐊᓗᖃᖅᑎᑦᑎᔪᓐᓇᖅᖢᓂᑦ ᒪᓕᒡᓗᒍᑦ ᐃᓂᒃᓴᖓ, ᐱᕕᖓ ᐊᒻᒪ ᖃᓄᐃᑦᑑᔭᕆᐊᖃᕐᓂᖓ ᐋᖅᑭᒃᑕᐅᓯᒪᔪᑦ ᐱᔪᓐᓇᐅᑎᒧᑦ.

ᐱᔪᓐᓇᐅᑎᑐᐃᓐᓇᕐᒥᑦ ᐱᖃᕆᐊᖃᖅᐳᖅ ᓂᐅᕐᕈᑎᖃᔾᔮᖏᒃᑯᓂ ᐃᒥᐊᓗᖕᒥᑦ ᖃᓄᐃᓕᐅᕈᑎᖃᖅᑎᓪᓗᒋᑦ.

ᓂᐅᕐᕈᑎᖃᕈᓐᓇᐅᑎ

ᓂᐅᕐᕈᑎᖃᕈᓐᓇᐅᑎ ᖃᓄᐃᓕᐅᕈᑎᖃᖅᑎᓪᓗᒋᑦ ᐱᔪᓐᓇᐅᑎᖃᖅᑎᑦᑎᕗᖅ ᓂᐅᕐᕈᑎᖃᕈᓐᓇᕐᓂᕐᒥᑦ ᐃᒥᐊᓗᖃᖅᑎᑦᑎᔪᓐᓇᕐᓂᕐᒥᒡᓗ ᒪᓕᒡᓗᒍᑦ ᐃᓂᒃᓴᖓ, ᐱᕕᖓ ᐊᒻᒪ ᖃᓄᐃᑦᑑᔭᕆᐊᖃᕐᓂᖓ ᐱᔪᓐᓇᐅᑎᐅᑉ.

ᓂᐅᕐᕈᑎᖃᕈᓐᓇᐅᑎᖃᕆᐊᓕᒃ ᖃᓄᑐᐃᓐᓇᖅ ᓂᐅᕐᕈᑎᖃᕐᓂᐊᕈᑎᒃ ᐃᒥᐊᓗᖕᒥᑦ ᖃᓄᐃᓕᐅᕈᑎᖃᖅᑎᓪᓗᒋᑦ.

ᐃᒥᐊᓗᖕᒥᑦ ᓂᐅᕐᕈᑎᖃᓚᐅᖅᑎᓪᓗᒋᑦ, ᓂᐅᕈᑎᖃᕈᓐᓇᐅᑎᖃᖅᑐᖅ ᑐᓐᓂᖅᑯᑎᖃᕆᐊᓕᒃ ᑲᑎᒪᔨᓄᑦ ᐅᓂᒃᑳᒥᑦ ᑮᓇᐅᔭᖁᑎᖃᕐᕕᖓᓂ ᐅᓪᓗᑦ 30 ᐃᓗᐊᓂ ᖃᓄᐃᓕᐅᕈᑎᖃᓚᐅᖅᑎᓪᓗᓂᑦ. ᐅᓂᒃᑳᖓ ᑮᓇᐅᔭᖁᑎᖃᕐᕕᐅᑉ ᑕᑯᒃᓴᐅᑎᑦᑎᔭᕆᐊᓕᒃ ᑮᓇᐅᔭᓕᐊᓂᑦ, ᐅᓂᒃᑳᓗ ᑐᓐᓂᖅᑯᑕᐅᔭᕆᐊᖃᖅᖢᓂᑦ ᐅᓂᒃᑳᓕᐅᕈᑎᐅᔪᖅ ᐊᑐᕐᓗᒍᑦ.

ᐊᖏᖅᑕᐅᓇᓱᐊᕆᐊᓕᒃ ᑲᑎᒪᔨᓂᑦ ᑎᒥᐅᔪᖅ ᐊᑕᐅᓯᐊᙱᓪᓗᓂᑦ ᓂᐅᕐᕈᑎᖃᖃᑦᑕᕈᒪᒍᓂᑦ ᐱᓇᓱᐊᕈᓯᐅᑉ ᐃᓗᐊᓂ.

