ᐅᖃᓚᐅᑎᓯᐅᑏᑦ

You are here

ᐅᑭᐅᑕᖅᑐᖅ ᐊᒻᒪ ᐅᑭᐅᑕᖅᑐᒥ ᐊᑐᐊᒐᖅ ᓴᓇᓯᒪᓂᖓ - ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᓵᑉᑕᖓ

ᐅᑭᐅᑕᖅᑐᖅ ᐊᒻᒪ ᐅᑭᐅᑕᖅᑐᒥ ᐊᑐᐊᒐᖅ ᓴᓇᓯᒪᓂᖓ

ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᓵᑉᑕᖓ

ᔫᑳᓐ
ᓄᓇᑦᓯᐊᖅ

ᓄᓇᕗᑦ

 

ᐅᑭᐅᑕᖅᑐᖅ ᐊᒻᒪ ᐅᑭᐅᑕᖅᑐᒥ ᐊᑐᐊᒐᖅ ᓴᓇᓯᒪᓂᖓ
ᓯᕗᓕᖅᑎᐅᑉ ᓇᓗᓇᐃᖅᓯᓂᖓ

2017 ᓯᓄᓕᖅᑏᑦ ᔫᑳᓐ, ᓄᓇᑦᓯᐊᖅ, ᐊᒻᒪ ᓄᓇᕗᑦ ᓴᖅᑭᑎᑦᑎᓚᐅᖅᑐᑦ ­ᐅᑭᐅᑕᖅᑐᒥ ᑕᑯᓐᓇᖅᑕᐅᔪᑦ ᒪᑭᑕᑕᔅᓴᐅᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᓇᓗᓇᐃᖅᓯᓚᐅᖅᑐᑦ ᐃᓄᓕᒫᖏᑦ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᐱᔭᕆᐊᖃᖅᑎᑕᐅᔪᑦ ᑎᑭᑦᑎᓗᑎ ᐊᔾᔨᖏᓐᓂ ᐱᔪᒪᔭᐅᔪᓂᑦ ᓇᒻᒥᓂᖅ ᐊᒻᒪ ᐃᓚᖏᓐᓄᑦ ᐊᓯᖏᑎᑐᑦ ᑲᓇᑕᒥᐅᑎᑐᑦ − ᐱᖃᓯᐅᑎᓪᓗᑎ ᐃᓅᖃᑎᒌᓐᓂᖅ, ᐃᓕᓐᓂᐊᕐᓂᓕᕆᓂᖅ, ᐋᓐᓂᐊᖃᕐᓇᖏᑦᑐᓕᕆᓂᖅ, ᐊᒻᒪ ᑮᓇᐅᔭᓕᐅᕋᓱᓐᓂᕐᒧᑦ ᐱᕕᔅᓴᐅᔪᓂᑦ.

ᓯᕗᓕᖅᑏᑦ ᑲᑎᓐᖓᑎᐊᖅᑐᑦ ᐱᕈᖅᑎᑦᑎᓗᑎ ᐊᑯᓂᐅᔪᒧᑦ ᐱᕙᓪᓕᐊᑎᑦᑎᓂᕐᒧᑦ ᐅᑭᐅᑕᖅᑐᒥ ᑮᓇᐅᔭᓕᕆᓂᕐᒥᑦ ᑐᓐᖓᕕᖃᕐᓗᑎ ᑲᒪᒋᔭᖃᑦᑎᐊᕐᓗᑎ ᓄᓇᒦᖔᖅᑐᓂᑦ ᐱᕙᓪᓕᐊᑎᑦᑎᓂᕐᒥᑦ, ᑮᓇᐅᔭᓕᕆᓂᕐᒧᑦ ᐊᔾᔨᒌᖏᓐᓂᖏᑦ ᐊᒻᒪ ᐃᖅᑲᓇᐃᔮᓂᑦ ᓴᖅᑭᑎᑦᑎᓂᕐᒧᑦ − ᐱᖃᓯᐅᑎᓗᒍ ᐱᓕᕆᑎᑦᑎᓂᖅ ᐃᖏᕋᔪᓕᕆᓂᕐᒥᑦ, ᐊᐅᓚᔪᓐᓇᐅᑎᓂᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒥᑦ ᐱᖁᑎᕐᔪᐊᑦ ᐊᒻᒪ ᐃᓱᒪᕈᓘᔭᓂᕐᒧᑦ. ᐊᑐᐊᒐᓪᓗᐊᑕᕆᔭᖓ ᓯᓚᕐᔪᐊᒥ ᐅᑭᐅᑕᖅᑐᒥ ᑕᑯᓐᓇᖅᑕᐅᔪᑦ ᒪᑭᑕᑕᔅᓴᐅᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᐅᑭᐅᑕᖅᑐᒥᐅᑕᐃᑦ ᓴᓇᕐᕈᑎᖃᕆᐊᓖᑦ ᐊᒻᒪ ᐱᔪᓐᓇᐅᑎᓂᑦ ᐊᐅᓚᑦᑎᓗᑎ ᓇᒻᒥᓂᖅ ᐱᓕᕆᔭᖏᓐᓂᑦ ᐊᒻᒪ ᐃᓱᒪᓕᐅᕐᓗᑎ ᓯᕗᓂᔅᓴᒧᑦ ᐅᑭᐅᑕᖅᑐᒧᑦ.

ᓯᕗᓕᖅᑏᑦ ᓴᖏᔪᒥᑦ ᓯᕗᓕᖅᑎᐅᔪᑦ ᐊᑐᖅᑕᖓ ᐃᖅᑲᓇᐃᔭᖃᑎᖃᖅᑐᑎᑦ ᒐᕙᒪᑐᖃᒃᑯᓐᓂᑦ, ᐅᑭᐅᑕᖅᑐᒥ ᒐᕙᒪᓂᑦ, ᐊᒻᒪ ᓄᓇᖃᖅᑦ ᒐᕙᒪᓂᑦ ᐊᒻᒪ ᑲᑐᔾᔨᖃᑎᓂᑦ, ᐊᒻᒪ ᐊᑦᑐᖅᑕᐅᔪᑦ ᑎᒍᒥᐊᖅᑎᐅᖃᑕᐅᔪᑦ ᑐᑭᖃᖅᑎᓪᓗᒋᑦ ᖃᓄᐃᓐᓂᕆᔭᖏᑦ ᐅᑭᐅᑕᖅᑐᒥ ᑕᑯᓐᓇᖅᑕᐅᔪᑦ ᒪᑭᑕᑕᔅᓴᐅᔪᓂᑦ ᐱᕙᓪᓕᐊᑎᑦᑎᓂᕐᒧᑦ. ᑕᑯᓐᓇᖅᑕᐅᔪᖅ, ᐊᑐᐊᒐᐃᑦ ᐊᒻᒪ ᐱᓕᕆᑎᑦᑎᓂᐅᔪᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᓯᕗᓪᓕᐅᔾᔭᐅᔭᕆᐊᒥ ᑐᓐᖓᕕᖃᖅᑎᑦᑎᔪᑦ ᓴᖅᑭᖅᑎᑕᐅᓂᖓᓄᑦ ᐊᒻᒪ ᐊᑐᓕᖅᑎᑕᐅᓂᖓᓄᑦ ᐅᑭᐅᑕᖅᑐᖅ ᐊᒻᒪ ᐅᑭᐅᑕᖅᑐᒥ ᐊᑐᐊᒐᖅ ᓴᓇᓯᒪᓂᖓ. ᑖᓐᓇ ᑐᓐᖓᑯᖓ ᐊᔭᐅᖅᓯᒋᐊᖅᑐᖅ ᐱᒻᒪᕆᐅᓂᖓᓄᑦ ᓄᓇᒦᖔᖅᑐᑦ ᐱᕙᓪᓕᐊᑎᑕᐅᓂᖏᓐᓄᑦ, ᑮᓇᐅᔭᓕᕆᓂᕐᒧᑦ ᐊᔾᔨᒌᖏᓐᓂᖏᑦ, ᐱᐅᓯᑎᒋᐊᖅᑐᑦ ᐱᖁᑎᕐᔪᐊᑦ ᐊᒻᒪ ᐃᓱᒪᒋᔭᖃᕈᓘᔭᓂᕐᒧᑦ ᓴᓇᔪᑦ ᓴᖏᔪᒥᑦ ᑮᓇᐅᔭᓕᕆᓂᐅᔪᓂᑦ ᐊᒻᒪ ᓴᖓᑎᑉᐸᓪᓕᐊᓪᓗᒍ ᓇᒻᒥᓂᖅ ᑐᓐᖓᕕᖃᕈᓐᓇᓂᕐᒧᑦ.

ᐱᔾᔪᑎᖓ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᓵᑉᑕᖓ

ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᓵᑉᑕᖓ ᐋᖅᑭᔅᓯᓯᒪᔪᑦ ᓇᐃᑦᑐᒥ ᐃᓗᓕᖏᓐᓂ ᐱᒻᒪᕆᐅᓂᖓᓄᑦ ᐊᒻᒪ ᐱᓕᕆᐊᖑᓂᖓᓄᑦ ᐱᖓᓱᑦ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓄᑦ ᓂᕈᐊᖅᑕᐅᕙᑦᑐᓄᑦ ᐊᒻᒪ ᑮᓇᐅᔭᓕᕆᓂᕐᒧᑦ ‘ᐊᕕᑦᑐᖅᓯᒪᔪᖅ’ ᑲᓇᑕᒥ. ᑕᑯᔅᓴᐅᑎᑦᑎᔪᖅ ᐃᓚᖏᓐᓂ ᐱᕕᔅᓴᓪᓗᐊᑕᐅᔪᓂᑦ ᐊᒻᒪ ᐊᔅᓱᕈᕈᑕᐅᔪᓂᑦ ᐊᕕᑦᑐᖅᓯᒪᔪᓅᖅᐸᑦᑐᑦ, ᐊᒻᒪ ᐱᑕᖃᖅᑎᑎᓪᓗᓂ ᐱᒋᐊᕐᓂᖓᓄ ᓇᓗᓇᐃᔭᖅᓯᒪᓂᖅᓴᓄᑦ ᐊᕕᑦᑐᖅᓯᒪᔪᓄᑦ-ᑐᕌᖓᔪᑦ ᓵᑉᑕᖏᑦ ᒪᓕᖃᑦᑕᖅᑐᑦ. ᓵᑉᑕᖓ ᐱᒋᐊᖅᓯᒪᔪᖅ ᐃᓗᓕᖏᓐᓂ ᓯᕗᓕᖅᑎᐅᑉ ᐅᑭᐅᑕᖅᑐᒥ ᑕᑯᓐᓇᖅᑕᐅᔪᑦ ᒪᑭᑕᑕᔅᓴᐅᔪᓂᑦ ᐱᕙᓪᓕᐊᑎᑦᑎᓂᕐᒧᑦ, ᒪᓕᑦᑕᐅᓪᓗᑎ ᐃᓱᒪᒋᔭᐅᓪᓗᐊᑕᖅᑐᓂᑦ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓄᑦ ᐃᓗᓕᖏᓐᓂ.

ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᑕᑯᓐᓇᖅᑕᖓ ᐊᒻᒪ ᐊᑐᐊᒐᓪᓗᐊᑕᐃᑦ ᒪᑭᒪᑎᑕᔅᓴᐅᔪᓂ ᐱᕙᓪᓕᐊᑎᑦᑎᓂᕐᒧᑦ

ᓴᓐᖓᑦᑎᒋᐊᖅᑐᖅ ᐊᒻᒪ ᐊᔾᔨᒌᖏᓕᖅᑐᑎᑦ ᑮᓇᐅᔭᓕᕆᓂᐅᔪᑦ ᕿᑎᐊᓂᓪᓗᑎ ᓄᓇᓕᒻᒧᑦ ᖃᓄᐃᖏᑎᐊᓂᕐᒧᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᐃᒻᒥᓂᑦ ᑲᔪᖏᖅᓯᒪᓂᕐᒧᑦ. ᐊᖏᓪᓕᑎᑦᑎᕙᓪᓕᐊᓂᖅ ᐱᐅᔪᒥ, ᐊᐅᓚᓂᖃᑦᑎᐊᖅᑐᒥ ᐊᒻᒪ ᐱᕈᖅᐸᓪᓕᐊᒍᓐᓇᖅᑐᒥ ᓄᓇᓕᓐᓂᑦ ᐱᑕᖃᕆᐊᖃᖅᑎᑦᑎᓂᐊᖅᑐᑦ ᐊᔪᖏᓐᓂᐅᔪᓂᑦ ᐱᕙᓪᓕᐊᑎᑦᑎᓂᕐᒥᑦ ᐱᓕᕆᑎᑦᑎᓂᐊᔪᓂᑦ, ᐱᑕᖃᕆᐊᖃᓂᐊᖅᑐᑦ ᑮᓇᐅᔭᓕᕆᕐᒧᑦ ᐊᔾᔨᒌᖏᓐᓂᖏᓐᓄᑦ ᐊᒻᒪ ᓴᖅᑭᑎᑦᑎᓗᓂ ᓇᒻᒥᓂᖅ ᑐᓐᖓᕕᒋᔭᔅᓴᐅᓂᖅᓴᐅᓗᓂ ᓄᓇᓕᐅᔪᑦ. ᐱᖁᑎᕐᔪᐊᑦ ᓲᕐᓗ ᐊᖅᑯᑎᑯᑖᑦ, ᐊᑐᕆᐊᑦ ᐃᑳᕐᕖᑦ, ᐅᒥᐊᒃᑯᕖᑦ, ᑐᓚᑦᑕᕐᕖᑦ, ᖃᖓᑕᓲᒃᑯᕖᑦ, ᐊᐅᓚᔪᓐᓇᐅᑎᓄᑦ ᐊᓯᐊᒎᕈᑎᔅᓴᐃᑦ, ᑐᓴᐅᒪᔾᔪᑎᓕᕆᓂᐅᔪᑦ ᐊᒻᒪ ᐃᓚᒋᔭᐅᓂᖏᑦ ᐃᒥᕐᒧᑦ ᐆᒻᒪᖅᑯᑎᓄᑦ ᐱᒻᒪᕆᐅᔪᑦ ᑮᓇᐅᔭᓕᕆᓂᕐᒧᑦ ᐊᔾᔨᒌᖏᓐᓂᖏᓐᓄᑦ ᐊᒻᒪ ᐊᑦᑎᓪᓕᒋᐊᖅᑎᑎᓪᓗᓂ ᐊᑭᖏᓐᓂ ᐃᓅᓇᓱᐊᓂᕐᒧᑦ. ᐊᑐᓂ ᐊᕕᑦᑐᖅᓯᒪᔪᓂᑦ ᒐᕙᒪᐃᑦ ᓴᖏᔪᒥᑦ ᐊᒻᒪ ᐱᓕᕆᓂᖃᑦᑎᐊᖅᑐᒥ ᐱᓕᕆᖃᑎᒌᓐᓂᖃᖅᑐᑦ ᓄᓇᖃᖅᑳᖅᓯᒪᔪᓂᑦ ᒐᕙᒪᓂᑦ ᐊᒻᒪ ᑲᑐᔾᔨᖃᑎᒌᓂᑦ. ᐱᓕᕆᖃᑎᒌᓐᓂᒃᑯᑦ ᐃᓚᐅᖃᑕᐅᓂᖏᑦ ᐱᒻᒪᕆᐅᒧᖅ ᐋᖅᑭᒍᑎᒋᓗᒍ, ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐊᕕᑦᑐᖅᓯᒪᔪᓄᑦ ᐊᒻᒪ ᐃᑲᔪᓂᕐᒧᑦ ᓄᓇᓕᔨᒻᒥᑦ ᖃᓄᐃᖏᑎᐊᓂᕐᒧᑦ, ᐃᓗᓕᖏᑦ ᐱᑕᖃᕆᐊᖃᖅᑐᑦ ᓯᕗᒧᑦᑎᒋᐊᓪᓗᒍ ᑲᓇᑕᐅᑉ ᐅᑭᐅᑕᖅᑐᖓ.

ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᑕᑯᓐᓇᖅᑕᖏᑦ

ᐃᓄᐃᑦ ᓄᓇᕗᒻᒥ, ᓄᓇᑦᓯᐊᖅ ᐊᒻᒪ ᔫᑳᓐ ᓯᕗᓪᓕᖅᐹᖑᔪᑦ ᓯᕗᓪᓕᐸᐅᔾᔭᐅᓪᓗᑎ ᐊᒻᒪ ᐱᒻᒪᕆᒋᓛᕆᔭᕗᑦ ᐱᒻᒪᕆᐅᓪᓗᑎ. ᓯᕗᓕᖅᑎᐅᓪᓗᑕ, ᑲᔪᖏᖅᓯᒪᔪᑦ ᓯᕗᓕᖅᑎᐅᓂᕐᒧᑦ ᐱᓕᕆᐊᖃᕐᓗᑕ ᐃᖅᑲᓴᐃᔭᖃᑎᖃᓂᕐᒥᑦ ᒐᕙᒪᑐᖃᒃᑯᓐᓂᑦ, ᐊᕕᑦᑐᖅᓯᒪᔪᓂᑦ ᓄᓇᖃᖅᑳᖅᓯᒪᔪᑦ ᒐᕙᒪᐃᑦ ᐊᒻᒪ ᑲᑐᔾᔨᖃᑎᒌᑦ ᐊᒻᒪ ᑎᒍᒥᐊᖅᑎᐅᖃᑕᐅᔪᑦ ᐱᑕᖃᖅᑎᑦᑎᓗᑎ ᓄᓇᓕᒻᒥᐅᑕᕗᑦ ᐱᕕᔅᓴᐅᔪᓐᓇᖅᑐᓂᑦ ᑮᓇᐅᔭᓕᕆᓂᕐᒥᑦ ᑲᔪᓯᑦᑎᐊᓂᕐᒧᑦ ᐊᒻᒪ ᐱᐅᔪᒻᒪᕆᒻᒥᑦ ᐃᓅᓯᖃᕐᓗᑎ. ᐊᑕᖏᖅᑐᒋᑦ ᐅᑭᐅᑕᖅᑐᒥᐅᑕᐃᑦ ᐱᕕᔅᓴᖃᕆᐊᓖᑦ ᖃᓄᐃᖏᑎᐊᓂᕐᒧᑦ ᐊᒻᒪ ᓴᖏᓂᖓ ᓄᓇᓕᐅᑉ ᓇᓗᓇᐃᖅᓯᔪᑦ ᑲᓇᑕᒥᐅᑕᓂᑦ. ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᓂᖅ ᐊᒻᒪ ᐊᔾᔨᒌᖏᓐᓂᖏᓐᓄᑦ ᑐᓐᖓᑯᒋᔭᖏᑦ ᑖᔅᓱᒧᖓ ᑐᕌᖅᑕᐅᔪᒧᑦ.

ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᐊᑐᐊᒐᓪᓗᐊᑕᖏᑦ
  • ᐊᕕᑦᑐᖅᓯᒪᔪᑦ ᓇᖏᖃᑎᒌᓐᓂᐊᖅᑐᑦ ᓴᖅᑭᑎᑦᑎᓗᑎ ᐊᑯᓂᐅᒧᑦ ᒪᕆᒪᑎᑕᔅᓴᐅᔪᓂᑦ ᐱᕙᓪᓕᐊᑎᑦᑎᓂᕐᒥᑦ ᐅᑭᐅᑕᖅᑐᒥ ᑮᓇᐅᔭᓕᕆᓂᕐᒥᑦ.
  • ᓄᓇᖃᖅᑳᖅᓯᒪᔪᑦ ᒐᕙᒪᐃᑦ ᐊᒻᒪ ᑲᑐᔾᔨᖃᑎᒌᑦ ᐃᓗᓕᓪᓗᐊᑕᕆᔭᖏᑦ ᑮᓇᐅᔭᓕᕆᓂᕐᒧᑦ ᓯᕗᓂᖓᐊᓄᑦ ᐊᕕᑦᑐᖅᓯᒪᔪᓄᑦ.
  • ᐅᑭᐅᑕᖅᑐᒥᐅᑕᐃᑦ ᓴᓇᕐᕈᑎᖃᕆᐊᓖᑦ ᐊᒻᒪ ᐱᔪᓐᓴᐅᑎᖃᕐᓗᑎ ᐊᐅᓚᑦᑎᓗᑎ ᓇᒻᒥᓂᖅ ᐱᓕᕆᐊᖏᓐᓂ ᐊᒻᒪ ᐃᓱᒪᓕᐅᖃᑦᑕᕐᓗᑎ ᓯᕗᓂᔅᓴᖓᓄᑦ ᐅᑭᐅᑕᖅᑐᖅ.
  • ᐃᓄᐃᑦ ᐊᕕᑦᑐᖅᓯᒪᔪᓂᑦ ᐱᕕᔅᓴᖃᖅᑐᑦ ᓴᓇᓗᑎ ᓇᒻᒥᓂ ᑐᓐᖓᕕᖃᓂᕐᒧᑦ, ᐃᓅᓂᕐᒧᑦ ᖃᓄᐃᖏᑎᐊᓂᕐᒧᑦ, ᐱᕙᓪᓕᐊᓂᖃᑦᑎᐊᖅᑐᑦ ᓄᓇᓕᐅᔪᑦ, ᐊᒻᒪ ᐱᕈᖅᑎᓪᓗᒋᑦ ᐱᔪᓐᓇᕐᓂᖏᑦ ᑎᑭᑦᑎᓗᑎ ᐊᑕᖏᖅᑐᒥ ᐱᔪᓐᓇᕐᓂᖏᓐᓄᑦ.
  • ᐃᓅᖃᑎᒌᓐᓂᕐᒧᑦ ᐊᒻᒪ ᐊᕙᑎᓕᕆᓂᕐᒧᑦ ᑲᒪᒋᔭᐅᔭᕆᐊᓖᑦ ᐃᓚᓕᐅᔾᔭᐅᓯᒪᔪᑦ ᐅᕙᒍᑦ ᒪᓕᑦᑕᐅᔭᕆᐅᓕᐅᖅᑎᓄᑦ ᑎᒥᐅᔪᓄᑦ ᐊᒻᒪ ᑮᓇᐅᔭᓕᕆᓂᑦᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᐃᓱᒪᓕᐅᕐᓂᐅᔪᑦ.
ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᒪᑭᒪᑎᑕᔅᓴᐅᔪᓂᑦ ᐱᓕᕆᑎᑦᑎᓂᖅ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᓯᕗᓪᓕᐅᔾᔭᐅᔭᕆᐊᓖᑦ

