ᐅᖃᓚᐅᑎᓯᐅᑏᑦ

You are here

ᑮᓇᐅᔭᓕᐊᖑᕙᒃᑐᓄᑦ ᑖᒃᓯᓕᕆᔾᔪᑎᑦ ᐊᑐᓕᖅᑎᑕᐅᓂᖓᓗ ᓄᓇᕗᒻᒥ

ᒐᕙᒪᓕᒫᑦ ᑲᓇᑕᒥ ᑖᒃᓰᔭᖅᑎᑦᓯᓲᑦ ᑮᓇᐅᔭᓕᐊᖑᔪᑦ, ᑕᐃᒪᐃᖃᑕᐅᑐᐃᓐᓇᕐᒥᔪᖅ ᓄᓇᕗᑦ.

ᓄᓇᕗᑦ ᐊᑑᑎᓲᖅ ᐊᑦᓯᓂᖅᐹᓂᒃ ᑖᒃᓰᔭᐅᑎᓂᒃ ᑲᓇᑕᒥ. ᐃᓘᓐᓈᒍᑦ ᓄᓇᕗᒻᒥ ᑖᒃᓰᔭᕐᓂᕐᒧᑦ ᐊᐅᓚᓂᖏᑦ ᐱᕙᓪᓕᐊᖏᓐᓇᖅᑐᖅ, ᓈᒻᒪᓈᖅᓯᒪᑦᓱᑎᒃ, ᖃᑭᒪᓇᓱᐊᕐᓂᒃᑯᓪᓗ ᓈᒻᒪᓈᖃᑎᖃᖅᓯᒪᑦᓱᑎᒃ ᐊᓯᓕᒫᖏᓐᓂ ᑲᓇᑕᒥ ᐊᕕᑦᑐᖅᓯᒪᓂᐅᔪᓂ, ᐱᖃᓯᐅᑎᑦᓱᑎᒃ ᒪᕐᕉᒃ ᐊᕕᑦᑐᖅᓯᒪᓂᐅᔫᒃ.

ᓇᕿᓗᒍ ᑲᓱᕐᕕᒃ ᐊᔾᔨᖏᓐᓄᑦ ᓄᓇᕗᒻᒥ ᑖᒃᓰᔭᕐᓂᕐᒧᑦ ᒪᓕᒐᕐᔪᐊᑉ ᐅᕝᕙᓗ ᑖᒃᓰᔭᕐᓂᕐᒧᑦ ᒪᓕᒐᕐᓂ.
 

ᑖᒃᓰᐅᑏᑦ ᐊᑭᖏᑦ

ᑖᒃᓰᔭᐅᑏᑦ ᐱᕙᓪᓕᐊᓂᖃᖅᑐᑦ, ᑐᑭᓕᒃ ᐊᑭᖏᑦ ᐊᑭᑦᑐᐸᓪᓕᐊᓲᑦ ᐃᓅᑉ ᑮᓇᐅᔭᓕᐊᖏᑦ ᐊᑭᑦᑐᐸᓪᓕᐊᑉᐸᑕ. ᑖᒃᓰᔭᐅᑎᓅᖓᔪᑦ ᐋᖅᑭᒋᐊᖅᑕᐅᕙᑦᑐᑦ ᐊᕐᕌᒍᑕᒫᑦ. ᑕᑯᒋᐊᙳᐊᑕᖅᓯᓐᓇᕆᑦ ᓄᓇᕗᒻᒥ ᑖᒃᓰᔭᓂᕐᒧᑦ ᐋᖅᑭᑦᓯᒪᔪᓂᒃ ᑎᑎᕋᖅᓯᒪᕕᒻᒥᒃ ᑕᕝᕙᓂ ᑖᒃᓰᔭᐅᑏᑦ ᖃᑦᓯᕌᕐᒪᖔᑕ ᐊᕐᕌᒍᒥ.
 

