ᐊᕙᑎᑦᑎᓐᓂᒃ ᓴᐳᒻᒥᒃᖠᓂᖅ

ᓴᐳᒻᒥᒃᖠᓂᖅ ᐊᕙᑎᑦᑎᓐᓂᒃ ᐱᔭᕆᐊᑐᕗᖅ ᐅᔾᔨᖅᓱᑦᑎᐊᖏᓐᓇᕆᐊᖃᖅᖢᓂᓗ ᐊᒻᒪᓗ  ᐃᑲᔪᖅᑕᐅᔭᕆᐊᖃᖅᖢᑕ ᓄᓇᕗᒻᒥᐅᓂ, ᖃᐅᔨᓴᖅᑎᒻᒪᕆᖕᓂᓪᓗ, ᓴᓇᕝᕕᐅᕙᒃᑐᓂᒃᓄ ᐊᒻᒪᓗ ᒐᕙᒪᒃᑯᓐᓂᑦ.  ᓴᐳᒃᒥᒃᖠᖅᑏᑦ ᐊᕙᑎᑦᑎᓐᓂᑦ ᐱᓕᕆᔨᖏᑦ ᐊᔾᔨᒌᖏᑦᑐᓂ ᐊᑐᐊᒐᖃᐅᖅᐳᑦ ᐊᒻᒪᓗ ᐊᐅᓚᑕᐅᔾᔪᑎᓂᒃ ᐱᓕᕆᐊᒃᓴᓂ, ᐃᓚᐅᓪᓗᓂ ᖃᔅᓯᐊᕐᔪᐃᑦ ᐊᖏᕈᑏᑦ ᓄᓇᕗᒻᒥᑦ ᓄᓇᑖᕈᑎᓂᙶᕐᓯᒪᔪᓂᒃ (NCLA).  ᑖᒃᑯᐊ ᐱᓕᕆᕝᕕᖏᑦ ᐊᐅᓚᑦᑎᕗᑦ ᐊᕙᑎᐅᑉ ᓴᐳᒻᒥᔭᐅᓂᖓᓂ ᐱᖁᔭᕐᔪᐊᒥᑦ (Environmental Protection Act), ᐃᓕᓴᕐᓯᓯᒪᓪᓗᑎᒃ ᑭᒃᑯᓕᒫᑦᑎᐊᑦ ᐱᓕᕆᕝᕕᓖᑦ ᑲᒪᖃᑕᐅᔭᕆᐊᖃᖕᓂᖏᑦ ᐸᖅᑭᒃᖠᔨᐅᖃᑕᐅᓗᑎᒃ ᐊᕙᑎᑦᑎᓐᓂᒃ.

ᓴᐳᒻᒥᒃᖠᖅᑏᑦ ᐊᕙᑎᑦᑎᓐᓂᑦ ᑲᒪᕗᑦ ᑖᒃᑯᐊ ᓄᓇᕘᑉ ᐊᕙᑎᖏᑦ ᓴᐳᒻᒥᔭᐅᓂᖏᓐᓂᒃ, ᖁᕝᕙᕆᐊᖅᑕᐅᓂᖏᓐᓂᒃ ᐊᒻᒪᓗ ᐱᕚᓪᓕᖅᑎᑕᐅᓂᖓᓂ, ᑲᒪᑦᑎᐊᖁᔨᓯᒻᒫᑦ ᐱᕙᓪᓕᐊᓂᖏᓐᓂᒃ ᑐᓴᕋᓱᖃᑦᑕᕐᓂᒃᑯ ᑐᑭᒧᐊᒃᑕᐅᓂᒃᑯᓪᓗ ᐊᔾᔨᒌᖏᑦᑐᑎᒍᑦ ᐱᓇᔪᒍᑎᑎᒍᑦ.

ᑕᑯᒋᐊᕐᓗᒍ ᖃᐅᔨᒋᐊᕐᕕᖓ ᐊᕙᑎᒥᑦ ᓴᐳᒻᒥᒃᖠᓂᕐᒧᑦ ᒪᓕᒋᐊᓖᑦ ᐊᒻᒪᓗ ᐊᑐᐊᒐᐃᑦ ᓄᓇᕗᒻᒥᑦ (Environmental Protection Legislation and Regulations).