ᓄᓇᒦᖔᖅᑐᑦ ᐱᕙᓪᓕᐊᑎᑕᐅᓂᖏᑦ: ᑲᒪᒋᔭᖃᖅᑐᖅ, ᓄᓇᒦᖔᖅᑐᑦ ᐱᕙᓪᓕᐊᑎᑕᐅᓂᖏᑦ: ᐊᒻᒪ ᐃᖅᑲᓇᐃᔮᓂᑦ ᓴᖅᑭᑎᑦᑎᓂᖅ ᓇᒥᓕᒫᖅ ᐊᑯᑦᑐᖅᓯᒪᒧᓂᑦ ᑮᓇᐅᔭᓕᕆᓂᐅᔪᓂᑦ. ᓄᓇᖃᖅᑳᖅᓯᒪᔪᓄᑦ ᓇᒻᒥᓂᕆᔭᐅᔪᑦ, ᐱᓕᕆᑎᑦᑎᓂᖅ ᐊᒻᒪ ᐃᓚᐅᖃᑕᐅᓂᖅ ᓄᓇᒦᖔᖅᑐᓂᑦ ᐱᓕᕆᓂᕐᒥᑦ ᐱᔾᔪᑎᓪᓗᐊᑕᐅᔪᑦ ᑲᔪᓯᑦᑎᐊᓂᕐᒧᑦ. ᓄᓇᒦᖔᖅᑐᓂ ᐱᓕᕆᐊᑦ ᐱᑕᖃᖅᑎᑦᑎᔪᑦ ᐃᓕᓐᓂᐊᕐᓂᓕᕆᓂᕐᒥ, ᐃᓕᓐᓂᐊᓂᕐᒥᑦ ᐊᒻᒪ ᐃᖅᑲᓇᐃᔮᔅᓴᐅᔪᓐᓇᖅᑐᓂᑦ ᓄᓇᓕᓐᓂᑦ ᐊᒻᒪᓗᑦᑕᐅᖅ ᑕᕝᕗᖓᑦᑕᐅᑎᒋ ᓄᓇᖃᖅᑳᖅᓯᒪᔪᑦ ᐃᓚᐅᖃᑕᐅᓂᖏᑦ ᓱᓇᒃᑯᑖᓂ ᐊᒻᒪ ᐱᔨᑦᑎᖅᑕᓂᑦ ᐱᕙᓪᓕᐊᑎᑦᑎᓂᕐᒧᑦ.

ᒫᓐᓇ ᐊᔭᐅᖅᓯᒋᐊᕈᓐᓇᖅᑐᒍᑦ ᐃᓱᒪᒋᔭᖃᕈᓘᔭᓂᕐᒥᑦ ᓂᓪᓕᓇᖅᑐᒥ ᓯᓚᖓᓂ ᓄᓇᒦᖔᖅᑐᑦ ᐲᖅᑕᐅᓂᖏᑦ. ᐃᖅᑲᓇᐃᔭᓕᖅᑎᓪᓗᑕ ᑲᒪᒋᔭᖃᑦᑎᐊᓂᕐᒥᑦ ᓄᓇᒦᖔᖅᑐᖁᑎᑦᑎᓐᓂ ᑲᔪᓯᑎᓐᓂᐊᖅᑕᕗᑦ ᐱᓕᕆᖃᑎᖃᕐᓂᖅ ᓄᓇᖃᖅᑳᖅᓯᒪᔪᓂᑦ ᒐᕙᒪᓂᑦ ᐊᒻᒪ ᑲᑐᔾᔨᖃᑎᒌᓂᑦ, ᒐᕙᒪᑐᖃᒃᑯᑦ, ᐱᓕᕆᓂᐅᔪᓂᑦ ᐱᓕᕆᖃᑕᐅᔪᑦ ᒪᑭᒪᑕᔅᓴᐅᔪᓂᑦ ᐊᒻᒪ ᑲᒪᒋᔭᖃᑦᑎᐊᓂᒃᑯᑦ ᐅᕙᒍᑦ ᑮᓇᐅᔭᓕᕆᓂᖏᓐᓄᑦ. ᑕᕝᕘᓇ ᐃᖅᑲᓇᐃᔮᖑᔪᒃᑯᑦ ᓇᓗᓇᐃᖅᓯᑎᐊᓂᐊᕐᒥᔪᒍᑦ ᐃᑲᔫᑏᑦ ᐱᕙᓪᓕᐊᑎᑦᑎᓂᕐᒧᑦ ᐱᐅᓯᑎᑦᑎᒋᐊᖅᑐᑦ ᐃᓅᓯᖏᓐᓂ ᓄᓇᓕᒻᒥᐅᖁᑎᑦᑕ ᐊᒻᒪ ᑲᔪᓯᑎᓪᓗᒍ ᓴᐳᒻᒥᔭᐅᓂᖓ ᐊᕙᑎ ᓯᕗᓂᔅᓴᒥ ᑭᖑᕚᕆᓂᐊᖅᑕᑎᓐᓄᑦ. ᐊᕕᑦᑐᖅᓯᒪᔪᑦ ᐱᒻᒪᕆᔭᖃᖅᑐᑦ ᓄᓇᒦᖔᖅᑐᓂᑦ ᐱᑕᖃᕆᐊᖃᖅᑐᓂ ᐃᖅᑲᓇᐃᔭᐅᑎᓄᑦ ᐃᑲᔪᖅᑐᓂᑦ ᐊᖏᓪᓕᒋᐊᖅᑕᐅᓂᖓ ᓯᓚᖓᓂ ᑲᒪᑦᑎᐊᓂᕐᒧᑦ ᑮᓇᐅᔭᓕᕆᓂᕐᒥᑦ.

ᑮᓇᐅᔭᓕᕆᓂᕐᒥ ᐊᔾᔨᒌᖏᓐᓂᖏᑦ: ᐊᔾᔨᒌᖏᓐᓂᖏᑦ ᐱᑕᖃᕆᖃᓪᓚᕆᑦᑐᓂ ᐱᔾᔪᑕᐅᔪᖅ ᑲᔪᓯᑎᑦᑎᐊᓂᕐᒧᑦ ᒪᑭᒪᑎᑕᔅᓴᐅᔪᓂᑦ ᑮᓇᐅᔭᓕᕆᓂᕐᒥᑦ. ᐊᔾᔨᒌᖏᑐᒃᑯᑦ ᐊᕕᑦᑐᖅᓯᒪᔪᓂᑦ, ᐅᑭᐅᑕᖅᑐᒥᓂ ᐊᕕᑦᑐᖅᓯᒪᔪᑦ ᐊᖏᕋᕆᔭᐅᔪᑦ ᓴᖅᑭᐸᓪᓕᐊᔪᓄᑦ ᐊᒻᒪ ᓴᑭᖅᑎᑕᐅᓯᒪᔪᓄᑦ ᓲᕐᓗ, ᐳᓚᕋᖅᑐᓕᕆᓂᖅ, ᐱᖅᑯᓯᓄᑦ ᑮᓇᐅᔭᓕᕆᓂᐅᔪᑦ, ᐱᕈᖅᓰᓂᖅ, ᑕᕐᕆᔭᐃᑦ, ᖃᕋᓴᐅᔭᒃᑯᑦ, ᓴᓇᔭᐅᓯᒪᔪᑦ, ᓇᐹᖅᑐᓕᕆᓂᖅ, ᓴᓇᓯᒪᔪᓕᐅᕐᓂᖅ, ᖃᕋᓴᐅᔭᓕᕆᓂᐅᔪᑦ, ᐊᒻᒪ ᑮᓇᐅᔭᓕᐅᕋᓱᐊᓂᕐᒧᑦ ᐃᖃᓗᓕᕆᓂᕐᒥᑦ.

ᐱᓕᕆᖃᑎᖃᕐᓂᖅ ᓄᓇᖃᖅᑳᖅᓯᒪᔪᓂᑦ ᒐᕙᒪᓂᑦ ᐊᒻᒪ ᑲᑐᔾᔨᖃᑎᒌᓂᑦ, ᐱᓕᕆᔪᓂᑦ ᐊᒻᒪ ᒐᕙᒪᑐᖃᒃᑯᑦ ᓴᖓᑎᑦᑎᒋᐊᓂᐊᖅᑐᑦ ᐊᑯᑦᑐᖅᓯᒪᔪᓂ ᑮᓇᐅᔭᓕᕆᓂᕐᒥᑦ ᐊᔾᔨᒌᖏᓐᓂᖏᓐᓄᑦ, ᐊᔾᔨᒌᓕᖅᑎᓪᓗᒋᑦ ᐱᔪᒪᔭᐅᔪᑦ ᐊᒻᒪ ᐃᑲᔫᓯᐊᑦ ᑐᓂᐅᖅᑲᖅᑕᐅᓗᑎ ᓯᐊᒻᒪᖅᓯᒪᓂᖅᓴᓄᑦ ᐊᒻᒪ ᐃᓗᐊᓂ ᐊᕕᑦᑐᖅᓯᒪᔪᓂᑦ. ᐊᕕᑦᑐᖅᓯᒻᒪᔪᑦ ᕿᓂᕐᓂᐊᖅᑐᑦ ᓴᓐᖓᑦᑎᒋᐊᕐᓗᒍ ᐊᒻᒪ ᓴᖅᑭᑎᓪᓗᒍ ᐱᖁᑎᕐᔪᐊᖅ, ᖁᕝᕙᕆᐊᕐᓗᒋᑦ ᐃᓕᓐᓂᐊᕐᓂᓕᕆᔾᔪᑏᑦ, ᐊᒻᒪ ᓴᖅᑭᑎᑦᑎᓗᓂ ᐃᓱᒪᒋᔭᖃᕈᓘᔭᓂᕐᒧᑦ ᐱᓕᕆᖃᑎᒌᓐᓂᕐᒥᑦ ᓴᖅᑭᑎᑦᑎᓗᑎ ᐅᓪᓗᒥᒨᖓᔪᒥᑦ ᓇᒻᒥᓂᐅᔪᒥᑦ ᐊᒻᒪ ᐱᓕᕆᔨᒡᐅᓂᕐᒧᑦ ᐃᓕᓐᓂᐊᓂᕐᒧᑦ ᐱᔨᑦᑎᖅᑕᓂᑦ ᐊᔭᐅᕆᐊᕐᓗᒍ ᓄᑖᖅ ᓇᒻᒥᓂᖃᕈᓐᓇᓂᕐᒧᑦ ᐊᒻᒪ ᐃᖅᑲᓇᐃᔮᔅᓴᐅᔪᓐᓇᖅᑐᓂᑦ.

