ᐅᖃᓚᐅᑎᓯᐅᑏᑦ

You are here

ᐊᕙᑎᓕᕆᓂᖕᒧᑦ ᐱᓇᓱᐊᕈᓯᐊ ᐊᔾᔨᒌᙱᑦᑐᑦ ᐆᒪᓂᓕᖕᓂᑦ ᓴᖅᑭᔮᖅᑎᑦᑎᕗᑦ

ᓄᓇᕗᑦ ᒐᕙᒪᒃᑯᖏᑦ ᖁᕕᐊᓲᑎᖃᖕᒪᑕ ᐊᔾᔨᒌᙱᑦᑐᑦ ᐆᒪᓂᓕᖕᓂᑦ ᑕᒪᑐᒪᓂ ᐊᕐᕌᒍᒥᑦ ᐊᕙᑎᓕᕆᓂᖕᒧᑦ ᐱᓇᓱᐊᕈᓯᐊᓂᑦ ᖃᕆᑕᐅᔭᒃᑯᑦ ᑕᕐᕆᔭᖅᑎᑦᑎᓗᑎᒃ ᓵᓚᒃᓴᕋᓱᒃᑎᑦᑎᓗᑎᒃᓗ ᑎᑎᕋᐅᔭᖕᓂᖕᒥᑦ.

ᓄᓇᕗᒻᒥ ᓯᓚᑦᑐᖅᓴᕐᕕᐊ ᐅᓂᒃᑳᓕᐅᖕᒪᑕ ᐅᑭᐅᖅᑕᑐᒥᑦ ᐱᕈᕐᓰᓂᖅ ᐊᑐᐃᓐᓇᐅᓗᓂ ᓴᖅᑭᔮᕐᓗᓂ. ᓄᓇᕗᒻᒥᐅᑦ ᑕᕐᕆᓴᖁᔭᐅᕗᑦ ᐃᓕᑦᑎᕚᓪᓕᖁᓪᓗᒋᑦ ᐊᒃᓱᕈᖕᓇᖕᓂᖓᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐅᑭᐅᖅᑕᖅᑐᒥᑦ ᐆᒪᔪᖁᑎᑦᑎᓐᓄᑦ. 

ᓵᓚᒃᓴᕋᓱᒃᑐᖃᓛᖕᒥᔪᖅ ᑎᑎᕋᐅᔭᕐᓗᑎᒃ ᐃᓄᐃᑦ ᑕᑯᔪᓐᓇᓛᕐᑕᖏᓐᓂᑦ ᐃᓕᓚᐅᕐᑕᒥᑦ ᐅᑭᐅᖅᑕᖅᑑᑉ ᐊᔾᔨᒌᙱᕈᓘᔭᖅᑐᑦ ᐆᒪᔪᖁᑎᖏᓐᓂᑦ. ᔫᓐ 5−ᒥᑦ 11−ᒥᑦ, ᓄᓇᕗᑦ ᒐᕙᒪᒃᑯᖏᑦᑕ ᕙᐃᔅᐳᒃᖓᒍᑦ ᑐᐃᑐᖓᒍᓪᓗ @GOVofNUNAVUT ᓴᖅᑭᔮᕐᑎᑦᑎᓛᕐᑐᑦ ᑐᓴᐅᒪᔾᔪᑎᒃᑯᑦ ᓴᖅᑭᑕᐅᓗᑎᒃ ᐃᓚᖃᕐᓗᑎᒃ ᓱᓕᔪᓂᑦ ᐊᔾᔨᒌᙱᑦᑐᑦ ᐆᒪᓂᓖᑦ ᓄᓇᕗᒻᒥᑦ. ᓄᓇᕗᒻᒥᐅᑦ ᐃᓚᐅᔪᒪᔪᑦ ᓂᕈᐊᕈᓐᓇᕐᑐᑦ ᐊᔾᔨᒌᙱᑦᑐᑦ ᐆᒪᓂᓕᖕᓂᑦ ᓄᓇᕗᒻᒧᑦ ᑎᑎᕋᐅᔭᒥᓂᒃ.

ᓇᓗᓇᐃᒃᑯᑕᕐᓗᒍ ᑎᑎᕋᐅᔭᐃᑦ ᐃᓚᖓᓐᓄᑦ ᓄᓇᕗᑦ ᒐᕙᒪᒃᑯᖏᑦᑕ ᑐᓴᐅᒪᑎᑦᑎᔾᔪᑎᖏᓐᓄᑦ ᓵᓚᒃᓴᕋᓱᖕᓂᐊᕐᓗᓯ ᐊᑕᐅᓯᖕᒥᑦ ᒪᕐᕉᖕᓂᖔᕐᑐᓂᑦ ᐊᕙᑎᓕᕆᔨᒃᑯᑦ ᐅᖃᓕᒫᒐᖃᕐᕕᐊᓂᑦ:

ᓄᑕᖅᑲᓄᑦ ᐅᖃᓕᒫᒐᑦ ᓵᓚᒃᓴᒐᒃᓴᐃᑦ:

ᐅᑭᐅᖅᑕᖅᑐᒥᑦ ᑯᒪᐃᑦ

ᐅᑭᐅᖅᑕᖅᑐᒥᑦ ᐱᕈᖅᑐᑦ

ᐆᒪᔪᕋᓛᑦ ᐅᑭᐅᖅᑕᖅᑐᒥᑦ

ᐆᒪᔪᕐᔪᐊᑦ ᐅᑭᐅᖅᑕᖅᑐᒥᑦ

ᖃᐅᔨᒋᐊᕐᕕᒃᓴᐃᑦ ᐅᖃᓕᒫᒐᐃᑦ: 

ᑎᒻᒥᐊᑦ ᓄᓇᕗᒻᒥ ᐅᖃᓕᒫᒐᖅ

ᖁᐱᕐᕈᐃᓪᓗ ᑯᒪᐃᓪᓗ ᓄᓇᕗᒻᒥ

ᓄᓇᒥᐅᑦ ᐆᒪᔪᑦ ᐊᒫᒪᒃᑎᑦᑎᔪᑦ ᓄᓇᕗᒻᒥ

ᑕᕆᐅᕐᒥᐅᑦ ᐆᒪᔪᑦ ᐊᒫᒪᒃᑎᑦᑎᔪᑦ ᓄᓇᕗᒻᒥ

ᐃᓚᐅᓂᐊᕐᐳᑎᑦ ᐱᖁᑎᑕᖃᐅᕐᓂᖓᓂᑦ!