ᐅᖃᓚᐅᑎᓯᐅᑏᑦ

You are here

ᐸᐃᕆᕝᕕᓐᓄᑦ ᐊᑐᐊᒐᐃᑦ ᒪᑐᐃᑲᓐᓂᖅᐸᑕ ᔫᓂ 1, 2020−ᒥᑦ

ᖃᓄᐃᓕᐅᕈᑕᐅᑦᓴᐅᑎᒋᒋᐊᓖᑦ

 ᓄᑕᕋᓛᑦ ᐃᓕᓐᓂᐊᕆᐅᖅᓴᓕᓵᖅᑐᓪᓗ ᑲᑎᙵᔪᑦ ᐊᕕᒃᓯᒪᔭᕆᐊᖃᖅᐳᑦ ᐊᒻᒪ ᐊᔪᕐᓇᙱᑉᐸᑦ, ᐱᓕᕆᔪᓐᓇᑦᑎᐊᖅᑐᒥᒃ ᐃᖅᑲᓇᐃᔭᖅᑎᖃᕆᐊᓕᑦ ᐱᓕᕆᐊᖃᖅᑎᑕᐅᔪᓂᑦ ᐊᑐᓂ ᑲᑎᙵᔪᑦ. ᑕᐃᒃᑯᐊ ᐃᖅᑲᓇᐃᔭᖅᑏᑦ ᑭᐳᒃᑎᖃᑦᑕᕆᐊᖃᙱᑦᑐᑦ ᐅᓪᓗᖓᓂ.
ᑲᒪᔨᐅᕙᒃᑐᑦ ᐃᑲᕐᕋᖏᑦ ᐅᓄᕈᓐᓃᕆᐊᕐᓗᒋᑦ. 1.5−ᓂ ᐃᑲᕐᕋᑦ ᐅᓄᙱᓛᒥᑦ ᐱᓕᕆᔪᓐᓇᑦᑎᐊᖁᓪᓗᒋᑦ ᓴᓗᒻᒪᖅᓴᐃᓗᑎᒃ ᐆᒪᔪᐃᔭᐅᑎᒧᓪᓗ ᐊᓪᓚᖅᑎᕆᓗᑎᒃ ᐸᐃᕆᕝᕕᖕᒥ ᐊᒃᑐᖅᑕᐅᕙᒃᑐᓕᒫᓂᒡᓗ ᐊᓕᕋᕐᓂᒃ ᐅᓪᓗ ᐃᓱᓕᑎᓪᓗᒍ
ᐃᖅᑲᓇᐃᔭᖅᑎᓕᒫᑦ ᑲᑎᖃᑎᒋᕙᓪᓗᒋᑦ ᕿᒥᕐᕈᖃᑎᒋᓗᒋᑦ ᐱᐅᓯᒋᐊᖅᓯᒪᔪᓂᑦ ᓴᓗᒻᒪᖅᓴᐃᔾᔪᓯᕐᓂᒃ. 
ᐸᐃᕆᕝᕖᑦ ᐋᖅᑭᒃᓯᔭᕆᐊᖃᖅᐳᑦ ᓴᓗᒻᒪᖅᓴᐃᕐᔪᐊᕐᓂᐊᖅᑐᓂᒃ ᒪᑐᐃᑲᓐᓂᓚᐅᖏᓐᓂᖓᓂᑦ, ᐃᓚᒋᔭᐅᓗᓂ ᓴᓗᒻᒪᖅᓴᐃᓗᑎᒃ, ᐊᒻᒪ ᐆᒪᔪᐃᔭᐅᑎᓕᖕᒧᑦ ᐊᓪᓚᖅᑎᕆᓗᑎᒃ ᐊᓪᓕᕋᓕᒫᓂᒃ ᐸᐃᕆᕝᕕᐅᑉ ᐃᓗᐊᓃᑦᑐᓕᒫᓂᒃ.
ᐊᑐᓂ ᐸᐃᕆᕝᕕᓐᓂ ᐋᖅᑭᑦᓯᔭᕆᐊᖃᖅᐳᑦ ᕿᑐᕐᙵᒥᓂᒃ ᐋᖅᓯᔪᓄᑦ ᐊᐃᑦᓯᖅᑐᓄᓪᓗ ᕿᑐᕐᖓᖏᓐᓂᑦ:

  • ᐊᑕᐅᓯᕐᒥᒃ ᐊᖓᔪᖅᑳᒥᒃ/ᐸᖅᑭᔨᒥᒃ ᐋᑦᓯᔪᓄᑦ ᐊᐃᑦᓯᑐᖃᖃᑦᑕᕆᐊᓕᒃ ᐸᐃᕆᕝᕕᒻᒥᑦ.
  • ᐊᑐᖅᑕᐅᔾᔪᓯᖓᓂ ᓇᓗᓇᐃᖅᓯᒪᔭᕆᐊᓕᒃ ᐊᑕᐅᓯᐅᑉ ᐅᖓᑖᓂ ᐊᖓᔪᖅᑳᒥᒃ/ᐸᖅᑭᔨᒥᒃ ᐸᐃᕆᕝᕕᖕᒧᐊᖅᑐᖃᕆᐊᖃᙱᓐᓂᖓᓂᒃ ᕿᑐᕐᙵᒥᓂᒃ(ᖏᓐᓂᑦ) ᐋᑦᓯᔪᓄᑦ ᐊᐃᑦᓯᕐᓗᑎᒃ.
  • ᓄᑕᖅᑲᕆᐊᖃᖏᑦᑐᖅ, ᐅᐸᖃᑦᑕᖅᑐᓂᑦ ᑭᓯᐊᓂ ᐸᐃᕆᕕᒻᒧᑦ.

ᐊᑐᓕᖁᔭᐅᓯᒪᔪᑦ

ᐃᖅᑲᓇᐃᔭᖅᑎᓄᑦ ᐊᐱᖅᑯᑎᓂᒃ ᑭᐅᔾᔪᑎᓂᓪᓗ ᐋᖅᑭᒃᓱᐃᔭᕆᐊᖃᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᒃ ᑲᑎᒪᖃᑎᖃᓚᐅᙱᑎᓪᓗᒋᑦ ᐅᖄᓚᐅᑎᒃᑯᑦ ᒪᐃ 27-28.
ᐊᖓᔪᖅᑳᓕᒫᑦ/ᐸᖅᑭᔨᓕᒫᑦ ᑐᓴᖅᑎᑕᐅᔭᕆᐊᖃᖅᐳᑦ ᒪᑐᐃᑲᓐᓂᓚᐅᙱᓐᓂᖓᓂ ᒪᓕᑦᑕᐅᔭᕆᐊᓕᓐᓂᒃ ᑐᓴᐅᒪᑎᑕᐅᑦᑎᐊᖁᓪᓗᒋᑦ, ᑐᑭᓯᑦᑎᐊᕐᓗᑎᓪᓗ ᕿᑐᕐᙵᖏᑦ ᐸᐃᕆᕝᕕᓐᓄᑦ ᐋᑦᓯᓕᓚᐅᙱᓐᓂᖏᓐᓂᒃ.
ᐊᐃᑦᓯᖃᑦᑕᕐᓂᐊᖅᑐᑦ ᐊᒡᔭᖅᓯᖃᑦᑕᕐᓂᐊᖅᑐᑦ ᐃᑲᕐᕋᖏᓐᓂᒃ/ᒪᓕᖁᔭᐅᔪᓂᒃ ᐋᖅᑭᒃᓱᐃᓗᑎᒃ ᐊᑕᐅᑦᑎᒃᑰᖅᑎᑦᑎᑦᑕᐃᓕᒪᓗᑎᒃ.

ᒪᓕᑦᑕᐅᖏᓐᓇᕆᐊᓖᑦ

ᐊᖓᔪᖅᑳᑦ/ᐸᖅᑭᔩᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑦ ᐊᑐᖁᔭᖏᓐᓂᒃ ᒪᓕᑦᑎᐊᖃᑦᑕᕆᐊᖃᖅᐳᑦ ᖃᖓᓕᒫᑦᑎᐊᖅ.
ᐃᓅᖃᑎᒥᓂᒃ ᖃᓂᒃᓴᓗᐊᖅᑕᐃᓕᒪᓂᖅ (2 ᒦᑕᓂᒃ ᐅᕝᕙᓘᓐᓃᑦ 6 ᐃᓯᒐᑦ ᐅᖓᓯᒌᒋᐊᖃᖅᐳᑦ ᐅᑕᖅᑭᑎᓪᓗᒋᑦ ᐋᑦᓯᔪᑦ ᐊᐃᔭᒥᓂᓪᓗ).
ᑭᓇᑐᐃᓐᓇᖅ ᖃᓂᒪᑲᑕᒃᑐᖅ ᐸᐃᕆᕝᕕᒻᒧᑦ ᐃᓯᕆᐊᖃᙱᑦᑎᐊᖅᑐᖅ ᖃᖓᓕᒫᑦᑎᐊᖅ ᐊᒻᒪ ᕿᑐᕐᖓᒥᓂᒃ ᐋᑦᓯᔭᕆᐊᖃᖏᑦᓱᓂ ᐊᐃᑦᓯᕆᐊᖃᙱᑦᓱᓂᓗ ᐸᐃᕆᕝᕕᒻᒧᑦ (ᐃᖅᑲᓇᐃᔭᖅᑎᑦ, ᓄᑕᖅᑲᑦ ᐅᕝᕙᓘᓐᓃᑦ ᐊᖓᔪᖅᑳᑦ/ᐸᖅᑭᔨᑦ).

ᓯᕗᓂᑦᓴᕐᒥ ᐊᓂᒍᐃᓂᐊᖅᑐᑦ ᐊᓯᔾᔨᖅᑕᐅᔪᑦ

ᓄᕙᕐᔪᐊᕐᓇᖅ 19 ᓄᓇᕗᒻᒧᐊᓐᓂᕈᓂ, ᐸᐃᕆᕝᕖᑦ ᐅᑯᓂᖓ ᐱᕙᒌᔭᖅᓯᒪᔭᕆᐊᖃᖅᐳᑦ:

  • ᓄᑕᖅᑲᑦ ᐸᐃᕆᕝᕕᒻᒦᑦᑐᓐᓇᖅᑐᑦ ᐅᓄᕈᓐᓃᕆᐊᕐᓗᒋᑦ
  • ᐳᕙᒃᑯᑦ ᐊᐃᑦᑐᐃᑲᑕᒃᑐᑦ ᐅᓄᖅᓯᒋᐊᖅᐸᑕ ᐊᒻᒪ ᐃᓄᒻᒧᑦ ᐊᑐᖅᑕᐅᕙᑦᑐᑦ ᓴᐳᒻᒥᔾᔪᑎᑦ:
    • ᐊᑐᕆᐊᖃᓪᓚᕆᒃᑐᑦ ᖃᓪᓗᓈᖅᑕᑦ ᒪᑐᐊᑦ (ᐋᓐᓂᐊᕐᕕᒻᒥ ᒪᑐᐊᕆᔭᐅᕙᒃᑐᑦ ᖃᓄᐃᑦᑐᑐᐃᓐᓇᑦ ᐊᑐᖅᑕᐅᖁᔭᐅᙱᑦᑐᑦ. ᐋᓐᓂᐊᕐᕕᒻᒥ ᒪᑐᐊᕆᔭᐅᔪᑦ ᓴᓂᕐᕙᒃᑕᐅᓯᒪᔭᕆᐊᖃᕐᒪᑕ ᓘᒃᑖᓄᑦ ᐊᑐᖅᑕᐅᖃᑦᑕᕐᓂᐊᖅᑐᑦ).
    • ᐅᔾᔨᕆᔭᐅᓕᖅᑎᒃᑲᓐᓂᕐᓗᒋᑦ ᐃᓯᕐᕖᑦ ᐊᓂᕝᕖᑦ (ᓲᕐᓗᑦ ᐊᖓᔪᖅᑳᑦ/ᐸᖅᑭᔨᑦ ᐸᐃᕆᕝᕕᖕᒧᑦ ᐃᓯᕆᐊᖃᙱᑦᑐᑦ ᖃᖓᓕᒫᑦᑎᐊᖅ):
      • ᐸᐃᕆᕝᕕᒻᒥ ᐃᖅᑲᓇᐃᔭᖅᑎᒥᒃ  ᓄᑕᖅᑲᒥᒃ(ᓂᒃ) ᐊᓂᔭᖅᑐᖅᑐᒥᒃ ᐱᖃᑎᖃᖃᑦᑕᕐᓂᐊᖅᐳᖅ ᐊᖓᔪᖅᑳᖓ/ᐸᖅᑭᔨᖓ ᓯᓚᒥ ᐅᑕᖅᑭᑎᓪᓗᒍ.

ᓄᕙᕐᔪᐊᕐᓇᖅ 19 ᓄᓇᕗᒻᒧᐊᓐᓂᕈᓂ, ᐸᐃᕆᕝᕖᑦ ᐅᑯᓂᖓ ᐱᕙᒌᔭᖅᓯᒪᔭᕆᐊᖃᖅᐳᑦ:

  • ᐸᐃᕆᕝᕕᒃ ᒪᑐᔭᐅᑦᓴᐅᑎᒋᒋᐊᓕᒃ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒻᒧᑦ ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ 

 

ᐸᐃᕆᕝᕖᑦ ᐊᑐᐊᒐᖏᑦ ᐃᖅᑲᓇᐃᔭᖅᑎᓕᒫᓄᑦ: ᖃᓄᑐᐃᓐᓇᖅ ᓴᓗᒪᓇᓱᖕᓂᖅ,  ᑲᒪᑦᑎᐊᒃᑲᓐᓂᕋᓱᖕᓂᖅ ᐊᒻᒪ ᐆᒪᔪᐃᔭᐅᑎᒧᑦ ᓴᓗᒻᒪᖅᓴᐃᓂᐊᕐᓗᓂ ᐊᔪᕆᖅᓲᔾᔨᔪᑦ

ᓇᖕᒥᓂᖅ ᐃᓂᒋᔭᐅᔪᑦ ᐃᖅᑲᓇᐃᔭᖅᑎᓕᒫᓄᑦ ᓴᓗᒻᒪᖅᓴᖅᑕᐅᖃᑦᑕᖅᐳᑦ ᐅᐸᒃᑕᐅᒐᔪᒃᑐᑦ ᓲᕐᓗ ᐅᑯᐊ: ᑭᐳᐃᑦ, ᐃᒃᓯᕙᐅᑕᐃᑦ, ᐱᖁᑎᑦ ᐊᓯᕈᓘᔭᖏᓪᓗ ᐊᑐᖅᑕᐅᕙᒃᑐᑦ ᐊᐅᓚᓂᕆᔭᖏᓐᓂᒃ ᐱᓕᕆᑎᓪᓗᒋᑦ ᐊᑐᕆᐊᓕᖕᒥᑦ 1.5 ᐃᑲᕐᕋᑦ ᓴᓗᒪᑎᑦᑎᒃᑲᓐᓂᕋᓱᒃᑎᓪᓗᒋᑦ ᐆᒪᔪᐃᔭᐃᒃᑲᓐᓂᕋᓱᒃᑎᓪᓗᒋᓪᓗ. 

ᐊᒃᑐᖅᑕᐅᒐᔪᒃᑐᑦ ᐃᓄᒋᐊᒃᑐᒃᑯᕕᖕᓂ ᐃᖅᑲᓇᐃᔭᖅᑎᓕᒫᓄᑦ ᑲᒪᒋᔭᐅᒋᐊᖃᕐᒥᔪᑦ ᐅᑯᐊᖑᔪᓐᓇᖅᑐᑦ:

  • ᑭᐳᐃᑦ
  • ᐃᒃᓯᕙᐅᑕᐃᑦ
  • ᐱᙳᐊᑦ
  • ᐹ ᑎᒍᒻᒥᕕᖏᑦ
  • ᖃᐅᒻᒪᖅᑯᑎᓄᑦ ᐃᑭᔾᔪᑏᑦ
  • ᓂᔾᔭᐅᑎᑦ
  • ᐅᖃᓘᑎᑦ
  • ᐊᐅᓚᑦᑎᔾᔪᑎᑦ ᓇᕿᑦᑕᕆᐊᓕᑦ
  • ᖃᕆᑕᐅᔭᕐᒧᑦ ᓇᕿᑦᑕᐅᑎᑦ ᐊᒻᒪ ᑎᑎᕋᕐᕕᒋᓂᐊᖅᑕᒧᑦ ᓄᒃᑕᐅᑎᑦ
  • ᐊᒧᔭᖅᑐᐃᑦ ᐊᒻᒪ ᐊᒧᔭᖅᑐᕋᓛᑦ ᑎᒍᒻᒥᕕᖏᑦ
  • ᑎᑎᕋᐅᑎᓄᑦ ᓄᕝᕗᒃᓴᐅᑏᑦ
  • ᖃᐱᑕᐅᔭᕐᒧᑦ ᐋᓪᓕᕋᐅᔭᐃᑦ

ᓴᓗᒻᒪᖅᓴᐅᑎᑦ

ᐃᒪᖅ ᐊᒻᒪ ᐃᒡᓗᒧᑦ ᓴᓗᒻᒪᖅᓴᐅᑎᑦ ᐊᑐᖅᑕᐅᒐᔪᒃᑐᓪᓗ ᐆᒪᔪᐃᔭᐅᑎᑦ ᓈᒻᒪᒋᔭᐅᔪᑦ ᓴᓗᒻᒪᖅᓴᐅᑎᓄᑦ ᐊᒻᒪ ᐆᒪᔪᐃᔭᐅᑎᑦ ᐸᐃᕆᕕᖕᓂ.
ᐃᒡᓗᒧᑦ ᓴᓗᒻᒪᖅᓴᐅᑎᑦ ᐅᕝᕙᓘᓐᓃᑦ ᓂᐅᕕᐊᒃᓴᑦ ᐆᒪᔪᐃᔭᐅᑎᑦ,  ᐊᑐᐃᓐᓇᐅᙱᑉᐸᑕ, ᑎᓯᔪᑦ ᓴᓗᒻᒪᖅᓴᒐᒃᓴᐅᕗᑦ ᐃᒪᕐᒥᒃ ᐃᓚᓗᒋᑦ ᔮᕖᒃᓯ (5%−ᒥ ᐃᓚᓯᒪᔪᑦ ᖁᐱᕐᕈᐃᔭᐅᑎᒥᒃ) ᐊᒻᒪ 9−ᖏᖅᓱᓪᓗᐊᓗᕐᓗᒍ ᐃᒪᖅ

  • ᖃᐅᔨᒪᒋᐊᕐᓗᒍ ᐃᒪᕐᒥᒃ ᐃᓚᓯᒪᓂᖓ ᐊᓪᓚᖅᑎᖅᑕᖅ ᐊᓪᓕᕋᖅ 1 ᒥᓂᑦᓯᒥᑦ ᐊᑯᓂᐅᑎᒋᔪᒥᑦ ᖁᐱᕐᕈᐊᕐᔪᐃᔭᐃᑎᒧᑦ.

ᖃᐅᔨᒪᔭᕆᐊᖃᓪᓚᕆᒃᑐᖅ ᓴᓗᒻᒪᖅᓴᐅᑎᓄᑦ/ᖁᐱᕐᕈᐃᔭᐃᔭᐅᑎᓄᑦ − ᐃᓄᖕᓄᑦ ᓴᓗᒪᔪᓐᓃᖅᑎᑕᐅᒐᔪᒃᑐᑦ ᓴᓗᒻᒪᖅᓴᖅᑕᐅᖅᑳᖃᑦᑕᕆᐊᖃᖅᐳᑦ ᐅᐊᓴᐅᑎᓕᖕᒧᑦ ᐃᒻᒥᖅᓯᒪᓗᒍᓗ ᑭᖑᓂᐊᒍᓪᓗ ᖁᐱᕐᕈᐃᔭᐃᔭᕐᓗᒍ ᐅᐊᓴᐅᓯᖅᓯᒪᔪᒧᑦ ᐃᒪᕐᒧᑦ ᐊᓯᖏᓐᓄᓪᓘᓐᓃᑦ ᐆᒪᔪᐃᔭᐅᑎᓄᑦ.

ᔮᕖᒃᓰᑦ ᐊᓯᖏᓐᓂᒃ ᓴᓗᒻᒪᖅᓴᐅᑎᓂᒃ ᐃᓚᒋᐊᖃᙱᑦᑎᐊᖅᑐᑦ.  ᐊᒃᑐᖅᑕᐅᒐᔪᒃᑐᑦ ᓴᓗᒻᒪᖅᓴᖅᑕᐅᖃᑦᑕᕆᐊᖃᖅᑐᖅ ᐅᓪᓗᕐᒥ ᒪᕐᕈᐃᖅᓱᕐᓗᒋᑦ ᐊᒻᒪ ᐃᑉᐸᒃᑐᑦ ᓇᓗᓇᙱᑦᑕᕌᖓᑕ.


ᑕᑯᓗᒍ ᐃᓚᓕᐅᑎᓯᒪᔪᖅ ᐊᑦᑕᑕᕐᕕᒃᓴᖅ ᐋᓐᓂᐊᕕᖕᒥ ᑐᑦᑕᕐᕖᑦ ᑲᓇᑕᒥ ᖃᓄᑐᐃᓐᓇᖅ ᑐᑭᓯᒋᐊᒃᑲᓐᓂᕈᒪᒍᔅᓯ:

https://www.canada.ca/en/public-health/services/diseases/2019-novel-coronavirus-infection/health-professionals/guidance-schools-childcare-programs.html#fn8

 

ᐸᐃᕆᕝᕕᖕᒥ ᐊᑐᐊᒐᐃᑦ ᓴᓗᒻᒪᖅᓴᐃᔨᑦ ᐱᓕᕆᔾᔪᓯᖏᑦ: ᖃᓄᑐᐃᓐᓇᖅ ᓴᓗᒪᓇᓱᖕᓂᖅ, ᑲᒪᑦᑎᐊᒃᑲᓐᓂᕋᓱᖕᓂᖅ ᐊᒻᒪ ᐆᒪᔪᐃᔭᐅᑎᒧᑦ ᓴᓗᒻᒪᖅᓴᐃᓂᐊᕐᓗᓂ ᐊᔪᕆᖅᓲᔾᔨᔪᑦ

ᓴᓗᒻᒪᖅᓴᐃᒐᔪᖃᑦᑕᖅᑐᑦ ᐋᖅᑭᒃᓱᖅᑕᐅᓯᒪᔪᓂᒃ ᒪᓕᒃᖢᑎᒃ ᐃᖅᑲᓇᐃᔭᖅᑎᑦ ᐱᔭᒃᓴᖅᑖᖅᑎᑕᐅᓯᒪᔪᑦ ᐸᐃᕆᕕᖕᓂ. ᐅᑯᓂᖓ ᓴᓗᒻᒪᖅᓴᐃᒐᔪᒃᐳᑦ ᖃᐅᑕᒫᑦ ᓴᓗᒻᒪᖅᓴᕆᐊᓕᖕᓂᒃ ᐅᒪᔪᐃᔭᐅᑎᓕᖕᒧᑦ ᐊᓪᓚᖅᑐᖅᖢᒋᑦ ᐊᓇᕐᕕᓕᒫᑦ, ᓇᑎᓕᒫᖏᓪᓗ ᓴᓂᕆᐊᖃᓕᕌᖓᑕ ᓴᓂᖅᐸᒃᖢᒋᑦ, ᐆᒪᔪᐃᔭᐅᑎᓕᖕᒧᓪᓗ ᐅᐊᓴᖅᖢᒋᑦ, ᐋᓪᓕᕋᐅᔭᓕᒫᑦ ᐊᓪᓚᖅᑎᖅᐸᒃᖢᒋᑦ, ᐊᒃᑕᑯᐃᑦ ᐊᓂᑉᐸᒃᖢᒋᑦ ᖃᐅᑕᒫᑦ, ᐊᓯᖏᓪᓗ ᓴᓗᒻᒪᖅᓴᖃᑦᑕᖁᔭᐅᔪᑦ ᓴᓗᒻᒪᖅᓴᖅᐸᒃᖢᒋᑦ. 

ᒪᓕᒃᑕᐅᒋᐊᓕᒃ 1.5 ᐃᑲᕐᕋᓂᒃ ᒥᒃᖠᒋᐊᖅᑕᐅᔪᑦ ᐊᐅᓚᓂᕆᔭᖏᑕ ᐃᑲᕐᕋᖏᑦ ᓴᓗᒻᒪᖅᑎᑦᑎᑦᑎᐊᕋᓱᒋᐊᖃᖅᖢᑎᒃ. ᓴᓗᒻᒪᖅᓴᐃᔨᑦ ᓴᓗᒻᒪᖅᓴᐃᖃᑦᑕᖅᐳᑦ ᓴᓗᒻᒪᖅᓴᖅᑕᐅᒃᑲᓐᓂᖅᐸᒃᖢᑎᒃ ᖁᐱᕐᕈᐃᔭᐃᕙᒃᖢᑎᒡᓗ ᐊᒃᑐᖅᑕᐅᒐᔪᒃᑐᓂᒃ, ᖃᓂᒪᓐᓇᕐᔪᐊᖅ ᓯᐊᒻᒪᒃᑎᑦᑕᐃᓕᒪᓪᓗᒍ.  ᐊᑯᓚᐃᑦᑕᓕᒃᑲᓐᓂᕐᓗᒋᑦ ᓴᓗᒻᒪᖅᓴᐃᖃᑦᑕᕐᓂᐊᖅᑐᑦ ᐱᒻᒪᕆᐅᕗᖅ, ᐱᓗᐊᖅᑐᒥ ᐋᓐᓂᐊᑲᑕᒃᑐᖃᖅᐸᑦ ᐸᐃᕆᕝᕕᖓᓂ ᓄᓇᓕᖕᓂᓘᓐᓃᑦ.

ᐊᒃᑐᖅᑕᐅᒐᔪᒃᑐᑦ ᑲᒪᒋᔭᐅᒋᐊᓕᑦ ᓴᓗᒻᒪᖅᓴᐃᔨᓄᑦ ᐅᑯᐊᖑᔪᓐᓇᖅᐳᑦ:

ᐊᓇᕐᕕᖕᒥ ᐊᔭᑉᐹᕝᕖᑦ, ᑎᒍᒻᒥᕖᑦ, ᐊᒻᒪ ᐊᒡᒐᒧᑦ ᐅᐊᓴᐅᑎᑦ
ᖁᕐᕖᑦ, ᖁᓛᖏᑦ ᐃᖂᑎᒃᓴᔭᖃᕐᕖᑦ, ᐅᐊᓴᕐᕖᑦ, ᓵ ᖄᖏᑦ, ᑯᕕᑎᑦᓯᔾᔪᑏᓪᓗ
ᐹᑦ ᑎᒍᒻᒥᕕᓕᒫᖏᑦ (ᐃᓗᐊᓃᓐᓂᖅᓴᑦ ᐊᒻᒪ ᓯᓚᑖᓃᓐᓂᖅᓴᑦ)
ᐃᒡᓘᑉ ᐊᑭᓐᓇᖏᑦ (ᓱᓪᓗᑯᑖᒃ ᓇᑎᕐᒥᑦ ᐱᒋᐊᕐᓗᓂ ᖁᓛᓄᑦ ᑎᑭᓪᓗᒍ)
ᐊᓐᓄᕌᓄᑦ ᑐᖅᑯᐃᕕᒃ
ᑎᒍᒻᒥᕖᑦ
ᖃᐅᒻᒪᖅᑯᑎᓄᑦ ᐃᑭᑦᑎᔾᔪᑏᑦ
ᐃᓘᓐᓇᑎᒃ ᐅᓄᖅᑐᓕᐅᕈᑏᑦ, ᐅᖃᓘᑏᑦ ᐊᒻᒪ ᓱᒃᑲᔪᒃᑰᕈᑏᑦ ᓇᕿᑦᑕᐅᑎᖏᑦ
ᑐᙵᓴᐃᕕᒃ, ᓵ ᖄᖏᑦ ᐃᓄᒋᐊᒃᑐᒃᑯᕖᓪᓗ

ᐃᖅᑲᓇᐃᔭᖅᑎᓄᑦ ᑲᑎᙵᕕᐅᓲᑦ ᐊᒻᒪ ᐃᒐᕝᕖᑦ ᐅᑯᐊᓗ:

  • ᐆᑦᑎᐊᓚᔪᑦ
  • ᖁᐊᒃᑯᕖᑦ
  • ᓂᕐᕆᓯᓄᑦ ᐅᐊᓴᕐᕖᑦ
  • ᐃᒡᓗᒥᐅᑕᐃᑦ ᑲᑉᐳᔾᔭᖅᑐᒨᖅᑐᑦ
  • ᐃᒃᓯᕙᐅᑕᑦ ᒥᑭᐅᔭᖅᑐᑦ
  • ᐊᐅᓚᑦᑎᔾᔪᑎᑦ ᓇᕿᑦᑕᕆᐊᓕᑦ
  • ᐊᒧᔭᖅᑐᑦ ᑎᒍᒻᒥᕕᖏᑦ
  • ᐊᒧᔭᖅᑐᑦ ᐊᒻᒪ ᐊᒧᔭᖅᑐᕋᓛᑦ ᑎᒍᒻᒥᕕᖏᑦ
  • ᐃᒥᕐᕖᑦ ᓇᕿᑦᑎᕕᖏᓪᓗ
  • ᓵ ᖄᖏᑦ/ᑭᐳᐃᑦ ᖄᖏᑦ
  • ᓂᕆᔾᔪᑏᑦ 
  • ᐊᑐᖅᑕᐅᒐᔪᒃᑐᐃᑦ ᑎᑎᕋᐅᑏᑦ (ᑎᑎᕋᐅᑎᑦ, ᑎᑎᕋᐅᑎᕐᔪᐊᑦ, ᐊᓯᖏᓪᓗ)
  • ᐊᓯᓕᒫᖏᑦ ᓴᖅᑭᔮᖅᑐᑦ ᐅᔾᔨᕆᒃᑲᓐᓂᕐᓗᒋᑦ ᐊᒃᑐᖅᑕᐅᒐᔪᖕᓂᖅᓴᐃᑦ
  • ᐊᑐᖅᑕᐅᒐᔪᒃᑐᐃᑦ ᑎᑎᕋᐅᑏᑦ (ᑎᑎᕋᐅᑎᑦ, ᑎᑎᕋᐅᑎᕐᔪᐊᑦ, ᐊᓯᖏᓪᓗ)

ᓄᑕᖅᑲᑦ ᐃᒡᓗᕈᓯᖏᑦ – ᓯᓂᒡᕕᖏᑦ ᐊᒻᒪ ᐊᓐᓄᕌᓄᑦ ᑐᖅᑯᐃᕝᕕᑦ ᐅᑯᐊᓗ:

  • ᐅᐊᓴᕐᕖᑦ ᑯᕕᑦᑕᐅᑎᖏᓪᓗ
  • ᐅᐊᓴᐅᑎᖃᕐᕖᑦ
  • ᐃᒡᒍᑎᒃᓴᔭᖃᕐᕖᑦ
  • ᓴᓂᒃᑯᕖᑦ
  • ᖁᕐᕖᑦ ᐋᖅᑭᒋᐊᖅᓯᒪᔪᓪᓗ ᖁᕐᕖᑦ
  • ᖁᕐᕖᑦ ᑎᒍᒻᒥᕕᖏᑦ ᐱᔭᕆᐊᖃᖅᐸᑦ
  • ᖁᕐᕕᕋᓛᑦ
  • ᓴᓂᖃᐅᑎᖏᑦ ᖁᐃᖏᓕᑕᕐᓄᑦ
  • ᖁᐃᖏᓕᓴᕐᕕᑦ ᖁᐃᖏᓕᓴᕐᕖᓪᓗ ᐊᓪᓕᕋᖏᑦ
  • ᐃᑯᕐᕋᐃᑦ
  • ᐃᒡᓕᕋᓛᑦ ᓇᓚᕈᕐᕖᓪᓗ
  • ᐊᓯᓕᒫᖏᑦ ᓴᖅᑭᔮᖅᑐᑦ ᐅᔾᔨᕆᒃᑲᓐᓂᕐᓗᒋᑦ ᐊᒃᑐᖅᑕᐅᒐᔪᖕᓂᖅᓴᐃᑦ

ᓄᑕᖅᑲᑦ ᐱᙳᐊᖏᑦ −ᐱᙳᐊᑦ ᐊᑐᖅᑕᐅᕙᒃᑐᑦ ᓴᓗᒻᒪᖅᓴᒐᕐᓂᕋᓗᐊᕐᒪᖔᑦ ᖃᐅᔨᒋᐊᖅᐸᒡᓗᒋᑦ ᖁᐱᒃᕈᐃᔭᒐᕐᓂᕐᓗᑎᒡᓗ

  • ᐱᙳᐊᑦ ᐆᒪᔪᐃᔭᐅᑎᓕᖕᒧᑦ ᓴᓗᒻᒪᖅᓴᑦᑎᐊᕆᐊᖃᖅᐳᑦ ᐊᑐᖅᑕᐅᕌᓂᑐᐊᖅᐸᑕ.

ᓴᓗᒻᒪᖅᓴᐅᑎᑦ

ᐃᒪᖅ ᐊᒻᒪ ᐃᒡᓗᒧᑦ ᓴᓗᒻᒪᖅᓴᐅᑎᑦ ᐊᑐᖅᑕᐅᒐᔪᒃᑐᓪᓗ ᐆᒪᔪᐃᔭᐅᑎᑦ ᓈᒻᒪᒋᔭᐅᔪᑦ ᓴᓗᒻᒪᖅᓴᐅᑎᓄᑦ ᐊᒻᒪ ᐆᒪᔪᐃᔭᐅᑎᑦ ᐸᐃᕆᕕᖕᓂ.
ᐃᒡᓗᒧᑦ ᓴᓗᒻᒪᖅᓴᐅᑎᑦ ᐅᕝᕙᓘᓐᓃᑦ ᓂᐅᕕᐊᒃᓴᑦ ᐆᒪᔪᐃᔭᐅᑎᑦ,  ᐊᑐᐃᓐᓇᐅᙱᑉᐸᑕ, ᑎᓯᔪᑦ ᓴᓗᒻᒪᖅᓴᒐᒃᓴᐅᕗᑦ ᐃᒪᕐᒥᒃ ᐃᓚᓗᒋᑦ ᔮᕖᒃᓯ (5%−ᒥ ᐃᓚᓯᒪᔪᑦ ᖁᐱᕐᕈᐃᔭᐅᑎᒥᒃ) ᐊᒻᒪ 9−ᖏᖅᓱᓪᓗᐊᓗᕐᓗᒍ ᐃᒪᖅ

  • ᖃᐅᔨᒪᒋᐊᕐᓗᒍ ᐃᒪᕐᒥᒃ ᐃᓚᓯᒪᓂᖓ ᐊᓪᓚᖅᑎᕐᓗᒍ ᐊᓕᕋᖅ1 ᒥᓂᑦᒥᑦ ᐆᒪᔪᐃᔭᐅᑎᒧᑦ.

ᐅᔾᔨᕆᔭᕆᐊᖃᓪᓚᕆᒃᑐᖅ ᓴᓗᒻᒪᖅᓴᐅᑎᓄᑦ/ᐆᒪᔪᐃᔭᐅᑎᓄᑦ − ᐃᓄᖕᓄᑦ ᓴᓗᒪᔪᓐᓃᖅᑎᑕᐅᒐᔪᒃᑐᑦ ᓴᓗᒻᒪᖅᓴᖅᑕᐅᖅᑳᖃᑦᑕᕆᐊᖃᖅᐳᑦ ᐅᐊᓴᐅᑎᓕᖕᒧᑦ ᐃᒻᒥᖅᓯᒪᓗᒍᓗ ᑭᖑᓂᐊᒍᓪᓗ ᐆᒪᔪᐃᔭᓕᕐᓗᒍ ᐅᐊᓴᐅᓯᖅᓯᒪᔪᒧᑦ ᐃᒪᕐᒧᑦ ᐊᓯᖏᓐᓄᓪᓘᓐᓃᑦ ᐆᒪᔪᐃᔭᐅᑎᓄᑦ.

ᔮᕖᒃᓯᑦ ᐊᓯᖏᓐᓂᒃ ᓴᓗᒻᒪᖅᓴᐅᑎᓂᒃ ᐃᓚᒋᐊᖃᙱᑦᑎᐊᖅᑐᑦ.  ᐊᒃᑐᖅᑕᐅᒐᔪᒃᑐᑦ ᓴᓗᒻᒪᖅᓴᖅᑕᐅᖃᑦᑕᕆᐊᖃᖅᑐᖅ ᐅᓪᓗᖅ ᒪᕐᕈᐃᖅᓱᕐᓗᒍ ᐊᒻᒪ ᐃᑉᐸᒃᑐᑦ ᓇᓗᓇᙱᑦᑕᕌᖓᑕ.

ᑕᑯᓗᒍ ᐃᓚᓕᐅᑎᓯᒪᔪᖅ ᐊᑦᑕᑕᕐᕕᒃᓴᖅ ᐋᓐᓂᐊᕕᖕᒥ ᑐᑦᑕᕐᕖᑦ ᑲᓇᑕᒥ ᖃᓄᑐᐃᓐᓇᖅ ᑐᑭᓯᒋᐊᒃᑲᓐᓂᕈᒪᒍᔅᓯ:

https://www.canada.ca/en/public-health/services/diseases/2019-novel-coronavirus-infection/health-professionals/guidance-schools-childcare-programs.html#fn8

ᓴᓗᒻᒪᖅᓴᐅᑎᑖᒃᑲᓐᓂᕆᐊᖃᕈᔅᓯ

ᖃᐅᔨᒪᐃᓐᓇᕆᐊᕐᓗᒋᑦ ᐅᓪᓗᓕᒫᖅ ᐊᓇᕐᕖᑦ ᐊᒻᒪ ᐃᓕᓐᓂᐊᕐᕕᐊᕈᓰᑦ ᓄᖑᔭᑦᑐᓂᒃ ᓄᖑᕈᑎᓕᒑᙱᒃᑲᓗᐊᕐᒪᖔᑕ ᐊᑐᐃᓐᓇᕈᖅᑎᓪᓗᒋᓪᓗ ᒪᑯᐊ:

  • ᐅᐊᓴᐅᑎᑦ
  • ᐃᒡᒍᑎᒃᓴᑦ
  • ᐃᖂᑎᒃᓴᑦ

 ᐊᔪᕐᓇᙱᑦᑕᕌᖓᓪᓗ:

  • ᐊᒡᒐᓄᑦ ᐆᒪᔪᓂᒃ ᑐᖁᕋᐃᔾᔪᑎᑦ
  • ᐆᒪᔪᐃᔭᐅᑎᑦ ᐊᓪᓚᕈᑏᑦ

Document:

ᐸᐃᕆᕝᕕᓐᓄᑦ ᐊᑐᐊᒐᐃᑦ ᒪᑐᐃᑲᓐᓂᖅᐸᑕ ᔫᓂ 1, 2020−ᒥᑦ.pdf