ᐱᖁᑎᕐᔪᐊᑦ: ᐊᖏᔪᒥᑦ ᐱᓕᕆᑎᑦᑎᓂᖅ ᐅᑭᐅᑕᖅᑐᒥ ᐃᕋᔪᓕᕆᓂᕐᒧᑦ ᐱᖁᑎᕐᔪᐊᓂ ᐊᖅᑯᑎᓂᑦ ᐱᖃᓯᐅᑎᓪᓗᑎ ᐊᖅᑯᑎᑯᑖᑦ, ᐅᒥᐊᒃᑯᕖᑦ, ᑐᓚᑦᑕᕐᕖᑦ, ᖃᖓᑕᓲᒃᕖᑦ ᐊᒻᒪ ᓄᓇᓯᐅᑎᑯᑖᓄᑦ ᐊᖅᑯᑎᖏᑦ ᓴᖅᑭᑎᑦᑎᓂᐊᖅᑐᑦ ᐱᓕᕆᑎᑦᑎᓂᕐᒥᑦ ᐊᒻᒪ ᑮᓇᐅᔭᓕᐅᕋᓱᐊᓂᕐᒧᑦ ᐱᕕᔅᓴᐅᔪᓐᓇᖅᑐᓂᑦ ᐅᑭᐅᑕᖅᑐᒥ. ᐱᕙᓪᓕᐊᑎᑕᐅᓂᖓ ᓴᓗᒪᔪᒥᑦ, ᑮᓇᐅᔭᖅᑐᓗᐊᖏᑦᑐᓂ ᐊᐅᓚᔪᓐᓇᐅᑎᓂᑦ ᐊᓯᐊᒎᕈᑎᔅᓴᓂᑦ ᐊᒻᒪ ᐃᓚᒋᔭᐅᓗᓂ ᐃᒥᕐᒧᑦ ᐆᒻᒪᖅᑯᑎᓄᑦ ᐊᑦᑎᓪᓕᒋᐊᖅᑎᑦᑎᓂᐊᖅᑐᑦ ᐊᑭᖏᓐᓂ ᐃᓅᓇᓱᐊᓂᕐᒧᑦ ᐊᒻᒪ ᐱᓕᕆᓂᕐᒧᑦ ᐅᑭᐅᑕᖅᑐᒥ ᐊᒻᒪ ᖁᕝᕙᕆᐊᕐᓗᒍ ᐱᓕᕆᑎᑦᑎᓂᕐᒧᑦ ᐊᕕᑦᑐᖅᓯᒪᔪᓂᑦ.

ᓄᓇᒦᖔᖅᑐᑦ ᐱᑕᖃᕈᓐᓇᕐᓂᖏᑦ ᐊᒻᒪ ᐊᖏᓪᓕᕙᓕᐊᓂᖓ ᐅᑭᐅᑕᖅᑐᖅ ᑲᓇᑕᒨᖓᓂᖓᓄᑦ ᐊᔅᓱᕈᕈᑕᐅᔪᑦ ᐅᑭᐅᑕᖅᑐᒥ ᐱᕙᓪᓕᐊᑎᑦᑎᓂᖅ ᑲᓇᑕᓕᒫᒧᑦ ᐱᒧᒪᔭᐅᓪᓗᓂ. ᒐᕙᒪᑐᖃᒃᑯᓐᓂᑦ ᐱᓕᕆᑎᑕᐅᔪᑦ ᐅᑭᐅᑕᖅᑐᒥ ᐱᖁᑎᕐᔪᐊᓄᑦ ᖃᓱᑎᑦᑎᒋᐊᓂᐊᖅᑐᑦ ᓴᒻᒥᓂᖃᖅᑐᓂᑦ ᐱᓕᕆᑎᑦᑎᓂᕐᒥ ᐊᒻᒪ ᐱᕕᔅᓴᐅᔪᓐᓇᖅᑐᑦ ᕿᓂᓂᕐᒧᑦ ᐊᒻᒪ ᐱᕙᓐᓕᐊᑎᑦᑎᓂᕐᒧᑦ.

ᑲᓱᖅᑎᑕᐅᓂᖏᑦ ᓄᓇᓖᑦ ᑐᓴᐅᒪᔾᔪᑎᓕᕆᔾᔪᑎᒍᑦ ᐱᖁᑎᕐᔪᐊᒧ ᐃᑲᔫᑎᓪᓗᐊᑕᐅᔪᖅ ᐃᓱᒪᒋᔭᖃᕈᓘᔭᓂᕐᒧᑦ ᐊᒻᒪ ᐱᔭᓪᓕᐊᑎᑦᑎᓂᕐᒧᑦ, ᓴᖅᑭᑎᑦᑎᓂᖅ ᐊᖏᓪᓕᒍᓐᓇᓂᕐᒥᑦ, ᐊᒻᒪ ᖁᕝᕙᕆᐊᖅᑐᓂ ᖃᓄᐃᖏᑎᐊᓂᕐᒥᑦ ᓄᓇᓕᒻᒥᐅᑕᓄᑦ ᓄᓇᖃᖅᑐᓂᑦ ᐅᖓᓯᑦᑐᓂᑦ.

ᐃᓱᒪᒋᔭᖃᕈᓘᔭᓂᕐᒧᑦ: ᖃᐅᔨᓴᕐᓂᖅ, ᐃᓱᒪᒋᔭᖃᕈᓘᔭᕐᓂᖅ, ᐊᒻᒪ ᑮᓇᐅᔭᓕᐅᕋᓱᐊᖔᓂᕐᒧᑦ, ᐱᓗᐊᖅᑐᒥᑦ ᐱᓕᕆᑯᓐᓄ ᐱᓕᕆᖃᑎᒌᓐᓂᒃᑯᑦ, ᓴᖓᑎᑦᑎᓂᐊᖅᑐᖅ ᐊᒻᒪ ᐊᔾᔨᒌᖏᑎᑦᑎᓗᓂ ᐊᕕᑦᑐᖅᓯᒪᔪᓂᑦ ᑮᓇᐅᔭᓕᕆᓂᐅᔪᑦ. ᐊᒥᓱᑦ ᐅᑭᐅᑕᖅᑐᒥ ᓄᓇᓖᑦ ᐊᒻᒪ ᐱᓕᕆᕖᑦ ᑐᓐᖓᕕᖃᖅᐸᑦᑐᑦ ᐅᖅᓱᐊᓗᓐᓂᑦ ᐊᐅᓚᔪᓐᓴᐅᑎᓕᕆᔾᔪᑎᒋᓪᓗᒍ ᐊᒻᒪ ᐅᖅᑰᔾᔪᑎᒋᓪᓗᒍ. ᓄᑖᑦ ᐃᖅᑲᓇᐃᔭᐅᑏᑦ ᐊᒻᒪ ᐅᓪᓗᒥᒨᖓᔪᑦ ᐊᐅᓚᔪᓐᓴᐅᑏᑦ ᐊᑐᖅᑕᐅᔪᑦ ᐊᓯᐊᒍᕈᑎᖃᖅᑎᑦᑎᓂᐊᖅᑐᑦ ᐆᒻᒪᖅᑯᑎᓄᑦ ᓄᓇᓕᓐᓄᑦ ᐊᒻᒪ ᐱᓕᕆᕕᓐᓄᑦ ᑭᓪᓕᖃᖅᑎᑕᐅᔪᓂᑦ ᐆᒻᒪᖅᑯᑎᓕᐅᕈᓐᓇᓂᕐᒧᑦ ᓇᓖᕌᕋᔅᓴᓂᑦ.

ᐊᑐᓕᖅᑎᑕᐅᓂᖓ ᓄᑕᐅᓐᖑᕈᓐᓇᖅᑐᑦ ᐊᒻᒪ ᐃᓱᒪᒋᔭᖃᕈᓘᔭᓂᕐᒧᑦ ᐃᖅᑲᓇᐃᔭᐅᑏᑦ ᐊᑦᑎᓪᓕᒋᐊᖅᑎᑦᑎᓂᐊᖅᑐᑦ ᓄᓇᓕᓐᓂᑦ ᐊᒻᒪ ᐱᓕᕆᕕᓐᓂ ᑐᓐᖓᕕᖃᕐᓂᖏᓐᓄᑦ ᐅᖅᓱᐊᓗᑦᑐᖅᑐᓂᑦ ᐊᒻᒪ ᖁᕝᕙᕆᐊᕐᓗᒍ ᒪᑭᒪᑎᑕᐅᔪᓐᓇᕐᓂᖓ, ᐊᒻᒪ ᐊᕙᑎᓕᕆᓂᕐᒧᑦ ᑲᒪᒋᔭᖃᑦᑎᐊᓂᕐᒧᑦ. ᐃᓱᒪᒋᔭᖃᕈᓘᔭᓂᕐᒧᑦ ᐊᐅᓚᔪᓐᓇᐅᑎᓕᕆᔾᔪᑎᓂᑦ ᐊᒻᒪ ᐅᖅᑰᑎᑦᑎᓂᕐᒧᑦ ᐋᖅᑭᒍᑎᓂᑦ ᐊᒻᒪᓗᑦᑕᐅᖅ ᑲᒪᒋᔭᖃᑦᑎᐊᖅᑐᖅ ᐱᓕᕆᑯᓐᓄᑦ ᐊᑐᖅᑕᐅᕙᑦᑐᑦ ᐱᒻᒪᕆᐅᓂᖃᓂᐊᖅᑐᑦ ᓯᕗᓂᔅᓴᒥ ᐅᑭᐅᑕᖅᑐᒥ. ᐱᓕᕆᖃᑎᒌᓐᓂᐅᔪᑦ ᖁᕝᕙᓯᓐᓂᓕᕇᓕᒫᓂᑦ ᒐᕙᒪᓂᑦ ᐊᒻᒪ ᓇᒻᒥᓂᖃᖅᑐᓂᑦ ᓴᖅᑭᑎᑦᑎᓂᐊᖅᑐᑦ ᑖᒃᑯᓂᖓ ᐋᖅᑭᒍᑎᓂᑦ ᐊᒻᒪ ᐅᑭᐅᑕᖅᑐᒥ ᑲᔪᓯᓂᖃᑦᑎᐊᑎᑦᑎᓗᓂ.

ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᖃᓄᐃᓐᓂᕆᔭᖏᑦ ᐃᓱᒪᒋᔭᐅᓯᒪᔪᑦ

ᓄᓇᖓ: ᐊᑕᖏᖅᑐᑎ ᐊᕕᑦᑐᖅᓯᒪᔪᑦ ᑭᒡᒐᖅᑐᐃᔪᑦ ᐊᖏᔪᒥᑦ ᓄᓇᒥᑦ ᐊᖏᓂᖃᖅᑐᖅ 3.9 ᒥᓕᐊᓂ ᑭᑉᐹᕆᑦᑐᑦ ᑭᓚᒦᑕᐃᑦ. ᑖᓐᓇ ᑭᒡᒐᖅᑐᐃᔪᖅ ᖃᓂᒋᔭᐸᓗᐊᓂ 40% ᑲᓇᑕᒥ ᓄᓇᓕᒫᖓᓂᑦ ᐊᒻᒪ ᑕᑭᓛᖑᖃᑕᐅᔪᑦ ᓄᓇᖓ ᐃᒪᕐᒨᖓᔪᖅ ᓯᓚᕐᔪᐊᒥᑦ, ᐱᑕᖃᒻᒥᕆᑦᑐᓂ ᐊᑦᑐᖅᑕᐅᓚᐅᖅᓯᒪᖏᑦᑐᑦ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᕕᐅᔪᓐᓇᖅᑐᑦ ᐱᖃᓯᐅᑎᓪᓗᑎ ᐊᔾᔨᐅᖏᑦᑐᑦ ᓄᓇᒦᖔᖅᑐᓂᑦ ᐱᕙᓪᓕᐊᑎᑦᑎᕕᔅᓴᐅᔪᓐᓇᕐᓂᖓ. ᐊᕕᑦᑐᖅᓯᒪᔪᑦ ᓄᓇᖓ ᐊᖏᓂᖓ ᑭᒡᒐᖅᑐᐃᒻᒥᔪᖅ ᐊᕐᕌᒍᒐᓴᖅᔪᐊᕌᓗᓐᓂᑦ ᓄᓇᖃᖅᑳᖅᓯᒪᔪᑦ ᐱᖅᑯᓯᖏᓐᓂ, ᑲᓇᑕᐅᑉ ᐅᑭᐅᑕᖅᑐᖓ ᓇᓗᓇᐃᖅᓯᔪᖅ ᑲᓇᑕᒧ ᐱᒋᔭᓪᓚᕆᐅᓪᓗᓂ ᐅᑭᐅᑕᖅᑐᒥ, ᑕᒪᒃᑭᓐᓂ ᐊᖏᕋᒥ ᐊᒻᒪ ᓯᓚᕐᔪᐊᒥᑦ.

ᑭᒃᑰᕕᑕ ᐊᒻᒪ ᓇᒥᒥᐅᑕᐅᕕᑕ:  ᑲᑎᑦᑐᒋᑦ ᐃᓄᒋᐊᓐᓂᖏᑦ ᐊᒥᓲᓂᖏᑦ ᐊᕕᑦᑐᖅᓯᒪᔪᓂᑦ ᒫᓐᓇᐅᔪᒥᑦ 113,000 ᐃᓄᐃᑦ, ᖃᓂᒋᔭᐸᓗᐊᓃᑦᑐᖅ 1% ᑲᓇᑕᐅᑉ ᐃᓄᖏᓐᓂ ᐃᓄᒋᐊᓐᓂᖏᑦ, ᓄᓇᖃᖅᑐᑦ 75 ᐅᖓᓯᑦᑐᓂᑦ ᐊᒻᒪ ᐃᓄᒋᐊᑦᑐᓂ ᓄᓇᓕᓐᓂᑦ. ᐊᕕᑦᑐᖅᓯᒪᔪᑦ ᐊᖏᕋᕆᔭᐅᔪᑦ ᐊᖏᔪᒦᑦᑐᑦ ᐊᒻᒪ ᐱᑕᖃᑦᑎᐊᖅᑐᑎᑦ ᐊᔾᔨᒌᖏᑦᑐᓂᑦ ᐱᖅᑯᓯᓂᑦ ᐊᒻᒪ ᐅᖃᐅᓯᕐᓂᑦ, ᓄᓇᖃᖅᑳᖅᓯᒪᒨᓪᓗᑎ 86 ᐳᓴᓐᑎᖏᑦ ᓄᓇᕗᑦ, 50 ᐳᓴᓐᑎᖏᑦ ᓄᓇᑦᓯᐊᒥᑦ ᐊᒻᒪ 25 ᐳᓴᓐᑎᖏᑦ ᔫᑳᓐᒥ.

ᔫᑳᓐ ᐊᒻᒪ ᓄᓇᑦᓯᐊᖅ ᓇᓗᓇᐃᖅᑕᐅᓯᒪᒍᓐᓇᖅᑐᑦ ᐊᒥᓲᓂᖅᓴᐅᓪᓗᑎ ᐃᓄᒋᐊᓐᓂᖏᑦ ᐱᑕᖃᕐᓂᖏᑦ ᐊᖏᔪᖅᑳᖃᕐᕕᖏᓐᓂ ᓄᓇᓕᐸᐅᔭᖏᓐᓂ (70% ᕙᐃᑦᕼᐅᐊᔅ ᐊᒻᒪ 50% ᔨᐊᓗᓇᐃᕝᒥ). ᓄᓇᕗᑦ ᓱᓕ ᐊᒥᓲᓂᖅᓴᐅᖏᓐᓇᖅᑐᑦ ᐃᓄᒋᐊᓐᓂᖏᑦ (ᖃᓂᒋᔭᖓᓂ 78%) ᓄᓇᖃᖅᑐᑦ 24-i ᓄᓇᓕᓐᓂ ᓯᓚᑖᓂ ᓄᓇᓕᐸᐅᔭᖓᓂ ᐃᖃᓗᐃᑦ.

ᑭᓪᓕᓯᓂᐊᖅᑏᑦ ᑲᓇᑕᒥ ᐊᒥᓲᓂᖏᓐᓄᑦ ᒥᔅᓴᐅᓴᑦᑕᐅᔪᑦ 2031-ᒧᑦ ᓇᓗᓇᐃᖅᓯᔪᑦ ᐊᑕᖏᖅᑐᒍ ᖁᕝᕙᐸᓪᓕᐊᑎᐊᖅᑐᖅᑎᑭᑦᑐᒍ 16% ᐱᖓᓱᓂᑦ ᐊᕕᑦᑐᖅᓯᒪᔪᓂᑦ. ᐃᓄᒋᐊᓐᓂᖏᑦ ᑎᑭᓐᓂᐊᖅᑐᑦ ᐊᕕᑦᑐᖅᓯᒪᔪᓃᑦᑐᑦ ᖃᓂᒋᔭᖓᓄ 131,000, ᐃᒪᖏᓐᓂ ᐊᔾᔨᒌᖏᓐᓂᖃᖅᑐᓂ ᐃᒻᒥᑰᖅᑐᓂᑦ ᐊᕕᑦᑐᖅᓯᒪᔪᓂᑦ ᐱᕈᕐᓂᖏᓐᓄᑦ. ᐱᖓᓱᑦ ᐊᕕᑦᑐᖅᓯᒪᔪᑦ, ᑲᓇᑕᑎᑐᑦ, ᐊᑐᖃᑦᑕᕐᒥᔪᑦ ᐊᕕᑦᑐᖅᓯᒪᔪᑎᒍᑦ ᐊᒻᒪ ᐃᓅᖃᑎᒌᓐᓂᕐᒧᑦ ᑮᓇᐅᔭᓕᐅᕋᓱᐊᓂᕐᒧᑦ ᐊᓯᔾᔨᖃᑦᑕᖅᑐᑦ ᐊᒻᒪ ᐊᔅᓱᕈᕈᑕᐅᔪᑦ, ᐱᖃᓯᐅᑎᓪᓗᑎ ᓱᒃᑲᐃᑦᑐᒥᑦ ᐃᓄᒋᐊᔅᓯᕙᓪᓕᐊᓂᖃᖅᑐᑦ ᐱᔾᔪᑎᒋᓪᓗᒍ ᐊᓯᔾᔨᖅᑐᓄᑦ ᓄᓇᖓᓂ ᐊᒻᒪ ᐊᖏᔪᑲᓪᓚᒻᒥᑦ ᐱᔭᐅᔪᒪᓂᖅᓴᐅᓕᖅᑐᑦ ᐱᔨᑦᑎᕈᑏᑦ ᐃᓐᓴᕈᖅᐸᓪᓗᐊᔪᓄᑦ ᐃᓄᒋᐊᓐᓂᖏᓐᓂᑦ. ᑖᒃᑯᐊ ᐱᔾᔪᑕᐅᔪᑦ ᐊᑦᑐᐃᓂᖃᖅᑐᑦ ᐊᒻᒪ ᐊᑦᑐᐃᓂᖃᐃᓐᓇᓂᐊᖅᑐᑦ ᐃᖅᑲᓇᐃᔭᖅᑎᓂᑦ ᐱᔭᐅᔪᒪᓂᖏᓐᓄᑦ ᐊᒻᒪ ᓱᓇᒃᑯᑖᑦ. ᓴᖅᑭᑎᑦᑎᒻᒥᔪᖅᑕᐅᖅ ᒪᓕᓐᓂᖃᖅᑐᓂ ᐱᔭᐅᔭᕆᐊᖃᖅᑐᓂᑦ ᐱᓕᕆᑎᑦᑎᑲᓐᓂᓂᕐᒧᑦ ᓄᓇᓕᓐᓂ.

ᐊᑐᓂ ᐊᕕᑦᑐᖅᓯᒪᔪᓂᑦ, ᐱᓕᕆᖃᑎᒌᓐᓂᖏᑦ ᐃᓄᓐᓂᑦ, ᐊᕕᑦᑐᖅᓯᒪᔪᑦ ᐊᒻᒪ ᓄᓇᖃᖅᑳᖅᓯᒪᔪᑦ ᒐᕙᒪᐃᑦ ᐊᒻᒪ ᑲᑐᔾᔨᖃᑎᒌᑦ ᐱᓪᓗᐊᑕᐅᔪᑦ ᐊᑐᒐᓕᐅᓂᕐᒧᑦ ᐊᒻᒪ ᐊᐅᓚᓂᖃᑦᑎᐊᖅᑐᒥ ᐱᓕᕆᐊᒥ ᐊᒻᒪ ᐱᔨᑦᑎᖅᑕᓂᑦ. ᐃᑉᐱᒍᓱᑦᑎᐊᕐᓂᖅ, ᐅᑉᐱᕆᔭᐅᓂᖅ ᐊᒻᒪ ᑲᔪᖏᖅᓯᒪᐃᓐᓇᕐᓂᖅ ᓴᖓᑎᑦᑎᒋᐊᓂᕐᒧᑦ ᐃᖅᑲᓇᐃᔭᖃᑎᒌᑦᑐᓂᑦ ᐅᑯᓂᖓ ᐊᕕᑦᑐᖅᓯᒪᔪᑦ ᐊᒻᒪ ᓄᓇᖃᖅᑳᖅᓯᒪᔪᑦ ᒐᕙᒪᐃᑦ ᐊᒻᒪ ᑲᑐᔾᔨᖃᑎᒌᑦ ᓯᕗᓪᓕᐅᔾᔭᐅᔭᕆᐊᖃᑎᒌᑦᑎᑕᐅᔪᑦ ᐊᒻᒪ ᕿᑎᐊᓃᑦᑐᑎᑦ ᓯᕗᓂᔅᓴᖏᓐᓄᑦ ᐊᕕᑦᑐᖅᓯᒪᔪᓄᑦ.