ᐃᒥᕐᕖᑦ ᐊᒻᒪ ᓇᖕᒥᓂᖅ ᕿᑎᒡᕕᒋᔭᐅᔪᑦ ᓂᐅᕐᕈᑎᖃᕈᓐᓇᐅᑎᒥᑦ ᐱᔪᓐᓇᐅᑎᖃᕆᐊᓕᒃ ᐅᒃᑯᐃᖅᓯᒍᑎᒃ ᐃᒡᓗᖁᑎᒥᖕᓂ ᑭᒃᑯᑐᐃᓐᓇᕐᒨᖓᔪᒥᑦ (ᐃᓚᒋᔭᐅᙱᑦᑐᑦ).

ᐊᔾᔨᐅᙱᑦᑐᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᒪᓕᒋᐊᓖᑦ

ᒪᓕᒋᐊᓖᑦ ᐊᔾᔨᐅᙱᑦᑐᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᐱᔪᓐᓇᐅᑎᒥᑦ ᑐᓐᓂᖅᑯᑕᐅᓂᐊᖅᑐᖅ ᐋᖅᑭᒃᓯᒪᕗᑦ ᐃᓚᖓ VIII ᐃᒥᐊᓗᓕᕆᓂᕐᒧᑦ ᐊᑐᐊᒐᕐᒥᑦ. ᐱᔪᓐᓇᐅᑎᑖᕋᓱᐊᖅᑐᑦ ᕿᒥᕐᕈᖁᔭᐅᕗᑦ ᑕᒪᑐᒥᖓ ᐊᑐᐊᒐᐅᑉ ᐃᓚᖓᓂ ᑐᓐᓂᖅᑯᑎᖃᓚᐅᙱᓐᓂᕐᒥᓂᑦ ᐱᓇᔫᑎᒥᑦ.

ᑐᑭᓯᒋᐊᕈᑎᑕᖃᖅᑐᖅ ᐊᔾᔨᐅᙱᑦᑐᒥᑦ ᐱᔪᓐᓇᐅᑎᑖᕋᓱᐊᕐᓂᕐᒧᑦ ᐃᓚᓕᐅᑎᓯᒪᔪᖅ ᐱᔪᓐᓇᐅᑎᑖᕋᓲᑎᒥᑦ.

ᐊᑮᑦ

ᐊᑭᖏᑦ ᐊᔾᔨᐅᙱᑦᑐᒥᑦ ᐱᔪᓐᓇᐅᑎᑖᕋᓱᐊᕐᓂᕐᒧᑦ ᐋᖅᑭᒃᓯᒪᕗᑦ B−ᒥᑦ ᐃᒥᐊᓗᓕᕆᓂᕐᒧᑦ ᐊᑐᐊᒐᕐᒥᑦ, ᐊᑭᖃᖅᐸᒃᖢᓂᑦ $50-ᒥᑦ $150-ᒧᑦ.

ᐱᕕᒃᓴᖃᕐᓂᖓ

ᐱᕕᖃᖁᓪᓗᒋᑦ ᑲᒪᒋᔭᖃᕐᓂᕐᒥᑦ, ᐱᔪᓐᓇᐅᑎᑖᕋᓲᑎᐅᔪᑦ ᐊᔾᔨᐅᙱᑦᑐᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᐱᓇᓱᐊᖅᑕᐅᔭᕆᐊᓕᒃ ᑐᑭᓯᒋᐊᕈᑎᓕᒫᑦ ᐊᑐᐃᓐᓇᐅᓕᑐᐊᕈᑎᒃ. ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᑲᑎᒪᔨᖏᑦ ᑲᒪᒋᔭᖃᕐᓂᐊᕐᓂᕋᕈᓐᓇᙱᓚᑦ ᐅᓪᓗᑦ 14 ᑐᖔᓂ ᐱᒋᐊᕐᕕᒃᓴᓕᖕᓄᑦ

ᐃᒥᐊᓗᖕᒥᑦ ᓂᐅᕕᕐᓂᖅ

ᑎᑭᓴᐃᔾᔪᑎ ᐃᓚᓕᐅᑎᓯᒪᔪᖅ ᐊᔾᔨᐅᙱᑦᑐᒥᑦ ᖃᓄᐃᓕᐅᕈᑎᖃᕐᓂᕐᒥᑦ ᐱᔪᓐᓇᐅᑎᑖᕋᓲᑎᒧᑦ ᐊᑐᖅᑕᐅᔭᕆᐊᓕᒃ ᓂᐅᕕᕋᓱᐊᕐᓂᕐᒧᑦ ᐃᒥᐊᓗᖕᒥᑦ ᖃᓄᐃᓕᐅᕈᑕᐅᓇᓱᐊᖅᑐᒧᑦ.