ᐅᖃᓚᐅᑎᓯᐅᑏᑦ

You are here

ᐃᒥᐊᓗᓕᕆᓂᕐᒧᑦ ᒪᓕᒐᕐᓂ ᐊᑐᖅᑎᑦᑎᓂᖅ ᐊᒻᒪ ᐃᖅᑲᖅᑐᖅᑕᐅᓚᐅᕋᓂ ᐴᖅᑕᐅᓯᒪᓂᐊᕐᒪᖔᑦ ᖃᐅᔨᓇᓱᐊᕐᓂᖅ

 

ᐃᒥᐊᓗᓕᕆᓂᕐᒥ ᒪᓕᒐᕐᓂᑦ ᐊᑐᖅᑎᑦᑎᓂᖅ

ᑖᓐᓇ ᐃᒥᐊᓗᓕᕆᓂᕐᒧᑦ ᐱᖁᔭᖅ ᐊᒻᒪ ᐃᒥᐊᓗᓕᕆᓂᕐᒧᑦ ᐊᑐᐊᒐᐃᑦ ᐅᖃᐅᓯᖃᖅᑐᑦ ᒪᓕᒐᓂᒃ ᐱᔪᓐᓇᐅᑎᓖᑦ ᒪᓕᒋᐊᖃᖅᑕᖏᓐᓂᒃ ᐱᓯᒪᓗᓂᒋᑦ ᐊᑐᕐᓗᒋᓪᓗ ᐱᔪᓐᓇᐅᑏᑦ, ᐊᐅᓚᓪᓗᒋᓪᓗ ᐱᔪᓐᓇᐅᑏᑦ ᐃᓗᓕᖏᑦ. ᒪᓕᒐᐃᑦ ᒪᓕᒋᐊᓕᖕᓂᒃ ᐊᑐᖅᑕᐅᓲᑦ ᖃᐅᔨᓴᕐᓂᐅᕙᒃᑐᒃᑯᑦ ᐃᖅᑲᖅᑐᖅᑕᐅᓕᖅᐸᒃᑐᓄᑦ ᒪᓕᑦᑎᐊᙱᑦᑐᓄᑦ ᒪᓕᒐᕐᓂᑦ ᐅᕝᕙᓘᓐᓃᑦ ᐃᖅᑲᖅᑐᖅᑕᐅᓚᐅᕋᓂ ᐴᖅᑕᐅᓯᒪᓂᐊᕐᒪᖔᑦ ᖃᐅᔨᓇᓱᐊᕐᓂᕐᒥᒃ ᑲᑎᒪᔨᓄᐊᓚᐅᙱᓐᓂᖏᓐᓂᒃ, ᑕᒪᐃᓐᓄᓪᓘᓐᓃᑦ. ᐃᒥᐊᓗᖕᓂ ᖃᐅᔨᓴᖅᑏᑦ ᑎᓕᐅᕆᔭᐅᓯᒪᔪᑦ ᐃᒥᐊᓗᓕᕆᓂᕐᒧᑦ ᐱᖁᔭᕐᓂᒃ ᖃᐅᔨᓴᖃᑦᑕᖁᔨᓪᓗᑎᒃ ᐱᔪᓐᓇᐅᑎᖏᑦᑕ ᐃᓗᓕᖏᓐᓂᒃ ᓇᓗᓇᐃᖅᓯᓂᕐᒧᑦ ᐱᖁᔭᐃᑦ ᐊᒻᒪ ᐊᑐᐊᒐᖏᑦ ᒪᓕᒃᑕᐅᒐᓗᐊᕐᒪᖔᑦ.

ᖃᐅᔨᓴᖅᑎ ᓇᓂᓯᒍᓂ ᒪᓕᑦᑎᐊᖅᓯᒪᙱᑦᑐᓂᒃ, ᓇᓗᓇᐃᕐᕕᒋᓗᒍ ᐊᐅᓚᑦᑎᔨ ᐃᒥᐊᓗᓕᕆᓂᕐᒧᑦ, ᓇᓗᓇᐃᖅᓯᓇᔭᖅᑐᖅ (ᐅᖃᐅᔾᔨᒋᐊᖅᑕᐅᓗᑎᒃ ᒪᓕᒐᓕᕆᔨᓂ ᒪᓕᒐᓕᕆᔨᒃᑯᓐᓂᑦ) ᐱᔪᓐᓇᐅᑎᓖᑦ ᖃᐃᖁᔭᐅᓂᐊᕐᒪᖔᑦ ᐃᖅᑲᖅᑐᖅᑕᐅᓚᐅᕋᓂ ᐴᖅᑕᐅᓯᒪᓂᐊᕐᒪᖔᑦ ᖃᐅᔨᓇᓱᐊᕐᓂᕐᒧᑦ.