ᒪᑭᒪᑎᑕᔅᓴᐅᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᐱᕈᕐᓂᖓ: ᑲᓇᑕ ᐊᒻᒪ ᐊᕕᑦᑐᖅᓯᒪᔪᒥ ᒐᕙᒪᐃᑦ ᑐᕌᒐᔅᓴᖃᑎᒌᑦᑐᑦ ᐊᒻᒪ ᑲᔪᖏᖅᓯᒪᓂᕐᒧᑦ ᓯᕗᒧᒋᐊᕐᓗᒋᑦ ᐃᒪᒍᑕᖏᑦ ᑲᓇᑕᒥ ᐱᖁᔭᕐᔪᐊᖅ ᐱᖁᔭᖅ (1982), ᐱᓕᓂᕿᐊᖃᖅᑐᓂᑦ ᐊᔾᔨᒌᓕᖅᑎᑦᑎᓂᕐᒥᑦ ᐊᒻᒪ ᐊᕕᑦᑐᖅᓯᒪᔪᓄᑦ ᐊᖏᔪᒥᑦ ᐊᔾᔨᒌᖏᓐᓂᖏᑦ. ᐃᓚᖓ 36 (1) ᐅᖃᖅᓯᒪᔪᖅ: “ᑲᓇᑕᒥ ᒪᓕᒐᓕᐅᕐᕕᒃᔪᐊᖅ ᐊᒻᒪ ᒪᓕᒐᓕᐅᕐᕖᑦ, ᒐᕙᒪᖓᓪᓗ ᑲᓇᑕᐅᑉ ᐊᒻᒪ ᐊᕕᑦᑐᖅᓯᒪᔪᓂᑦ ᑲᓇᑕᒥ ᒐᕙᒪᖏᑦ ᑲᔪᖏᖅᓯᒪᔪᑦ: (a) ᓴᖅᑭᔮᖅᑎᑦᑎᓂᕐᒥᑦ ᐊᔾᔨᒌᓂᑦ ᐱᕕᔅᓴᖃᖅᑎᑦᑎᓂᕐᒥᑦ ᖃᓄᐃᖏᑎᐊᕐᓂᖏᓐᓄᑦ ᑲᓇᑕᒥᐅᑕᐃᑦ; (b) ᐅᖓᕐᕙᕆᐊᖅᑎᑦᑎᔪᖅ ᐱᕙᓪᓕᐊᑎᑦᑎᓂᖅ ᐊᑦᑎᓪᓕᒋᐊᕐᓗᒍ ᐊᖏᔪᒥᑦ ᐊᔾᔨᒌᖏᓐᓂᖓ ᐱᕕᔅᓴᐅᔪᓂᑦ.” ᑖᓐᓇ ᒪᓕᒐᖅᑎᒍᑦ ᑲᔪᖏᖅᓯᒪᓂᖅ ᐃᑲᔪᖅᑐᖅ ᑐᕌᒐᖏᓐᓂᑦ ᐊᒻᒪ ᓇᓗᓇᐃᖅᓯᓪᓗᓂ ᓯᕗᓪᓕᐅᔾᔭᐅᔭᕆᐊᓕᓐᓂᑦ ᒐᕙᒪᑐᖃᒃᑯᓐᓄᑦ, ᐊᕕᑦᑐᖅᓯᒪᔪᓄᑦ ᐅᑭᐅᑕᖅᑐᒥ ᐊᒻᒪ ᑲᓇᑕᒥ ᐊᕕᑦᑐᖅᓯᒪᔪᓄᑦ ᒐᕙᒪᐃᑦ.

ᑲᓇᑕ ᐊᑭᑦᑐᖃᐅᑎᓂᕐᒧᑦ ᐃᓂᒋᔭᖓ ᓯᓚᕐᔪᐊᒧᑦ ᐃᕿᓱᒫᓗᓐᓇᖅᑐᖅ, ᐊᑦᑐᐃᓂᖃᕐᒪᑦ ᐃᓅᕕᒋᔭᐅᔪᓂᑦ ᐱᓪᓚᕿᐅᔪᓂᑦ ᐊᕕᑦᑐᖅᓯᒪᔪᓂᑦ ᐃᓄᒋᐊᓐᓂᖏᑦ, ᐊᒻᒪᓗᑦᑕᐅᖅ ᑲᓇᑕ ᐊᑕᖏᖅᑐᒍ ᑮᓇᐅᔭᓕᕆᓂᖓ ᓴᖏᓂᖓ ᐊᒻᒪ ᓯᓚᕐᔪᐊᒧᑦ ᓂᕈᐊᖅᑕᐅᓯᒪᔪᓂᑦ ᐊᔭᐅᖅᑕᐅᓂᖏᑦ. ᐃᓕᓴᕆᓪᓗᒋᑦ ᑭᓪᓕᖃᖅᑎᑕᐅᓂᐅᔪᑦ ᑕᕝᕗᖓᑦᑕᐅᑎᒋ ᐊᔾᔨᒌᓐᖑᐊᑎᑦᑎᓂᕐᒧᑦ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ ᐱᔾᔪᑎᒋᓪᓗᒍ ᐊᑐᐃᓐᓴᐅᓂᖏᓐᓄᑦ ᐊᔾᔨᒌᓐᖑᐊᑎᑦᑎᓂᕐᒧᑦ ᑐᑭᓯᒋᐊᕈᑏᑦ, ᑮᓇᐅᔭᓕᕆᓂᕐᒧᑦ ᐱᕈᕐᓂᖓ, ᖃᐅᔨᓴᖅᑕᐅᓯᒪᔪ ᑲᑎᑦᑐᒋᑦ ᑲᓇᑕᒥ ᓂᐅᕕᐊᔅᓴᐃᑦ (GDP), ᐅᑭᐅᑕᖅᑐᒧ ᐊᕕᑦᑐᖅᓯᒪᔪᓄᑦ ᓇᓗᓇᐃᖅᓯᔪᑦ ᐃᓚᐃᓐᓇᖓ ᐊᕆᐅᑉ ᐊᑭᐊᓄᑦ ᐅᑭᐅᑕᖅᑐᖓ ᐊᒻᒪ ᐅᓛᓵᒃᑯᑦ ᐅᑭᐅᑕᖅᑐᖓ, ᑲᓇᑕᒥ ᐅᑭᐅᑕᖅᑐᖓ ᐊᑐᖃᑦᑕᖅᓯᒪᔪᑦ ᐊᑦᑎᓂᖅᓴᓂᑦ ᖁᕝᕙᓯᓐᓂᖏᑦ ᑮᓇᐅᔭᓕᕆᓂᕐᒧᑦ ᐱᕈᕐᓂᕐᒧᑦ. ᑎᑭᑦᑎᓂᖅ ᒪᑭᒪᔪᒥᑦ ᐱᕙᓪᓕᐊᑎᑦᑎᓂᕐᒥᑦ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ ᖁᕝᕙᓯᓐᓂᖓ ᑐᓐᖓᓂᖃᖅᑐᖅ, ᐃᓚᖓᒍᑦ, ᑲᔪᖏᖅᓯᒪᓂᒃᑯᑦ ᐊᒻᒪ ᐱᓕᕆᖃᑎᒌᓐᓂᒃᑯᑦ ᐊᑕᖏᖅᑐᑎᑦ ᐊᕕᑦᑐᖅᓯᒪᔪᑦ ᐅᑭᐅᑕᖅᑐᒥ ᐊᒻᒪ ᐱᓕᕆᖃᑎᒌᓐᓂᖏᓐᓄᑦ ᐊᑕᖏᖅᑐᑎᑦ ᐊᕕᑦᑐᖅᓯᒪᔪᓂ ᐅᑭᐅᑕᖅᑐᒥ, ᒐᕙᒪᑐᖃᒃᑯᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᒐᕙᒪᐃᑦ ᐊᒻᒪ ᑲᑐᔾᔨᖃᑎᒌᑦ ᐃᖅᑲᓇᐃᔭᖃᑎᒌᓪᓗᑎ ᑐᑭᖃᑦᑎᐊᖅᑐᒧᑦ ᐊᒻᒪ ᒪᑭᑕᑦᑎᐊᖅᑐᒧᑦ.

ᐊᕕᑦᑐᖅᓯᒪᔪᓂ ᐱᓕᕆᖃᑎᒌᓐᓂᕐᒧᑦ ᐊᐅᓚᑦᑎᓂᖅ, ᑕᑯᔅᓴᐅᖃᑎᒌᓐᓂᖅ ᐊᒻᒪ ᑖᔅᓱᒥᖓᔅᓴᐃᓐᓇᖅ ᐱᕈᖅᑎᑦᑎᓂᖅ: ᐅᑭᐅᑕᖅᑐᒥ ᐱᕙᓪᓕᐊᑎᑦᑎᓂᖅ ᐱᑕᖃᕆᐊᖃᓪᓚᕆᑦᑐᖅ ᓴᓇᔭᐅᓂᖓᓄᑦ ᓄᑖᖅ ᓂᕈᐊᖅᑕᐅᓯᒪᓂᒃᑯᑦ ᐊᒻᒪ ᑮᓇᐅᔭᓕᕆᓂᕐᒥᑦ ᐱᓕᕆᖃᑎᒌᓐᓂᕐᒥᑦ ᐅᑯᓂᖓ ᒐᕙᒪᑐᖃᒃᑯᑦ, ᐊᕕᑦᑐᖅᓯᒪᔪᓂᑦ ᒐᕙᒪᐃᑦ, ᓄᓇᖃᖅᑳᖅᓯᒪᔪᓄᑦ ᒐᕙᒪᐃᑦ ᐊᒻᒪ ᑲᑐᔾᔨᖃᑎᒌᑦ, ᐊᒻᒪ ᓄᓇᖃᖅᑳᖅᓯᒪᔪᑦ ᐃᓄᖏᑦ. ᐊᕕᑦᑐᖅᓯᒪᔪᒥᐅᑕᐃᑦ ᐃᓄᖏᑦ ᑎᑭᑦᑎᒐᔪᑦᑐᑦ ᐃᓅᖃᑎᒌᓐᓂᕐᒧᑦ ᑮᓇᐅᔭᓕᕆᓂᕐᒧᑦ ᐊᔾᔨᒌᑦᑎᑦᑎᓂᕐᒥᑦ ᓴᓂᐊᓂ ᖃᓪᓗᓈᑦ ᓄᓇᖓᓐᓂ ᐊᒻᒪ ᐱᒻᒪᕆᐅᔪᑦ ᑲᓇᑕᒧ ᓯᕗᓂᔅᓴᖓᓄ ᑮᓇᐅᔭᓕᕆᓂᒃᑯᑦ ᑲᔪᓯᓂᖓᓄᑦ ᑕᒪᒃᑭᓐᓂ ᐊᖏᕋᒥ ᐊᒻᒪ ᓯᓚᕐᔪᐊᒥᑦ. ᐱᒻᒪᕆᐅᔪᖅ ᑲᓇᑕᐅᑉ ᓇᓗᓇᐃᒃᑯᑕ ᐅᑭᐅᑕᖅᑐᖅ ᐃᓂᖃᖅᑐᓂ, ᐊᒻᒪ ᐃᓚᒋᔭᐅᓪᓚᕆᑦᑐᖅ ᐱᔪᒪᔭᐅᔪᓂᑦ.