ᑖᒃᓰᔭᕐᓂᕐᒥᒃ ᐊᐅᓚᑦᓯᔩᑦ

ᐊᐅᓚᑕᐅᓂᖏᑦ ᑖᒃᓰᔭᐅᑏᑦ ᐊᐅᓚᔾᔪᑎᖏᑦᑕ ᐊᐅᓚᑕᐅᓲᑦ ᒪᕐᕉᓐᓄᑦ ᑖᓰᔭᕐᓂᕐᒧᑦ ᒪᓕᒐᕐᔪᐊᓐᓄᑦ, ᐊᐃᑉᐸᖓ ᒐᕙᒪᑐᖃᒃᑯᓐᓂ ᐊᐃᑉᐸᖓᓗ ᐊᕕᑦᑐᖅᓯᒪᔪᓂ.

ᒐᕙᒪᒃᑯᖏᑦ ᓄᓇᕗᑦ ᑖᒃᓰᔭᖅᑎᑦᓯᓂᕐᒧᑦ ᐊᖏᖃᑎᒌᒍᑎᖃᕐᒥᔪᑦ ᑲᓇᑕᒥ ᑖᒃᓰᔭᖅᑎᑦᓯᔨᒃᑯᑦ ᓄᐊᑦᓯᕙᑦᓱᑎᒃ ᑖᒃᓰᔭᐅᑎᓂᒃ ᐅᕙᑦᑎᓐᓄᑦ, ᐊᐅᓚᑦᓯᑦᓱᑎᒃ ᑖᒃᓰᔭᐅᓂᕐᒧᑦ ᐊᐅᓚᔾᔪᑎᓂᒃ ᑭᒡᒐᖅᑐᐃᑦᓱᑎᒃ ᐅᕙᑦᑎᓐᓂᒃ, ᐊᓯᖏᓐᓂᓪᓗ ᐱᔨᑦᓯᕋᐅᑎᖃᖅᐸᒻᒥᑦᓱᑎᒃ ᐊᑭᑐᓗᐊᙱᑦᑐᓂᒃ. ᓄᓇᕗᑦ ᐊᖏᖅᓯᒪᔪᖅ ᑖᒃᓰᔭᕐᓂᕐᒧᑦ ᐊᔾᔨᐸᓗᒋᔭᐅᓂᐊᕆᐊᖏᑦ ᒐᕙᒪᑐᖃᒃᑯᑦ ᐊᐅᓚᓂᖓᓐᓄᑦ ᑲᔪᓯᓂᖏᓐᓄᑦ ᐊᐅᓚᑦᓯᓂᐅᑉ ᑲᔪᓯᑎᑦᓯᓂᐅᓪᓗ.

ᓄᓇᕗᒻᒥ ᑖᒃᓰᔭᕐᓂᕐᒧᑦ ᒪᓕᒐᕐᔪᐊᖓ ᐊᐅᓚᑦᓯᔪᖅ ᑖᒃᓰᔭᕐᓂᕐᒧᑦ ᐊᐅᓚᔾᔪᑎᑦᑎᓐᓂᒃ, ᐱᕈᖅᐸᓪᓕᐊᑎᑦᓯᑦᓱᓂᓗ ᒐᕙᒪᑐᖃᒃᑯᑦ ᐊᐅᓚᓂᖓᓐᓂᒃ ᓇᓗᓇᐃᔭᐃᓂᒃᑯᑦ ᓄᓇᕗᒻᒧᑦ ᑐᕌᖓᔪᓂᒃ ᐱᕕᖃᖅᑎᑦᓯᓂᐅᔪᓂᒃ, ᓲᕐᓗ ᐊᔾᔨᐅᖏᑦᑐᑦ ᑖᒃᓰᔭᐅᑎᓄᑦ ᐃᓚᙵᕈᑏᑦ ᐊᑐᕈᓐᓇᖅᑐᑦ ᑭᓯᐊᓂ ᓄᓇᕗᒻᒥ.
 