ᐃᖅᑲᖅᑐᖅᑕᐅᓚᐅᕋᓂ ᐴᖅᑕᐅᓯᒪᓂᐊᕐᒪᖔᑦ ᖃᐅᔨᓇᓱᐊᕐᓃᑦ

ᐃᒥᐊᓗᓕᕆᓂᕐᒥ ᒪᓕᒐᕐᓂᑦ ᐊᑐᖅᑎᑦᑎᓂᒃᑯᑦ ᐃᓱᒪᒋᔭᖃᓕᖅᐸᑕ ᒪᓕᑦᑎᐊᖅᓯᒪᙱᑦᑐᑦ ᐱᓕᕆᐊᕆᔭᐅᔭᕆᐊᖃᕐᒪᖔᑦ ᑲᑎᒪᔨᓂᒃ, ᓇᓗᓇᐃᒃᑯᑕᕐᒥ ᐃᖅᑲᖅᑐᖅᑕᐅᓚᐅᕋᓂ ᐴᖅᑕᐅᓯᒪᓂᐊᕐᒪᖔᑦ ᖃᐅᔨᓇᓱᐊᕐᓂᕐᒧᑦ ᐱᕙᒌᔭᖅᑕᐅᓇᔭᖅᑐᖅ ᐱᔪᓐᓇᐅᑎᓕᖕᒧᑦ ᑲᑎᒪᔨᓄᓪᓗ ᖃᐅᔨᓇᓱᒃᑕᖃᕐᓂᕐᒧᑦ. ᐃᒥᐊᓗᓕᕆᓂᕐᒥ ᒪᓕᒐᕐᓂᑦ ᐊᑐᖅᑎᑦᑎᓂᖅ ᐃᑲᔪᖅᑎᐅᖃᑦᑕᕈᓐᓇᖅᐳᖅ ᒪᓕᑦᑎᐊᙱᑦᑐᓂᒃ (ᐅᖃᐅᓯᐅᓯᒪᔪᑦ ᐱᖁᔭᓕᕆᔨᓂ ᒪᓕᒐᓕᕆᔨᒃᑯᓐᓂᑦ) ᑲᑎᒪᔩᓪᓗ ᐃᖅᑲᖅᑐᐃᔨᐅᓪᓗᑎᒃ.

ᒪᓕᒡᓗᑎᒃ ᖃᐅᔨᔾᔪᑕᐅᓯᒪᔪᓂ ᓴᖅᑭᑕᐅᓯᒪᔪᓂ, ᑲᑎᒪᔩᑦ ᐋᖅᑭᒃᓯᓇᔭᖅᑐᑦ ᐱᔪᓐᓇᐅᑎᓕᒃ ᑲᒪᒋᔭᖃᕐᒪᖔᑦ ᒪᓕᑦᑎᐊᙱᑦᑐᓂᒃ ᐊᒻᒪ, ᑕᐃᒪᐃᒃᑯᓂ, ᐋᖅᑭᒃᓯᓇᔭᖅᑐᑦ ᐊᑲᐅᔪᒃᑯᑦ ᓱᒋᐊᖅᑕᐅᓂᖃᕆᐊᖃᕐᒪᖔᑦ ᖃᓄᐃᙱᒻᒪᖓᑦ ᐊᒻᒪᓘᓐᓃᑦ ᐱᔪᓐᓇᐅᑎᐊᓂ ᐊᔪᓕᖅᑎᑕᐅᓂᕐᒥᒃ ᐅᕝᕙᓘᓐᓂᑦ ᖁᔭᓈᖅᑕᐅᓂᕐᒥᒃ.  ᖃᐅᔨᒪᓂᖃᖅᑎᓪᓗᒋᑦ ᓈᒻᒪᓛᒃᑯᑦ ᐊᑲᐅᙱᓕᐅᕈᑕᐅᓕᖅᐸᒃᑐᓂ, ᑲᑎᒪᔩᑦ ᐃᓱᒫᓘᑎᖃᖅᑐᑦ ᐱᒻᒪᕆᐅᓂᖓᓂᒃ ᒪᓕᑦᑎᐊᙱᓐᓂᕐᒥᒃ, ᑎᑎᖅᑲᖁᑎᒋᔭᐅᓚᐅᖅᑐᓂ ᐱᔪᓐᓇᐅᑎᖃᑦᑎᒥ, ᐱᑕᖃᕈᓂ, ᑲᑎᒪᔨᓂᒃ ᑐᕌᒐᕆᔭᐅᔪᓂ ᐅᔾᔨᕈᓱᑦᑎᐊᕐᓂᕐᒥᒃ ᐊᑐᕐᓂᖃᖅᑎᓪᓗᒋᑦ ᐃᒥᐊᓗᖕᒥ ᓄᓇᕗᒻᒥ.