ᐊᑐᓂ ᐊᕕᑦᑐᖅᓯᒪᔪᑦ, ᓇᒻᒥᓂᖅ ᐅᖃᖅᑕᖏᓐᓂ ᐊᒻᒪ ᖃᐊᖓᒃᑰᓂᒃᑯᑦ, ᓯᕗᒧᐊᑉᐸᓪᓕᐊᔪᖅ ᐊᖅᑯᑎᖓᒍᑦ ᐃᓅᖃᑎᒌᓐᓂᒃᑯᑦ ᐱᖅᑯᓯᓄᑦ, ᑮᓇᐅᔭᓕᕆᓂᕐᒧᑦ ᐊᒻᒪ ᓂᕈᐊᖅᑕᐅᓯᒪᔪᓕᕆᓂᕐᒧᑦ ᐱᓕᕆᖃᑎᒌᓐᓂᐅᔪᑦ ᐊᐅᓚᑦᑎᓂᕐᒧᑦ ᐊᒻᒪ ᐃᑉᐱᒍᓱᑦᑎᐊᓂᕐᒧᑦ ᑕᑯᔅᓴᐅᖃᑎᒌᓐᓂᕐᒧᑦ ᑲᑎᓐᖓᒧᓂᑦ ᓄᓇᓂᑦ ᐊᒻᒪ ᓯᕗᓂᔅᓴᒧᑦ. ᐃᓕᓴᖅᓯᓂᖅ ᐱᓪᓚᕆᐅᔪᓂᑦ ᐱᔪᓐᓇᐅᑎᓂᑦ ᐊᒻᒪ ᑲᒪᒋᔭᐅᔭᕆᐊᖃᖅᑐᓂᑦ ᐊᕕᑦᑐᖅᓯᒪᔪᓂᑦ ᐃᓄᓐᓄᑦ ᒐᕙᒪᖏᓐᓄᑦ, ᓄᓇᖃᖅᑳᖅᓯᒪᔪᑦ ᒐᕙᒪᖏᓐᓄᑦ ᐊᒻᒪ ᑲᑐᔾᔨᖃᑎᒌᓄᑦ ᑐᓐᖓᕕᒋᓪᓗᐊᑕᐅᔪᑦ, ᐊᐅᓚᓂᖃᑦᑎᐊᖅᑐᑦ ᐊᒻᒪ ᐊᐅᓚᓂᖃᑦᑎᐊᖅᑐᒥ ᐱᓕᕆᖃᑎᒌᓐᓂᕐᒥ ᓴᓇᓯᒪᓂᖏᑦ. ᐊᑐᓂ ᐊᕕᑦᑐᖅᓯᒪᔪᒥᐅᑕᐅᔪᑦ ᐱᔪᓐᓇᖅᑎᑕᐅᔪᑦ ᐊᔾᔨᒌᓂᑦ ᐱᔪᓐᓇᖅᑎᑕᐅᓂᕐᒧᑦ ᐱᑕᖃᕆᐊᖃᖅᑐᓂᑦ ᐱᓕᕆᐊᓂᑦ ᐊᒻᒪ ᐱᔨᑦᑎᖅᑕᓂᑦ, ᐊᒻᒪ ᐱᕕᔅᓴᐅᔪᓐᓇᖅᑐᑦ ᐱᕈᖃᑎᒌᓪᓗᓂ.

ᐊᑭᑦᑐᕋᐅᑎᓂᖅ ᐊᒻᒪ ᐱᓕᕆᖃᑎᒌᓐᓂᖅ: ᐱᖓᓲᔪᑦ ᐊᕕᑦᑐᖅᓯᒪᔪᑦ, ᐊᔾᔨᒌᖏᒃᑲᓗᐊᖅᑐᑎᑦ ᓂᕈᐊᖅᑕᐅᓯᒪᓂᒃᑯᑦ ᒐᕙᒪᖃᕐᕖᑦ , ᐊᑭᑦᑐᕋᐅᑎᕙᑦᑐᑦ ᓯᓚᑖᓂ ᐱᓕᕆᑎᑦᑎᓂᕐᒧᑦ ᐃᓄᓐᓂᑦ ᐊᒻᒪ ᓇᒻᒥᓂᕆᔭᐅᔪᓂᑦ ᓯᕗᒧᐊᑦᑎᒋᐊᓂᐊᕐᓗᒍ ᐃᓅᖃᑎᒌᓐᓂᕐᒧᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᓄᖏᓐᓄᑦ ᐱᔨᑦᑎᖅᑕᖏᓐᓄᑦ, ᐊᕕᑦᑐᖅᓯᒪᔪᑦ ᐊᑯᓂᐅᔪᖅ ᐱᓕᕆᖃᑎᒌᖃᑦᑕᖅᓯᒪᓂᑰᔪᑦ ᐊᒻᒪ ᐱᓕᕆᖃᑎᒌᑦᑎᐊᓂᒃᑯᑦ.

ᐊᔾᔨᒌᖑᓂᖏᓐᓄᑦ ᐱᖅᑯᓯᖏᑦ ᓴᖏᔪᓂᑦ ᐊᒻᒪ ᐱᑕᖃᒻᒪᕆᑦᑐᓂᑦ ᐱᖅᑯᓯᓂᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᓂ ᐅᑭᐅᑕᖅᑐᒥ ᐱᑕᖃᕆᐊᖃᖅᑎᑦᑎᔪᖅ ᑖᒃᑯᐊ ᐱᖓᓱᑦ ᐊᕕᑦᑐᖅᓯᒪᔪᑦ ᑲᔪᓯᑎᑦᑎᓗᑎ ᐱᓕᕆᖃᑎᒌᓐᓂᕐᒥᑦ ᐊᒻᒪ ᒪᑐᐃᖓᑎᑦᑏᓇᕐᓗᑎ ᑭᓪᓕᖏᓐᓂ ᐱᔪᒪᓂᖃᓕᖅᑎᑦᑎᓗᑎ ᐅᖓᑕᐅᔾᔨᖃᑦᑕᐅᑎᒍᓐᓇᕐᓗᑎ, ᑮᓇᐅᔭᓕᕆᕕᔅᓴᐅᔪᓐᓇᖅᑐᑦ, ᓄᓇᒦᖔᖅᑐᑦ ᐊᒻᒪ ᐆᒪᔪᓂᑦ ᐊᐅᓚᑦᑎᓂᕐᒧᑦ ᑐᕌᒐᖏᓐᓂ . ᐱᖓᓱᑦ ᐊᕕᑦᑐᖅᓯᒪᔪᑦ ᑲᔪᖏᖅᓯᒪᐃᓐᓇᖅᑐᑦ ᑲᔪᓯᑎᑕᐅᓗᓂ ᐃᖅᑲᓇᐃᔭᖃᑎᒌᓐᓂᖅ, ᐊᒻᒪ ᓴᖓᑎᑦᑎᓂᕐᒥᑦ ᐱᓕᕆᖃᑎᒌᓐᓂᕐᒥᑦ ᓄᓇᖃᖅᑳᖅᓯᒪᔪᓂᑦ ᒐᕙᒪᓂᑦ ᐊᒻᒪ ᑲᑐᔾᔨᖃᑎᒌᓂᑦ, ᐊᒻᒪ ᑲᓇᑕ ᐱᕈᕐᕕᒋᔪᓐᓇᖅᑕᖓ ᐊᒻᒪ ᐊᖏᓪᓕᒋᐊᕐᓗᒍ ᐊᑭᑦᑐᖃᐅᑎᓂᐅᔪᖅ ᑐᕌᕐᕕᐅᓂᖅᓴᐅᓗᑎ ᓄᓇᒦᖔᖅᑐᓂᑦ ᐲᔭᖅᑕᐅᔪᓂᑦ. ᑕᒪᓐᓇᐅᔪᖅ ᑐᓂᓯᓂᐊᖅᑐᖅ ᐃᓄᓐᓄᑦ ᐊᑐᓂ ᐊᕕᑦᑐᖅᓯᒪᔪᓂᑦ ᐃᓅᖃᑎᒌᓐᓂᕐᒧᑦ ᐊᒻᒪ ᑮᓇᐅᔭᓕᕆᓂᕐᒧᑦ ᐃᑲᔫᑏᑦ ᐃᓱᒪᓕᐅᖃᑦᑕᓂᕐᒧᑦ ᐱᔭᐅᓂᖏᓐᓄᑦ ᐊᒻᒪ ᑲᒪᒋᔭᖃᑦᑎᐊᕐᓗᓂ ᓴᖅᑭᖅᑎᑕᐅᓗᑎᑦ ᑖᒃᑯᐊ ᓄᓇᒦᖔᖅᑐᑦ.

ᑮᓇᐅᔭᓕᕆᓂᕐᒧᑦ ᐱᔪᓐᓇᕐᓂᖓ ᐊᒻᒪ ᒪᑭᒪᑎᑕᔅᓴᐅᓂᖓ: ᑲᑎᓐᖓᓪᓗᑎ ᐊᕐᕌᒍᑕᒫᑦ ᑮᓇᐅᔭᖅᑐᕈᑏᑦ ᐊᕕᑦᑐᖅᓯᒪᔪᓂᑦ ᐅᖓᑖᓃᑦᑐᑦ $5.2 ᐱᓕᐊᓐ, ᐊᒻᒪ ᖃᓂᒋᔭᐸᓗᐊᓂ 75% ᑖᒃᑯᓇᓂ ᐊᐅᓪᓛᖅᑕᐅᔪᑦ ᑲᓇᑕᒥ. ᐊᑐᓂ ᐊᕕᑦᑐᖅᓯᒪᔪᑦ ᐱᕙᑦᑕᖏᑦ ᐊᔅᓱᕈᓐᓴᖅᑐᑦ ᑮᓇᐅᔭᑎᒍᑦ ᐱᔪᓐᓇᕐᓂᖏᑦ ᐊᒻᒪ ᖃᓄᐃᓐᓂᕆᔪᓐᓇᖅᑕᖏᓐᓄᑦ ᑭᓪᓕᖏᑦ ᐱᓕᕆᑎᑦᑎᓂᐊᕐᓗᓂ ᐱᑕᖃᕆᐊᖃᓪᓚᕆᑦᑐᓂᑦ ᐱᓕᕆᐊᓂᑦ ᐊᒻᒪ ᐱᔨᑦᑎᖅᑕᓂᑦ, ᐊᒻᒪᓘᒋᕗᖅᑕᐅᖅ ᐊᑐᖅᑕᐅᓂᐊᖅᑐᖅ ᐊᒻᓴᒪ ᑮᓇᐅᔭᓕᕆᓂᕐᒥᑦ ᐱᖁᑎᕐᔪᐊᖅ. ᐊᕕᑦᑐᖅᓯᒪᔪᒧᑦ ᑮᓇᐅᔭᓂᑦ ᐱᔪᓐᓇᕐᓂᖓ ᐱᓕᕆᑎᑦᑎᓂᕐᒧᑦ ᐊᔅᓱᕈᕈᑕᐅᒃᑲᓂᕐᒥᔪᖅ ᐊᑐᖅᑐᐊᕈᓐᓇᓂᕐᒧᑦ ᑭᓪᓕᖏᑦ ᐋᖅᑭᑦᑕᐅᓯᒪᔪᑦ ᒐᕙᒪᑐᖃᒃᑯᓐᓄᑦ, ᐊᒻᒪ ᐊᑐᐃᓐᓇᐅᔪᖅ ᐊᑭᓕᔅᓴᓂᒍᓐᓇᕐᓂᖓ.