 
ᑐᕌᒐᕆᔭᐅᔪᑦ

ᑐᕌᒐᕆᔭᐅᔪᑦ ᓴᐳᒻᒥᒃᖠᖅᑏᑦ ᐊᕙᑎᑦᑎᓂ ᐅᑯᐊᖑᕗᐃᑦ:

• ᓄᓇᕗᒻᒥᑦ ᐊᕙᑎᒧᑦ ᓴᐳᒻᒥᒃᖠᕈᑎᐅᑉ ᐱᖁᔭᕐᔪᐊᖓ ᐊᑐᓕᕐᑎᑕᐅᓗᓂ, ᐊᒻᒪᓗ ᐊᒃᑐᐊᔪᑦ ᐊᑐᐊᒐᐃᑦ ᐊᒻᒪᓗ ᒪᓕᒋᐊᓖᑦ ᒪᓕᒃᑕᐅᑦᑎᐊᖏᓐᓇᖃᑦᑕᖁᓪᓗᒋᑦ, ᐱᓕᕆᐊᖑᑦᑎᐊᕐᓗᑎᒃᓗ ᓈᒻᒪᑦᑎᐊᕐᑐᒥᒃ;
• ᐱᕚᓪᓕᖅᑎᓪᓗᒋᑦ ᐊᒻᒪᓗ ᖁᕝᕙᕆᐊᕐᓗᒋᑦ ᐊᑲᐅᔪᒃᑯᑦ ᓈᒻᒪᒃᑐᒃᑯᓪᓗ ᐊᕙᑎᒧᑦ ᑐᐊᕕᖕᓇᖅᑐᖃᓕᖕᓂᖅᐸᑦ ᐅᐸᓗᖓᐃᔭᖅᓯᒪᔪᓐᓇᖁᓪᓗᒋᑦ ᓄᓇᕗᒻᒥᑦ;
• ᐱᒋᐊᖅᑎᑦᑎᓗᑎᒃ ᐱᓕᕆᐊᕆᓗᓂᔾᔪᒃ ᓇᓗᓇᐃᖅᓯᓂᖕᒥᑦ ᐊᒻᒪᓗ ᖃᓄᖅᑑᕈᓐᓇᖁᓪᓗᒋᑦ ᐊᕙᑎᒧᑦ ᐊᑲᐅᙱᓕᐅᕈᑎᔪᑦ;
• ᑐᓴᖅᑎᑦᑎᕙᒃᓗᑎᒃ ᐊᒻᒪᓗ ᑐᑭᒧᐊᒃᑎᑦᑎᕙᒃᓗᑎᒃ ᓴᓇᕝᕕᐅᕙᒃᑐᓂᑦ, ᒐᕙᒪᒃᑯᓐᓂᑦ ᐊᒻᒪᓗ ᐃᓄᓕᒫᓂ ᐊᕙᑎᓂ ᖃᐅᔨᓴᖕᓂᒃᑯᑦ ᕿᒥᕐᕈᔭᐅᕙᓪᓕᐊᓂᖏᑎᒍᑦ ᐊᒻᒪᓗ ᓄᓇᒥ ᐊᑐᒐᒃᓴᓂ ᐸᖕᓇᐅᑎᓂ ᐱᒋᐊᕈᑎᓂᒃ ᐊᒃᑐᐃᓗᐊᖁᓇᒋᑦ ᓴᓇᕝᕕᐅᔪᑦ ᐊᒻᒪᓗ ᐊᓯᖏᑦ ᖃᓄᐃᓕᐅᕈᑕᐅᕙᒃᑐᓄᑦ ᐊᕙᑎᓄᑦ;
• ᐃᑲᔪᕐᓗᑎᒃ ᒐᕙᒪᒃᑯᓐᓂᑦ, ᓴᓇᕝᕕᐅᕙᒃᑐᓂᑦ ᐊᒻᒪᓗ ᐃᓄᓕᒫᓂ ᒪᓕᑦᑎᐊᖁᓪᓗᒋᑦ ᐊᒻᒪᓗ ᐊᑐᑦᑎᐊᖁᓪᓗᒋᑦ ᐊᕙᑎᒧᑦ ᓴᐳᒻᒥᒃᖠᓂᕐᒧᑦ ᐱᖁᔭᕐᔪᐊᓂᒃ ᐱᕙᓪᓕᐊᓂᒃᑯᑦ ᐊᒻᒪᓗ ᑐᓴᐅᒪᑎᑦᑎᑦᑎᐊᕐᓂᒃᑯᑦ ᐊᕙᑎᓕᕆᓂᖕᒧᑦ ᐊᑐᐊᒐᐅᔪᓂᑦ;
• ᐱᔭᕆᐊᑐᔪᓂᒃ ᐊᒻᒪᓗ ᐊᑐᐊᒐᓂ ᐅᖃᐅᔾᔨᒋᐊᖅᐸᒃᓗᑎᒃ ᒐᕙᒪᒃᑯᓐᓂᑦ, ᓴᓇᕝᕕᐅᔪᓂᑦ ᐊᒻᒪᓗ ᐃᓄᓕᒫᓂᒃ;
• ᓴᖅᑭᑎᑦᑎᓗᑎᒃ ᐱᓕᕆᐊᒃᓴᓂᒃ ᐊᒻᒪᓗ ᐊᑐᐊᒐᒃᓴᓂᑦ ᐃᑲᔫᑕᐅᓂᐊᕐᑐᓂᑦ ᓄᓇᕗᒻᒥ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᕋᓱᒋᔭᐅᔪᓄᑦ ᐊᒃᑐᐃᔾᔪᑕᐅᓇᔭᖅᑐᓂᒃ.
• ᖃᐅᔨᒋᐊᒃᑲᓐᓂᕈᒪᒍᕕᑦ ᐊᑐᐃᓐᓇᐅᔪᓂᒃ ᐊᕙᑎᓕᕆᓂᖕᒧᑦ ᓴᐳᒻᒥᔾᔪᑎᒃᓴᓄᑦ ᐱᓕᕆᐊᒃᓴᓂᒃ ᐊᒻᒪᓗ ᐊᓯᖏᓐᓄᑦ ᖃᐅᔨᒋᐊᒃᑲᓐᓂᕈᑎᓄᑦ ᐅᓇᓃᑦᑐᑦ ᐃᑭᐊᖅᑭᕕᖏᓐᓄᐊᕐᓗᑎᑦ:

ᐊᕙᑎᓕᕆᓂᕐᒧᑦ ᓴᐳᔾᔨᓂᕐᒧᑦ ᐱᓕᕆᐊᑦᓴᐃᑦ

ᐊᕙᑎᓕᕆᓂᕐᒧᑦ ᓴᐳᔾᔨᓕᕆᔨᒃᑯᑦ ᐊᕕᑦᑐᖅᓯᒪᔪᑦ ᐱᖓᓱᐃᓕᖅᑲᖓᔪᓂᒃ ᐱᓕᕆᐊᑦᓴᓄᑦ:

ᓱᕈᐃᑦᑕᐃᓕᒪᓂᕐᒧᑦ

ᐊᕙᑎᓕᕆᓂᕐᒧᑦ ᓴᐳᔾᔨᓂᕐᒧᑦ ᐱᓕᕆᐊᖑᔪᖅ ᐱᕕᖃᖅᑎᑦᓯᓲᑦ ᐊᒻᒪᓗ ᐊᐅᓚᑦᓯᓲᑦ ᐊᕙᑎᓕᕆᓂᕐᒨᖓᔪᓂᒃ ᓴᐳᔾᔨᓂᕐᒧᑦ ᐊᒻᒪᓗ ᒪᓕᑦᓯᐊᕆᐊᖃᕐᓂᕐᒥᑦ ᓄᓇᕘᑉ ᓄᓇᓕᓕᒫᖏᓐᓂᒃ. ᐱᓕᕆᐊᖑᔪᖅ ᐃᓚᖃᖅᑐᖅ ᐊᕙᑎᓕᕆᓂᕐᒥᑦ ᖃᐅᔨᓴᕐᓂᕐᒥᑦ ᐊᒻᒪᓗ ᒪᓕᒐᓕᐊᕆᔭᐅᓯᒪᔪᑦ ᐊᒻᒪᓗ ᒪᓕᒋᐊᓖᑦ ᒪᓕᑦᑕᐅᑦᓯᐊᕋᓗᐊᕐᒪᖔᑦᑕ.

ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ ᐊᒻᒪᓗ ᓄᓇᒥᒃ ᐊᑐᕐᓂᐊᕐᓂᕐᒥᑦ ᐸᕐᓇᐃᓂᖅ

ᑖᓐᓇ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ ᐊᒻᒪᓗ ᓄᓇᒥᒃ ᐊᑐᕐᓂᐊᕐᓂᕐᒥᑦ ᐸᕐᓇᐃᓂᖅ ᕿᒥᕐᕈᓲᖅ ᑐᕌᖓᔪᓂᑦ ᐱᕙᓪᓕᐊᓂᐅᔪᒪᔪᓄᑦ ᓄᓇᒥᒃ ᑲᔪᓯᔪᖃᓚᐅᙱᓐᓂᖓᓂ ᐱᕙᓪᓕᐊᑎᑦᓯᓂᒃᑯᑦ. ᐱᓇᔫᑎᓄᓪᓗ ᐅᖃᐅᓯᑦᓴᖃᓲᖑᓪᓗᑎ ᑐᑭᓕᐅᕆᓲᖑᓪᓗᑎᓗ ᑐᓂᔭᐅᓯᒪᔪᓂᒃ.

 

ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ ᓄᓇᒥᒃᓗ−ᐊᑐᕐᓂᕐᒥᑦ ᐸᕐᓇᐃᓂᖅ

ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ (EA) ᐊᒻᒪ ᓄᓇᒥᒃ−ᐊᑐᕐᓂᖅ (LU) ᐊᕕᒃᓯᒪᓂᖓ ᑲᒪᔭᕆᐊᖃᖅᑐᖅ ᐃᑲᔪᖅᓱᐃᓂᕐᒥᑦ ᐊᕙᑎᓕᕆᔨᒃᑯᓐᓂᑦ ᓄᓇᕗᒻᒥᓗ ᒐᕙᒪᒃᑯᓐᓂ (GN) ᐊᑐᖅᑎᑦᑎᓂᕐᒥᑦ ᑐᕌᒐᕆᔭᐅᔪᓂᑦ ᑕᐃᑰᓇ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᒥᑦ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒥᑦ ᓄᓇᒥᒃᓗ−ᐊᑐᕐᓂᕐᒥᑦ ᐸᕐᓇᐃᓂᕐᒥ.

ᑐᕌᒐᕆᔭᕗᑦ:

ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ ᐊᒻᒪ ᓄᓇᒥᒃ−ᐊᑐᕐᓂᖅ ᐊᕕᒃᓯᒪᓂᖓ ᑐᓂᓯᒪᔪᖅ ᐃᑲᔪᖅᓱᐃᓂᕐᒥᑦ ᓄᓇᕗᒻᒥ ᒐᕙᒪᒃᑯᓐᓂ ᐊᑐᓕᖅᑎᑕᐅᔪᓂᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᒥᑦ: ᐱᐅᓯᒋᐊᖅᑎᑦᑎᓂᒃᑯᑦ ᒐᕙᒪᓕᒫᒧᑦ ᐱᔭᐅᔪᓐᓇᖅᑐᓂᑦ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒥᑦ, ᖃᐅᔨᒪᒋᐊᕐᓗᓂ ᐃᓚᐅᖃᑕᐅᑦᑎᐊᕐᓂᕐᒥᑦ ᓄᓇᕗᒻᒥ ᒐᕙᒪᒃᑯᓐᓂ ᓄᓇᒥᑦ ᐊᑐᕐᓂᕐᒧᑦ ᐸᕐᓇᐃᓂᕐᒥ ᐱᕙᓪᓕᐊᓂᖓᓂᑦ, ᐊᑐᕐᓗᒍᓗ ᒪᓕᒃᑕᐅᔭᕆᐊᓖᑦ ᖃᐅᔨᒪᓂᕐᒧᑦ ᐱᒡᒍᓂᕐᒧᓪᓗ ᐅᖃᐅᔾᔭᐅᔾᔪᑎᓂᑦ ᓄᓇᒧᑦ ᐱᑕᖃᐅᖅᑐᓄᓪᓗ ᐊᐅᓚᑦᑎᔨᓄᑦ

ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ (EA)

ᐃᖅᑲᓇᐃᔭᕐᕕᖓ ᓯᕗᓪᓕᐅᓪᓗᓂ ᖃᐅᔨᒋᐊᕐᕕᒃᓴᖅ ᓄᓇᕗᒻᒥ ᐊᒃᑑᑎᔪᓄᑦ ᕿᒥᕐᕈᓂᕐᒧᑦ ᑲᑎᒪᔩᑦ ᐱᔪᓐᓇᕐᓗᑎᒃ ᓄᓇᕗᒻᒥ ᒐᕙᒪᒃᑯᑦ ᐊᔪᙱᑦᑐᖁᑎᖏᓐᓂᑦ ᐃᓄᖕᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐆᒪᔪᖁᑎᖏᓐᓄᑦ, ᐊᕙᑎᒧᑦ ᓱᕈᔪᖕᓇᖅᑐᓄᑦ, ᐊᕙᑎᒧᑦ ᑐᐊᕕᕐᓇᖅᑐᓄᑦ ᑭᐅᒋᐊᕐᓂᕐᓂᑦ, ᐊᓂᖅᓵᖅᑐᒐᐃᑦ ᐊᑐᕐᓂᖃᖅᑐᑦ, ᒥᕐᖑᐃᖅᓯᕐᕖᑦ ᐃᖃᓗᓕᕆᓃᓪᓗ.

ᓄᓇᒥᒃ−ᐊᑐᕐᓂᕐᒥ ᐸᕐᓇᐃᓂᖅ (LUP)

ᐃᖅᑲᓇᐃᔭᕐᕕᖓ ᐃᖅᑲᓇᐃᔭᓲᖅ ᓄᓇᕗᑦ ᐸᕐᓇᐃᓂᕐᒧᑦ ᑲᑎᒪᔨᖏᓐᓂᑦ (NPC) ᐊᑐᖅᑎᑦᑎᓂᐊᕐᓗᑎᒃ ᓄᓇᕗᒻᒥ ᒐᕙᒪᒃᑯᑦ ᑲᒪᒋᔭᕆᐊᖃᖅᑕᖏᓐᓂᑦ ᑕᐃᑰᓇ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓂᑦ ᑎᑎᕋᖅᓯᒪᔪᕐᒥᑦ 11 ᓄᓇᒥᑦ ᐊᑐᕐᓂᐊᕐᓂᕐᒧᑦ ᐸᕐᓇᐃᓂᕐᒥᑦ. ᐊᐅᓚᑦᑎᖃᑦᑕᖅᑐᒍᑦ ᓄᓇᕗᒻᒥ ᒐᕙᒪᒃᑯᑦ ᐃᓚᐅᖃᑕᐅᓂᖓᓂᑦ ᐱᕙᓪᓕᐊᑎᑦᑎᓂᕐᒧᑦ, ᕿᒥᕐᕈᓂᕐᒧᑦ ᐊᖏᖅᓯᓂᕐᒧᓪᓗ ᓄᓇᒥᑦ ᐊᑐᕐᓂᕐᒧᑦ ᐸᕐᓇᐅᑎᒥᑦ ᓯᕗᒡᒍᑎᓂᐊᕐᓗᒋᑦ ᑐᑭᒧᐊᒃᑎᓪᓗᒋᓪᓗ ᐱᑕᖃᐅᖅᑐᑦ ᐱᕙᓪᓕᐊᓂᖓᓂᑦ ᓄᓇᕗᒻᒥ. ᐃᓚᖃᒃᑲᓐᓂᖅᑐᖅ, ᐃᖅᑲᓇᐃᔭᕐᕕᒃ ᐃᖅᑲᓇᐃᔭᖃᑦᑕᖅᑐᖅ ᓄᓇᕗᒻᒥ ᐸᕐᓇᐃᓂᕐᒧᑦ ᑲᑎᒪᔨᓂᑦ ᐱᕙᓪᓕᐊᖁᓪᓗᒋᑦ ᓄᓇᒥᑦ ᐊᑐᕐᓂᕐᒧᑦ ᐸᕐᓇᐃᓂᕐᓂᑦ ᐊᑐᐊᒐᖏᓐᓂᑦ, ᐊᐅᓚᑦᑎᓗᑎᒃᓗ ᒪᓕᒋᐊᖃᖅᑐᓂᑦ ᓇᓗᓇᐃᔭᕈᑎᓂᑦ, ᐊᔪᙱᑦᑎᐊᕐᓂᕐᓂᑦ ᐃᑲᔪᖅᓱᐃᓂᕐᒥᒃᓗ ᓄᓇᕗᒻᒥ ᐸᕐᓇᐃᓂᕐᒧᑦ ᑲᑎᒪᔨᓄᑦ.

ᓯᓚᐅᑉ ᐊᓯᔾᔨᖅᐸᓪᓕᐊᓂᖓ

http://climatechangenunavut.ca/iu