ᑖᒃᓰᔭᖅᑎᑦᓯᓂᖅ

ᑖᒃᓰᔭᐅᑏᑦ ᓄᐊᑕᐅᓲᑦ ᑲᓇᑕᒥ ᐅᑎᖅᑐᑦᓴᔭᓕᕆᔨᒃᑯᓐᓄᑦ ᑭᒡᒐᖅᑐᐃᑦᓱᑎᒃ ᓄᓇᕗᒻᒥᒃ.
 

ᐊᑭᓖᑎᑦᓯᒍᑏᑦ ᐊᑭᓕᕆᐊᓖᓪᓗ
 

ᑭᓇᑐᐃᓐᓇᖅ ᐃᓄᒃ ᓯᖁᒥᑦᓯᔪᖅ ᒪᓕᙱᑦᑐᕐᓘᓐᓃᑦ ᑖᒃᓰᔭᕐᓂᕐᒧᑦ ᒪᓕᒐᕐᔪᐊᕐᒥᒃ ᒪᓕᒐᕐᓂᓘᓐᓃᑦ ᐸᓯᔭᑦᓴᐅᔪᖅ ᐱᕋᔭᓐᓂᕐᒧᑦ.
 

ᐱᕋᔭᓐᓃᑦ

ᐱᕋᔭᓐᓃᑦ ᓇᓗᓇᐃᔭᖅᑕᐅᓯᒪᒐᔪᑦᑐᑦ ᑖᒃᓰᔭᕐᓂᕐᒧᑦ ᒪᓕᒐᕐᔪᐊᕐᒥ (ᑲᓇᑕ) ᐱᖃᓯᐅᑎᑦᓱᑎᓪᓗ ᐅᑯᐊ:  

  • ᐅᑎᖅᑐᑦᓴᔭᓕᕆᙱᒃᑯᓂ.
  • ᓱᓕᙱᑦᑐᓂᒃ ᐅᖃᕈᓂ, ᐃᓚᒋᔭᐅᒍᓂ ᑖᒃᓰᔭᑦᑕᐃᓕᒪᔪᓄᑦ ᐅᕝᕙᓗ ᐱᕋᔭᒍᒪᓗᑎᒃ ᒪᓕᒐᕐᔪᐊᑉ ᐊᑖᓂ.
  • ᓯᖁᒥᑦᓯᒍᓂ ᑲᙳᓇᖅᑐᓅᖓᔪᓂᒃ ᑖᒃᓰᔭᕐᓂᕐᒧᑦ ᑐᓴᕋᑦᓴᓂᒃ ᑎᑭᐅᑎᒍᑕᐅᒍᓐᓇᕐᓗᑎᒃ ᐱᒻᒪᕆᐅᙱᓂᖅᓴᒃᑯᑦ ᐱᓯᔭᐅᓂᕐᒧᑦ.
     

ᓄᓇᕗᒻᒧᑦ ᑐᕌᖓᔪᑦ ᐱᕕᖃᖅᑎᑦᓯᓂᐅᔪᑦ

ᖃᑦᓯᒐᓛᑦ ᐃᒻᒥᓄᑦ ᑖᒃᓰᔭᐅᑎᓅᖓᔪᑦ ᐱᖃᓯᐅᑎᓯᒪᔪᑦ ᓄᓇᕗᒻᒥ ᑖᒃᓰᔭᕐᓂᕐᒧᑦ ᒪᓕᒐᕐᔪᐊᕐᒥ ᒐᕙᒪᑐᖃᒃᑯᓐᓂ ᐱᑕᖃᕋᑎᒃ. ᑖᒃᑯᐊ ᐊᐅᓚᓂᐅᔪᑦ ᐊᑦᑐᐃᓂᖃᖅᑐᑦ ᖃᑦᓯᐅᓂᖏᓐᓂᒃ ᓄᓇᕗᒻᒥ ᑖᒃᓰᔭᐅᑏᑦ ᓄᐊᑕᐅᔪᑦ, ᑭᓯᐊᓂ ᐊᑦᑐᐃᓂᖃᙱᑦᑐᑦ ᖃᑦᓯᐅᓂᖏᓐᓂᒃ ᒐᕙᒪᑐᖃᒃᑯᑦ ᑖᒃᓰᔭᐅᑎᓂᒃ ᓄᐊᓯᒪᔭᖏᓐᓂᒃ. ᑖᒃᑯᐊ ᐃᒪᐃᓕᖓᔪᑦ:

  • ᐊᑭᒋᔭᐅᔪᖅ ᐆᒪᓇᓱᐊᕐᓂᕐᒧᑦ
    ᓄᓇᓕᓖᑦ ᐅᑎᕐᕕᐅᒍᓐᓇᖅᑐᑦ ᑎᑭᐅᒪᔪᓄᑦ $1,200.
     
  • ᐊᑭᒋᔭᐅᔪᓄᑦ ᐆᒪᓇᓱᐊᕐᓂᕐᒧᑦ ᐃᑲᔫᑕᐅᔪᑦ ᕿᑐᕐᖓᓕᓐᓄᑦ ᐊᐃᑉᐸᓕᔭᕋᑎᒃ
    ᐊᐃᑉᐸᖃᙱᑦᑐᑦ ᕿᑐᕐᖓᓖᑦ ᐅᖓᑖᓂ $60,000 ᐋᖅᑭᒋᐊᖅᓯᒪᔪᓂᒃ ᑮᓇᐅᔭᓕᐅᖅᓯᒪᔪᑦ ᑐᑦᓯᕋᕈᓐᓇᖅᑐᑦ ᐅᑎᕐᕕᐅᒍᒪᓗᑎᒃ ᑎᑭᐅᒪᔪᓄᑦ $255.12.
     
  • ᐊᑭᓕᖅᑐᖅᑕᐅᒐᑎᒃ ᖃᑦᑎᕆᔨᓄᑦ ᐅᑎᖅᑐᑦᓴᐃᑦ
    ᐃᓘᓐᓇᑎᒃ ᖃᑦᑎᕆᔨᐅᖏᓐᓇᖅᑐᑦ ᖃᑦᑎᕆᔨᐅᑲᐃᓐᓇᐸᑦᑐᓪᓗ ᐃᑲᕐᕋᓕᐅᖅᓯᒪᔪᑦ ᐊᑖᓂᐅᙱᑦᑐᖅ 200 ᓄᓇᓕᓐᓂᒃ ᐱᔨᑦᓯᕋᖅᓱᑎᒃ, ᐱᖃᓯᐅᑎᑦᓱᓂ ᐃᓕᓐᓂᐊᕐᓂᒃ ᑐᑦᓯᕋᕈᓐᓇᖅᑐᑦ $586 ᐅᑎᖅᑐᑦᓴᓅᖓᔪᓂᒃ 2018−ᒥ. ᑖᒃᑯᐊ ᐊᕐᕌᒍᑕᒫᑦ ᐋᖅᑭᒋᐊᖅᑕᐅᕙᑦᑐᑦ ᐊᑭᑦᑐᐸᓪᓕᐊᔪᓅᖓᔪᓄᑦ.
     
  • ᐃᓕᓐᓂᐊᕐᓂᕐᒧᑦ ᐃᓕᓐᓂᐊᕈᑎᓄᓪᓗ ᐅᑎᖅᑐᑦᓴᓅᖓᔪᑦ
    ᐃᓕᓐᓂᐊᖏᓐᓇᖅᓱᑎᒃ ᐃᓕᓐᓂᐊᖅᑏᑦ ᐲᖅᓯᒍᓐᓇᖅᑐᖅ $465 ᑕᖅᑭᑕᒫᑦ ᐃᓕᓐᓂᐊᑐᐊᕈᑎᒃ ᑖᒃᓰᔭᐅᑎᒋᒋᐊᓕᓐᓂ ᑮᓇᐅᔭᓕᐊᒥᓐᓂᒃ. ᐃᓕᓐᓂᐊᑲᐃᓐᓇᖃᑦᑕᖅᑐᑦ ᐲᖅᓯᒍᓐᓇᖅᑐᖅ $140 ᑕᖅᑭᑕᒫᑦ ᐃᓕᓐᓂᐊᕐᓂᒥᓂ.