ᐊᕕᑦᑐᖅᓯᒪᔪᑦ ᑮᓇᐅᔭᓕᕆᓂᕐᒧᑦ ᒪᑭᑕᑦᑎᐊᕐᓂᖏᑦ ᐊᑦᑐᐊᓂᖃᖅᑐᑦ ᓴᖏᓂᖏᓐᓄᑦ ᐊᓯᖏᓐᓄᑦ ᑮᓇᐅᔭᓕᕆᓂᐅᔪᓄᑦ.  ᐃᒪᒋᓪᓗᓂᐅᒃ ᑲᔪᓰᓐᓇᖅᑐᒥᑦ ᐱᕙᓪᓕᐊᑎᑦᑎᓂᕐᒧᑦ, ᒨᑳᓐ ᐊᒻᒪ ᓄᓇᑦᓯᐊᖅ ᓄᓇᓄᑦ ᐊᒻᒪ ᓄᓇᒦᖔᖅᑐᓂᑦ ᐊᐅᓚᑦᑎᓂᖃᖅᑐᑦ ᐃᒻᒥᒃᑰᕈᓐᓇᓂᕐᒧᑦ ᐊᖏᕈᑎᓂᑦ ᑲᓇᑕᒧ. ᓄᓇᕗᑦ ᐋᔩᖃᑎᖃᖅᐸᓪᓕᐊᔪᑦ ᓄᓇᓂᑦ ᐊᒻᒪ ᓄᓇᒦᖔᖅᑐᓂᑦ ᐃᒻᒥᒃᑯᑦ ᐊᖏᕈᑎᒥᑦ ᑲᓇᑕᒃᑯᓐᓄᑦ. ᐊᑐᖅᑕᐅᓂᐊᖅᑐᑦ ᐱᓕᕆᓂᐅᔪᑦ ᐱᖁᑎᕐᔪᐊᓂᑦ ᐱᕈᖅᑎᑦᑎᓂᖃᖅᑐᖅ ᓄᓇᒦᖔᖅᑐᓂᑦ ᐱᕙᓪᓕᐊᑎᑦᑎᓂᕐᒧᑦ ᐃᓂᔅᓴᓕᐅᓂᐊᖅᑐᑦ ᐊᕕᑦᑐᖅᓯᒪᔪᑦ ᐊᑐᖅᑐᔅᓴᖏᓐᓂ ᐱᓕᕆᑎᑦᑎᔾᔪᑎᐅᒃᑲᓐᓂᕈᓐᓇᖅᑐᑦ. ᑐᕌᒐᖏᑦ ᐊᖏᔪᒥᑦ ᐊᒻᒪ ᓯᐊᒻᒪᖅᓯᒪᔪᒥᑦ ᖁᕝᕙᕆᐊᖅᑎᑦᑎᓂᐊᖅᑐᖅ ᓇᒻᒥᓂᖅ ᑕᑎᒋᔪᓐᓇᓂᕐᒧᑦ ᐊᒻᒪ ᓄᓇᓕᒻᒧᑦ ᖃᓄᐃᖏᑎᐊᕐᓂᖓᓄᑦ ᐊᒻᒪ ᑕᐃᒪᐃᓐᓂᖓᓄᑦ ᐊᕕᑦᑐᖅᓯᒪᔪᑦ ᑐᓐᖓᕕᖃᖏᓂᖅᓴᐅᓕᒐᔭᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓂ ᑮᓇᐅᔭᑎᒍᑦ.  ᓯᕗᓪᓕᖅᐹᖅ ᑕᒪᓐᓇ ᑎᑭᓐᓂᐊᕐᓗᒍ ᐊᕕᑦᑐᖅᓯᒪᔪᑦ ᐊᑭᑦᑐᖃᐅᑎᓂᖅᓴᐅᓕᖅᑐᑎᑦ ᐊᒻᒪ ᖁᕝᕙᕆᐊᖅᑐᑎᑦ ᐱᓕᕆᑎᑦᑎᓂᕐᒥᑦ ᖁᓚᕐᓇᑎ ᐊᒻᒪ, ᐊᑦᑎᓪᓕᒋᐊᖅᑎᑎᑎᓪᓗᓂ ᐊᑭᖏᓐᓂ ᐃᓅᓇᓱᐊᓂᕐᒧᑦ ᐊᒻᒪ ᐱᓕᕆᓂᕐᒧᑦ – ᐊᑦᑐᐊᓂᖃᖅᑐᑦ ᐱᓕᕆᑎᑦᑎᓂᕐᒥᑦ ᐱᒻᒪᕆᐅᔪᖅ ᐱᖁᑎᕐᔪᐊᖅ.

ᐱᖁᑎᕐᔪᐊᓂ ᖃᐅᔨᒪᔭᐅᖏᑦᑐᑦ ᐊᒻᒪ ᐱᓕᕆᑎᑦᑎᓂᖅ: ᐱᖓᓱᑦ ᐊᕕᑦᑐᖅᓯ, ᐊᔾᔨᖓᑎᑐᑦ ᑲᓇᑕᒥ ᐅᑭᐅᑕᖅᑐᒥ, ᐱᖁᑎᕐᔪᐊᓂᑦ ᐱᑕᖃᑦᑎᐊᖏᑦᑐᑦ ᓴᖅᑭᑎᑦᑎᕙᓪᓕᐊᔪᑦ ᐊᔅᓱᕈᕈᑕᐅᔪᓂᑦ ᐊᑦᑕᓴᐃᖅᓯᒪᓂᕐᒧᑦ ᐊᒻᒪ ᐱᐅᓂᖓᐊᓄᑦ ᐃᓅᓯᖅ ᓄᓇᓕᒻᒥᐅᑕᓄᑦ ᐱᐅᖏᑦᑐᒥ ᐊᑦᑐᐃᓂᖃᖅᑎᑦᑎᓗᓂ ᐃᓅᖃᑎᒌᓐᓂᒃᑯᑦ ᑮᓇᐅᔭᓕᕆᓂᕐᒥ ᐱᕈᓂᕐᒥᑦ, ᓄᓇᒦᖔᖅᑐᓂᑦ ᐱᕙᓪᓕᐊᑎᑦᑎᓂᖅ, ᐊᒻᒪ ᑐᐊᕕᕐᓇᖅᑐᓄᑦ ᐊᐅᓚᑦᑎᓂᖅ. ᐃᓄᓐᓄᑦ ᐊᒻᒪ ᑮᓇᐅᔭᓕᕆᓂᕐᒧᑦ ᐱᑕᖃᕐᓂᕆᔪᓐᓇᖅᑕᖏᑦ ᐱᖓᓱᓕᒫᓂᑦ ᐊᕕᑦᑐᖅᓯᒪᔪᓂᑦ ᒫᓐᓇᐅᔪᒥᑦ ᐊᔅᓱᕈᕈᑕᐅᔪᖅ ᐃᖏᕋᔾᔪᑎᖃᑦᑎᐊᖏᓐᓂᖓᓄᑦ, ᓴᓗᒪᔪᓂᑦ ᐆᒻᒪᖅᑯᑎᓂ ᐊᒻᒪ ᖃᕋᓴᐅᔭᒃᑰᕈᓐᓇᖅᑐᓂ ᑐᓴᐅᒪᔾᔪᑎᓕᕆᓂᕐᒥᑦ ᐱᖁᑎᕐᔪᐊᑦ. ᐊᒥᓱᑦ ᐅᑭᐅᑕᖅᑐᒥ ᓄᓇᓖᑦ  ᐱᕕᔅᓴᖃᑦᑎᐊᖏᑦᑐᑦ ᖃᓄᐃᑦᑐᑐᐃᓐᓇᕐᓂ ᐊᑐᐊᕆᐊᓂᑦ ᑲᑎᓐᖓᔪᓂᑦ, ᐊᖅᑯᑎᑖᒥᓪᓘᓐᓃᑦ ᐊᕐᕌᒍᓕᒫᕈᓐᓇᖅᑐᒥᑦ. ᐃᓚᒋᐊᕐᓗᒍ, ᐊᒥᓲᓂᖅᓴᐃᑦ ᓄᓇᓖᑦ ᐊᓯᐊᒍᕈᑎᔅᓴᖃᖏᑦᑐᑦ ᐅᖅᓱᐊᓗᑦᑐᖅᑐᓄ ᐊᐅᓚᐅᑎᓄᑦ, ᐊᑭᑐᔪᒻᒪᕆᐅᔪᖅ ᐊᒻᒪ ᓯᓚᓗ ᐊᓯᔾᔨᐸᓪᓕᐊᓂᖓᓅᖅᑐᓂ.

ᐊᒥᓱᒐᒪᐅᔪᑦ ᐊᑐᖅᑕᐅᓂᐊᖅᑐᑦ ᐊᒻᒪ ᑮᓇᐅᔭᓕᕆᓂᕐᒧᑦ ᐱᖁᑎᕐᔪᐊᑦ ᐱᕙᓪᓕᐊᑎᑦᑎᕕᔅᓴᐅᔪᓐᓇᖅᑐᑦ ᐊᑦᑎᓕᒋᐊᖅᑎᑦᑎᓂᐊᖅᑐᖅ ᐊᑭᖏᓐᓂ ᐃᓅᓇᓱᓐᓂᕐᒧᑦ ᐊᒻᒪ ᐱᐅᔪᒥᑦ ᐊᑦᑐᐃᓂᖃᕐᓗᓂ ᐃᓄᓐᓄᑦ ᐊᒻᒪ ᓄᓇᓕᒻᒧᑦ ᖃᓄᐃᖏᑎᐊᕐᓂᖏᓐᓄᑦ.  ᑖᒃᑯᐊ ᐱᕕᔅᓴᐅᔪᓐᓇᖅᑐᑦ ᑮᓇᐅᔭᓕᕆᓂᑦᑎᒍᑦ ᐊᑯᑦᑐᖅᓯᒪᒧᓕᒫᓄᑦ ᐱᔭᐅᒧᓐᓴᖅᑐᑦ ᐊᒻᒪ ᐃᓄᓐᓄᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᒐᕙᒪᐃᑦ ᐊᒻᒪ ᑲᑐᔾᔨᖃᑎᒋᑦ. ᑕᐃᒪᓐᓇᐃᑦᑐᑦ ᐱᓕᕆᑎᑦᑎᓂᐅᔪᑦ ᐊᒡᒍᐃᓇᓱᖏᑦᑐᑦ ᑮᓇᐅᔭᓕᕆᓂᕐᒥ ᐸᐃᖓ ᑭᓯᐊᓂᓕ ᐃᖅᑲᓇᐃᔭᖃᑎᒌᖔᖅᑐᑎᑦ ᓱᓕᔪᒥᑦ ᐱᓕᕆᖃᑎᒌᓐᓂᕐᒥᑦ ᐊᖏᓂᖅᓴᕈᖅᑎᓪᓗᒍ ᑮᓇᐅᔭᓕᕆᓂᐅᔪᖅ ᑎᑭᑦᑎᓂᐊᖅᑐᖅ ᐊᖏᓂᖅᓴᒧ, ᐃᑎᓂᓕᖅᓴᒧᑦ ᐊᒻᒪ ᒪᑭᑕᓗᓂ ᐱᕈᕐᓂᖓ ᐊᕕᑦᑐᖅᓯᒪ,ᔪᓕᒫᓂᑦ ᐊᒻᒪ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ.